|
السلام عليكم
انا اخت ليكم في الله كنت في تانيه ثانوي واما النتجية طلعت صحبتي الانتيم بصراحه هي طلع عنده دور تاني في بعض المواد من يوم النتجيه انا مش كلمتها هل انا غلطانه؟ وهل المفروض تبقي علاقنتا عادي |
بجد انتي غلطانه فيها ايه يعني ان مستواها مش حلو
انا نص اللي بعرفهم ناجحين بالعافيه وفيه ساقطين انتي بجد غلطانه والمفروض تعتذري ليها |
اممممم
انتى اه غلاطانه ...بس كلميها دلوقتى عاادى ...مكنن مايكونش ليها لوم عليكى انا بكلم اصحابى على اساس مين اخر واحده اتكلمت ...يعنى مثلا لو انا اللى كنت كلمتها اخر مره ...وهى اللى ماتكلمتش بعدها يبقى هى اللى غلطانه وكمان ممكن يكون بينكم وسيطه ...بس افضل ان انتى تروحى تكلميها دلوقتى حالا ...بس ماتقوليهاش انتى زعلانه وماتقوليهاش حاجه على اللى فات اسئليها عن احوالها وعملت ايه فى الامتحانات وكده واتكلموا عااادى....واتمنى ان هى ماتكونش زعلانه وخصوصا ان هى انتيم |
جزاكم الله خيرا
بس اصل ولدتي طلبت منا اني مش اكلمه وانا بحبها جدا اعمل ايه؟ |
طيب مامتك مش عايزاكى تكلميها ليه ...؟؟
هل هى مانجحتش علشان عندها ظروف ؟؟ ولا هى لعبيه وبتاعه نوادى وخروج |
اتكلمي مع والدتك وحاولي تقنعيها لو مردتش يبقي تسمعي كلام والدتك
|
طبعا من المفترض انك تسمعي كلام ماما
وانت عاوزه تكلمى البنت المذكوره انا رايى تعرفى اسباب رفض والدتك ويتقنعك يتقنعيها وياريت ميكنش مستوى البنت هو السبب لأن دى قدرات |
<div align="center">السلام عليكم ورحمة الله
اولا انتي بتقولي هي صاحبتك الانتيم....يعني مش اي صديقه ... واكيد مرتبطين ببعض وبينكم زكريات جميله.... ثانيا بقي الصديق لصديقه وقت الشده.... يعني ماكنش المفروض تسيبيها بل بالعكس تقفي جنبها في محنتها... وتشجعيها تزاكر اكتر.... هو ده معني الصداقه...وزي فيه مقوله بتقول الصديق وقت الضيق.. يعني الصداقه مش مجرد اوقات جميله وبس ومرح...لا الصديق الحق لازم يقف جنب صديقه في محنته وفي احلك الظرووف.. يعني باختصار اقفي جنب صديقتك وشجعيها تزاكر اكتر وتجتهد....وكلميها حالا..</div> |
بالإضافه انك تدخلى لمامتك من ناحيه الأخلاق وممكن تكون والدتك شايفه حاجه انمت مش شايفاها
|
جزاكم الله خيرا
بس هي مؤدبه جدا بس اصلها بتزعل بسهوله جدا وكذا مره كان يبقي نفسي اكلمها ممكن تقولو لي اقولها ايه؟لما اكلمها |
اطمنى عليها عادى واعتذري واعرضى عليها المساعده فى انك تذاكرى معاها اى حاجه واقفه عليها
وحاولى انك تفهميها ان تقلل من الحساسيه وخصوصا معاكى لأنكم اخوات |
اه كلميها عادي كان مافيش حاجه حصلت...
وهي اكيد هتفرح بمكالمتك ان شاء الله.... وهترفع من معنوياتها... كلميها زي ماكنتوا بتتكلموا قبل كده بالظبط من غير اي فرق |
يا جماعه انا حاسه انها مش هعرف اقولها حاجه؟
|
لا عادي ماتكلميهاش خالص علي موضوع النتيجه او الدراسه
اتكلموا في اي مواضيع تانيه..... وخففي عنها هي اكيد محتاجالك كصديقتها دلوقتي.... |
طيب انا عندي فرح قريب اعزمها عليها ولا بلاش ؟
|
بصي اتصرفي عادي خالص زي ماقلتلك....دي انتيمتك برضه زي ماقلتي
وبجد صعب الانسان يللاقي صديق بجد الايام دي.... بصي روحي كلميها وارجعي قوليلنا عملتي ايه :)...... يللا مستنييين ......... |
ممكن سؤال
يعنى أيه الأنتيم مش فهمها ولا عرفها |
الانتيم يا استاذ جمعه...يعني صديقه مقربه جداااا
وغالبا بيكون لكل انسان صاحب انتيم كما يقولوا هو الاقرب اليه من باقي الاصدقاء..... يكونوا مثل التوأم ...يفهمون بعضهم البعض من دون كلام.... |
السلام عليكم انا اخدت قرار
مش هكلمها ايه رايكم؟ |
رايي انا وضحته
ولو مكلمتيهاش هتخسري كتير...وهتبقي مش اهل للصداقه.... بس والقرار ليكي في النهايه |
انتي زعلاتي انا قصدي انه في موقف كده حصل منها
بس في سؤال ماذا تفعل لو كنت مكاني؟ |
حطى نفسك مكانها كنت هتتمنى ان هى تصل بيكى ولا لأ
|
كنت هتمني بس انا خايفه تفسرها غلط
|
بصي يا بنت الاسلام انا مزعلتش...
