|
قصيدة " زى النهاردة اتولدت " بقلم بـنـدق
زى النهاردة اتولدت و فى بلدنا تقدر تقول انى بميلادى اتسجنت زى النهاردة اتولدت سنين و فايتة من عمرى تجرى و عمرى ليها ما حسبت زى النهاردة اتولدت من يومها شارب عذاب و مر و للألم و النار صاحبت زى النهاردة اتولدت و الكل من حواليا يظلم و انا ياما هونت و اتظلمت زى النهاردة اتولدت و بحلم يوم ميلادى اللى جاى أكون فى قبرى اتدفنت زى النهاردة اتولدت |
اقتباس:
بس ليه البؤس المميت ده استغل موهبتك في كلام احسن من كده تقبل مروري |
طبعا حضرتك مش محتاج انى اقولك ابدعت
بس المعانى صعبه اوى واجمل حاجه فى اسلوب حضرتك فى الكتابه عامتا التنوع واتمنى لك مزيد من النجاح |
اقتباس:
تمكنت وبقوه كبيره ان توصلنا احاسيسك ومشاعرك الدفينه والمؤلمه يابني بكيتني على الصبح انشاء الله السنه اللي جايه تكون افضل واحلى واجمل وكلنا نحتفل بالمنتدى معاك وانا اللي اجلب الكيكه ربنا يحفظك تحياتي |
مبدع والله يا بندق
هى بغض النظر عن كم السواد الى فيها تعتبر جميلة جدا بس يا اخى خليك متفائل شوية دا الدنيا حلوة |
اقتباس:
ميرسى على رأيك و ده مش بؤس و الله على قد ما هو واقع كلنا عايشينه و عموما تقدر تراجع مواضيعى هتلاقيها متنوعة انا مش متشائم يعنى بس حسب الحالة اللى بكون فيها بيطلع الكلام ميرسى ليك تانى |
اقتباس:
ميرسى ليكى و لمرورك و شكرا على الكلام الكبير ده و يارب اكون عند حسن ظنك |
اقتباس:
بس بجد هو ده اللى انا حسيته فى اليوم المقندل ده و يارب يسمع منك و ميرسى على الدعوات الحلوة دى و نورتينى |
اقتباس:
الدنيا حلوة و الله حلوة بس احنا ..... احنا ..... احنا ---------- مرورك شرفنى و نورنى و يارب دايما اكون عند حسن ظنك |
اقتباس:
خاطرة جميلة لكنها مليئة بالتشاؤم والآلم والدنيا أصلا ماتستهلش حتى نفكر فيها مش كمان نتألم علشانها بجد جميلة يارب دائما فى إبداع ربنا يوفقك |
احساس صادق ومعبر
بس كئيبه قوي |
اسلوووب حضرتك بجد رائع ومؤثر
كلماات سهله وواضحه واستخدام اكثر من رائع للكلمات والاسلوووب تقبل مرورى |
انت دائما مواضيعك بتستخبى منى ولا ايه
لازم كل مره اتاخر عليك فى الرد،سامحنى مش بايدى والله بس بجد جميله اوى بالرغم من الهم اللى شيلته للواحد..هههههههههههههههه بس بجد دائما بتفاجئنا بمواضيعك يارب نشوفلك عمل تانى قريب |
اقتباس:
حبيت اصورها و اطلعها زى ما حسيتها وقتها لكن انا اخر واحد فى الدنيا ممكن يتشائم ميرسى تانى و شرفتينى |
اقتباس:
ميرسى على مرورك و هى كئيبة اه بس مش اوى يعنى ;) عموما نورتينى و شرفتينى |
اقتباس:
ميرسى على مرورك الغالى يا فنانة و ايه الكلام الكبير ده كله ميرسى لذوقك و انا لو كنت بكتب كويس فده عشان انتوا اللى بتشوفوا اللى بكتبه بعنيكم الجميلة نورتى الموضوع |
اقتباس:
ده شرف ليا يا بيبو و معلش بقى على الهم اللى انا شيلته ليكى الضغط يولد انفجار يا اختى العزيزة و الحمد لله الاحباط و التشاؤم عندى شئ لحظى أو مؤقت و كويس ان الاسلوب ده عجبك و عجب الناس لأنى دايما بحب اجرب أساليب و طرق مختلفة فى الاسلوب و الصياغة و قريب جدا جدا جدا هتشوفى موضوع برده مختلف نورتينى يا بيبو |
تحفة تحفة تحفة تحفة مش محتاجة كلام بس انا متعودتش منك على الحزن ده كله خليك متفائل وان شاء الله بكرة احسن
اكيد انا مش محتاجة اقول الكلام ده اكيد انت عارفه واظن ان مفيش تلميذ بيوجه مدرسه وتقبل مرور اختك الصغيرة |
رائعة أخى الفاضل ..
