اولى طب بشرى....اجمع
سلام عليكم
منورين يا شباب.. http://www.bala6y.org/vb/images/smilies/smile.gif دخول الجامعة بره إنه خطوة إنتقالية ممكن تبقى صعبة من الناحية الدراسية أو من الناحية النفسية - تغيير المكان و المعاملة و خلافه - فهو ممكن يبقى مشكلة من الناحية الإجتماعية.. إزاى أتعامل؟!! إزاى أتصرف؟!!! إزاى ألبس؟!! مهمة الموضوع ده مش توجهيكم لتصرفات معينة.. مهمته يوجهكم لمناطق الخطر و الحفر اللى وقعنا فيها كلنا فى أول سنة أولى و عايزين نجنب الناس اللى جاية الوقوع فيها.. أنا كتبت موضوع كامل فعلاً عن نقاط مختلفة مهتمة فى أغلبيتها بالحياة الإجتماعية و هأنزله على فقرات.. لو أى حد مهتم يشارك فى الموضوع يتفضل بمقالات أو فقرات محددة و معنونة و محددة لموقف معين.. و هنبدأ... |
أسلوب التعامل مع بعض (زمايل): هتدخل مدرج فيه 200 طالب مثلاً إحتمال يكونوا مختلفين عنك.. و عندك رهبة من التعامل معاهم.. و يمكن رهبة من إحتمال إنك تبقى مرفوض أو مش محبوب.. فى ناس طبعاً مكتسحة لو أنت منهم نط الفقرة دى و اقلب على اللى بعدها :D فى البداية دايماً..خير الأمور الوسط مش لازم تتدلق على حد و تلزق له..و مش لازم تدى الناس الوش الخشب علشان يعرفوا إنك مكتفى ذاتياً و مش محتاج حد.. فى البداية خليك خفيف..دول معارف جداد.. ومتطلبش من حد معلومات كتيرة عن نفسه من أول مرة تشوفه فيها.. و ابعد و اكرر:ابعد عن سيرة مجموع الثانوية لإنك ممكن تلاقى حد جايب أعلى منك فأنت (برد فعل بشرى) تتضايق أو هو يطنطط عليك بيه.. و ممكن تكون أنت جايب أعلى منه فيتضايق منك و يكش.. طبعاً ده لايعنى إنك لما تتسأل جايب كام فى ثانوى تتوه أو تسيبه و تقوم! بس حاول متفتحش الموضوع بنفسك. حاول تقلل ردود الفعل البشرية http://www.bala6y.org/vb/images/smilies/biggrin.gif حاجة كمان.. خليك متعاون بس مش متعاون أوى..بمعنى اللى يسألك سؤال أو يطلب منك طلب معقول جاوبه بدون تردد.. بس مثلاً مش توافق على إنك تسيب محاضرة و تصور لزميلك كتاب بره مثلاً لإنه عايز يتابع المحاضرة و مش لاقى وقت! حاجة أخيرة..معارفك فى أول فترة مهمين لإنك هتعرفهم بقية سنين الكلية..بس حط فى دماغك إنك فى السنين الجاية هتعرف ناس أكتر.. *** مع بعض (بنات وولاد) : لو كنت بنت أو ولد مدرستك كانت منفصلة..بنين بس أو بنات بس..موضوع التعامل ده ممكن يسبب لك حيرة.. الولاد داخلين كلية.. وفيها بنات! تخيل! هنعيش بقى يا ابنى بدل كتمة القعدة فى فصل كله خناشير! البنات داخلين كلية.. وفيها ولاد! تخيلى! أكيد كلهم قلالات أدب و عايزين يعرفوا أى بنت وخلاص! طبعاً العكس ممكن يبقى صحيح..بس أنا بأتكلم عن القاعدة.. و مش عايزة أحكى عن المواقف المحرجة اللى ممكن تنتج عن تفكيرين مختلفين بالطريقة دى.. التعامل كله بيتلخص فى الكلمتين دول: إحترام..وضوح..حدود مثال ظريف: لو قاعد/قاعدة فى المدرج ولقيت زميلتك/زميلك بيسألك الدكتور وقف لحد فين.. مش لازم تفترض تلقائى إنِك بتتعاكسى.. رد فعلك يبدأ من التصرف التانى اللى تحسى إنه ضايقك..