يلا 0000000000فيزياء
 

بسم الله الرحمن الرحيم
بما أنى مش لاقى حد عمل موضوع نبدأ نراجع فيه فيزياء بنظام
فقلت أعمل أنا موضوع نراجع فيه كلنا الفيزياء ونبدأفيه من الوحدة الأولى
يلا اللى عاوز يحط أى أسئلة عنده يحطها هنا بس تكون الأسئلة دى على الوحدة الأولى وبعدين نبقى نشوف التانية والتالتة وهكذا
أنا فى المرفقات حطيت الامتحان اللى كان حطه الأخ مينا فى موضوعه رحلتى مع الأولمبياد وذلك بعد أن قام أحد الأعضاء بتجميعه واللى عاوز أى حاجة فى الامتحان أنا ان شاء الله موجود
أنا دلوقتى معايا كل اجابات الأسئلة ان شاء الله
يلا نبدأ

و الله مستنى اى حد يعمل موضوع من بدرى

بس للاسف انا مش مراجع علشان كدا معنديش اسئلة حاليا

هفتكر شوية اسئلة و اشوف اسئلة التحان ده



معاك يا حموكشة

لو تقدر تعمل نموذج اجلبة على بعضه عشان نتفض من الموضوع ده ونشوف منهجنا الاول
وانا معاك فى المراجعة انشاء الله بس نحدد حاجة اول باول

ياريت الأسئلة اللى أنت عايزها تقولها بس يكون فى اليوم المخصص لمراجعة الوحدة اللى هيا موجودة فيه
أنا قولت ان احنا ان شاء الله هنبدأ من الوحدة الأولى عادى ودا ان شاء الله هيكون من بكره لأنى لسه بردوا زيكم مش فتحت كتاب
على فكرة ياجماعة أنا اسمى أحمد

يلا خدو سؤال قبل ما نحدد حاجة عل السريع كده
وضح ثلاث انواع من السريان مع شروط كل نوع

ياريت كلنا نلتزم بالجزء اللى المفروض هنراجعه بس

طب معلش ممكن اجابة السؤال ده من الامتحان :

علل :
القوة التى يؤثر بها الضوء على سطح عاكس تماما ضعف القوة التى يؤثر بها على سطح ماص

لأ عادى ولايهمك أنا السؤال ده لسه فكره بس على فكرة دا مش فى الوحدة الأولى
المهم
لأن السطح العاكس يعكس الضوء مرة أخرى وبذلك يكون التغير فى كمية تحركه ضعف التغير فى كمية تحرك الضوء الساقط على السطح الماص (دا على م أتذكر)

طيب السؤال ده بقى من الوحدة الاولى يا احمد :

تعتمد فكرة سماعة الطبيب على ظاهرة .................

انعكاس الصوت-تداخل الصوت- حيود الصوت - انكسار الصوت

علشان أكون صريح معاك فيه كمان اجابة للسؤال ده فى الفيزياء الحديثة بس اعذرنى مش متذكرها دلوقتى لما نبدأ نراجع فيزياء حديثة هأكتبه ان شاء الله

خد المسالة الجامدة دى يا عم احمد
المسائل اللى انا عاوزها موجودة فى موضوع الى مينا بس انت ما ردتش عليا فيه

السؤال ده من كثرة تواجده فى المنتدى ده الواحد قرف منه
بص أكيد أنت معاك نماذج الوزارة والمثالى خد اجابته واتكل على الله
يعنى اكتب انعكاس الصوت وربنا يتولك ويتولنا برحمته

ان معرفش ليه
بس هو موجود كدا فى اسئلة الوزارة على الوحدة الاولى

تداخل
على فكرة السؤال ده اتكلرر على المنتدى 100000000000000000000000000000000000 مرة :abdoog8::abdoog8::abdoog8:

ان شاء الله هفكر فى السؤال لأنه باين أنه جامد شكرا ليك
أما بالنسبة لمسألة قطعة الخشب بتاعة أرشميدس ان شاء الله هكتب لك الحل هنا بس لما نخلص الوحدة الأولى وندخا فى التانية
علشان بس النظام

ياريت الكل يشارك معانا ياجماعة

يا جماعة تداخل وواضح جدا والتفسير انه فيه تداخل وانعكاس بس فكرة العمل تداخل لان الهدف منها تقوية الصوت ليسمعه الطبيب
ماكان حط ودنه جنب المريض وسمع وخلاص ههههههههههههههههههههههه!!!!!

