السلام عليكم ورحمة الله وبركاته

ازيكم اخواني في الله
انا النهاردة جيت ليكم ومعايا موضوع وفكرة جديدة بحاول بيها ننهض بصفحتي المفضلة في المنتدي الشعر والخواطر

المهم ندخل بقي علي الفكرة

- الفكرة زي ما واضح من العنوان هنعمل قصيدة مشتركة بين كل شعراء المنتدي

- طيب ازاي يا عم انت هتنفذ الفكرة دي لازم شوية تظبيط

- اكيد طبعا يا جماعه هتحتاج تظبيط وانا عندي يعني شوية تفاصيل لتظبيط الموضوع

- طيب ما تخلص وتقول وبطل رغي شوية

- حاضر حاضر هقولكم بصوا يا جماعه

الاول هنبدأ باختيار شاعر من المنتدي يكون هو منظم القصيدة

- طيب هو هينظمها ازاي وبعدين اصلا القصيده دي ممكن تكون عن ايه

- يا جماعه بس واحده واحده هقولكم

بعد ما نختار منظم القصيدة هيكون عليه انه يجيب فكرة للقصيدة ويشرحها للاعضاء وتكون كالتالي

البداية ؟؟ ويقول فيها هنبدا بكذا وكذا

ثم الوسط ؟؟؟ ويبدأ يشرح أكتر في الموضوع والفكرة

ثم النهاية ..؟؟ يقول بقي فيها عايز النهاية يكون شكلها ايه ؟؟

وبعدين يختار الوزن ويحط اول بيت او اتنين في القصيدة

وبعدين يجي بقي شعراء المنتدي يضيفوا علي الابيات حسب الفكرة والوزن وكل واحد يقول من بيت لثلاتة أبيات

وهكذا حتي يأتي صاحب الفكرة ومنظم القصيدة ويقول يلا ياجماعه نحط النهاية حسب الفكرة ما بتقول

- بس مين سيادتك اللي هيقول النهاية

- انا عندي اقتراحين إما ان منظم الفكرة هو اللي يقول النهاية او اننا نسيب يومين مثلا فترة لكل الناس تحط فيها النهاية ونختار أفضل نهاية ونحطها وتبقي هي نهاية القصيدة

اوكي ؟؟

اه عايز اقول كمان ان صاحب الفكرة ومنظم القصيدة من حقه يعدل الابيات المضافه من قبل باقي الشعراء حسب ما يري لتكون موائمة للفكرة والوزن

وبكده تنتهي القصيده وتتجمع وتتكتب علي بعضها ونرشح واحد تاني وفكرة تانية وقصيدة جديدة وهكذا

ايه رأيكم بقي ؟؟؟

منتظر اراءكم علشان نشوف الفكره هتبدأ ولا هنلغيها

ياريت اللي عنده اي افكار اضافيه للموضوع علشان يبقي اكثر تنظيما يقولنا
اوكي ؟؟


.
.
.

الفكرة حلوة
وانا موافقة
ويا ريت يا جماعة تشوفوا فكرة جميلة
كل القصايد (ارجو الدخول)
ده اسم موضوعها

رائع يا ميدو

أنا موافق

<div class='quotetop'>إقتباس(القطة الروشة @ Sep 11 2006, 09:38 PM) [snapback]217427[/snapback]</div>سعيد ان الفكرة عجبتك يا نورهان
واتمني نشوفك معانا في تواصل دائم مع الفكرة

اما عن موضوع جميله انا رايح عليه حالا

<div class='quotetop'>إقتباس(الشاعر الصامت @ Sep 11 2006, 09:39 PM) [snapback]217428[/snapback]</div>بجد سعيد بيك يا دكتور والحمد لله انك معايا في الفكرة دي ان شاء الله تنجح

ولكن

هل لديك اقوال اخري ؟؟؟ ههههههههههه ;)

قصدي هل لديك افكار اخري او اضافات لهذه الفكرة في التنظيم او كده ؟؟

شكرا ليا شاعر.
.
.

