![]() |
الحيرة!! صيدلة عين شمس و لا القاهرة!!!
يا جماعة كان عندي سؤال هوا مين أحسن صيدلة عين شمس و لا صيدلة القاهرة؟؟؟
بصراحة أنا سمعت مميزات و عيوب فيهم هما الاتنين و ادي اللي أعرفه و يا ريت عايز رأيكم: صيدلة عين شمس : المميزات : الاحسن سمعة , و خريجينها بياخدوا سمعة لأنهم مجرد خريجين من "عين شمس" , ده غير اللي بيشكر قي ستاف التدريس و الأمكانيات العيوب : العيب الأوحد و الأكبر: أن فيها اعدادي!! يعني نظام قديم!!! و ده نظام ........................ (عذرا ) و اللي مش مقتنع يقوللي طب اشمعني التعليم المميز اللي في صيدلة عين شمس ( اللي ب 12 ألف جنيه في السنة) خلوه نظام جديد!!!! بالتأكيد أي خريج خد 5 سنين صيدلة غير واحد خد 4 سنين بس!!!! صيدلة القاهرة : المميزات : مناهج متطورة ياستمرار , أعلي ميزانية لكلية صيدلة في مصر يعني أعلي امكانيات بالإضافة لاتباعها النظام الجديد اللي شرحت الفرق بينه و بين القديم في عيوب عين شمس!!! العيوب : خريج القاهرة ممكن يكون أقل سمعة أو صيت من عين شمس , يعني مثلا لو في وظيفة و واحد من عين شمس و واحد من القاهرة متقدمينلها ممكن تبقي نسبهم مثلا تبقي 60% الي 40 % علي الترتيب مثلا!! يا ريت اللي عنده شئ يقدر يفيدنا بيه يبقي كتر خيره!!!(يا ريت اللي يشارك يكتب هوا خريج أو بيدرس في جمعة ايه!) |
مين قال 4 سنين دى
فى الحالتين 5 سنين هوا بس اللى هيختلف ترتيب المواد مش اكتر وزى ما قولت قبل كده لما تاخد الاساسيات الاول ده افضل كتييييييييييييييييييييييييير من انك تدخل على مواد صيدلة مرة واحدة وفى الاخر تبقى مش فاهم حاجة |
ربنا يستر ويعمل اللى فيه الخير
انا عايزة أسأل هو التنسيق السنه دى ممكن يبقى زى بتاع سنه 2007 انا بصراحه مش باصه خالص ع تنسيق السنه اللى فاتت لان الامتحانات كانت وحشه والنتيجه كمان كانت وحشه ربنا يستر بجد لو ع تنسيق 2007 صيدله عين شمس كانت واخده404 يعنى هتفرق معايا ع نص درجه ربنا يستر ويعمل اللى فيه الخير |
يا دكتورة سارة أولا ليك الشكر علي الاهتمام نخش في الموضو علي طول
أولا أنا علي حد علمي دي بعض المواد اللي بتدرس في اعدادي حيوان , فيزياء , رياضيات , يعني ممكن أعرف المواد ده ممكن فيد الصيدلي ازاي بعد التخرج!!!!!! ثانيا برده ماحدش برده قدر يفسر علامة الاستفهام الكبيرة اللي علي النظام الجديد اللي هوا التعليم المميز طب و اشمعني هوا اللي خلوه نظام جديد و علي فكرة أحب اوضح برده ان كتير من جامعات مصر منها القاهرة و حلوان كانت تبع النظام القديم و حولوا , طب ده برده معناه ايه!!!! ثالثا أحب اوضح أن السنة الأولي علي النظام الجديد أه بالتأكيد بتبقي أصعب من الأعدادي لكن ده في الأخر بيطاع صيدلي أقوي وعارف أكتر , و بالنسبة حتي لل ceutics فهو بصراحة ممكن يكون أضعف قسم في القاهرة , لكن الحال مش أحسن كتير في عين شمس , لو عايزين بقي نسرد مزايا النظام الجديد , فحدث و لا حرج!!! مثلا مادة pharmacology علم الأدوية عين شمس بيدرسوه سنة واحدة