|
دكان شحاته .. صرخة استغاثه : نظرة احمد رضا
" دكان شحاته .. صرخة استغاثه " اقتباس:
علي مر مُتابعتي للساحة الفنية والأدبية والفكرية راصداً كل ماهو ثورى يُخاطب العقلَ والشعورَ معاً .. لم أجد أفضل من " الناصريين " في إجادة ذلك وإخراجه بإتقان تام .. " صلاح أبو سيف – ناصري " – " يوسف شاهين – ناصري " – " دريد لحام – ناصري " – " نزار قباني – ناصري " - " عبد الرحمن الأبنودى - ناصري " والكثير والكثير ممن هم مميزون للغاية ليس لأنهم ناصريون .. بل لأنهم أصحاب فِكرْ وعلي وعى عالي بقيمة الوجود الإنساني .. هل قلت إخراج ؟ نعم قلتُ إخراج ؟ إذن فلِزاماً علىّ أن أذكر تجربة المُخرج (خالد يُوُسف) الأكثر نضجاً ألا وهى " دكان شحاته " ... رائعٌ أي عمل يجعلك تشعرُ به ! .. والأروع أن يبقي معك ولا يزول بمجرد خروجك من قاعة السينما او بضغطة زر علي التلفاز .. وهذا ما تحقق في فيلم " دكان شحاته " .. أقولُ دائماً " إن الفيلم الجيد هو قصة ومضمون في البداية وتمثيل وإخراج في النهاية " ولا شئ جديد في ذلك فهى بديهية لدى العقلاء ممن ينظرون للعمل الدرامي نظرة عقلية لا مُجرد كائنات مُتحركة تملأ الشاشة .. " دكان شحاته " من أجمل الروايات التي قد تُقرأ للكاتب والسيناريست " ناصر عبد الرحمن " .. تأتي قصة " دكان شحاته " مُكملة لـرواية " حينَ ميسرةْ " لتكتمل الرؤية ولنُدرك ما يرنو إليه هذا الرائع " ناصر عبد الرحمن " بأعماله السابقة .. حيث أن " هي فوضي " كان يدور بحي بسيط من أحياء القاهرة وبالنسبة لـ " حين ميسرة " فكان بحي عشوائي جداً أما " دكان شحاته " فهى نظرة جديدة تدور في حى راقٍ او شبه راقٍ لتُعبر عن مدى حصار الفوضي التي ستعم تلك البلاد المُستضعفة من كل مكان ْ.. ولن ننسي أبداً " الشاعر جمال بخيت – الناصري " حين يقول بصوت الشجى " أحمد سعدْ " .. مش باقي مني غير شوية ضي في عنيا .. انا مش عايزهم لو كنت يوم هلمحك في معركة مفيهاش لا طيارات ولا جيش .. وانتي في طابور العيش .. بتبوسي ايد الزمان ينولك لقمة .. من حقك المشروع ياحلمنا الموجوع من المرور ممنوع مستني لما يمر موكب سلاطينك ! " ولن ننسي أيضاً عندما أطلق " أحمد سعد " العنان لصوته العذب ليعطي المشهد تأثيراً رهيباً " السجن عشش في جلبي .. وماشي في شوارعك .. نفس اللي باعني وخدعني بالرخيص بايعك .. هشيل حمولي أنا .. ولا هشيل حملك ! " .. وكطبيعة أي عمل يُثيرُ الجماهير ويُلهب حماستهم فكان من المنطقي جداً ثورة المتاجرين بالدين ضده بحجة " أن الفيلم يُسئ للدين الإسلامي ويدعو للفسق والفجور " الفيلم لم يتعرض للدين الإسلامي سوى باحد المشاهد التي اقتربت من جماعة من الصوفيين الذين تابعوا سيقان " بيسه " اثناء تأرجحها بإحدي مراجيح المولد .. مثل هؤلاء لا يستحقون الرد فالتعبير عن بعض الفساد الذي يحدث في مثل تلك الفرق المُتطرفة مُهم جداً لجعل الصورة واضحة للعيان .. لكن دائماً الحقيقة مؤلمة وتمثل سوطاً علي الحمقى ! الذين يتخذون عقول المصريين الطيبين المُتدينين بطبيعتهم .. ولو فكرنا بالامر بعين العقل لوجدنا ان في الحكاية اعتبارات أخري ! بالنسبة للمشاهد الجنسية لم تتعدى الاثنين او الثلاثه .. المشهد الأول والثانى لم يعدو كونه ثواني أقل بكثير من أن نصفها بجنسية .. المشهد الثالث اعترض عليه لطول مدة عرضه التي قاربت علي الـ 20 ثانيه او الـ 30 ثانيه .. ولكن يُعذر لمعاملته المصريين بتلك الطريقة حتي يجذبهم بمثل تلك الطرقْ .. قد يعيبُ عليه النُقاد لهذا الزخم المُتشائم من الأحداث حيث نوه عن أحداث العبّارة وحريق بني سويف وطوابير العيش وماإلي ذلك .. فهل أصبح التشاؤم هو رؤية الواقع والتحذير منه بالتنويه عن مدي خطورته ونتائجه ؟ أم علي خالد يُوُسف أن يتجه لإنتاج فيلم آخر عن مصر كدولة عُظمي وهذا ما سيحدث في ثلاث أيام وربع ؟! من رأيي المتواضع الذي لا يعدو كونه رأي مُشاهد يهتم بالسينما الهادفة " فهو علامة سنيمائية يُحسد عليها الناصري " خالد يُوُسفْ " .. |