غير كده ردك يبقى عادى جداً فى حدود إجابة السؤال.. هتتخرج فى يوم من الأيام - قريب..قريب http://www.bala6y.org/vb/images/smilies/tongue.gif - و تشتغل فى مستشفى و معاك زميل/زميلة .. أو فى عيادة خاصة و تعمل referance لدكتور/دكتورة زميلة أو لمعمل تحاليل..فى جميع الأحوال هيبقى فى علاقات زمالة و علاقات عمل بينك و بين الجانب الآخر.. خليها من دلوقتى مبنية على الإحترام و هتكسب كتير.. آسفة على الإستفاضة فى الجزء ده..بس هو بيشغل الكل فى بداية الكلية.. *** فاصل و نواصل http://www.bala6y.org/vb/images/smilies/smile.gif __________________ |
مع الدكاترة: أول مرة تتعامل مع (دكتور جامعى)..فى ناس من الرهبة ممكن يقفوا أدام الدكتور من غير ما ينطقوا..أفتكر كده شكلك أدام نجم كبير أو كاتب مهم .. ده غلط طبعاً..الدكتور عايزك تعامله بإحترام..بس محتاجك تتكلم برضه.. بس متتكلمش أوى..سؤالك دايماً مختصر..أنا قلتلك خير الأمور الوسط. المذاكرة: أذاكر منين: هتبدأ تحضر فى أول السنة مجموعات الشرح فى العشيرة أو تبع أى أسرة.. و هيدوك ملخصات لذيذة.. هتبدأ تحضر محاضرات والدكتور يقولك تذاكر منين.. و هتقابل ناس بياخدوا دروس و هما كمان هيقولوا لك تذاكر منين.. افتكر دايماً المثل ده: " ما حك جلدك مثل ظفرك..فتول أنت جميع أمرك" أكيد هتحتاج فى الأول تسمع لناس..هيقولوا لك المصادر و لطريقة..احكم أنت بنفسك إيه المناسب ليك.. فى ناس عندها ذاكرة فوتوغرافية..بيفتكروا شكل الصفحة فى الإمتحان و يمكن رقمها..ممكن الناس دى تفضل كتب القسم اللى بيكتبها رئيس القسم و أكبر أساتذته.. فى ناس إتعودت تذاكر من ملخصات.. فى ناس إتعودت على المعلومة المكثفة من ورق الدروس فى ثانوى.. تانى "فتول أنت جميع أمرك" *** كل يوم: زى ما غالباً قالوا لك أكتر من مرة: الإنجليزى مش هيبقى مشكلة بالنسبة لك إلا لمدة لاتزيد عن شهرين على الأكثر.. فى صفة عندنا مميزة لكليات القمة:الدكاترة بيبدأوا شرح من أول يوم.. إزاى بقى تبقى in good shape كل يوم بحيث تحافظ على تركيزك؟ لو معاد محاضرتك 8 الصبح هتتضطر تتخلى عن حياة السهر والعبث بتوع الأجازة..يا عابث! : ) المهم..تعرف الطريق بياخد منك أد إيه بالضبط و تزود عليه ربع ساعة.. تشرب قبل ما يجى أو فى الكلية كباية الشاى المتين.. و تنطلق! هات ساندويتشات معاك لو من النوع اللى بيتقرف من أكل الكافيتريات.. و ملكش دعوة بالهبل بتاع محدش بيجيب ساندوتشات من بيتهم.. أختكم داخلة على رابعة و بأجيب معايا ساندوتشات.. ولايهمنى.. أى حكاوى عن طريقة شرح الدكاترة..انساها.. أجمل طريقة تتقبل بيها شرح الدكتور هى إنك تسمعه لأول مرة..هو مقدر إنك جديد فى اللعبة ومش هتحتاج تبقى محضر عنه و عن محاضرته تحريات.. السبب التانى اللى لازم علشانه تنسى الحكاوى دى إن مادتين من مواد السنة دى الأربعة: فسيولوجى (علم وظائف أعضاء) و بيو ( كيمياء حيوية) رؤساء الأقسام بتوعهم جداد نوفى..أول سنة ليهم فى رئاسة القسم.. __________________ |
