|
أحمد أخويا (أرجوكم ردوا عليا )
أولا السلام عليكم ورحمة الله وبركاته
حضراتكوا أنا اسراء محمد عبدالله أخت أحمد محمد عبدالله كنت عايزة من حضراتكوا تقولوا ليا أحمد أخويا كان مسجل فى المنتدى ده باسم ايه ومين أكتر ناس كان بيتكلم معاهم أرجو من حضراتكوا التوضيح أنا مش عارفه هو ده المنتدى اللى كان بيدخل عليه ولالا بس أنا لقيت عنوان المنتدى مسجل فى قائمة عنواين المواقع أرجو من حضراتكوا التوضيح والرد لأن أحمد أخويا تعبان جدا اليومين دول وهو راح عند خالتو وهيقعد هناك شوية ماما والله هى اللى قالت ليا أسألكم يارب يخليكم أى حد كان بيتكلم معاه يقولى كان بيقولوا ايه أحمد دلوقتى منهار بجد أرجوكم ردوا عليا والسلام عليكم ورحمة الله وبركاته |
ارجو الله ان يطمنكم عليه ويصلح حاله وحالنا
|
طب ممكن تجاوبي على الاسئله دي الأول لاني شكله في حد كده
احمد لخوكي ده علمي علوم؟؟؟؟؟ظ من محافظه ايه؟؟؟؟؟؟؟ مدرس الفيزياء بتاعه كان اسمه ايه؟؟؟؟؟؟؟ بجد لو جاوبتي على الاسئله دي وطلع الي في دماغي هاقدر افيدك |
لا أعلم اي احمد تقصدين
أعتقد أن هذا الرابط من الممكن أن يفيدك http://www.thanwya.com/vb/showthread.php?t=139136 http://www.thanwya.com/vb/member.php?u=280174 كما نرجوا إعلامنا بما أصابه وما الأعراض التي كان يعاني منها وما الحديث الذي كان يتحدث به حتي نستطيع أن نفيدك |
|
على فكره مبنفعش تنقلوا الموضوع كده
لان صاحيه الموضوع اول مره تدخل المنتدى ومش هتعرف توصل للموضوع تاني كده ومشكلتها مهمه جدا فياريت الموضوع يرجع مكانه او تعرفوها في رساله خاصه |
والله انا مبقتش فاهم اى حاجة خااالص
|
حضرتك هو علمى علوم
من الدقهلية كان اسمه الأستاذ مسعود شكرا جزيلا لحضرتك انك بعتى ليا الموضوع فى رسالة خاصة لأنى مش كنت هعرف أدخل عليه تانى أرجوكى وضحى ليا وأسفه ليكم ياجماعة أنى أزعجتكم بس قولولى هو كان مسجل باسم ايه وأنا عارفه الرقم اللى هو بيحبه وبيسجل بيه أى حاجة |
أرجوكم ياجماعة قولولى بس كان مسجل باسم ايه ربنا يخليكم
يارب يجزيكم خيرا ساعدونى ربنا يهديكم |
اقتباس:
|
حضرتك ياأستاذ خالد الموضوعات اللى أنت جايبها دى أخويا هو اللى كتبها
ايه ده |
ايه ده أحمد أخويا كداب حرام عليكم والله
|
http://www.thanwya.com/vb/showthread.php?t=136001
ايه ده الكلام ده أحمد أخويا كان كاتبه أكيد غلطنين لا مش ده أخويا أحمد أكيد |
لا تقريبا هو اخوكى لانه كاتب فى موضوع من مواضيعه كاتب اسمك اسراء انا بصراحة عمرى مشوفته اساسا فى المنتدى بس انتى ممكن تحكيلنا ال مضايقه ونديكى راينا فى المشكلة دى |
أسفه والله حضراتكوا بس هو مش سجل بالأرقام اللى أنا عارفاها يعنى غير المرة دى
هتعبكوا معايا شوية بس اعذرونى ده أغلى حاجة عندى فى الدنيا ممكن أى حد كان بيتكلم معاه يبعت ليا رسالة ويقولى كان بيتكلم معاه فى ايه أرجوكم وشكرا ليكم |
اولا نورتى يا اسراء
مش تقلقى عليه هيبقى كويس ان شاء الله بس يمكن قلقان من المجموع والتنسيق وكده ان شاء الله خير ادعيله انتى بس |
الحقيقة انا مش فاهم بالظبط ايه الغرض من الموضوع -!!-
|
