بجد فكرت فى ايه اللى يكون كل شاب محتاجه فى فتاة احلامه ؟

شكلها

اسلوبها

ثقافتها

كل حاجه تخصها

وهاكذا بالنسبه للبنات

اه هى مواصفات فتى احلامك

كل اللى يخصه

حتى اسمه

مش عارف يا رب الموضوع يعجبكم

محمد
والله انا نفسى اشارك
بس ايه المطلوب
انى اكتب مواصفات فتاه احلامى يعنى ولا ايه

اكيد يا عاشق الجمال
مستنيك

ياااااااااااااااااااه
حاجات كتير قوي
التدين والاخلاق طبعا
1- انه يكون بيحبني بجد( ودي بتشمل معاه حاجات كتيررررررر)
2-في نفس مستواي الاجتماعي و...................!!!!!!!!!!!!!!
3-رومانسي
4-مجنون زيي( يعني بيحب الافتكاست والحجات المجنونه)
حاجات كتيرة قوي مش ممكن استغني عنها بس مش فاكره دلوقتي
ميرسي لصاحب الموضوع
موضوع جميل قوي

انا اهم حاجه اخلاقه ودينه

ورمانسيته ويكون مرح وبيهزر زيي يعني

وبيحبني بجد
وبيغير عليا

ويقلش عن مستواي الاجتماعي

ومبيشربش سجاير

والشكل بقى

مش يكون اسمر اوي

ويكون طويل مناسب ليا يعني ومش رفيع يبقى طول وعرض وكده يعني

ثانكس على الموضوع

فارس أحلامي في ثلاثة كلمات

حنان

إخلاص

وفاء




و اللهي و اللهي مش عاوزة أكتر من كده

والله أهم حاجا عندي تلات حاجات


التدين

الأخلاق

المستوى الأجتماعي

امابأى الجمال وكل دا مش بيفرق معاايا ابدا

وبرضويكون مهم المستوى الثقافي

وتكون شاعرية وبتقدر معنى كلمة حب

انا فتى احلامى لازم يكون بيعرف ربنا ويكون متوسط فى كل حاجة ويكون حنين اوى ويكون طويل وبعضلات يعنى باين فيه الرجولة

هههههههههههههههه

حلو الموضوع وكبير عليكم انتم لسه صغيرين

هههههههه

اخترت والحمد لله

هههههههههههههههههههههههههههههههه...


انتو ايه حكاية مواضيع الجواز اليومين دول ...


كمان 10 سنين ابقى افكر باذن الله ... ..

ربنا يوفقكم بقى .. هههه

انا عايزة اقول ان الموضوع دة نصيب مش اكتر
بس يمكن بنحط مواصفات عايزينها
وعلي امل اننا نلاقيا
(مش عيب ان الانسان يحلم)
يعني مثلا انا بقول عايزة واحد بيحب بجد
وده مستحيل
هو في شاب بيحب بجد!!!!!!!!!!!!!!!!!!?????

ههههههههههه
المشكله ان الناس اللى بتحلم دى هتفتح عينها هتتخبط فى حيطه الواقع
عندى عنوان دكتور عظام كويس :D
ربنا يوفق الجميع فى دراسته الاول ولما يبقى يجى وقتها بقى

اهم حاجة تكون متدينة و كويسة و ترعاني


و تكون كوووووووووول و طايشة مش أتمه و رخمة

يعني ولو حلوة يبأي تمام اوي


بس الحمد لله انا اخترت و قررت و لقيت فيها المواصفات اللي فوق دي

<div class='quotetop'>إقتباس(midoragab @ Nov 27 2006, 07:41 AM) [snapback]242406[/snapback]</div>
متأكد انها نفس المواصفات
يالا ربنا يكرمك وابقي اعزمني ع الخطوبه

ههههههههههه
بالنسبه للموضوع بقي
اهم الموت\اصفات مش رغايه ومثقفه ومامتها ميته بس كدا

مواصفات فتى احلامي ؟؟؟؟
هو بس يكون متدين ..... يحبني ..... يقدرني ......في مستوايا الاجتماعي ...... طيووووب ومسامح وكريم معايا ..... رومانسي وفي نفس الوقت رجل يعتمد عليه B)
بس . وطبعا ده مستحيييييل . ;) ;) .
يمكن كمان 10 سنين الاقيه .
ميرسي اوي عاموضوع الجميل :rolleyes:
شكرا

مممم..

هرد تانى مدام الموضوع نشط ...

لازم تبقى "" وديعة "" .. "" اهلاوية "" .. "" لازم تموت فية "" .. "" اهلها طيبين "" .. "" ذكية .. بس مش اكتر منى طبعا ""...

