|
الدروس الخصوصية
http://www.ikhwanonline.com/Data/2007/8/26/ikh14.jpg
لا يكاد أولياء الأمور ينتهون من استكمال فرحتهم بنجاح أبنائهم في امتحانات الثانوية العامة، ولا يلبث المدرسون أن يلتقطوا أنفاسهم من حصص المراجعات النهائية حتى يبدأ الطلاب الجدد في حجز مواعيدهم للعام الجديد.. الموسم الجديد هذا العام بدأ بالفعل منذ عدة أسابيع مع تقاليع جديدة في عمليات الحجز منها على سبيل المثال قيام بعض المدرسين بفتح مكتب وتعيين سكرتارية لجمع الحصيلة، وتنظيم الدخول والخروج وإحضار المذكرات من المطابع، ويتحكَّم في كلِّ هذه المهام برنامج كمبيوتر، ويبلغ مرتب السكرتيرة وحده 500 جنيه!! الدروس الخصوصية أصبحت واقعًا في حياتنا اليومية، وبعد أن كان الدرس الخصوصي يرتبط في الماضي بأحد طالبين؛ إما أن يكون الطالب ضعيفًا للغاية، وبالتالي يحتاج إلى جهدٍ مضاعف واهتمامٍ متزايد، أو أن يكون الطالب غنيًّا فيصبح الدرس الخصوصي في هذه الحالة نوعًا من أنواع الرفاهية، لكن ما يحدث اليوم من تحول المدارس إلى أماكن ترفيهية يذهب إليها الطلاب للترفيه عن النفس حتى يستطيعوا مواصلة الكفاح في "الجري" وراء المدرسين من منزلٍ إلى منزل، ومن "سنتر" إلى "سنتر"، ويتحوَّل المدرس إلى "تاجر شنطة"، ويصبح وجوده في المدرسة مرتبطًا باحتياجه إلى اصطياد زبائن محتملين. http://www.ikhwanonline.com/Data/2005/9/17/21.jpg المدرسة أصبحت مكانًا للترفيه ومَن يتمكَّن منهم من تحقيق شهرةٍ يستغنى تمامًا عن الوظيفة "الميري" ويحترف الدروس و"السناتر"، ولا يتوقف عمله هذا على تحقيق دخلٍ معقولٍ أو زيادة ضرورية يحتاج إليها بل يتحوَّل الأمر إلى "بزنس" لا يتوقف، وشهوةٍ وشهرةٍ فائقة يستطيع من خلالها التحكم في الطلاب وأولياء أمورهم، بالإضافةِ إلى تكوين ثروةٍ لا بأسَ بها تمكنه من شراء الأملاك وسيارة فارهة وشاليه بالساحل الشمالي. وهذا الأمر يدعونا إلى أن نُسمِّي ما يحدث هذه الأيام بـ"العصر الذهبي لمدرس الثانوي"، فالأموال تهطل عليه كالأمطار مثله مثل أي رجل أعمال، ويصبح الحديث عن الكادر الخاص الذي أقرَّته الحكومة- بعد جهدٍ جهيد- نكتة ربما تصدق أهميته لمدرسي الأقاليم أو مدرس الابتدائي والإعدادي، ولكن مدرس الثانوية العامة هو كادر خاص بالفعل.. ولا يحتاج أي كادرٍ خاص، فالدروس مستمرة صيفًا وشتاءً، وأحيانًا دون حاجةٍ إلى شيءٍ سوى رغبة الأهالي في الشعور أنهم قدَّموا لأبنائهم كلَّ ما يستطيعون. ولكل موسمٍ وقت لذروته، وذروة موسم الدروس الخصوصية تتمثل في أيام المراجعة النهائية وما قبل الامتحان، والتي يتنافس "يتصارع" فيها المدرسون لجمع أكبر قدرٍ ممكن من أقوات الأسر المنكوبة بالدروس حتى إن بعضهم يقوم بتوزيع إعلانات ورقية و"بوسترات" تحمل أسماءهم وأحيانًا صورهم، والمواد التي يُدرِّسها ومعها رقم تليفونه المحمول مثل أي سلعةٍ أو محل!! |
مشكوووووووووور
|
لية ديماً جايين على المدرس الغلبان مع العلم إن في ناس تانية بتنهب فلوس عمال على بطال قصاد شغل بسيط جداً فمثلاً :