من أول يوم..إفتح مصدرك واختبر نفسك فى الإنجليزى..أنت بتقرا طب لأول مرة فى حياتك..استمتع ياعم! *** الأنشطة: الإستقبال هو أول نشاط هتسمع عنه فى الكلية.. الناس اللى بتقابلك لما تدخل ومستعدة تساعدك فى أى حاجة محتاجها..الاستقبال ده متعة مش هتحس بيها إلا لما تكبر سنة أو اتنين وتنزل إستقبال علشان تساعد الناس اللى فى أولى يتأقلموا مع الحياة فى الكلية! الرحلات بتطلع لدريم بارك و لقرى سياحية و لأسكندرية و أحياناً للأقصر و أسوان.. القافلة: ببساطة: ناس فى قمة الفقر..قمة الحاجة..قمة المرض.. و أنت بتساعد........ بس! دى الحاجات اللى كل الأسر مجتمعة عليها..فى حاجات مخصوصة لكل أسرة هتعرفها لما تحصل و يعلنوا عنها.. معارض ثقافية/فنية/ندوات/ جلسات مناقشة ثقافية/مجلات أدبية وعلمية....... هتلاقى هنا فى الكلية مجموعة من أفضل النشاطات الطلابية اللى ممكن تسمع عنها من كليات تانية.. خد لك جولة فى الكلية و براها..و أنزل ميدان العباسية و كُل فى كافيتريا الإعتماد..بس متدعيش عليا.. عدى على فلفلة و كُل أحلى كريم كراميل فى حياتك.. و أوعى تسمع كلام حد يقولك تعال أوريك متحف التشريح! _____ نورتوا واحدة من أعرق جامعات مصر و مهنة من أشرف مهن الأرض |
.........ارجو ما قد كتب قد حاز على اعجابكم واى استفسار يكون لى الشرف بان ارد عليه
وارجو كتابة الردود لنكون اسرة واحدة |
ما شاء الله مجهود رائع للامام دائما
|
لو فيه حد هنا من طب المنصورة يقدر يفيدنى طب احسن و لا صيدلة
|
ياريت حد يفيدنى طب طنطا ولا طب المنصوره؟؟؟؟
|
اقتباس:
انا عاوزك تدخل على جوجل وتكتب عاصمة الطب فى مصر شوف هتلاقى ايه اللى ظهرلك اما لو انت عاوز طب المنصورة بجد لازم تكون قده لان تقدر تقول انه اصعب طب فى مصر |
ماهو مشكله انه صعب دى بيقولوا التقديرات صعبه اوى وانا نفسى ابقى معيده بيقولوا صعب فى المنصوره
|
موضوع مميز
شـكــ وبارك الله فيك ـــراً لكِ يا دكتورة ... موضوع مميز بالفعل لأنه عن تجربة و استفدت منه كثيراً و منتظرين مواضيـع أخرى كهذه تحيــاتي |
اقتباس:
الصعوبة عاوزة مذاكرة مش اكتر يعنى انا اعرف ناس فى طب المنصورة ومتعينين فى الكلية وفى اقسام كويسة زى الباطنة والجراحة والقلب ولكن بالمذاكرة وصلوا ومن غير دروس كمان الموضوع مش بالصعوبة اللى انتى متوقعاها ولكن الحل هو المذاكرة وربنا يكرمك وتبقى معيدة ورئيسة قسم باذن الله |
اقتباس:
شكرا ليك انت وشكرا على المرور وبارك الله فيك |
عذراً
اقتباس:
اقتباس:
|
اقتباس:
وشكرا على اسلوبك وجزاك الله خيرا |
بصراحة موضوع جاااااااااااااامد جدا ربنا يهل و ادخل عين شمس
بس يعنى هو انا لو عاوز احضر حاجة من دلوقتى اقرا منين او اجيب ورق منين مش عاوز ادخل حمار يعنى |
اقتباس:
شكرا على كلامك اولا ثانيا انا عاوز اقولك انت لازم تقضى اجازتك كويس ومتشغلش بالك بالقراءة والتحضير لان انت ممكن تعقد نفسك من الوقتى ولكن ممكن تقرا حاجات بسيطة مثلا كتب عن الاسعافات الاولية ممكن تقرا عن الامراض او اي حاجة بسيطة مش لازم تعقد نفسك لان فى بداية السنة هتحس احساس عمرك ما حسيته ولا هتحسه فى الكلية بالتوفيق ان شاء الله |
