|
بشرى لسة طالعة من الفرن للي جايبين أقل من 92 رياضة
بسم الله الرحمن الرحيم
اخواني واخواتي ( علمي رياضيات) و بالأخص للحاصلين على مجموع أقل من 92 % أحب أطمنكم إن الهندسة عدت حاجز الــــ 91.6 % بعد أن كانت مؤشراتها الأولية تتجاوز الـــــ 92% بحيث من المتوقع أن تتأرجح ما بين 91.4 % و 91.6 % نظرا لموافقة المجلس الأعى للقبول بالجامعات على زيادة نسبة المقبولين في كلية الهندسة مرة أخرى من 19500 إلى 20.300 و الحاسبات و المعلومات إلى 25000 مما يعني دخول الأخيرة في نطاق الــ 90 % ........ وإليكم التقرير الرئيسي :................. ================================================== ================ قرر المجلس الأعلي للجامعات قبول ستة آلاف و48 طالبا وطالبة بكليات الطب هذا العام, وسبعة آلاف و500 بالصيدلة, و1500 بالأسنان, و600 بالعلاج الطبيعي, و20 ألفا و300 بالهندسة, و25000 بالحاسبات والمعلومات, وثلاثة آلاف و100 بالألسن, و1286 بالفنون الجميلة, وأربعة آلاف و241 بالسياحة والفنادق, و800 بالاقتصاد والعلوم السياسية, و600 بالإعلام, وتسعة آلاف و500 بالعلوم. وصرح مصدر مسئول لــ الأهرام بأن المجلس قرر ـ في اجتماعه برئاسة الدكتور هاني هلال وزير التعليم العالي والدولة للبحث العلمي ـ قبول26 ألفا و700 طالب وطالبة من الحاصلين علي الدبلومات الفنية نظامي السنوات الثلاث والخمس بنسبة10% من الأعداد المقررة لطلاب الثانوية العامة, و13 ألفا و350 من طلاب الشهادات المعادلة من الدول العربية والأجنبية بنسبة5% بالجامعات هذا العام. ================================================== ============== ياريت زي ما طمنتكوا حد يطمني ويقولي نتيجة تنسيق المرحلة الأولى تظهر امتى بالتوفيق للجميع |
اقتباس:
على فكرة الحاسبات و المعلومات 2500 مش 25000 :(:(:( |
اولا:شكرا لحضرتك
ثانيا :نتيجة تنسيق المرحلة الاولى بتظهر بعد 48 ساعة من انتهاء فترة التسجيل في المرحلة الاولى يعنى يوم الاثنين او الثلاثاء |
أعتقد ان 2500 ده خطأ زي امبارح برضوا غلطوا وكتبوا ان 6% تخفيض لكلا من الطب و الهندسة ( هي 25000) لأن السنة اللي فاتت خدت 12 ألف 422
|
يارب حاسبات اسيوط تنزل درجتين عن السنة اللي فاتت
|
طب والبيطري عدده كم
علشان حد قريبي جايب 94 ممكن الرد؟؟ |
انا علوم
بس اصحابى كتير ف رياضه ربنا يعمل اللى فيه الخير عاوزة اعرف هى فنون تطبيقيه ممكن تنزل مرحله تانيه؟ |
يعني لما هندسة هتنزل مرحلة تانية يبقى الفنون التطبيقية هتاخد مرلة أولى؟
|
جزاك الله خيرا
نتيجة المرحلة الاولى تنسيق منتصف الاسبوع http://thumbs.bc.jncdn.com/33d923800...e70fe6c_lm.jpg |
ألف ألف شكر لكل اللي تعبوا نفسهم وردوا
|
يمكن
اكيد طبعا دا خبر كويس
ورغم انه منشور في الاهرام الا اني خلاص مبقيتش اصدق حاجه فيكي يا مصر لان لما تكون جريده زي الجمهوريه تقول ان كليات القمه هتخلص او خلصت عند المرحله الاولي وتيجي الاهرام تقول الكلام ده يبقي اكيد في حاجه غلط:angry2: |
اقتباس:
ده يوم تلاقيه قايلك كليات القمة هتتقفل مرحلة اولى و في اليوم اللي بعده نفس الجرنال يقولك هندسة و حاسبات هتنزل مرحلة تانية انا قررت مقراش جرايد خالص و خليني كده لحد ما نتيجة تنسيقي تطلع :028ja7: |
معلش ممكن تكون غلطه مطبعية ...........
