|
حد يقولى اختار اييييييه؟؟؟؟؟؟؟
خلاص الحمد لله خرجت من المعتقل بمجموع مش بطال 97.8
وان شاء الله هادخل هندسه حلم حياتى الحمد لله بلييييز محتاجه حد يختار معايا مين احسن هندسه القاهره ولا عين شمس وايه السبب انا سمعت ان دكاتره عين شمس معقدين والمناهج صعبه فهل الصعوبه ديه ضروريه ولا من غير لازمه رغى على الفاضى ؟؟؟؟؟؟؟؟؟ وسؤال تانى هى فعلا هندسه القاهره اول سنه بيدرسوا بالعربى ولا ده كلام والسلام على العلم ان انا ساكنه قريب من عيين شمس بس خلاص |
يا اهلاً وسهلاُبيكي ياسوما وماشاء الله مجموعك حلو جداً
بالنسبة للجامعتين هما الاتنين كويسين واللى شاف الاتنين هو اللى يقدر يحكم بس انتي تقدري تشوفي ناوية قسم ايه في الاول وتشوفي احسن فين |
انا عاوزة ادخل قسم اتصالات
هو حضرتك جامعه ايه؟؟؟؟؟؟؟؟ |
اه نسيت اقول لحضرتك شكرراااااااااا على الرد
|
بصى
جامعة عين شمس والقاهرة افضل من بعض لكن انت عاوز قسم اتصلات انا شخصيا افضل عين شمس نظراا للقيمة التى تتمتع بها الجامعة والشهادات العريقة و كذالك القاهرة جامعة عريقة ولكن ين شمس بالنسبة لى افضل اما بالنسبة للدراسة سيبيها على الله سواء الدراسة بالعربى او الانجليزى ا الدكاترة معقدين دة كلة مش حاجة الاهم تذاكر فى اعدادى وتجيب مجموع علشان تختار القسم الى انت عاوزه ز علان المجموع مش يفرض عليك القسم الدراسة معظمها بالانجليزى ولكن مش هتمثل مشكلة |
ممم بصى ف موضوع الصعوبه معروف ان عين شمس اكثر تعقيدا وصعوبه يعنى ..ممكن عندنا ف حلوان شهر 1 نكون بنتعلم حاجه ف الرسم يكون هوما ف عين شمس ابتدوا بيها الدراسه اساسا ده اللى مقصود بالصعوبه ..ده غير ان المناهج تقيله ---------------------------- القاهره بقى اعدادى القاهره مش بتاخديه ف القاهره اللى ف الجيزه انتى بتروحى مدينه الشيخ زايد تدرسى هناك -------------------------------------- اما بالنسبه ان انتى داخله اتصالات ...فمش هقدر احكملك اي من الجامعتين افضل ف المجال ده..بس ممكن اسألك وف الاخر اولى خطوات اتخاذ القرار هيا المعرفه و ده اللى نقدر نوفرهولك هنا عامه صلى صلاه استخاره ملحوظه :::انا لحد دلوقتى مش قررت انا هخش قسم ايه :d :d :d :d |
شكراااا على ردكم
بس انا لسه محتاره احسن حل اصلى صلاه استخاره |
يااااااااااه جيتى فى ملعبى ياسومة :D
بصى انا كنت هقولك على منتدى هندسة عين شمس اللى انا مشرف فيه عشان تستفسرى براحتك بس قولت بلاش عشان مش عارف ممنوع هنا ولا لأ انى اقوله فالمهم انا هحاول اساعدك على قد ماقدر ان شاء الله دلوقتى اللى قالك عن هندسة عين شمس معقدة ومش هتلحقى تاخدى نفسك والكلام ده كله اوووووووووعى اووووووووووووعى اوووووووووعى تكدبيه :D الراجل عنده حق 100% :D بصى انا هقولك ايه النظام فى اعدادى (لان دى اللى عاصرتها) انا دخلت اول السنة فرحاان جداااا وقولت ياااه بشمهندس ابو كيمو وبتاع :D بالظبط يومين ....