بعد اذنكم رأيكم فى هندسه المطريه ولا احول
 

ارجو من حضارتكم رايكم فى هندسه المطريه ولا احول شبرا

وانا كمان مش عارفه افضل القاهرة ولا احول عين شمس وانهى احسن ولييه
ياريت اللى يعرف يرد علينا

والله انا ارشحلك القاهره انا كان نفسى ادخلها بس مينفعش عشان التوزيع الجغرافى انا اخويا عين شمس بس بيشكر فى القاهره افضل من شمس وربنا معانا وايه رايكم يا جماعه :bosyht9::bosyht9:

لا المطرية احسن من شبرا و كل مبانيها لسة جديدة

و طبعا مفيش مقارنة بين عين شمس و القاهرة
هندسة القاهرة احسن بكتيييييييييير و فيها اقسام مش موجودة في اي كلية في البلاد العربية كلها

الاقسام اللي موجودة في القاهرة بس تقدر تخشها لو كنت حتى في هندسة المنيا

يعني لو انت في المنيا و جبت جيد جداً في اعدادي تقدر تدخل هندسة طيران اللي في القاهرة


و هندسة المطرية كويسة جداً خصوصاً في قسم ميكانيكا باور

انت شوف الاقسام اللي موجودة في هندسة المطرية لو عايز تدخل حاجة منها خليك فيها لان الاقسام اللي في المطرية مش موجودة في حلوان

طيب ليه مفيش مقارنه بين القاهره وعين شمس؟؟؟؟؟؟
كل كليه فيهم ليها عيوبها ومميزاتها
الى بيفرق حد عن حد فى انك ممكن تكون شايف عيوب الكليه مميزات بالنسبه ليك وفى نفس الوقت حد تانى يكون شايفها عيوب
الموضوع نسبى فياريت مش تعمم الموضوع
لان القاهره جامعه كبيره ومعترف بيها وبرده عين شمس جامعه كبيره ومعترف بيها بره

وكمان نسيت اقول حاجه
بالنسبه للاقسام الى موجوده فى القاهره والى مش فى عين شمس
اكيد اى حد يحدد يدخل ايه حسب القسم الى هو عاوز يدخله
كان نفسى يكون عندى معلومات اكتر عن الاقسام الى فى الكليتين
يلا مفيش مشكله

انا مقللتش من جامعة عين شمس دي جامعة ممتازة طبعا بس هوا بيسأل هندسة عين شمس ولا القاهرة افضل و انا كنت بسال عن الاثنين من زمان عشان كنت عايز ادخل واحدة منهم و شفت الموقع بتاع كل جامعة منهم و لاقيت جامعة القاهرة فيها اقسام اكثر و الناس بتشكر فيها اكتر و بعدين انا جاتلي هندسة المطرية و نفسي احول لعين شمس او القاهرة يعني مش شكر في جامعة القاهرة عشان دي جامعتي او حاجة

انا جاتلى هندسة حلوان يا باشا , بس هغمل كل الى بوسعلى عشان احول القاهرة او عين شمس باذن الله

المطرية افضل بكثييييير من شبرا
انا في هندسة المطرية وكثير اوي زرت كليه هندسة شبرا
احسن حاجة في مطرية انها تبع حلوان وتقدر تحول لاي قسم في حلوان واللي اقسامها كثييير اوي
تاني حاجة مطرية مشهوره بميكانيكا باور .. لو دخلتها ان شاء الله تبقي ضامن شغل لما تتخرج
بالنسبة لهندسة شبرا بجد لما دخلت حسيت انها مدرسة اكثر منها كليه

حاجة كمان , لو خلصت اعدادي في المطرية ليك انك تحول جامعه القاهرة بس لـ 3 اقسام بس هما تعدين وطيران وكيميا
وده بسبب ان باقي الاقسام اللي في القاهرة موجوده في جامعتك وهي حلوان

تحياتي والف مبروك

يعم فكك وتعالي شبرا معايا

نصيحة بلاش المطرية وسيبك من شبرا وماتفكرشي في حلوان وخلي بالك من عين شمس واحذر القاهرة بتاعة الشيخ زايد

من الاخر حول تجارة

انظر الي هذا الموضوع به وصف كامل لكل كليات الهندسة

http://www.thanwya.com/vb/showthread.php?t=138742

يا جماعه انا سمعت ان الدراسه في هندسه المطريه بالعربي الكلام ده صح ارجو الافاده

ارجو الافاده لو سمحتم ( انا سمعت ان الدراسه في هندسه المطريه بالعربي هل ده صح )