|
حاسبات و معلومات و لاّ علوم
بسم الله الرحمن الرحيم و السلام عليكم و رحمة الله ، أما بعد دلوقتى نقول لكل طلبة المرحلة التانية اللى إن شاء الله هيلحقوا الكليتين دول حاسبات و معلومات ، و علوم و بعد ما ضاعت للأسف الهندسة بأنواعها السؤال اللى حير ناس كتير علوم و لاّ حاسبات اخترتها ، و ليه ؟ يا ريت كل اللى يعرف حاجة عن الموضوع ده يفيد طلبة المرحلة التانية من التنسيق ننتظر التفاعل من الجميع بالتوفيق إن شاء الله للجميع |
اقتباس:
|
شكرًا للرد يا زيزو
|
انا من لراي خش هندسه خاص و ريح دماغك
|
انا من رائي يا عبد ارحمن انك تدخل حاسبات و معلومات و الله بجد كلية ممتازة
و سوق العمل بيحتاج خريجي الكليات دي فانا انصحك بهذا |
شكرًا يا أينشتاين فعلاً هو حل سليم بس مكلف
و شكرًا يا ذكى على رأيك اللى بحترمه بس المشكلة إن حتى الحاسبات مش باقى منها إلا قطرات ربنا يستر على فكرة يا جماعة الموضوع مش عنى الموضوع على واحد من أصحابى الأنتيم و هو جاب تقريبًا 92 فى المية ربنا يستر بجد |
اقتباس:
وع فكرة علوم في الشغل كويسه اكتر من حاسبات واكتر من هندسه نفسها يعنى عندنا حاجة اسمها ميدكال ريب ممكن يشتغلها ممكن اول مرتب ليه يبقي 1500 جنيه وبالنسبه لمجالات الشغل 1-اخصائي تحاليل(دكتور تحاليل) وتفتح معمل باسمك وتكتب عليه دكتور كزا بالبنط العريض 2- اخصائي اطفال انابيب 3-اخصائي مكافحة عدوى 4- كميائي في شركات الادويه ودلوقتى بيفضلو الكميائيين عن الصيادله في شركات الادويه وبردو بيطلق عليك لقب دكتور 5-كميائي في شركات البترول والمياه والاسمدة والاسمنت والحديد والصلب والملح والصودا والالاغذيه واالالبان والعصائر والزجاج والبلاستك والسراميك والصبغة والقطن الطبي والمناديل والزيوت والصابون الخ 6-ميدكال ريب زى الصيادله بردو وبيطلق عليك لقب دكتور 7-مهندس جودة في الشركات 8-مهندس بترول في شركات البترول 9-اخصائي اشعه 10-فزيائي في معامل الاورام والمستشفيات ومراكز البحوث 11- ممكن طبعا لكل اقسام كليه علوم انها تشتغل كباحث في مراكز البحوث المختلفة في مصر طبعا كل الشغلانات دى بتتنوع علي حسب الاقسام اللي قلتها |
شكرًا زيزو على نشاطك ده بس متعرفش ايه حكاية
المعهد العالى للتكنولوجيا ببنها هل باقى أماكن فيه ؟ و إذا فيه ايه رأي سيادتك فيه؟ |
طيب يا جماعه لو سمحتم اللي بيطلع من حاسبات ومعلومات بيشتغل ايه ؟؟ ممكن معلومات عنها بسرعه علشان انا نفسي ادخلها
|
اقتباس:
وبيدى درجة بكالوريوس هندسه بس بيفضلوا عنهم كليه هندسه وهما كانوا عامليين مظاهرات عشان كدة |
من الاخر لو ملكش في الكمبيوتر و مبتحبهوش و مبتحبش مجاله يبقى غلطة عمرك انك تخش حاسبات |
ازيك يا عبده ؟
