|
عاكسني شكرا ,,,
السلام عليكم دي مش خدمه جديده من فودافون :d من فينا ولاد وبنات متعاكسشي في الشارع :d الشباب الي بيعاكس البنات في الشارع بيتقال عليه ده ولد صايع قليل ادب ويفضلوا يشتمونا وناس تانيه الي عندهم عقل او بيفكروا بيقولوا لا ده ناتج عن الفراغ ( ده غير الي بتحطه ترافيل في توقيعها ):p وعن البطاله وعن العواطليه الي مالين الشوارع في ثلاث انواع من البنات بيتعاكسوا بنت بتبقي متحجبه وماشيه في الشارع ومحترمه نفسها وماشيع عادي وبتتعاكس برضه ليه بقي السبب هنا من الشباب عشان ده كده عمال يعاكس فس الي رايح والي جاي حتي المحجبه والمحترمه نفسها او مكانتش محجبه المهم يكون لبسها حلو ومحترم لو الشباب ساعتها عاكسوها يبقي ده ناتج عن الفراغ ومش وراهم حاجه ومفيش حاجه يضيعوا بيها وقتهم فيروحوا عاملين كده النوع التاني تبقي البنت برضه محترمه نفسها جميله وبرضه بتتعاكس بس مش بالمعاكسه الي متعارف عليها دلوقتي مثلا ياقمر يا عسل والكلام الي معدتش بيتقال دلوقتي وتقريبا النوع ده انقرض من المعكسات :d النوع الثالث بقي البنت المستفزه مش بطبعها لا بلبسها البنات دلوقتي معظمهم بصراحه بقوا بيلبسوا لبس مستفز جدا جدا كت وقصير وحاجات جديده علينا الصراحه:d فدي لو اتعاكست متلومش غير نفسها لانها كانها بتقول للولد لو سمحت لو مش هضيع وقتك يعني تعالي عاكسني :d دلوقتي بالذات القاهره تقريبا انتشر فيها النوع التالت ده لبس ضيق وقصير وحاجات مستفزه بصراحه وفي الاخر برضه يقولوا الولاد خلاص معدتش محترمه طب ما البنات الي تلبس كده ما تحترم نفسها هي الاول لو كانوا لبسوا عدل من الاول كان حد كلمهم ولا قالهم بم والي بيتفزني اكتر ان بنت بتبقي جميله الي ابعد الحدود وتلبس قصير برضه من فوق وتحت طب ما خلاص انتي جميله ايه لازمة ده كله اومال ام 44 تعمل ايه لما انتي تلبسي كده :d:p انتوا شايفين كلامي صح ولا يشوبه شائبه ( انا لو مكانكوا وبعد مما شوفت كلمة يشوبه شائبه اوافق علي طول ):d |
ههههههه ايه يا واد يا عسل المواضيع دى ايه الجمال ده موضوعك جميل اوى يا حمادة كلامك واضح زى ضوء القمر اى نعم كلامك صريح وجرىء شويتين ( مع اننا مش متعودين على دا من امثالك :d) نركز بقا على النوع التالت هو دا اللى جايب مصر لورا:028ja7: احلى جملة يقولوها طالما القلب ابيض والنية سليمة مفيش مشكلة ويقوللك مش بالمظاهر امال بايه متعرفش مش هنقول غير ربنا يهدى المشكلة قضية راى عام محدش بيسأل على بناته مفيش رقابة قلة دين واخلاق وهتلاقى معاكسة بنات لولاد بردو وعادى جدا ( الحمد لله محصلتش معايا :d ) بس نقول ايه ربنا يهدينا موضوعك قبيح شوية يا واد يا محمد:d ونت عارف انا بتكثف اتكلم فى الحاجات دى :d ياللا خللى الرقابة تحذف الموضوع ده ( واكتب فى العنوان ممنوع الدخول لاقل من 18 سنة ) :d دا ايه الهبل اللى انت فيه دا :d |
اقتباس:
دا الكومنت بتاعى والتفصيل فووووووووووووق 3 اسئلة لحضرتك اولا ليه عايش فى مصر وايطاليا ليه الموضوع مكتوب فى نص الصفحة مش فاكرة السؤال التالت تقبل مرورى |
اقتباس:
أنا موافقة على كلامك بس و الله فيه خلل من الطرفين في أحيان كثيرة و البنت مش محترمة في لبسها مش بتعمل كده في الغالب عشان تظهر جمالها الناس بيقولوا كده بس عمري ما شفت كده :d و الولد لما يعاكس بنت منتقبة بيعاكسها ليه؟ أموت و أعرف دي بقى البنت لازم تحترم نفسها في لبسها و الولد بردو له دور إنه يحاول :blush: ما يعاكسش حد أنا شفت جروب ع الفيس بوك طالب هندسة اسكندرية عامله اسمه "لو سمحتي وسعي هدومك شوية" و زي ما البنت بتتعاكس الولد بيتعاكس يعني مرة كنت ماشية مع أخي واحدة قالتله كلمة أكسف أقولها .. أخي نفسه وشه احمرّ :blush: بس هيا بنت قليلة الأدب :angry2: و الله كنت هرد كتير بس الكلام طار بدل ما أقف تاب موقع قفلت ده وكنت كاتبة كتيير :angry2: شكراً أستاذ رصاصة :d في أمان الله :) |
