نداء الى سيادة الوزير الأب الدكتور يسرى الجمل
 

أناشد سيادتكم بالأصالة عن نفسى ونيابه عن العديد من الطلبة والطالبات للمرحلة الثانوية الأولى والثانية بالموافقة على سرعة إعلان النتيجة إذا كانت عمليات المراجعة والرصد قد إنتهت ولم يعد هناك مايستدعى التأخير فى إعلان النتيجة حتى لايكون هناك فرصة لذوى النفوذ وأصحاب المناصب من الحصول على النتائج لأبنائهم من الكنترولات المركزية حتى نشعر بالمساواه فى إنتظار النتيجة ولايكون هنالك فروق أو تمييز بيننا إلا بالمجموع ومايوجهنا إليه مكتب التنسيق، ولايخفى عن سيادتكم القلق والتوتر الذى تعيشه كل أسره لدبها طالب أو طالبه فى إنتظار النتيجة. راجين الله سبحانه وتعالى أن يمن عليكم بموفور الصحة والعافية وأن يسدد خطاكم لما فيه مصلحة أبنائكم الطلاب ومصرنا العزيزة.

عايزين مشاركات ياجماعة !!!!!!!!!!

يا بني هو الوزير حيدخل منتدي الثانويه يعني علشان يشوف النداء اللي عامله سيادتك
ابقا اتصل بأي برنامج من برامج التوك شو وابعت النداء بتاعك ده

والله ما إنت فاهم حاجة !!!!!!!!! الوزير ليه ناس ومستشارين فى كل حاجة، خللى نظرك بعيد وأفقك واسع ياحبيبى.

مـش مهم انى فاهم ولا لأ المهم أنك تكون عارف ان الناس اللى انت بتقول عليهم دول حاسين بيك يا هندسه ولا بكلامك ولا بكلام غيرك

هـو انت مش من مصـر ولا ايه

كلامك صح يا عادل انه ليه مستشارين

بس انت يعنى شايف ان سياده الدكتور الوزير

هيسمع كلام حضرتك مهما كانت الطريقة اللى هيوصلوا بيها الكلام

كان سمع دعاء اولياء الامور السنه اللى فاتت

وسهل الامتحانات

يا ابنى اصحاب النفوذ وأصحاب المناصب حصلوا على نتائج ابنائهم فور تصحيح المواد مادة تلو الاخرى

هههههههههههههههههههههههه
يا ابنى ما تتعبش نفسك حتى و لو الكلام وصل برضه ما فيش حاجة حتحصل

سيادة الوزير مش مطالب إنه يسمع كلامى ولا كلامك ......... سيادة الوزير مطالب إنه يعمل مافيه مصلحة أبنائه وبلده ومايراه مناسبا للوضع الحالى ولا أظنه يألوا جهدا ولا يدخر وسعا فى ذلك.......... وعلى فكرة لسة بلدنا بخير والله والحمد لله.

كل حاجة بخير بناكل وبنشرب وبنام وبنتفسح وفى أمان ربنا يديمه علينا وهنوصل لكاس العالم إن شاء الله. إحنا أحسن من غيرنا والله والحمد لله.

مش لازم سيادة الوزير يدخل على المنتدى ......... لكن من السهل جدا أنه يوصلله ......... وبعدين كدة ولا كدة إحنا بنعمل اللى علينا والباقى على ربنا وإن شاء الله هنوصل كاس العالم 2010 وعلى حساب الجزائر كمان .......ههههههه

هذا كلام لا معنى له نهائيا
دة شغل لا دخل للوزير به نهائيا

كل ده بيحصل فى أى بلد فى العالم والله مش بالضرورة يكون فى الثانوية العامة ولكن فى مجالات تانيه كتير جدا وكفاية إننا نشعر باللذه لما بنحقق هدف مش نلاقيه سهل فى إيدينا إحنا ظروفنا كدة عدد السكان كتير ومصادر الدخل على الأد طب نعمل إيه بقى ؟؟؟ نموت أو ننتحر ؟ لأ الحياه حلوة ومصر جميلة وبلدنا مافيش زيها وبكرة أحلى من النهاردة وعمار يامصر وبرده هنوصل كاس العالم 2010 فى جنوب إفريقيا إن شاء الله وبرده على حساب فرق الجزائر المغرور وربنا يوفقك ياحسن ياشحاته ياحبيب الكل.

