|
<div align="center">للكوسه في بلادي شئون
بتخلي المسنود فرعون يتفرعن فين مهما يكون وتخلي الجاهل أستاذ والأعرج لاعب جمباز وتخلي الأحول هداف والكوره الآوت ف الجون للكوسه ف بلادي شئون لو تعرف واحد ف الشرطه راح تخرج من أجدع ورطه والراجل اللي انت ظلمته تلاقيه متلقح مسجون أو تعرف شخصيه كبيره شغاله ف البنك مديره راح تاخد من غير ضمانات كام قرض بمليون مليون وهروبك طبعا مضمون ويا عيني لو تعرف نايب ف المجلس مش نايب خايب راح تبني أبراج وهميه أوراقها مظبوطه أكيد وفلوس الناس المهريه حتجيلك م الجيب للإيد بعديها تروح المستشفى وتقيد نفسك مجنون أحكامك تسقط ف ساعتها بعديها ترجع موزون ويا عيني لو تعرف شيخ فجنابك طاهر علطول وصيامك طبعا مقبول وإذا فرضا حبيت تتجوز تتجوز من غير مأذون وإذا ساكن ف عماره جديده وحبيبك راجل مسئول فسيادتك من غير ما تقول يركب لك فورا تليفون ولو انت عندك عربيه ونمرها سوده بنسرين حتعدي أجدعها كمين وحتكسر أوضحها إشاره ماهو نمرك سوده جباره ولا تعرف أيتها قانون ولو انت بتعرف فرّان أو واحد بياع جرنان راح تاخد طلبك وحتمشي من غير ولا دوشه ولا دور والناس الغلبانه حتاخد طلباتها بعدك وتغور ماهو كله غيرك بيهون ولو انت زميل الحلاق راح تحلق اولها زبون وإذا كنت بتعرف دكتور حتعيش متطمن مسرور وحتسلك ف لجان الشفوي ومجال تعيينك موفور وحتطلع فالتليفزيون بالبدله وفيها الببيون تتكلم وبكل بساطه عن شرف المهنه المدفون لكن لو شاعر غلبان قلت اللي ف نفسك علطول حيقولو مين قال لك قول ويهاجمك مليون إنسان</div> محدش ليه في الشعر ولا ايه |
جميلة جميلة جميلة جميلة وبجد لا تعليق كل كلمة تعبر عن مصر بالضبط
شكلنا هنتاخد امن دولا يا جامبو ههههههههههههههههههههههههههههههههه :D :lol: |
انا كنت خايف من كده
|
الله عليك بجد الاسلوب روعه
والمضمون لا خلاف علي انه حال البلد |
كلمات معبرة فعلا
اسلوبك جميل في التعبير والأخراج ولكن اعيب عليك كلمة (((( فرعون ))) في جملة ( بتخلي المسنود فرعون) فليس فرعون هو المرجو من اي فرد , وان كانت لتتزن القافية فقد تقبل00 وبالتوفيق ان شاء الله m.h.b( شباب الراية) |
شكرا للكلمات
يسلمو جمبووو |
شكل الباقي مقتنع ان البلد ديحكمها كويس
|
الله الله بجد
جميله جدا جدا جدا جدا ....... انت بجد عبرت عن الموضوع باسلوب وكلمات ممتازه وانت تناولت قضيه تستفز اى انسان عايش دلوقتى لانه بيعانى منها وده هيكون من الاسباب الاساسيه لنجاح العمل بعد كونه جميل لكن تعاطف القارىء مع القضيه التى تتناولها لابد ان يؤدى الى نجاحها والى الامام ولا تحرمنا من مثل هذه الاعمال الرائعه |
يا جماعة الراجل بيقووووووووووول منقوووووووووووووووول
منقووووووووووووول يعني مالوش يد ف حاجة غير انه تكرم علينا وجابها لينا شكرا اخي الفاضل وعجبني جدا:: لكن لو شاعر غلبان قلت اللي ف نفسك علطول حيقولو مين قال لك قول ويهاجمك مليون إنسان ههههههههههههههه |
كلمات جميلة جدا تعكس واقع اليم جدا
يا ريت بلادنا مكنتش كدا دا الوسطة بقت فعلا فى كل حاجة حتى وانت بتجيب رغيف العيش الله اكبر ربنا يرحمنا شكرا ليك كتير |
الشاعر يحضر الشنطة