ممكن أجيب كتب عن الاسعافات الأولية والأمراض منين
|
اقتباس:
|
طب طنطا وحش ليه؟
|
اقتباس:
|
بيخوفونى من طب المنصورة وبينصحونى بالقاهرة أوعين شمس وانا محتارة وخصوصا أنا من الدقهلية
|
اقتباس:
|
الف شكر ليك
|
طيب ايه راى حضرتك فى طب بنها؟؟؟؟؟؟؟؟
|
اقتباس:
|
اقتباس:
|
اقتباس:
بالنسبة للتقديرات والله عندنا فى عين شمس كتيير جدا جايب امتياز فى سنة اولى كمان اللى هى عقبة الطب كله انا قلت قبل كده مش لازم التقديرات قد لزوم ان يكون الدكتور فاهم يعنى لازم تبصوا على الكلية اللى العملى فيها حلو والدكتور يطلع منها فاهم مش حافظ |
شكررا يا دكتور (ة) على الموضوع الجميل
انا الحمد لله دخلت طب بنها ربنا يستر |
الصبح هتتضطر تتخلى عن حياة السهر والعبث بتوع الأجازة..يا عابث! :
حاضر يا دكتور(ة) والف شكر لموضوع حضرتك الجميل بس كنت عايز أسال حضرتك سؤال هل فعلا طب عين شمس صعب والتقديرات العالية فيه غير متاحة والتعيين فيه مستحيل وكبيرنا نجيب مقبول ؟؟؟؟؟؟؟؟؟؟؟؟؟؟؟ سمعنا كده صح ؟؟ |
و انا كمان سمعت كده من دكاترة كتير و نصحونى بطب اسماعليه
قالولى انتى مستواكى كويس و بالمذاكرة و الصبر هتجيبى تقديرات عاليه و هتتعينى فى الكليه بسرعه الله المستعان و ربنا يوفقنا كلنا للخير يا رب ربنا يكرمكو كلكو فى اى كليه اهم حاجه توفيق ربنا |
شكرا بجد على المعلومات ديه بس انا جالى طب عين شمس وعايزة احول طب بنها راى حضرتك ايه
|
انا عايزة اعرف هو الاشتراك فى الاسر والنشاطات دى اجبارى اصل انا مش بحب الانشطة والحاجات دى من يوم م اتولدت
|
طب شبين ( المنوفية ) اية النظام حلو ولا لأ
|
انا الحمد لله جالى طب منصوره ايه رأيك يا ريت كلام مشجع
|
اقتباس:
السلام عليكم ورحمة الله وبركاته أولا معذرة هدخل فى الموضوع أنا وصلت هنا عن طريق محركات البحث قدرا السؤال مش موجه ليه بس هجاول والأجر دعوات بظاهر الغيب التقديرات ما شاء الله عالية وحضرتك ممكن تجيبى أمتيازات بكل سهولة الحمد لله كنت بجيب أمتيازات بمجهود أقل الأمر كله بيرجع لطريقة المذكرة وأزى تحصلى على الدرجات دى درجات سنة أولى السنة الماضية ممكن تشوفى التقديرات فى عين شمس نتيجة الفرقة الأولى طب عين شمس 2008 - 2009 وحضرتك أهتمى بالمعلومات من اول السنة وفى ميزة فى عين شمس التعين فى عين شمس بياخد عدد كبير يعنى بيتعين لحد 235 طبيب مقيم منهم ناس بتتثبت وناس بتاخد المجاستير وتكمل بره فى الكليات التانية العدد قليل جداا مثال المنوفية بتاخد 35 طبيب مقيم فى المستشفى و 30 معيد فى الكلية هناك فرق طبعا ملحوظ اقتباس:
غير كده بنها تقدرتها أعلى من عين شمس بس المستوى العلمى عين شمس أعلى بكتير اقتباس:
طب المنوفية نصيحة خليك سنة أولى وتانية وتالته هناك وذاكر كويس وأرفع تقديرك وحول من أول رابعة عين شمس أو القاهرة هتلاقى نفسك ليك ترتيب كويس وكده تاخد السنين العملية فى القاهرة أو فى عين شمس وتقديرك كويس إن شاء الله |