* واحد شد لي سلك النت من على بيتنا إلى بيت جارنا و خد 30 جنية مصنعية في ظرف نصف ساعة * و واحد بحفار زق شوية حديد من عربية نقل و وقعوا على الأرض و خد 100 جنية في ظرف 10 دقائق * و الدكتور اللي بتخشلوا و تدفع 100 جنية ثمن الكشف في ظرف 10 دقائق و شوف بئة كام عيان بيدخله في اليوم * و غيرهم كثييييييييييييييييييييييييير و بعدين الدكتور من حقه يفتح عيادة عادي بالرغم من وجود المستشفى اللي بئة مكان ترفيه له أيضاً حرام عليكم 00000000 على الأقل المدرس بيتعب جداً في الشرح مع العيال الأغبية و المنفضين و المش مؤدبين المنتشرين دلوقتي و يصاب بأمراض العصر من ضغط الدم و نزيف المخ و شلل نصفي 0000000ألخ |
انت بتقول ان المدرسة اصبحت مكان للترفية ادى بقى ليها لزمة وانا مع الاستاذ هشام بس انا طالب مش استاذ
|
اقتباس:
الكلام دا على الي ما عندة ضمير و مش بيهموا اي حد غير نفسه و الفلوس , يا مستر معلش انا مثلا السنة الي فاتت كنت بحس و انا في الدرس كمان ان المدرس مش بيهموا تفوق الطالب دا عايز فلوس ..ليه باه ميكونش في ضمير تعرف هشبهها بحاجة اقرب .مثلا بابا و ماما بيدفعولي فلوس المدرسة و الدروس الي باخدها و مصاريفي و كده عشان هم بيحبوني احسن ولا عشان مستنين مقابل اني لما اكبر اشتغلهم هم و تكون لمصلحتهم مش حبا في بنتهم؟؟انهي هيخليني اذاكر بحب ؟ و الموضوع دا على معظم المدرسين فعلا دلوقتي و الا من رحم ربي اكيد ! |
اقتباس:
احنا مثلا في السنة الي فاتت كنا سنةاولى ث كنا بنروح المدرسة عشان مش نتاخد غياب بس و لو كان مدرس بيشرح و كده كان بيشرحلنا عنواين الدروس عشان لما الموجه يساله و كان معروف طبعا ان الكل بياخد دروس مع ان كان في ناس كتير مظلومة و مبتاخدش ,,و طبعا معروف ان سنة تانية و تالته ث محدش بيروح المدرسة غير اول شهر بس |
اقتباس:
و من هنا المفروض يجي دور الطلبة و أولياء الأمور اللي للأسف بيركزوا على إن المدرس دة مشهور و بيجروا وراء الشهرة إنهم المفروض يرفضوا المدرس دة و يتجهوا لمدرس آخر يكون بيفهم بجد على العموم المدرسين اللي إنتي بتقولي عليهم دول خلاص قربهم يختفوا أو يضيعوا في ظل الأمتحانات الجديدة اللي بتعتمد على فهم الطالب مش الحفظ |
بجد فيه بعض المدرسين عندهم ضمير
وبيشتغلوا كويس جدا فى المدرسة لكن اولياء الامور عندهم قلق على اولادهم لذلك يعطوهم دروس حتى لايشعروا بالتقصير وبصراحة الدروس اصبحت عدوى بين الطلاب ومعظم الطلبة لاتكتفى بمدرس واحد للمادة الواحدة فتجد الطالب عند مدرس يشرح الكتاب من الاول واخر يشرح الكتابمن النصف علشان يلحق يخلص والبعض الاخر عند مدرس يشرح وقبل مايخلص يبدأ مراجعة عند مدرس اخر |
فعلا الدروس بقت عدوى زي ما بتقولي يا ريم
او في بعض الاحيان إجبار عشان مفيش وسائل تانية *بس اكيد في مدرسين عندهم ضمير و في معندهمش خاالص"الا من رحم ربي" و حضرتك كلامك صح جدا يا مستر هشام |
