|
طب بشرى اسال واستفسر
السلام عليكم
هذا الموضوع انا متكفل فيه فى الرد على اى استفسارات من الطلبة اللى داخلين طب جديد واى استفسار هيكون الرد عليه باذن الله فى امان الله |
ان شاء الله هنستفسر عن حاجات كتيير بس لمل النتيجة تطلع ونشوف
يا تري هنستفسر ولا |
اقتباس:
|
طب بشري ولا أسنان أفضل؟
يا ريت تجاوبني بالأدله والبراهين المؤكده يا دكتور |
اقتباس:
|
اقتباس:
بصراحة ده سؤال محير ولكن انا هقول رايى ولكن الامر يرجع لك فى الاخر يرى البعض ان طب الاسنان اسهل كثيرا من الطب البشرى لييييه؟ اولا \ الطب البشرى احنا بندرس فيه كل حاجة وبنطلع بتخصص واحد يعنى بندرس انف واذن وباطنة واطفال ونساء وولادة وطب شرعى والطبيب فى الاخر بيختار تخصص واحد اما طب الاسنان انت عرفت تخصصك من اول يوم ثانيا \الطب البشرى العملى فيه اصعب من طب الاسنان مثلا فى مادة زى التشريح احنا بنشرح فى الطب البشرى الجسم كله اما فى الاسنان بيشرحواhead +neck فقط يعنى من الاخر الاسنان اسهل من البشرى بس مش لدرجة كبيرة الطب البشرى مستقبله فى مصر احسن من حيث الناحية المادية لييييييييه؟ كل الناس الوقتى اللى بتتعب بتروح لدكتور خارجى مش بتروح المستشفى وخاصة ان سمعة المستشفيات الان فى النازل الا النذر القليل اما المريض اللى عاوز يخلع درسه ايه اللى هيوديه لعيادة ويدفع كشف بالشىء الفلانى وفيه حاجة اسمها مستشفى يخلع فيها درسه كل الحكاية تذكرة بجنيه اما طب الاسنان مستقبله فى الخارج احسن بكتيير حيث عمليات الزرع والتجميل والتقويم وغيرده كله الحالة المادية بره مصر احسن من هنا فيدفع الى الذهاب الى عيادات الاسنان بدلا من المستشفات اما لو جينا ننظر للطب البشرى والاسنان من حيث فترة الدراسة هتلاقى الطب البشرى7 بالصلاة على النبى اما الاسنان 5 بالاضافة ان خمسة وسادسة طب كل منهم 14 شهر متواصليين يعنى لوانت فى اولى واخر فى تالتة هتةصل انت تالتة واللى كان فى تالتة لسه فى خامسة اما الاسنان السنة زى اى سنة دراسية عادية اذا كنت تنظر للاسهل فعليك (من وجهة نظرى) بالاسنان اذا كنت تنظر للافضل والاشيك فعليك (من وجهة نظرى)بالبشرى |
لو سمحت يا دكتور مبروك
انا بنت ومحتارة بين الطب والاسنان وطبعا زى ما حضرتك عارف البنات مش وش بهدلة ممكن اعرف الانسب لى الطب ولا الاسنان ودا ان شاء الله بعد المجموع لأنى بستبعد الطب ولو حتى جبت مجموعه بس يا ترى انا صح ولا غلط وان شاء الله فرصتى فى مجموع الطب كبيرة وانا عايزة كلية مستقبلها مضمون |
اقتباس:
وانا ارجح للبنات البشرى والصيدلة لان الصيدلة الدكتورة هتفتح صيدلية وتبقى فى البيت ولها مصدر دخل من غير ما تخرج وكمان بنات اليومين دول ضعفانين مش يقدروا يشدوا الدرس من فم المريض ههههه الاسنان افضل للولد عن البنت وفى النهاية اللى حضرتك مياله ليه يكون افضل لانك هتحبى الكلية على اساس كده وشكرا ليكى وربنا يجعل الطب من نصيبك |
اقتباس:
والبت مش ليها غربة وبهدلة |
معلش يا دكتور انا جبت 98.4 هل افكر فى بشرى ولا انسى وكمان عاوز اعرف ايه مواد كل سنة فى طب و كتر خيرك لو مواد كل سنة بتاعت اسنان وصيدلة وسؤال غريب شوية هو انت ندمان انك دخلت بشرى اصل بيقولوا ان اللى بيدخلها بيندم وعاوز اعرف ايه الاحسن صيدلة ولا طب من ناحية المزايا والعيوب وشكراااا
|
اقتباس:
طبعا يجب التفكيير لا احتمالية الطب السنة دى انه يرتفع عن السنة اللى فاتت ولكن المؤشرات تقول انه لا يزيد كثيرا ولكن فى النهاية دى حاجة بتاعة ربنا ولكن خلى عندك شوية امل بالنسبة لمواد كل سنة فى طب اولى/ 1-فسيولوجى علم وظائف الاعضاء 2-هستولوجى علم الانسجة ودراسة الخلايا ووظائفها وتركيبها ميكروسكوبيا 3-كيمياء حيوية يدرس الهرمونات والفيتامينات والانزيمات وميكانيكية عملها وتركيها والبيئة الكيميائية البيولوجية فى الجسم 4-اناتومى يدرس الجسم تشريحيا (عظم-عضلات-اوعية دموية-اعصاب -علم الاجنة) ده بالنسبة لاولى اما تانية نفس الموجود فى اولى تيبكال تالتة/فارما -علم الطفيليات-بارا-ميكرو بيولوجى رابعة/رمد-انف واذن-طب شرعى وسموم-طب مجتمع خامسة /باطنة واطفال سادسة/نسا وولادة وجراحة سابعة/امتياز فى المستشفى ولا امتحانات ولا مزاكرة اما بالنسبة لموضوع انا ندمان ولا لا فانا مش ندمان خالص بالعكس انا بحب الكلية هو صحيح فى سنة اولى فى بداية السنة الطلبة كلهم بلا استثناء بيكونوا قرفانين من الكلية ولكن لما تعرفوا النظام وتحبوها هتترتاحوا ليها وعلى فكرة دى كانت امنية حياتى انى ادخل كلية الطب ومش اى طب طب عين شمس اسم يشرف صاحبه والحمد لله ربنا حقق لى املى اما بالنسبة للطب ولا الصيدلة ؟ انا شايف ان البنت لازم تمارس المهنتين لانها بتكون لها كفاءة عالية فيهم غير الكليات الاخرى زى الهندسة وغيرها ولكن الصيدلة بتكون للبنت اللى عاوزة تفتح صيدلية وتقعد فى البيت اما لو كانت بتحب الشغل وعاوزة تخرج تدخل طب ولكن فى النهاية ده رايى ربما يرى البعض غير ذللك واذا كان الندم من دخول كلية الطب يرجع للصعوبة فانا عاوز اقول ان كل كليات القمة سواء صيدلة او بشرى او اسنان اصعب من بعضها بل على العكس الطب من اسهل الكليات فى العملى لانك هتشوف حاجات واقعية امامك ارجوا ان تكونوا قد استفدتم وشكرا على المرور |
اهلا بيك ..
