|
إصحوا شوية كده .. عايزاكم فى حاجة مهمة
السلام عليكم ورحمة الله وبركاته بما إن ده القسم الوحيد اللى بينزل ليا مواضيع فيه قلت أنزل موضوع كمان ندخل فى المفيد دلوقتى بالصدفة الفظيعة قسم كلية الآداب وحشنى قلت أدخل أشوفه من غيرى عامل إيه ( شايفين الغرور:d ) لقيت حاله مش عاجبنى .. استفسارات كتير و أسئلة عن الكلية كتير و الحاج هيثم شغال على قد مقدرته .. ربنا يديله الصحة و يخليه للقسم و طبعاً الحال نايم فى القسم و أكيد مشرف الكلية مش هيعمل كل حاجة .. كفاية إنه بيرد على حاجات مش لتخصصه بس لاحظت إن الحكاية دى فى أقسام الكليات كلها و بتهيقلى إننا كنا مستنيين اللحظة اللى الأقسام دى تشتغل فيها من السنة اللى فاتت فياريت الناس الحلوة بتوع الكليات سواء مشرفين أو إداريين أو أعضاء يدخلوا كلياتهم ويردوا على الاستفسارات و يشغلوا أقسامهم علشان نحسبها بقى من الأقسام التعليمية فى المنتدى و محدش يقولى المنتدى بيقع و الكلام اللى مش هيتغير ده ما انا بشوفكم فى المتواجدين الآن .. بلاش دلع الله يخليكم :stickjo4: يلا هش :slap1qk6: |
والله انا باعمل اللى اقدر عليه ف الموضوع ده ومتواجد ف القسمين حاسبات ومعلومات وهندسة
واى معلومة عندى مش باخرها وياريت الكل يعمل كده |
المشكله اساسا اني منفعش افيد حد
شفتي قبل كدا واحد فاشل بينصح :d الناس دي حتتعقد بدري :d وبعدين القسم بتاعنا زي الفل شغال مش محتاج يعني الدور والباقي ع ناس تانية :d |
ايه يابنتى الافترا بتاعك ده المهم انك بجد لازم تصغرى الصوره دى لان كده كتير
وبالنسبه لموضوع الكليات ده اهو الواحد هيبئا يفكر يدخل السنه دى لعل وعسي يستفيد بحاجه او يفيد مش فارقه يلا ماعلينا |
احم احم انا بصراحة مش بادخل غير قسم المجموعة الطبية بس الحمد لله ملاحظ انه شغال حلو من بعد النتيجة و في 3 اعضاء بيردوا علي الاستفسارات و هما : طبيب عالمي قادم .. دكتورة ساره .. و الدكتور احمد مشرف القسم اما باقي الاقسام مش ملاحظ فيها حد يمكن الاعضاء عايزين لسة يعيشوا اجازتهم :d يلا .. شكرا ع التنبيه :) |
انا زى بسام
بس زية فعلا مش تواضع وخايف من الحسد هههههههههههه بس بردة هعمل الى عليا وهنزل كام حاجة تاريخية يمكن حد يستفيد او على الاقل يقرأ فى رعاية الله |
اقتباس:
ههههههه والله أنا زيك شايل مادة و فاشل أخش أبوظ الدنيا مش ركبة :( |
|
يا جماعة احنا مش بنقول مساعدة علمية
يعنى مش بنقولك اشرح محاضرات بنقول الطلبة الجداد بيبقى عايز يعرف المواد اساميها ايه بيتاخد فيها ايه ايه نظام الدراسة الامتحانات الدكاترة معلومات عامة مافيش حد ها يقولك فهمنى سكشن التفاضل اللى فات يعنى :p |
اقتباس:
|
ايه العالم الفاشلة دى دا أنا بقولكم ردوا على الاستفسارات دى حاجات متعلقة بالكلية ملهاش دعوة بالمناهج و لا المذاكرة .. عالم فاشلة صحيح و يا ريت الأخ بسام مايلقحش كلام .. قسم كلية الآداب من أنشط أقسام الكليات بجد يا جماعة فوقوا شوية للأقسام دى .. مش لازم تنزلوا محاضرات ولا حاجة بس ردوا على استفسارات الناس و لو مفيش إستفسارات حاولوا تنزلوا موضوع خاص بكليتكم .. اللى تعرفوه عنها و بتدرسوا إيه والكلام اللى مش جايب همه ده .. علشان بتوع ثانوى يمسكوا فى الأقسام دى و تشتغل بقى |
اقتباس:
عاجبك أوى ياخويا :angry2: مش فالحين غير فى التريقة و بس :slap1qk6: علشان نيتى صافية المنتدى شغال كويس معايا إلى حد ما .. مش كفاية ماعنديش ولا خاصية شغالة عدل كمان مش عايزنى انزل حتة موضوع .. هيبقى موت وخراب ديار :( إيه العالم الحقودة دى :slap1qk6: أنا إيه اللى جابنى هنا اتريقوا اتريقوا .. اللى بيجى عليا مابيكسبش أنا غلطانة أصلاً .. يا رب المنتدى مايفتح معاكم أبداً :slap1qk6: |
اقتباس:
ما هو لو مكوناش فسلة كان زمانه عرفنا الكلية ماشية إزاي يعني لا معلومات علمية ولا حتي معلومات طفيفة :av4056bb7jp3::av4056bb7jp3::av4056bb7jp3: متشكرين يا سمسم باشا :stickjo4::stickjo4: |
اقتباس:
وبعدين واحد زيي بيروح الكلية يوم ف الاسبوع يعرف المناهج او الدراسه ماشيه ازاي انا بروح اسلم ع الناس مره كدا وبمشي :d انا غبت شهر عشان اعرف اسامي المواد :d |
ايه جو البؤساء بتاعكم ده
اللى يقولك ما اعرفش معلومات واللى بيروح مرة يسلم على اصحابه انا باروح بس مش باحضر :d بس باعمل اللى عليا واروح |
ههههههههههههههه
المشكلة إنه اللى بيقولك فاشل زيي ينصح ازاي حتلاقيه في القسم رادد على كل المواضيع وعامل فيها ابو العريف:p هو انتو فالحين تتكلمو من بعيد بس :d طب انا في اول سنة كلية ليا وبرد عالناس بس طبعاً مش حكون بخبرة واحد قبلي بسنتين تلاتة يبقى طبعاً انتو المفروض تكونو اولى مننا وبلاش التلاكيك بتاعتكو ده وروحو شوفو مصالحكم يلا |
ههههههههههههههههههههههههههههههههه تحفه بجد حاضر يا ستو انا حبقى اشقر :bosyht9: بس فى اخلاف بيبقى من كليه لكليه على حسب الجامعه و الدوك اللى بيدوا و صراحه انا حاليا مكتئبه حروح اعقد العيال امبارح بقول لسو حتشوفى ايام :d بابا بيقنعنى احول صيدله عشان شكلى مش نافعه فى طب تى ايه رايك :d:d:d يلا فى رعايه الله |
لا اله الا الله
طب والمصحف يا اسطورة لو تعرف هشام بتاع الامن بتاع اداب بعد شهر من الكلية داخل فشك فيا فبيقولى اسماء الدكاترة اىل عليك اية معرفتهمش وربنا كفاية فضايح بقى انا عن نفسى منفعش والله اعطى نصائح لحد انا لو لو رحت بقعد فى شارع الـ ... :d اكيد عارفة يا اسطورة قريب تل ابيب :d يبقى نعطيهم نصايح ؟؟؟!!! يلا اقعدو بالعافية |
هههههههههههههههه
معرفش ليه افتكرت جملة من أغنية مدحت صالح ( ده احنا لصوتنا اتنبح ولا فى مالطة بندن ) ههههههههه بس كلام جميل يا مها |
انا حزين لمستوي النقاش و مستوي الردود بين المشرفيين و اعضاء مجلس الادارة وخاصة الاستاذة اسيل انت قدوة لابد ان يكون مستوي الحوار بينكم اعلي من كده بكثير عيب دا منتدي تعليمي مش منتدي للهيافه اعتذر عن اسلوبي هذا لكني حزنت كثيرا لمستوي الحوار |
اهو انا قلت أفيد الطلاب الجدد في القسم بتاعنا شديت معا إتنين و إتقالي روح إلعب قدام بيتكم فمش عارف هنزل ولا أغير هدومي الأول :d:d:d:d:d |
اقتباس:
تصدق حضرتك عندك حق أنا غلطانة فعلاً |
اقتباس:
استاذى هوة عشان احنا مشرفين واعضاء مجلس ادارة يبقى كل كلامنا قرارات صارمة لا جدال فيها احنا كلنا اخوات واصحاب ومن سن واحد اية المشكلة لما نضحك شوية مع بعض ؟ هوة مش من اهداف المنتدى اننا نقرب من بعض ولا اية ؟ عموما شكرا لحضرتك على النصيحة بعد اذنك يا مها واذن الجميع موضوع مغلق فى رعاية الله |
| جميع الأوقات بتوقيت GMT +2. الساعة الآن 02:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.