هو انتو خلاص تكرروا المواضيع براحتكو واللى يحط موضوع مكرر تشيلوه :d
بس يظهر إنك نسيت النوع الرابع في الموضوع دلوقتي في بنات تعدت مرحلة إنها تستنى حد يعاكسها ووصلت لإنها بقت هي اللى بتعاكس وكان في موضوع عنها وناس كتير حكت مواقف حصلت من ده طيب هو ايه الدنيا اتقلبت ولا خلاص البنت بقت مساوية نفسها بالولد وبتعمل زيه كل حاجة لو الولاد لبست كت وشورت هما بيلبسو كت ومش مشكلة اللى تحت خالص :d لو الولاد شربو سجاير يشربو برده هو مفيش حقوق ولا ايه لو الولاد عاكست واشمعنا احنا نعاكس كمان :d خلاص شوية وتيجي البنت هي اللى تخطبك ده لو مكنش بيحصل فعلاً يعني :) بعد كده حنطلب احنا الشبكة والدبلة |
اولا احب احيى صاحب الموضوع
على اهمية الموضوع بارك الله فيك موضوع مفيد وجميل انا رايى ان البنات دلوقتى باقت هى اللى بتقول عاكسنى شكرا الامن رحم ربه مش كلهم يعنى فيه بنات محترمات طبعا وبردة بيتعاكسوا وبالنسبة للمنتقبى اللى بتتعاكس دى شباب فاضية جدا ووقت فراغها كبير او شباب بتثبت لنفسها انها ممكن تعمل اى حاجة وكل حاجة ومع اى حد ويارب ربنا يهدينا ويهديهم للحق والثواب واللبس مش قضية واحدة دة فى قيم واخلاق وعادات وتربية كمان بارك الله فيك |
فعلا بنات كتير اوي بيبقو لابسين من غير هدوم
|
بص هي النوع الاولاني ده فالبنات دي ربنا يعينهم مش هيقدروا يعملوا حاجه اكتر من كده
اما النوع التاني فهي هتعمل ايه يعني عادي طالما كويسه ومحترمه مش مهم بقي خلاص المهم نيتها هي ايه بالظبط هي نازله عادي وخارجه مالهاش دعوه بجمالها ربنا خلقها كده جميله فبرضه النوع ده ربنا يعينهم اما النوع التالت فربنا يهديهم بقي عاوزين صباعين ديناميت عشان الكل يستريح دول فعلا ناس غريبه مافيش رقابه اهلهم سمحولهم بكده معرفش ليه دول مرضي اصلا عاوزين علاج علاجهم يقربوا شويه من ربنا انا كانت ليا واحده زميلتي كانت كده فعلا النوع التالت بس فضلت معاها لغايه ما اتغيرت 180 درجه فعلا وهي مقتنعه بكده ودلوقتي صحبتي برضه بس قبلها صديقتي بوسي طبعا يعني انا احترمتها عشان اتغيرت ياريت الكل يتغير زيها ويارب يهدي البنات بس الموضوع لطيف شويه وحاسه اني قريت زيه هنا ف يالمنتدي جايز يكون مكرر ولا حاجه المفروض ده تخصصي بس يلا هبقي ادور بعدين بقي تقبل مروري |
موضوع المعاكسات دة موضوع قديم اوى
بس الحمد لله منزلتش القاهرة فى الصيف بس فى الشتاء شبة وصفك دة بس شتوى |
فعلا دي حقيقة وبشوفها بعينيا انا مره شفت واحد اعرفه بيعاكس واحد منتقبه
قولتله يعني هي هتعملك ايه تاني عشان متعاكسهاش اما النوع التالت ده لما بشوف البنات دي والله مابعكسها بقولها بس يا ربنا يهدك يا ربنا يخدك بس فيه نوع رابع انت نسيته البنات هي الي بتعاكس الولاد دلوقتي وانا بشوف ده بعينيا وبيحصلي والله بس الواحد الي محترم |
السلام عليكم
نعرفوا انا رائي انا العيب فى الاولا برضه ( طبعا الكل هيطيح فيا دلوقتى ) لا لا استنوا شوية البنت اللى انتم بتقولوا عليها نوع تالت دي بتبقى نازلة عاوزة الاولاد يعسوكها لانها بتفرح بده ولو وجدت اقبال طبعا بتزيد اكتر واكتر اما بقى لو الشباب معبروهاش او بمعنى اصح غضوا بصرهم هى هتلم نفسها من نفسها وهتحترم نفسها ده رائي واشكر صاحب الموضوع على طرحه له |
البنت هى أس الموضوع والمتحكم فى المعاكسة
يعنى مهما كان الشاب اللى بيعاكس صايع أو مش متربى فالبنت اللى قدامه بتجبره انه يحترمها غصب عنه البنت هى المسؤولة عن المعاكسات بنسبة جبارة يا جماعة أنا مشفتش بنت محترمة لبسها محترم وواسع وغير متبرجة بتتعاكس ولا يجرأ أحد من الشباب أن يفكر مجرد تفكير انه يعاكسها البنت المحترمة تجبر الآخرين على احترامها وأعتذر عن الصراحة المفرطة فى التناول .... |
