|
تخيل نفسك فى الموقف دة .. !!
تخيل إنك واقف فى حتة زى موقف عربيات مثلاً وفجأة لاقيت بنت زى القمر حوالى 20 - 22 سنة واقفة وماسكة فى إيدها شنطة سفر بتنادى عليك بس بس بسسس أستاذ يا أستاذ دقيقة واحدة لو سمحت فلما رحت عندها قالت لك أصل انا مش من هنا وعايزة أرجع بلدى بس مش معايا أجرة العربية :006et4: رحت انت مديها الفلوس اللى طلبتها ماشى أوكى مفيش مشاكل وبتحصل فى أحسن عائلات المهم بعد أسبوع وفى نفس المكان والزمان لاقيت نفس البنت ماسكة نفس الشنطة وواقفة فى نفس المكان وبرضة بتنادى عليك بسسسس أستاذ يا أستاذ دقيقة واحدة لو سمحت ..... :d !!! بكل صراحة هتعمل إيه ؟! هتسيبها وتمشى ولا هتروحلها ؟! لو مشيت هتمشى ليه ؟! ولو رحت عندها هتقولها إيه .. حط نفسك فى الموقف دة وقلنا هتعمل إيه بالتفصيل ;) |
السلام عليكم أخي العزيز
و الله الظاهرة دي موجودة في مجتماعتنا بكثرة و الذي أقوله ان لو أنت لاحظت وجودها أكثر من مرة فيجب عليك نصحها بالتي هي أحسن و افهمها أن العمل أفضل من سؤال الناس أما ان كانت ممن يستحق الصدقة فعلاً فيمكنك إصلها لأقرب مسجد به لجان زكاة تحدد لها قيمة شهرية كما هو متعرف عليه و نعرف ناس أفاضل أخذوا على عاتقهم أن يعيلوا عدد من الاعائلات الفقيرة تعرف إن عندنا في المدرسة قامت إحدى زميلاتنا بتجميع أسماء الطلاب الذين يعانون من مشاكل مادية و نقوم بجمع مبالغ صغيرة من بعض و تقدم لأهل الطالب بواسطة المدرسة جزاها الله خيرا و لا تنسى أن سلوك هذه الفتاه نحن كلنا مسئولون عنه |
اقتباس:
انا عن نفسى لو كان معايا فلوس تكفى هديها وامرى لله |
انا عن نفسى اول مره هديها الى هيه عاوزاه بس مش معنى كده انى لو قابلتنى تانى هديها فلوس تانى دة انا انصحها انها متعملشى كده وتشتغل احسن واذا كانت جميله يعنى زى مابتقول تشتغل وتستنى ابن الحلال الى نصيبها فيه وتتجوزة وخلاص
|
انا هقولها هاتى الفلوس اللى اديتهالك الاسبوع اللى فات
|
موقف صعب جداً و أنا بصراحة مش متوقعة حاجة معينة هعملها لإنى لما بفكر فى اللى هعمله 100% مش بعمله زى ما فكرت فيه الله أعلم ممكن أديها تانى ولا لأ يمكن تكون نصابة و يمكن تكون إتحطت فى الموقف ده مرتين .. الله أعلم بعباده بس عموماً هديها المرة الأولى و ممكن التانية أطنش و أمشى ولا أكنى سامعة حاجة ولا شايفة حاجة :romarioxp6: |
اول مره هديها عادي لو معايا .. تاني مره بقى .. هقولها .. يا راجل ؟؟ انتي بتستهبلي ؟؟ هو انتي مش لسه مروحه بلدكم دي من اسبوع ؟؟:mad: واحتمال اسيبها وامشي .. اصل انا مبحبش حد يستقرضني .. غريبه فعلا الظاهره .. وللاسف منتشره .. ويمكن بأشكال تانيه غير كده .. تعددت الاسباب .. والنصب واحد.. يا ما لسه هنشوف ..:stickjo4: |
اقتباس:
وعليكم السلام أبو علياء أنا متأكد لو كنت قلتلها تعالى معايا لجنة الزكاة كانت هترفض ولو كنت نصحتها الله أعلم هيكون إيه رد فعلها إنما زميلة حضرتك اللى فى المدرسة لها كل الشكر والجزاء الحسن من الله عزوجل وطبعاً سلوك هذه الفتاة يسأل عنه المجتمع بكافة عناصره أشكرك على المشاكة القيمة وأتمنى لك التوفيق .... |
اقتباس:
حتى لو كنت عارف إن الموضوع كله عبارة عن كدبة وعملية نصب ؟!! |
اقتباس:
النصيحة فى حد ذاتها شئ جميل لكن هل لو كانت جميلة فعلاً وحسيت إنها فعلاً محتاجة ومش نصابة ممكن تفكر ولو لمرة إنك تتجوزها لمجرد إنها صعبت عليك ؟! سؤال صادم شوية ;) |
