|
معضلة في الرياضيات قام بحلها سيدنا علي(استراحة رياضية)
معضلة في الرياضيات، ما زالت محيرة للعقول، يحُلها أبو الحسن مما ورد في المسائل القضائية عن الإمام علي بن ابي طالب رضي الله عنه كان هناك ثلاثة رجالٍ يملكون 17 جملاً, بنسبٍ متفاوتة, فكان الأول يملك نصفها, والثاني ثلثها, والثالث تسعها, ولم يجدوا طريقة لتقسيم تلك الجمال فيما بينهم فحسب النسب يكون التوزيع كالآتي الأول: يملك (17 ÷ 2) = 5. 8 الثاني: يملك (17 ÷ 3) = 67. 5 الثالث: يملك (17 ÷ 9) = 89. 1 ******* فقال لهم علي رضي الله عنه: هل لي بإضافة جملي إلى القطيع؟.. فوافقوا بعد الاستغراب الشديد.. فصار مجموع الجمال 18 جملاً وقام بالتوزيع كالآتي الأول يملك (18 ÷ 2) = 9 الثاني يملك (18 ÷ 3) = 6 الثالث يملك (18 ÷ 9) = 2 لكن الغريب في الموضوع أن المجموع النهائي بعد التقسيم يكون 17جملاً.. في نفس الوقت الذي أخذ كل واحدٍ منهم أكثر من حقه بالقسمة الأولى, وأرجع علي رضي الله عنه جمله اليه |
شيئ محير فعلاً
|
اقتباس:
ياريت احد عباقرة الرياضيات يفسر لينا المعضلة دى وكيف حلها امير المؤمنين سيدنا على بن ابي طالب رضى الله عنه |
السبب!!!
لو جمعنا النصف و الثلث و التسع لن يكون الناتج 1 صحيح 0.5+0.33333+0.11111= 0.94444444444 هذا هو السبب |
معضلة في الرياضيات، 45-45=45 كيف ذلك ؟؟؟
اجمع 123456789= 45 اجمع 987654321= 45 اطرح 987654321 - 123456789 = 864197532 اجمع الناتج = 45 |
اقتباس:
شكرا لك ومنتظر تفسير اكثر |
اقتباس:
شكرا لك ومنتظر تفسير لمعضلة سيدنا على بن ابي طالب |
السلام عليكم ورحمة الله وبركاته
شكرا مستر هانى على النفحات دى من روائع امير المؤمنين على بن ابى طال كرم الله وجهه ما اريد قوله : ان امير المؤمنين على كان ذا بصيرة فائقة من رب العباد تعالى يعنى حل المساله ببصيرة وليس بطريقة الرياضيين لكن سيدى الفاضل من وجهة نظرى سيكون الحل كالاتى 1/2 عدد + 1/3 عدد + 1/9 عدد = 17 سنجد بعد توحيد المقامات ان المضاعف المشترك الادنى للمقامات هو 18 يعنى (9 +6 +2)/18 عدد = 17 17/18 عدد = 17 بالضرب فى 18 للطرفي 17 فى العدد = 17 فى 18 بالقسمة على 17 للطرفين سيكون العدد 18 يعنى اقل عدد يمكن تقسيمه بالنسب المذكورة هو 18 ولذلك فقد اضاف اضاف الامام جمله ليكون التقسيم بنسب اعداد صحيحة وبدون اى يخل ايضا بالشروط حيث ان جمله له اصلا بصورة طبيعية كما رايت فقط لتحيق خواص الاعداد المشكلة فى البصيرة والسرعة ودا بالتاكيد فضل من الله نتيجة طبيعية لورع وحكمة وتقوى امير المؤمنين وهناك سيدى من المساءل من هو ادهى من ذلك وليست مساءل عددية فقط ولكن حسية ايضا مما يعجز عنه عقول كعقولنا!!!! كان عمر بن الخطاب امير المؤمنين رضى الله عنه يقول: لولا على لهلك عمر والله اعلم تحياتى لحضرتك وللجميع |
السلام عليكم .......