بجد الموضوع هايل
ودايما موضوعاتك هايله
ميرسي على الرد

<div class='quotetop'>إقتباس(القطة الروشة @ Sep 11 2006, 09:54 PM) [snapback]217449[/snapback]</div>ربنا يخليك يا نورهان ده بس من زوقك

مش عايزة كلام
الموضوع رائع بجد فكرة حلوة اوى

<div class='quotetop'>إقتباس(basma_1989 @ Sep 11 2006, 10:17 PM) [snapback]217470[/snapback]</div>شكرا ليكي يا بسمة واتمني ان شاء الله تتواصلي معانا ومع الفكرة

شكرا ليكي وسعيد ان الفكرة عجبتك ;)

أنا عندى رأى

ان اللى يكتب أبيات من القصيدة

يبعتها على الخاص الاول للمنظم

عشان يظبطها

فكرة حلوة ميدو ;)

:P غشاش :P

ههههههههههه

بس انا اعتذر وانتا عارف ليه وصعبة عليا وبالأخص قدام عبد اللطيف

خلاني أبطل اكتب :lol: :D

<div class='quotetop'>إقتباس(الشاعر الصامت @ Sep 11 2006, 10:37 PM) [snapback]217496[/snapback]</div>مش عارف حاسس ان دي ممكن تكون صعبة شوية بس خلينا نفكر ونشوف رأي الاعضاء
شكرا ليك يا شاعر

<div class='quotetop'>إقتباس(محمد البري @ Sep 11 2006, 11:04 PM) [snapback]217533[/snapback]</div>

يا ميدو صعبة دلع ايه

طيب انا هجيب حاجا وانتا هتجيب حاجا والوزن مش مشكلة القافية هنختارها سهلة والموضوع ساهل والجو النفسي

لكن التدريج انا لما عملت عمل مشترك هما كانوا تلاتة مع هاجر كنت بتقيد بالوزن

انتا عاشق للشعر الحر

عبد اللطيف بيحب العمودي

انا لا بكتب دا ولا دا


ثانيا عدم اتفاق الثروة اللغوية هيضر

وكدا .......... يعني

كل واحد هيعوز يدخل القصيدة لهواه الشخصي

انا عن نفسي مش مستعد اساهم ببيت لاني مش بكتب :(

فصعبة عليا ومتقوليش بطل دلع :D

هتدلع ليه لما أكتب حاجا صح عليها القيمة وتتسمى شعر ابأى اشارك

انا شخصيا موافق



فكرة جميلة وان كان التنفيذ اصعب




شكرا ميدووووو

انا موافقه على الفكره ويمكن كده اعرف اكتب شعر

هتبدأ امتى ؟؟؟؟؟؟؟؟

<div class='quotetop'>إقتباس(محمد البري @ Sep 11 2006, 11:27 PM) [snapback]217554[/snapback]</div>بص يا محمد خلينا نجرب ونشوف وانا قلت ان المنظم هيكون ليه الحق يعدل حسب الفكرة اللي هو شايف التدريج بتاعها اكتر واحد وكمان هو هيشرح التسلسل المطلوب زي ما قلنا الفكره هتبقي بداية وسط ونهاية
وان شاء الله مع شوية تنسيق مع الاعضاء هتمشي وتبقي تمام خليك بس معانا وان شاء الله تمام


وبردووه بتدلع


<div class='quotetop'>إقتباس(أكرم المسيري @ Sep 12 2006, 12:02 AM) [snapback]217592[/snapback]</div>جميل ان حضرتك وافقت استاذي وحضرتك معانا ان شاء الله الصعب يبقي سهل ان شاء الله

شكرا ليك استاذي

<div class='quotetop'>إقتباس(جميله @ Sep 12 2006, 12:09 AM) [snapback]217606[/snapback]</div>شكرا ليكي يا جميله وسعيد بوجودك معانا

وان شاء الله البداية لما نتفق علي ميعاد كلنا ان شاء الله
.
.

شكرا ليكم يا جماعه وان شاء الله الفكره تنجح بيكم
.
.

الفكرة رائعة بجد
فكرة جميلة وجديدة
ربنا يوفقك :D

<div class='quotetop'>إقتباس(gharaam @ Sep 12 2006, 02:02 AM) [snapback]217715[/snapback]</div>شكرا ليكي اخيتي غرام

اتمني مشاركتك لينا ان شاء الله

شكرا ليكي

الله
رائع جدا يا ابو حميد
ربنا يوفقك
فكرة جميلة جدااااااا

فكرة جميلة

منتظر التنفيذ

والله الموفق

انتوا ناويين تنفذوا ولا لأ يا جماعة
انجزوا انا مشتاق
يلا يا ..............
ابدأ

<div class='quotetop'>إقتباس(ادمان2 @ Sep 12 2006, 02:37 AM) [snapback]217736[/snapback]</div>شكرا ليك يا ادمان
وربنا يوفقنا ان شاء الله في اخرج قصائد متميزه

