|
سؤال في انتظار الاجابة من الجميع
ما هو سر تفوق بوابة الثانوية العامة علي كل المواقع ؟
سؤال يفرض نفسك وفي انتظار التفاعل من الكل حتي نقف علي اسباب القوة لتقويتها ؟ بالاضافة الي معرفه اراء الكل في شيء اخر ما هو الشيء الذي ينقص البوابة ؟ ( ان وجد ) حتي يتم اكماله والكمال له واحدة وانا ممكن اجاوب علي السؤال كرأي مثل اي عضو سر التفوق للبوابة هو الترابط والاخاة بين الاعضاء وكذالك المدرسين واحساس الكل بأن المكان هو بيتهم الثاني الذي يجب الرجوع اليه كل يوم حتي يطئمن الكل علي من يحب بالاضافة علي تقديم خدمة مميزة للجميع في كل المجالات وفي انتظار ارائكم |
سؤال جميل جدا
و انا موافقه حضرتك على اجابتك طبعا لان فعلا بحس انه بيتي التاني .. و ما شاء الله فيه كل حاجة في اوقات الدراسه و الترفيه ...و المعلومات الاضافيه ....... و طبعا اننا كلنا فعلا بنحب بعض كاننا اخوات بجد جزاك الله خير |
ان معظم الاعضاء بتشارك فى كل حاجة
بالاضافة الى ادارة كويسة جدااا طاقم مشرفين رائع واعضاء بتقول رايها بكل صراحة ووضوح وطبعا زيى ما حضرتك قولت الكمال لله وحده بس انا مش واخد بالى للسلبيات ممكن فى حجات عايزة تتحسن |
و انا موافقه حضرتك على اجابتك طبعا
وكمان لانه مميز وكل واحد بيعاون الاخر ويتعرف على اشخاص ويكتسب صداقات |
اقتباس:
ان الغالبية كانت قد المسئولية :) مش هقول حب الاعضاء لبعض لان فى ساعات كتير الظاهر بيكون غير المخفى عننا واللى بيتقال قدام العضو غير اللى بيقال وراه فعلشان كده هثتثنى حب الاعضاء لبعض ومش هقولك الادارة الرشيدة لان كنت فى يوم جزء منها وعارف مواضيع الضرب من تحت الحزام و اللى كان بيحصل ومش هتكلم عن السادة المعلمين لان مشاكلهم كانت معروفة من كتل واحزاب ونذكر على سبيل المثال اسرة الفرنساوى __________________________________________________ _______________________________________ بالتالى الاجابة على سوال حضرتك مستحيلة :d |
اقتباس:
اقصد انى فى حاجات كتير بجد محتاجةتتغير بس احنا هنقول ونعيد ومفيش حد بيسمعنا فيبقى بلاش نوجع فى دماغنا |
اقتباس:
مع إحترامى لكل الناس المحترمين أنا مش مصدقة إن المنتدى حاصل على المركز الأول فى الترتيب و متفوق على مواقع تانية !! بصراحة مش شايفة ده خالص خلينا واقعيين مع بعض .. من قبل إمتحانات الثانوية و الإدارة عليها أفعال غريبة فى وسط إمتحانات الكليات و بتعين طلبة و بعد كده نلاقى الإدارة ذات نفسها إختفت و مفيش مبرر لإختفائهم و نلاقى طلبة ثانوى فى المراجعات قالبين الأقسام التعليمية و الغرف الصوتية دردشة و ساعات خناقات و ألفاظ لا تُذكر و بعد كام يوم نلاقى الطلبة بيشتكوا من عدم وجود مدرسين فيزيا !! و شوية شوية الصلاحيات بالنسبة للعضو و المشرف والإدارى بتقل و بعد كده المنتدى يقع 80 مرة فى الساعة و الدعم الفنى اللى مش موجود أصلاً و علشان تصلح حال المنتدى لازم تشتكى مليون مرة و الأعضاء جالهم ملل و المشرفين مش بيشتغلوا كويس .. أنا بجد مش قادرة أدخل موضوع فى العام أرد عليه .. كلهم مواضيع منقولة و الأعضاء مابقاش عندها أفكار جديدة أو إبتكار فى مواضيعهم .. الخمول بقى منتشر أوى .. و كل واحد ماسك للتانى على الغلطة و قدام بعض حبايب لكن من ورا الضهر بيتقال كلام مالهوش نهاية و وسط كل ده .. و يطلع المركز الأول فى الترتيب .. على إيه مش فاهمة ؟!! فين