مُلخص الفيلم يبدأ الفيلم بخروج شحاته " عمرو سعد " من السجنْ واستلامه ما تبقي من حياته قبل الدخول " سيرة أبو زيد الهلالي / بطاقة أبيه " حجاج – محمود حميدة " / ومُفتاح الدُكان " حيث تكمن قيمة الفيلم .. تدور احداث الفيلم بعام 2013 م مُنذراً بقيام أزمة وفوضي عارمة قد عرضها " خالد يُوُسف " من خلال التلفاز الموجود بغرفة المأمور حيث أعلن المُذيع وصول أزمة الغذاء والبطالة في مصر لدرجة وصفها المرقبون بالخطيرة .. يُنهى ( شحاته ) إجراءات خروجه ويتجه للخارج ليبحث عن ما تبقي من رائحة أبيه " إخوات شحاته – أولاد الحج حجاج " فيتفاجئ بالفوضي العارمة التي حدثت بالفعل جراء إعتراض أهالي البلدة لقطار القمح وسرقة معظمة أمام ضعف من قوات الأمن .. ليسأل نفسه " عمرو سعد " – " إيه اللي بيحصل في البلد ده ؟ " تتوالي أحداث الفيلم او لنكن أكثر دقة نتعرف علي الحاج ( حجاج – محمود حميدة ) بتنقية الفلاش باك التي تعجبني كثيراً حيث تدور الاحداث الأولي "بالصعيد" حيث تصف لحظة مولد شحاته والتي تَعَثرت كثيراً وموت أمه ليتحدد مصير شحاته بإنضمامه لإخواته الثلاثة ( ولدين وبنت ) من الزوجة القاهرية التي فرت من ( حجاج ) وفي اللحظات الأولي يظهر الإضطهاد ناحية شحاته لإهتمام الأب الزائد به " ربما لأن أمه صعيدية أصيلة " وكهدية وتقدير من صاحب الفيلا اليساري المثقف " عبد العزيز مخيون – الدكتور " قد منّ علي الأب الصديق والجنايني الخدوم بدُكان ولأن شحاته هو " وش السعد " فكان الدكان " دُكان شحاته – مُعبراً عن الوطن " .. تمر الأيام وكَبُرَ أولاد الحاج ( حجاج ) ولم يتركهم البغض والكراهية لشحاته فعظم معهم وتمكن من قلوبهم باستثناء ( البنت ) الطيبة الضعيفة " نجاح – غادة عبد الرازق " ولم يقل إهتمام الأب بابنه صعيدي الأب والأم منذ ولادته فكان المُدلل دائماً .. يتعرض ( شحاته ) للظلم والإضطهاد من إخوته ولكنه لم يتخلي عن قول " دول إخواتي " طوال الأحداث .. ولن ننسي هذا الأب " الناصري " عندما قال له " حُط صورة الريس ( جمال عبد الناصر ) عشان تداري الشرخ " فيرد ( شحاته ) " الشرخ كبير أوي يابا " ليُنهى المشهد بـجملة " أهي تداري اللي تقدر عليه يابني ! " تطور الاحداث سريعاً ويموت الأب ويبدأ الظلم الأكبر من الإخوة حيث زجوا بأخيهم " صعيدي الأم " بالسجن بتهمة تزوير ختم والده وبيعه لأملاكه .. والأمر لم يكن عبثاً بل كان يدفعه عرضاً مُغرياً من ابن صاحب الفيلا المهاجر الذي أتي من " أمريكا " بعد موت والده ليُنهى مسألة الميراث ويقوم ببيع الفيلا بما فيها " دُكان شحاته " الذي قُدِرَ بـ " 1.200.000 " جنية .. وليت الظلم يتوقف عند هذا الحد فالظلم قد شَمَلَ قلب شحاته المتمثل بـ ( بيسه – هيفاء وهبي – التي تُمثل أحلام الشعب المصري وطموحاته ) وحُبه الأكبر .. حيث قام الاخ الأكبر لشحاته بالزواج منها قهراً بالإتفاق مع اخيها " كرم غباوة " .. وتتوالي الميلودراما المُتمثلة في شاكلة أفلام ( خالد يُوُسف ) ويخرج ( شحاته ) من السجن .. قد تعتقدون أنه مثل جميع الأفلام " ينتقم .. ويحظي بحبيبته .. او ينتقم ولا يحظي بحبيبته " بل ما يُثير الأعصاب هُنا هو مدى مُسالمة وسلبية " عمرو سعد " في الإنتقام ممن نكلوا به ! فقد خرجَ ليبحث عن ما ذكرناه في البداية " ما تبقي من رائحة أبيه – إخواته " تعلم " بيسه " بذلك فتذهب حامله " ابنها – ابن اخوه " علي صدرها وتذهب إليه لتملأ عيونها بحبيبها الغائب وسرعان ما تفيق من هذا الوهم .. فتحكى له ماحدث وقصتها ومحاولتها في الانتحار تاره بمحاولة حرقها لنفسها .. وتاره أخري بقفزها من الدور السابع .. وزوجها من شخص .. منَ الشخص ؟ شحاته لم يكن يعلم حتي الآن ؟ قد ننسي شخصية " صبي غباوة – برص " الذي أصبح فتوة بدلاً من " غباوه " بعد رحيله وتقاسمه ثمن الدُكان .. وما فعله شحاته من أجله حيث انقذه من الموت نتيجة لمشادة بينه وبين عدة بلطجية .. ليلتفت الجمهور لشحاته كشخص قوى مما يُثير الحقد في قلب " بُرص " .. هذا الشخص هو نفسه من كان السبب بأن يعرف شحاته أن أخوه " سالم " قد تزوج خطيبته " بيسه " ومن خلال مراقبته لها يُمكنه الوصول لإخوته ثار " شحاته " واتجه لبيت اخته التي عثرت عليه بعدما أخبرتها ( بيسه ) ليشاركهم بعض الغداء ويُمسك بصورة ( جمال عبد الناصر ) الملقية بجانب الأريكة ويمسح الغُبار عنها مُردداً " الله يرحمك يابا " ثم يعود ليسألها عن إخوته فترفض ذلك .. يأتي ( بُرص ) بالعنوان لـ ( شحاته ) كوفاءاً بالجميل ويُعلمه مكان إخويه الخائنين الحاقدين دائماً ليجد فرح الابن الأكبر للأخ الأصغر ( طِلِبْ ) قائماً بالفعل مع جو من اللهو وطرقعات الرصاص الذي يُحيي العروسين .. يتجه ثائراً نحو أخيه الأصغر " ويضع يده بجيبه ليُخرج " السيرة الهلالية / بطاقة أبوه / مُفتاح الدُكان " ويبتسم بوجه ( طِلِبْ ) فيبادله الإبتسامه .. بينما يأتي أخيه الاكبر ( سالمْ ) من الخلف ليُشاهده علي تلك الوضعية فيُخرج مُسدسه ويضربه طلقة بظهره ! يقف الجمع مذهولاً وشحاته ينظر للخلف ليري أخيه يُمسك مُسدسه ليتلقي الرصاصة الثانيه بقلبه والثالثه بظهره مره أخري .. هُنا ينفجر الأخ الأصغر وأخو " بيسه " و " اخته " وينتحبون قائلين " لييييه بس ياساااااالم مكانش عايز حاجة .. ده معهوش سلاح ده معاه بطاقة ابوك ومفتاح الدُكان " يسقط شحاته أرضا حاملاً إياه أخيه الأصغر تعلو أصوات نحيبهم تتجه الأخت للأخ الأكبر سالم الذي وقف مذهولاً كل ما يفعله سيل من الأقلام يميناً ويساراً من اخته .. تسمع " بيسه " ( معهوش سلاح ياسااااالم ليه تقتله ) فتهبط مسرعة لتحتضنه بشوق الحبيبة .. يدخل " بُرص " ومعه مجموعة من البلطجية ليُمسك بيد شحاته ويقول له " بُرص جه عشان ياخدلك بتارك ياشحاته " فيرد شحاته " أوعي " حتي يُقاطعه " بُرص " " ياعم دول ضاربينك بالنار " فيرد تبقي فيه من ابتسامة " أوعي تجربلهم .. دول إخواتي ياابن الكلب " يُعطيه ( برص ) شئ مُخدر ليضعه تحت لسانه كي لا يشعر بالألم .. يموت " شحاته " وتنطفئ عيونه بين أحضان الحبيبة والأخت والأخ الأصغر ( طِلِبْ ) .. تُشيعه صرخات تُفجر القلب .. يصرخ ( بُرص ) " أبقي مره لو سبت فيهم حد عايش " تُفتح الأسلحة البيضاء ويتعالي زئير البلطجية " ! بقلم / أحمد رضا أسف لو فيه أخطاء فالرؤية وليدة اللحظة ومتعرضتش للتنقيح :) |
انا مش فاهم هوّ حضرتك بتدعونا ان احنا نشوف الفلم واقعى ولا ايه؟؟
والله انا مش فاهم لو حد فا هم يفهمنى |
ياريت لو لقيت حد فهمك ارجو انك تخليه يفهمنى معاك
|
فلم أهبل وتافه وهدفه زي كتير من افلام مخرجه فضح المصريين في الدول العربيه وكفاية انه من اخراج واحد زي خالد يوسف وفيه واحده ساقطة زي هيفا ربنا ياخدهم ونرتاح
|
احم احم سين/سؤال هو انت شفت الفيلم ولا قريت الرواية :stickjo4: |
انا شوفت اجزاء من الفيلم يا احمد وبصراحة الفيلم واضح ان قصته هادفة وجميلة وبتتنبأ بالمستقبل لان احنا حاليا فعلا مبقاش فى مصر غيرة طبقة فقيرة وطبقة غنية بعد اختفاء الطبقة الوسطى واصبح 80% منها من الفقراء وال20% هما اللى استطاعوه الصعود بالفعل للطبقة الغنية بالنسبة لسرد قسة الفيلم انت بيعيب عليك عدم ذكر السلبيات لان اى عمل مهما كانت درجة اتقانه لزم يكون فيه سلبيات انت قمت بوضع نقد ايجابى لقصة الفيلم ومتناسش ان الفيلم نقد فترة حكم السادات من خلال كلام عبد العزيز مخيون وهو بيقول على السادات فى معناه (انه خرب البلد ) وطبعا عصر مبارك اللى حصلت فيه المجاعات والازمة الاقتصادية لكنه اشبع العصر الناصرى انه هو كان عصر ازدهار وحرية وده منافى للوقائع التاريخية لان معروف ان المعتقالات فى العهد الناصرى كانت موجوده بشكل كبير وكان معظم روادها من الاساتذة والمثقفين وطلبة الجامعات لكن الفيلم فى مجمله جديد وفيه جراءة غير معهودة وبالنسبة لنقدك للفيلم هو نقد جيد لدرجة كبيرة واحييك على اجتهادك فيه |
اقتباس:
خد بالك من العنوان انا بقول نظرة مش بقول دعوة وبعدين انا أدعوك ليه ؟ حضرتك حر تعمل اللي انت عايزه :) شكرا لمرورك الهادف |
اقتباس:
مليش نفس انا يعني :d |
اقتباس:
الاتنين :d هههههه منورة ياترافيل |
اقتباس:
متفق معاك ياإسلام باشا ولكن أنا عايز منك نظرة تانيه .. يمكن أنا قرأت كذا حاجة تاريخية عن العصور دى ومُتفق مع السناريست في حته ان " السادات دخلنا في مصيبة مش هنطلع منها " .. ودي مُشكلة التاريخ اللي بيعرضه محمد حسنين هيكل بشوفه مُقنع جداً والمشكلة انه بيأيده بناس عايشين بالفعل مش ناس ماتوا وده بيخلي كفه هيكل تترجح بالنسبالي وزي ما انت عارف ان هيكل ناصري .. علي فكرة مُشكلة عبد الناصر من وجهه نظري إنه كان عايز يغير الدُنيا من يوم وليلة ويعمل أمة عربية ف يوم وليلة بردو .. وده طبعاً له نتائج ميدانية زي الزفت ودوقنا مرارتها .. لكن هذكرلك حاجة من التاريخ القديم واكيد هتعرفها .. فاكر الحجاج بن يوسف الثقفي لما كان بيحكم العراق .. وكان استفشي الزنا .. فطلع ع المنبر ومن غير ما يسلم ولا يقول بسم الله الرحمن الرحيم حتي .. قال اللي هشوفه في الشارع بعد صلاة العشاء هقطع رقبته .. اول يوم قطع رقبة 500 .. تاني يوم قطع رقبة 300 .. تالت يوم محدش خرج أصلا فلما سألوه انت كدا ظالم وبتاخد عاطل بباطل فرد وقال " لن نصل للحق حتي نخوض الباطل خوضاً " .. عبد الناصر كان عنده استعداد لاعتقال أي واحد يعارض خطة تنمية .. وف وقت زي ده " طبعاً ده غلط وانا مقتنع " .. بس أكيد كان بيعملها للخير .. لاكان له ملف في المخابرات الأمريكية .. ولا كان عايز مصلحة .. ده امر باعتقال عمه ياراجل بالرغم من انه كان مُقرب له .. أما اعتقاله للإخوان فطبعاً لا يخفي عليك الإخوان كانوا عايزين ايه بعد توليه الحكم .. لدرجه انهم عملوا مناهج الحكم وخطط الحكم وقدموها لعبد الناصر .. أي حكم إخواني من خلال عبد الناصر وده كان يتنافي مع ثقافة عبد الناصر ونظرته للتنمية .. بس قولي جبت معلومة الاعتقالات كانت للمثقفين دي منين ؟ فيه نقطة تانيه عايز أكلمك فيها أحسب ان عبد العزيز مخيون كان يقصد الإنفتاح اللي حصل في عصر السادات علي فكرة يااسلام لغاية 1971 كان إيجار الفيلا 17 جنيه .. ولولا بردو نظرة عبد الناصر وسعيه مكنتش هتتعلم بالمجانى بس انا مُقتنع ان فعلا عبد الناصر اخطأ كتير بسبب حماسه ومشاعره حول التنمية والوحدة شكرا للمناقشة الجميلة وعلي فكرة ده مش نقد دي مجرد نظرة معجبة برواية الفيلم وإخراجه |
اقتباس:
شكرا لمرورك :d |
اقتباس:
هيكل لا غبار عليه انا يمكن معظم معرفتى بهيكل من خلال برنامجه على قناة الجزيرة اللى متابعه بس المعروف ان هيكل يعتبر الى حد ما مؤرخ لانه حضر المالكية والجمهورية فى مصر وتواله عليه 3 روساء وملك يعنى رجل تاريخ ومعظم كلامه بيكون مرثق باوراق وشهادت انما لو اتكلمنه على عبد الناصر انا قريت كتب كتير بتشتم عبد الناصر وفى كتب بتمجده انما كا وجهة نظر ليا عبد الناصر بالنسبة ليا كان عامل زى بتوع الافلام القديمة لما كنت تلاقى فى مستشفى المجانين الشخص المجنون عنده قدر كبير من الحكمة انا بعتبر ان جمال عبد الناصر كان مجنون لكنه حكيم فى نفس الوقت ولو رجعنا للفيلم الفيلم قبل عرضه بيقوله ان عده على اكتر من جهة رقابية ده غير ان جهة سيادية من مكتب الرئيس نفسه شافت الفيلم ولو كان فى كلمة وحده عن مبارك فى الفيلم مكنش الفيلم ده هيزاع ولو اخدت بالك هو ذكر عام 2011 ده السنة اللى هيجى فيها رئيس جديد لمصر على فكرة واللى 90% مش هيكون مبارح لان الترشيحات بتصب لصالح اتنين جمال مبارك او عمر سليمان ولو انى اعتقد ان عمر سليمان هو الاوفر لانه يعتبر الرجل الاقوى فى مصر حاليا ودى حقيقة مش كلام بس نرجع واقول انى برضه متفق معاك فى كلامك عن الفيلم |
انا فعلا شفت الفيلم
هو فيلم جميل ومأثر فعلا وعجبني قوي كفايه اني عيطت في الاخر بس برضه الي حد ما مقتنعه بكلامك بس مش قوي ليا عوده ان شاء الله |
اقتباس:
انا مش مصدق ان دا كلام احمد رضا طب وايه راى معليك يا استاذ احمد مش دا كلامك يعنى فى لقطات جنسية ياخى واقسم بالله يكفى ان فى بنت زى هيفاء دى فيه عايزه يبقى ازاى طريقة الكلام ازاى طريقة الفلم وعرضه ازاى انت فاهم انت بتقول ايه اسف يا احمد انت نزلت من نظرى كتير لان مش احنا الى نعمل ونكتب الكلام دا ونهاجم علشان حد اعترض ونقول عليهم متطرفين برغم ان انت ذكرت ان فى مشاهد جنسية وياسبحان الله ذكرت مدتهم كمان لو المدة بتاعت المشاهد الجنسية دى مش حرام يبقى الفلم مفهوش حاجه ولا حتاخد بحديث النبى الاولى لك و الثانية عليك على اساس انى دى اولى ولا انت داخل فلم ومش عارف ايه الى فيه ولا البوستر بتاعه لا احييك حييك على الموضوع |