ياسيدى الفاضل كلامك فيه كثير من الظلم لمعظم المدرسين فهو لاينطبق علي كل المدرسين فأنا مدرسه ومع ذلك أرفض الدروس تماماً وقد عرضت علي كثيراً ورفضتها لأن وقتى بعد المدرسة ملكاً لبيتى ولأولادى أما بالنسبة للمدرسة فهي مظلومة فالمدرس مع وجود الضمير وأكرر وجود الضمير مرتبط بمنهج ومنهج الثانوية العامة موزع حتى شهر مايو فمتى سينتهى الطالب من المنهج ومتي سيراجع وكلنا يعرف بعبع الثانوية العامة في البيوت فلن يطمئن ولي الأمر لهذا لذلك هو من يسعى وراء المدرس حتى يضمن لأبنه أقصى إستفاده
|
حضرتك انا مش معنى اني ضد الدروس يعني انا مباخدش دروس انا باخد مجبرة لان مفيش وسيلة تانية لضمان اني اكون فاهمة و مستريحة , و انا كررت كذا مرة ان بقى معظم المدرسين معندهمش ضمير (الا من رحم ربي)
و انا ماما مدرسة ذي حضرتك و مبتقبلش دروس و بتدي كل المعلومات في الفصل يعني بجد عندها ضمير جدا و عندي بردة بعض المدرسين بتوعي كده يعني انا مش بجمع المدرسين انا بقول معظمهم دلوقتي و بارك الله فيكي |
thanksssssssss dear
|
اقتباس:
الله يكرمك على الرد ... ياريت حد يفهم لو فى شوية طماعين هل يبقى الكل طماع !!!!!!! |
شكراً على مروركم مستر محمود صادق و يمنى و ريم
|
اقتباس:
7dretak bet7sed wala aih ya mestar |
M0shkila
تصدقوا بالله ياجماعة يمكن انا اكتر واحد تعبان فى موضوع الدروس دى لدرجة ان انا زهقت اخر حاجة ومش عارف اعمل ايه ..:confused: مثلا عندنا هنا مدرسين وناس بتقولى خد عندهم بدل ما تروح بعيد ووقتك يضيع ومش هتعرف تذاكر وناس بتقولى ماتخدش هنا وخد بعيد افضل بكتييير لدرجة ان انا مش عارف اقرر (( علما بان المجموعة بيبقى فيها حوالى اكتر من30 دى بالنسبة للبعيد)) انا بالسنة الجديدة2009/2010 ان شاء الله ثانية(مرحلة اولى) وهاخد الدروس كلها ان شاء الله. __ انا واللى معايا كلهم هنبدا ان شاء الله فى اول شهر8 --- بس هى دى حكايتى مع الدروس ---------------------------------- --------------------- -------- ---- - وتحياتى للدروس وللمدرسين وللتربية والتعليم:078111rg3: _ > > > سلام عليكم |
اقتباس:
شكرأ و بارك الله فيك |
على رأي استاذي "همة 5 درجات غياب و 5 سلوك ترجع الامور تاني لطبيعتها" :)
بس هية الوزارة مع الاسف مش سأله !! جزاكم الله خيرا على الموضوع |
نحن الطلاب لا نستفيد من المدرسة لذلك نلجا الى الدروس الخصوصية
او لان الاباء يعودون الابناء على الدروس الخصوصية منذ الابتدائى |
اقتباس:
بس اولياء الامور من وجهة نظري عودوا اولادهم ع الدروس من و هم صغيرين عشان للاسف المدرسة مش بتفيد غير ان بعض المدرسين معنهومش ضمير.مثلا انا كنت مبخدش دروس خالص لغاية ما دخلت اعدادي عشان كنت ف مدرسة خاصة و بعد ما اتنقلت لحكومة اكتشفت انهم لما بيشرحوا بيكون عشان دا روتين و بس |
يجب الا نعمم الموضوع حتي لا نظلم احد
|
اقتباس:
|
اقتباس:
انا قولت اكتر من مره "الا من رحم ربي" بس دا مش معناه اني بنكر ان معظم الي في مصر دلوقتي ينطبق عليهم الموضوع دا و شكرا لمرورك |
معلش ردا علي استاذ هشام!!