المجلة بتاعة المنتدى و فين الصفحة الرئيسية اللى على طول متجددة حتى المدرسين بقوا من عيلة مشكور .. بيدخلوا فى أى موضوع يكتبوا مشكور و لا بارك الله فيك و يخرجوا كل ده علشان يزودوا مشاركات أو يبقوا ظاهريين للناس إنهم بيشاركوا فى كا الأقسام !! حتى الناس اللى بتدخل مواضيع المخالفات فى منهم نيتهم مش لله أبداً كلهم بيحاولوا يجيبوا مخالفات علشان ياخدوا مكان المشرف فلان .. أنا أول ما اتعينت وصلنى من ناس منهم رسايل : انتى ازاى يعينوكى فى الاشراف دا مش مستوى يدخل الاشراف و كلام فاضى زيهم !! الروح الحلوة و الشغل الجد مابقاش موجود فى المنتدى خالص المنتدى كله على بعضه مش عاجبنى حاله أبداً بالنسبة لسؤال حضرتك .. مش هقول مش لاقية ليه إجابة بس أنا مش لاقية ليه معنى !! |
ممكن أعرف حضرتك بنيت النتيجة دى على انهى أساس
صحيح الثانوية موقع كبير ومحترم بس اعتقد ان كلام حضرتك ممكن يكون مبالغ فيه شوية تحياتى واحترامى لحضرتك |
ما هو سر تفوق بوابة الثانوية العامة علي كل المواقع ؟
اجد المادة العلمية المبسطة لاولادى فى المنتدى من اولى ابتدائى الى الصف الثالث الثانوى والى الان لم اطلع على الجامعات والكليات انا عضو عادى اجد ما لم يجدة اى معلم فى اى منتدى اخر من مواضيع مالية وموضوعات ادارية اجد من يرد على استفسارات المعلمين(ممثلا فى الموسوعة الاستاذ/ محمد السيد الفخرانى) ربنا يبارك فى صحتة كادر المعلم والاسئلة التى ساعدت كثير من المعلمين وجدت الموضوعات الدينية والبرامج الدينية وجدت البرامج الخاصة بالكمبيوتر وجدت ووجدت ووجدت منتدى شامل ينقصة حزم وشدة من ادارة المنتدى ينقصة دم جديد بلاش تدخل مشرف غير تعليمى فى عمل مشرف تعليمى والعكس نريد وجود مشرف تعليمى 24 ساعة وغير تعليمى 24 ساعة كيف ؟ لا اعرف كنت اود ان يحذف اى موضوع منقول من اى منتدى اخر(اقصد القسم العام فقط) اود ان يكون مشرف واحد فقط تعليمى وغير تعليمى هو المسئول عن عقاب اى عضو مخالف وتسجل عند العضو المشرف المسئول |
بما انى جديده هنا فاكيد اجابتى مش هتكون دقيقه و انما انا معجبهبالمنتدى جدا و باسلوب اعضاؤوه
تحياتى لكم جميعا جزاكم الله خيرا تقبل مرورى |
المنتدى فيه ايجابيات زى انه بخلينى على اطلاع باخبار تهمنى
السلبيات بقى 1- جماعات الاعضاء اللى صعب للعضو الجديد بلاش الجديد اللى بقاله اكتر من مثلا 6 شهور الدخول فيها 2- حدوث حاجات بين الاعضاء و الاداريين و نيجى نقول يا جماعة ايه اللى بيحصل يقولوا بس عشان مش نشعلل الموضوع بس احنا مش بنبقى عايزين نعرف عشان نشعلل لا عشان ما نبقاش كده بلا اى قيمه و ما اقبح هذا الشعور 3- فى نوع من التطنيش العام يعنى لما حد بيقول اقتراح صعب يلاقى قبول 4- ليه فى تعقيدات ادارية يعنى فى ابسط الحاجات استنوا لما نرفعها للادارة و طبعا ده بياخد وقت 5- ليه الموقع بيقع كتير فى احلك الاوقات ؟؟؟ ليه مش عاملين حسابكم على الاوقات دى 6- فى رأيى طاقم الادراة محتاج تظبيط يعنى فى ناس لازم تمشى على العموم و رغم هذا انا شايفه ان الموقع يستحق لانه من احسن المواقع اللى شفتها و اللى هيه اضعاف اضعاف مشاكله |
بالصراحة بيفكرنى بالمدرسة كنت بحبها
عشان أصحابى و زملائى حبة جد و حبة هزار و كام واحد من المدرسين اللى بحب شرحهم أو بحب أسلوبهم بس مش هقول كلمة أنه أحسن موقع لأنها بتدى خمول إنما لو قلت المنتدى بينحدر الكل هيشتغل بذمة لأن ده طبيعة العرب عمومًا بالتوفيق أصحابى و زملائى و أساتذتى |