فقط!!! في حين النظام الجديد بيدرسه تلات سنين , و ال clinical pharmacy اللي هيه مستقبل الصيدلة , عين شمس بياخدو فيها عناوين بدليل انهم بيعملوا دبلومة للخريجين فيها و لو مش متأكدة الإعلان ده موجود في موقع الكلية ده غير الدكتور اللي اسمه اسامة بداري رئيس قسم الكلينيكال اللي عذرا مافيش طالب اللي لما بيشتم فيه!!!! النظام الجديد ادلها مساحة أكثر من الكافية . الوقت اللي فيه طلبة النظام القدديم بيدرسوا علم حيوان و فيزياء بيكون فيه طلبة النظام الجديد بيدرسوا فيه مواد حتنفعهم بجد فعلا انا أول واحد حاكون فرحان لو عين شمس حولت نظام جديد!! ( أنا حتي بالنسبالي عين شمس في المسافة أقربلي كتير جدا) و كمان حاجة أحنا دلوقتي بنشوف ان هندسة القاهرة تفوقت علي هندسة عين شمس لييه؟؟؟ عشان القاهلرة برده في هندسة عاملة النظام الجدبد اللي فيه التخصص بعد سنة أولي , أما كلية هندسة عين شمس قالتخصص بعد سنة تالتة !! و أكيد كلنا خدنا بالنا ان السنة اللي فاتت هندسة القاهرة خدت مجموع أعلي من هندسة عين شمس . و مش محتاج أتكلم عن طب القاهرة ( القصر العيني) اللي هوا أحسن بمراحل من طب عين شمس!! بعد ده كله المشكلة في عين شمس أنها ابتدت أكتر من رائعة ( علي فكرة صيدلة عين شمس بدأت العمل سنة 1995 ) لكنها للأسف ماطورتش من نفسها , مناهج أقل تطور حتي من الجامعات الأخري!! |
مش عارف يا نغم لكن اعتقد ان صعب عين شمس تاخد زي تنسيق 2007 أعتقد حتقل!!!!
|
على الفكرة انا عاوز اعرفكم انى فى سنة من السنين كان تنسيق صيدلة عين شمس اعلى من تنسيق طب عين شمس
ويمكن متابعة الموضوع ده على الرابط التالىhttp://www.thanwya.com/vb/showthread.php?t=137412 |
اقتباس:
متحكمش على المناهج غير لما تشوفها بنفسك وعلى فكرة احنا عندنا نظام جديد مش موجود فى صيدلة القاهرة نظام اسمه التصنيع الدوائى drug design والنظام ده بياخده فيه صيدلانيات من اول سنة بردو ب 12 الف فى السنة ممكن حضرتك تدخله بس انا عن نفسى مش بفضل النظام ده |
اقتباس:
هتنورينا يا قمر وان شاء الله تعجبك الكلية وتبقى متفوقة فيها |
أولا ماحبش أن كلامي يتاخد أن أنا باهاجم عين شمس ,انا أكدت علي الكلام ده أنا لسه مخلص ثانوية عامة ايع اللي حيخليني انحاز لأي جامعة عن جامعة أنا باعرض مشكلة في الأختيار
أنا أكيد ماشفتش مناهج عين شمس لأني لو كنت شفتها كنت زماني طالب هناك و يالنسبة للنظام الجديد في عين شمس ايوه ده بيسموه التعليم المتميز و الخريج بتاعه بياخد شهاده غير الللي بياخدها الخريج العادي! و أعتقد ان المصاريف دي مش أي أسرة تقدر تتحملها! أنا نفسي ماقدرش أخشها . بالنسبة للطلب علي الخريجين فأنا أكدت أن عين شمس واخدة سمعة عالية و صيت قوي , لكن لو كان الصيت ده مش ميني علي أساس حيتبخر , و خير دليل علي كلامي ده هو هندسة عين شمس و ده برده الرد علي أن صيدلة عين شمس أعلي في التنسيق من القاهرة و ده راجع لأسباب تانية كمان ده مش مجالها دلوقتي. |
مش مبنى على اساس !!!!!!!!!!!!
