|
تنسيق المرحله التانيه بدأ
تنسيق المرحله التانيه من على الموقع الالكترونى بدأ ومفيش شرائح يعنى اى حد مرحله تانيه يكتب تنسيقه
فى اى وقت عادى بحد ادنى علمى 290 وادبى 275 |
طيب انا ممكن اعرف ليه كل لما ادخل رقم الجلوس والرقم السري يقولي جاري تحميل البيانات ومفيش حاجه بتيجي يا ريت الرد سريعا
|
انا دخلتهم ودخل عادي ممكن يكون الموقع تقل او السرعه عندك بطيئه شويه
اصبري عليه وهو ان شاء الله هيدخل |
يارب وانت ان شاء الله ناوي علي ايه او هتكتب ايه
|
طيب هو هيستمر كام يوم
|
ممكن حد يجيب لي اللينك بتاع الموقع
وشكراااااااااااااااااااااا |
يا جماعة كلية علوم جامعة اسيوط ممكن تزيد أد ايه
يعني السنة الي فاتت اخدت من 302.5 بالنسبة لعلمي علوم بجد انا خايفة أووووووي ربنا يستر |
والله انا دخلت مع اني كنت مرتب كل حاجه في دماغي بس انا دلوقتي مش عارف اعمل ايه
فعلشان كده قلت اهدا شويه واجي هنا غالبا هكتب تجاره انتساب الاول في كل الكليات اللي حولي وبعدين اداب وبعدين اداب انتساب ثم حقوق ثم حقوق انتساب بس ان شاء الله تجاره انتساب انا مجموعي 316.5 وانتي بقي ناويه علي ايه |
الرابط اهو يارجمااعه بس على فكره الموقع تقل جداااا جدااااا
http://www.tansik.egypt.gov.eg/application/ |
حاول مرة تانية على برنامج غيره firefox
opera internet explorer |
ارجوكم يا جماعه كليه دار علوم اتخرج منها اشتغل ايه
وايه اقسامها |
يا جماعه كلية تربيه نوعيه وفنيه وتربيه ابتدائي وكمان كلية دار العلوم بيطلعوا ايه واحسن من تجاره واداب ولا ايه
حد يرد عليا بجد انا مش عارف ايه هم الكليتين دول بس اللي يرد يكون متاكد شكرا |
اقتباس:
|
اقتباس:
كان زمان بتخرج مدرسين لغة عربية الان الله اعلم |
|
اقتباس:
انا جايبة 322.5 قدر الله كان وما شاء فعل |
اللي متأكده منها انا التربيه النوعيه فيها اقسام موسيقي وتربيه فنيه ودي محتاجه امتحان قدرات وبتطلع مدرس موسيقي او مدرس رسم وفيها كمان قسم اقتصاد منزلي بس ده للعلمي فقط وفيها كمان قسم كويس جدا اسمه تكنولوجيا التعليم وده من غير قدرات وبتطلع منه اما متتخصصفي تكنولوجيا التعليم او مدرس حاسب وده حسب اختيارك وفي اقسام تانيه برده بس انا مش متذكره دلوقت
اما كليه تربيه اساسي فده مرس ابتدائي اما دار العلوم معرفش حكايه هم احسن من اداب وتجاره ولا لا ده حسب ميولك يعني تجاره لو بتحب الرياضه والحسابات وده مستقبلها كويس بس لو لقيت وظيفه او شغل خاص بيك اما اداب ممكن تتخصصفيها اداب انجليزي ود ه احسن قسم من وجهه نظري وفيها اقسام كتيره كمان ارجو انكم تكونو استفادتم وبجد يا جماعه مش مهم اسم الكليه المهم انك تكون تعمل حاجه بتحبها واسفه علي الرغي الكتيرده |
يا جماعة النتسيق هيستمر كام يوم
يعني ممكن في اي وقت من الفترة المحددة اعدل رغباتي ولا ايه |
اسفه ايه بس ده انا اللي اسف
وشكرا جدا جدا جدا وطبعا استفدت انتي نجدتيني الحمد لله شكرا مره تانيه |
اه يا مروه في اي وقت بس اعتقد 35 مره بس تعدلي رغباتك فيها
|
اقتباس:
وياااااااااارب كلنا ندخل الكلية الي نفسنا فيها |
انا جايب 369 علمى علوم ممكن الحق علوم
|
حد يطمنى يا جماعة
|
ايه الكليات المتاحة فىالمرحلة الثانية
|
علشان تنسيقكم يكمل
اشتغلوا على برنامج IE 6 أو IE 7 بلاش الفايرفوكس و النت سكايب و الكلام ده لانه مش حيعمل معاكم حاجة و استحملوا شوية على برنامج ie6 , لأن الموقع تقيل و البرنامج قديم و ربنا مع الجميع ان شاء الله |
اقتباس:
بس المهم اكتب كل كليات العلوم وابدأ بأقرب مكان ليك وهكذا ربنا يكرمك إن شاء الله ده علوم اسيوط السنة الي فاتت اخدت من 302.5 وعلوم اسوان من 322 بإذن الله تدخلها |