نسيت خاالص كلمة بشمهندس دى :D هو اساسا من اول يوم فى الدراسة فى محاضرات ... هتلاقى فى الاول بالذات شادييييين جدا عليكوا بغباء يعنى ومحاضرات وبتاع وهتلاقى كلام كتييييييييير مش هتفهمى منه ولا حاجه :D (محبط جدا انا ) :D انما بقى هتلاقى فى محاضرات جامدة جدا ولذيذة جدا جدا وهتحبيها لوحدك بصراحه هى كلية تقيلة لكن بغض النظر كنا بنخرج وبنلعب ونروح الكافتيريا ونقضيها فى الجنينه وبنلعب كورة فى الكلية وكل حاجه ( ربنا يستر وانجح السنة دى ) :D عندك بقى مواد ايه فى اعدادى عين شمس وايه نظامها اولا الفيزيا ...المادة دى هتسمعى عنها احلى كلام فى حياتك ...انسى الفيزيا بتاعت زمان خاااااااالص الحمد لله عندنا ميد تيرم الفيزيا الاول عبارة عن 10 اسألة اختيارات ....متخيلة ؟؟؟ لا بلاش تتخيلى مين اللى بيجاوبهم ؟؟؟ ناس دحيحة المفروض :D بالظبط مش عارف 4 % تقريبا مش عارف ولا اقل كمان فى الدفعة اللى مقفلين الامتحان :D ده لو حصلوا الاربعة يعنى :D من الاخر الفيزيا دى هتبقى العقدة يابومبو وفيها شيتاااات يااااااماااااااا :D فى مادة اسمها تاريخ الانتاج والهندسة عبارة عن مادتين انتاج وتاريخ تاريخ دى عبارة عن كام ورقة تذاكريهم وتخشى الامتحان وهى دى اللى بترفع الانتاج ايه نظام مادة الانتاج؟ مادة غامضة جدا بالنسبالنا لاننا عمرنا ماسمعنا عنها :D لو ذاكرتيها من الاول السنة ( وده مش هيحصل لانك هتحسى انك مش فاهمه حاجه ) هتقفليها وتجيبى امتياز كمان من الاخر يعنى مشكلة المادة بتاعت الانتاج حاجه ...فى محاضرة وكمان ورشة الورشة بتبقى عبارة عن سكشن ونص ....وبتبقى طويلة اوى ومملة :( عندك مادة الرياضة حلوة جدا بجد وفى عندنا معيد اسمه م رامى فاروق لو دخلتى عين شمس خدى معاه مجموعة :D مممم عندنا ايه تانى يابو كيمو اه الانجليزى ....ورقة تذاكريها وتخشى الامتحان قفلتى :D ايه تانى ... اه الرسم الهندسى ربنا معاكى لازم تتخيلى كويس بقى وترسمى واحلى حاجه فى هندسة عين شمس الوقت الطويل يادوبك تمسكى المسطرة ال T من هنا يقولك هاتى اللوحة يابشمهندس :D يعنى انتى بس محتاجه سرعة فى الرسم وهى بتيجى مع التدريب انما هى مادة حلوة جدا بس محتاجة شوية تخيل وتدريب وهما هيدربوكى كويس جدا :D احب اطمنك ان فى اجازة نص السنة اجازة ها ادونا واجب 4 لوحات :D جسبى الله ...فكرتينى بأيام العذاب:D والمادة دى بتبقى سكاشن بس مفيهاش محاضرات من الاخر بتخشوا الراجل يقولكوا كلمتين ماتفهمهمش ويقولكوا ارسموا :D:D فى مادة ال autocad بتاخديها يعتبر شهرين بس ولذيذه وساهلة وامتحانها فى البيت فى مادة الاسقاط الهندسى دى مادة لاااااااازم هتاخدى فيها كورس لو دخلتى هندسة عين شمس بجد عايزه تخيل رهيييييييب جدا وخط ارض وموازى عمودى موازى وكلام رهيب كده :D المفروض فى المادة دى انك بتحولى الاشكال من الوضع ال 2d الى الوضع ال 3d ماعلينا مادة لازم هتاخدى فيها كورس ده الطبيعى من بداية الترم التانى ...