شكرا لحضرتك ياتقى بس أحمد مكنش متأثر بالمجموع أو أى حاجة بس زعل شوية واحنا قدرنا نهدى ونساعده وهو أصلا لسه مش قدم فى التنسيق مع أن ميعاده كان من يومين يوم الثلاثاء
وميعاد التنسيق هيروح عليه خايفة عليه جدا مش مهم تولع الثانوية المهم أخويا |
بصي يا اسراء احمد كان قايل انه من الدقهليه وعلمي علوم ومدرسه كان اسمه مسعود فعلا يعني احنا مغلطناش في حاجه هو فعلا احمد الي احنا نقصده أحمد في بدايه الدراسه كان طبيعي جدا وما شاء الله طالب مجتهد وذكي جدا ومتحمس وشخصيه محترمه جدا وفضل كده لحد اخر السنه بعد الامتحانات مخلصت متعرفيش ايه الي حصله فجأه كده كلامه غريب جدا مكتإب على طول وهو الي قال على نفسه كداب محدش قال عليه كده بس معتقدش ان الي حصله ده بسبب الناس الي في المنتدى هو ليه صحاب كتير في المنتدى بس كلهم كويسين ومحترمين وبيعتبروه زي اخوهم بالظبط وعمر مفي حد زعله قبل كده ويا ستي اخوكي ليه 3 عضويات 1- حموكشه عبده 2- ليه يا دنيا 3- احمد ehl بس بجد أحمد باين عليه ان حالته النفسيه وحشه جدا من مواضيعه واسلوبه في الكلام ياريت تحولى تعرفي ايه السبب منه هو وياريت تطمنينا بس ياريت الكلام ده ميوصلوش ومتعرفيهوش ان انتي عملتي كده في رعايه الله |
شكرا جزيلا لحضرتك يابوسى هجربهم بردوا وهشوف بس مش متأكدة أنى هعرف أدخل بس ممكن تقولى ليا حضرتك ايه أول عضوية له عشان احتمال كبير يكون مسجلها بالرقم اللى أنا عارفاه
|
أسفة ياسراء كان نفسى أساعدك بس أنا لسه مسجلة امبارح ومش أعرف عنه أى حاجة بس مش شفت الاشوية مشاركات هحاول أجيبها ليكى وان شاء الله تطمنى عليه
|
http://www.thanwya.com/vb/showthread.php?t=139059
هو ده الموضوع اللى أنا شفته ربنا يهديه وشكرا |
بعد مطابقه الاي بي بتاع حضرتك
مطلعش غير عضويه واحده بس تحمل نفس الاي بي اسمها ليه يادنيا http://www.thanwya.com/vb/member.php?u=274541 وانا بحثت في مشاركاته طلع ان اسمه احمد فعلا يا ريت تلحقو تساعدوه فعلا لان ردوده بتبين قمة الاحباط اقتباس:
اسف لو حصل اي نوع من انواع التقصير |
كنت عايز ارد من بدرى بس النت كان فاصل:
كنت عايز اقول ان احمد انسان محترم هو بس حساس ازيد من اللازم و اعصابه تعبانة شوية الفترة دى سيبوه براحته و هو هيراجع نفسه وهو مكانش يقصد كل الكلام اللى هو كاتبه ده و شكرررا |
الى هنقدر نساعد بية كأدارة من وجهة نظرى
هوة انى هجيبلك باسوردات العضويات دى ياريت تتابعينى على الخاص لو فية اى حاجة تانية وعشان ابعتلك الباسوردات دى كمان 1- حموكشه عبده 2- ليه يا دنيا 3- احمد ehl الادارة بالكامل تحت امرك فى اى حاجة تحتاجيها وانا معاكى ان شاء الله من دلوقتى ربنا معاكم يارب وان شاء الله هيبقى كويس فى رعاية الله |
انا مش فاهم بس مش مهم
؟؟؟؟؟؟؟؟؟؟؟؟؟؟؟؟؟؟؟ ده تقريبا موضوع شفته دلوقتى ليه http://www.thanwya.com/vb/showthread...=1#post1433931 ! ! ! ! ! ! ! |
