اتحداكم جميعاان هذه هي نتيجة التنسيق للمرحلة الاولي(والتي ستظهر يوم الثلاثاء القادم)
 

نتيجة المرحلة الأولي للتنسيق
انه تم شغل جميع الأماكن بكليات الطب والأسنان والصيدلة والعلاج الطبيعي والهندسة والحاسبات والمعلومات والاقتصاد والعلوم السياسية والاعلام.

سجلت كليات المجموعة العلمية "علوم" ارتفاعا يتراوح بين 4. 5ونص درجات ليصل الحد الأدني للطب بأسيوط 406 درجات وطنطا وشبين والاسماعيلية 405 والمنصورة والمنيا وبني سويف 404.5 وبنها 404 والفيوم 403.5 والاسكندرية 402.5 والقاهرة 402 وعين شمس 401 وطب اسنان طنطا 400 والمنصورة 400 والاسكندرية والمنيا وعين شمس 399.5 والقاهرة والاسماعيلية 399 والصيدلة بعين شمس 400.5 وطنطا 398.5 والقاهرة والاسكندرية 397 والمنصورة 396.5 والزقازيق وحلوان والاسماعيلية 396 واسيوط والمنيا وبني سويف 395.5 والعلاج الطبيعي القاهرة 395 وطب بيطري المنصورة 393 والزقازيق 5.392
وتدخل اعلام القاهرة بمجموع 392 للعلمي ثم بيطري السادات وكفرالشيخ 391 تليها الاسكندرية وعين شمس وبنها واسيوط والاسماعيلية 390 ثم جنوب الوادي 389 درجة

بينما احتلت البترول والتعدين صدارة الرياضة بمجموع 403 درجة
ثم هندسة اسوان 384.5 درجة وهندسة القاهرة وطنطا 382.5 وعين شمس 380.5 والمنصورة وكفرالشيخ والاسكندرية 380 ومعها حلوان وبورسعيد وشبرا وشبين الكوم.

وسجل الحد الأدني للمجموعة الأدبية انخفاضا عن العام الماضي بين 5 و 6 درجات ليسجل الحد الأدني للاقتصاد والعلوم السياسية القاهرة 386 والاعلام 385 وألسن عين شمس 379 وألسن المنيا 376 درجة والتربية ببني سويف 375 ودمنهور 374 وبورسعيد 373.5 وطنطا 373 وآثار القاهرة 372.5 وآثار الفيوم 371 وفنون جميلة الاسكندرية 369 وجميلة حلوان 358


ويتبقي أمام طلاب المرحلة الثانية أماكن شاغرة في حوالي 420 كلية منها 300 كلية للعلمي و120 كلية للأدبي إضافة إلي المعاهد الخاصة العليا والمتوسطة والتي يهبط للمرحلة الثالثة من الحاصلين علي 50% فأكثر




الهندسات للكليات المتبقية ستأخد 378 ونص الي 379 نص في المرحلة الثانية
والحاسبات باقية ومعها العلوم






اتحداكم جميعاان تلك هي النتيجة النهائية التي ستظهر يوم الاثنين او الثلاثاء ظهرا

مع تحياتي وتمنياتي لكم بالتوفيق

:d:d:d

والمصدر اية لو سمحت

يارب يطلع طب زقازيق زى مانت بتقوول

ربنا يسمع منك

لو طلع كدة يوم النتيجة ليك عندي حاجة ساقعة :049gc0::049gc0:

التحدي ليس له مصدر سوي القوة
والقوة هي الباور

والباور طاقة كامنة وداخلية

انت بتعمل كام موضوع فى اليوم؟؟؟؟؟؟؟؟؟؟

وانا اتحدي انك شخص كل شوية بكلمه
انتا كاتب
احتلت البترول والتعدين صدارة الرياضة بمجموع 403 درجة
وفي موضوع تاني ليك بتتوقع انها 406.5
فين التحدي اللي هو القوه والقوه اللي هي الباور بقا ؟

انت بتعمل كام موضوع فى اليوم!!!!!!!!!1

ثانيا التوقع بخصوص المجموعه الطبيه اللي انتا كاتبه ده
اتنشر في الاهرام من كام يوم

وأنا أتحداك لو قلت لنا مصدر لهذا الخبر ............ على العموم كل اللى إنت عملته جيبت تنسيق العام الماضى وعملت زيادة 1% على كليات العلمى رياضة وعلوم وعملت 1 % نقص لكليات الأدبى .......... لكن الكلام ده مش مظبوط وأتحدى أى واحد يتوقع شىء صحيح قبل ظهور نتيجة المحلة الأولى ............. روح ياحبيبى إستغطى ونام تانى ولا بلاش تتغطى عشان الدنيا حر.

فعلا يا اخ عادل عندك حق
هو مزود 4 درجات لكل كليه عن تنسيق السنه اللي فاتت وبس !

عندما تتكلم اتكلم بادب واحترام(كلام نهائي)
اخر كلام احترم الاخرين حتي يحترمك الناس ومايدقوش راسك بدبوس

طب إتعلم الأول تكتب لغة عربية مظبوطة بدون أخطاء إملائية وبعدين تعالى نتكلم عن الإحترام ........ وإحلم كتير عشان تتوقعلنا نتيجة المرحلة الأولى ........... وعجبى

اولا انا بتكلم باحترام دا لو كنت تقصدني
ثانيا
انا سالتك فقط لا غير
ان ليك لكل كليه حاطط كذا توقع وكل واحد متاكد منو وكل واحد يختلف تماما عن التاني !