ما أجمل ان يكتب القلم ما يدور بداخلنا .. أحساس صادق من صاحب قلم مبدع .. بالتوفيق دائما أخى بندق .. فى رعاية الله وحفظة .. |
اقتباس:
و ادعيلى يا دكتورة و ابقى طمنينا عليكى من وقت للتانى |
اقتباس:
نورت الموضوع و شرفت صاحبه |
اقتباس:
كل سنة وانت طيب:d مش كان عيد ميلادك قريب برده:blush: ________________________ _______________ خليك متفاؤل ....لا ياس مع الحياة ولا حياة لمن تنادي:d هي فعلا جميلة بس حزينة اووووووووووووي:( |
زى النهاردة
اتولد انسان جميل رومانسى وحساس مشاعره أرق من مشاعر العصفور زى النهارده اتولد انسان جميل اسمه احمد كل الدنيا بتحبه كلمات رائعة وأروع ما فيها حزنها وكم شدتنى تلك الانغام الحزينة أبدعت كعادتك يا بندق وجعلتنى كلماتك أبحر فى بحورا من الاحزان كدت أظن أنى نسيتها يالله كم صعب هو هذا الاحساس ان تقف الكلمات فى فمك وتصبح عاجزا عن التعبير تسلم يا بندق |
جميله قوى بندق ومتعوين على الابداع منك بس مكنش بالطريقه دى كان بيبقى موجود شىء من الأمل مش ألم تقبل مرورى;) |
اقتباس:
و لو كتبت مية مليار قصيدة مش هقدر اوصف اللى مريت و لسه بمر بيه ما اقدرش اقول غير " إن مع العسر يسرا " ميرسى ليكى على ردك و مرورك اللى نور الموضوع |
اقتباس:
و ميرسى على الكلام الكبير اوى اوى عليا ده و ربنا يعلم يا عندليب انا بحبك و بحترمك قد ايه و سعيد جدا جدا بمرورك و ردك و يارب يفرجها عليا و عليك و علينا كلنا |
اقتباس:
الأمل موجود فى ربنا أكيد بس خلاص بجد الواحد شاف اللى ما يتشافش و الواحد مش كبير يعنى عشان يشوف البلاوى دى كلها صحيح : " لو كنتوا بتعدوا العمر بالاحزان ...... كنتوا لاقيتونى اتولدت قبل الزمان بزمان " ميرسى لمرورك العطر |
كان نفسى أقولك كل سنة و إنت طيب ...لكن عذرا..و على فكرة أنا أعرف شعراء كتير إنجليز و مصريين كان يوم ميلادهم يوم وفاتهم... و بعدين إنت زعلان ليه .. إحنا ميتيين من يوم ميلادنا
|
عادى يا أستاذنا و الله مش عارف اقول ايه
يلا حسبى الله و نعم الوكيل فى اللى كان السبب و حسبى اللى و نعم الوكيل فى كل واحد ايده اتمدت فى جيب البلد دى و حسبى الله و نعم الوكيل فى كل اللى خربها بقصد و مرورك نور قصيدتى المتواضعة |
| جميع الأوقات بتوقيت GMT +2. الساعة الآن 08:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.