ازاى يعنى اصلا والله العظيم مناهجنا هى مناهج القاهرة بظبط واحنا بنغاخد حاجات هما مش بياخدوها كمان كونها اسمها نظام قديم دى مجرد تسميبة بيقولها الناس عشان فيها اعدادى مش اكتر ومبتدلش على مناهجها ابدااااا والدليل على كده انى ساعات بسال ناس فى القاهرة على حاجات بيكونوا اول مرة يسمعوها وده دليل ان المناهج متطورة |
علزة اسالك يا Dr.sara
ايه هو القسم الخاص وايه مصاريفه وايه شروطه يعني ممكن ياخد مجموع اقل شوية؟؟ |
اقتباس:
مصاريفه تقريبا 12 او 13 الف فى السنة لاء مش بياخد مجموع اقل لازم تكون جايب مجموع الكلية ده اللى اعرفه بس هوا اول سنة يتطبق السنة دى |
اقتباس:
ربنا يعمل اللى فيه الخير |
أنا يا جماهة النهاردة كنت رحت كلية الصيدلة جامعة و بصراحة المباني فعلا شكلها مبهج , مباني جديدة و مكان منظم مش حاكدب و بصراحة لما سألت هناك كتير قالولي كلام شبه كلام الدكتورة سارة و هما و ضحولي الأتي :
ممكن فعلا في اعدادي تكون فيه مواد مالهاش لزمة قوي بي -علي حسب كلام الطلبة اللي سألتهم - أن بعد كده فيه سنوات و خاصة سنة تالتة بتبقي أصعب فعشان كده ممكن بيبقي المناهج واحدة و بالتأكيد هم أكدوا ان خريج عين شمس له صيت و بيبقي مطلوب . الحق يقال , و علي كل حال أنا ناوي ربنا يسهل أزور القاهرة بكرة و أدينا حنشوف و ربنا يوفق الجميع |
تمام يا دكتور ربنا يوفقك ان شاء الله فى الكلية
|
انا تحت امركوا فى سؤال يتعلق بالكلية
|
توكل على الله وعين شمس هى الاحسن
|
اقتباس:
|
معلش يا دكتورة ساره
بس عاوزة اعرف هو محاضراتكو بتبقى للساعه كام؟ يعنى بتتأخروا وبتاع وسؤال بس بجد عايزاكى تردى ع سؤالى بصارحه ندمتى ف مرة ع دخولك للكليه دى و لالا؟ بصراحه ولو ندمتى ندمتى ليه؟؟؟؟؟ وياريت تدعولى ربنا يعملى اللى فيه الخير |
يا جماعة سؤال منطقي و يا ريت فعلا عايز رد يقبله العقل!!!!!!!!!!! (أنا قربت ألسع)
أولا أنا اقسم أن أنا لا باعاند و لا ضد عين شمس أنا لغاية دلوقتب كاتب عين شمس رغبة أولي , لما في عين شمس يدرسوا أول سنة مواد من الأخر مالهاش علاقة اوي بصيدلة بدليل "بدليل " أن معظم دكاترته من علوم مش من صيدلة و بعدين ياخدوا في اولي المواد اللي خدها بتوع القاهرة في اولي حديث ! يبقي مين الأحسن!!!! يا جماعة أنا قربت السع طب منين الشهرة دي !!! بصراحة الواقع ما بيأيدش أنا تعبتكم معايا أنا عارف بس يا ريت فعلا نوصل لحل!! يعني لو كلامي ده مايقبلوش العقل يا ريت جد يرد علي ! واحد بيدرس مواد صيدلية فعلا 5 سنين , وواحد بيدرس مواد نفس المواد هي هي المتعلقة بصيدلة في اربع سنين لأن اعدادي أفهم حيستفيد ايه من .......... علم الحيوان و لا الرياضة! يا رب الله أني أسألك الهداية . |
اقتباس:
وان شاء الله من النهاردة انا تحت امركوا فعلا فى سؤال بصى يا نغم يا حبيبتى محاضراتنا بتختلف من سنة للتانية بس بالنسبة لاعدادى كان اقصى حاجة الساعة 6 فى اولى ممكن توصل ل7 او 8 بس مفيش اكتر من كده انا هردى عليكى بمنتهى الصراحة انا والله عمرى ما ندمت على دخولى للكلية دى بالعكس انا فى الترم التانى حبيتها اكتر وبعدين فى الاجازة لدرجة انى لما بقابل اى حد من صحابى باقعد اكلمة عن الكلية والدكاترة والتدريب وكده عمرى ما ندمت ابداااااا حتى فى الاجازة دى اخدت كورس عشان ابقى ملمة لو انا ندمانة مكنتش اعمل الحاجات دى ابدااااا وبعدين والله شىء جميل انك تكونى حابة الكلية اللى انتى داخلها ويكون مجموعك مش بيجبرك عليها يعنى انا الحمد لله كان مجموعى يجيب طب واسنان وصيدلة وكله بس اختارت صيدلة عين شمس رغبة اولى وانا فخورة جداااااااااا بانى طالبة فيها و انا حاسة انك انتى كمان بتحبى صيدلة ويا رب اشوفك دكتورة عندنا فى الكلية ياااااااا رب |
المواد دى مواد اساسية وبيتبنى عليها السنوات المقبلة
واحنا اخدنا حاجات فى المواد دى ماخدتهاش صيدلة القاهرة لدرجة انى مرة بقول لصاحبتى تعرفى تشريح respiratoty system قالتلى انا معرفش معنى الكلمة اصلا طب بالله عليك ازاى تبقى صيدلة وتتدرس تاثير الادوية على الجسم وانت متعرفش حاجة اساسية زى كده مينفعش طبعااااااا ولا ايه راى حضرتك ؟؟؟؟؟؟؟؟؟؟ فى مادة zoology عبارة عن قسمين physiology&histology بتاخد الاجهزة المختلفة فى الجسم عشان بعد كده لما الدكتور يقول تاثير دوا معين على جزء من الجسم تبقى فاهم وبردو فى الرياضة بناخد تكامل احتاجنا فى الكيميا الفيزيائية فى حل المسائل وهنحتاجة السنين الجاية الفيزيا احنا اخدنا فيزيا حيوية ودى مش موجودة فى كل كليات الصيدلة حاجة بتنفرد بيها كليتنا وبعض الكليات التانية اخدنا action potential وتاثيره على الخلية العصبية ووصفه واخدنا طريقة عمل بعض الاجهزة الطبية ecg(جهاز رسم القلب) وغيرها بصراحة انا من رايى المواد دى من غيرها ولا تبقى فاهم حاجة فى اللى جى ولا ايه رايك يا دكتور؟ معلش انا عملت كوبة تانى للكلام اللى قولته ليكى يا دكتور عشان حاسة انك ما قراتهوش يااا رب الكلام ده يفيدك ويريحك |
انا نفسى اعرف يا جماعة ليه انتو متضايقين و بتتخانقوا اوى كده و كل واحد بيدافع عن كليته كانه هياخدها معاه و هو ماشى يا بشر اسمعوا بس
يا ما فيه ناس مجموعها ما اهيلهاش انها تخش عين شمس و دخلت القاهرة و قعدت ال5 سنين زى الفلو اتخرجت و اشتغلت برواتب اعلى من خريج عين شمس اللى داخلها و رجل على رجل يعنى انا عايز اقول ان الحكاية مسالة نصيب الواحد اه بيدور على الاحسن بس برده فيه عامل الاقرب فى المسكن و الاريح و السمعه الاحسن و ربنا يوفق الجميع |