هقولك شويه حاجات ان شاء الله اولا : فيه في هندسة قسم حاسب الي وده من اعلي الاقسام الموجوده في هندسة في كليه حاسبات ومعلومات الجراسه بتقي احسن من هندسة في الحاسب خريج حاسبات ومعلومات اقوي من خريج هندسة في الكمبيوتر ويفهم احسن منه في حاجات كتيرة وحتي المواج الي بيدرسوها بتكون افضل واشمل من الي في هندسة لكن طبعا علشان انت في مصر محدش بيبص مين الاحسن لكن بيبصو مين الباشمهندس يعني مين الي متخرج من كليه الهندسة ومعاه الباكرليوس ثانيا بالنسبه لعلوم : كليه صعبه جدا من وجهه نظر معظم الناس ونادرا لما حد بينجح فيها وبيتفوق الا لو كان بيحب الماده العليمه جدا وفيها اقسام كتيرة وكلها حلوة علي حسب ايهما تفضل ان تدرس ؟ لكن فرص الشغل بتبقي كويسه برده بالنسبه لعلوم الكلام ده لو حابب الماده والكليه مش كارهها وبيزاكر يعني مثلا ما تجيبش جيد وتقول انك كده كتفوق لا يا حلو المفروض امتياز اذا ما كنتش من اوائل الدفعه ساعتها تقدر تثبت نفسك لكن موضوع الشغل ده بتاع ربنا وكل واحد بياخد نصيبه احنا بس بناخد بالاسباب ونشوف اني الي المجتمع محتاجه اليومين دول ما احنا عارفني ان البحث العلمي في مصر زي الزفت بل يكاد لا يكون هناك بحثا اصلا ؟ ورايي في الاخر هو حاسبات علشان المجمتع النهارده بقي كولو كمبيوتر وهو ده الطلب عليه اكتر وفرص عمله هتكون ان شاء الله افضل يعني مثلا يقدر يشتغل اي حاجة تبع الكمبيوتر ( صيانه _ برمجه _ سوفت _ هارد ) حتي لو وقف في محل كمبيوتر عادي جدا |
على فكرة مجال الكمبيوتر في مصر مفتوح للجميع
يعني في شهادات بتاخدها من بره دي يقدر يقدم فيها اي حد من غير ما يكون متخرج من الحاسبات و هي دي اللي بيتشتغل بيها من الاخر لان معترف بيها دولياً انا اعرف واحد متخرج من اداب ( على ما اتذكر او كلية زيها كده ) وواخد كام شهادة من بره عن الشبكات من شركة اسمها cisco و شغال مهندس شبكات في الجامعة الامريكية . ملحوظة انت بتمتحن في مصر عن طريق النت و الشهادة بتتبعت من بره و الشهادة بتكون معترف بيها دولياً مش في مصر بس و في شهادات متقدمة اللي ياخدها يتعين في الخارج بمرتب مش اقل من 100 الف دولار في السنة :) فأنت لو هتكمل بعد الدراسة ( و لازم تكون بتحب المجال ) يبقى توكل على الله و خش حاسبات لكن متتوقعش انك تشتغل شغلانة عدلة بشهادة الكلية بس اما لو داخلها لمجرد انك سمعت عنها و مبتحبش المجال ده يبقى احسن لك حول |
أحب أشكركم على الاهتمام أولاً
و بعدين أشكركم على المعلومات الجميلة ده اللى مكنتش عارفها |
كلية العلوم جميلة و لكن شغلها عاوز واسطة
انا اعرف واحد واخد فيها ماجستير و مبيشتغلش |
لو هتتكلم عن الوسايط يبقى محدش هيشتغل
|
اقتباس:
|
اقتباس:
وبتشتغل مدربه اي سي دى ال وبتدى كورسات كمبيوتر عشان مش لاقيه شغل في مجالها ومعاها واسطة شغلتها في مجال الكمبيوتر والاي سي دى ال |
لا تجوز المقارنة اصلآ
حاسبات ومعلومات وانت مغمض !! |
اقتباس:
لان علوم كليه قمه ومستقبلها افضل اما الحاسبات والمعلومات غكل خريجيها عارفيين هما بيطلعوا بيقعدو لان مجال الحاسبات مفتوح لاي حد يعنى ممكن خريج اداب اخد كورسات كمبيوتر يشتغل وخريج حاسبات ومعلومات مايشتغلش مع انه الاحق بس سوق العمل كدة للاسف انما علوم مجالاتها كتير اوى |
اقتباس:
واما هو الوضع كده ليه علوم تنسيقها اقل كتير من حاسبات :) وبعدين بتاع اداب ايه اللى ياخد كورسات كمبيوتر انت فاكر بتوع حاسبات دول بيشتغلوا ف الاكسل والوورد حاجة غريبة والله ياريت يا جماعة اللى ما يعرفش ما يتكلمش |
صحيح يا جماعة كلية حاسبات من كليات القمة دلوقت . هي كلية جميلة بجد بس اللي يحبها وعلي فكرة شغلها مضمون وهي افضل من علوم بمراحل من رايي
|
اقتباس:
اما حاسبات فمن 90 ومن 89 .............................. وبعدين بتوع علوم رياضة مايعرفوض اصلا ليهم اقسام ايه في علوم لانهم رياضة فعشان كدة تنسيقها بينزل عن حاسبات لاعتقادهم ان ليهم قسم الرياضة بس ودة اعتقاد خاطئ ........................... بتوع حاسبات بيشتغلوا كدة وليا صحابي شغاليين كدة لان مفيش شغل اصلا هو مجال مفتوح لاي كليه .................... بالنسبه لاحاسبات وعلوم لاتوجد وجه مقارنه ع الاطلاق بين علوم وحاسبات فعلمى رياضة لو دخل قسم من اقسام الكميا فيقدر يشتغل في اكتر من 100 نوع من الشركات اما حاسبات فليه بس الحاسبات فقط دة اذا لاقاها اصلا ...................... |
اقتباس:
مين اللي قال كدة علوم السنة دي بعض كلياتها واخدة اكتر من هندسة علوم فرع دمنهور ج الإسكندرية387.5 علوم كفر الشيخ385.0 هندسة اسيوط383.0 الحكاية عرض و طلب بس مش اكتر انا شايف ان الافضل علوم لعدة اسباب اولا : علوم بتتقسم لعدد كبير من التخصصات يتجاوز 20 تخصص ثانيا : مجال شغلها صعب ينحصر .. ممكن يشتغل بدءا من مدرس ( علي فكرة اساتذة الكيمياء و الفيزياء و الاحياء اللي ادوني ف ثانوي خريجي علوم و افضالهم عليا لا تنسى ) و يمتد شغله لغاية انه يفتح معمل تحاليل ثالثا : بالرغم من علوم تستوعب عدد كبير من الطلبة الا انها بعدد فروعها الكتير بيتخرج من كل فرع عدد قليل طبعا انا مش باقلل من شأن حاسبات و معلومات و لكن انا شايف انها خدت من يوم ما اشتغلت من كام سنة عدد كبير جدا جدا من الطلبة عشان كدة هيبقي مجال العمل ضيق اوي لما يتخرج الطلبة بعد 4 سنين من دلوقتي |
اقتباس:
كفايه دى |
شوف مجالات عمل علوم وابقي اتكلم بعدها