مش فاكر غير كدة دلوقتى

بيسو الخطوبة يوم 32 من الشهر اللي بعد الجاي يلا تعالي هأكلك احلي فول و طعمية و هشربك عصير قصب ههههههه

الدعوة عامة و هتبأي لمة

الحقيقه يجوز يكون تفكيرى مختلف شويه
انا مومنه بما يسمى القسمه والنصيب
انا لازم الاول اضمن مستقبلى الاول فى الدراسه
وفى العمل يعنى :)
لازم اكون نفسى من الناحيه العمليه والوظيفيه
وبعد كده ابقى افكر فى فارس احلامى
لكن على العموم احب انه يكون :rolleyes:

متدين كتيرويعرف ربنا كويس علشان يعرف يحافظ عليا كويس
يكون من نفس مستواى الثقافى علشان نقدر نكمل لبعض
ولازم طبعا يكون رومانسى الى ابعد الحدود :lol:
وحاجات كتير كمان لكن صعب نلاقيها بسهوله
وميرسى على الموضوع كتير
بجد الموضوع جميل

موضوع غريب بس حلو
عادى اى حد يكون محترم وخلاص الموضوع مش مستاهل بس ايه حكايه مامتها ميته دى يا عم بات مان

موضوع رائع بجد

ربنا يحقق لكل واحد طلبه ان شاء الله

<div class='quotetop'>إقتباس(dreams @ Nov 30 2006, 10:39 PM) [snapback]243425[/snapback]</div>
ههههههههههه
عشان استريح من الصداع ومن الصوت العالي ومن رايحه عند ماما ليل نهار


ياض يا احمد هو الشهر ع حد علمي 30 يوم انتا شكلك بخيل ومش عايز تعزمني

هههههههههههههههه

فتاة أحلامي أنا ممكن أرسمها بس مقدرش أوصفها

سمعتوا عمرو دياب وهو بيقول ما يتحكيش عليها بالظبط كده

.
.

<div class='quotetop'>إقتباس(صفاء الروح @ Sep 15 2006, 05:16 AM) [snapback]220477[/snapback]</div>

السلام عليكم
يعني اية فتااة احلام
هو لسة الوصف دة موجود يعني زي زمان كدة واحدة جميلة لابسة ابيض في ابيض وحلوة قوي؟
او فارس الاحلام اللي هايجي ويخطفها علي حصان ابيض؟
مااعتقدش حتي الحب بقي له اعتبارات اخري
يعني مثلا البنت مهمتها انها تحب الولد وزي ما بيقولوا توقعه والعيلة عليها الباقي بقي
طالاما بتحبها هات شقة ب40 الف جنيه علي الاقل
وهات شبكة ب 15 الف جنيه علي الاقل
وهات وجهز الشقة ب40 الف علي الاقل
واعمل فرح في فندق ب 20 الف علي الاقل
يعني غير الهدايا والخروجات يبقي المحصلة
115 الف جنيه
حد يقدر يقولي شاب مين اليومين دول معااه 100 الف جنيه وهو لسة ناشئ
علي فكرة مش بتكلم عن نفسي
الحمد لله ربنا يخلي الحاج صاحب البيت

مواصفاته
يكون حنون رومانسي ويقدر يفهمني وافهمه
يعني ....................حاجات كتير للاسف مش موجودة في الزمن ده
عند اغلب الشباب

أولا شكرا على الموضوع

ثانيا مواصفات فتاة احلامى



انها تكون مهذبة و جميلة و محترمة مثقفة و بنت ناس كويسة و متعلمة تعليم عالى و تكون متواضعة

و تكون رومانسية و بتحبنى و احبها و تفهمنى و افهمها

بس كدة مش عايز اكتر من كدة

وشكرا على الموضوع

والله انا مواصفات فتاه احلامى صعب اوصفها
اهم حاجه عندى تكون متدينه وهاديه وقموره وتحبنى بجد وتخاف عليا
وتكون مبتسمه دايما (مش بحب النكد) ورومانسيه اوى
بس كده خلاص
سلام

انا مواصفات فتاة احلامى

طيبة وبتقدر الحب وتفهم معنى الحب ويكون دمها خفيف وتكون متفاهمة معايا

يا جماعة الموصفات كتير اوى

ده غير القسمة والنصيب

من الموصفات دى

تكون متدينة

تحبنى :wub: اوى زى ما هاحبها

رومانسية و شاعرية اوى :wub:

توكن مخلصة

دمها خفيف

لو جميلة ماشى

لا تكون من جيل القرن الخامس

يعنى روشة على حد معين مجحنونة عاى الاخر زى

تحب الناس فى الله

نظيفة ومنظمة

ثقافتها تكون انجليوى عشان تعلمنى

المستوى مش بيفرق مع الحب

حاجات كتيرة مش هاقدر اعدها بس اهمها(الحب الجامد اوى) ;) :) :wub:

اولا شكرا ع الموضوع
انا كل شوية اكتشف حاجة جديدة اتمناها فى فتى احلامى و الاقى ان فى حاجات كنت باتمناها بس كنت هبلة
انا نفسى يكون بيحبنى و بيعرف يعبر عن حبه و دى مشكلة ناس كتير
واثق فى نفسه بس مش مغرور
فى توافق فى المستوى الاجتماعى و الثقافى
و يعجبنى تفكيره و ارائه
مجنون بس مش دايما ...............
وطبعا حنين و طيب بس قوى

<div class='quotetop'>إقتباس(ahmed monsif @ Dec 19 2006, 03:43 PM) [snapback]247942[/snapback]</div>اقصد طبعا والدي
ماحدش رد ليه علي سؤالي اتمني حد يجاوب

الرد على السؤال ده يا احمد ان كل شاب لازم ياخد اللي في مستواه الاجتماعي ...
في ناس بتفرق معاها الحاجات دي وفي ناس مش بتفرق معاها ..
ولو دخلت على ناس وفهمتهم ظروفك المادية كويس وانت هتعمل ايه وهتجيب ايه .. لو هم رضوا بيك يبقى دول
ناس بتقدرك وهيبقوا دايما كويسين معاك
..... انما لو ما وافقوش يبقى مش هيقدروك وهيبقوا مش هم دول المتوافقين معاك ..
يعني من الاخر مش لازم كل شاب لازم يختار بنت متوافقة معاه في مستواه المادي والاجتماعي ..
سوري طولت شويتين ;)

طب لقيت فتاه احلامي و فيها كل المواصفات ومش عارف اصارحها

السلام عليكم
شو المشكلة لما اتصارحها
واعتقد لو كنت جاهز دق على الباب واسمع الجواب
ولو ما كنت جاهز صارحها وشوف هيكون ردها ايه
العملية بدها شوية جراءة
وربنا يوفقك

السلام عليكم
موضوع جميل
بس بما ان مفيش حد بيتجوز اليومين دول فمفيش مشاكل بقى ان الواحد يبني احلام في الهوا ويحلم وخلاص
بالنسبالي بقى
اتمنى من ربنا يرزقني بانسان
متدين خلوق طيب حنين ذو مستوى اجتماعي مناسب ليا ويكون من كليات القمة وياريت لو دكتور طمع بقى
ويكون من اسكندرية ومايكونش مغترب ويكون طبعا نسب يشرف ويكون خجول وبيحبني جدا دة طبعا لازم ومايكونش ليه تجربة حب قبلي ويسمحلي اني اشتغل ويكون عايز طفلين مش اكتر كمان مايكونش انسان تقليدي زي بقيت الشباب يعني مايبقاش زي شباب مجتمعنا الشرقي مع احترامي ليهم طبعا بس اتمنى يكون غيرهم اتمنى يكون صريح اوي اكون سره ويكون سري يفهمني وافهمو وعايزاه رومنسي دة طبيعي يكون بيحب القراءة ومثقف اوي وبيحب الشعر وياريت يكون بيكتب شعر ويكون انسان مش سطحي ومش بتهمو المظاهر اوي ومع ذلك مفيش مانع اكيد انو يكون شيك
اما بالنسبة للشكل بقى فده مايهمنيش كتير بس المهم يكون مقبول شكلا يعني ارتاحلو وحبذا لو كان ابيض ورفيع

انا عارفة بقى اني طماعة اوي بس بما ان كدة كدة مفيش جواز فالواحد يحلم برده مفيش مشاكل :D
شكرا ع الموضوع وبجد جميل

مممممممممممممممممممم فتاة احلامي انا :)
اكيد لازم تكون متدينة ومستواها الاجتماعي كويس
لازم تكون حساسة اوي وخجولة جدا وبتعيط كتير اوي ( محدش يسألني ليه ):D
تكون مثقفة وليها في الشعر عشان تحس بيا وتكون رومانسية
الجمال تكون متوسطة الجمال مش عاوزها جميلة اوي عشان ممشيش اتخانق في الشارع

الموضوع جميل بس غريب
ويارب تتحقق امانيكم

يعنى هى حبة مواصفات ممكن تكون غريبة شوية بس مش مهم نقولها وخلاص
عاوزها تكون بتضحك وتهزر كتير
وموطيعة فى الوقت الى مينفعش فية الا قرار واحد الى هيبقى قرارى انا طبعا
ومشاركة دايما معايا فى الوقت الى ينفع فية المشاركة
وطبعا تكون بتحبنى وكمان تكون بتكمل اى نقص عندى زى ما انا هكمل اى نقص عندها
وطبعا دايما تكون جمبى فى كل ازمة وتحسسنى بوجودها فى حياتى على طول
واكيد لازم تكون ملتزمة وعلى خلق ومن بيت محترم
ومدبرة ومستعدة للسفر للاى مكان فى اى وقت
لو حد لقى المواصفات دى يبقى يقلى

تكون جميلة و رومانسية دية اهم حاجة طبعاا ولازم تكون طيبة وحنونة و مرحة بس مش زيادة عن الزوم لا تقلب بنكد
;)