|
مقابلة فى جامعة القاهرة
السلام عليكم و رحمة الله و بركاته ازيكم يا اهل المنتجع :d طوبعا كويسين مدام انا معاكم انا بكتب الموضوع ده عشان احكيلكوا على المقابلة و اغيظ اللى استندلوا معانا :slap1qk6: ندخل بقى فى الموكوع انا كنت رايحة النهاردة فنون تطبيقية عشان كان عندى امتحان و كنت متفقة مع شوية بنات نتقابل فى جامعة القاهرة مدة الامتحان كانت 4 ساعات و بيبدا 9 و معاد المقابلة 11:romarioxp6: المهم قابلت شوية بنات زى العثل بجد كلهم عساسيل اوى شوية منهم شافوا بعض قبل كدا بس انا كنت اول مرة اشوفهم التفلة اللى فيهم يعنى :006et4: قابلت اية من الله nothing نهال يعنى خوخة و اختها فى ابتدائى سيندرليلا و بنت عمها ابتدائى برده :cool: د/ ماجدولين د/ سارة هبة اللى هى كانت سالومى و بقت حدوتة هو كان فيه حد تانى ؟؟ مش فاكرة الثانوية بقى تقولوا ايه بس هما دول بس :p بس المفروض كان تجى ترافل بس صحيت متاخر عارفين متاخر ده كام ؟؟؟ ده 9 الا ربع و المقابلة الساعة 11 :bosyht9: بتستعبط و مها مجتش تقريبا عشان باباها عيان او رايحة جمعية رسالة الف سلامة على باباكى يا موها و هدير فتاة الاسلام و جهاد كان عندهم ظروف و نمسة معرفتش اوصلها المهم خرجت من الامتحان الساعة 11 و روحت عند الباب الرئيسى للجامعة كلمت اية و هى جاتلى بعد ما طلعت عينى و روحنا اتقابلنا عند اداب كانت هناك خوخة بس لسة و معاها اختها ياسمين و شوية و اتصلت نيهو بيا و مش عارفة مين كلمت اية و لقيتهم كلهم جم مع بعض معرفتش افرق بينهم و بقيت متلغبطة الاول المهم عرفتهم و قعدنا شوية و كنت انا عطشانة و عايزة اشرب مية ساقعة روحت انا و نهال ندور على مية وديتنى اشترى مية ساقعة و لفينا الكلية كلها و دورنا على كولدير و اخيرا لقينا واحد و كان ادامنا اختيارين المية تكون سخنة ولا سقعة طلع مفيهوش مية اصلا :d و رجعنالهم زى ما روحنا و كان اليوم لسة ممل فى اوله فى اتنين اتكلموا معانا و ميعرفوناش و كدا يعنى جرى الشريط شوية :rolleyes: روحت مع سيندريلا انا و سارة كلية طب بيطرى نتاكد من نتيجتها و للاسف و احنا راجعين لاقينا نهال مروحة :( بس مسيبتهاش و رميت عليها المية و ياحينى كان التونيك جديد و المية لزقت فيه و النظارة اتبهدلت :d اوعى تكونى زعلتى يا نيهو اصلا يويو خدتلك حققك روحنا لاقيناهم بيصلوا و خوخة مشيت هى و اختها و بعد الصلاة قمنا ندور على كولدير تانى و نجيب اكل بس يا خثارة مصورناش الاكل لكن صورة العمدة اللى جبنا منه السندوتشات معانا :p و روحنا قعدنا على حصيرة و كلنا و عمالين نضحك و التريقنة على خلق الله كلهم:romarioxp6: و الناس قاعدة حولينا بيذاكروا _ متفهموش ليه _ و كل شوية يبصولنا و قمت انا و مجدولين عشان نروح نجيب مية من قسم بايو فزيكس و روحنا و كنا هنتوه و احنا راجعين اصل ماجدولين اصلا من عين شمس و فى الاخر و احنا ماشين قمنا واقفين و قولنا نتصور فضلنا واقفين ساعتين نتكلم و هدير قريبة سيندريلا ياعينى تعبانة من الوقفة بلاش التفاصيل فى الحتة دى بلاش احراج :unsure: و روحنا قعدنا مدام مش هنمشى و اول ما بنقعد الكلام بيخلص بنقف الكلام بيجى تانى و فى اخر المقابلة كنت خلاص خلصنا الكلام على الناس كلها و مسيبناش حد فى المنتدى من اكبر واحد لاصغر واحد :d و ان شاء الله اية هتبقى تضيف الصور صور جامدة استنونا و انا مروحة بقى فى الاخر لوحدى كانت فى واحدة ذكية شوية بتقولى انتى فى هندسة :d فقولتلها لاء لسة النتيجة مظهرتش ده انا كنت بمتحن فى فنون تطبيقية و مش عارفة مجموعى هيجيب هندسة ولا لاء فتكلمت شوية و بعدين قالتلى هو نتيجتك ظهرت :d المهم كمان شوية لقيتها بتسالنى انا علمى ولا ادبى لماحة اوى الست دى :d قولتلها لاء فى امان الله |