أنا رأيى إن لابد من توحيد المقامات ل 1/2=9/18 ،1/3=6/18 ،1/9=18/2 لأن الفكرة هنا من غير اضافة جمل ،فيكون الناتج هو البسط (9،6،2) أى يجب عمل نسبة واحدة تخص الثلاثة معا وهذه مجرد خاطرة طرأت فى عقلى ........... لاحظ بالمعادلات تيجى: 1/2س+1/3س +1/9س=17 17/18س=17 : إذن س=18 1/2س=1/2*18=9 1/3س=1/3*18=6 1/9س=1/9*18=2 |
أولا السؤال خطأ رياضيا فلابد أن تكون مجموع الأجزاء واحد صحيح وهذا لم يحدث ثانيا الحل غير دقيق لأن مثلا ال9 جمال ليست نصف ال17 جمل ثالثا سيدنا علي كرم الله وجهه حل المسألة بطريقة تقريبية لأن الطريقة الدقيقة لاتصلح |
اقتباس:
المسالة صحيحة 100 فى الماية مين قال ان ال6 نص ال 17 هو ادا لللى له النص 9 واللى له الثلت 6 واللى له التسع 2 يبقوا كلهم 17 وخلى بالك هو معملش كدا الا لما اضاف الجمل بتاعه الاول وبكدا يكون مجموع الاجزاء 18 اللى له النصف ياخد 9 وال 9 نص ال 18 معروفة دى واللى له التلت ياخد 6 وتلت ال18 يكون 6 معروفة واللى له التسع ياخد 2 والاتنين تسع ال18 لغاية هنا تبقى الاجزاء 17 يتبقى جزء واحد هو اصلا لسيدنا على اللى اضافه لسعولة الحل يعنى سيدنا على اعاد صياغة المسالة بطريقة جديدة ولا تخل بالاصل ابدا ولم يحل المسالة او يوزع بصورة تقريبية او عشوائية مطلقا والمسالة صحيحة مليون المية مش 100 المية تحياتى |
لاحظ ان ال9 اللى اخدهم اللى له النص نصف ال18 مش نص ال17
عشان محدش يقول بس هما 17 ماهو اضاف جمله الاول واخد نسبته فى الاخر وهى 1/18 |
مجموع الاجزاء = ا صحيح لان 9/18 + 6/18 +2/18 + 1/18 = 18/18 = 1 صحيح
طبعا بعد اعادة صياغة المسالة واضافة الجمل الجديد لسيدنا على ودخوله معهم بنصيبه تحياتى للجميع |
اقتباس:
هو دا اللى قلته وبدون س عشان الناس كلها تفهم مش بتوع الرياضة بس مع ملاحظة ان النسبة ل 4 مش ثلاثة - الثلاثة + سيدنا على يعنى 9/18 ،6/18 ، 2/18 ، 1/18 لان خطا ان اقول انهم 17 جمل واللى له النص اخد 17 لان ال9 نص ال18 مش نص ال 17 زى ما حد ممكن يفتكر المسالة يا جماعة اتعاد صياغتها بورع وبصيرة امير المؤمنين ولم تحل بعشواءية او متاسف فى اللفظ اللى ممكن حد يتصورة فى لغتنا الدارجة ب دروشة!!!!! يعنى لان فيه ردود استفزازية واحد بيقول حلها تقريبى اى تقريب فى هذا اذا كانت النسب اتغيرت بعد اضافة نسبته (جمله) رضى الله عنه تحياتى |
اقتباس:
الجمال اصلا 17 ونصهم مش 9 ومالناش دعوة بجمل سيدنا علي لانه كان داخل علشان القسمة تصلح وتكون نواتج صحيحة وأرجوك ماتردش على نفسك وافهم حلول غيرك كويس ومش انت بس اللي مدرس رياضيات احنا معانا ماجستير في الرياضيات والمسالة واضحة ومش محتاجة كلام كتير |
متاسف ليك يا مستر يا بتاع الماجستير
