عايز تبقى ايه
قل عايز تبقى ايه
لو كنت فى ثانوى او فى الجامعة
يعنى عايز تدخل كلية ايه
وتشتغل ايه بعد التخرج وهتعمل ايه
وانا هقول بعد ما اسمع ردودكم

شكررا يا ندى على الموضوع الرائع عشان نتعرف على احلام بعض
انا الحمد لله دخلت هندسه واحلامى انى اتخصص فى الكمبيوتر ان شاء الله

اسمع انه تخصص حلو اوى
ربنا يوفقك وتنفذ حلمك
وشكرا على احلى مرور

انا عن نفسى نفسى ادخل كلية اعلام

انا لسة فى 2 ثانوى

يلااااااااا ربنا يوفقنى

شكراا لطرحك هذا الموضوع

انا ف 3ث وعاوز ادخل طب واتخصص ف امراض الكبد اوا ادخل اسنان

أنا سيبها على الله أصل اللى المجموع اللى أنا جيبته فى ثانيه ثانوى ميخلينيش أحلم أروح كبرى الجامعة حتى

ميرسي يا تيمون على المرور وان شاء الله تدخلى الكلية الى انتى عايزاها
ميرسي على المرور يا بسام وربنا يوفقك
طب فيها مادة صعبة اوى الى هيا تشريح الجثث

معنى كدة انك معندكش اى حلم
احنا كلنا بنعدى على كبري الجامعة عادى يعنى
الف شكر على المرور

انا نفسى اكون رائده فضاء ومتعقدوهاش اوك
ولو مش كده ادخل صيدله

واحنا هنعقدها ليه فى كتير عايزين يعملوا كدة وفى الى عايز يزور المريخ طبعا انا مش منهم
وربنا يوفقك وتبقى رائدة فضاء

كنت عايز أدخل كلية تجارة بس راحت

طب انا هقول لك
اخويا جاب في سنة تانية 66 طبعا كنا عاملين حسابنا يدخل معهد
وفي تالتة جاب 88 ومكناش مصدقين لدرجة ان احنا شتمنا الى جايب نتيجته وافتكرنا انه بيلعب باعصابنا
عادى يا ابنى
ودلوقتى هو فى تانية تجارة وبيعدى على الكوبرى وبيمشى عليه كمان
وممكن الى هتدخله تتفوق فيه ممكن الى دخل تجارة ميفلحش
كله بامر الله
ندى

أنا جايب 60

انا كان نفسي ادخل طب اسنان
بس دخلت علوم (الحمد لله)
ونفسي -1-دكتور تحاليل
-2-سوبر فايزر
-3-كيميائي فى شركة اسمنت

انا الحمد لله دخلت هندسة.
وهتخصص عمارة ان شاء الله.

بس نفسى اكون ام صالحة لشخصيات كبيرة
نفسى اربى ولادى صح اوى .
ونفسى اوى اكون داعية واقدر اعمل حاجة للاسلام.

بس.

نايس توبيك يا قطه بجد
وانا فى تالته ثانوى علمى رياضه
بتمنى ادخل كليه الهندسه قسم هندسه طبيه باذن الله
ادعولى بقى :)

انا اعرف واحدة جابت 62 فى تانيه وفى تالته جابت 92 ودخلت اداب انتساب
لو مصمم على حاجة هتعملها وخلى عندك ايمان بربنا
ربنا يوفقك يا بحار وتبقى اكبر دكتور تحاليل
اما انا عايزة ادخل صيدلة ونفسى ابقى معيدة فيها يعنى برستيج وعلشان ابقى اسمى الدكتورة ندى
وكمان عايزة اعمل ماجستير ودكتوراه
يعنى من الاخر مش ههدى الا لما الاقى نفسى عندى 90 سنة
ربنا يديلى الصحة ويطولى فى عمرى يا رب

على فكره انا ليا واحد صحبى 65 فى تانيه و 96 فى تالته
وواحد تانى 73 تانيه و 97 تالته وواحد تالت 74 فى تانيه و 94 فى تالته
والتلاته دخلوا تجاره الحمد لله
انا بقى الحمد لله دخلت صيدله بس بنى سويف وانا من القاهره
حلمى حاليا انى اعرف احول القاهره السنه دى او السنه الجايه

الللللللللللللللللف شكر على احلى مرور يا ميرو ويا توتى ويا ايمو
ويارب تعملوا الى لنتوا عايزينه مدام مصممين عليه بس يعنى ايه تحول القاهرة
ربنا يوفقوا

أنا لسه داخل تانيه
لكن عايز أدخل (حقوق إنجليزى)ان شاء الله
وعايز اكون مستشار زى بابا
شكرا جزيلا ندى على الموضوع