اقتباس:
|
لأ يا احمد
بص اي فيلم بيتكون من اللقطات دي وكمان خالد يوسف كان ممكن يزود فيها اكتر زي اللي قبله واللي قبله فاهمني ؟ ده رايي يعني اينعم فيه لقطات اوفر محدش قال حاجه بس مش زي باقي الافلام |
اقتباس:
السلام عليكم ورحمة الله وبركاته إهدي ياحماده شوية اعتقد الكلام ده لو كان ع الميل بيني وبينك مكانش هيبقي بنفس النبرة :d فبراحه شوية اللقطة الأولي والثانيه تعتبر لقطات ايحاء .. وهي حرام ومختلفناش عليها اللقطة التالته .. بردو حرام ومختلفناش علي حرمانيتها ولكن اشمعني الفيلم ده هو اللي بيدعو للفسق والفجور والعصيان :D عشان يعني عن عبد الناصر ومغامراته مع الإخوان ؟ :d طيب ما بوشكاش واللمبي وأفلام كتير تافهه فيها لقطات حارة ليه محدش بيتكلم ويقول حرام وفسق وفسوق وعصيان :d دي نقطة نقطة تانيه متخليش اتجاهك مؤثر عليك أوى كدا يعني سبت كل الموضوع ومسكت في الكلمتين دول أقولك ياسيدي بلاها نظرتي للفيلم .. وبتأسف إن كُنت بسجل إعجابي ( مع ان المصريين هما اللي فاضحينا وهما اللي خلوا أي فيلم حار هو اللي ينجح :d ) كمان خالد يوسف عارف ان فيه ناس كتير - معارضي عبد الناصر - من النقاد يسقطوا الفيلم والكارت اللي يقدر يلعب بيه الإيرادات .. وعلي فكرة الفيلم مش زي ما انتوا متخيلين انه جنسي صارخ يعني الفيلم تقريبا مش فاكر كان ساعتين ونص باين ولا ساعتين مفيهوش غير أقل من دقيقة كلام من دا وعلي مراحل متفرقة ومش مطلوب منكم تتفرجوا عليه الرواية حلوة وهادفة ابقي هات الرواية وأقراها :d .. بس خد بالك هتلاقي عبد الناصر كتييييير فيها ;) |
اقتباس:
هههههههههه انت فهمت الرؤية ؟ او فهمت كلامي ؟ المتطرفين دول اللي هما الصوفيين ده وصف للي كانوا في الفيلم مش في اللي اعترضوا انا قولت علي اللي اعترضوا منتهجي الدين من اجل السياسة والتجارة :d تفرق كتير |
اقتباس:
وده نفس سبب وثوقي بهيكل الراجل ده فعلاً حد عبقري وتحس انه بيخاطبك بالمنطق والادلة وجهه نظرك عن عبد الناصر قد تكون صحيحة الجنون اللي محفوف بحكمة فعلاً شكرا للمناقشة يابااشا |
اقتباس:
عارفه لو شوفتي الفيلم انه فيلم سياسي من الدرجة الأولي وعرفتي ان شحاته ده الشعب المصري هتعيطي اكتر :) شكرا لمرورك |
اقتباس:
صدقوني الفيلم مفيهوش إلا قلة من الإيحاءات ومستغرب ازاي خالد يوسف أول مرة يعمل حاجة كدا قبل كدا كان اوفر اوفر يعني :d |
اولا صدقنى يا احمد
كلامى على الميل مش حيفرق كتير عن هنا مش عارف انت تقصد ايه بس يلا خير وتانى حاجه عبد الناصر ان واحد من الاخوان المسلمين الى بحترم وجهة وفكر عبد الناصر و سياسته الداخلية وطبعا بستحقرة كا نظرة عامة مش معنى كدا انى بكره لاى درجة او لدرجة انى مبصش للكل الجوانب الى فى شخصيته بص يا احمد الفلم انا واقسم بالله ولا اعرف عنه اى حاجه اعرف الاسم بس لان طبعا انا عايش فى مجتمع يعنى مش عايش فى جمجم وطبعا سامعت عن ممثلينه ودول كفاية اوى |
اقتباس:
انت عارف ياحمادة إن بالنسبالي عادى بس ملهاش علاقة بمناقشة الفيلم بطريقة منظمة :) |
اقتباس:
ههههههه بص ياحماده الاعتماد علي المعلومات السمعية غير كافى وانا استغربت لما ملقتش هايفاء زي ما هيا برا بحقارتها وبلاويها وزي ما قولتلك عشان نبقي في التمام والسليم قدام ربنا انا مبقولش لحد يتفرج علي الفيلم لإني هتحاسب عن نفسي وبس وحذرت وقولت ان فيه لقطتين قد يحملوا إيحاء ( ومش بالمعني التام ) اقرأوا الرواية هتستفادوا يلا سلام شكرا لمرورك :) |
اقتباس:
ده رئيس المخابرات :d والمسئول الاول عن جهاز امن الرئاسة ويقال انه اقوى رجل فى مصر بس ديما شغله فى الظل اقتباس:
الفيلم بيدور فى اطار اجتماعى ولزم يكون فيه شىء من الرومانسية مش هقولك الرقابة وافقت والكلام مش بيجيب همه ده بس انت سبت الهدف من الفيلم ومضمونه وركزت فى لقطتين تلاته يعنى انت كونت فكرتك عن الفيلم من خلال كام مشهد مدتهم مجتمعين دقيقة وحده من عمرو فيلم مدته ساعتين كده يبقى ان خرجت من إطار الحيادية الى طار التحيز والتعصب لشىء مش موجود اصلا ولعلمك وانا بقولك اهو الفيلم ده هيترشح لمهرجان عالمى وهياخد جائزة ومش هدخل فى نفطة اخوان وان عبد الناصر كان فى خلاف معاهم وان السادات هو اللى خرجهم والكلام ده لان السادات مخرجهمش علشان هو بيعشقهم ده خرجهم علشان يقضى بيهم على الناصريه والشيوعية لكن اللى حصل ان الناصرية والشيوعية والاخوان اتحالفه ضده بعد اتفاقية السلام اقتباس:
وعلى فكرة انا مؤمن جدا بالقومية العربية ولسه عندى امل فى عودتها :d |
ياراجل حد يتفرج على خالد يوسف . دا بنى ادم معقد . وجهة نظره ان عبد الناصر ملاك مكانش له اخطاء لكن ينقد السادات ومبارك . وجهة نظره ان رجال الدين هما اللى مبوظين البلد .تشعر كأن بتقرأ صحيفة الدستور مش بتتفرج على فيلم ياراجل ده كفاية انه تلميذ يوسف شاهين . انا عايزك تتفرج على فيلم سلام دوج مليونير فيلم الأوسكار والفيلم ده وتقارن وتقول رأيك
|
بصراحة أفلام البني آدم اللي اسمه خالد يوسف وأمثاله حقيره بل أكثر:stickjo4::stickjo4: والله الواحد يتكسف يشوف الاعلانات ما بالك الفيلم :romarioxp6: وكفايه فيه فنانه (اللي مش فيها ريحت الفن) هايفة اسم ع مسمي:) بصراحة انا مش عارفة بيجيهم جرأة ازاي يعملوا كدا ما احترامي الشديد لرأيك بس بصراحة لو عندك ابن ممكن تخليه يتفرج ع الفيلم دا؟؟؟ ع فكرة انا مش ضد الفيلم ولا ضد انهم يوضحوا العيب والخطأ اللي بتحصل في الدنيا دي بس انا ضد التمثيل والاداء يعني واحدة تبقي مع واحد في وضع مخل ونتفرج كدا وعادي هو احنا بقينا عادي للدرجة دي:(:( كل الناس اللي بره ولا جوه بيفتكروا ان المصريين كلهم كدا حياتهم كلها كدا ع فكرة فعلا وصف الفيلم بانه فاسق اقل بكثير من حقه :mad: ع العموم كفايه انتقادات لحد كدا:) دا راي الشخصي مش بفرضه ع حد في أمان الله |
ههههههههههههههههه
احلى حاجة فى الناس اللى هنا او الشعب المصرى عمتا ماشية على السمع شعب ماشى بودانه صحيح لغاية ما بقت ودانه عمله زى ودان الارنب :d |
اقتباس:
|
اقتباس:
انت محدش عارفلك يااسلام انت رايح فين ولا جي منين ياخوفي :d والله فعلا يااسلام ده اللي بتكلم عليه وعموماً انا زي ما قولتلكم مقولتش لحد يتفرج علي الفيلم اقرأوا الرواية هتستفادوا :) الفيلم كخه وخالد يوسف كخه وجمال بخيت كخه والناس دي كلها كخه الرواية حلوة بلاها النظرة :D |
بجد موضوع لذيذ اوي يا احمد
حتخليني كدا اقرا الرواية بتاعه الفيلم :d اكيد حتبقي لذيذه بصراحه مش حقدر اعلق ع نظرتك او تحليلك للفيلم حستني لما اقرا الاول المهم كان ليا تعليق صغير ع نظرتك او نظره ناس كتير لعهد عبد الناصر محدش ينكر ان عبد الناصر تقريبا الرئيس الوحيد اللي حظيبشعبية و حب من معظم المصريين دا غير ان الوضع الاسترتيجي لمصر ف عهد عبد الناصر كان وضع محترم كانت مصر بجد ليها مكانه :d غير السيادة اللي كنا بنتمتع بيها بس اكيد مساؤي عهد عبد الناصر كانت كبيره بحجم انجازاته او شخصيته بصراحه لا تقارن بمساؤي السادات او مبارك عبد الناصر كان معتنق لافكار او مبادئ زي الوحده العربية او الاشتراكيه وف سبيل افكاره جانبه الصواب ف مواقف كتيره يعني ع سبيل الذكر وليس الحصر * بعد قوانين التأمين الزراعي والحاجات الذيذه دي كان اي ضابط جيش يعجبه قصر او فيلا يطرد سكانها ويستولي عليها بمعني تاني استبدل الاقطاعيين بضباط الجيش وبعضهم تنطبق عليه مقوله عاثوا فسادا ف الارض بتتقال كدا تقريبا :d * لو قارنا بين فتره ما قبل عبد الناصر وبعدها حنلاقي ان عبد الناصر قضي ع الحياه السياسية والحزبية ف مصر بشكل تام محدش ينكر ان الحياه السياسيه قبل الثوره مكنتش بالشكل المطلوب بس اكيد كانت احسن من دلوقت يعني فاكر اني قريت مره ان رئيس وزراء مصر النحاس باشا ع ما اذكر كان واقف ع المحطه زيه زي اي مواطن عادي مستني القطر واللي يغيظ كمان انه