|
محدش عايز علووووووووووم
انا مجموعى 92.3% علمى علوم مرحله تانيه ونفسى اوى ادخل علوم اليكس بس كل الناس بيقولولى صعبه بس انا عاوزاها جدا فى حد مكنم عنده نصيحه ليا؟ وفى حد عايز يدخلها منكم؟ ياريت تشاركونى الاختيار:slap1qk6:
|
ما دمت تذاكر فلا توجد اية مشكلة
عامة كليات العلوم صعبة لانها نظرية بحتة والمعامل الدكاترة شداد ومعقدين نوعا ما لكن لاتوجد مشكلة طالما تفوقت وذاكرت ويمكنك ان تكمل في كلية الطب مستقبلا توكل علي الله العلوم السنة دي حتاخذ 8500 طالب ومجموعك يلحقها |
انا برده عايز ادخل كلية علوم ومجموعى 94% بس كله بيقول ان الدراسة صعبة قوى
وانا خايف درجتى فى الاحياء متدخلنيش قسم بيولوجى ومش عارف ايه الاقسام اللى ممكن اعمل منها دبلومة تحاليل ولو عندك معلومات يا ريت تردى عليا |
انتى جايبه فى الاحياء كام؟؟؟؟ انا جايبه 44 وعايزه ادخل بيولوجى بس معنديش والله فكره ممكن لو حد يعرف يقولنا
|
انا علمي رياضة جايب 90.7% عاوز ادخل علوم ممكن ولا ايه
|
انا لسه معرفتش علوم هتاخد من كام بس اللى عرفته انها مرحله تانيه وعاوز تدخل اليكس ولا مكان تانى ؟؟؟؟
|
انا عاوز اخش اليكس السنة الماضية 368 علمي علوم اما رياضة 364.5
|
ربنا معاكوااااااااااا
|
السلام عليكم
على فكره كليه علوم مش صعبه لدرجه انكو تخافوا منها هى حلوه على العموم والنظام الجديد الى مطبق فيها حلو بس هى محتاجه تركيز فى المحاضرات وانك تحضرى السكاشن ومتغبيش وحتلاقى الموضوع شغال معاكى ومفيش مشكله |
على فكرة انا قريت ان موضوع التحويل من علوم لطب او لصيدلة اتلغى خلاص
|
هما بيقلوا انها صعبه بس حنعمل اييييييييه ؟! حندخل كليه ادبيه؟؟ طب انا اسمع انها ليها تنسيق داخلى على حسب تقديرك فى الكليه حد يعرف؟؟ انا علمى رياضه اول سنه ممكن اكون مع علمى علوم اصحابى ولا لا ؟؟ بس انا لو دخلها فعلشان يبقى اسمى فى كليه علميه بس وربنا يستر والى فيه الخير ان شاء الله يجى |
انا جايبة91.4 ونفسى ادخل علوم بس مش عارفة هتيجى ولا لا
|
شكرا يا شيمو على اهتمامك
|
طيب حد يقولى اية هية اقسام الكلية المتاحة للعلمى رياضة
|
انا جايبة 40 فى الاحياء ودا اللى مخوفنى
|
اطمني جدا ............................. حتلحقي بأذن الله كلية العلوم
وفي رايي احسن الكليات علي الاطلاق في مجالات العمل علوم وهندسة وبخصوص انها صعبة ............................ مفيش حاجة اسمها صعب وسهل واعرفي اني انتي اللي ممكن تخلي اي حاجة انتي عيزاها سهلة وبسيطة ومتنسيش اني انتي برده اللي ممكن تخلي كل حاجة صعبة بالنسبالك وبالتوفيقشيمو_ثانويه |
ربنا يوفقك يا شيمو طيب انا جايبة 78.6 علمي علوم يعني جايبة 322.5 ممكن الحق علوم اسيوط لان السنة الي فاتت اخدت من302 ارجو الرد
|