بقولك ايه يا استاذ عادل ابعت النداء بتاعك للسيد الاعلامي الاب عمرو اديب يمكن يوصله للوزير
او ابعته للسيده الاعلاميه الام مني الشاذلي
بقولك ايه احسن حاجه تبعته للسيد المدرب المعلم الاب حسن شحاته

ربنا يشفيك

هوا ده اللى ربنا قدرك عليه؟ فالح ياحبيبى .................... وأرقص ياحضرى !!!!!!!!!!!

والله فعلا احنا مظلومين في البلد دي والبلد كمان مظلومة معانا
احنا احسن ناس نكلم مع بعض عن الظلم والمحسوبيات
لكن لم نتخذ اي خطوة ايجابية ضدها
أنا عارفة ان كل واحد بيقول انا مش هصلح الكون
لكن سؤال للجميع عندم يكون الشباب غير قادر علي التغيير فمن يستطيع؟
هذا مسئولية الجميع
وكل فرد لازم يبدا بنفسه علشان فعلا نقدر نعيش

علي فكره يا استاذ عادل احنا هنا بنتكلم عن النتيجه مش عن الكوره

صدقنى إحنا لا ظالمين ولا مظلومين لكن ده قدرنا وبلدنا حلوة والله وعايز تعرف حلاوتها أخرج برا حدودها وشوف أد إيه هتشتقلها وهتعرف أد إيه هيا أحسن من غيرها وعمار يامصر ،،،،،،،،

انا مش هقول فاضيين لان خلاااص الثانوية خلااااااص خلصت بس ولكن هقول الثانوية عملت شغلها والجدع يفهم !!!!1

أنا مفهمتش حاجة ........... يبقى أنا مش جدع خالص وياريت حضرتك تفهمنى بجد !!!

الآن وبعد أن ظهرت كافة المؤشرات والنسب المئوية للناجحين وأيضا أعدادهم ................ نجدد الدعوة بالإسراع بظهور النتيجة ياسيادة الوزير .............. فهل من مجيب؟؟

فى إنتظار النتيجة ياسيادة الوزير !!!!

يارب بقى ،،،،،،،،،

عيب الكلام ده يا أخ أيمن ........ مع إحترامى

اولا اشكر كل من ساعد هذه العضو على كلامه
وايضا نشكر كل من لم يساعد هذا العضو على نداءه ولو بالرد ؟؟؟؟؟؟؟؟؟؟؟؟؟؟؟؟؟؟

يا جماعه مالكوا شغالين تريقه كده ليه على الأقل هو عمل خطوة ايجابيه انتوا عملتوا ايه ؟

والشبا ب هيغير نفسة ازاى
بالجلوس على القهاوى ولا المشى فى الشوارع
ولا بالشغل الى مش لا قيه
ولا بالشهادة اللى بياخدها ويستنى بها
ايام وشهور وسنين

اصلا هو ميعاد النتيجه اتحدد يوم الاربع بالليل
خلاص ما فيش تغيير في ميعاد النتيجه يبقا ايه لازمته النداء يعني

فلنفرض ان الكلام ده وصله يعمل حاجة استحالةمع تحيات سلسلة مطاعم <خد فطيرك>

ومش فاضى ليه ؟؟؟؟؟؟؟؟؟

ما تظهر وقت ما تظهر
بلا بتاع

و بعدين انت عايز انكل يسري صابر حسين الجمل بجلالته يرد علينا
صلي عالنبي
ماتظهر وقت ماتظهر بلاش تقلقوا
ربنا يسامحك يا ابن ام صابر << ماتركزوووش :giljotiiniug3:

عادل انا بنصحك تروح لدكتور يشوف حالتك
تانى حاجة ايه اللى جاب حسن شحاته هنا
وبعدين الوزير لو شاف الكلام اللى انت كتبه ده حيموت مالضحك وحيقول معلش غلبان
اخر حاجة روح للدكتور اسماعيل يوسف هو بيفهم فى الحالات دى

ان شاء الله يستجيب
انتوا بتكلموا مين هو حيسيب المصيف ويدخل مواقع الثانويه
حينزالها وقت ماهو عايز واحنا مش مشكله .......

حلو الموضوع ده محسسني اننا بني ادمين وفي حد بيسأل فينا
الوزير سعادتك لو عايز يبص لنا او حتي المستشارين بتوعو اللي حضرتك بتقول عليهم
كانو بصو لا خواتنا السنه اللي فاتت
كانو بصو لحالنا واحنا هنموت من الرعب من مستوي الامتحان وكانو عدلو الجدول
كانو بصو لحاجات كتير
بس احلم عادي يعني الحلم مش عيب