ننتظرك معنا ان شاء الله

<div class='quotetop'>إقتباس(¨°o.O ( Strong Man ) O.o°¨ @ Sep 12 2006, 03:44 AM) [snapback]217773[/snapback]</div>ان شاء الله التنفيذ غدا بإذن الله البداية

وشكرا ليك سترونج مان
وياريتك تتواصل معانا ان شاء الله

<div class='quotetop'>إقتباس(jumpo @ Sep 12 2006, 05:07 AM) [snapback]217860[/snapback]</div>اكيد ان شاء الله ناويين ننفذ والبداية غدا ان شاء الله

بس تحبوا نرشح مين يكون اول منظم لأول قصيدة لينا هنا

انا برشحلكم الشاعر الصامت ؟
ها ايه رايكم ؟؟

لو حد يحب يرشح حد تاني انا معاكم ؟
.
.

خبريه ياعم أنت بدبسنى ؟؟؟؟؟؟؟

انت صاحب الموضوع

ولا زم تكون أول منظم

هههههههههههههههههه

ليه كده بس يا دكتور

انا مش قصدي والله ادبسك ولا حاجه انا بس كنت شايف انك اكتر واحد متحمس للفكره معايا يصلح انه يكون اول منظم لان انت شفت رد البري واستاذ اكرم قال انها صعب تتنفذ وطبعا هيحتاج يشوف بدايه الاول علشان نقدر نقوله يكون المنظم القادم فقلت يبقي انت تنظمها ايه رايك ؟؟

والله الفكرة كويسة اوى ياميدو

ولو ان موضوع التظبيط ده مش هايكون سهل

لكن وايه يعنى

نجرب ومش هانخسر حاجه

معاك ....

يا نهار أبياااااااض .. انتو لسة

ده كنت قلت حدخل ألاقي أبيات ضرب نار

أنا بقول صاحب الموضوع أكيد عنده فكرة متكاملة ، ولو حتى مافيش ، ابدأ

start

commencez

1



2







3

هاي أنا لسة جديدة في المنتدى و عجبتني فكرة الشعر الجماعي أوي أوي



أحب أشارك فيها

<div class='quotetop'>إقتباس(بورسعيدى @ Sep 14 2006, 04:26 AM) [snapback]219568[/snapback]</div>يا سلام بجد وجودك نور الموضوع يا استاذ مجدي

وان شاء الله نحاول شويه في موضوع التظبيط ده

واتمني تتواصل معانا في الموضوع استاذي العزيز


<div class='quotetop'>إقتباس(¨°o.O ( Strong Man ) O.o°¨ @ Sep 14 2006, 04:39 AM) [snapback]219570[/snapback]</div>معلش بس ان شاء الله البداية قريبا جدا جدا جدا

<div class='quotetop'>إقتباس(شاعرة المستقبل @ Sep 14 2006, 08:49 AM) [snapback]219589[/snapback]</div>ان شاء الله البدايه قريبا جدا جدا جدا

ويسعدنا مشاركتك معنا بإذن الله

شكرا ليكي شاعرة المستقبل

<div class='quotetop'>إقتباس(صفاء الروح @ Sep 14 2006, 12:57 PM) [snapback]219714[/snapback]</div>الحمد لله انها عجبتك ومنتظرين تواصلك معانا ان شاء الله مع استمرار الفكره بإذن الله

شكرا ليكي اخيتي
.
.

.

جميله يا ميدو الفكره اوى
بس انت ليه اتاخرت فى البدايه كده
اتمنى انك تلاقى الفكره
وتبدا وانا ان شاء الله معاكم
منتظر

<div class='quotetop'>إقتباس(عاشق الجمال @ Sep 14 2006, 04:02 PM) [snapback]219883[/snapback]</div>شكرا ليك جدا يا عاشق الجمال وسعيد ان الفكره عجبتك واتمني تتواصل معنا ان شاء الله


وبما ان دكتور عبد اللطيف " الشاعر الصامت " مش موافق يكون هو اول منظم لأول قصيدة خلوني اكون انا اول منظم وأمري لله وليوفقني الله

لكن اسمحو لي ان انتظر قليلا كي اجد الفكره التي تليق بنا جميعا كبداية لعملنا ان شاء الله

