عمرك اتحطيت ف الموقف دا !!!!!!!؟ طيب عملت ايه
 

طبعا لو فضلنا نتكلم محدش يقدر يعترض ع قضاء ربنا حتي لو كانت العواقب ايه لان كل واحد بيأخد نصيبه دا الرد اللي المفروض يترد عليا انا عارف بس لازم اقول وافضفض


تفتكروا ع سبيل المثال ف اي امتحان انت جاهزله 1000000%

يعني جاهز لدرجه تخليك تقفل الماده دي بس انت بتقول كده وما تعرفش قضاء ربنا فين

لم تدخل بقي الامتحان وتحل وتلاقي كل حاجه سهله وبتحل وخلصت قبل الكل كمان بس تيجي تبص ف الاخر تلاقي مثلا حاجه كانت ف المسأله 90 وانت شفتها 60 ومع انك راجعت اكتر من مره

تفتكروا دا ايه

وغيرها كمان بنفس الطريقه الساذجه اللي تخلي الواحد بعد الامتحان والتعب اللي تعبه عنده استعداد يموت نفسه

تفتكروا يعمل ايه

انا قولت الرد ف الاول بس الواحد بردوا بشر وأكيد الواحد جواه بيزعل غم كل المواساه طبعا اللي حتتقاله بس محدش بيكون حاسس بالتعب دا غيره هو

تفتكر لو انت مكاني تعمل ايه

يااااااااا رب اني لا أسألك رد القضاء ولكني أسئلك اللطف فيه

بص انا هقولك مع انك رديت ع نفسك
كل الموضوع ان ربنا ادري منك بمصلحتك وبدل انت اجتهدت وعملت اللي عليك
سيب الباقي لربنا محدش عارف يمكن تدخل كليه ربنا مقدرها لك وتبقي فيها سعيد وفرحان
مع انك غلطان ف الامتحان اللي بتقول عليه دا ممكن تجيب الدرجة النهائية
اعمل اللي عليك وسيبك من النتائح
ربنا يوفقك

اخى الحبيب قل لو اجتمع الجن والانس على ان يضروك بشئا الا قد كتبه الله لك فلا يضروك

تقبل مرورى

اخوك سيف

بجد فعلا هى حاجه تزعل جدا
بس لا يصبينا ال ماكتب الله لنا
ومقدرا موقفك بجد
ربنا معاك ان شاء الله
وحاول تركز بعد كده
عشان كلنا بنفتكر الى احنا كله 100 \100 بس بنسى ساعات حاجات كتير
ومعلش ان شاء الله تجيب النهائيه فى الماده دى وفى بقيت المواد باذن الله:):):)

انا بأشكر حضراتكم ع الكلام الجميل دا بس صدقوني محدش بيحس بالنار غير اللي مسكها وانا بجد تعبت

فوضت الامر لله

انا زيك كده برده وللاسف الموضوع ده بيحصللى كثير فىالرياضة مع انى بحبها اوي وحصللى اكثر من مره في امتحانات الواحد بيحتاج فيها للنصف درجة وبجد الواحد بعدها بيحس بفشل واكتئاب جامد

ما دا اللي انا عاوز اوصله

انا ساعات بيحصلي كدا بشوف 21 ..........2 مثلا و الناس بتتريق عليا عشان ببقي عمله خطوات صح بس بعد كدا بقول عادي ربنا عايز كدا

اكيد طبعا هضايق فتره
بس هقول اكيد ان ربنا مقدر كده
اكيد ليه حكمه في ان ده يحصلي
مش ممكن بيختبرني ويشوف ردت فعلي هقرب منه ولا هبعد
قدر الله وماشاء فعل
بس

اللهم اني لا اسألك رد القضاء ولكني اٍالك اللطف فيه

والله بعد الامتحان وبعد ما أكتشفت اني قريت السؤال خطأ توضأت وصليت ركعتين شكر لله وقولت قدر الله ما شاء فعل

الحكاية دى بتحصلى كتير ومش بعرف اعمل ايه
؟؟

حصلت معايا فى الاحصاء و لخبطت شوية فى السؤال الثانى عند الانحراف بس ربنا بيسترها كنت حالة الباقى

وحتى لو مش حالاهم ربنا مش حيضيع جهدى حتبقى باى طريقة بس ربنا مش حيضيع جهدى انا واثقة

خلى عندك ثقة كبيرة فى ربنا

ربنا محل ثقة و بجد عمر تعبك ما حيضيع و ربنا حيديك على قد ما عملت

ربنا عادل

اسباب الغلطات التافهة ده حاجات كتير

1- إنك بتتكبر على نفسك وبتقول أنا خلاص مقفل الامتحان ومفيش حاجة حتبقى صعبة عليا
فربنا يخليك تغلط في اتفه حاجة عشان يثبتلك إنه العون من الله والتكبر مش كويس

2- بتكون مطبق او سهران ومش نايم كويس فلازم وهو في الامتحان طاقته بتخلص قبل ما يخلص الامتحان
وتلاقيه بيلوش بعد كده ده لو منمش وبتحصل
وطبعاً مينفعش حد يذاكر على حساب صحته

3- ولا تكرهوا شيئاً يجعل الله لكم فيه خيراً
ربنا شايف إنك لو دخلت الكلية ده حتفشل فيها مستقبلا والنص درجة ده هي اللى حتخليك تخش انسب كلية ليك

الاحتمال الثالث مناسب انا الاحتمالين الاولين غلط 100 % مفيش حاجه اسمها تكبر ع مستقبل

بتحصل كتييييييييير معايا;)
و بعد ما بخلص و اجي اراجع:blush: بموت و اعد ندمانه:unsure: اني مراجعتش كذا مرة:bosyht9:
مرسي ع التوبيك

انا بقى مبفتكرش وبطلع من الامتحان عاوز اضرب نفسى باى حاجة وطبعا صحابى اللى ماشى معاهم بقوللى الكلمة التقليدية (تعوض فى الامتحان الجاى باذن الله)بس والله بقول لنفسى الحمد لله انا عملت اللى عليا وده قدر ربنا واللهم لااعتراض وشكرا على الموضوع ده عشان حقيقى بيحصل لناس ياما منهم اكيد انا

دي بقت مرض مش مجرد نسيان بس لقيت ليها حل من واحد صاحبي قالهالي بعد الامتحان

لو فيه سؤال المفروض يتحل ف 20 دقيقه يبقي تقسمهم 15 دقيقه قرائه السؤال ها سمعتني 15 دقيقه قرائه السؤال و 5 دقايق للحل دا بجد احسن حل

انا لو منك كونت شطبط ورقة الاجابه كلها واجلت الامتحان للسنه الجايه

حضرتك انا اخرى اخلص فى اول ربع ساعة
لو زاد الوقت 5 دقايق بقول اتاخرت
لكن حصلت معايا فى الجبر والمثلثات وقعدت لنص الوقت فى حالة لا مبالاة لحد ما مشيت من باب المعهد وانا مذهولة
وطبعا جت الدرجات غريبة
قدر الله وما شاء فعل

بس ان شاء الله المرة الجاية تركز وشوية هدوء وان شاء الله تضمن التفوق
ربنا يوفقك