|
هل يمكن أن يصل التنسيق الى تنسيق 2007 ؟
هل يمكن أن يصل التنسيق الى تنسيق 2007 ؟ أنا أعصابى تعبت و الله :giljotiiniug3: |
انا اتمني انه ميوصلش كدا
لان السنه دي كانت عاليه اووووي كلها ساعات ونعرف |
احتمال يوصل زي 2007 لان الامتحانات كانت سهله جدا زي 2007
|
يا ساتر يا رب ليه كده بس
يا رب ميوصلش كده خالص يا رب ده التنسيق كان عالى أوى |
اقتباس:
هما ف 2006 كانت الامتحانات سهله يعني ف السنتين كانت امتحانت سهله |
لا خلي بالك في فرق بيننا وبينهم
احنا تانيه عندنا غير عندهم خالص تانيه عندنا نسبه المجمايع مكنتش زيهم خالص والامتحانات كانت اعلي من امتحاناتهم كتير تالته تقريبا نفس المستوي ما عدا الرياضيات 2 لانها كانت اصعب من سنتهم كتير |
يعنى التنسيق ممكن ينزل عن سنة 2007 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا رب مبيبقاش زيها دا التنسيق كان عالى أوى :( |
انا اعصابى بايظة انا كمان ربنا معانا كل واحد بيقول توقعات غير اللى التانى بيقولها لحد ما الواحد حاسس انة تايه سيبوها على ربنا ياجماعة واللى ربنا كتبه هيكون بس معتقدش انة هيكون زى 2007 هو ممكن يكون اعلى شوية بس مش كتير عن السنة اللى فاتت
|
انا علمى علوم وبيقولو ان تنسيق كليات الطب هيعلى ربنا يستر
|
ربنا يستر
وكل واحد يدخل الكليه اللي هو عايزها وان شاء الله ربنا يقدم لنا اللي فيه الخير لينا |
هيعلى عن 2007 ؟؟؟؟؟ ولا عن 2008 ؟
|
التنسيق لو بقى زى 2007 يبقى روحنا فى ستين داهيه والعياز بالله
|
اعلي من 2007 ؟؟
مش ناقصه اشتغالات بقا |
لا مش هيعلي عن2007
ده احنا كده هندخل النار مش الكليه |
انا م اول م النتيجه طلعت
مابصتش ع تنسيق2008 خالص قولت استحاله هنبقى ازيهم لان سنتهم الامتحانات صعبه جدا والمجاميع نزله جدا بصيت ع 2007 اتعقدت والحمد لله بس بيتهقلى انه مش هيبقى زيو لان 2 عندنا امتحانتها كانت صعبه شويه هو مممكن تبقى قريبه مننها بس ربنا يعمل اللى فيه الخير |
على رايك كده ندخل النار مش الكلية
يا رب الطف بينا يا رب |
اقتباس:
يخربيت التشاؤم يا لولو ملاقتيش الا النار |
على ما اعتقد لا لان مجاميع سنة تانية بتاعتهم اقل واحد فيهم علمى كان جايب 93% لكن السنة دى فى تانية مجاميع تعبانة بس هما الاتنين بيشتركوا فى الامتحانات السهلة فى تلتة علشان كدة هتكون التنسيق بين 2007 و 2008
|
كله يدعى يا جماعة يبقى زى 2006 أو 2005
ياااااااااا رب |
رأيى انه حيبقى اقل من 2007 شوية بس مش زى 2006
|
احياء 3 كانت صعبة السنة دى :(
|
ياجماعة احنا مش هنفتى هى باينة زى الشمس تنسيق السنة دى هيبقى اعلى شوية ضغيرين عن السنة اللى فاتت لأن السنة اللى فاتت كانت الامتحانات مش سهلة لينا لما كنا فى تانية ولبتوع سنة 3 ثانوى ولكن كانت اصعب لبتوع 3 ثانوى كمان وبعدين كمان المجاميع السنة دى متكررة كتير وكمان عايزين يقللوا اعداد الطلبة اللى عايزين يدخلو كليات الطب امال اللى جايب 96% ولا 95% يروح فين!!!!!!!
|
تنسيق 2006 مكنش قليل أوى يعنى
|
يا رب يبقى اعلى شوية صغيرين عن 2008
|
والنهاردة فى الجمهورية بيقولو انهم مش هيخفضوا اعداد المقبولين ف كليات الطب اية الاشتغالات دى بقى !!! مرة يقولو هنقلل الاعداد ومرة هيقولو لا لا احنا غيرنا رأينا ومش هنقلل!!!