1-اخصائي تحاليل(دكتور تحاليل) وتفتح معمل باسمك وتكتب عليه دكتور كزا بالبنط العريض 2- اخصائي اطفال انابيب 3-اخصائي مكافحة عدوى 4- كميائي في شركات الادويه ودلوقتى بيفضلو الكميائيين عن الصيادله في شركات الادويه وبردو بيطلق عليك لقب دكتور 5-كميائي في شركات البترول والمياه والاسمدة والاسمنت والحديد والصلب والملح والصودا والالاغذيه واالالبان والعصائر والزجاج والبلاستك والسراميك والصبغة والقطن الطبي والمناديل والزيوت والصابون الخ 6-ميدكال ريب زى الصيادله بردو وبيطلق عليك لقب دكتور 7-مهندس جودة في الشركات 8-مهندس بترول في شركات البترول 9-اخصائي اشعه 10-فزيائي في معامل الاورام والمستشفيات ومراكز البحوث 11- ممكن طبعا لكل اقسام كليه علوم انها تشتغل كباحث في مراكز البحوث المختلفة في مصر طبعا كل الشغلانات دى بتتنوع علي حسب الاقسام اللي قلتها |
علوم ايه اللي من 96 ؟؟؟؟؟؟
|
اقتباس:
|
ههههههههههه96 اه
فعلآ تخيل علوم دى كلية القمة الاولى ف مصر يا جدعان الواحد تعبان مش ناقص علوم بتاخد من علمى علوم 94 ده مالناش دعوة بيه انا بتكلم على رياضة رياضة بتاخدلها بتاع 90 ولا 89 وحاسبات 93 ومجالات ايه اللى انت بتتكلم عنها دى مش عارف انا والله شكلكم مش عايشين ف الدنيا |
اقتباس:
ثانيا / هنالك فرع فى لهندسه ما زال متاحا هو فرع الهندسه الزراعيه اعتقد ايضا انه لايجوز المقارنه وذلك ليس لانه احدى الكليتين افضل من الاخرى لا على الاطلاق ولكن المقارنه يجب ان تكون بين الاشخاص فالمجهود والطموح والميول هى المتحكمه فى الامر هذا يكفى ،، دعواتى ،،،، |
علوم دمنهور ج. الاسكندرية 393
|
اقتباس:
من 96 واللهى عرفت بقي انك مش عارف يعنى ايه علوم والسنه دى بعض كليات علوم واخدة اعلي من طب بيطري ههههههههههههههه وعلوم رياضة لو عرف ايه اقسامه جوة الكليه قبل ما يكتب الرغبات اصلا كان اختارها اقبل هندسه مش حاسبات ومعلوممات هههههههه |
اقتباس:
اتمنى ذلك ،،، وحتى 96 قليله عليها والله |
اقتباس:
وتنسيق 2007 اهو لعام 2007 الكلية الحد الأدنىطب شبين الكوم 406.5بترول وتعدين السويس 406.5طب طنطا 406طب الاسماعيليه 406طب بنى سويف 406طب اسيوط 406طب المنصوره 405.5طب الزقازيق 405.5طب بنها 405طب سوهاج 405طب الاسكندريه 404.5طب المنيا 404.5طب الفيوم 404.5طب القاهره 404صيدله عين شمس 404طب عين شمس 403.5طب اسنان المنصوره 402.5طب اسنان طنطا 402.5طب اسنان عين شمس 402طب اسنان الاسكندريه 402صيدله طنطا 401.5طب فم واسنان القاهره 401.5طب اسنان الاسماعيليه 401.5طب الاسنان المنيا 401.5صيدله الاسكندريه 400.5صيدله المنصوره 400صيدله القاهره 400صيدله الاسماعيليه 400صيدله الزقازيق 399.5صيدله حلوان 399.5صيدله بنى سويف 399صيدله اسيوط 399صيدلة المنيا 399علاج طبيعى القاهره 398.5اقتصاد وسياسه القاهره 398اعلام القاهره 397.5طب بيطرى المنصوره 397.5طب بيطرى كفر الشيخ 397طب بيطرىدمنهورج.اسكندرية 397السن عين شمس 397طب بيطرى بنى سويف 397طب بيطرى الزقازيق 397طب بيطرى بنها 396.5السن المنيا 396.5طب بيطرى م. السادات 396.5طب بيطرى القاهره 396.5طب بيطرى الاسكندريه 396طب بيطرى الاسماعيليه 396طب بيطرى اسيوط 396طب بيطرى قناجنوب الوادى 396اثار القاهره 395.5اثار الفيوم 394.5علوم دمنهور ج. الاسكندرية 393 |
