|
بعد النتيجه
الحمد لله اطمنا على النتيجه
يا ريت كل واحد يقول هو كان متوقع يجيب كدا ولا لا وايه اللى مفرحه ومزعله فى نتيجته والحمد لله على كل شئ |
مكنتش متوقعه خالص
كنت متوقعه أقل م كده بمراحل الحمد لله بجد بركه دعا بابا وماما واللى مزعلنى درجه العربى (بس انا استهبلت فيه بصراحه) يلا الحمد لله بجد فضل ونعمه واللى مزعلنى كمان اوى كام واحده م اصحابى مجابوش المجموع اللى نفسهم فيه بجد زعلانلهم اوى يلا ان شاء الله يكون ده اللى فيه الخير ليهم |
مبرووووك يا نغم وربنا يوفق صحابك وتجيلهم كليات حلوه ومعلش فى درجه العربى
|
الله يبارك فيكى
وربنا يوفق الجميع ان شاء الله |
أنا كنت متوقع 98.6 404.5
بس للأسف جبت98.4 403.5 يلا قدر الله وماشاء فعل وانا مش هاعمل تظلم على الدرجه ده غير لو ملحقتش طب لا قدر الله |
انا كنت متوقع 409 بس جبت 407.5
يلا الحمد لله يمكن ربنا مخبيلي حاجة احسن |
كنت متوقع 407 جبت 404.5 اتظلمت في درجه الفيزياء اللي الشعب كلو جايب فيها 50
بس الحمد لله علي كل شىء انا راضي باي حاجه كاتبهالي ربنا |
اولا الحمد لله على كل شىء انا جايب فى الفلسفة 50 والتاريخ 50 وعلم النفس 40 يا جماعه مش حرام ده علم النفس اى كلام ينجح فيه يعنى تاريخ وفلسفة 50 والماده اللى الناس مبتذكراهاش اساسا علشان تافهة والله مقفل الامتحان كله
|
انا جبت 97.5 وكنت استحق 98 وهعمل ان شاء الله تظلم فى الفيزياء الى نقصة فيها كتير مع انى مش غلطانه ومراجعة من نموذج الوزارة وادعولى ادخل صيدلة
|
انا جبت 92.8% وكنت متوقع المجموع ده (علمى رياضة)
|
انا مكنتش متوقع النتيجة الزفت دى الواحد كان متوقع على الاقل 95 بس جبت 92 علمى رياضة
|
انا كنت متوقع 400 بس جبت 396 يعني 96.5 علمي رياضة قدر الله ماشاء فعل والحمد لله علي كل شيئ
|
جيبت 91% كنت متوقعه بأقل من كده بمراحل لان مجموعي ف تانية مكنشي حلو
الحمد لله راضيه وكل حاجه بس كان نفسي في كليه وراحت مني بس الحمد لله:) |
انا جبت 402.5 و جايب في المستوي 7.5 والله الحمد لله بارب الحق طب
|
انا جبت 92.7 علمى رياضة وانا مظلوم فى العربى مش حرام ينقصونى 6 درجات حرااااااااااااام
|
يا جماعة علمى رياضة يطمنوا خالص الهندسة هتاخد اقل من 92 المصايب كلها فى علمى علوم الى احنا مش عرفينلة حاجة لحد الوقت وان شاء الله خير
|
أنا جايب 91.3 % بالمستوىعلمي رياضة ممكن ألحق هندسة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
يا هانا مونتانا هل فعلا تنسيق الهندسة هيقل ومنهم هندسة البترول يا ريت بالدليل لو سمحتي
ويبقى افضل لو فيه ارقام |
انا كنت متوقع اجيب 372
جبت 383 بالمستوى 93.4% علمى رياضه |
على فكرة يا جماعة .... فى ناس كتير اوى بتشتكى من درجاتهم فى العربى
وانا كمان ناقص فى العربى 3.5 درجة ومعنديش إلا غلطة واحدة اختيارى وكنت موقع 406 ... جبت 403 ... بسبب العربى يعنى 98.3 ........ هل الحق هندسة البترول ولا لأ ... انا خايف اوى ... الحمد لله على كل حال |
انا الحمدلله جبت 94.6 علمي رياضة وهتجنن من درجة الفلسفة 48.5 مع اني مراجعة وحليت كويس جداااااا بس مش هتظلم ولا حاجة الحمد لله
وزعلانة قوي علي صاحبتي علمي علوم وجابت اقل من 90 مع انها كانت السنة الي فاتت 95 بس الحمد لله |
كنت متوقع 404.5 و لكن جبت 401.5