لان الترم الاول بيبقى سهل تقريبا يعنى تقدرى تذاكريه لوحدك ...من الاخر المادة دى لو وريتك حل مسألة هتفتكريه شخبطة ...المهم الكورس هيبقى عند واحد اسمه عبد النعيم (اما تخشى الكلية هتعرفى ان ده من رموز الكلية ) :D تحسوا اكنى جاى اروج عن كورسات :D بالنسبة للمادة دى برضه بيبقى فيها محاضرات وسكاشن كمان عندك فى مادة كيميا ....دى تحضرى المحاضرات وتذاكريها كويس وتحضرى المراجعه بتاعت قبل الامتحان وان شاء الله تمام وماتنسيش البالطو عشان المعمل :D وفيها 10 شيتات بيتسلموا طول السنة خير ان شاء الله ابقى حليهم بأيدك اهم حاجه وفى مادة حاسبات دى مادة ترم واحد تحضرى المحاضرات وزى الفل ان شاء الله اها وفى لسه الميكانيكا ...دى المادة الوحيدة اللى الدكاترة بتوعها رئوفيين بينا ولذيذه اوى بس لازم تذاكريها برضه بصراحه مش فاكر عندنا مواد ايه تانى بس اكييييييييد فى مواد تانى :D هو مشكلة عين شمس صعوبة الامتحانات كمان وضيق الوقت ...عمرك ماهتخرجى من الامتحان مخلصاه لو انتى ارشميدس حتى بس هتلاقى كل الدفعة كده وده حاجه حلوة جدا لانها بتعلمك التفكير السريع احب اقولك بعد الرغى ده كله انا مجموعى كان جايب برضه عين شمس والقاهرة وكنت عايز اخش القاهرة عشان سهولتها بعد اما فكرت اتأكدت انى مش هقدر استحمل مشوار القاهرة ده ابدا عشان كده دخلت عين شمس ده سبب ثانيا عين شمس معروف عنها انها قوية وناس كتير قرايبى فى شركات بيقولولى اما بيعينوا بياخدوا بتوع عين شمس الاول وكمان حاجة انا بعد السنة دى (لو نجحت ) فانا فرحااااان جدا انى اخترت عين شمس مش القاهرة :D بغض النظر عن البهدلة بس كمية المعلومات اللى اخدتها اما بشوف اصحابى اللى فى القاهرة بنقعد نتريق عشان احنا متبهدلين وهما لأ ...بس فعلا بناخد حجات اكتر وافيد واللى بيعملوه فينا هو الصح عشان يطلع بشمهندس صح ;) وعموما هبقى أأكدلك كلامى لو نجحت فى النتيجة النهاردة :D لو مدخلتش تانى ورديت عليكى يبقى كده خشى القاهرة احسن :D انا انصحك بعد الرغى ده كله حد من القاهرة برضه يتكلم عن اللى عندهم بس مايبقاش رغاى اوى كده :D معلش انا تقدروا تقولوا ماصدقت اطلع كل اللى جوايا :D دول بيعذبونا ياراجل :D |
و الله رغم اني في اسكندرية بس عارف ان عين شمس دي
من احلى كليات الهندسة و بعدين اللي بتبقى دراسته معقدة هو ده اللي بيبقى فاهم من الاخر انا ليا صحابي في القاهرة و دراستهم في اعدادي كانت بالعربي عادي |
بالظبط
وبالنسبة للناس العربى لو دخلوا عين شمس عااادى جدا انا كنت عربى وكان الموضوع ده مضايقنى فى الاول لكن بعد كده لقيت ان المذاكرة بالانجلش اسهل كمان وكمان بتديك كلمات انجلش وبتاع فهى افضل |