اقتباس:
|
هو التنسيق بيستمر خمسة أيام ولا ايه
|
اقتباس:
2- كلية اداب انتظام جامعة ( القاهرة - عين شمس - حلوان ) وغيرهم 3- كلية اداب انتساب 4- كلية حقوق انتظام 5- كلية حقوق انتساب 6- كلية تربية اساسى 7- كلية خدمه اجتماعية 8- كلية تربية نوعية وفى غيرهم من الكليات والمعاهد بس اعتقد ان دول افضلهم ويارب اكون افادتك واللى عايز حاجة يسأل انا معاكم فى المرحلة التانية:) |
اقتباس:
|
اللي مجموعه 379
رياضة ممكن يلحق حاسبات و معلومات ؟ و لا ده مش ممكن اصله مش ممكن كمان آخر امل ليّا في الحاسبات و المعلومات مايوصلش لمجموع 379 كده ابقى ضعت |
لو سمحت يا جماعة حد يقولى ايه هى كلية التربية الاساسى ضرورى انا محتارة كتير مابين اداب e لانها تقيلة وعايزة اعرف اصلا هو انا ممكن الحقها لانى انا جايبة فى e42.5 والمجموع الكلى 319.5بالمستوى طبعا وانا كنت ادبى يعنى77.9وتجارة عربى بس عايزة اعرف ايه هى كلية التربية الاساسى ضرورى بالله عليكم حد يرد عليا
|
اقتباس:
المهم انت اكيد هتلحق حاسبات ومعلومات وفى اماكن ليها فى جامعات ( حلوان - الزقازيق - اسيوط - المنيا - قناة السويس فرع الاسماعيلية ) وربنا يوفقك وتخشها ويارب اكون افادتك ... |
اقتباس:
كلية التربية الاساسى دى تطلعى منها مدرسة ابتدائى وانا من رأيى تخشى اداب English افضل يارب اكون افدتك.... |
اقتباس:
و يا عيني عليا بس اعمل ايه انا المجموع ده جبته بسبب نقصان 9 درجات في علم النفس مع اني حالل كويس جداً و على العموم انا لسه مكشفتش ان جات لي حاسبات , يبقى خير مش ح اكشف و ان مجتليش يبقى ح اضطر اكشف ادعوا لي اخد درجات انا سجلت رغباتي كالآتي : كل حاسبات و معلومات - كل سياحة و فنادق - كل علوم - كل تجارة بس مش عارف انسق علوم الأول قبل سياحة و فنادق و لا امشي زي ما انا ماشي كده ثانياً ناس بتقول ان الحاسبات و المعلومات ممكن توصل كلها لـ 379.5 و احتمال ضعيف يتبقى كلية واحدة توصل لـ 379 بس انا عامل نفسي مش مصدق كل اللي بيتقال و مخليها على الله سبحانه و تعالى |
طيب في واحده صحبتي جايبه68 وشويه ادبي
ممكن تلحق كليات او حتي كليه انتساب ولا معاهد بس اصلها منهاره جدا ومش عايزه تدخل معهد ادعولها بالله عليكم |
اقتباس:
اكيد طبعا كلة على الله بس انا شايف انك تخلى سياحة وفنادق قبل العلوم وانت طبعا ليك مطلق الحرية ده مجرد رأى ويارب اكون افدتك مرة تانية |
اقتباس:
لا طبعا ممكن تخش كليات وطبعا انتساب ذى اداب وحقوق وممكن تجارة انتساب بس احتمال ضعيف وربنا معاها ومعانا كلنا... |
اقتباس:
|
يعني ممكن حقوق انتساب اداب انتساب
انما تجاره ضعيفه شويه |
اقتباس:
وفيها كمان اقسام حلوة المطبخ ده فى ناس كتير هتتجنن وتخشه وبردو قسم ارشاد سياحى حلو جدا |
اقتباس:
|
يارب شكرا
لحضرتك وربنا يطمنها ويطمنا يا رب |
يا جماعة معلش هو مودرن اكاديمي دخولها بالتنسيق ولا اروح اقدرم على طول
|
يا جماعه طيب انا جايب 77% ممكن الحق تجاره انتساب قاهره او عين شمس
|
ربنا يسهل والتنسيق يبقى فى المعقول وميرفعش جامد
ربنا يستر |
يا جماعه اناليه كل ما اكتب رقم الجلوس والرقم السري وادوس الخطوه التاليه يقولي انتهت صلاحيه هذه الجلسه يجب عليك اعاده تسجيل الدخول ياريت حد يطمني انا قلقانه اوي
|
بصي حضرتك اخرجي من الموقع وادخلي تاني وهو يفتح ان شاء الله
|
يا جماعه الموقع لا تقيل ولا حاجه.
كل الحكايه ان لازم تدخل ع الموقع مع على انترنت اكسبلورر مش على الموزيلا الفايرفوكس....... |
الموقع مش بيكمل معايا حتي علي انترنت اكسبلورار
|
| جميع الأوقات بتوقيت GMT +2. الساعة الآن 04:32 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.