كل التحية لكل أعضاء المنتدى المحترمين
واضح بالنسبة لى كعضو جديد لسه بأستكشف ظروف المنتدى و أحواله التالى :- * فيه جو نفسى مش حلو ( صراع - تنافس مش شريف - تحدى ) * فيه محاولات من تحت لتحت للتعتيم على ما يحدث بدلاً من الاعتراف بيه ( ضد الشفافية ) * المنتدى أقسامه كتيرة بصراحة و متنوعة ( دى إيجابية ) * الفوائد الناجمة عن المنتدى كتيرة ( خاصةً التعليمية ) * القيود و الموانع فى المنتدى زايدة عن الحد ( ممنوع كذا و كذا و ......... إلخ ) * فيه موضوعات بيتعب العضو فى كتابتها من جهده الخاص ( دون نقل ) ثم يفاجئ بحذفه ( صدمة كبيرة ) كل الشكر للجميع و لى عودة إن شاء الله |
سر تفوق المنتدى مع انى مبقاليش شهر معاكم
ان المنتدى فيه كل حاجة يعنى مش متخصص لاتجاه واحد بس فيه مواضيع كتير جميلة واعضاء اكثر من رائعين وادارة ناجحة بجد منتدى متميز جدا وان شاء الله يبقى افضل وافضل |
المنتدى قوي علشان المواضيع الجامدة اللي بتتكتب وايضا الاقسام المتنوعة
بالاضافة الى الاشراف الممتاز الذي يرى عمله باتقان في تنظيم المنتدى اقتراحي هو ان نجدد من شكل المنتدى ونغير منه ونجعلة اكثر شياكه عذرا في اللفظ وبالتوفيق ان شاء الله |
بصراحة المنتدى جميل جدا
والاعضاء ما شاء الله في نشاط دايم واهتمام كبير بالمنتدى وان شاءا لله يفضل الترابط بين الاعضاء دا موجود دايما بس في رايي لو ادارة الموقع والمنتدى يقدرو يصممو استايل للمنتدى يكون افضل من دا هيكون المنتدى احلى بكتير ... لان دايما الشكل بيكون عامل كبير في نجاح اي منتدى ......>>> |
اقتباس:
|
انا الاول دخلت المنتدى ده بالصدفة علشان اجيب نموذج اجابة
بس الشىء اللى خلانى اسجل فيه واخلى اختى اللى اصغر منى تدخله عادى مع انى باؤفض انها تدخل اى موقع كدة وخلاص هو ان الموقع ده محترم متدين مفيهوش اى حاجة مش كويسة اعتقد ان دى اكبر ميزة |
متهيالى عاوزة يبقا فيه حب شويه ما بين الاعضاء
ويبقا فيه مصداقيه شويه |
رضا جميع الاعضاء غاية مستحيلة
والتوفيق بين آراء الاعضاء غاية لا تدرك ومنع الأشخاص السيئين الذين يأتون من الخارج ايضاً أمراَ معقداً ولكن هذا المنتدى هو كمثل اي منتدى يحوي تلك العيوب ولكنه ربنا كان الاقدر على احتواء تلك العيوب بقدر الامكان واكيد المنتدى يعني اعضاء وكلما زاد عدد الاعضاء كلما - في نظرنا - زادت نسبة الفساد ولكننا لم ننظر للجانب الايجابي انه قد زاد ايضاً ومعدل اكبر ربما يضيق البعض ذرعاً عندما يكون مشرفه اصغر منه ويأمره ولكن أنت ع النت أي أنك لا تتعامل مع حجم الشخص ولا سنه وإنما تتعامل مع عقليته ونشاطه ولا احد ينكر ان لكل عيوبه ولا منتدى كامل !!! |
شهادة لوجه الله تعالى
أحسن شئ فى المنتدى هو مستوى الحوار وأسوأ شئ فيه هم بعض المشرفين ضيقى الأفق وشكراً .... |
سر تفوق الثانوية العامة هو الألفة الشديدة التي تشعرك كأنك مع أصحابك و بتقول كل حاجة وبتعرض موضوعاتك
و الكل بيشارك وبيعطي رأيه بدون تجريح أو إهانة وبصراحة شديدة جدا أنا قبل ما أشترك في الموقع كنت أخاف من المشاركة في أي موقع لكن لأن الموقع محترم جدا ومفيد جدا جدا جداااااااااااااااااااااااااااااااااااااااااااااااا اا ومتنوع جدا وشامل جدابقيت اليوم اللي ما أزورش فيه الموقع حزينة جدا جدااااااااااااااااااااااا تحياتي لكل القائمين على الموقع وجزاكم الله خيرا |