|
عمره ما حيكون زى 2007
هو هيزيد عن السنة اللى فاتت 3 درجات بالكتير و بكره تشوفوا |
على فكرة عايز أقولكم إنى أنا من دفعة 2007 وأنا الحمد لله دلوقتى فى كلية طب رايح فرقة تالته طب المنوفية أعلى طب فى سنتنا واللى بيقول ان امتحاناتنا كانت سهلة فأنا شايف انها مش السهلة أوى للدرجة دى شوفوا انتوا امتحان الفيزيا بتاعكم بتهيألى أسهل امتحان فيزيا فى تاريخ الثانوية العامة وفى سنتنا فعلا كان التنسيق عالى جدا بس هو توفيق ربنا فى الأول والآخر وعايز أقولكم حاجة فعلا اللى عايز يروح طب بس عشان بابا و ماما عايزين كده فبجد هيندم آخر ندم لكن لو من نفسك عايز تبقى طبيب محترم وشخص ذو قيمة فأهلا بيك فى الطب وتعبه ومشواره عايز أقولكم يا اصحابى الصغيرين ان دفعتى كانت فى سنه أولى 582 وفى تانية 435 راحوا فين ال 150 دول منهم اللى حول من الكلية خالص ومنهم اللى بيعيد أولى أخيرا يارب حقق لكل واحد حلمه الى تعب عشان يوصله |
ازاى دفعة 2008 و رايح ثالثة ؟
|
:028ja7::stickjo4:أخر الأخبار أن تنسيق الطب السنة دى هيعلى أوى والجامعات الخاصة هتشتغل كتير
|
والله لو الواحد جايب 100% ومش مكتوبلة الكلية اللى كان عايز يدخلها مش هيدخلها ولو جايب 96 ولا 95 ومكتوبلة صيدلة ولاحاجة هيدخل وربنا هو عالم الغيب وعارف اية الاحسن لينا وبيديهولنا*
--اللهم يا فارج الهم ومذهب الأحزان ومجيب دعوة المضطرين يا رحمان الدنيا و الآخرة ورحيمهما أنت رحماني ورحمان كل شيئ فارحمني رحمة تغنيني بها عن رحمة من سواك -- |
مين قالك ان تنسيق طب هيعلى أوى حرام عليك و الله ما ناقص تعب اعصاب
|
يارب كلية الصيدلة ولا الأسنان تنسيقها يقل عن التوقعات عشان انا حسة انى ضعت ومش عايزة ادخل بيطرى:(يارب سهل وعدى الساعات دى على خير
|
2007 ايه بس
لا طبعاً اصلاً السنة دى اللى جيبين 400 فما فوق اقل من 10 الف اما فى 2007 كانوا اكتر من 16 الف |
يا جماعةاسالكم التوكل على الله ونعم بالله العلى العظيم
|
الله اكبر على اعتمادك على الله ياviolet1
|
بس بقى هى مش نقصاك 2007 اى بس داه كان الطب من 99.1 اما تجيلك الفكرة دى قول للشيطانن ابعد يا شيطان وقوم اقرا قران وونبى بلاش المواضيع الى تخض دى
|
متقلقوش ياجماعة خير ان شا اللة بس اتوكلوا على اللة ومتفكروش فى الموضوع دة كتير مش هنستفيد حاجة مش شدة الاعصاب دى قوموا صلوا وادعوا وان شا للة هتبقى فلة :)ثقوا وحطوا امل في ربنا وادعوا وهيدينا اللى عايزينو بأذن اللة
|
اقتباس:
|
ربنا يطمنك pureheart
و نعم بالله يا رب استر |
بس أنت عرفت الاعداد منين ؟
|
قرفتونا بام المواضيع دى مش عارفين تستنوا كام ساعه!!!!!!!!!!! يارب ارحمنا
|
لاااااااااااااااااااااااااااااااا انا كدا حاخد استمارة 6
قول يارب ميزدش عن 2008 الا حاجات بسيطه 4 درجات بالكتير ان شاء الله |
يا رب بندعى يا رب استجب
|
يعقد الدكتور هاني هلال وزير التعليم العالي والدولة للبحث العلمي مؤتمرا صحفيا غدا يعلن فيه نتائج قبول طلاب المرحلة الأولي للناجحين في الثانوية هذا العام بالجامعات من الحاصلين علي حد أدني380 درجة بنسبة92,68% من المجموعة العلمية و328 درجة بنسبة80% من الأدبية والتي تستوعب قبول119 ألف طالب وطالبة.
