طلبة الاعلام
 

ازيكو يا جماعة
انا عايزة اعرف مين جاله كلية اعلام القاهرة:078111rg3: السنة دي علشان نتعرف على بعض
وخصوصا لو كانوا بنات
سلام

انا كده حسيت بالوحدة
مفيش حد اعلام نهائي طب مفيش طلبة تانية او تالتة او رابعة

أنا جالى كلية اعلام القاهرة

انا كمان جالى اعلام القاهره
وانا كمان عايزه نتعرف
ازيك يانيمو ازيك ياعصام ؟

اهلا بطلبة اعلام
اهلا عصام
اهلا roupy
يا رب تكون سنة سعيدة علينا

ازيكم يا جماعة
حد يعرف ميعاد التقديم للكلية امتى

التقديم مفتوح من يوم الحد يانيمو عربي
والانجلش كان قبل كده كمان

الف شكر يا رحاب(على ما اعتقد)
بس قسم الانجليزي ايه مصاريفه ومميزاته

العفو يا نيمو لا شكر على واجب
بس هو انتى عرفتى منين اسمى
على فكره قسم انجلش مصاريفه 6000 جنيه ومميزاته بقي بصراحه مش عارفه
لما تنزلى الكليه هتلاقي ناس كتير انجلش قدام وهما يفيدوكى اكتر

السلام عليكم ازيكم يا طلبة اعلام انا كمان الحمد لله جالى اعلام القاهرة وارجو ان نكون على مزيد من التواصل يا نيمو انت وروبى وعصام

انا بيتهيألي اني قرأت قبل كدة موضوع تعارف وانتي كنتي كاتبة فيه ان اسمك رحاب
اصل انا بحب اعرف اسماء الاعضاء الحقيقية معرفش ليه

ازيكم يا جماعة يا رب تكونوا بخير
ممكن للتفاعل اكتر
كل واحد يكتب مجموعه في الثانوية العامة ويكتب هو دخل اعلام ليه
ولو حد يعرف معلومات اكتر عن الكلية يكتبها

واهلا وسهلا بصديقتنا الجديدة المريمية
على فكرة يا جماعة انا اسمي منى

ايه اخبار الكشف الطبي يا جماعة
كشف كشف يعني ولا ايه

فينكم يا بنات

ازيك يا منى(نيمو) انا كمان مش عارفه حاجة عن الكشف الطبى لكن روبى عملته ان شاء الله تفيدنا هى وانت عملته ولا لسه

ازيك يامنى وازيك يامريميه وانت ياعصام مش بتشارك ليه معانا
بالنسبه للكشف الطبي فهو عادى يعنى بيكشفو نظر (اللى هو يقولك دى مفتوحه منين وكده)
وبيكشفو اسنان (يادوب بيبصو بصه كده عادى)
والباطنى بقي بيسألك اذا كان عندك امراض او لا
يعنى مفيهوش اى قلق مجرد اجراء روتينى

هاي بنات انا برضه اعلام القاهره بس الجامعه المفتوحه
انا من 6 اكتوبر لو حد كمان ني اكتوبر ياريت نتعرف:049gc0:

أنا هاني عايش في قطر وعندنا فرع هنا من جامعة القاهرة وجالي إعلام بس لسة في مقابلة شخصية لي هيتصلو بي يومها
وعلى فكرة الجامعة اللي هنا دراسة على الانترنت والتلفزيون يعني مفيش مقر ليها أروحها... قالولي كمان ان المقابلة الشخصية دي
هتبقى على الهاتف مع دكتور... وده زاد الطين بلّه معايا... فيا ريت وأتمنى أعرف إيه هي بالظبط الحاجات اللي لازم أذاكرها قبل المقابلة دي.