شكراااا جدا اوى على الرد التفصيلى ده
وربنا معاكم بجد مادة ال autocad بتاخديها يعتبر شهرين بس ولذيذه وساهلة وامتحانها فى البيت عاوزه افهم يعنى ايه امتحانها فى البيت تقصد يعنى انه سهل |
اقتباس:
وبعدين انا شايفه انه مينفعش ندرس اول سنه عربى وبعدين يبقى انجلش |
انا اخويا فى هندسة القاهرة و كان طالع مركز على الجمهورية على ايامه
و هو قسم اتصالات . بجد الحياة صعبة اوى و هو بيشتكى و لكن لله الحمد اللى بيذاكر بيعدى و بينجز علطول |
و مفيش اول سنة عربى ولا حاجة . ده ممكن يكون اللى قالك الاشعة ديه
واحد فى معهد بتاع التكنولوجيا و دار الهندسة . اللى تقريبا بيدخلوه بفلوس لكن هندسة القاهرة العادية بيدرسوا من اول مبتحط رجلك فى الكلية كل كلمة بالانجليزى |
شكرااا نيترو على ردك
|
اقتباس:
|
يمكن يا مهندس جلال بس انا شوفت الكلام و الحاجات ديه فى اوراق اخويا يمكن
مكنتش اعدادى بس تقريبا قالى ان كل حاجة فى هندسة بالانجليزى |
لا يا نيترو معلش انا برضه ليا اصحابى وبياخدوا الحاجه بالعربى
الله اعلم كل الحاجة ولا لأ بس اللى اعرفه انه بالعربى وياسوما ال autocad السنة دى كانت اول مرة يمتحنونا فى البيت الله اعلم هيستمروا كده ولا ايه بس كان نظام ناجح بيدوكى نموذج وانتى تصمميه فى البيت مع نفسك وبيبان اذا كنتى ناقلة او بتاع والحركات بتاعتنا دى للاسف :D لكن امتحانها مابيبقاش صعب لو انتى فاهمه الرسم الهندسى ( عشان بتستنتجى المسقط التالت) وكمان فاهمة الزتونة بتاعة الاوتوكاد فهو مادة مش صعبة خالص ان شاء الله وبالظبط يا سوما التعود على الانجلش مهم اوى واى مهندس لازم يبقى انجلش جامد (يلا نتنطط بقى بما انى نجحت الحمد لله ) :D شوفتوا مش قولتلكوا هرد عليكوا تانى لو نجحت زغروطه بقى :D |
اقتباس:
انت صح طلعت كل اللى جواك الكلية باين بتعمل فيكو كتير بالمناسبة اللى الورق اللى بتخش بيه الامتحانات وتقفله ده بتبيعوه فين :d |
وبالظبط يا سوما التعود على الانجلش مهم اوى
واى مهندس لازم يبقى انجلش جامد (يلا نتنطط بقى بما انى نجحت الحمد لله ) :D شوفتوا مش قولتلكوا هرد عليكوا تانى لو نجحت زغروطه بقى :D[/quote] لولولولولوىىىىى مبروووووووك النجاح وانا شكلى كده هاختار عين شمس |
سؤال بسيط بس
هو مفيش توزيع جغرافى ولا ايه ؟؟ |
سؤال بسيط بس
هو مفيش توزيع جغرافى ولا ايه ؟؟ انا الى اعرفه ان حلوان والقاهره وعين شمس توزيع واحد مش بتفرق يعنى اى حاجه من التلاته واحد والله اعلم |
اقتباس:
في جامعات بطبق الانجليزي من اعدادي زي حلوان |
بصى عموما لو حابة تتفرجى على النتايج بتاعة السنة دى اهى