بتاعت المعتقل وسلملي عليه |
الرد ده انا جبته من واحد صاحبي لما وريته القصيده
|
جميلة جدا يا علوة
بجد بتوصف حال البلد اللى اصبح الوطنى فيها خاين و العميل مسؤول يلا حسبى الله و نعم الوكيل |
اقتباس:
يبقي انت اكيد في مصر :):D:):D:):D:):D:):D:):Dشكرا علي الكلمات الجميله دي |
انا استخستخدمت ذكائي طبعا وعرفت ان انت بتتكلم عن مدغشقر ومتقوليش غلط عشان تعبت عبال ما استنتجت كدا :d |
شكرآ يامان
|
بجد كلام جميل اوى تسلم ايدك
|
ههههههههههه
شكرا ليكم كلكم عل التعليقات دي بس ضدقني يا رضا مش مدغشقر فكر كمان شوية هترقيها بوركينا افييييييييي :d:d بوركينا فاسو يعني :p |
الله ينور عليك يا JuMpO ايه الحلاوة دى بجد موضوع جميل أوى
كلامك وقع منى موقع الماء من ذى الغلة الصادى |
الله ينور عليك يا JuMpO بجد الموضوع جميل أوى كلامك وقع منى موقع الماء من ذى الغلة الصادى |
والله اشكرك عل الكلام اللي ان شاء الله يكون حلو
مع اني مش فاهم ايي حاجة منه :d |
كوسة كوسة كوسة
ونهر النيل مش يقدي دمعتها :d:d |
وهو احنا نقدر نستغنى عن الكوسة؟؟
دى حتى من حلاوة الكوسه خلوها من الفاكهة وليسة من الخضروات اترقت يعنى عقبال عندكم جميعا |
بووووووووووورسعيدي
والله نورت موضوعي بوجود وهو حد يقدر يستغنا برضوا ده لولا الكوسة كنا نموت :d |
مبحبش الكوسه مشيها حاجة تانية:p |
في حضرتك كرنب
ومحشي ورق عنب وفي كمان فلفل انتي هتتشرطي ولا ايه:d:d مفيش غير كوسة :p |
اقتباس:
وانا قولت مبحبهاش هتغيرها ولا:mad: |
مش مغير
وهو ده اللي عندنا في المنيو مش عاجبك في كوك دوور ومؤمن وماك وكنتاكي:p:d:d:d:d |
ههههههههههههههههه جامدة طحن يا jumpo تسلم ايدك , بس خاف على نفسك احنا ايام امتحانات والبيه الكبير ايده طوييييييييلة ومنكن يحصل حاجات غير مستحبة ,, ( بس انا اعرف حد في الحرس الجمهو ........ كدة يعني ) قولي بس وانا هاطلعك منها زي الفل ههههههههههههه ثاااااااااااااااااااااااااااااانكس |
اقتباس:
ثانكس كتييييييير عل الرد بس بؤضو اطمني انا مش هكتب كده غير لما يكون ليا ظهر هههههههههههههههههه ولو عزت حاجة هقولك شكرا :D بس على فكرة التوقيع بتاعك تحفة وانا هاخده نيك نيم في الماسنجر :P بجد والله |
اقتباس:
ههههه ما انا بقول كدة برده , وثانكس ان التوقيع عجباك بس ازاي هاتخده نيك نايم دا طووويييييييل اوي ولا انتا قصدك على اسم ( sh2awa ) هههههههه دي حاجة كدة على ما قسم !!! ثاااااااااااااااااااااانكس |
helwa awy begad
keep yourself |
اقتباس:
انا اخدته خلاص :D:D شكرا اوي يا جودة عل الرد :) |
جميلة جداااااااااااااااا وجاااااااااااااااامدة
بتعكس بالظبط اللي بنعيشة خلي بالك على نفسك بقة ويبقى احسن لو تقعد في البيت بس برده ابقى حضر الشنطةهههههههههههههههههههههههههههههههههه |
اطمني عامل حسابي :d
كلتبه من سنة والشنطة لحد دلوقتي جاهزة :d |
لا فعلا الكلام كلة على مصر والكوسة بالملى كلامك رائع فعلا:d
|
اسلوب جميل لكن محتوى سيء
|
موضوع جميل جدا
تسلم ايديك يا فندم |
| جميع الأوقات بتوقيت GMT +2. الساعة الآن 10:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.