اقتباس:
وشكرا لردك وربنا يوفقك ف الكليه |
انا من الغربية وجبت القاهرة ومش عارفة فين الصح والغلط ممكن تردوا ولا احول طنطا واريح
|
بصى يا قمر الاقرب افضل طبعاااااا
عشان مياثرش السفر على مذاكرتك وكده فبنصحك تحولى طنطا بدل الشحططة توكلى على الله وحولى الا لو كان عندك استعداد تقعدى فى المدينة الجامعية |
انا دخلت عين شمس وحصل اللى حصل it is over
|
لو سمحت يا DR.sara
عايزة أسألك بجد ايه رأيك عن القسم المتميز اللي في القاهرة ولا اللي في عين شمس؟؟؟ اعين شمس التصميم الدوائي ةالقاهرة الصيدلة الاكلينيكية؟؟؟ مين أجسن ؟؟؟ أنا بجد تعبت |
والله ما قدرش اقولك لانى معرفش حد من اكلينكال فى القاهرة او من النظام الجديد عندنا
اعذرينى معرفش والله انهى الافضل |
شكرا جدا Dr.sara
ومعلش أزعجت كتير أوي أنا ان شاء الله بكرة رايحة القاهرة وهشوف الموضوع كله شكرا مرة تانية |
ده مين المفتى بقى ان شاء الله اللى قال ان خريج عين شمس احسن من القاهره...... احنا هنهرج و للا ايه انا معايا ناس ساكنين فى مدينه نصر و جايبين مجموع عين شمس و دخلوا القاهره........ ملحوظه جامعة القاهره اخر جامعه مصريه دخلت فى احسن 500 جامعه على العالم..... و عين شمس بتاخد مجموع اعلى عشان العدد فيها صغير بالنسبه ل القاهره...... اول كليه صيدله فى مصر كانت فى جامعة القاهرة ...... انا لسسه عندى حاجات كتير بس كفايه كده و سيبك و الله من اللى بيقولك كده.
|
زى بالظبط ما بيقولو ان خريج عين شمس بيبقى دارس صيدله اكلينيكيه زى اللى دخل القسم المتميز فى القاهره..... عشان بياخدو فكره على clinical pharmacy يبقى كده درسها........ طيب ما تشوف الشهاده بتاعتك و الشهاده بتاعتو مكتوب فيها اه...... يا ناس ارحموووووووووووووووووووووووووووووووونا بقى مش كل واحد بقى مفتى.... المهم انت جاتلك ايه ؟؟؟؟؟
|
انا مقلتش انك تقدر تشتغل اكلينكال من غير دبلومة او ماستر فى الاكلينكال لازم طبعااااا ودى ب 1500 عندنا
بالبكالوريوس + دبلومة اكلينكال من صيدلة عين شمس كده تقدر تشتغل اكلينكال والكلام ده اكيييييييييد ومن الدكاترة نفسهم |
هو ممكن نحول من صيدله القاهره لعين شمس ولا مينفعش لانهم فى منطقه واحده
|
معلش انا عايز اسأل سؤال
انا سمعت ان فيه دبلومه بعد صيدله العاديه حوالى سنه و ممكن اقل ( اكلينيكال ) هى الدبلومه دى بتدى نفس الدرجه اللى بياخدها اللى درس 5 سنين اكلينيكال؟؟ ارجو الرد |
اقتباس:
يا جماعة أنا ده نفس سؤالي يارب حد يرد عليا |
اقتباس:
|
انا جتلى صيدلة بنى سويف بس الحقيقة عندى شوية مشاكل اولا انا مش بحب الكمياء قوى مش عارفة احول علوم احسن
|