شوف يا أخ فتاك، أنا مش عارف إنت فتك بكسر الفاء ولا فتاك بمضاعفة التاء ......... عموما لو الأولى روح إفتك بعيد عننا، ولو الثانية يبقى هى مش ناقصة فتاكة والنبى اللى فينا مكفينا

خناقه ;d ‎‎;d...............يا جماعه خلاص حصل خير ~~سيبوا اللي عايز يقول حاجه يقولها .بلاش حوار الدبابيس واللحاف والحر دول‎;‎‎)‎‎ ‎ وعامه هندسه نازله مرحله تانيه ان شاء الله

انا اكتر واحد عايز الكلام دة يبقي صح لاني اتظلمت كتير لكن انا ممكن اجي واقولك الطب هياخد من 96% اية رايك ؟ مش هتقدر لا تصدقني ولا تكدبني لان معندش اي دليل يبقي نسكت ونستني نشوف اية اللي هيحصل

وهي سياحة وفنادق لغوها م المقرر؟

مش انت بتثق فى الجمهورية ؟؟؟ أمال ايه ال انت كتنبة ده بقى ؟

كلها تكهنات ليس لها أى داع !

يا جماعة حصل خير
ربنا ييسر الخير حيثما كان
ممكن سؤال
هو لسه في صيدلة تكليف و لا لأ؟ :confused:

ده كلة تخرصات

حلاوة بق

ahmed5005 ردك فعلا صح كل شويه حاجه جديده

الفتاك ده المفروض يحذفوله العضوية بتاعته

ايه الهطل ده
فيه كليات كتير ناقصه
فين بيطري القاهره ؟
ولا صيدله
ولا اسنان
ولا فين السن و اعلام من المجموعه العلميه
هو ايه اصله ده
سيبكم من الكلام ده

الله أعلم
الله أعلم

كده انا رحت ف داهية علشان درجة واحدة حرام عليك يا ابني

للأسف التوقعات دى شبه منطقيه ................................
احنا وراناااااااااااا ايه ادينا مستنيين هيودونا فييييييييييييييييين؟

يستحيل ان يعرف احد بنتيجة التنسيق قبل الاعلان عنها لان هناك عوامل متداخلة كثيرة تلعب دور فى رفع او خفض درجات القبول فى الكليات.

لابد من حذف عضوية هذا العضو الشاذ فكريا و نفسيا ( لا اقصد الإساءة ولكن هذه حقيقة واقعة )

يا ريت تكون توقعاتك صحيحه والتنسيق ميعلاش عن كده حد يكره

والله مش عارف اقول ايه
ليه كل الانقلاب ده
هو الموضوع غلط بس الراجل قال انه توقعات والموضوع من وجهة نظره
يعني بينبه اللي داخل يقرا الموضوع انه هيقرا وجهة نظر شخصيه
دا القسم هنا مليان اخبار كلها مجرد توقعات
وكمان اصحاب المواضيع دي مش قايليلن انها كده

ايه ياجماعه الراجل بيتوقع
اللي عاوز ياخد بكلامه ياخد واللي مش عاوز هو حر
هو يعني كان أول ولا آخر واحد يتوقع
براحه عليه شويه

مهو موسم الفتى اشتغل
ياريت كل واحد يخلى توقعاته لنفسه

بصورة اكيدة التنسيق مش هيعلى عن 395 فى الصيدلة مش زى ما انت كاتب 395.5
ببساطة عدد الحاصلين على 395 فما فوق 15000 طالب و الاعداد المقررة قبولها هذا العام فى كليات الطب و الصيدلة و طب الاسنان 15048 طالب
يبقى ببساطة التنسيق هيكون 395 فما تحت

فعلا دي الدرجات وا قريبه منها بدرجه كبيره جداا مع الاحصائيات

شكرا اخي

بصراحة انت جايب كام يا
the dentistmod

نتيجه المرحله الاولى هتبقى الاحد او الاتنين

اوكيه هنشوووووووووووف
بإذن الله

الله يكون فى عون الشباب

فتاك وبس اوووووووووووووووووه فتاكـ

مين نفسي افهم مراقبين القسم ده .. انا بجد بدأت ازهق من دخول المنتدى والقسم ده بالذات ، في ايــــــــــــه ..؟؟!!
لو سمحت شيلوا أم المواضيع المقرفه المكررة دي
كل واحد فاضي يتسلى علينا شوية

ارجوكم انا علمى رياضة جايبة 373.5 هلحق ايه؟؟؟؟؟؟؟؟؟؟؟

بس ناجحة فنون تطبيقية ارجووووووووو الرد

ياناس انا علمى رياضة وجايبة 373.5 هلحق ايه
حد يرد

انا برده جايب 373.5 والله اعلم

شكلنا كده هنلحق كلية زبالة انتساب قسم مقشات جامعة النتانة

ادعي ربنا نجيب حاسبات في اي حتة