|
متشكرين اوي
|
دا فعلا يا young coder
انا مش قررت اني مقراش جرايد وبس لا دا انا عايز انام لغاية ما نتيجة التنسيق تظهر و يصحوني ويقولو "انتا اتنيلت واتقبلت في كلية كذا" ويا bahaa2343784 دي مش غلطه مطبعيه ولا حاجه ده اسمه لعب باعصاب الطلبه من ناس مش عارفه ان كلامهم بيخلي قلب الواحد يوقف انا الحمد لله جبت 93 ونسقت علي هندسه وبعدها طاقه اسوان وبعدها حاسبات واديني مستني |
ربنا يكرمكوا يا خوانا طمنونى لانى من يوم النتيجه وانا مكتئبه
انا قليت عن السنه اللى فاتت وجبت 367 ونص علمى رياضه ممكن الحق فنون تطبيقيه او علوم ؟؟ والا خلاص املى فى اى حاجه راح |
اقتباس:
اه و الله انا نفسي في كده ده للاسف كمان الواحد مبيعرفش ينام كويس :giljotiiniug3: |
اقتباس:
والله مش عارف خلي املك في ربنا كبير ثانيا مش كل الاماني بتتحقق يعني انا كان نفسي ادرس صيدله وف سنه تانيه جبت 91 وحولت من احياء لرياضه الدنيا ما وقفتش ودلوقتي نسقت علي هندسه واديني مستني انا بقولك علشان لو لا قدر الله ماجتش الكليه اللي عايزاها متتصدميش وبالتةفيق لينا كلنا |
على رأي المرعب كاسبر
|
ربنا معانا جميعا انا هفضل قلقانه لغايه ما نتيجه تنسيقى تنزل
يعنى يا رببى بعد تعب سنتين والمصاريف دى كلها مالحقش حاجه كويسه ابقى اداب او تجاره يلا قدر الله وماشاء فعل |
اقتباس:
لسه مرحلة تانية قدامنا زمن ( انا جايب اعلى منك بدرجة :romarioxp6: ) و ربنا يستر شكلها هترسى على تجارة انجلش لو اتقبلت في انجلش :( |
أن شاء الله ربنا هيكرمك ....... سر نجاحي في الثانوية ( ضع ثقتك بالله وتفائل به خيرا )
|
تجاره انجلش حلوة بس يا رب نلحقها
انا جايبه فى الانجلش 46 ونص |
اقتباس:
انتي رياضة لاتقلقي تطبيقية لن تلحقيها وهي اساسا قدرات لكن العلوم تتوفر وبشدة ولكن علوم رياضة فقط وليس بقية الاقسام(مخصصة لعلمي علوم) لاتيأسئ من قدر الله ابدا قومي واشكري ربنا وصلي صلاة شكر وربنا يهيدك الي سواء السبيل |
انت المفروض يسموك المتشائم مش الفتاك .......... يعم حرام عليك إحنا عمالين نهدي ف الناس وانت بطلع نتايج تنسيق من عندك
|
اقتباس:
|
الحمد لله على كل حال
بس اعتقد انى ليا اقسام كيميا فى علوم صحيح ماليش اقسام بيولوجى بس ممكن كيميا لانى اصلا دارساها فى تانيه والا ايه؟؟؟؟ ولو دخلت مثلا قسم رياضه هتخرج اشتغل ايه ؟؟ وبعدين انا امتحنت فعلا فى تطبيقيه واخدت لائق بدمياط يا رب يكون فى امل واتقبل فيها او فى علوم اهه حاجه عليها القيمه والسلام |
يعنى العلوم ممكن تاخد من كام
http://www.elostaz.com/nat2009/than/nrank.jpg محمد خيرى محمد محمد جبريل |
العلوم ممكن تاخد من 86%
|
اقتباس:
كفاية اشوف جنابك ومش عاوزني ماتشائمشي الصدق خير واقصر طريق للحقيقة والتهدئة يمكن ان توجه الطلاب في ترتيب رغباتهم التي يمكن ان تستنفذ وتضيع عليهم اختيار صحيح التنسيق هو ترتيب طلاب ورغبات وليس مجموع يقارن باعوام سابقة واين هو التشائم راجع نفسك:stickjo4:وبشر |
انا جايب 47 و جايب 8.5 في المستوى انجلش
لا ان شاء الله داحلها داخلها انا بقى من غبائى اخدت مستوى عربى جبت فيه 6 ونص وطبعا تجاره انجلش مش بتعترف الا بمستوى انجلش بس يعنى انا مجموعى عندهم هيبقى 366 وبس شوفتوا الخيبه والا هم يضحك وهم يبكى |
تفائلوا بالله خيرا
|
اقتباس:
و مكتوب لنا هنخش كلية ايه من قبل ما نتولد خليها على الله و ان شاء الله تخشي علوم و انا اعرف برضه ان علمي رياضة ممكن يخش قسم رياضة او كيمياء و كويس انك اخدتي القدرات ,, انا ممتحنتش قدرات للاسف |
تفائلوا بالله خيرا
|
طب انا جايبة 92.56 يعنى 379.5 تفتكرو ممكن الحق هندسة او حاسبات ردو عليا احسان انا قلقانة اوى
|
اقتباس:
حاسبات اكيد و كله بأذن الله |
يااااااااااااااااااااااااااااارب
احسن التنسيق ارتفع السنة دى بطريقة غبية لدرجة انى قربت افقد الامل فتجارة ههههه |
اقتباس:
|
91.7 ممكن الحق اى هندسه فى مصر؟؟؟؟؟؟؟؟؟؟؟
|
انا علمى رياضة واخذت لائق فى فنون - وعمارة- وفنون تطبيقية
لكن مجموعى 366.5 ياترى هلحق حاجة منهم |
اقتباس:
فعلا وأنا أوافقك الرأي .. كفاية لعب بأعصابنـــا |
تفائلوا بالله خيرا
|
يا جماعة الخبر ده منين عشلان نتاكد من صحة الخبر وهو فعلا كلام بجد ولا كلام جرايد علشان منعلقش نفسنا بحاجات ونيجى نطصدم فى الاخر لازم نعيش فى الواقع ومنعيش نفسنا فى احلام وردية عالفاضى وانا نفسى طبعا يكون صح
|
لأ اطمن الخبر صحيح و انا قريته بنفسي برضه
|
انا جايب 380 ومش ضامن هندسة يوغوزلافيا ولا حتي بوركينا فاسوووو
بس في النهايه التنسيق يبين كل حاجة ومفيش داعي للقلق |
| جميع الأوقات بتوقيت GMT +2. الساعة الآن 07:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.