اولا الدكتور اللي بياخد 100 في الطشف ده بيكون اتعصر و اتفشخ و اتمسح بكرامته الأرض عقبال ما أخد سبع سنين بكالوريوس و 2 و لا تلاتة ماجستير و حطلك ييجي 3 او 4 سنين كمان عشان يبقي بدرجة دكتور و هنا الناس حتفكر تروحله!!! يعني أنا حاقول لحضرتك علي حاجة أنا لي قريب بدرجة استاذ و معاه الزمالة من بريطانيا أقسملك ماعرفش يفتح عياده في مصر و هو دلوقتي عايش في انجلترا متقدر علي الأخر (دول بتقدر العلم بقي) و خد الجنسية و بقي تمام!!!! الغرض من كلامي ان اللي بيوصله للمرحلة دي مابيوصلولهاش بسهولة أما بقي سيادة المدرس الخصوصي "المحترم" فده اخره تربية 4 سنين و ممكن تلاقيه جاهل أساسا و عفوا في اللفظ "حماااار" بس تقول ايه بيعرف يضحك علي شوية العيال اللي معاه و يسرق أهاليهم و لو عايز اقول أسامي فم أكثرهم |
اقتباس:
و طبعا الدنيا كلها بتكمل بعضها في كل مهنة و طبعا المدرس هو الي بيخرج الدكتور و المهندس و العامل و الاجيال مننكرش خالص بس بنتكلم على المهزلة في الدروس الخصوصية الي بتحصل دلوقتي و معظم المدرسين بقوا معندهومش ضمير في المدرسة و بنضطر اننا ناخد دروس المدرسة بقت مكان روتيني بس |
ياااااه يا موني ده انتي جيتي على الجرح.... الواحد قرفان وزهقان ومخنوق من اتفاقات الدروس وهنروح وهنيجي وافلام كده مش
عارفة هتخلص امتى؟؟؟؟؟ اما بقى اساس المشكلة اصلا ده نظام تعليم فااااااشل من الاساس .... من كل حاجة يعني هقولك مثلا فيه بعض المدرسين بجد معند همش ضمير خالص انا قولت بعضهم عشان محدش يقول بنعمم.... اوكي بس نسال نفسنا سؤال تاني هما بياخدوا مرتب كام؟؟؟ انا مش برر اللي هما بيعملوه خالص بالعكس انا ضده تماما ... بس تخيلي معايا لو اتوفر للمدرس حقه المادي كاملا زي بقية الدول اللي بتفهم وتقدر...اعتقد ان ده هو الحل .... مش هيبقى محتاج لدرس او مجموعة او كده... وسيبك بقى من المدرسين وهقولك حاجة يعني لو المدرس مثلا بيشرح كويس جداااا وبضمير جوه الفصل وكل حاجة احنا مش هناخد درس؟؟؟؟ لا طبعا هناخد برده ... طب هتساليني ليه؟؟ في المدرسة ليهم معاد معين يخلصوا فيه المنهج وبيبقى قبل الامتحان بحاجة بسيطة جداااااا وده طبعا تقرير من الوزارة, بيبقى غصب عني هاخد درس عشان الحق اخلص... ووصلنا لنقطة تاني في النهاية انه نظام تعليم فااااااشل من الاساس.... ياريت اكون قدرت اوصلك اللي عايزة اقوله ميرسي يا قمر على موضوعك الجميل..... |
اقتباس:
|
انه من الأسباب الرئيسية لإنهايار التعليم:
الدروس الخصوصية فهى سبب اساسي بالاضافة الى اسباب اخرى كثيرة فالدروس الخصوصية جعلت الطالب لا يذهب للمدرسة ولما يذهب للمدرسة طالما المدرسة ستكون فى بيته وجعلت المعلم لايشرح فى المدرسة ده فى حالة وجود طلبة وليه يتعب نفسه فى المدرسة (ام بلاش) ده على حد قوله طالما ها يعيد نفس الكلام فى البيوت مكانة المدرس قضى عليها تماما تخيلوا المدرس فى نهاية عدد الحصص وهو يمد يده ليأخذ ثمن الدروس وتخيلوا نظرة الطالب وهو ( يمن) على المعلم بثمن الدروس اعتقد المنظر ده لعين جدا مش عارف المعلم بيطيقه ازاى |
اقتباس:
مرسي لردك |
اقتباس:
صح يا يمنى الا من رحم ربي علشان مانزعلش حد ولا سبت ولا اى يوم من ايام الاسبوع |
اقتباس:
|
| جميع الأوقات بتوقيت GMT +2. الساعة الآن 04:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.