ya bra2 eh r2ik fe tb mansoura
|
ماله يعني طب الزقازيق؟؟
الزقازيق والمنصوره تقريبا واحد ونفس الاسلوب كمان .. بس يمكن التقديرات في الزقازيق احسن شويه .. وبعدين الاتنين من الكليات المعتمده .. انما بنها وطنطا تقريبا مش معتمدين .. والله اعلم .. |
اقتباس:
بدأت حاليا تبأه مشهوره على ميتوى الوطن العربى فى برنش أمراض الكلى اقتباس:
الزقازيق اسهل بكتييييير بس من النهاية للبنات أقرب لكلية للبيت تبأه افضل شيئ لأن دولت 7 سنين |
من فضلك هو احنا امتى بالظبط بنودى ورقنا للكلية وماذا عن المصاريف والكشف الطبى؟
|
السلام عليكم و رحمة الله و بركاته
عاملين ايه أولا مبروك لكل الناس اللي داخله طب مهنه عظيمة و أجرها عظيم بإذن الله بس أحسنوا النية لله ربنا يعينكم الموضوع ده بإذن الله مجمه أهم حاجات طالب الطب محتاجها و دي من طلبة زمايلكم في طب عين شمس على المنتدى بتاعهم اسمه هدف واحد من أولى الى النواب و بعد التخرج فاللي عنده استفسار في الطب و مواده و دراسته محدش هناك هيبخل عليه ان شاء الله لأن ده منتدى لبة طب عين شمس www.1aim.net والموضوع المخصص لطلبة ثانوية عامة داخلين على الكلية على اللينك ده ان شاء الله دليل الموضيع الهامه للفرقة الأولى♥ طالع من الثانوية ♥♥ داخل على الكلية♥♥إن شاء الله♥♥ |
اقتباس:
اولا شكرا على المرور ثانيا بالنسبة للتقديرات عندنا فى الكلية ناس كتيير جدا بتجيب امتياز كمان والله اعرف ناس بترتب على الدفعة وكمان مش بتاخذ اى دروس فالامتياز سهلة والله بس بالمذاكرة وان شاء الله نسبة التعيين احتماليتها عالية |
اقتباس:
طبعا كل شىء بالاجتهاد وتوفيق ربنا اول شىء طبعا ولكن الاسماعيلة طريقة دراستها مختلفة تماما عن باقى كليات الطب طبقا لنظام الجودة |
اقتباس:
|
اقتباس:
ثانيا انا عاوز اقول ان القاهرة مش بعيد قوى عن بنها ولكن انتى يجب ان تدورى على الاحسن فانا ارجح عين شمس من حيث الناحية العلمية والعملية |
اقتباس:
|
اقتباس:
المصاريف مش شرط تتدفع فى اول السنة ولكن اخر ميعاد قبل الامتحان الكشف الطبى مع التقديم |
اسف اللردود جاءت متاخرة لظروف خاصة
|
يا جماعة اللي عايز يجيب تقدير في أي حتة هيجيب
محدش بيجيب تقدير من غير مذاكرة اتكلوا على الله وادخلوا الكليات القريبة منكم واللي شاطر بجد هيثبت نفسه في أي مكان ربنا معاكو انا بس كنت عايزة تعلق على حاجة انا في طب المنوفية والكلينيكال عندنا بقى احسن من قبل كدة يعني عندنا احسن من بنها بكتيييييييييييييير بنشوف حالات كتير كويسة وكمان اساسا الاغلبية في خمسة وسادسة بياخدوا كورسات وغالبا بيبقوا الدكاترة من القصر العيني وبيجيبوا حالات كتير برضه وزي اللي بيجيبوها لبتوع القصر العيني يعني في الآخر كله تقريبا بيشوف زي بعض |
عندى سؤال للدكاترة اللى اكبر مننا
هو احنا اللى بنختار القسم اللى احنا عايزين نخشه ولا ده بيبقى حسب المجموع ياريت حد يرد عليا |
جميع الأوقات بتوقيت GMT +2. الساعة الآن 05:54 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.