سؤال الرسمة
أعتقد أنه لايسمع صوت
لأن المسافة أكبر من 17 م


و سؤال السماعة هى الحيود وعندى التعليل

سورى يا جماعة انا مكنتش اعرف انه اتكرر على المنتدى لانى مكنتش متابع

اى اسئلة على المنتدى اصلا

أنا عارف أن كل المدرسين بيقولوا تداخل بس الناس اللى بيحطوا الأسئلة دى على موقع الوزارة هما اللى بيحطوا الامتحانات يعنى نكتب اللى هما عاوزينه وخلاص
ياريت محدش يتكلم فى السؤال ده تانى علشان الموضوع ده مش يتحول لكلام فارغ
محدش معاه كتاب الوسام الأحمر جنبه دلوقتى

ايه يا جدعان ماحد يحل بتاعة السريان حتى

ايوه معايا

علل :

كلما زادت كثافة الوسط قلت سرعة الضوء فيه ؟

ايه انت نمت ولا ايه

طيب بص الامتحان التالت على الوحدة الأولى تقريبا السؤال الأول ج
بص هى المسألة كانت زى سؤال الاختيارى بتاع السنة اللى فاتت ياريت تكتبها أصل الكتاب مش معايا دلوقتى

سؤال سهل :

عند صنع ليفة ضوئية مكونة من طبقتين يكون معامل انكسار الطبقة الداخلية ...... الطبقة الخارجية


اكبر من - اقل من - يساوى

عموما سلام النهاردة وتقابل بكره الساعة 12 فبل صلاة الجمعة

لأ طبعا بعد الصلاة هيكون أفضل

ماش بس أرد على السؤال ده
أقل

معلش ياجماعة أنا كمان همشى أصلى لسه مش ذاكرت حاجة نتقابل بكره باذن الله

سلااااااااااااااااااااااام بقى ربنا يوفقنا جميعا
اللى عايز يكتب أى سؤال يتفضل براحته بس ياريت يكون فى الوحدة الأولى

انعكاس الصوت بدون جدال ولا تحتاج مناقشة لانها 100% انعكاس و فكرة عمل سماعة الطبيب من تطبيقات الانعكاس
و ارجو ان اكون قدمت الى كل الطلاب الفائدة و شكرا

انا هذاكر بالعكس ان شاء الله
هبتدى بالكهربا وبعدين الخامس
المفروض الناهرده كنت اذاكر الاول بس الماتش ضيع اليوم

واضح ؟

]