.
.
شكرا لكم

السلام عليكم ورحمة الله وبركاته

اخواني في الله نأسف علي تأخير البداية ولكن فقط كان عذري أني أنتظر فكرة أشعر بها أستطيع نقلها لكم لتشعروها معي لنقدم عاملا نابع عن مشاعرنا جميعا وندعو الله أن يوفقنا فيه وبسم الله نبدأ

الفكره اخواني كالأتي

سأقتطع لكم الأن مشهد من قصة من وحي الخيال لنعرف ظروف القصيدة وجوها وعلي لسان من تدور

قصة حب بين شخصين س , ص انتهت بالفراق بطلب من س ليترك جرحا غائرا في قلب ص ويبتعد ص وهو يتوقع عودة س من جديد ولكنه جرحه يرفض فكرة الرجوع
وبالفعل يعود س ويطالب بالعودة من جديد متعللا بأنه هروبه وبعده في البداية لم يكن إلا لصالح ص لأنه لم يكن قد تخلص من أشباح الماضي وكان يخشي عودتة تلك الاشباح من جديد ولا يستطيع التخلص منها مما قد يسبب الألم ل ص ورأي انه في ابتعاده عنه عذابا مؤقتا ولكنه سيرتاح بعد ذلك وخشي انه ان اكمل معه الطريق انه قد يعود للماضي وحينها سيكون الجرح اكبر من جرح الهروب
والان ها قد عاد س يطالب بعودة الحب ولكن دون سبب واضح

القصيده تدور علي لسان ص وستكون كالتالي

البداية >> يخاطب ص فيها س ويعاتبه ويصف له كام كان حبه له وكيف كانت صعوبة الجرح حين افترقا ويقول له ها انت الان تعود وتطالبني بالعودة وصعب علي ان اسامح بتلك السهولة وهكذا

الوسط >> يرد س مدافعا عن حبه معتذرا عما بدر منه ويطلب السماح فقط من أجل حب كان بينهما وأيام هنئا بها سويا

النهاية >> هناك نهايتان مختلفتان دعونا نتفق اي منهما سنختار

هل تكون النهاية أن يسامح ويكملا مشوار حبها وتتنهي نهاية رومانسية تقليدية
او لا يجد ص مبررا لعودة س ولا يجد مبررا لهروبه في البداية ويجد انه ليس من السهل أن يسامح ويغفر جرح الكرامة والكبرياء ويصر علي الابتعاد
دعونا نقرر سويا

ولأكون أنا البادئ فتلك بداية الأبيات

<div align="center">اليوم يا ماضي السعادة تطلبين ... عفوا وحبا من قلبي المسكين
اليوم وقد علمت الفــراق لهيبا ... اليوم تأتيني يحملك الحنيــــن</div>

.
.
.
دي البداية يا جماعه يلا كملوا بس ياريت تركزوا في الفكرة كويس واللي مش فاهم فيها اي حاجه يرجعلي الاول علشان عايزين نخلي تسلسل وتدرج القصيده مظبوط وكمان الفكرة متناسقة والوزن والكلمات

والان أنتظر باقي الكلمات وانتظر مشاركاتكم وانتظركم
واعتذر مرة اخري عن التأخير

السلام عليكم ورحمة الله وبركاته

اخوكم في الله ميــــــــــــــــــــــــــــــــــــــــــــــــ ــــــــدو


.

<div align="center">
ما شاء الله موضوع متميز كصاحبة

واتمنى ان يكتمل اركانه كما تحب اخى ميدو

واعتذر عن التاخير فلم اكن متواجده الفترة السابقة لظروف كثيرة

ولازلت اعانى من اثارها

اسالك الدعاء

اما بخصوص النهاية اتمنى ان تكون رومانسية افضل

فكفانا احزان وبكاء.. فتعالوا نجعلها دعوة للتفاؤل والتسامح

وانا معكم مستمعة جيده لاننى للاسف لا اجيد الشعر

وشكرا ميدو..

..</div>

يا عينى يا ميدو دايما كده بتتحفنا بافكارك الجميلة

طبعا فكرة القصيدة هايلة

وانا رايى انك تبدا بابيات ونكمل كلنا معاك

مع احترامى لكل اعضاء المنتدى الكرام والمشرفين ايضا
مش فى اى شاعر فى المنتدى
وانا منتظر التحدى
ومشاركاتى فى المنتدى تشهد على كلامى
تحياتى لكم جميعا
mr . koko

<div class='quotetop'>إقتباس(مهرة @ Sep 17 2006, 12:53 PM) [snapback]222221[/snapback]</div>[/b][/quote]