كما سيعلن الوزير عن الحد الأدني للقبول بكل كلية علي حدة والمؤشرات الخاصة بالمرحلة الثانية والثالثة والأماكن الخالية لها والنتائج النهائية لتحديد الاعداد بكل كلية ويعلن ايضا الحد الأدني للقبول في المرحلة الثانية المنتظر أن تبدأ الأربعاء المقبل وتستمر لمدة5 أيام. وصرح الدكتور هاني هلال وزير التعليم العالي والدولة للبحث العلمي بأن البعض يفسر نسبة الـ5% التي يحددها المجلس الأعلي للجامعات ويفوض فيها الوزير لزيادة الاعداد عن الأعداد المقررة من قبل تفسيرا خاطئا حيث لايســتطيع الوزير استخدامها لزيادة اي أعداد لتخفيض الحد الأدني للقبول في أي كلية ومنها كليات القمة وأن استخدامها فقط يكون عندمـــا يتساوي أكثر من طالــب في الحد الأدني للقبول فيتم قبولهم جميعا لتحقيق العدالة وتكافؤ الفرص. مؤكدا أن هذا التفويض يتم استخدامه في جميع مراحل التنسيق الثلاث لجميع الكليات وليس لطلاب المرحلة الأولي فقط ومشيرا الي أن استخدام هذه النسبة لايدخل في زيادة الاعداد نهائيا التي هي قرار للمجلس الأعلي للجامعات يحددها وفقا لاحتياجات الدولة والقدرة الاستيعابية للجامعات التي بلغت ذروتها وأصبحت المدرجات تكتظ باطلاب بالرغم من التوسعات والكليات الجديدة وتحويل5 فروع الي جامعات مستقلة. وأضاف أنه ليست هناك أية اتصالات مع نقابات أو هيئات أو جهات من أجل زيادة أو نقص اعداد المقبولين بالجامعات خاصة في كليات القمة وأن مايقال حول ذلك ليس له أساس من الصحة حيث تطبق الوزارة سياسة واحدة أكدها المجلس الأعلي للجامعات وأن مكتب التنسيق الالكتروني يتعامل مع توزيع الطلاب وفقا للنتيجة التي حصل عليها من وزارة التربية والتعليم بمجاميع الطلاب والاعداد التي حددها المجلس وأن ارتفاع الحد الأدني أو انخفاضه تحدده نتائج الثانوية العامة ويظهر واضحا في المجمع التكراري لمجاميع الطلاب بعد إضافة المستوي الخاص ويقوم المكتب بترتيب الطلاب حسب مجاميعهم لاعلان الحد الأدني ورغباتهم المسجلة بالحاسب. وصرح السيد عبد الحميد سلامة الوكيل الأول بوزارة التعليم العالي والمشرف العام علي مكتب التنسيق بأن مكتب التنسيق الالكتروني بدأ من صباح أمس اجراءات المراجعة النهائية لطلاب المرحلة الأولي ثم بدأ في توزيع الطلاب علي الكليات وفقا لرغباتهم والاعداد المحددة من المجلس. |
و ما الجديد ؟ مشكور ع العموم
|
ان شاء اللة هيبقى زى 2005
وادعولى |
المهم امين
ربنا يوفق الجميع يا رب |
يارب التنسيق ميزيدش عن 0.5% من السنة اللى فاتت
عشان الحق اسنان او صيدلة يارب...ادعولى |
يا رب ربنا يسمع منك
|
بصوا عشان تعرفوا ترتبكم فى مواقع بتقول الترتيب زى موقع الاستاذ
و ديه مش دعاية للموقع و لا حاجة لما تدخل الموقع حيبقى فى اختيار اسمة اعرف ترتيبك لما تدخله حيقولك ترتيبك على شعبتك بعد اضافة المستوى الرفيع و المفروض انهم حيخدوا ( تبع اللى اتنشر فى الاهرام ) 15048 طالب فى كليات الطب البشرى و طب الاسنان و الصيدليه و العدد ده يزيد فى حالة تساوى الطلاب فى نفس الدرجة و ربنا يستر و كل واحد يدخل اللى هو عايزه |
| جميع الأوقات بتوقيت GMT +2. الساعة الآن 04:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.