انا الحقيقه دخلت هندسه
وكمان اتخصصت كهربه
وكمان تقريبا قربت اخلص
وبشتغل في شركه في الكويت مرتبها عالى جدا
بس الحقيقه انا بحلم وبحلم اوي اني اشتغل في مصر
بس هل الفلوس اللي هاخدها هتكفيني خصوصا اني محتاج اني اتجوز واصرف على عيله
والله انا لو خالي مرتب مثلا 2000 جنيه انا مستعد ما اسافرش برة مصر خالص
مع العلم انا مرتبات بره حوالي 20000الف يعني 10 اضعاف

اه صح مرتبات بره بتزيد عن 20000

اصل انا لما كنت بشتغل فى امريكا كان بابى ومامى بيقولولى يا رحمة علشان ايه البهدله دى بس انتوا عارفين الحياة صعبه وكده بقي

________________

انا باذن الله داخله تانيه وناوية على صيدلة وان لم يكن فباذن الله علوم وان لم يكن فاداب علم نفس او اداب يابانى ....

ربنا يوفق الكل باذن الله

يا دى الصيدلة؟
انتو حرين

انا بقى عاوز ابقى
كويس
انا فى تالتة
وناوى على هندسة ان شاء الله
يا مدنى يا اتصالات يا كمبيوتر
غير كده ...... مفيش غير تجارة ربنا ما يوريكم

مالها الصيدلة ؟؟

قول بس علشان ابقي عندي علم الناس مش بتحبها ليه والحمد لله انا عندى بدائل ....

والله
لو انت بتحبيها يبقى
خلاص ده
الفيصل فى الاول والاخر
بالنسبة بقى للكلية لو هتدخلى وتتفوقى فيها ان شاء الله
يبقى حاجة نضيفة
غير كده
اخرك صيدلية او شركة ادوية
بس فيها شغل طبعا
انتى وفلوسك

بالنسبة للبدائل
انا شايف من ردك
انهم اداب الاتنين
ومش شايفهم مؤثرين اوى

حاولى بقدر الامكان متمشين ورا مشاعرك او احساسك
بمعنى سيبك من حب الكلية والقرف ده

ودايما هتقعى فى مطرقة حب الكلية اللى مجموعها قليل شوية واللى عاجباك وملهاش شغل
(وابقى خلى حبك ينفعك)
وسندان الكلية التانية اللى مش بتحبيها بس ممكن يبقى ليها شغل ومرتبها نضيف

دى وجهة نظرى طبعا وملهاش اى لزمة لحد غيرى
بس اهو ده اللى انا شايفه
سورى على الاطناب
وربنا يوفق الجميع ويوفق تالتة وتاني ثانوى بالذات
عشان فيه تعليمات بنفخهم كالمعتاد :D

انا بقى لما اخلص اولى وتانية وتالتة يبقى افكر

بس انا نفسي في فنون تطبيقة

وخايفة ادخل كلية مش حلوة لان تقريبا انا
الخيبة بتاعت البيت لان عندي واحدة هندسة والتانية
فنون تطبيقة وماما برده فنون تطبقية وبابا كميائي في مصنع اسمنت

خريج كلية علوم وانا بقى اللي هابوظ كل حاجة

يلا ربنا معايا
ادعولي ربنا يخليكوا ليا

أنا كان نفسي ادخل صيدلة بس ربنا كانت أرادته اكبر و أعلى من كل شئ
ودخلت ادآب بفضل المجموع المهبب

الحمد لله على كل شئ

على حكاية الصيدله انا عجبتنى لانها كليه كل اللى فيها مش بيتعبوا زى الطب

وباذن الله مفيش مشاكل من حيث صيدليه او كده وعارفه ان فى الاخر هيبقي اسمى دكتوره بس بياعه

لكن الطب استحاله بس ممكن علاج طبيعى

واما عن الباقي فبيتهيالى انا مش محتاجه كليه تشغلنى

وبابا قايلهالى السنة دى ادخلى المجال اللى بتجبيه واهم حاجه مش تعديه لا تفوقي فيه

مش عارفه والله انا محتاره من اعدادى وحتى لما استقريت على الكليه والبدائل كتير بيحذرونى

طيب ايه رايكم فى كلية علوم ؟؟؟؟؟؟؟؟؟؟

ربنا يوفقوا كلكم وانا شايفة ان صيدلة مش وحشة يا خالد انا عليزة ادخل صيدلة وتجارة حلوة اخويا فيها لكن صعبة وهو ماشى فيها بالبركة

ابوس ايدك بلاش علوم
كل واحد بيعمللى فيها زويل وهو داخل
الكلية حلو بس المستقبل صفر صفر صفر
لا منك صيدلية ولا دكتورة ولا مهندسة
تاخدى كله ولا الهوا بعد كده
ولو هتتفوقى فيها برضو
متخشيهاش