ياريت نتعرف وتشاركو معايا عشان أستفيد ويستفيد اللي ماكانش يعرف

هاي بنات
ايه الرقم الموحد ده وايه اهميته
اللي يعرف يا ريت يقولي ويقول بنجيبه منين

الى اين ذهبتم يا طلبة الاعلام

ربنا يكون فى عونكو و الله
التعليم المفتوح ده حيدمر كلية الإعلام

السلام عليكم
فينكم ياطلبة اولى اعلام ؟؟؟؟؟؟؟
ياريت كل طلبة اولى اعلام يدخلو ونتعرف على بعض ولوحدعنده اسفسار يسأل التانى وكده
عشان نبقي عارفين بعض في الكليه ومنبقاش مستغربين الجو اكيد ده احسن
فياريت الاقي تفاعل من اولى اعلام او حتى مش شرط اولى لوفي حد قديم يفيدنا بردو يكون كويس جدا

حمدا لله على سلامتك يا روبي
شغلتيني عليكي بقالك شهر وشوية مدخلتيش المنتدى
الحمد لله انك دخلتي تاني ونورتي الموضوع

قولولي حتروحوا الجامعة امتى وحتاخدوا معاكم ايه وكده
وارجوكم متنيموش الموضوع عايزة تفاعل ورد

انابأذن الله رايحه الجامعه بكره يوم الاحد يعنى هشوف الجدول نزل ولا لأ وادفع المصاريف يعنى واشوف النظام هيبقي ايه وهبقي اقولك
see you ya 2mr

منتظراكي يا سكر تروحي وترجعي بالسلامة ان شاء الله

الله يسلمك ياجميل
انارحت وسألت على الجدول وهو لسه منزلش بس فيه اجتماع يوم السبت لازم تحضريه هيكون الساعه 9ونص ان شاءالله ولسه هنملأ استمارات ومواد اختياريه وحجات كده والجدول هينزل الخميس
والمصاريف 251 جنيه
خلينى اشوفك يوم السبت اوكى
باى ياقمر

ازيكو يا جماعة انا سنة اولى اعلام بس انا شهادات معادلة ومش في مصر دلوقتي فعايزة اعرف ايه نظام الاجتماع وهل لازم الكل يحضره ونكمل التسجيل ولا عادي بعد اسبوع من الدراسة بس بليز حد يرد عليا

:av4056bb7jp3:روبي جت :av4056bb7jp3:روبي جت حمدا لله على السلامة:):)
يعني الجدول لسه حينزل يوم الخميس طب الحمد لله نبقى ننقله السبت ان شاء الله
بس ايه حكاية الاجتماع ده حيكون فيه ايه وفين بالظبط متعرفيش؟؟؟
وان شاء الله نتفق علشان نعرف نشوف بعض يوم السبت
انا خايفة جدا من الكلية وربنا يستر ونقدر نتأقلم عليها بسرعة يا رب
استر ياااااااااااااااااااا رب

نورتي الموضوع miss_vip وان شاء الله روبي تقدر تفيدك

ثانكس يا nemo _92 ولو انتي عندك معلومات عن اعلام انجلش مصاريفها كام للشهادات المعادلة وبتقبل من كام في الانجليزي ياريت تفيديني

والله انا كل المعلومات اللي عندي عن اعلام انجليش انه بيبقى ب6000جنيه في السنة للثانوية المصرية العادية معرفش هل حيختلف للثانوية المعادلة ولا لأ
وبيقبلوا من 48 درجة في الانجليزي

شكرا يا nemo_ 92 ع المعلومات بس انا جايبة 95 في الانجليزي من 100 مش عارفة اتقبل ولا لأ عموما لو عندك معلومات عن الاجتماع ممكن تقوليلي ؟
معلش سؤال تاني انتي شايفة ادخل اعلام عربي احسن ولا انجليزي ومين الاسهل ؟

والله الاجتماع معرفش عنه حاجة لكن اتمنى ان روبي تفيدنا
قسم الانجليزي مميزاته ان اكيد الاعداد حتكون قليل في المحاضرات و فرص الشغل حتبقى افضل لكن مصاريفه كتير
لكن انا عربي ان شاء الله بس مش عارفة مين الاسهل
ربنا يستر ان شاء الله ويكون الاتنين سهلين يا رب:)