أولا يا جماعة اسف ان انا ماكنتش متابع الموضوع الفترة اللي فاتت كنت اتشغلت شوية
اولا و لعاشر مرة ناس كتير افتكرت ان انا بادافع عن صيدلة القاهرة انا و ضحت قبل كده ان انا ساعة لما ابتديت الموضوع فعلا لسه ماكنتش استقريت علي حاجة دلوقتي خلاص تقريبا كل واحد قدم في كليته أنا بعد حيرة اخترت "عين شمس" و ان كان ده مش دليل بأي شكل انها افضل علميا دي حاجة أنا ماعرفهاش , رغم اختياري ده الا ان انا فعلا ماعرفش احتمال في يوم من الأيام بعد خمش سنين اعرف ساعتها لو ربنا قدر و عرفت الاختيار الأصوب في مسألة حيرتني لفترة بالتأكيد حاخش علي موضوع كنت عملته من خمس سنين في المنتدي ده و أقول للي في نفس حيرتي عن تجربني , و الله أعلم بعد ده كله اذا ما كانوا حيقتنعوا بيه و لا لأ!!!! عودة!! في جميع الأحوال و عشان نكون صرحة في عوامل كتير بتتحكم في اختيار الفرد زي المسافة أو السمعة و ده كلام أنا مش عايز أكرره لأني قلته في أول الموضوع بس أتمني ان قراري ده ميأثرش علي قرارات حد !! بخصوص القاهرة فأنا شبه متأكد ان المناهج هناك قد تكون أفضل , بس فيه عوامل تانية ممكن للأسف تكون منفرة بعض الشئ أولها - و ده سبب شخصي - المسافة , تانيها: العدد ,و ان كان ده ممكن مايكونش مشكلة بصراحة , تالتها -و دي للأسف ثقافة مجتمع- السمعة (يعني الكلية الي تنسيقها أعلي تبقي أفضل !!! شئ بديهي!!!! ) يلا اللي ربنا كاتبه حنشوفه ! علي أي حال و أي كان الكلية اللي كل واحد فينا دخلها فكل واحد عليه أنه يجتهد في مجاله و هو ده الأهم يعني كل واحد حاطط قدامه هدف ممكن يكون صعب المهم أنه يجتهد و يخلي هدفه ضوء بيهديه و يبعده عن أي سأس آسف لو تعبت أي حد معايا أو ظهرت بشخصية متشائمة بعض الشئ أنا فعلا شخص باحب التفاؤل بس أي حد فينا ساعات بيمر بأمور بتحيره شوية , ممكن تخلي حالته مش زي المعتاد بتاعه أوي! تمنياتي بالتوفيق للجميع |
يا جماعة يا ريت حد يقولى يصراحة....صيدلة الفاهرة ولا المنصورة.......من غير اعتيار للمسافات وهى الحوارات ده...
مش عايز اخش كلية غير عصرية...عايز حاجة لذيذة ومفيدة قى الشغل بعد كده...مش حاجات اعد اذكرها على الفاضى ودح و خلاص....عايز يجد اخش كلية تفيدنى بعد كده....ومتطورة.....مش رجعية ولا جامدة...... يا ريت حد يفدنى يا جماعة....... we shokrn 3la elmowdo3 el mofeed da elly ata7 forsa kewesa gedn lel elmona2sha...we akeed afad kol elmotkdmeen le sedala.....we rbna yfkna game3n... |
القاهرة هى احسن حاجة سهلة وجميلة لكن العيب العدد والمسافة
|
المعين ربنا فى الاول والاخر فخير استعانة بالله وربنا معانا يارب
|
shokrn 3ala rdk we ahtmamk ..ya dr.sara......we isa elwa7d y3ml elly 3leh we rbna youfko....