كلية علو صعبة اوي يا رحمة علتي كلها كلية علوم

وانصح ما تدخلهاش الا بقى اذا كان ده طموحك

شكرا لطرحك للموضوع يا نـــــــــدى

وان عن نفسى انا الان فى كلية التربية

بس عايز ادخل قسم E

بس مش علشان اكون مدرس انجليزى

بس استفيد باللغة فى مجالات تانية

بس اكون استاذ لسه بفكر :rolleyes:

شكلى هخرج بشهادة ثانوية وكفايه كده

طيب ايه رايكم فى كليات سياسة واقتصاد ؟؟

حقوق وشريعه ؟؟


معلشي يا ندى قلبتلك الموضوع شوية

أنا كنت علمي فى تانية...
و بعد كدة علمي رياضة فى تالتة :)
..وبعد كدة ناوى على حقوق انجليزى فى الآخر...
تقريبا عشان الاسباب اللى خليلي خالد قالها ..المستقبل الوضع المهنة المرتب..أمور كلها بعييد عن العواطف و الميول ....وداخل علمي لية؟ ... :ph34r: ..عشان بحب الرياضة و اهو فى الىخر كله بيوصل..ويمكن تتاح الفرصة و ادرس الاتنين ..الله اعلم :rolleyes:

شكرا على احلى مرور منكم كلكم
الموضوع متقلبش ولا حاجةانا عاملة الموضوع علشان نتناقش وهو ده الى انا عايزاه بس فعلا علوم صعبة

[attachmentid=3277]انا نفسى فى سكمرى سيارات

أنا داخل أولى طب ويا رب أنجح بس مش مهم تقدير
وبعدين ممكن تدخلى اسنان او صيدله لكن علوم وتجاره واداب ....... لا الصيدله والاسنان اولى

انا عايز ادخل طب
وجايب 98.7

انا املى كلة وطموحى انى ادخل هندسة او فنون تطبيقية بس الاغلب هندسة طبعا انا رايحة 3 ثانوى لكن ربنا يسهل ويستر بردو ادعو لى

رحمة على فكرة كلية علوم مش وحشة بس هتكون حلوة لو انتى هدفك اكبر من انك تاخدى الشهادة منها وخلاص يعنى يكون هدفك اكبر مثلا عالمة فى شئ ما او دكتور معيدة علشان تكون لها قيمة اكبر وربنا يوفقك ويوفقنا جميعا
وكلية سياسة واقتصاد جميلة جداااااا توكلى على الله وربنا يوفقك السنة دى واللى بعدها وابقى حددى
وشكرا لكى ندى

انا دلوقتي في سنة 10/تانية ثانوي و هدفي ان ادخل كلية الطب طبعا ان شاء الله عشان انا بحبه اووووووي و عايزة تخصصي يكون brain surgeon

<div class='quotetop'>إقتباس</div>والله يارحمه ليا اصحابى فى صيدله بيعانوا منها وبيقولوا ان صيدله اصعب من طب ..
بس مفيش كليه سهله عموما وعلوم ليها مستقبل شوفى اللى اجتهدوا وجابوا تقديرات كويسه فيها بقوا ايه ..

بالنسبه ليا فطموحى لحد دلوقتى المجموع وبعدين على حسب المجموع حشوف ..

لو ربنا كرمنى وجبت مجموع كويس ان شاء الله يبقى طب اوطب اسنان اوعلوم اوعلاج طبيعى( بس فى ناس كتير قالتلى ابعدى عنه ) ..

لكن صيدله حفكر فيها اخر حاجه ..

<div align="center">أنا دخلت تجاره </div>
<div align="center"> </div>
<div align="center">بس انا عاوز ألاقى نفسى بعد ما اتخرج </div>
<div align="center"> </div>
<div align="center"> </div>
<div align="center">انا عن نفسى ضعت من نفسى يا عالم هلاقى نفسى ازاى </div>
<div align="center"> </div>
<div align="center"> </div>
<div align="center">بس اكيد بدام تجاره يبقى عاوز أكون محاسب فى بنك او شركه ذات مستوى عالى شويه </div>
<div align="center"> </div>
<div align="center"> </div>
<div align="center">يلا مرسيه على الموضوع يا نورهان </div>

أنا في 3 ثانوي
و نفسي السنة السودة دي تعدي علي خير
وربنا يسهل بقي

انا ان شاء الله ناويه علي طب اسنان و لو ما لحقتهاش هدخل علوم

و طبعا مش هاشتغل انا هاخد الدكتوراه و اقعد في البيت استني عدلي ههههههههههههه

انا بقة خلصت الدبلوم واشتغلت باسى نفسى فى حاجة فاحدة باس

انى اعرف انا عايزة ايه

انا عندى 20 سنه ولحد الان مش عارفة اخد قرار صح فى حياتى

او بمعنى الاصح مش عارفة الاقى حد يفهمنى

تعرفو بقة تساعدونى او تحللو شخصيتى مش لاقية حد يفهم شخصيتى خالص

ويارب يارب تفهمونى يا اخوتى