انتم علي فكرة ناسيين انكم في ايجيبت بس قدام شوية هتتصدموا بالواقع المرير
علوم تنفع بس مش هنا في فرنسا وانجلترا هي دي اسمها كلية علوم |
يا جماعه اسمعونى كويس .......... أنا اختى فى كلية علوووووووووووووووم والحمد لله ماشيه فيها كويس جدا رغم انها مش من النوع اللى بيذاكر كتير وانا شايفه ان كلية العلوم من اكثر الكليات المهمه بس عايزه حد يفهمها ويكون حاببها وممكن لطلبة الشعبتين علوم او رياضه انهم يدخلوها وكمان مالهاش اى علاقه بدرجات الاحياء ولا اى ماده غيرها وبما ان الناس بتقول عليها صعبه ده المفروض يزود اصرار اللى هيدخلها انو يتحدى الناس وفيها اقسام كتيره يعنى مثلا فى جامعة قناة السويس عندنا فيه قسم ( رياضه _فيزياء_كيمياء......) وممكن من قسم رياضه الدخول لقسم حسابات علميه اللى ليه علاقه بالبرمجه والكومبيوتر ومن قسم كيمياء تشتغل دكتور تحاليل وبجد اى كليه فرصتها كبيره المهم اننا نفهمها ونقدر ننجز فيها ووفق الله الجميع:078111rg3: |
انا متشكره اوى على اهتمامكم وان شاء اللع ندخلها سوى ونتصاحب على بعض هناك واللى تجيله يبقى يفرحنا فى المنتدى اوكى
|
انا رايحة تانية كلية العلوم جامعة القاهرة وعايزة اقول اني بقيت بعشق الكلية جدا وكنت خايفة كدة بردوا قبل ما ادخلها السنة اللي فاتت بس بجد اللي يذاكر ربع مذاكرة ثانوية عامة هيجيب اكتياز
وعلي فكرة الكلية فيها اقسام روعة زي الجيولوجيا وكيمياء حيوي ومجالات الشغل فيها كتييييييييييييييييير جدااااااااااااااااااا مافيش حاجة في الكلية بتعتمد علي اي درجة مادة معينة في الثانوية العامة والقسم اللي ممكن تدخله وتفتح معمل تحاليل هو قسم كيمياء حيوي وربنا يوفقكوا ان شاء الله وادخلوا وانتو مطمنين |
اقتباس:
اقتباس:
ياجماعة انا لما كنت بقول كدة كنت بتكلم اللي عاوز فعلا يبقي عالم فرصتة ضعيفة جدا الا لو هياخد منحة من الكلية بتاعتة ودول بيبقول معدوين علي الصوابع انما بص حواليك كدة وقلي مين من الكلية مش طلع مدرس بلاش كدة خالص الدكتور اللي اكتشف علاج السرطان محدش عرفة غير لما اكتشفة واخد جايزة من امريكا فين هما من ساعتها وفين الرعاية لو نزلنا الشارع ومعانا صورتين واحدة لحسين فهمي الممثل المعروف وواحدة لاي عالم شوف كام واحد هيعرفة اهي دي وجهة نظري دة بجد للي ناوي يعمل حاجة مش حاجة تقليدية وخلاص |
على فكره دى وجهة نظر كل المدرسين اللى انا كنت عندهم واللى سالتهم وبعدين مفيش كليه بتشغل دلوقتى
|
انا عايز ادخل علوووووووووووووم
و ربنا يهل الحال و برده اسكدندريه و ربنا يسهل الحال |
اه والله على رايك مفيش كلية بتشغل طب انا صحبتي جابت 85.8 تلحق علوم
|
اقتباس:
|
اقتباس:
|
هو انتى فى كليه علوم ؟؟؟ طب هى صعبه زى مابيقولوا ؟؟ طيب واللى عايز يطلع دكتور تحاليل يدخل ايه؟؟؟
|