ya retny kont da5lt business adminisration and political sciences we re7t demagy.:9............yala ...naseeb...ma7desh 3aref rabena kateblo eh.... shokrn mara tania 3ala rd 7adrtk...:) |
لا شكر على واجب لكن من راى زميلة ممكن الاقرب والاسهل واظن المنصورة حلوة والقاهرة حلوة وممكن يكونوا نفس النظام اسال كويس علشان ما فيش وقت وممكن تنزل الترجمة لانى ما عرفتش اقرا شوية كلام
|
تفرق يعنى
واتمنى الاقى حد يساعدنى اعضاء كتير اتكلموا عن موضوع عين شمس و لا القاهره و شكل الموضوع اتفقل بس انا لسه الموضوع مفتوح عندى عشان انا من الوافدين وتنسقنا لسه شغال تفرق ايه صيدلة عين شمس عن صيدلة القاهره عن ص الاسماعليه عن ص اسكندريه عن ص الزقازيق عن............ بتكلم عن القيمه العلميه و الاستفاده النهائيه فى النهايه الواحد بيعقد فى صيدليه وحتى اللى مش معاه بكالوريوس صيدله بيسلك موضوع شركات الادويه ده محتاج واسطه و مش موضوعنا انا كده كده متغرب و مش ح تفرق معايا لو حد اتكلم عن المسافه الاقرب كلامى عن التعب المضاعف و المرهق فى عين شمس و القاهره و النتيجه واحده ح افتحلى صيدليه يا ريت حد ينورنى انا بتكلم صح و لا غلط و يا ريت بسرعه عشان السماح بتغيير الرغبات ح يقفل قريبا ً هل دكاترة عين شمس غلسين و طلباتهم كتير و متعبين ولا ممكن الواحد يستحملهم انا خايف وعايز الخمس سنين يفوتوا على خير و مش عايز اى مطبات استغاثة واحد موروط |
اسكندرية اسهل صيدلة فى ىمصر والله اعلم لو عاوز تفتح صيدلية وفى الاول والاخر كليات مصر واحدة كلها المهم تعمل الى عليك وخلاص وهناك نماذج مشرفة عندنا على المنتدى كلهم امتياز منهم اسكندرية والقاهرة وعين شمس وطنطا وعلشان تريح وتستريح صلى صلاة استخارة وربنا هيوفقك وسلامو عليكو
|
شوف يا (العميد)
بالنسبة لعين شمس بيقولو صعبة ودكاترة متعبين شويتين بس معلش هي تستاهل ليه؟؟ أولا السمعة وده أكتر حاجة ماشية في مصر ثانيا الدراسة بتؤهلك للدراسات العليا واستحمالها كان عايزة تعليق على كلامك ليه فيه لمحة تشاؤم؟؟؟ يعني ليه مافكرتش مثلا انك تكمل درايات عليا وتسافر بره خاصة انك وافد يعني عارف الفرق بين مصر وبره ومتعود عالغربة يعني أنا مثلا أخدت تانية وتالتة من مصر وكنت عايشة بره وللأن أهلي بره وده خلاني أفكر اني اعمل دراسات وأسافر بره يعني الحكاية مش صيدلية هتتفتح وخلاص أما بفى القاهرة فهي طبغا كويسة جدا ومن أقدم الجامعات ولهل اسمها الكبير جدا لكن لو شغت الدفعة اللي حوالي 1200 طالب هتعرف فرق عين شمس اللي محصلتش 400 طالب على بعض كمان لو عايز حاجة كويسة وتعليم كويس قدامك الفسم المتميز في عين شمس (الوحيد في مصر في تخصص التصنيع الدوائي) وقدامك الصيدلة الاكلينيكة في القاهرة اسأل وشوف الاول وكويس انك دلوقتي بتقدر تحول وانت وافد كان على أيام اختي وأخي مفيش تحويل خالص فكر كويس ومتقولش أه كلية وخلاص ده مستقبل ومصير وعلى فكرة أنا لسة داخلة أولى صيدلة عين شمس المميز ان شاء الله ياريت ـأكون أثدتك ومطولتش عليك |
<P> </P>
