|
علوم ولابيطرى؟؟؟
السلام عليكم ورحمه الله وبركاته
انا جايبه 95.6 وكنت خلاص مقرره علوم لكن اهلى بيقولوا بيطرى انا كنت ارتحت واحترت تانى بيقولوا علوم صعبه وانا مش عارفه اعمل ايه خصوصا انا من اسكندريه يعنى بيطرى مش هتكون فى محافظتى وهضطر اروح بيت طالبات او اروح وارجع كل يوم وده كده هيضيع اليوم منى ارجوكم ساعدونى فى اختيارى |
لو انتى بتحبى مواد العلوم زى الفيزياء و كده فمش حتكون صعبه عليكى ان شاء الله و كمان علوم مستقبلها احسن
انا شايفه كده و ربنا يوفقك |
بيطري
في اقسام كويسه برده |
انا من رايي ادخلى بيطري احست واسهل بكتير وفيها امر تكليف
|
بيطري احلي علوم صعبة وعلي الاقل بيطري تبقي دكتورة
|
بيطري طبعا احسن من علوم بكتير ومجالات الشغل فيه كويسه
على فكرة البيطري صعب برضه زي العلوم ويكاد يكون اصعب لانهم بيدرسوا مواد كتير جدا جدا جدا |
شكرا لمساعدتكم
بس مش عارفه اختار ايه هستحمل اروح بيت طالبات بعيد عن اهلى وانا اصلا مش بعرف اعمل كوبايه شاى هعمل ايه وقتها هذاكر ولااعمل الحاجه |
اقتباس:
لان بيطري ملهاش مستقبل حتى شالوا دبلومة التحاليل من عليهم ومش من حقهم يفتحو معامل تحاليل |
بيطرى مش حلو خالص وشوفى بقى لو قلتى لحد الى انتى فى بيطرى على التريقة الى هتخديها العلوم احسن وفيها مجالات كتير اوى اوى احسن علوم البيطرى ملوش مستقبل فى مصر
|
|
خلاص انا هتوكل على الله وادخل علوم
واللى فيه الخير يقدمه ربنا متشكره جدا ليكم |
دة كان من شهريين ومنعوا اي حد من بيطري انه يشتغل في التحاليل ومنعوهم بردوا من انهم يفتحوا معامل تحاليل ودة كانت ناس كتير اوى في بيطري بيعتمدوا عليها بعد ما يتخرجوا
|
انا كنت في تجاره انجلش و هحول علوم ان شاء الله
|
أختي برضه كانت في نفس الحيرة ودخلت علوم في الآخر الحمد لله
|
ادعولي ربنا يوفقني فيها
|
اقتباس:
تريقه ؟؟ دبلومه التحاليل من سنين طويله اتلغت برضه ورفعوا قضايا ورجعوها تاني ده غير ان في دبلومات تانيه كتير حتي لو دي مش رجعت سوري ده رايي العلوم كليه جميله لكن لما نيجي نفضل هتكون البيطري ليها الاولويه |
اقتباس:
بس هى دى الحقيقه بيطري ملهاش مستقبل والمعظم كان بيدخلها وبعد كدة بيشتغل في التحاليل خصوصا البنات بس التحاليل اتقفلت بقرار من مجلس الدوله وبالنسبه لعلوم علوم افضل من جميع النواحى واكتر كليه علميه ليها شغل |
وع فكرة يا جماعة واللهى ما بجاذف لما بتدخل اولي علوم بتلاقي ربعهم كان جايلهم بيطري ومحولين لعلوم عشان مجالات الشغل وعشان انتوا عارفين بيطري يعنى
|
طبعا علوم احسن كفايه ان اتخرج منها الدكتور العظيم احمد زويل
|
بلاش كل واحد يصصمم على رايه علوم كويسه بس صعبه وانا فى نفس الموقف تقريبا بس من وجهة نظري ان الدكتوره افضل من غيرهال لو حابه ده كما لاحظوا دلواتى انفلونزا الطيور والاخنازير برضو وفى الاول والاخر الارزاق بتاع ربنا
|
بس مش كل واحد داخل علوم يبقا احمد زويل ... البيطري كليه محترمه و ممكن تشتغلي في شركة أدويه
و على فكره الأرزاق دي بتاعت ربنا |
انا بردو فى نفس الموقف جبت 95.5
والحق بيطرى وعلوم ومش عارفة لأن كتير بيعيدوا السنة فى علوم وبيقولوا صعبة |
انا جايب 95.2 وحاخش بيطرى ان شاء الله ان عشنا
خشى عالرابط ده http://www.thanwya.com/vb/showthread.php?t=129693 |
اقتباس:
سواء كان ميدكال ريب او في شركات الادويه او كان فاتح معمل تحاليل دى نقطة فكدة كدة كلمه دكتور في علوم مافيهاش فصال .................... بالنسبه لبيطرى وانفلونزا الطيور والخنازير الناس بتتخرج وبتقعد ولا انفلونزا ولا احزنون واللهى دى حقيقة .................. كان في شهر 5 اللي فات عايزيين عدد من خريجى الطب البيطري حوالي 500 واحد عينوهم ع 500 جنيه واكيد اللي اتعين بالواسطة طبعا .................. |
اقتباس:
كفايه دى |
الى كل من يجهل بالطب البيطرى
المشاركة الأصلية كتبت بواسطة a l m a s http://www.thanwya.com/vb/life/buttons/viewpost.gif
د.قمر .. الف شكرليكي .. يا ريت تكتبي لنا ككل اللي تعرفيه عن كلية الطب البيطري .. الطب البيطرى علم بيدرس كل حاجه عن الحيوان وبتتخرج منها وانت بتعرف حاجات كتير جدا عن الانسان لان جميع اجهزة الجسم مشتركه مفيش فيها اى اختلاف تماما مجالها اوسع كتير من البشرى وكفايه انك بتعرف معلومات عن حاجات 99%من الشعب المصرى جاهل فيها ولا يدرى بيها اى شئ يعنى انت هتبقى مميز انا هتكلم الاول على المجالات يعنى السؤال الوحيد ال انت بتساله لنفسك انا لما اتخرج هشتغل ايه يعنى ببطرى دى 1-تقدر تعمل دبلومة البايو ال من خلالها تبقى دكتور تحاليل مش اقل من اى دكتور بشرى كمان هتمتلك الصلاحيه ف عمل نوع من التحاليل(اعتذر بس انى نسيت اسمه)ال متخرج من علوم مش بيعرف يعمله وهتبقى ليك الامتياز بكده 2-اشهر مجال ممكن تشتغل من خلاله بيقى مندوب ف شركة ادويه بعد دبلومة الفارماوده الشائع 3-ممكن من خلال دبلومة الفارما دى وتكون جايب تقدير ف مادة الادويه فتح صيدليه تكون 40%بشرى60%بيطرى لان فيه امراض وادويه كتير جدا مشتركه بين الحيوان والانسان 4-مادة التغديه برده بعد انك تجيب فيها تقدير كويس وتعمل دبلومه ممكن تبقى دكتور تغديه ف اى مستشفى يعنى الرقابه الصحيه على الاغذيه 5-من المشاريع الناجحه جداا عمل شركة ادويه بالجمله بتوزع الادويه على العيادات والصيدليات الصغيره (مشروع نادر وناجح جدااااا) 6-دبلومة الباثولوجى ويتم من خلالها العمل ف معامل الاورام 7-معامل تحليل غذائيه 8-شركات الالبان ف مجال الطب الشرعى طبعا كل ده خارج وبعيد تماما عن التعامل المباشر مع الحيوان لان اكيد فيه منا هيواجه فيه صعوبه اما مجالات العمل ال فيه تعامل مباشر مع الحيوان: 9-طبعا تبقى دكتور ف مزرعه وده بجد مركز كبير جدا ف المجتمع 10-ممكن لو عايز تدخل ف المجال اوى يعنى تفتح عياده (اعتقد ان ده من رابع المسحيلات عند ناس كتير) 11-التخصص فى مجال الاسماك 12-طيور الزينه مجال شيق جدااااااااااا (بيكسب جامد جدا) طبعا كل ده غير انك ممكن تتفوق ف دراستك وتجيب تقدير وتبقى م الاوائل وتتعين ف الكليه وتبقى معيد وبعد كده ان شاء الله دكتور ف الجامعه علشان نستفيد اكتر .. لان الناس فاكريين انها كليه اي كلام .. و يا ريت تقولي لنا ايه الاقسام اللي موجودة في الكلية دي اقسام الكليه: 1-قسم التشريح 2-قسم الخلايا والانسجه 3-قسم الفسيوليوجيا 4-قسم الكيميا الحيويه وكيمياء التغذيه 5-قسم الباثولوجيا 6-قسم الباثولوجيا الاكلينيكيه 7-قسم الطفيليات 8-قسم الفيروسات 9-قسم البكتريا والفطريات المناعه 10-قسم الادويه 11-قسم الطب الشرعى والسموموالاجراءات البيطريه 12-قسم الصحه والامراض المشتركه 13-قسم التغذيه وامراض شوء التغذيه 14-قسم الرقابه الصحيه على الاغذيه 15-قسم الامراض الباطنه والامراض المعديه والاسماك 16-قسم امراض الدواجن 17-قسم الجراحه والتخدير والاشعه 18-قسم التوليد والتناسل والتلقيح الاصطناعى 19-قسم الرعايه وتنمية الثروة الحيوانيه دى الاقسام الموجوده عندنا بالفعل ف طب بيطرى المنصوره .. و السنة التخصص بتكون امتى .. ؟؟ لا يوجد سنة تخصص ف كلية الطب البيطرى كل الطلبه بتدرس نفس المواد لمدة خمس سنين وبعد كده انت بقى ال تسلك الطريق ال انت عايزه وعلى فكره النقض بتاع التحاليل هيتقبل بسهوله مش عايزين كلام مالوش اساس الله يخليكو غلط انك تحكم على حاجه انت اساسا ش بتفهم فيها اصلا مصر بتخلفها هى ال عملت كده ف الطب البيطرى لكن ف الدول المتقدمه الطب البيطرى هو التوب ومشبيخلو اى حد يتعامل مع الحيوان الا لما يكون متمكن فعلا ودارس وباحث بس امتى بقى مصر تتقدم وتفهم كفايه جهل بقى..يمكن انا قبل مادخلها كنت بقول نفس كلامكو بس غلطتوعرفت انى كنت غلط فعلا ومن يومها معتش بحكم على حاجه الا لما اكون بفهم فيها والكلام دهمكتوب ف موضوع هنا اسمه الطب البيطرى وانا اقتبسته بس |
على فكره بقى فيه الوقتى توزيع اقليمى يعنى كل واحد بيبقى تابع للمحافظه بتاعته
|
اقتباس:
مع احترامى بردو انا مش بتكلم في الدراسه فاللي حابب يدرس بيطري يدرسوا هو حر انا بتكلم في مجالات شغل علوم اوسع واكتر بكتييييييير جدا ولما هتتخرج هتشوف الكلام دة بنفسك |
ماشى ماحضرتك بتقول ان مافيش مجالاتلشغل بيطرى وده غلط تماما وزى ماحضرتك شايف شوف كام مجال تقدر تتجه ليه من خلال بيطرى ....العقل بيقول ان مجالات بيطرى افضل
وعموما اختلاف الراى لايفسد للود قضيه وعلى اى حال اهم حاجه الانسان يدخل الكليه ال يبقى مقتنع بيها ويقدر قيمتها ومافيش كليه مالهاش فايده |
اقتباس:
وبالنسبه للبنات خصوصا كانت بتدخل بيطري كتير منهم عشان يفتحوا معامل تحاليل ودة منعوه و نقابه الطب البيطري ووزارة الصحة دلوقتى بتدي للطبيب البيطري بعد ما بياخد دبلومة التحالييل مساعد اخصائي تحاليل مش اخصائي تحاليل ودة كمان لينك من موقع بيطري المستقبل ياكد بيه كلامى http://future-veterinarian.com/forum...pic=3591&st=20 وزى ماقلت الاختلاف في الراي لا يفسد للود قضيه |
وانا بوقل لحضرتك ان النقض اترفع واترفع قبل كده وبيتقبل بسهوله ان شاء الله يتقبل وعلى فكره التحاليل ده اخر مجال من مجالات بيطرى ال الواحد يفكر فيها
برده حضرتك مصمم على رايك وبتفكر زى ما معظم الشعب المصرى بيفكر عموما انا ليا الفخر انى ف كليه زى زى وبدرس علم يجهل به 99% من الشعب المصرى ومطمنه جدا من ناحية مستقبلى ان شاء الله |
اقتباس:
و معظم البنات خصوصا كانوا بعد ما بيتخرجوا بيفتحوا معامل تحاليل عشان مش بيلاقي شغل وفيه توضيح تانى قبل ما يمنعوا البطري من التحاليل ياما بيسجل في قسم البكتريولوجيين او الكميائيين الطبيين اللي هو اصلا مجال كليه علوم مش بيطري ........................................... وبالنسبه للبيطري انا مش بقلل منه بس اللي حابب يدرسو هيدرسوا كل واحد ومزاجه وممكن يبدع فيه كمان |
هو القرار فى الاخر لرغبتك هل بتفضل علوم ولا بيطرى عشان تعرف تمشى فيها والشغل والحاجات دى بتاعت ربنا لان الكليتين متميزين ومينفعش حد يقلل منهم
اقتباس:
عشان كده القرار فى الاخر لرغبتك حابب اى كلية وهتمشى فيها ناس كتير بتهرب من علوم عشان صعبة ودى حاجة مصر كلها عارفها اى حد يجيب سيرة علوم كل الناس تقولك الله يكون فى عونك مع انها سهلة وحلوة وممتعة للى بيحبها وعموما ربنا يوفقكم انا اخويا علمى رياضة تالتة وكتب علوم رغبة اولى .... ربنا يوفقكم كلكم |
اخويا فى علوم قسم فيزياء وليزر المنوفيه
وجايب 3 امتياز و3 جيد جدا و1 مقبول التقديرات ككتازه هناك |