الحقيقة عايز اسئل عن الفرق بين الطب البشري و العلاج الطبيعي ..و ايهما افضل ؟؟ |
اقتباس:
بسم الله الرحمن الرحيم كثيرا ما نسمع بمسمى العلاج الطبيعي وكثيرا منا ما يسميهالتدليك او المساج وهنا اود ان اوضح اليكم التسميه الصحيحه الا وهي اخصائي العلاجالطبيعي فما هو تعريف العلاج الطبيعي : هو اختصاص يندرج تحت اختصاصات الفروع الطبيهالمعالجه لكثير من الامراض وهي مهنه تعتمد على علاج المريض بالوسائل الطبيعيه مثلالعلاج المائي والكهربائي والتمارين الرياضيه والمساج وهنا نرى ان المساج ليس الاجزء صغير ووسيله واحده من الوسائل الكثيره المتوفره لدى المعالج الطبيعي للعلاج ولوقسمنا دور اهم الوسائل العلاجيه التي تساعد على شفاء المريض باذن الله نراهاكالتالي : 5% باستخدام العلاج المائي والكمادات الدافئه والبارده. 5% باستخدام العلاج الكهربائي باحدى الاجهزه الكثيره المتوفره ومنها الليزر. 5% باستخدام المساج وحقيقه الامر ان المساج يستخدم لتلين العضلات وتحقيق الراحه للمريضولتجهيز العضله للقيام بالتمارين الرياضيه. ونرى ان التمارين الرياضيه تحتلالصداره في العلاج في اغلب الحالات التي تصل المعالج الطبيعي ومن هنا نرى ان تسميهالعلاج الطبيعي بالمساج تسميه مغلوطه والاصح بالتسميه هي العلاج الطبيعي . اختصاصات العلاج الطبيعي : بعد الصحوه في عالمنا العربي بتجاه العلاج الطبيعينرى ان هناك كليات باشرت بادخال العلاج الطبيعي وبدات بالتدريس لهذه المهنه واغلبهذه الكليات تخرج بدرجه الباكلوريوس (اربع سنوات) بحيث يتخرج الطالب كاخصائي علاجطبيعي ومؤهل لمزاوله المهنه بشكل عام وهناك درجات اعلى في هذه المهنه واختصاصات عدهيمكن للمعالج الطبيعي التخصص فيها وهي الاعصاب , العظام, العنايه المركزه , الاطفال , المسنين, النساء والتوليد, اصابات الملاعب.. |
انا عايزة اسأل حضرتك يا دكتور انا بنت و محتارة بين طب بشرى و طب أسنان و صيدلة و يا ريت اعرف نظام الدراسة فى كل منهم و انى احسن بالنسبة للبنات مع العلم انى جايبة 99% و محتارة جدا ارجو الرد قبل بداية التنسيق
|
اقتباس:
شكرا :078111rg3::078111rg3::078111rg3: |
معلش انا كل شوية بسال بس بعد ما المجلس الاعلى للجامعات قرر يخفض اعداد المقبولين الى 12% او 15% عن العام الماضى يعنى 98.4 احتمال تدخل بشرى بنسبة ايه؟
انا بجد فقدت الامل ومش عارف انام ومتوتر وانا للاسف بعد بشرى مش حيكون ليا غير الصيدلة وانا بكره الكيمياء العضوية والكيميا عامة ومتحمستش لما شوفت مواد الصيدلة انا بجد زعلان جدا انا حاسس يا اما بشرى يا اما ى بيتنا اسف طولت اوى بس المهم عاوز اعرف احتمالية دخولى قد ايه |
اقتباس:
حماده انت جايب 403.5 ماشاء الله مجموع ممتاز الاول شوف ترتيبك كام على العلمي علوم تقريبا موقع مصراوي انكش نزلها لو لقيت نفسك من اول 5-6 الاف قول الحمد لله بص انت ان شاء الله حتدخل طب بس لو مش طب في محافظتك ممكن تدخل اي طب و تحول منها بكل سهولة ان شاء الله المهم متقلقش وان شاء الله خير |