http://www.mediafire.com/?sharekey=d...4e75f6e8ebb871 هتلاقيها هنا اهو تاخدى فكرة عن كمية الناس اللى شايلة ومدبلرة واللى ناجحة :D ولو فكرتى وخلاص حددتى انك داخلة عين شمس ابقى طمنينا انها جتلك بقى ان شاء الله ومش لازم تشكرينى يعنى :p انا بس قولت احاول اساعد الناس اللى ساعدونى السنة اللى فاتت فى انى اختار على المنتدى ده |
اقتباس:
بس تمام انك ماحضرتش ...هى دى الناس الاصلى ياجدعان :d اساسا احنا فى السنة كلها عندنا محاضرتين حقوق انسان بس ...وماحضرتهمش :d والحمد لله ناجح فيها اللى معصبنى ان مادة الانجليزى اللى كل الدفعة جايبه فيها امتياز انا الوحيد اللى جايب جيد جدا ...معصبنى بجد :d وعندك محاضرات التاريخ ...الحمد لله دخلت اول محاضرة نمت شوية وقومت ماحضرتهاش تانى :d (الا لو كنت فى مرة عايز انام تانى كنت هحضرها) :d اقتباس:
ايوووه ياعم عديت الصفر :d اقتباس:
ده انا ياعم اخدهم واسافر بره البلد :d لو فيها فلوس خلاص بييييس برضه مش هذاكر....فلوس ايه ياعم اللى تخلينا نبيع شرفنا ونذاكر؟ :d اقتباس:
ده انا فى الرسم ايييه كنت لهلوبة كان الراجل بتاع السكشن ياااااااه بيموت فيا كل اما يشوفنى تلاقى وشه قلب :d معرفش ليه والله مع انى كنت فى حالى ( مش اوى عشان اللى هيقروا الموضوع وعرفنى ) :d بس اقدر اقولك انى فى اول ميد تيرم رسم جبت 20 من 20 فالراجل بينده الاسامى وبيقول هو مين ده اما لقانى انا راح لاطشنى حتة باصة واتضاااايق اووووى :d والله فرحت جدا :d (انا خايف احسسهم انى دحاح والله ...مايعرفوش الزتونة ) :d اقتباس:
مفيش ترجمة ؟ :d معلش لسه صاحى من النوم بقى :d بس فعلا انا قولت اهو افضفض شوية واهو اساعد الناس التانية بالمرة المشكلة ان بعد ده كله بتقول انها هتخش عين شمس ....الناس مش بتتعلم من اخطاء الاخرين :d لا فعلا عين شمس كويسة يعنى وانا لو لسه قدامى الاختيار كنت هختار حلايب وشلاتين :d |
ازيك يا كيمو
ازيك يا بلال مبروك النجاح عاوز اسال سؤال هو سؤال اهبل يعني بس يلا انتوا بتختاروا القسم اللي هتتخصوا فيه بناء علي ايه ؟ محدش يقولي علي اساس اني بحب القسم ده انا اساسا ما اعرفش الاقسام لا بس بجد علي اساس ايه؟ وبعدين في هندسة القاهرة بتدرس نفس مواد عين شمس نفس مواد اي كلية تانية ؟ اكيد لا مش عارف منتظر ردكوا انا ما اعرفش اي حاجة خااالص :av4056bb7jp3: |
اقتباس:
اقتباس:
انتا عندك حاجة اسمها كلية هندسة كلية هندسة 4 سنين واعدادي يبقو 5 اعدادي عاملة زي اولى ثانوي بتدرس فيها كل المواد وبعدين تحدد حتخش علمي ولا ادبي احنا بنختار يا مدني يا كهربا يا ........... باقي الاقسام بعد ما تخش علمي بتدور علمي رياضة ولا علوم عندنا برده قسم كهربا مثلاً في السنة التالتة بتحدد تخش شعبة اتصالات ولا حاسبات ولا باور؟ يبقى انت بتحدد في اولى ثانوي تختار ايه حسب ايه مش حسب ما تشوف نفسك انت اشطر في مواد علمي ولا ادبي؟ برده في اعدادي هندسة بتاخد مواد كتير ولا ليها علاقة ببعض بس كل مادة ليها علاقة بقسم معين (وإن كان مفيش حاجة ليها علاقة بحاجة اصلاً :d) المهم انت حتشوف بتحب ايه وانت اشطر في ايه وتروح داخل القسم اللى بتحبه افرض كل الناس قالت حندخل القسم ده اللى بنحبه وعملو زحمة ؟ قالك حنحدده بمجموع في اعدادي بس بيكون صغير مش زي الثانوية كده يعني عندنا الاقسام لو جبت جيد (65%) تبقى انت كده تمام وتروح تخش القسم اللى عايزه عامة الاقسام عندنا مش بتزيد عن 60% طيب النقطة التانية وهي الفرق بين الكليات ؟؟؟ الكتب اللى انت بتدرسها في الكلية (او كما يقول الدكاترة المذكرات) ده بتكون الدكاترة هي اللى عاملينها يعني مش موحدة عالجميع زي كتب الوزارة في ثانوي لأ كل دكاترة كبار في كلية بيتفقوا وبيعملو كتاب كل واحد جزء يعني مثلاً لو الرياضة واحد يحط الجبر والتاني التفاضل وعامة بيكون رئيس القسم او استاذ دكتور كبير وبقية الدكاترة بتدرس نفس الكتاب على الكليات ولو علوم مثلاً حتلاقيهم حاطين كتاب خاص بعلوم وكتاب خاص بهندسة وكتاب خاص بصيدلة وهكذا لأنه مش كل الكليات حتدرس نفس الحاجات اللى حيحتاجوها عشان كده بتلاقي المناهج بتختلف من كلية للتانية وبالتالي مش كل الكليات بتكون دولية ومعترف بمناهجها دولياً لكن عامة اعدادي تقريباً بياخدو نفس الحاجات في اللب وبتختلف في الشكليات ومعظم الكليات بتكون فيها اعدادي بالعربي (عشان متتخضش بس) وبعد كده بيفاجأك بكل حاجة انجليزي (بس بتكون عرفت قبلها بقى فمش بتتخض :d ) بس خلاص :d لو عايز تسأل في حاجة تاني احنا في الخدمة:078111rg3: |
اقتباس:
انا اسكت خلاص |
اقتباس:
انا آسف يا بلال لو كنت اخدت مكانك بس انا شفتو بيقول مستني ردكو فرديت :) |
اقتباس:
حاجة واحدة بس ده انا عاوز اسال علي حاجات كتير اوي اولا ازاي مش كل الكليات معترف بيها دوليا يعني لو بفرض اني دخلت كلية بورسعيد مش معترف بيها دوليا ؟ يعني ايه مش معترف بيها بره مصر ؟ ثانيا : هو احنا هندرس كل الاقسام في الاعدادي ؟ كلهاااااااااااااا طيب بتختلف الاقسام من كلية لكلية ازاي بقا يعني كليات هتدرس 3 اقسام في الاعدادي وكليات تانية 8 اقسام ؟؟ ثالثا : سؤال غبي اوي بصراحة :d يعني ايه سكشن ؟ احب اتعرف باسمك يا باشمهندس ؟ شكرا جزيلا معلش تاعبك معايا |
اقتباس:
اهلا يا باشمهندس بلال اقتباس:
اكيد انتوا الاتنين واحد :friendsxs3: منتظر ردكوا بارده |
اقتباس:
و بعدين يمكن انا لو رديت مكنتش هفيدوا زيك |
اقتباس:
موضوع معترف بيها و مش معترف بيها ده الحقيقة انا برضه مش فاهمه و مستغربه جدا بس اسمع ان في كليات في مصر مش معترف بيها اما موضوع الاقسام انت بتدرس مادة تقريبا بتخص كل قسم و ممكن اكتر من مادة زي مثلا الانتاج و الكيمياء اما موضوع عدد الاقسام ده معتقدش انه بيقلل او بيزود عدد المواد في اعدادي هي كام مادة معروفين في كل كليات الهندسة في مصر و لازم تدرسهم سيكشن (section )هو بيبقى التطبيق العملي للمحاضرات و هو بيبقى اعداد الطلبة فيه اقل من المحاضرات طبعا و مقسم بالترتيب الابجدي |