<P> </P> <P> </P> <P> </P> <P> </P> <P> </P> <P> </P> <P> </P> <P>وقدامك الصيدلة الاكلينيكة في القاهرة اسأل وشوف الاول وكويس انك دلوقتي بتقدر تحول وانت وافد</P> <P>كان على أيام اختي وأخي مفيش تحويل خالص</P> <P> </P> <P> </P> <P> </P> <P>ياريت ـأكون أثدتك ومطولتش عليك[/quote]</P> <P> </P> <P>اولا ً متشكر على الا هتمام</P> <P>ثانيا ً حضرتك اختصرتى مش طوولتى</P> <P>ثالثا ً انا مقولتش انى فى تحويل فقط تعديل رغبات</P> <P> </P> <P> </P> <P>نرجع لموضوعنا</P> <P> </P> <P>انا بفكر اخد شقه فى 6 اكتوبر و صيدلة القاهره ح تكون اقرب بالنسبه لى</P> <P> </P> <P>بناء على ذلك يعنى ايه اكليتيكيه و تفيد الصيدلى فى ايه يعنى هى فى الروشته</P> <P> </P> <P>بالنسبه للعدد الكبير يا ريت اللى فى صيدلة القاهره يقولولى بيفهموا و لا ....</P> <P> </P> <P>بالنسبه للدكاتره ايه النظام؟؟؟؟؟؟؟؟</P> <P> </P> <P>بالنسبه للحضور ايه الجدول</P> <P> </P> <P>بالنسبه للامتحانات فى غش او (بلاش نسميها مساعده) ولا ضلمه</P> <P> </P> <P>يا ريت حد جدع يدينى من وقته خمس دقايق و يرسينى على بر</P> <P> </P> <P> </P> |
معرفش الحروف الانجليزى جت ازاى بس اكيد عملت الاقتباس غلط سامحونى
|
بالنسبة للصيدلة الاكلينيكية
يمكن تعريف الصيدلة الأكلينيكية على أنها: مجال من مجالات ممارسة مهنة الصيدلة في الهيئة الصحية، حيث يقوم الصيدلي بعمله كعضو في الفريق الطبي الذي يُعنى بالمريض ، فيقوم بتطبيق رؤيته السريرية (الأكلينيكية) لضمان الاستخدام الصحيح والآمن للأدوية. إن هذا الفرع من مهنة الصيدلة يتطلب دراسات متخصصة في مناهج الصيدلة وتدريباً مُنظماً، لكي يتمكن الطلاب من الوصول إلى الهدف المهني المطلوب. وبناءً على التعريف السابق، فإن الصيدلي الأكلينيكي، هو الصيدلي الذي يقوم بأداء عمله في أجنحة المرضى، حيث يشارك في المرور على المرضى كعضو في الفريق الطبي، ويقوم بالوظائف التالية 1- الحصول على تاريخ المريض العلاجي. 2- إختيار الوسائل العلاجية الأكثر ملائمة ومراقبة سير العلاج. 3- الإجابة على استفسارات الأطباء وغيرهم من العاملين في السلك الصحي عن المعلوات المتعلقة بالأدوية. 4- تعليم المرضى والرد على استشاراتهم. 5- توفير التعليم المتعلق بالدواء داخل نطاق الخدمة الصحية للأطباء واسلك التمريض وغيرهم من العاملين في الحقل الصحي. ولقد أُدخلتْ في حقل الصيدلة الأكلينيكية وبشكل خاص ،إذا صح القول، وظائف أخرى إضافة إلى ما ذُكر أعلاه مثل : 1- حركية الدواء الأكلينيكية (السريرية). 2- خدمات التغذية الوريدية. 3- ممارسة علم السموم الأكلينيكي تحت مسمى مركز المعلومات المتعلقة بالسموم. 4- التحريات الدوائية الأكلينيكية. 5- أستشارات المعالجة الدوائية الأساسية. 6- المشاركة في تقييم استعمال الدواء. 7- مزاولة الصيدلة الأكلينيكية المتخصصة في مختلف الحقول الطبية ، مثل الأورام أو الكلية أو الجراحة او الأطفال أو العناية المركزة وغيرها. إنّ هذه الاختصاصات تتطلب تدريب متخصص يتم من خلال ما يسمى برنامج الإقامة (يدعى الصيدلي خلالها صيدلي أكلينيكي مقيم) وغيرها من البرامج. على العلم انها غير مطبفة في مصر غير في 3 مستشفيات فقط يعني لو هتدخلها يبقى عايز تسافر بره وهي بمصاريق 10 ألاف جنيه في السنة (تعليم متميز ) (عدد قلييل: مناهج غير: معاملة كويسة ) كمان ده معلومات عنها في النتدى بعنوان الصيدلة الاكلينيكة ياريت أكون أفدتك |
جميع الأوقات بتوقيت GMT +2. الساعة الآن 08:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.