المشكلة ان المواقع دى بتقدم الترتيب من غير المستوى وانا ترتيبى من غير المستوى 7118 على ما اعتقد هو من بالمستوى بيكون فى 3 الاف بس هو المستوى المفروض بيتضاف ولا لا
|
اقتباس:
|
اقتباس:
|
موقع الاستاذ دلوقتي بيجيب الترتيب علي علمي علوم بس
|
اقتباس:
|
ازى حضرتك يا طبيب عالمى قادم انا انهرده كتبت طب وامرى لله على فكرة انا فى اسكندرية انا كتبت طب اسكندرية وبعدين كليات الطب فى بقية المحافظات هل ده صح ولا الفروض اكتب طب اسكندرية وبعدين اسنان اسكندرية وبعدين اكتب المحافظات التانية ؟
على العموم انا كتبت الرسالة عشان انت تستحق الشكر لانك ساعدتنى فشكرا جزيلا ليك بس على فكرة انا فكرت لوهلة فى الاسنان بس بعد كده لقيت انى مش حاببها لان موادها محددة بس انا انا حاسس انى شايل هم من السنوات اللى هتضيع من عمرى عشان الطب بس انا عاوز اسالك سؤال هل فعلا تعب الطب حييجى بفايدة يعنى هل شقانا السبع سنين دول حيميزنا عن اسنان وصيدلة ؟ |
عين شمسس؟؟؟؟
ايه احسن طب عين شمس ولا القاهرة؟ مع العلم ان مجموعي 99 واني اقرب جدااا لطب عين شمس
و سمعت ان القاهرة اقدم واسهل |
اقتباس:
انت اللى اتصرفته كده صح لان انت لو جالك اى طب غير الاسكندرية ان شاء الله تحول فى نسبة ال10% وترجع الاسكندرية ان شاء الله |
اقتباس:
|
بشرى سارة الى طلاب الطب
35 ألف طالب سجلوا رغباتهم.. وخفض أعداد المقبولين بالطب 6% بدلا من 15% المجلس الأعلي للجامعات يعلنها اليوم: تخفيض المقبولين بالطب والهندسة كتب مجدي طنطاوي: يعلن المجلس الأعلي للجامعات اليوم أخباراً سارة لطلاب الثانوية العامة الراغبين في الالتحاق بكليات القطاع الطبي والهندسي. ينتظر زيادة الأعداد المقرر قبولها بالكليات عن العام الماضي.. لمواجهة ارتفاع الحد الأدني بصورة جنونية عن العام الماضي. صرح مصدر مسئول بالمجلس الأعلي للجامعات بأنه ستتم دراسة تخفيض أعداد المقبولين بكليات الطب عن العام الماضي بحيث لا تزيد نسبة التخفيض علي 6% بدلا من 15% حفاظا علي طموح وأحلام الأسرة المصرية. استقبلت معامل التنسيق الإلكتروني بالجامعات أمس طلاب الشريحة الأولي من المرحلة الأولي لتنسيق القبول بالجامعات بينما يمكن لطلاب المرحلة تسجيل رغباتهم عبر الإنترنت. سجل أمس 35 ألف طالب وطالبة من الناجحين في الثانوية العامة من المرحلة الأولي رغباتهم عبر شبكة الإنترنت. 2.5 مليار جنيه تكلفة النظام الجديد للثانوية العامة كتب خالد عبدالعليم: استعرض الدكتور أحمد نظيف رئيس الوزراء أمس مع وزيري التربية والتعليم والتعليم العالي والبحث العلمي محاور ومجالات والاجراءات التنفيذية المقترحة لعملية تطوير التعليم الثانوي وسياسات القبول بالتعليم العالي وتحويل برنامج التطوير إلي خطط عمل محددة مرتبطة ببرنامج زمني محدد. بحيث تبدأ عملية التطوير في السنة الأولي للمرحة الثانوية اعتبارا من العام الدراسي 2011/2012 وفي السنة الثانية اعتبارا من 2012/2013. والسنة الثالثة اعتبارا من 2013/2014 علي أن تبدأ أولي المراحل تطبيق سياسات القبول الجديدة للتعليم اعتبارا من العام الدراسي 2014/2015 وبالنسبة للجانب المالي أوضح د. مجدي راضي المتحدث الرسمي لمجلس الوزراء أنه من المتوقع أن تبلغ تكلفة منظومة التطوير ما يزيد علي2.5 مليار جنيه. |