وانا مش متحيز لحلى كما انى مقلتش ان ال6 نص ال17 ومش هاحل خالص ومش هرد تانى واسف ليك يا افندم |
يا جماعة جهابزة الرياضيات هنا جامدين والله كلهم بدون ما حد منهم يزعل
بس انا ليا استفسار الناس دى اما اتشاركم مع بعضهم الراجل الأولانى ده اللى عمل المشكلة ممكن أفهم جاب نص الجمال إزاى؟؟؟؟؟؟؟؟؟ يعنى كان جايب 8جمال ونص من ال17؟؟؟؟؟؟؟؟؟؟؟؟؟؟ ثانيا الناس دى اتشاركوا ازاى ومجموع مشاركاتهم اللى هى نص وثلث وتسع مجموعها ليس واحد صحيح؟؟؟ كان ليهم شريك رابع مستخبى عشان يكمل النسبة اللى هتكون واحد على 18 جزء حتى يكونوا جميعا مجموع مشاركاتهم تساوى واحد صحيح ؟؟؟؟ أفيدونا بآرائكم جميعكم أهل للفتوى وبدون ما حد يزعل من حد |
ابه حكا يتك مع الجمال يا مستر هانى الولد الذى سقط فى التعبير كان بسبب الجمل ومسائل الحساب ايضا عن الجمل ..ارجوك اخى الفاضل اختار اى حاجة غير ه... التوقيع ابلة مرعوبة من النتيجة |
اقتباس:
هل من مزيد من التحاليل المنطقية شكرا لمرورك اخى الكريم |
اقتباس:
شكرا لك لمشاركتك من اساتذتنا الافاضل وفى انتظار المزيد |
اقتباس:
حل سيدنا على واقعى جدا جدا وأبهر به كل من عرفه ومازال علماء الرياضيات منبهرين به |
اقتباس:
شكرا لتوضيحك للزميل |
اقتباس:
ماشاء الله عليك الابداع له عنوان |
اقتباس:
|
اقتباس:
شكرا لك لتوضيحك ولتبصير من هم غافلون |
اقتباس:
سيدنا على ما كانش معاه ماستر ولا دكتوراه بس كان عنده بصيرة وعقل راجح منحه الله اياه بس |
اقتباس:
بالعكس يا مستر انا سعيد جدا بردك ومنطقك دايما بتتحفنا بردودك المنطقية مش الماسترية |
اقتباس:
بدون التحيز لماستر ولا دكتوراة نفهم بس |
اقتباس:
المرة الجاية اخد بالى واجيب حاجة تانية يمكن ناقة ولا حاجة ومبروك مقدما النجاح ومش مستاهلة رعب ولا حاجة |
اقتباس:
اقتباس:
ههههههههههههههههههههه عندك حق حتى هنا يا مس جمل واحد حير الدنيا كلها مستر هانى المتالق دايما بجد يجبلنا حاجات شياكة جدا انا بس احب اقول لكوا ان المستر --- لا متاسف الدكتور لا يزعل منى ولا حاجة كان مصر ان ال 6 نصف ال17 وعاد كدا اكتر من مرة واتهمنى بانى قلت كدا بصوا فى اقتباسى لمشاركته وانتوا تعرفوا دى اولا وثانيا هو فى الاول قال المساله غلط اصلا ثم رجع وقال ضاف الجمل لسهولة الحل ثالثا انا ردودى الكتير مش فرد عضلات رياضية ولا حاجة فقط للتوضيح للناس كلها اللى بيدخل هنا ربما ميكنش مدرس اصلا لذلك حتى قلت عدد بدلا من س مثلا رابعا المساله بسيطة جدا - بس المشكلة فى الورع والتقوى والبصيرة مين يفكر يضيف نسبة جديدة للمساله زى امير المؤمنين ما عمل كدا علشان يقنع الناس - لا وايه بالحق والعدل مش بالدروشة زى ما قلت - هى دى الحلاوة هنا مش المشكلة فى الحل * خامسا