اضرب بالقلم من مواطن عنده اختلاف ف الرأي حب يحله بطريقه لذيذه انتا بتشوف وزير دلوقتي :d * ممكن نقول كمان انه ورط مصر ف حروب مظنش ان كانت ليها قيمه عشان فكره تراثية او اثريه اسمها الوحده العربية زي اليمن والثوره الجزائريه يعني دوله زي الهند ابتدت معانا الحركه الصناعيه او النهوض الاقتصادي وشوف هما فين واحنا فين ودول تانية ابتدت بعدنا وشوف الفرق كمان * ممكن نقول كمان الكبت او كتم اصوات المثقفين او طردهم ودا حصل مع صحفيين كتير زي احمد رجب او انيس منصور او مصطفي امين وممكن نقول برضه ان الدوله البوليسيه او امن الدوله كان بدايته ف عهد عبد الناصر مينفعش نبرر دا بان عبد الناصر كان ليه هدف او رؤيه ف سبيل تحقيقها جانبه الصواب ف بعض المواقف او كانت فيه تضحيات مظنش ان ميكافيللي كان صح لما قال الغايه تبرر الوسيله الاهم من الهدف الطريقه اللي بيتحقق بيها :d شكرا |
اقتباس:
بتحكموا حكم عام ليه ؟ وبعدين هو قاعدة منطقية إن كل تلميذ يسير علي نفس نهج استاذة طيب استاذه زفت وانا مبحبهوش إلا في بعض الأفلام لازم يبقي هو زفت علي طول الخط :d ما قولتلكم الفيلم وحش اقروا الرواية :d والله ما حد قاريها إلا من رحم ربي ههههههههه |
اقتباس:
|
اقتباس:
ربنا يخليك يابسام شكراً لنظرتك الجميلة ولكن انا زي ما قولتلك انا مُقتنع بإن الغاية تُبرر الوسيلة في بعض الحاجات وشايف إن القمع صراحة كان الحل الوحيد في الفترة دى لإن متنساش يا بسام إن الضباط الأحرار وثورة 23 يوليو غيرت تاريخ مصر ووجهته توجيه تاني خالص وزي ما بنقول ما بعد الزلزال بيحتاج لإيد من حديد مش أي من حب ودب يتكلم لان كان في الفترة دي حالة من الشغب عاليه جداً ده غير المكايد اللي دبرها اعداء الثورة ضد عبد الناصر وانا متفق معاك تماماً إن ده مش إسلوب حضارى بالنسبة لنقطة عاثوا في الارض فساداً فانا معنديش فكرة عن اللي بتقوله ومعتقدش ان الكلام كان ماشي كدا كان أولي بعبد الناصر بقي انه يظبط نفسه واهله واقاربه لكن عبد الناصر تقريبا معملش كدا وعموما هتأكد لكن فعلاً كنا عايشين أحسن من دلوقتى بالنسبة للحروب فزي ما قولت لإسلام إن عبد الناصر كان غلط في الحكاية دي انه افتكر انه هيغير العالم في لحظات قصيرة ومحطش تنموية علي المدي البعيد وواحدة واحدة بشويش وده كان له آثار سلبية في الجانب الميداني كتير شكرا لمرورك يابسام وهتعجبك ان شاء الله الرواية |
اقتباس:
لا من المنصورة :) بس تقدر تقول انى مش بمشى بودانى او مش راكب الموجة زى البعض فى حاجة اسمها المنطق والعقل اللى ربنا ميزنه بيه عن باقى البهايم مع ان فيه والله العظيم بهايم كتير وحمير بتفهم اكتر من بنى ادمين لابسين بدل وجرفتات |
لا حول ولا قوه الا بالله
انا مثلا لما روحت السينما دي قلت لاختي لأ عشان عيب وهيفاء موجوده بس لما هي اصرت لانها عارفه ان الفيلم مافيهوش حاجه فعلا دخلتني وانا شفت ولما بتيجي جزء زي ده متبصش يعني خلاص انا مبصيتش ولا اختي حتي كنا مغميين عين بنتها :d بس مكنش والله فيه اجه تقريبا عاتي اقرأ وا الروايه مش لازم تشوفوا الفيلم بس احنا بنقول ان الفيلم عاتي جدا الا اللقطات دي بس ومتبصش عليها غير كده انتوا طلعتوا تقريبا بره الموضوع شويه :d سلام |
اقتباس:
وبعدين يااخ الضوء الشارد ؟ ايه اللي هستفاده لما هصور الاغنياء والنسبة والتناسب ؟ ايه التأثير يعني او عايز اعمل ايه ؟ انما لما أصور الحاجات اللي من شانها تهد البلد اكتر مهي مخروبة فوق أهلها هيبقي ليها تأثير ولا انتوا عايزين نص الكوبايه المليان ده لو فيه كوبايه أصلا :d |
اقتباس:
لاني أقسملكم بالله في الفيلم ده انا مش عارف أكني ماشوفتش اللقطات أصلا ولا حسيت بيها لاني كنت مركز جداً اني افهم الترميز بتاع السناريست عبد الرحمن -- وبعدين الرواية كويسه ابقي اقري الرواية الفيلم وحش وانا اسف اني عرضت نظرتي :d |
اقتباس:
|
اقتباس:
لاء علي فكرة بسام وإسلام والناس اللي علقت علي المضمون ده الموضوع بعينه يايوميوم انما اللي علقوا علي الدقيقة والمعلومات السمعية فرأيهم وهما حرين وعموماً ابقوا انزلوا اشتروا الرواية هتعجب اللي بيهتم بالادب والفِكر :) |