السبب فى كده ان الموقع بيرحب بأى حد يعنى الواحد المستجد بيحس ان هو فى بيته
و كمان ان فى تفاعل بين الطلاب و المشرفين و كبار المدرسين و كمان لان الموقع موقع أخلاقى و بيرفض اى سلوك يتعارض مع الدين و نتمنى المزيد و المزيييييييييييييييييييد من التفوق و التقدم و النجاح اما بالنسبة للى ناقص المنتدى هو بوكس او مكان للشات و المحادثة المحترمة بين الأعضاء |
سؤال يستحق الاجابة فعلا
أنا من وجهة نظري ان سر تفوقه روووووووووووووعة الأعضاء والمشرفين ورقي أسلوبهم وحسن تعاملهم مع بعضهم البعض بجد بجد أنا حبيت المنتدى جداا واتعلقت بيه وهحاول أبذل كل مجهودي عشان أساهم في رقي المنتدى اكتر وأكتر |
اممممممممممممممم
أتمنى يكون فيه شريط متحرك في الأعلى يعرض فيه الموضوعات الجديدة |
اقتباس:
|
ههههههههههههههه اخص عليك يا محمد فهمتني غلط
والله مش دا قصدي أنا قصدي انو لما يكون في عرض للمواضيع الجديدة يكون أسهل للكل انهم يطلعو عليها ويستقيدو منها ونفعل حركة النشاط في المنتدى |
هههههههههههههههههههههههههههههههههههههههههه
والله العظيم ضحكتيني يا دكتورة رنا ما هو ده قصدي امال يعني عايزهم يعرضوا كل المواضيع في شريط فوق والله حلوة دي منك ههههههههههههههههههههههه ماشي مقبولة ما انتي دكتورة بقى محدش زيك |
أنا مش عارف الإدارة بتابع الموضوع دا ولا لا إذا كانت لا تتابعه ولا تناقش وتنفذ ما فيه فليس للموضوع قيمه وأرجوا حذفه لتوفير وقت وجهد الأعضاء
وإذا كانت تتابعه وتناقشه منذ أن بدأ وحتي الأن ولم تصل لنتيجة أو حتي تعرفنا ما وصلت إليه هذه المناقشات للتطوير مميزات المنتدي والحد من سلبياته فأرجوا إغلاق الموضوع حتي تتنتهي الإدارة من مناقشة ما مضي |
|
اقتباس:
|
لهذه الأسباب و غيرها يستحق الموقع المركز الأول
أعترف إنى لم أدخل بعد كل أقسام الموقع لإنى دخلت أساسا للبحث عن إجابة لحاجات كانت بتهمنى فى الثانوية العامة و تهم أختى فى الإعدادية ,
الحقيقة اللى شدنى للموقع ده حاجات كثير أولها إنه موقع محترم ما أخافش لو كتبت فيه حاجة , و ثانيا إنه ما فيش سؤال سألناه أنا أو أختى إلا و خدنا الإجابة الشافية عنه سواء من أحد المدرسين أو أحد الأعضاء الأفاضل لهم الشكر جميعا .. و خلانى أشعر إنى مش لوحدى ... بالإضافة للملخصات و النماذج و الإمتحانات و خلافه اللى كانت بتساعدنا فى المذاكرة ... و ثالثا و هو الأهم القسم اللى تم إنشاؤه لطلبة اللغات و هو مفقود تماما فى كل المواقع الأخرى و هو بحق إنفراد تام للموقع ... أرجو استكماله و العناية به من أجل الدفعات القادمة من الطلبة و الطالبات . بالمناسبة أحب أسجل شكرى و عرفانى للقائمين على الموقع و كل أستاذ قدم إمتحان أو ملخص أو أجاب على سؤال على كل العون اللى وجدناه منهم و أرجو للموقع دوام التفوق . :av4056bb7jp3: :av4056bb7jp3: :av4056bb7jp3: |
نعم وبكل تاكيد انا من عشاق البوابه وذلك لاسباب عديده اذكر الصراحه الوضوح اليقظه ا الود والحب سباقه فى نقل الخبر اليقين الدقيق و اشكر بشده اسرة البوابه القائمين على سير العمل بهذا الشكل وتمنياتى لكم بدوام التوفيق ومعا لنزدادتواصل وحب وصحوة ضمير وخر دعواى ان الحمد لله رب العالمين
|
بصراحة انا رايي ان اللى ناقص المنتدى حاجة مهمة جدا بجد والله وكذا مرة اقوللها في كذا مكان
