|
رواتب متعاقدى الأزهر 275 جنيه
جاءت رواتب متعاقدى الأزهر لشهر أغسطس 2009 فى محافظة قنــا 275 جنية فماذا حدث و ماذا جرى!
وهـل هذا سيستمر على هذا الحال الى متى ؟ فنحن كمدرسين متعاقدين نقوم بنفس العمل الذى يقوم به المدرس المثبت بل أفضل ولم نتقاضى مثل مايأخذه المدرس المثبت . فلماذا المتعاقدين يتعاملون على مربوط الدرجة وجميع الموظفين يتعاملون على أساسى المرتب. |
افيدونا الا توجد زياده لراتب المتعاقد فى شهر يوليو ولا سياده الرئيس مبارك مش امر اننا ناخد ولا الفلوس راحت فين يا شيخ طنطاوى
|
ياجماعة المتعاقد فى الدقهلية قبض
323 وكان الشهر الماضى 342 لكن الشهر دا اقل عشان انتم اخدتم حوافز شهر 7 مع شهر 6 والمرتب هسرجع يزيد الشهر الجاى دا الدقهلية معرغش باقى المحافظات ايه؟! وعلى فكرة لو لغيتم الاشتراك فى صندوق التكافل الاجتماعى المرتب هيزيد حوالى 20ج وانا انصح الجميع بالالغاء |
اقتباس:
كلام مظبوط في كفر الشيخ قبضنا 323.70 |
مش عارف أية المشكلة ممكن بسبب بعد المسافة من القاهرة إلى قنــا
هههههههههههههههههههههههـــــــــــــــــــــــــــ ــــــه أصل الواحد بصراحة مش عارف يعمل أية؟ إيجار شقة 200 وباقى المصاريف الى أخر الشهر 75 جنيه أنا عايز وزير المالية يدبر ميزانية البيت معاى |
لاتساوي بينك وبين المعين.انا اول ما اتعينت اخدت 98 جنيه.وتعبنا جدا لحد ماوصل 600 جنيه بكادر المرحله الاولي بعد 16 سنه احمد ربنا وما تقارنش نفسك بالمعينين
|
لماذا لايطلب المساواة يااستاذنا الفاضل؟
هو هو اقل منه؟ والاستاذ عندما طلب المساواة طلب المساواة بالمعين فى نفس وقت تعيينه وليس المعين من القرن الماضى!!! والا تقدر تقولى ايام ماكنت انت متعين كان كيلو اللحم بكم واليوم بكم؟ هل سنشترى باسعار وقت تعينك انت؟ هذا مثال واحد فما بالك بباقى السلع؟ اقتباس:
|
اقتباس:
وبعدين أنا بقول أنى أى حد متعاقد أكيد مستواه أفضل من ناس كتير متعينه و أن كنت زعلان يا أستاذى الفاضل أحب أسالك سؤال . من الأفضل سيدنا جبريل أم سيدنا محمد (صلى الله عليه وسلام)؟ مع أنا سيدنا جبريل قد علم سيدنا محمد (صلى الله عليه وسلام). |
لاتساوي بينك وبين المعين.انا اول ما اتعينت اخدت 48 جنيه.:abdoog8:
|
اقتباس:
|
اقتباس:
|
جدى اول اتعين
كان بياخد 150 قرش المفروض كانوا يقبضوك زيه!!! اقتباس:
|
اقتباس:
احنا فى الدقهلية وقبضنا 311 بس كيف يمكن الغاء الاشتراك فى صندوق التكافل |
انا مستغرب اوى من اللى بيتقال انا قبضت 285 مش 275 هو ايه اللى بيحصل بقى ؟
هو فى ناس 275 وفى 285 وفى 311 هو احنا فين يا ساده ويجعله عامر |
رساله هامه وعاجله: الى من يهمه الامر والى الاستاذ الزعلان من امر مساواه المتعاقد والمعين....