اقتباس:
|
انا عاوز انصح اللى داخليين اى كلية من كليات القمة نصيحة لوجه الله
اوعى تجعل اللغة الانجليزية مشكلتك والله انا كنت فى بداية العام عشان اذاكر صفحة واحدة بحتاج 3 ساعات دى بس مشكلة مؤقتة ولكن حلها هيكون بعد شهر او اتنين بالكتير اوعى تحس بالفشل فى المذاكرة انت بعد كده هتكون كويس قوى ومتقن للانجليزية اتقان جيد وانتوا قدها واكبر من المسئولية يلا سلام |
الف شكر عالنصيحة
|
اولا احب اشكرك على الموضوع لانه افادنى كتير انا كتبت طب عين شمس والناس خوفتنى على اساس التعب والبهدلة والسنين الكتيرة بس حضرتك طمنتى بان اختيارى صح وكمان كان حلمى انى اخفف الالم عن الناس وشكرا
|
اقتباس:
شكرا على التعليق الجميل |
اقتباس:
تسلم بجد يا دكتور و أنا إن شاء الله داخل طب المنصورة |
اقتباس:
|
اهلا يا طبيب عالمى قادم موضوعك جميل بجد كنت عاوزة اسالك هو بعد ما التنسيق ظهر نعمل ايه عشان نبقى فى قيد الكليه؟؟ جعله الله فى ميزان حسناتك
|
اقتباس:
|
انا الحمد لله جالي طب في محافظتي
بس بصراحة بدور علي الاحسن والناس كلها قالولي طب القاهرة كويسة انا عارفة ان صعب جدا اني احول من الجامعة ده لجامعة القاهرة لاني انا عايشة هنا واوراقي كلها من نفس المحافظة بس ممكن ناجر شقة واثبت محل الاقامة وبعد كدا احول وده عايز وقت وجهد ومحاولات كتيرة لاقناع اهلي انا كنت عايزة اسال هل فعلا طب القاهرة يستاهل اني اعمل كل ده؟؟ |
اقتباس:
اولا احب ان اقول لكى ان التنسيق بيكون حسب التوزيع الجغرافى وطالما لكى طب محافظتك لا يجوز التحويل للابعد ثانيا المسكن اللى انتى هتاجريه لاثبات محل الاقامة ليس له فائدة لان الاةراق المقدمة بتكون باسم المدرسة الثانوية اللى انتى متخرجة منها ثالثا لييه التعب ده كله اصبرى وحولى بعد ما تقضى سنة اولى فى محافظتك وحولى للقاهرة |
هو ينفع بعد اول سنة احول اي طب عادي
ولا لازم بردو سكن وكدا |
اقتباس:
|
متشكرة جدا لحضرتك
|
اقتباس:
|
انا لسه اولى طب عين شمس
ومش عرفة حاجة برجاء النصيحة |
طلب مهم
لو سمحت انا كنت عايز اعرف اية النظام الجديد فى طب الاسكندريو
و سمعت كمان انها حتبقى 6 سنين بس من اول السنادى و ان النظام دة حيطبق من اول السنادى و اسمة integrated يا ريت شويت تفاصيل |
اقتباس:
انا عاوز اقولك يا بسمة ان بجد كل طلبة اولى فى بداية السنة بيكونوا تايهين وهايمين ولكن بجد ده مش عيب العيب انا الواحد يفضل على الوضع ده ولكن ارجو منك الدخول على الموضوع التالى للاستفادة http://www.thanwya.com/vb/showthread.php?t=138373 |
اقتباس:
|
معلش يا جماعة انا استفساري تقيل شوية
انا لسة ماأخدتش اي كورسات ولا اعرف حاجة عن المصطلحات ممكن تساعدوني وتقولولي أعمل ايه؟؟ |
اقتباس:
|
ميرسي دي أمنيتي بجد وربنا يحققها لي لأني نيتي خير وانا داخلة الكلية حبا فيها
بس الخوف بيعمل العمايل |
اقتباس:
|
| جميع الأوقات بتوقيت GMT +2. الساعة الآن 05:47 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.