طبعا انا بافتخرا انى ردى كان اول رد
وبجد انا نفسى كنت ابقى معاكم بجد نفسى اعرف كل بنات الثانويه العامه صحيح انتوا جبتوا سيرتى ولا ايه بس لو كنتوا جبتوا سيرتى قولتوا ايه بقى مليش دحوه يلا ربنا يوفقك فى كل حاجه نفسك تحصل المهم انتى اللى زى العسل وقمر كمان |
اقتباس:
يا بختكم بكرا ادخل الكلية واقابل صحابي زي ما انا عاوز |
ماشى يا شيرى ماااااااااشى
تقابلى كل دول من ورايا يابت؟ مش تقولى طيب كنت بعت السلام لكل واحده....هههه عالعموم مقابله سعيده وانا فرحانه انكوا عرفتوا توصلوا لبعض وكان نفسى ابقى معاكوا بصراحه لانى نفسى اشوفكوا اوى اكيد لو كانوا جابوا سيرتك هتبقى بالخير يادريم لانى اعرف ان كلهم بنات تمام وكويسين ومحترمين جدا كمان ومش بيجيبوا سيرة حد بغير الخير شوفولى بقى طريقه علشان اقابلكوا انا كمان انتوا عارفين انا فى الغربيه واقصى حد عندى طنطا..ههههههههه شوفوا انتوا بقى ...هههههههه |
اقتباس:
يا بابا ابعد عنى الله :angry2: وبعدين تقابل اصحابك متقبلهمش ;) اخنا مالنا يووو:d |
اقتباس:
ايه رايكم لو نتقابل فى قنا:dوهكرمكم وهخرجكم خروجه تجنن ومش هخليكوا تبقوا عطشانين يلا موافقين يلا على بركه الله الدعوه عامه لكل بنات الثانويه والله باتكلم جد |
هههههههههههههههه
فضيحه انتى التفاصيل كلها بالتفصيل الممل بس والله كان يوم لطيف انا اينعم كنت عاوز اخنق البت شيرين بس يلا اهى عيله وغلطت ان شاء الله تتعوض يا بنانيت |
احسن تستاهلي اللي جرالك يا نهال:p
مش تحسي ان بلاك روز بتتكلم كده وهي زهقانه منك وقرفانه :p بوقع ما بينكم عاتي يا بنتي:d وحشاني يا نونو وانتي عارفه اني كان نفسي ابقي معاكي بس انتي عارفه الظروف بقي السفر وما الي ذلك نبقي نتقابل انا وانتي لوحدنا بقي لمااجي عندك قريب قولي يارب يا ختي بس ششكله كان يوم جميل ياريتني كنت معاكم:( تتهنوا وتشوفوا يوم غيره ان شاء الله في رعايه الله |
هههههههههههههههههه
وانا بقول الكهربا كانت قاطعه ليه :d كويس عرفت السبب :d |
اقتباس:
ههههههههههههههه ياراجل احنا كانت كهرباء ومايه مكنش فاضل غير حرارة التليفون تقطع ابقوا خدونا معاكم المرة الجاية :d |
اقتباس:
ربنا يخليكى يا قمر ده من ذوقك بس اقتباس:
ياحينى لسة هتدخل الثانوية من الاول :d يلا متقلقش الايام بتعدى هوا اقتباس:
لاء تعالى صيفى عندنا فى القاهرة و احنا نقابلك :p اقتباس:
خليه يحلم شوية ايه المشكلة يعنى يا هابى :006et4: اقتباس:
يا بنتى مين هيروحلك قنا تعالى انتى زى ايمى و ياسو اقتباس:
اها ماهو بعد مانتى مشيتى هبة كانت هتضربنى و بتقول يا جماعة بس معانا اطفال اللى هو انا يعنى :006et4: بس بجد زعلت لما مشيتى يا نيهو كنت عايزة اقعد معاكى اكتر من كدا اقتباس:
اه كان يوم تحفة بصراحة و المرة الجاية تكونى معانا ان شاء الله ;) اقتباس:
اها طبعا لازم تقطع عشان احنا نورنا كفاية فى البلد كلها :d اقتباس:
و ماله منجيلك احنا المنصورة احسن ايه التلزيقة دى:d اطلعى بالصور يا يويو بقى |
ههههه جميله ياشيري ارخم طفله اقصد اجمل طفله وريني الصور بقي |
اقتباس:
مقابلة لظيظة و كانت هتبقى أجمل لو كنت جتلكم يا عيال :cool: كنا هنفضل ننم على الخلق اللى هنا للصبح :d يلا خيرها فى غيرها المهم إنكم إتبسطوا :friendsxs3: |
ايه الموضوع العسول ده
متابعاكم بتفكرونى ب (ترافل) السنة اللى فاتت كانت عاملة موضوع دمه خفيف كده هوه انا قولت انا متابعاكم ولا لا |
ايه يابنتى ده كله:slap1qk6: ولا كانها موسيقى تصويرية وال مش رغاية ده انتوا الاتنين توام:mad: وبعدين يانهال انا خدلك حقك ورشيت عليها مية اخدت بطارك ياقمر:022yb4: وياجماعة احنا والله جبنا سيرتكم كلكم بخير والله وجيبنا تقريبا سير كل المواضيع الموجودة هنا:friendsxs3: انا هاوريكى ياشيرين تنقدى الادارة كدة فى وشى هاتتوقفى يعنى هاتتوقفى:slap1qk6: والصور انتظروهااااااا وجزاكم الله خيرا:078111rg3: |
بنات فاضية :d
|
لا بجد كانت مقابلة تحفة
بإذن الله تتكرر تانى ويكون معانا باقى بنات المنتدى كلهم هتبقى احلى بس ملحوظة صغيورة : أختى اسمها ياسمينا مش ياسمين هناك فرق وميرسى يا شيرين ع التوبيك |
اقتباس:
والله انا ولا بابا ولا ماما :d يعيني شكل الامتحنات ماثره اقتباس:
يا جماعه وهذا مثال حي من امثله عزومة المركبيه :p:d |
ايه ده اخىىىىىى مقابلة وحشة كفاية ان الجو كان مووووت ... اكيد علشان مجتش :cool: صم اصلا احمدوا ربنا انى مجتش انا لاحظت ان كان ف اطفال ف المقابلة وانا دول نقطة ضعفى يعنى كنت هعملكوا فضيحة ف الجامعة وهخليهالكوا رحلة مدرسية :friendsxs3: ولاون احساسى بيقول انكوا كنتوا ف جبلاية قرود بما انك يا توتى كنتى موجودة :d اقتباس:
هو ايه الحكاية بدات اشك ان جرعة الزكاء اللى ف المنتدى زادت اوى عن حدها :d نقول تانى المشوار لجامعة القاهرة معايا ساعتين وربع لو الطريق فاضى 9 الا ربع دى كنت صحيت وع الكمبيوتر علشان الكدب حرام :d واكيد بهدوم البيت لسه مجهزتش مش هنضف شقة انا :huh: وعقبال ما اجهز واخرج علشان اركب وكده هتكون الساعة 10.15 يعنى هوصل عندكوا ع 12.30 هاجى بقى اعمل ايه :bosyht9: انا قولت لاية صحينى ع 7 هى بتصحينى ع 9.45 يعنى لو كنت فكرت اجى بجد كنت هاجيلكوا نتسحر سوا :d اقتباس:
اتعلموه بقىىىىى :slap1qk6: ثوكرا يا ايرث :blush: الرد بينزل للمرة التالتة ارحمنى ياارب :( |
ربنا يقربكم كمان وكمان .... انا طبعا بقرأ ومش عارفة مين الاشخاص بس عموما الحوار حلو يعنى وربنا يوفقكم كلكم باذن الله
|
اقتباس:
حاضر يويو هتنزلها قريب منورة يا هيومة اقتباس:
ان شاء الله يا موها تكونى معانا اقتباس:
اها قولتى ده ايه الزهايمر ده :d اقتباس:
يلا يا حاجة يويو انتى هتذلينا عقبال ما تنزلى الصور :stickjo4: اقتباس:
ما دام احنا بنات فاضية ايه اللى جايبك هنا يلا يا بابا هش من هنا هنرش مية :d اقتباس:
u r welcome منورة التوبيك يا قمر بس مشيتى انتى بدرى للاسف المرة الجاية تقعدى اكتر من كدا ان شاء الله |
اقتباس:
لا يا روحى دى لسة متعرفكيش بكرا تعرفك على حقيقتك و بتقولى كمان ايرث اخيرا عرفتى ال th بتتنطق ازاى عشان كنتى بتتريقى عليا فى ال ماث :d اقتباس:
بكرا تعرفينا يا نورا واحدة واحدة و تقولى يا ريتنى ما عرفت و ترجعى تقولى يا ريت اللى جرا ما كان :d |