يا مستر هانى اعرف قدرات الناس هنا واعرف ان فيه ناس هنا ماسيماتيكانز معاهم ماستر زى الدكتور اللى قال فى الاول انها غلط وعدل مشاركاته لتصحيح كلامه 9 بدل 6 وشكله مقتنع بس باين احنا مش قده قصدى انا مش قده لتزعل منى انتى كمان بقولك كدا عشان المرة الجاية تجيبلنا حاجة كدا جامدة على وزن ومقاس الدكتور الماسيماتيكان بتاع الماجستير!!!!!!!!!!!!!!! تحياتى لحضرتك وللجميع |
اقتباس:
هههههههههههههههههههههههههههههههههههههههه والله انت عسل يا مستر مش يا ماستر وانا قلت رايي على ردودك وعن نفسي كلما قرأت عن الصحابة والقضاة التابعون وكيفية حلهم للمعضلات لا املك الا ان اقول سبحان الله لن الله وهبهم بصيرةوايمان وتقوى وورع قبل العلم وهو ما نفتقده الان |
اقتباس:
المشاركة الأصلية كتبت بواسطة ابلة هدى http://www.thanwya.com/vb/life/buttons/viewpost.gif يا جماعة جهابزة الرياضيات هنا جامدين والله كلهم بدون ما حد منهم يزعل بس انا ليا استفسار الناس دى اما اتشاركم مع بعضهم الراجل الأولانى ده اللى عمل المشكلة ممكن أفهم جاب نص الجمال إزاى؟؟؟؟؟؟؟؟؟ يعنى كان جايب 8جمال ونص من ال17؟؟؟؟؟؟؟؟؟؟؟؟؟؟ ثانيا الناس دى اتشاركوا ازاى ومجموع مشاركاتهم اللى هى نص وثلث وتسع مجموعها ليس واحد صحيح؟؟؟ كان ليهم شريك رابع مستخبى عشان يكمل النسبة اللى هتكون واحد على 18 جزء حتى يكونوا جميعا مجموع مشاركاتهم تساوى واحد صحيح ؟؟؟؟ أفيدونا بآرائكم جميعكم أهل للفتوى وبدون ما حد يزعل من حد يا مس هدى معلش هاتدخل تانى ومتاسف مكنتش عاوز اشترك برد تانى بس هادخل بقا والامر لله شوفى حضرتك المشاركة فى الاول ربما تكون مادية يعنى كل واحد دفع مبلغ من المال ثم تم شراء جمال ولكن كل واحد له نسبته بالظبط يا مس زى لما اتنين يشتركوا ويجيبوا ماكينه فى مصنع او تلاته مثلا وممكن 5 مثلا كل واحد بنسبة لما تيجى الماكينه دى تتباع اكيد كل واحد هياخد نسبته مش هتتقطع حتت اوعى تقولى ندبح الجمل ههههههههههههههههههه عشان مستر هانى ميزعلش!!!!!!!!!!!!!!!!!!!!! بكدا يا مس يبقى الراجل الاولانى زى ما حضرتك بتقولى مجبس 8 ونص جمل عشان له النص ولكن المنطقى انه ساهم بثمن 8 جمال ونص وهكذا يا مس ولكن عندما اختلف المشتركون واراد كل واحد منهم حقه بحكمة امير المؤمنين ساهم معهم لتكون القسمة بالنسب المذكورة ممكنة وياخذ هو كرم الله وجهه نسبته اصلا وبكدا تتحل المشكلة بطريقة 100 فى الماية صح طبعا كان ممكن تباع الجمال مثلا وكل واحد ياخد حقه بنفس طريقة الشراء - لكن هذا ما حدث على ما يبدوا وهذا هو الاصلح والافضل طالما حقوق كل طرف محفوظة بما لا تترك ضغينة فى النفس اتمنى تكون وضحت طبعا بعد اشتراك امير المؤمنين معهم يكون مجموع النسب 1 صحيح كما ذكرت آنفا تحياتى لحضرتك ومتاسف للاطالة - فقط للتوضيح |