بس انا قلتلك الصح اللي المفروض يتعمل..... |
انا مش حقولك تكلميها او متكلمهاش (دى حريتك الشخصية)
بس حسألك سؤال انت ليه مبتكلمهاش ؟؟؟؟؟؟؟؟؟؟ وليه اخدتى قرارك الاخير كدة؟؟؟؟؟؟؟؟؟؟؟ |
اهلا بيكى يا بنت الإسلام B)
وانا مع الاراء السابقة انصحك بانك تكلميها بس بعد موافقة مامتك وياترى ايه اللى خلاكى تاخدى القرار الاخير زى ما سألك البحار مندى؟؟؟؟؟ |
بصي ياا اخت
هقولك كلمة انا مش هقول كل اللي قاله ليكي من قبلي فكلهم اخوتي وناس افاضل هقولك نادرا ما يجد الانسان صديق وفي بجد ويلا لكثرة ما تخسري من اصدقاء كل يوم لكنك فلتعلمي ان خسران الصديق سهل اما اكتساب صديق جديد فهذا امر مستحيل وصعب قوي وبالذات في عصرنا الحالي ثانيا بتقولي الانتيم يعني عشتي معاها اكتر ما عشتي مع اختك او اخوكي يعني هيه تقريبا في مقامة اختك او لربما اغلى لديكي من اختك وانا اعرف حاجا انه مش مت خطأ واحد مش اكلم صديق او صديقة لالالالالالالالالالالا الصديق وقت الضيق وانتي مرأه لصديقتك وانتي من بيدك ان تجعليها تكون افضل اما ان لم تستمع اليكي ولو رجعتي اليها ونصحتيها ورفضت فانصحك بتركها لانها ستقف في طريق مستقبلك واللي يقف في طريق مستقبلك حطميه ولو كان اقرب الناس اليكي سلام الله عليكم |
جزاكم الله خيرا
وان شاء اله هاحاول اكملها |
جزانا الله واياكي خيرا
حاولي تعملي الصح في اقرب وقت ممكن... |
جزاكم الله خيرا
وانا هاحاول والله المستعان |
ربنا معاكى وتبقى تطمنينا عليكى إن شاء الله
|
السلام عليكم
انا كن رايى انك تكلنيها طبعاااااا وتشجعيها ومتتخليش عنها خالص وحاولى تقنعى ماماتك لان دى انتيمك يعنى صحبتك اوى |
يا بنة الاسلام كوني مستحقة للقب
فما الاسلام الا حبا وخلقا وأدب هل تهجرين صديقا من أجل الرتب فاين التعاون والمواساة في الكرب عودي كي تعود الذكريات من الحقب يا بنة الاسلام كوني مستحقة للقب فما الاسلام الا حبا وخلقا وأدب هل تهجرين صديقا من أجل الرتب فاين التعاون والمواساة في الكرب عودي كي تعود الذكريات من الحقب يا بنة الاسلام كوني مستحقة للقب فما الاسلام الا حبا وخلقا وأدب هل تهجرين صديقا من أجل الرتب فاين التعاون والمواساة في الكرب عودي كي تعود الذكريات من الحقب |
انت غلطانة جدا مش معنا انك شاطرة وهيا لا انك تبعدى عنها دة سلوك خطا من البداية لأن الصداقة ده ش روحى وحاجة لا يمكن انك تعوضيها مرة تانية لو كانت صديقتك بجد روحى صلحيها تانى ده بعد ازن مامتك طيب منا ادبى واعز اصدقاى علمى و شاطرين ومامتها بتحبنى بطريقة لا توصف وفى الشلة بتاعتنا ادبى وعلمى وعيال مش شاطرين كتير بس احنا الى جمعنا الحب مش حاجة تانية والى يجمعة الحب لا يمكن ان تفرقة الأيام
|
السلام عليكم ورحمة الله وبركاته
الحمد لله كلمتها ورجعنا تاني كما كنا |
بصي يا حبيبتي أنا شايفة ان سقوط صحبتك في المدرسة مش سبب مقنع علشان تنهي صداقتك معاها, أكيد في سبب تاني وانت بالتأكيد عرفاه.
أما اذا كان اللي انت بتقولي عليه هو السبب الحقيقي فأنا بنصح صحبتك انها ما تصلحكيش لأن الصداقة الحقيقة هي اللي بتكبر وتتقوى وقت الشده وبصراحة انت ما وقفتيش مع صحبتك لما احتاجت ليك, و كمان ما رضيتيش انك تكلميها لما طلبوا منك اخواتك الأعضاء انك تكلميها. أتمنى تتقبل رأيييي,و آسفة اذا زعلتك. سوريييييي يا بنت الاسلام أنا ما كنتش قريت ردك الأخراني اللي انت كتبتيه وبصراحة كنت متغازة منك , بس دلوقتي فرحتيني لأنك أخذت القرار المناسب وبكرر أسفي للمرة التانية. |
لا عادي يا ملاك انا مش زعلانه والحمد لله رجعنا كما كنا
|
متشكرة يا حبيبتي انك ما زعلتيش
والحمد لله انك رجعت لصاحبتك, وهو المهم. |
بصي انا عاوزه أسألك سؤال واحد
انتي مثلا جبتي كام علشان تقاطعيها ....؟؟؟ ويعني هي ارتكبت جرم .... انا بقى ليه 2 زمايلي واحده جابت 98.5% وطلعت التانيه على المدرسه والتانيه جابت 61% بعد الملحق ومع ذلك فضلوا اصحاب زي ما هما و محصلش حاجه يعني اقنعي مامتك وصالحي صاحبتك دي |
حلاص رجعت ليها تاني
|
بارك الله فيكى اختى بنت الإسلام
ويا رب دايما تفضوا اصحاب وماتتفرقوش عن بعض ابدا وربنا يوفقكم يا رب |
| جميع الأوقات بتوقيت GMT +2. الساعة الآن 04:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.