تسجيل حقد:d
بجد مقابلة جامده ياختكو ان شاء الله لما انزل كايرو هقابلكو كلكو |
على فكره الى كلتو من عنده دا مش كويس
بيقولو لحم خنازير:d:d: مفيش احلى من العمدة هوا الاصل والباقى تقليد وبعدين انتو عمالين تجيبوا فى قرايبكم وعمالين تتفسحوا جوا الجامعه هيا جنينه ولا ايه:p |
اقتباس:
احسدونا بقى :slap1qk6: مستنينك يا ايمى بس اتفقى مع ياسو تنزلوا فى وقت واحد :romarioxp6: اقتباس:
هههههههههههههه يا سلام عالحول على فكرة احنا اصلا كلنا من عند العمدة و دى صورة العمدة :p |
اقتباس:
اقتباس:
انتى هتوهينى فى جامعتى دا دا الى لسه فاتح جديد الى على مدخل تجارة واخر علوم العمده قدام شويه بقى على اخر الشارع الى انتو كنتو فيه كدا بس يمكن اكون غلط انا برضه هيبقى شكلى وحش اوى:d |
اقتباس:
منصحكيش تقابلى سمنة اللى هيفكر يشوفها بس هيشرف معاها ف اقرب سجن ومش بعيد يكون سجن المزرعة :mellow: ثم اصلا نونة مينفعش تقابلك يا توتى دى بتقابل بنات مش نسانيس :d دوريلك ع قردة صغيورة كده تعملوا دويتوا جامد مع بعض بس اوعى تقفشكوا هيحطوكى ف الجبلاية :d |
اقتباس:
شايفة يا خوخة عشان زعلانة انى قولت ياسمين بدل ياسمينا امال زهراء تعمل ايه بقى اسمها هدير يا يويو |
اقتباس:
بجد والله راحت عنى نومة وايه والبت خوخة اتصلوا بيا20 مرة ولا18 باين وانا ولا هناااااااااااااااااااااااا بس لما صحيت ندمت بجد وزعلت عشان مقابلتش احلى صحاب عمرى وحياتى بجد شيرى متزعليش بجد والله الكمبيوتر كان بايظ طبعا انتى فهمانى قصدى ايه |
يا عفاريت صورتوا الصور دى امتى
بس صور جامده يا ايه علشان تشوفوا الجامعه العثل بتاعتنا مش جامعات ناس تانيه الناس مقامات |
بجد مقبلة لذيذة جدااااااااااا
حاجة كويسة انكم تقبلوا بعض ... ان شاء الله المقابلة تتكرر كثير ......... بس معلش هحقد وقر ونق ..... هعمل كل شيء.......... |
مش كنتوا تقولولي
كنت جيت معاكم بس على حسابكم :d |
اخص عليكى يا شيرى مش كنت المفروض هاجى :slap1qk6: بس النداله بقا نقول ايه :stickjo4: اكيد كانت حلوه طبعا مش عشانك يا شيرى :d عشان البنانيت العسل اللى كانوا فيها يلا ان شاء الله المره اللى جايه اكون معاكم رخامه بقا :blush: تستهلى يا نهال والله المياه اللى ادلقت عليكى :p اصل انا كنت من الخلق اللى بينموا عليهم :039uw8: ياساتر عليكوا مش سيبين حد فى حاله :stickjo4: |
هههههههههههههههههههههههههههه لا لذيذه بجد بجد .. :friendsxs3: بس الصور فاضيه فين العيال ؟؟:p هههههههههههههههههههههههههههه ما علينا .. انتو كده هتخلوني اكتب طب القاهره وعين شمس في الرغبات ..:028ja7: ممكن تصدف وتيجي ..:redface: بس بجد حلوه الفكره .. المره الجايه بقى تطلعونا رحله كلنا ..:022yb4: |
عارفاكوا اندال طول عمركوا:mad: هانت كلها 3 سنين واقابل المنتدى كله:p يلا ربنا يوفقكوااااااااااا |
اقتباس:
إخرسى يا بت .. قطع لسانك بتلقحى كلام ليه يا مدهولة انتى :stickjo4: ابقى الاقى حد من القاهرة داخل عين شمس .. هخلى عم محمد يعلقه من رجله ع البوابة و اللى رايح واللى جاى يديله على دماغه :slap1qk6: بكره تشوفوا صور عين شمس:slap1qk6: جتكم ضربة فى معامعكم :slap1qk6: |
| جميع الأوقات بتوقيت GMT +2. الساعة الآن 05:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.