استاذى الفاضل كل الاحترام والتقدير لمدتك وخبرتك واقدميتك احنا (انا والاستاذ الاسناوى وكل المتعاقدين) عايزين المساواه مع من هم فى اعمارناز استاذى الفاضل تم تعيينى بالتعاقد فى اول مسابقه 17/11/2005 وهناك من تم تعيينهم اساسيين فى شهر مايو 2005 فالفارق فى المده ليس كبير مساله المساواه مع حضرتك دا ضرب من الجنون زلان من يسبقك فى التعيين لايمكن ات تلحقه فى المرتب احنا عايزين نفس المعامله وبس يعنى انت العلاوه بتتحسب لحضرتك ازاى؟اقولك انا بس بعد الفاصل.... |
العلاوه لينا احنا بتتحسب بطريقه والاساسيين بطريقه ومن الظلم ان زميل الدراسه (ابن المحظوظه) اللى اتعين يقبض اكتر منىعلى الرغم من قيامنا بنفس المهنهز وعامه يا سيدى الفاضل عندى سوال انت فخور بانك كنت تقبض مش عارف 48 ولا 93 مش فاكر. كلام فى سرك .هل ال 48 ولا 600 هم الاكثر بركه؟ال 600 بياخدهم ابن احد لو كان فى كليه انتظام فى الشهر منك امال لو انتساب؟؟؟ ارجو الرد
|
اقتباس:
لانه بيقول كلام وخلاص من غير منطق وبالنسبة لالغاء الاشتراك فانت بتقدم طلب لشيخ المعهد يرقعه للمنطقة وهناك تاخد جولتك المعتادة لغاية ماتوصل لوكيل الوزارة وبعدين تروح توديه عند بتوع الصندوق فى الدور الرابع المبنى اللى فيه المنطقة وربنا يعينك! |
أنا مش عايز أقبض زيك يا أستاذ 1200 جنيه فى الشهر أنا عايز مرتب يقضينى لحد أخر الشهر بس من غير ما أستلف:excl:
|
انا باة فى طنطا وقبضت 308.25 الشهر ده
هو فى ايه هى مناطق مناطق ولما سالت قالو اصل مفيش حوافز الشهر ده بهاء الخولى مدرس رياضيات بالازهر الشريف |
بس ياجماعة ربنا يسهل احنا قريب على مااعتقد احتمال نتثب
لو حسبتوها هاتلاقى كتير جدا من الناس بتطلع على المعاش وبعدين كتير بيدخل مكانه من الجديد وبما اننا ملناش ترقيات يبقى ايه اللى يحصل لما المعهد يخليه ماشى من غير شيخ للمعهد او مدرس اول يبقى هتمشى واحدة واحدة ويحصل تثبيت بهاء الخولى مدرس رياضيات بالازهر الشريف |
اقتباس:
والمتعاقد هيفضل عالحال دة لحد مايوصل لسن شيخ المعهد ؟! دى بقت حاجة تقرف وتزهق كمان والإخوة الأفاضل المعينين بيخلو الواحد يكره المهنة دى من الأساس ويقولك متساويش المتعاقد بالمعين ، ليه بقى إن شاء الله المفروض لو فى عدل وإنصاف المتعاقد ياخد ضعف مرتب المعين أيوة الضعف وبتكلم جد ومش بهزر ... ليه لأن معظم المتعاقدين متخصصين والمعينين لأ ومعظم المتعاقدين تربويين والمعينين لأ ومعظم المتعاقدين عندهم معرفة باللغات و الكمبيوتر والمعينين لأ ومعظم المتعاقدين تقديراتهم جيد جداً وامتياز والمعينين لأ ومعظم المتعاقدين عنده استعداد للتطوير والمعينين لأ دة حتى الكادر اللى المعينين بيصرفوه دة أصلاً معمول للمتعاقدين وارجعوا لكلام سيادة الريس لما قال الكادر معمول للإرتقاء بأجور المدرسين الجدد اللى هما المتعاقدين ولا انتو بتنسوا ... لكن هنعمل إيه فى ترزية القوانين لا سامحهم الله يعنى الكادر معمول لينا ومنقبضهوش وفى الآخر يقولو متطلبوش المساواة كفاية عنصرية ومتخنقوناش أكتر من كدة !!! |
حسبنا الله و نعم الوكيل
له المشتكي و لكل مجتهد نصيب |
اقتباس:
|
الأخوة الأفاضل أنا وصلني كلام ان فيه تخفيضات في المرتبات بتاعة المتعاقدين بداية من الشهر الجاي ودا كلام وصلني من الاداري المختص بالماليات في المعهد عندنا
لو حصل كدا ايه اللي المفروض يتعمل من المتعاقدين اللي مش واخدين حقهم حتي في التقدير المعنوي من المثبتين |
اما نبقى نقبض فعلا نبقى نشوف
مش مجرد كلام بنسمعه |
ويااخ كوماندا
عشان خاطرى انا مش عاوز الموضوع يكون صراع بين المعينين والمتعاقدين لان زى ما فى معينين بيفكروا باسلوب الشماتة زى اخواننا اللى فوق فى ناس بتتمنى لنا كل الخير وربنا يهدينا جميعا |
اقتباس:
عارف والله يا أستاذ هشام وعارف كمان ان المدرسين الثابتين ناس افاضل وقدوة بس الواحد بيتغاظ لما يطلع واحد يقولك المتعاقدين مش عارف ايه وميستحقوش معرفش ايه ، طب ليه ؟ مااحنا كلنا فى مركب واحدة وهمنا واحد وظروفنا واحدة ولو فكرتو بجد هتلاقو ان المتعاقدين دول هما اللى ريحوكم وشالوا عنكم من نصاب الحصص وتعب كبير كنتو شايلينو لوحدكم ، يبقى دا جزاءهم التقليل منهم ومن حقوقهم !!! احنا مش عايزين نعرة العصبية والعنصرية البغيضة دى تكون موجودة بينا ، زى ماانت انسان محترم ولك حقوق انا برضه انسان محترم وليا حقوق كمان والفرق الوحيد بينى وبينك هو اختلاف نظام التعيين بينى وبينك ودة مش ذنبى .. عشان كدة انا عايز أقول ان المتعاقدين مش أقل من حد أبداً ومش شغالين عند حد ، وان الفرق بينه وبين الثابت هو نظام التعيين مش أكتر ، وعيب جداً لما نظام التعيين دة يخليكو تقللوا من شأن المتعاقد .. وشكراً ...... |
كلامك سليم مليون فى الميه ودا فعلا اللى عاوز اوصله لكن فى ناس عندها عقدة داخلها وعاوزة تطلعها فى المتعاقدين فى واحد يبص لمدرس صغير كان طالب عنده ويقول ازاى يكون زميلى والتانى دافع فلوس ومتعين ولو كان قعد مية سنة ماكانش عرف يتعاقد زينا وتالت تلاقيه مستواه ضعيف وبيضحك على الطلاب وانه بينجح ويسقط وكده وواكل الجو فى الدروس ولما يجى مدرس متعاقد مستواه افضل منه بكتير وانظار الطلاب تتجه اليه فتلاقيه ينتقص من المتعاقدين والخ الخ لكن الاغلبية ناس محترمة وبيتمنوا الخير لكل انسان |
يا جماعة انتوا زعلانين أنا لغاية دلوقتي مخدتش المرتب بتاع شهر 7
وشكراً |
اقتباس:
|
اقتباس:
|
طب يا جماعة لو الخصم ده بقى شئ ثابت اللى المفروض يحصل
|
اقتباس:
فى مطروح حدث نفس الكلام |
شكرا لابو مريم
وشكرا للعروبة على المرور الطيب |
و احنا في الفيوم قبضنا 276 بيقولوا ن الحوافز اتخصمت الشهر ده وهنقبضها شهر 6 اللي جاي علشان الميزانيه يعني السنه الجايه وعليك خير نكون انتحرنا بسبب التعاقد و تروح علينا.
|
يا جماعة أنا والله لما كتبت الموضوع ده كنت محتار كنت عايز واحد يفهمنى لكن أنا كده بقيت أكثر حيره نا قبضت 285 جننيه و ناس قبضت 311 جنيه و ناس قبضت 323.30 و هو أحنا كلنا فى الأزهر الشريف أية ده يا جماعة ناس تقبض زيادة وناس تقبض نقص.
|
اقتباس:
وكفايه ان معظم المعينين معرفوش يعملوا حاجه في الامتحانات ومعظمهم خريجين ثانويه ازهريه او دبلوم معلمين اما كل المتعاقدين مؤهلات عليا علي فكره انا قبضت 285 جنيه والاداري فهمني انه مرتبنا هيبقي 323 جنيه رغم اننا كنا بنقبض 344 جنيه انا من قنا |
هو كل اللى بكتب مؤهلات عليا؟
ولا ايه؟ ممكن تفاوت المرتب بسبب تفاوت المؤهل لان مثلا معلمى القران اغلبهم مش مؤهلات عليا؟!! |
يا جماعة لية كدة رفقا ببعضنا واللة لا الاساسى بيكفيةمرتبةولا المتعاقدبيكفية مرتبة العملية عايزة اعادة نظر
|
انا سمعت من مندوب الصرف عندنا ان بدل النقدى جاى للمتعاقدين بأثر رجعى من شهر 7 حد سمع حاجة عن الموضوع دا
اما بالنسبة لمرتب شهر 7 انا قبضت 323 لان الحوافز اخدناها الشهر اللى فات اما عن ان المرتب ها ينقص فى شهر 8 انا سمعت بيه كلام من زميل متعاقد امبارح بس مش متاكدين من الموضوع دا وان شاء الله ما يكون فى نقص ( اهم حاجة يسيبونا فى حالنا ) عشان خلاص احنا تعبنا وفاض بينا وحسبى الله ونعم الوكيل |
خبر سئ وخبر حلو
المرتب تاكد لى انه نقص بالفعل زى ماذكر الأخ الفاضل المرتب نقص حاوالى 50 جنيه ( دا كلام مراجع حسابات بالمنطقة ) والخبر الحلو بدل النقدى اكيد ان شاء الله باثر رجعى من شهر 7 ( دا كلام نفس مراجع حسابات المنطقة ) صراحة مش عارف افرح ولا ازعل انا مش هاقول غير حسبى الله ونعم الوكيل |
يعنى ايه بدل نقدى؟
وليه مرتباتنا تنقص مش تزيد؟!! انا مش فاهم حاجة!! |
بدل النقدى اللى هو التذاكر او ( بدل سفر ) الحد الأقصى انك تاخد 3 تذاكر والحد الأدنى تذكرة واحدة التذكرة تقريبا 57 جنيه وعلى حد علمى انه مش فى كل الأماكن زى بدل المناطق النائية مش فى كل الأماكن ولو حد عنده معلومة احسن ياريت يفيدنا .
اما احنا ليه مرتبنا ينقص انا لسه ما عرفتش ليه بالضبط لكن ان شاء الله اوافيكم اول باول باى خبر اعرفه . |
| جميع الأوقات بتوقيت GMT +2. الساعة الآن 07:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.