ياجماعة والله خلاص هى بس كانت فترة كنت تعبان فيها جدا بس الحمد لله راجعت نفسى ورجعت لنفسى أنا دلوقتى الحمد لله مقبل جدا على الحياة متفائل لأقصى الحدود خلاص مش هقول غير الحمد لله على كل حال وياريت كلنا مش نقول غير كده شكرا ليكم لأنكم وجهتونى فى وقت ممكن أكون فقدت فيه فيه السيطرة على نفسى ان شاء الله هرجع فريش أكتر من الأول خلاص بقيت باخد بمبدأ طنش تعش تنتعش طبعا كلنا أخوات مش أصدقاء بس بس استنى بس بعد النتيجة حمد لله ع السلامه يا حمد طمنتنا عليك الردود دى فى موضوع انى رااااااااااااااااااااااااااااااااااااااااااااااااا احل |
شكرا لحضراتكوا جميعا وشكرا لكل اللى رد من الادارة وأرجو أن حضرتكوا تبعتوا ليا البسوردات وأرجو كمان من أى حد كان بيتكلم معاه يولى بصراحة بس عشان أقدر أساعد أخويا أرجوكم ساعدونى
أسفة لو كنت أزعجتكم وشكرا مرة تانية |
اسف خبر مش حلو
اللى كتبته فوق نقلا عن احمد كان بتاربخ 10/7/2009 وكتب النهارده موضوع كداااااااااااااااااااااااب يعنى ايه مش فاهم حاجه ؟؟؟؟؟؟؟؟؟ حد يفهمنى ؟؟؟؟؟؟؟؟؟؟؟؟؟؟؟؟؟؟؟؟؟ |
حضرتك هو أحمد أخر مرة كان موجود هنا النهارده الساعة 3 الفجر واللى بحكيه ده حصل بعد كده
|
لا اله الا الله
كان نفسى اساعدك واضح انه فعلا متضايق اوى كان كاتب موضوع فعلا حزين و مكتئب جدا ربنا يعافيه ان شاء الله و يبقى كويس اظن انه محتاج حبة كلام بالعقل محتاج يقتنع بس مش بكلام معسول عايز واقع يقدر ينفذه خليكى معاه يا اسراء و قولى لاقرب حد ليه يقعد معاه او اقنعيه انه يدخل هنا و ان شاء الله الاعضاء يعملوا الواجب ان شاء الله يبقى كويس اختك ايرث |
شكرا لكل اللى حاول يساعدنى بس أنا الحمد لله لقيت طريقة بس ياريت كل اللى أخويا كان بيتكلم معاهم يردوا عليا أنا عرفت الباسوردات مش هعمل حاجة لحد والله بس عايزة أتكلم معاهم أرجوكم اتكلموا معايا
|
شكرا جزيلا لحضراتكوا مرة تانية خلاص أنا عرفت أدخل بس بالله على كل اللى كانوا بيتكلموا معاه يردوا عليا ومش يمشوا ويسيبونى والله مش هعمل حاجة لحد بس عايزة أتكلم معاهم وأشوف ايه اللى زعل أخويا ووصله لكده
|
اقتباس:
طب غيرى التوقيع الاول بس ان شاء الله كل حاجة تتحل ربنا يفك كربه |
انا مقرتش الموضوع من كله الصراحة بس هو اخوكي دلوقت فين ؟ طيب لو عارفة مكانه متحاولي تتكلمي معاه
|
اقتباس:
لان محمد ناصر ملقاش منها غير التنيه بس 3 - أحمد Ehl اعتقد كده صح والاولى ممكن تكون بالته المربوطه مش الهاء مش عرفه بصراحه |
اقتباس:
أولا ياريت تدخلي بعضويتك انتي ثانيا مش من حقك تدخلى بعضويه أخوكي لانه لو اكتشف ده بعد كده واكيد هيكتشفه هيزعل منك وهتحصل مشاكل ثالثا وده الأهم الي كانوا بيتكلموا مع تتحمد كتير جدا وأنا منهم بس كلامه مع الناس كان كله في الدراسه ومكنش خارج نطاق قسم الفيزياء وقسم الأحياء وبس كان بيحل مسائل مع الأعضاء ويتناقش معاهم فيها وكل واحد كان بيساعد التاني والحمد لله هو مكنش بيزعل من حد هنا والدليل على كده انه لما كان بيكون مضايق كان بييجي يشتكي هنا ويقول ايه الي مضايقه بس بصراحه كلامه كان بيكون غامض جدا بس معتقدش ان الي هو فيه ده بسبب حد في المنتدى انا أسفه لو مقدرتش اساعدك يا اسراء |
اقتباس:
|
يا ريت لو سمحتىى بسرعه اهم حاجه تعمليله التنسيق لأن انا قاريء حالا من الموقع ده