ليه؟؟؟؟؟؟؟؟؟؟؟؟؟؟؟؟؟؟

هو الموضوع دا للولاد فقط ولا ينفع نشارك معاكم؟؟؟

الناهرده فعلا ضاع ف الماتش للاسف

بس معظم المدرسين بيقولوا احسن نبدأ بالالكهرباء والحديثه علشان نبقى خلصنا منهم

مش عارفه بقى اعمل ايه

انتى هتحلى عيلهم منين

يااااااااااااااااااااااااااااريت يا جماعة مافيش حد يركز على الصعب بس

ده كمااااااااااااان من الافضل اننا نبدا بالكهربية

لانها عليها 18 درجة فى الامتحان

وبعد كده الفيزياء الحديثة عليها 16 درجة

علشان تبقى خلصت منهم

وتبقى بتلعب فى المضمون

ولا ايه؟

وبعد كده الباب الاول والثالث

وفى الاخر التانى لانه اقل فصل عليه درجة

ويا جمااااااااااعة نصيحة


دلوقتى قدام كل واحد فينا بالظبط 6 ايام على الامتحان

يعنى الدقيقة ياما تتحسب ليك يا ما تتحسب عليك

انت اللى مالكها

يعنى ما فيش حد يحاول انه يضيع ثولنى

واللى حتى ربنا ما وفقهوش فى العربى والانجلش

حتى لو نقص ربع درجة يعنى

قدامه 150 درجة المفروض انه يموت نفسه

علشان اجيبهم

اووكى؟

وتحلوا كل المسائل الموجودة واللى انت حليتها

بس بالورقة والقلم

ما تعتمدش انك شوفتها قبل كده

وهتعرف تحلها شفوى

الفيزياء مش هينة يعنى محتاجة حد واااااااااااااعى وفاهم هو بيذاكر ايه بالظبط

اتفقناااااااااااااااااااااااااااااااااااا؟؟؟؟؟؟؟؟؟ ؟


اختكم فى الله هنااااااااااااااااااااااا

معلش هتقل عليكم

نسيت اقول حاجة

ياريت مافيش حد ياااااخد حاجة او اى ماده تانى جنب الفيزياء حتى لو خلصها بدرى

يعنى ولا مستوى ولا فرع من فروع رياضة

وخاصة المستوى لعلمى علوم

لان انت اساسا واخد المستوى علشان ارفع مجموعى

واكيد طبعا مش علشان ارفع مجموعى واحد فى الميه

اضيع اتنين فى الميه فى الفيزياء ولا ايه؟

ده اسبووووووووووع الفيزياء

لان المفروض يحصل انعكاس كلى فى الطبقة الداخلية

يعنى لازم تكون اكبر كثافة و لما تكون اكبر فى الكثافة يبقى اكبر فى معامل الانكسار

طبعا ينفع الكل يشارك

محدش قال انه للولاد فقط

كلااااااااااااااااام مظبوط يا هنااااااااااااا
الاسبوع ده فيزيا و بس

فيه سؤالين فى الصفحة اللى فاتت عن السريان والصوت ماحدش عاوز يحل ولا ايه

الصوت ينقسم إلى جزءين الفرق بين طولي المسارين ( فرق المسير ) = 4 سم يساوي نصف طول موجي فيكون التداخل هدمي فلانسمع صوت (صمت )
أي خدمه

او ممكن نقول ان معامل انكسار زجاج الطبقه الخارجيه اقل فتقوم بانعكاس الضوء المتسرب اليهامن الطبقه الاولي انعكاسا كليا للداخل مره اخري و بذلك يمكن الحفاظ علي الشده الضوئيه للضوء المنقول بالليفه الضوئيه

ايه يا عم الكلام الجامد ده؟؟؟!!!!
عامة طبعا كلامك مية المية صح,وفي واحدة اسمها (مسرة)جديدة قالت الكلام ده برده.

اسئلة عل الفصل الاول
اختر:-
يتناسب متوسط طاقة حركة الجسم المهتز 00000 سعة الاهتزازة
(طرديا مع - عكسيا مع - طرديا مع مربع - عكسيا مع مربع )
علل:-
1- سرعة الجسم المهتز عند اقصي سعة اهتزازة = صفر.
2- عند طرق شوكة رنانة بقوة فإنها تهتز ثم تسكن بعد فترة.
مسألة:-
القي حجر في ماء بحيرة فأحدث 20 موجة . وكان قطر الموجة الاولى 120 سم .
احسب الطول الموجى للموجة المنتشرة.
ملحوظة:-
كل الموجات الكهرومغناطيسية مستعرضة وليست كل الموجات المستعرضة كهرومغناطيسية
كل الموجات الطولية ميكانيكية وليست كل الموجات الميكانيكية طولية.
ربنا معاكم جميعا