شكرا جزيلا اخيتي مهرة علي تشريفك الموضوع
واتمني من الله ان يكون ما يمنعك عنا خيرا ان شاء الله وان يتنهي سريعا لنستزيد من وجودك ومشاركاتك معنا

اما بخصوص النهاية فهذا اول تصويت للنهاية الرومانسية ولكن لنري باقي التصويتات

ويكفينا وجودك معنا قارئة وان كنا نتمني مشاركتك لنا بقلمك

شكرا ليكي يا مهرة ويارب ان شاء الله يكتمل زي ما انا عايز كحاجه تليق بينا هنا في المنتدي كلنا


<div class='quotetop'>إقتباس(نغم البحر @ Sep 17 2006, 04:35 PM) [snapback]222281[/snapback]</div>شكرا ليكي يا نغم وسعيد ان الفكرة عجبتك وانا بالفعل بدأت بأول بيتين وأنتظر منكم البقية ان شاء الله لنكملها معا

شكار ليكي يا نغم واتمني منك زيارة قادمة تحمل لنا فيها كلمات من قلمك المميز

شطرا احلام

<div class='quotetop'>إقتباس(islamkoko @ Sep 17 2006, 07:48 PM) [snapback]222327[/snapback]</div>يا سيدي ومع احترامنا ليك انت كمان شكرا جزيلا علي كلامك الجميل

وسعداء بوجود الشاعر العظيم :lol: mr . koko معانا

ورينا يا شاعر مشاركاتك

.
.

الظاهر
انى اتاخرت

لان كان ليا اقتراح بخصوص القصيدة

انها متكونش عن الحب


لان مش كلنا بنعيش نفس الاحساس


وعشان كده كان عندى اقتراح بقصيدة وطنية لان الشعور عام


وكنت بفكر نعمل عمل كبير


نكتب قصيدة عن تاريخ مصر


كل واحد يكتب مجموعة ابيات عن ملك او فترة


وتترتب القصيدة تاريخيا


ها

أيه رايكم ؟؟؟؟؟

ما انا قولتلك ابدأ يا دكتور عبد اللطيف افتكرت اني بدبسك

طيب نشوف بقي اراء الاعضاء وانا شخصيا موافق

اقتراح حلو يا عبد اللطيف بس هتكون فصحى او عامية

وسيبولي فترة حسني مبارك هههههههههههههه :lol: :D

أنا بقول فصحى

عشان أغلب شعراء المنتدى بيكتبوا فصحى


وبعدين فترة حسنى مين يابرى


أحنا فين وحسنى فين احنا حنبتدى بمينا موحد القطرين

يعنى احتمال عبار منوصل لحسنى

تكون فترة الولاية الاولى لجمال خلصت :P :P ههههههههههههه

انا اسف يا جماعة
كان نفسي اشارك معاكم

بس للاسف انا مقاطع النت طواااال شهر رمضان


انا عارف اني هيفوتني كتير بس اعمل ايه اعذروني

شدوو حيلكم وربنا معاكم

نتقابل بعد العيد ان شاء الله


سلالالالالام يا عرب

لسه مش بدات

انا بفكر ابدأ انا بس صاحب الفكرة اكيد مش هيوافق

والله الدراسه الاسبوع الجاى

وبعمل فى مدرسه ثانوى مدرسه لغه عربيه

وكمان بحضر يعنى مش هيكون فى وقت

انا علي فكره اقترحت فكرة وشرحتها بالتفصيل وبدأت اول بيتين فيها بس الاخوة الاعزاء اعلنوا اعتراض علي فكرتي وأبدوا اقتراح تاني وبعدين وقفوا الموضوع

طيب انا اعمل ايه

عموما لو هتقدري تحيي الموضوع انا مستعد اسيبه ليكي تتصرفي فيه كيفما تشائين.
.
.

لا مش هقدر احيى لوحدى

وده موضوعك يا اخى الكريم

انا هعلن بعض ابيات هكتبها وهقولها ليكم


عجبتكم كملوا عليها و

وبس وشكرا ليك يا اخى الكريم

ياريت بس يا ندي تراجعي الموضوع قبل ما تبدأي وتشوفي شروط بداية قصيده جديدة وشوفي الافكار اللي طٌرحت جايز تعجبك حاجه وتكملي عليها

شكرا لاهتمامك وبجد انتي لو عندك استعداد تبدأي اعتبري الموضوع بتاعك انا للاسف اصلا مش هقدر اكمل الموضوع

شكرا ليكي