و لكن الحمد لله على كل شىء اللي مزعلنى العربى 27 (رغم انى حليت كويس و مراجع من نموذج الاجابة) كنت المفروض اجيب 29 او 28.5 و علم نفس 47 (مش عارف ازاى جت كده بس معظم الناس اتظلمت فيها) و حتى الانجليزى راجعت من نموذج الاجابة معنديش غلطة و جبت 24 و اللى مفرحنى الفيزياء الحمدلله 50 و الرياضيات 48.5 |
انا كنت متوقع من 406 إلى 410
و الحمد لله جبت المتوسط 408 99.5% |
الحمد الله كنت متوقع 97 بس جبت 95 يلا قدر الله وما شاء فعل
والحمد الله أنا علمى رياضة يعنى مجموع ممتاز بس المشكلة فى زمايلى قلو جامد |
أنا جبت 49 فى الرياضة وكان المفروض 50
و45 فى الفيزياء والمفروض 49 ومراجع من نموذج الإجابة |
انا كنت متوقع أجيب من 408 ل409 اكن جبت 406 والحمد لله على كل شىء بس انا أتظلمت بج والله فى الأحياء ونقصت 3.5 ودى مش درجتى والله وانا أعرف زميل كتير ليا إتظلموا فى الأحياء برده ومنهم لله اللى كانوا السبب خصوصا أن مش مرسين الأحياء وحدهم اللى كانوا بيصححوا كان معاهم مدرسين جولوجيا ملهومش فيها
عموما الحمد لله وقدر الله وماشاء فعل |
مفيش ولا عضو ادبى يا لهووووووووووووووووووووووى انا كنت علمى السنه ال فاتت وحولت وكنت متوقع 96 السنه دى بس والله مش هتظلم وقدر الله وماش اء فعل والحمد لله جبت فى السنتين بال مستوى الرفيع 88.5 بس يا جماعه عندى نصيحه يا جماعه قدر الله وما شاء فعل ومفيش داعى خالص للتظلم مش على حاجه والله لكن اعرف ان ناس اتظلمت وهذا التظلم لا يكون اكثر ولا اقل من ان حضرتك بتجمع الدرجات بس يعنى ملهاش لزمه ليه بقى لان مش معقول خالص ان ال بيراجعوا كلهم اعمشوا ومش عرفوا يجمعوا بس والله العظيم انا واحد صاحبى السنه ال فاتت جاب 30 فى الكيمياء وراح اتظلم لاقى نفسه جايب 10من10فى تلاته اسئله اظن دا يبقى ممتاز والتلات اسئله الباقيه مشظوبه ازاى معرفش بس هو ممتاز جدا بس حول وجاب الحمد لله السنتين92
|
أنا الحمد لله كنت علمى فى تانية وجبت82 وحولت وجبت السنادى 96.5 والاتنين على بعض 90.5 وناقصلى درجة فى التاريخ مش عارفة راحت فين يله الحمد لله رب العالمين كل اللى يجيبه ربنا كويس
|
انا كنت متوقع 420 بس للاسف جبت 420.5
بطلوا اشتغالات بقي |
كنت متوقع 92
جبت 95.6 الحمد لله |
انا كنت عامل لنفسى حد أدنى وحد أقصى الحمد لله زدت عن الحد الاقصى جبت 96.58 (علمى رياضه) يعنى كده قشطه جدا وعسل جدا
|
بصراحة انا مكنتش متوقعة اني حزيد عن مجموع تانية ابدا
انا كنت في تانية جايبة 95.5%وكنت خايفة لاقل كمان عنه وكنت بقول اني (لو) زيت وده احتمال ضعيف ان حجيب 96% بس الحمد لله جبت 97.7% السنتين على بعض وده من فضل ربنا مش شطارة وله ذكاء مني احب اقول لكل اللي قل عما كان متوقع ان ده اختيار ربنا ليك وهوه ده الخير ليك حتى لو كنت اتظلمت وياريت اللي قل عن ما كان متوقع بس المجموع كله حلو ميضيعش على نفسه الفرحة وميعدش يفكر في اللي نقص فيه ويحمد ربنا لان في ناس اتظلمت ونقصت كتير ومجموعهم قل جامد مع انهم يستحقوا اكتر من كده وبعدين عشان ميزعلوش الاعضاء اللي نقصوا جامد يعني اذا سمحتوا بلاش ردود من نوعية كنت متوقع 409 بس جبت للاسف 408.5 يعني ياريت نراعي شعور بعض |
| جميع الأوقات بتوقيت GMT +2. الساعة الآن 05:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.