اقتباس:
اهم ما فى الموضوع انك ما دبحتش الجمل علشان ده أمانة هههههههههههههههههههه |
اقتباس:
ههههههههههههههههههههه ماشى يا مستر ازاى بس ادبح الجمل هو انا اقدر اصلا دا جمل جملى يا مستر هههههههههههههه وانا اكيد باقى عالعهد |
اقتباس:
|
اقتباس:
أولا مشكور يا أستاذ جمال ودائما نتشرف ونزداد من علم معلمى الرياضيات مشكورين ... وطبعا انا كنت باهزر فى حكاية ال8جمال ونص بس ماشى جمعوا فلوس الاولانى دفع 9جنيه والتانى دفع 6 جنيه والتالت دفع 2 جنيه ((حلوة الجنيهات دى طبعا معلش شغل محاسبة)) بعيد عن السين والصاد وبعيد عن الجمال عشان ابلة سعاد ما تزعلش برضه ..... بس برضه القيم دى تقريبية غير دقيقة يعنى التسعة مش بالظبط تعطى ناتج النصف من ال17 بل هى 53% تقريبا ولا الستة هى الثلث من ال17 وكذلك الاثنين وبالتالى هى نسب تقريبية ولذلك كانت فطنة سيدنا على رضى الله عنه عندما أضاف الواحد الى المجموع حتى يعطيهم رضى نفسى وقبول بقسمته مع علمه باسترداده لجمله بعد هذه القسمة والترضية وهذا الذكاء الفطرى ليس بغريب على سيدنا على رضى الله عنه ومعروف انه حل معضلة رياضية اخرى واجتماعية أيضا حينما حل مشكلة العروس التى تزوجت وبعد 6 أشهر انجبت فأرادوا إقامة الحد عليها لكنه أنقذها بالمنطق والرياضة والدين ومن كتاب الله تعالى وأثبتها لهم من القران حينما ربط بين الآية الكريمة " وفصاله فى عامين " وبين الآية الثانية :" وحمله وفصاله ثلاثون شهرا" العامين 24 شهرا هى عمر الفصال اى ان الفصال والرضاع يحتاج 24 شهر بينما الحمل والفصال 30 شهر اذن مدة الحمل يمكن ان تكون 6 أشهر طبقا للآيتين ... وهكذا كان عظماء الإسلام يفكرون ويفعلون عقولهم فسادوا العالم وأناروه بنور العلم والإيمان |
اقتباس:
|
بس برضه القيم دى تقريبية غير دقيقة يعنى التسعة مش بالظبط تعطى ناتج النصف من ال17 بل هى 53% تقريبا ولا الستة هى الثلث من ال17 وكذلك الاثنين وبالتالى هى نسب تقريبية ولذلك كانت فطنة سيدنا على رضى الله عنه عندما أضاف الواحد الى المجموع حتى يعطيهم رضى نفسى وقبول بقسمته مع علمه باسترداده لجمله بعد هذه القسمة والترضية وهذا الذكاء الفطرى ليس بغريب على سيدنا على رضى الله عنه
يا افندم انا وضحت ومهم جدا انا متاسف يعنى انى اقول مهم جدا جدا جدا ال9 نص ال18 مش نص ال17 وال6 تلت ال18 مش 17 يا افندم المساله كانت لازم يدخل فيها شريك رابع عشان الجمال متتقطعش - طالما هما عاوزين جمال مش قيمة مادية * ايه التقريب فى كدا يا افندم ماهو لما دخل معاهم مبقتش تقريبية خالص هو لو كان ادى لللى له النص 9 مثلا بدون ما يدخل معاهم يبقى كدا لا عدل ولا حاجة - وفى الحالة دى نسمح بان نقول قيمة تقريبية زى ما حضرتك بتقولى انما متاسف جدا جدا جدا الحل دقيق وعادل 100 بالمائة ولا حل غير دخوله شريك رابع ليتم التقسيم بالدقة والحق والعدل والجمال اللى عمله سيدنا ومولانا ابا الحسن رضى الله عنه وكرم الله وجهه |