اقتباس:
فيه احترام اكتر من كده:d عارفه انا قصدي عليهم اصلا بس موضوعك جميل ميرسي شكرا للمرور يا يميميم:p |
اقتباس:
|
اقتباس:
هههههههههه هنيدي والخير ؟ هههههههه هيا دي الأفلام اللي الواحد يتفرج عليها ولا بلاش :d يلا شكرا لوجه نظرك بصوا لنص الكوبايه المليان وخليكم مهتميين بمظهرنا قدام البلاد التانيه هتتصلح البلد دي علي ايدكم ياولاد -- اسلام .. بسام البلد آمانه في ايديكم :d قصدي الموضوع |
اقتباس:
ايوه مصر دولة الفقر الطحن عارف ليه ؟ علشان فيه 15 مليون مواطن مبيكلوش غير وجبتين فى اليوم علشان فيه 3 مليون مواطن مش بيكله غير العيش الحاف علشان فى اكتر من 3 مليون شاب وموظف مرتبه مبيزدش عن 150 جنيه علشان مصر من بره عمارات وقصور ومن جوه عشوئيات ومفيش خدامات انت مبتخدتش بالك من الشوارع اللى عرضها نص متر واكوام الزبالة اللى محوطها وعلشان برضه فيها 8% متحكمين فى ثروة البلد وعلشان عندك 3 رجال اعمال فيها من اغنى اغنياء العالم عايز تتكلم عن الفساد علشان بنسبة 60 % الاكل اللى حضرتك بتكله كل يوم ده لا يصلح للاستهلاك الادمى علشان بنسبة 90% مياه الشرب اللى حضرتك بتشربها مياه لا تصلح للاستهلاك الادمى علشان لو حضرتك فكرت تدخل مطعم متضمنش اذا كان اللحم اللى هيتقدملك لحم خنازير ولا حمير وكلاب علشان حضرتك متضمنش الخضاؤ اللى بتكله ده مرشوش ولا سليم علشان حضرتكم متضمنش ان العيش اللى بتكله القمح اللى معمول منه جاى من روسيا وغير مطابق للمواصفات ولا لا علشان قبل ما بتحط اللقمة فى بقك بتقول بسم الله الرحمن الرحيم وعلشان الخدمات فى المستشفيات زى الزفت وعلشان الموصلات بهدلة وعلشان ملكش كرامة فى الشارع وعلشان الصحة مش موجوده وعلشان الرقابة غايبة عارف حضرتك بعد كل ده عايش ليه يبقى حضرتك عايش فى جنة الفردوس ولا جهنم والعياذ بالله اسكت يابنى احسن وكمل تعليم وخد شهادة الزقه فى الحيط واقعد اتفرج عليها وحاول تلاقى شغلانه ده لو لقيت ومش مهم تكون فى تخصصك لام كده كده مش هتلاقى شغل ولو حاولت تسافر بره اتاكد انك مسافر بعقد بصحيح بدل ما يغرق بيك المركب خلينا ساكتين احسن ده الواحد على اخره :) قال بلد |
اقتباس:
|
اقتباس:
احنا نعمل زى سعاد حسنى ونقول الدنيا بمبى واحنا المدينة الفاضلة ونزل اعلانات ونقول (مصر البيت بيتك ) ومن جوه مجتمع مشوه مهدوم وكل ده علشان منظرنا قدام الاخوه العرب والعالم لا ياسيدى انا عندى ان المشكلات تتعرض بس يتوجد ليها حل افضل مليون مرة من انى اقول ان الحياة عندى جميلة فى حين ان المجتمع السرطان مسيطر عليه من قمة الهرم للقاع |
اقتباس:
ما انا عارفه ان الفيلم وحش امال انا بقول ايه من الصبح:bosyht9: متأكد ان الرواية آمان:d(ليكون فيها كلمة كدا ولا مش كدا):) سؤال بسيط معلش هل هم في اخر الفيلم بيقدموا الحل للبطاله والحاجات دي..؟؟ ولا بيخلوا سلبيات عشان الناس تمتع نظرها طول ما فيه افلام زي دي هتزيد الشباب تفاؤل والعكس صحيح طبعا وهيزيد الاعتدات في البلد ما هم بيعلموهم ازاي يعتدوا ببلاش وهلم جر اخر سؤال ليه بتكروا السادات ؟؟ انا بحبه جدا وشيفه انه عمل حاجات كثيرة كويسة في البلد:d انه ذكي جدا ولولا السادات مش كنا طبعا هنبقي عايشين في سلام واعظم معركة في التاريخ(من رأي)73 كان سببها ذكاء السادات :d شكلي هتموت بسلبب افكاري المخلافة دي:o ع العموم ابقي احكم البلد وماشيها ع مزاجك:d |
اقتباس:
امريكا لو رئيس دولة اخطا بيتشال مسمعتش عن فضيحة وتر جيت يبنى امريكا فيها فساد بس لو اكتشف بيكون فيه عقاب ورادع انما انت لو موظف اخد رشوى القضية بتفضل فى المحاكم 10 سنين يكون الموظف مات انت عندك عدالة على فكرة بس على الضعيف بس وبتكون سريعه عليه انما الغنى العدالة بتقف قدامه عاجزة او بطيئة فا متقارنش نفسك بدولة بتحاكم رئيسها ومجلس نوابها قادر على عزله لو اخطاء |
وحدوا الله :d
|
| جميع الأوقات بتوقيت GMT +2. الساعة الآن 03:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.