http://www.tansik.egypt.gov.eg/ مكتوب طلاب المرحلة الأولى الذين لم يتقدموا في المرحلة المخصصة لهم سيكون متاحا أمامهم الأماكن الشاغرة فقط في الكليات في المرحلة الثانية كما أنهم لن يستطيعوا التقدم للمدن الجامعية وأقسام اللغات بالكليات يا ريت التنسيق بتاعه يتعمل بسرعه جدا |
اقتباس:
هوه ده الصح فعلا عندك حق |
شكرا لحضرتك بس أنا مش عارفه اعمل ايه ومش عارفه هو عايز يكتب رغباته ازاى هقول لبابا وهخليه يكتب ليه وخلاص بس يارب يكون اللى هو عايزه
|
رأيي اكتبى حسب تدرج المجموع فى الكليات
يعنى كليات الطب حسب الأبعد وبعد كده الأسنان وبعد كده الصيدله وبعد كده العلاج الطبيعى وبعد كده اى حاجه بحيث انك تخلصى كتابه التنسيق النهارررررررده لأن الوقت قرب أوى أوى وكده هتبقى مشكله يا ريت تعمليه دلوقت اى حاجه بحيث تدرج مجموع الكليات عشان بس إن شاء الله تضمنوا ان تنسيقه كويس ومثلا إذا جاتله طب اسنان وهو عايز صيدله عادى ممكن يتحول عادى بس أهم حاجه تنسيقه يخلص لأنه الأمر هااااااام ويا ريت تطمنينا على أحمد ضرورى لأن فعلا احنا كلنا زعلانين لحاله الكآبه واليأس اللى عنده ديه |
خلاص حضرتك أنا بعمل فيه دلوقتى شكرا لاهتمامك
|
كان نفسى اساعد بس مفيش حاجة اقدر اعملها
لانى معرفش حد قاله حاجة زعلته بالنسبة للتنسيق بيتهيالى اكيد حضرتك عارفة احمد كان عايز يدخل كلية ايه |
هو المشكلة حضرتك مش عايز يدخل كلية ايه انما عايز يرتب ازاى يعنى يكتب الكليات ازاى
بس خلاص أنا عملته ليه وان شاء الله كده كويس |
حسب مجموع الكليات والتوزيع الجغرافى (قرب الكليه بالنسبه له)
وعلى العموم الحمد لله ان التنسيق اتعمل لأن اهم حاجه انه يتعمل والله اكثريه المنتتدى او حتى كلنا -وانا واحد منهم- زعلانين عشان احمد وعايزين نطمئن عليه |
ربنا يفك كربه
هو اكيد فيه حد عمل معاه موقف مش كويس و هو مش كان متوقعه فاتصدم و فضل كاتم جواه و لما الامتحانات خلصت الموقف ده ابتدى يتعايش معاه بقى ياريت لو حد يعرفه يحاول يهديه و يخليه مش يفكر في الكلام ده الدنيا مش تستاهل والله |
ربنا يفك كربه و عمومًا كل اللى كان يعرفهم فى الرابط ده
http://www.thanwya.com/vb/showthread.php?t=136922 و أظن السر فى الموضوع ده مش عارف ليه هو إحساس و خصوصًا فى أول اسم اللى متكتبش اسمه مجرد احساس و عمومًا احنا متابعين الموضوع أهه و إذا فيه جديد أو كده احنا موجدين و بالله عليك لو معاكى نمرة أحمد أو ايميله أو أى حاجة قوليلنا و إن شاء الله احنا(كريم معايا ) هنروقه و نرجعه زى الأول بعون الله بجد أحمد كان من الشخصيات اللى بتضحك علطول مش عارف ايه اللى قلبها غم كده عليه يا ريت لو نعرف لو مش عايزة تقولى هنا ممكن تبعتلنا (أصحابه اللى فى الموضوع ده ) ايه السبب ممكن نقدر نخرجه من الجو الكئيب ده ربنا يهديه و يصلح حاله |
الله يعينه
و يساعده و يخفف عنه و حاولوا تودوه لدكتور نفسي أو تتكلمو معاه و إن شاء الله خير :) |
اقتباس:
منتظر اى خبر عنه نفسى اساعده بس مفيش فى ايدى غير الدعاء |
| جميع الأوقات بتوقيت GMT +2. الساعة الآن 06:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.