اقتباس:
|
اقتباس:
مشكور للتوضيح كمان .... ده احنا فصل متعب اوى بس معلش الثواب عند الله ......... قصدى ان ال9 ليست نصف ال17 بل هى نصف ال18 والرقم 18 لم يكن وارد عند بداية القسمة فالنسبة لهذا الرقم ال17 تكون تقريبية واتفهم بقية الدوافع وابصم باقتناعى بها ومشكور للتوضيح وكذلك أضيف ان الميراث فى الاسلام كان به نسب كثيرة لأصحاب الفروض وهم غير الابناء مثل الاب يكون له الثلث والام لها السدس والاخوة لأم يكون لهم الثلث متساوون لا مثل الاخوة الاشقاء للذكر مثل حظ الأنثيين وكانوا يستطيعون تمضية شرع الله وتقسيم الميراث بهذه النسب بدقة وهذا هو من عظمة الإسلام تقبلوا جميعا تحياتى .... |
اقتباس:
كدا براءة يا افندم ههههههههههههه ورضى الله عن وزير العدل فى عهد امير المؤمنين عمر بن الخطاب رضى الله عنه سيدنا ومولانا على بن ابى طالب رضى الله عنهالذى اغتيل ظلما وعدوانا بعد ان نشر العدل والحق والجمال فى ولاية استمرت بالتمام والكمال اربع سنوات وتسعة اشهر وستة ايام وكان عمرة 58 سنة وقتله الخارجى عبد الرحمن بن ملجم الحميرى بالكوفة فجر السابع عشر من رمضان سنة 40 هجرية تحياتى |
اقتباس:
رحمة الله على أمير المؤمنين جمعنا الله برسولنا وصحابته اللهم آمين |
رحمة الله على سيدنا ومولانا على بن ابى طالب رضى الله عنه أمير المؤمنين جمعنا الله برسولنا وصحابته اللهم آمين
|
مستر هانى (كان هناك ثلاثة رجالٍ يملكون 17 جملاً, بنسبٍ متفاوتة, فكان الأول يملك نصفها, والثاني ثلثها, والثالث تسعها, ولم يجدوا طريقة لتقسيم تلك الجمال فيما بينهم)
سؤالى هو كيف الثلاث رجال يمتكلون 17 جملا بنسب ليس مجموع النسب يساوى الواحد الصحيح مجرد استفسار بسيط |
اقتباس:
|
اقتباس:
|
اقتباس:
|
اقتباس:
|
اقتباس:
اشكرك على وجودك واضح ان حضرتك لم تقرا الموضوع كاملا ولا الردود المتتالية من فضلك اقرأ الموشوع كاملا وردود الاخوة الافاضل ستجد ضالتك |
مش عارف الناس دي بتفكر ازاي ومدرسين رياضيات ازاي؟ الناس عمالة تفهم فيكم ومش مقتنعين وانتم مصرين على إن الحل دقيق . على فكرة ياجمال سراج ال6 كانت مكتوبة خطأ وكان قصدي 9 وال 9 مش نص ال 17 يا زوق يامحترم و لن أملك إلا أن أقول سلاما كما قال الله تعالى ((وإذا خاطبهم الجاهلون قالوا سلاما )) صدق الله العظيم
|
| جميع الأوقات بتوقيت GMT +2. الساعة الآن 03:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.