انا طبيب بيطرى وكليه الطب البيطرى بها علم هائل وعظيم ولكن الطبيب البيطرى بعد التخرج سيواجه متاعب وصعوبات ستجعله يندم على التحاقه بهذه الكليه واقول هذا الكلام بمنتهى الامانه
|
اختى رودى اليوم اللى انا نزلت الموضوع ده فيه طول الليل كنت بدور على كل حاجه فى بيطرى بينى وبينك كنت بدور على كلام الخريجين ووالله العظيم انا قريت كلام يقطع القلب بحاول ادور على الموقع اللى كنت قريت منهـ الكلام ده للاسف انا مسحته من غير مااخد بالى انا عمرى ما شوفت نفسى فى الاخر مع الجزارين او فى مرزعه انا اخرى امسك قطه ومن بعيد لبعيد كمان
تعرفى انا لو كنت بره والله العظيم كنت دخلت بيطرى اما فى مصر لا بره بيطرى ده تحفة انتم مش بتشوفوا انيمال بلانيت ده بيعاملوا الحيوان هناك معامله تحفه لكن هنا انا مش هستحمل كلام الناس وهخيب فى الكليه لانى مش هكون قبلاها حتى بابا اللى كان قايلى ادخليها دلوقتى قالى متدخلهاش لانى سألتلك وقالولى فى مصر الطبيب البيطرى مش واخد مكانته مع انه انسان عظيم سامحينى اختى انا بس بقولك اللى عرفته وشكرا بجد على مساعدتك ليا |
اقتباس:
|
انا الحمد لله جاتنى علوم ورايىان بيطرى مش مناسبة للبنت ومستقبل علوم افضل
ولاتصح مقارنتها ببيطرى دى هى كلية القمة فى كل الدول المتقدمة ولازم هتاخد حقها قريب باذن الله |
انا ليا كل اصحابى بيطرى وشغالين فى شركات ادويه واحسن من علوووووووووووم
علوم ملهاش مستقبل |
بس بيطرى ملهوش مستقبل اكتر على الاقل لو اشتغلت فى ادويه وانا خريجه علوم هشتغل فى تصنيع الادويه نفسها
اما لو اشتغلت فى شركه ادويه وانا خريجه بيطرى هشتغل ميديكال ريب بس ودى شغلانه مش حلوه للبنات وبعدين علوم بتعادل صيدله ويمكن كمان مجالاتها اوسع |
اقتباس:
|
طيب وايه الميديكال ريب ده ؟؟
|
اقتباس:
|
انا زيكم فى ثانوية عامة اناجبت100.5% كان حلمى ادخل طب بس اهلى عايزين صيدلة عشان طب سنين كتير وانا بنت مش عارفة اعمل ايه!بيقولوا ان صيدلة مستقبلها احسن
|
انارايى ان علوم احسن كتير بالنسبة ليكى على فكرة ليا صديقة محتارة زيك كده بس هى اقتنعت فى الاخر بكلية العلوم كفايه انها خرجت لنا احمد زويل ومصطفى السيد
|
انا زيكم فى ثانوية عامة اناجبت100.5% كان حلمى ادخل طب بس اهلى عايزين صيدلة عشان طب سنين كتير وانا بنت مش عارفة اعمل ايه!بيقولوا ان صيدلة مستقبلها احسن
|
أحيانا بيطري
معلش يا زيزو هاكلفك اتنين جنيه تجيب اهرام الجمعة عايزك تطلعلي كام شركةة من كام شركة كاتبين انهم عايزين علوم وكام شركة مش كاتبه بيطري :d |
اقتباس:
|
جرنان الاهرام انهاردةالإعلان: مساحات الدورية: الاهرام - مصرية الصفحة: 16 الجهة المعلنة: ص ب : 251 هليوبوليس ـ مصر تخصصات: بائعون / كيميائى / مدير جودة / مدير مبيعات / مدير مشتريات / مدير موارد بشرية / مهندس انتاج / مهندس صيانة / مهندس كهرباء / مهندس ميكانيكا معلومات إضافية: طلب مدير جودة ومعامل ورئيس صيانة ميكانيكية شرط الخبرة ومهندس انتاج ومهندس صيانة ميكانيكية ومهندس صيانة كهربائية وكيمائي " حديثي التخرج " وطلب مدير مشتريات ومدير مبيعات واخصائي موارد بشرية وبائعين شرط اجادة الانجليزية والخبرة واجادة الحاسب
|
الإعلان: مساحات الدورية: الاهرام - مصرية الصفحة: 18 الجهة المعلنة: ص ب : 1034 المعادي ـ مصر تخصصات: كيميائى / محاسبون / مدير مالى / مدير مبيعات / مندوب مبيعات
|
| جميع الأوقات بتوقيت GMT +2. الساعة الآن 01:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.