بجد موضوع جميل بس بتقول لمين :d مش هقول حاجه غير ربنا يهدى الجميع قولوا آآآآآآآآآآآآمين:bosyht9: |
سلام عليكم بصراحة انا ليا تعليق بسيط جدا ع الموضوع عالم فاضية:mad: بس عاوزه افكرك بنوع انت نسيته اما تكون منتقبة وتتعاكس نعمل ايه تانى اكتر من كدا:040vk0: والله لولا الضرورة ما كنا خرجنا م البيت وميرسى ع الموضوع الجميل دا دمت بود,,,, |
بصراحه الولاد مباقش عندها دم خالص
والبنات كمان |
اقتباس:
no comment |
كل الشكر و أحلى التحايا لصاحب الموضوع و المشاركين فيه
رأيى الخاص :- لا يمكن تحميل الولد فقط أو البنت فقط مسئولية ما يحدث من تجاوزات و الموضوع كبير و لا يمكن اختصاره فى كلمتين , فهناك تفاصيل كتيرة فيه |
ولا يجرأ أحد من الشباب أن يفكر مجرد تفكير انه يعاكسها
البنت المحترمة تجبر الآخرين على احترامها طيب ولو دا محصلش تعمل هيا ايه؟ فى الحالة دى يبقى معاكى كل الحق انك تعلى صوتك وتشتميه كمان لو حبيتى وأنا متأكد ان أى حد معدى ولو بالصدفة هيعمل معاه الواجب ويروقه ولو دة محصلش يبقى أكيد فى حاجة غلط !! على فكرة منظومة قيم الشارع المصرى بدأت فى الإنهيار بشكل عام ، وبدأت منظومة أخرى فى الظهور تدعو للأنانية والسلبية والوقاحة أيضاً وأسبابها كثيرة ومتشعبة . الموضوع أكبر من مجرد معاكسة بين ولد وبنت !!! |
اقتباس:
النوع التالت ده بقى البنات هما اللى عايزين الحرق :d و هى مش هتلوم حد انها اتعاكست بالعكس دى هى بتعمل كدا عشان تتعاكس و تحس انها حلوة :d و ممكن كمان هى اللى تروح تعاكس الواد :bosyht9: بس هقولك حاجة لا حياة لمن تنادى يعنى لو فيه بنت بتلبس كدا مش هتغير لبسها عشانك الا لو ربنا بقى اللى هداها ربنا يهدى المسلمين كلهم شكرا يا محمد عالموضوع |
فيه تغير فى قيم المجتمع فى الاتجاه السلبى للأسف الشديد
|
الولد اللي بيعاكس بنت محجبه ده بجد مش يتقال عليه غير قليل الأدب .. انا لابسه عبايه و بتعاكس عادي يعني مافيش أمل و لما بلبس كاجوال بتعاكس اقل من العبايه !!!! و صاحبتي لابسه نقاب وبرضو بتتعاكس .. تقول ايه بقى لكن فعلاً فيه بنات لبسها مستفز .. بس مش تحكم عليها انها قليلة الأدب لان المظهر مش كل حاجه يمكن هي اهلها منفتحين شويه (وانا اقول الهوا ده جاي منين) او يمكن هي بتلبس كده وخلاص الجو حر عليها يا أخي ايه اللي مضايقك بس اكتريتهم بتبقى مش كويسه لكن برضو فيه بنات كويسه منهم بس هتستغرب لو قولت لك ان فيه بنت عاكستني قبل كده و انا استغربت اوىىىىى ساعتها بس قولت ربنا يهدي و الموقف ده اتكرر معايا كذا مره بس مع بنات تانيين و في مره خرجت مع اخويا لاقيت بنت بتعاكسه و احنا واقفين في الإشاره و بتقوله انت امور اوي ما تيجي لفه و سيب القمر اللي جنبك دي و مش عارفه ايه اخويا قرف من كلامها و قام كسر الإشاره هيعمل ايه يعني !! بجد يا اخي الدنيا بقت ملخبطه عالآخر الولد و البنت بيتعاكسوا .. نعمل ايه بقى !! |
إحنا فى زمن العجايب , زمن كل مافيه دايب , اللى يعمل فاهمه أكبر خايب
و عجبى . |
اقتباس:
اقتباس:
اقتباس:
بس في حاجه الوقت البنات كمان هي الي بتعاكس الولاد حاجه تجنن والله بس والله لو كل واحد ماشي عينه في الأرض مش هيبص لحد ولا هيعاكس حد هتطسه عربيه بس:d تعرف ان عندنا المنتقبين كمان بيتعكسوا بس الصراحه في منتقبين يستهلوا الي يجرالهم مشيين بترتر في كل حته بصراحه شكلهم مقرف مش عرفه بيتعكسوا ازاي |
| جميع الأوقات بتوقيت GMT +2. الساعة الآن 03:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.