شرييف حبيب قلبى من ايام الثانويه :d
فاكر انا اما كنت قاعد قعدتك دى:d المهم اخدت المعلوم من بابا ولا لأ؟ ؟؟ اوعى يكون ضحك عليك اقل حاجه لابتوب يامعلم :d عايزك تطبق اللى علمتهولك بقى ....وبليز يابابا وبتاع :d بص ياسيدى السكشن ده زى الفصل من الاخر :d بيبقى العدد قليل عن المحاضرة بتاخدوا فيه زى ماهو قال التطبيق على المحاضرة ...النهاية :d بس موضوع المواد ده فانا اتكلمت عن مواد هندسة عين شمس فى اول رد ليا فى الموضوع ده انما مواد القاهرة الله اعلم معرفهاش بس اللى اعرفه انها بتاخد وصفية فى اخر السنه تقريبا وبتاخد لا شئ فيها حجات كده يعنى انما معرفش بصراحه عن القاهره وبنختار على اساس ايه بقى القسم فانا اقدر اقولك انى مش قادر احدد لحد دلوقتى :d بس عموما بنختار على حسب الشغل متوفر ولا لأ ...ميولنا ايه عشان مش يكون ميولنا فى حاجه مالهاش شغل واقعد اتفرج على شغلى فى البيت بقى :d ولا اخش حاجه مالهاش دعوه بميولى واشيل فيها فمالهاش لزمه بس ياسيدى وانت ماتفكرش دلوقتى فى القسم فكر فى الكلية مش اكتر واقدر اقولك ان قسم كهرباااااااااااا بنفسه اعلى قسم عندنا بياخد من مقبول مرتفع :D |
بالنسبه لمعروفه دوليا
اللى سمعته انها بتبقى معترف بيها دوليا على حسب كمية التقارير اللى بتطلعها ولازم تكون بالانجلش حاجه كده يعنى (اللى جاى ده متأكد منه) وعشان كده كلية القاهرة معترف بيها دوليا فاما بتخرج بره مصر رايح مثلا كندا امريكا حلايب وشلاتين كل الحجات دى عشان تعمل ماجيستير مثلا بتعمله على طول :D بالنسبه لعين شمس بتروح بتعمل مش عارف الاول سنه ايه وبعدين تعمل الماجيستير عادى جدا فده بالنسبه للحوار ده انما بالنسبه للشغل فعادى جدا وكمان عين شمس معروف عنها انها قوية واحسن فى الشغل بس كده يابرنس اى خودمه :d افتكر بس ياشريف انى اهو بساعد ها ...يعنى مش بخش عشان قسم الفسحه بس بتاع زمان :d |
اقتباس:
ده رابط لموضوع للجامعات المعترف بيها دولياً تقدر تشوفه وممكن تلقى فيه تفاصيل زيادة http://www.thanwya.com/vb/showthread...CF%E6%E1%ED%C7 ومش معترف بيها يعني لو طلعت اشتغلت بره بشهادتك مش حيعترفو بيك (حسب مانا فاهم) انت بتدرس نبذة بسيطة عن كل قسم او مادة وقد لا يكون كمان يعني مثلاً كهربا كلها بصعوبتها ببلاويها مش بتاخد منها غير مادة الفيزيا وده اساسية اصلاً ومادة كده اسمها الحاسب بتاخد فيها كلام بدائي عن مكونات الهاردوير والاوفيس ولغة برمجة يعني حاجة هايفة بالنسبة لكهربا بس اعدادي تقريباً واحدة في كله بس الاقسام اللى بتختلف في كل جامعة يعني عندنا في اسيوط 5 اقسام بس في كليات اكتر وفي كليات اقل حسب مقدرة كل كلية واسمي محمد واتمنى إني اكون أفدتك والباقي قالوه الزمايل |