السلااااااام عليكم
ازيك يا منى ,عامله ايه ياقمر
ازيك يا miss_vip منوره صفحة طلبة الاعلام وان شاء الله تنورى الكليه
بصو يا عساسيل بالنسبه للاجتماع انالما رحت يوم الحد وسألت في شئون الطلبه قالولى اسئلي في الاستعلامات رحت الاستعلامات قالتلى الجدول لسه منزلش لكن هتيجى تحضرى الاجتماع يوم السبت الساعه 9ونص ومتهيالى انه ضرورى وحتى لو مش ضرورى اوى اهو بردو نعرف ايه الى هيحصل وتكون فرصه ناخد ع الجو ونتعرف على بعض وعلى الدكاتره
اما بقي عن اعلام انجلش فكل معلوماتى هى الى قالتها منى يعنى عن الثانويه العامه المصريه بس ممكن افيدك بردو
انتى ممكن تاخدى رقم تليفون الكليه وتتصلي وتسالى عن كل الى انتى عايزاه
وده الرقم 35675441
ولو احتجتى اى حاجه احنا في الخدمه
(بليز يا منى ممكن ايميلك الياهو تبعتيهولى على الخاص؟؟؟ )

اه نسيت اطمنك على حاجه يا miss_vip ان اعلام عربي واعلام انجليزى الاتنين سهلين الحمدلله وده كلام سمعتو على لسان ناس كتير رايحين تانيه (في اعلام الى يحضر المحاضرات ويقراها يجيب جيد الى يذاكر عادى يجيب جيد جدا والدحيح الى بيذاكر جامد يعنى يجيب امتياز على طول )وده كلام معظم الناس هناك يعنى متقلقيش نفسك
والفرق بين اعلام عربي وانجلش هو انك بتدرسي نفس المواد بتاعة عربي لكن بالانجلش

مرسيييه اوي يا nemo _ 92 ويا روبي ع المعلومات دي وهستناكو تقولولي ايه اللي هيحصل في الاجتماع ويارب ميفوتنيش حاجة بقى

ازيكم يا بنات عاملين ايه يا رب دايما بخير
ويا رب دايما منورين الموضوع

اذيكم يا بنات انا اسمى اميرة ودخلة اعلام وكنت عايزة اعرف اذا كنا هنروح يوم السبت وامتى هناخد الكارنيه ارجوكم ردوا عليا لا ن انا من السويس والمشوار متعب

ارجوك اول ما حد يدخل يرد عليا انا مستنيه

ازيك يا princess of winter
بصي انتى لو تقدرى تيجى السبت تعالى الساعه 9 ونص
اما بقي الكارنيه فمتهيألى لسه مش دلوقتى خالص
لان لسه فيه مواد اختياريه
وعموما لورحتى بكره هتعرفي اكتر

هاي ازيك يا نيمو و يا روبي ايه اخبار اول يوم جامعة يا ريت حد يقولي ايه النظام ولو حد قدر يجيب الجدول

ثاااانكس

هاى يابنات ازيكم ,اخباركم ايه
ياترى فيه حد دب المشوار ع الفاضي زيي يوم السبت
اصل الاجتماع يومها اتأجل ليوم الاتنين
بس حضرت ندوه عن انفلونزا الخنازير
وحضرت ساعه من حفله كانت عاملاها اسرة من اسر الكليه
وللعلم يعنى للجميع
الجدول هيكون يوم الخميس والتسجيل واختيار المواد يوم الخميس وبناءاً عليه هيكون الجدول لان الجدول عندنا شخصي يعنى كل واحد جدوله مختلف عن التانى
مستنيه ردودكم وياريت نتقابل على خير

اه هنقوليلى على المشوار يلا بس كنا عايزين نعرف المواد الاختيارية دى ايه الاسهل فيها نخده

ezyko ya talabet masscommunication ento feeeen
a5bar eldonya eh m3ako