اقتباس:
لكن تفتكرى إنك هتقدرى تستردى الفلوس دى مرة تانية ؟! أشك :(:( |
اقتباس:
طب هو مش فى حديث شريف بيقول : " لا يلدغ المؤمن من جحر واحد مرتين " أعتقد الحل التانى هو أنسب الحلول وهو انك تمشى وتطنشى وكأنك مش سامعة حاجة يعنى هو حل أفضل وأسلم فى نفس الوقت .... أهلاً بيكى أسيل نورتى الموضوع :022yb4: |
اقتباس:
دة ساعات الواحد بيكون ماشى فى أمان الله يلاقى شاب ماشاء الله طول بعرض يوقفه ويقوله أنا مسافر ومش من هنا ومحفظتى ضاعت ادينى تمن التذكرة والغريبة لما تقوله هشتريلك تذكرة أو اركب ميكروباص وانا هحاسب السواق تلاقيه يرفض بشدة وممكن يسيبك ويمشى علطول ... طب دة نسميه إيه ؟! :mad: |
اقتباس:
|
بصراحة شديدة هطنشها و امشى ولا كانها بتنادى علية اصلا يعنى بمعنى اصح هستهبل
|
اقتباس:
ناصحة ناصحة يعنى :d بس المهم تعرفى تاخديهم أصلاً نورتى الموضوع .... |
اقتباس:
وبطريقة تخليكى لازم تردى عليها صعب تطنشى :romarioxp6: ساعات المواجهة بتكون الخيار الوحيد المتاح للمواطن :p |
هروح لها ..و اقولها اتقي الله
لو بتضحكي على الناس مش هينفع تضحكي او تهزري مع ربنا جزاك الله الجنة:) |
اقتباس:
الله يفتح عليكى رد مفحم بجد بارك الله فيكى ... |
انا بقا هروح لها عادي جدا جدا ومن قبل ما تتكلم خالص هقولها طبعاً مروحة البلد ومش معاكي فلوس تروحي بيها وعايزاني اديكي فلوس مش كدة ؟ كدة يبقي في رد من الاتنين : الاول ان هي تقولي ايوة وانتا عرفت منين فانا هقول لها لا اصل انا بتاع المرة اللي فاتت وعلي فكرة انا اديتك عشرة جنية (( مثلاً )) وبصراحة انا كدة عرفت ان انتي نصابة ولو سمحتي انا محتاجهم دلوقتي فهي هترد اكيد تقول خلاص خلاص يا كابتن انا متشكرة او انا هتصرف او انا مش نصابة او معلش او اي حاجة تتطلع نفسها بيها من الموقف المحرج اللي انا حطيتها فيه اما الرد التاني ان هي تتطلع بنت علي حق وبتتحرج بجد فهتقول لا طبعا انا مش محتاجة فلوس انا بس كنت عايزاك تعديني الطريق وبكدة في اي حالة من الحالات انا مادفعتش فلوس مرتين ومؤكد طبعاً انا هنصحها ان هي تبعد عن الحوارات دي وتدور علي شغل احسن وشكرا علي الموضوع الحلو ده وتقبل مروري :022yb4::022yb4::022yb4::022yb4::022yb4::022yb4::0 22yb4::022yb4: |
تفكير رياضى منطقى جداً وتصرف عقلانى يا بشمهندس
وفى كلا الحالتين انت موقعتش فى الفخ شكراً جزيلاً على المشاركة نورت الموضوع بجد ... |
ايه يا جماعه الاجابه واحده بس والموقف دا حصل معايا
كل ما في الموضوع قلتلها انتي منين قالتي من البلد كذا قلتلها طيب تعالي وانا اركبك وادفع لك المواصلات لقيت وشها احمر وسكتت شويه وسبتني مشت |
اقتباس:
خير ما فعلت المهم كل واحد يكون عنده الفطنة ناحية هؤلاء المرتزقة وشكراً على مرورك ... |
والله هي اول مرة هديها فلوس عادي...لان ممكن تكون بجد والله اعلم..
لكن لو شفتها تاني وبتطلب نفس الطلب....هههههه مش عارفة... اصلي ساعات لازم اتحط في الموقف عشان اعرف ارد.. بس ممكن افترض اني هعرفها ان انا اللي خدت مني المرة اللي فاتت ...واقولها ربنا يهديكي بجد..... شكرا ليك على الموضوع الجميل جدااااااا.... جزاك الله خيرا... |
| جميع الأوقات بتوقيت GMT +2. الساعة الآن 06:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.