ياريت يا شيمو لو عندك ايميل تكتبيه انا نفسى اكلمك احنا افكارنا واحدة
وربنا يوفق الجميع |
انا اسفه مش هينفع اكتب ايميلى كده لان فى عضو مرخم عليا اوى بس ممكن نتكلم فى المنتدى ونشارك بعض فى اى موضوع وممكن نكلم بعض فى التوبيك ده موافقه؟؟؟؟
|
ماشى يا شيمو
|
اقتباس:
على فكرة فيه تنسيق بعد سنة اولى وعلى حسب التقدير اللى حصلت عليه فى اولى بيكون القسم اللى هتدخله:) انما وانت داخل الكلية بتختار اما جيولوجيا او بيولوجى:078111rg3::078111rg3: |
اقتباس:
يعنى كميا سبيشيل كمياحيوى كميا وميكروبيولوجى كميا وحيوان كميا ونبات كمياوكمياحيوى ميكروبيولوجى وكمياحيوى والتحاليل عموما 60% كمياحيوى و40%ميكروبيولوجى |
اقتباس:
لكن هناك وظائف اساسه يعنى ممكن تشتغل بعد علوم اخصائي تحاليل واخصائي مكافحة عدوى واخصائي اطفال انابيب كميائي بشركات الادويه ودلوقتى بيفضل الكميائيين عن الصيادله وممكن في شركات البترول والمياه والزجاج والاسمنت والصباغة والقطن الطبي والاسمدة وتصنيع الزيوت و تصنيع المناديل والاغذيه ومنتجات الالبان والعصائر والبسكويت والملح والصودا والحديد والصلب الخ والشركات دى ماتمشيش الا بالكميائيين ممكن من علوم تشتغل ميدكال ريب زى الصيادله وممكن تشتغل كمهندس جودة ممكن تشتغل كباحث في مراكز البحوث ممكن تشتغل في معاهد الاورام الخاصة بالسرطان وممكن تشتغل في معامل الاشعه كاخصائي اشعه ممكن تشتغل في المفاعلات النوويه الخ مجال علوم واسع جدااااجدا |
اقتباس:
نصحتى ليك ادخلي علوم يعنى الناس اللي بتقول الصيدله احسن وافضل واللهى مابيفهموش لان مفيش مجال صيدله بتشتغله انتى مش بتشتغليه بالاضافة انك بتشتغلي حجات زيادة عنهم عشان كدة الللي بيقول ان صيدله افضل واللهى مابيفهم حاجة |
طيب الى بيتخرجوا من كليه علوم قسم "علم الفلك " بيشتغلوا ايه وهل مجال العمل محدود وفين القسم ده فى الكليات المصريه لان عمرى ما قابلتش حد من القسم ده ابدا ومعظمهم بيبقوا كيمياء حيوى ؟؟؟؟؟؟؟؟ |
اقتباس:
والقسم دة موجود بس في علوم القاهرة |
علوم كلية كويسة جدا وعاوزه مذاكرة من نار واراده من حديد ومستقبلها عظيم وربنا يوفقك.
|
موضوع هايل انا فكرت كتيير فى العلوم لانى كان نفسى اكون عالمة ذرة مثل زويل وباذن الله لو ماجبتش صيدلة هدخل علوم بس يارب تيجلى صيدلة لانها بطلع علماء وباحثين واملحوظة الدكتور مصطفى السيد هو الى اخترع علاج للسرطان بالتوفيق للجميع د-سارة باذن الله
|
يا جماعه انا واحد فى تالته علوم اهو.هى فعلا دراستها رخمه بس عادى ادينا دخلنا الكليه ومشينا فيها الحمد لله سواء بمزاجك او لا.دا ميلى لو حد عايز حاجه
Mo7md10010*yahoo |
| جميع الأوقات بتوقيت GMT +2. الساعة الآن 02:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.