ولكن للأسف لم القى اي اهتمام مش عارفةلي ان المنتدى يبقى اشيك من كدة والله في منتديات فخمة وديكورات والوان وحاجت تشرح القلب نفسي القى رد سواء بالقبول او بالرفض وشكرا جزيلا والمنتدى فعلا جميل باعضاؤه ومشرفيه |
اقتباس:
عندك حق والله انا موافقاقى هنقد نوجع فى دماغنا ليه:friendsxs3: |
رحم الله رجلا اهدانى عيوبى-اولا نحن متفقون على اهمية الموقع-وانه لا غنى عنه ولكن هناك عيوب خطيرة -مثلا تكرار الموضوعات -اكثر من استاذ فى موضوع واحد مش كده وبس لكن نجد الطلاب ايضا يضعون موضوعات (ماهى هيسه)-لماذا لا يوجد مشرف على كل قسم ينقى القسم من التكرار -كثيرا من المواضيع عبارة عن اقتراحات للاعضاء وهذا لا يدخل فى صميم الموضوعات يمكن ان تقبل الاقتراحات ثم تنقى وتعرض كاستفتاء -ثالثا نجد استاذا يقترح وضع اسئله وتتم الاجابات بطرق عشوائيه مما يهدر مجهود الجميع-رابعا اخترق الموقع منذ فترة بالفيروسات ويجب التامين-خامسا تجاوز بعض الطلاب فى التعبير عن ارائهم مما يقلل من هيبة الموقع والمعلم-سادسا-لايتم عقاب المخطى من الاعضاء بتوقف نشاطه لفترة ثم اذا تكرر خطأءه تشطب عضويته-مع عدم الانكار ان هناك بعض الطلاب اعتبرهم من افضل الشباب لانهم يشاركون بابداع فى كثير من الموضوعات -مع عدم انكار دور الساده المشرفين ومن امثلتهم الاستاذ/صوت الحق -اطلت عليكم ولكنه موضوع اكبر من مقاله -والسلام عليكم ورحمة الله وبركاته
|
ما ينقص المنتدى هو ان تصل الاصوات الى المسؤولين....
|
اللى مخلى المنتدى دة متفوق هو انا
هههههههههههههههه |
المنتدى قوى جدا
بس فين المشرفين والادارين مش بيسمعوا صوت الاعضاء ولا اكن لهم اى اهتمام |
ماشاء الله المنتدى في قمة التطور
|
بداية السلام عليكم ورحمة الله وبركاته
ثانياً مش عارفه ليه ومن غير زعل حاسة فـ كلام حضرتك بنبرة غرور ما هو الشيء الذي ينقص البوابة ؟ ( ان وجد ) حتي يتم اكماله والكمال لله وحده ثالثاً أنا مش هعرف أجاوب على حضرتك لأن وجودى فـ المنتدى قليل خالص ، لكن أوعدكم بإن إن شاء الله هبقى أدخل عـ المنتدى كتير علشان أعرف السلبيات والإجابيات |
المنتدى ممل جدا مواضيعه محصورة في التنسيق بتاع السنة دي و معظم اللي داخل داخل علشانه و الدليل على كلامي إن أكبر عدد من الزوار بتلاقيه هناك
و للأسف ميستحقش إنه يأخد رقم 1 زي ما حضرتك بتقول و أتمنى إن الإدارة و المشرفين أدائهم يتحسن شويا و توضع قوانين صارمة للألفاظ الخارجة و إلا ميبقاش منتدى ده يبقى ............... |
أنا شايف إن المنتدى مايستهالش نقد بعض الأعضاء الصعب ده .. أنا بصراحة أجده من أفضل المنتديات التى أتصفحها .. و أتابعها منذ زمن رغم أنى لا أفضل الردود و غيره بس و الله فادنى إفادات كبيرة جدا و خاصة أسرة اللغة الفرنسية فجزى الله الادارة خيرا و كذلك أسرة اللغة الفرنسية و جميع الأعضاء المشاركون .
|
انا لسة جديدة بس اللى شايفاه دلوقتى هو انه شامل حاجات كتير وموضوعات اكتر
|
وانا اوافقك يا دكتور رنا.......لازم يكون فى شريط متحرك.....
|
جزاكم الله خيرا
|
البقاء للافضل
|
الجدية والمصداقية والعمل الدؤوب
|
متى سيتم صرف مبلغ ال 400 جنيه التى صرفت فى القاهرة و الجيزة و بنى سويف؟
الى متى سنظل فى الفيوم اخر عربة فى القطار؟ |
اهم شئ تعاون الكل
|
| جميع الأوقات بتوقيت GMT +2. الساعة الآن 11:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.