الحمد لله دخلت عين شمس
|
مبروك ياسووووما
عقبالنا :p |
اقتباس:
|
صدقينى اللى فى عين شمس يتوقع اى حاجه :d
(بما انك دخلتى خلاص بقى واللى حصل حصل اوريكى المساوئ) :d ربنا معاكى ياسوما انا لو منك تبدئى تذاكرى من دلوقتى بقى :p لا شدوا حيلكوا بجد السنه دى اعدادى هى اصعب سنه بس مش هتذاكروا زى الثانوية طبعا يعنى الا لو ناويه على امتيازات والحركات دى :d |
وابقى افتكرى اسم KeMoZzAzZ عشان هيتردد قدامك كتير :p
|
انا لو منك تبدئى تذاكرى من دلوقتى بقى
من دلوقتى ايه حرام عليك ده احنا لسه مخلصين انا هاحول تجاره ارحم |
هتشوفى اما تخشى الكلية
هتيجى اول اسبوع تلاقى وجبات مرترته ااااد كـــــــــــده :D وتقعدى تقولى حرام ده انا كده اكيد هشيل السنه 100% و حرام يعملوا فينا كده لا واما تيجى اجازة نص السنه وتقولى احمدك يارب اخيرا هاخد اجازه وتلاقيهم بيدوكى واجب اجازة نص السنه :d لا واحلى حاجه اجازة الفاينال انك لازم تروحى دورات وكورسات وحجات حلوة كده welcome in h3s :D |
اقتباس:
خلاص اللى دخل هندسة اتمسك انتي فاكرة دخول الحمام زي خروجه احنا كنا بنصطاد الزباين بس بالكلام الحلو قال حيهربو تجارة قال :d يلا حصل خير وع العموم الف مبرووك :d اوعى تصدقيني لسه شوية :p |
الحمد لله يابنذر احنا كده اصطدنا غنيمه كويسه السنه دى :d
عايزين نكررها برضه السنه الجايه وان شاء الله تبقى سوما فى العصابه بقى :d عموما اهى دلوقتى اهى بتهزر يومين تلاته فى الكلية وهتلاقى الصمت الرهيب ظهر :d (عايزين نديهم الأمل زى ماتفقنا ) :d |
أكيد طبعاً ياباشا
هو احنا نقع لوحدنا :d |
اصلى ياشباب وحووووووووش :d
هو ده اللى علمتهولكوا اما نقع لازم نقع كلنا ونضم معانا ناس من بره تقع برضه معانا بالمره :d |
انا شكلى وقعت فى عصابه
بس انا مبسوطه اوى انى دخلت هندسه وبلاش تعقيد بقى ان شاء الله خير وكله هيبقى تمام |
اقتباس:
يلا بلاش نحرق المفاجأة عقبال ما نشوف السنة الجاية في نفس الموقع بس بعد إعادة صياغتك وهندسة شخصيتك مرة جديدة هعهعهع ولكم إن انجنيرنج فاكولتي :d |
اقتباس:
ماكله بيبقى مبسوط فى الاول بصى التلت عيال دول لسه اهو فرحانين انهم هيخشوا عين شمس:039uw8: ده بعد اما دخلوا بقى ده الاول:blink: ده التانى :wacko: ده التالت:giljotiiniug3: اقتباس:
انا بقول برضه بلاش نحرق المفاجأة هو اسبوع فاكرين انهم هيرتاحو بعد الثانوية العامة :d هأ ...قالك :d اى هندسة بجد ياسوما لازم هتشدى فيها فشدى حيلك من الاول واللى فيه الخير يقدمه ربنا ولو حصل حاجه عادى يعنى ابقى تعالى لبنذر هو اللى اقنعك اساسا مش انا :d اشد حاجه اما تخلع من اولها:p |
| جميع الأوقات بتوقيت GMT +2. الساعة الآن 10:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.