من رأيي الشخصي
حاسبات و معلومات = علوم حاسب الاتنين تقريباً زي بعض في الشغل لكن خلينا نتكلم في الواقع رياضة مرحلة تانية فيها ناس ياما كويسين و المفروض انهم كانوا يدخلوا هندسة لكن منهم لله الوزارة قفلت الهندسة على مرحلة اولى و كذلك بقى الفنون الجميلة عمارة و معهد الطاقة في اسوان و بعض كليات الحاسبات و المعلومات و التخطيط العمراني كل دول قفلوا فـ ح يتبقى ايه لبتوع رياضة مرحلة تانية ؟ الناس هنا كل همهم اللقب انا مهندس لقبك مهندس على عيني و على راسي لكن بتشتغل ؟ لقبك دكتور على عيني و على راسي لكن بتشتغل ؟ و الله فيه ناس بتبقى خريجة دبلومات و بتكسب اكتر من مهندسين و دكاترة و بتجيلهم فرص عمل ده علشان بيدوخوا و يدوروا هنا و هناك و ربنا بيكرمهم لانه عارف انهم تعبوا و اتظلموا ما حدش يزعل لو جات له علوم او حاسبات او اداب المهم يتميز و يكون نفسه بدري بدري يشتغل انشالله من اولى كلية اي حاجة علشان يلاقي اكل عيشه لان البلد دي اكل عيشها قليل و اكل عيشها دوخته صعبة جداً و ماحدش يفرح قوي لو لقى نفسه دخل هندسة زي ما ناس السنة دي بتقول الحمد لله ان هندسة لمت الناس النضيفة مش اللي جايبين 92 و 91 نقول لهم : بكرا نتفرج و نشوف الكلية مهما كانت - اصعب من الثانوية العامة و مش اي حد يعدي منها بالساهل الا بقى لو قعد على كتابه من اول يوم في السنة و الـ 24 ساعة كتير من بتوع هندسة و طب و صيدلة مش لاقيين شغل و كتير كتير كتير بل و كمان بيزودوا عدد سنوات دراستهم في الكلية علشان بيسقطوا ما هو خلاص ما دام الواحد دخل كلية يبقى مفكر نفسه ارتاح المهم علمي رياضة مقداموش غير حاسبات و معلومات و انا جايب 379 و ناس يااااما قالت لي ح تلحق حاسبات بس انا مش ضامن و مش متأكد احسن حاجة نخليها على الله و نرضى بالواقع و ربنا خيره كتير و بيجي الخير ده و لو بعد حين مش كده ؟ |
اقتباس:
لا دة يدل ع ان الناس مش فاهمه حاجة ومش فاهمه علوم وبتعتقد ان صيدله افضل ويحطها رغبه اولي ودة اعتقاد خاطئ يعنى مثلا اصحابي من صيدله قاعدين من غير شغل هيموتوا ويشتغلوا في شركه ادويه في حين انا جاتلي فرصة انى اشتغل في شركه ادويه وماارديتش عشان عايز اكمل ماجستير ودلوقتى شركات الادويه بتاخد علوم مش صيدله وبيسرحو الصيادله من الشركات وبيجيبو علوم و قليل اللي يعرف كدة وبردو بيدخل صيدله ويكتبها رغبه اولي وبالتالي تنسيق صيدله بيبقي اعلي من علوم وبالتالي هتلاقي مزيد من البطاله بعد ما يتخرجو |
يجماعة ده مستقبل مش رووم شات لأي حد مش عارف حاجة وأهو بيفتي وخلاص
بص يعبد الرحمن أولا كده مينفعش خااااااااااااااااااااااااااااااااااااااااااااااااا اااااااااااااااااااااااااااااااااااااالص المقارنة إلي إنتا عايزها دي وده بقى لعدة أسباب كتييييييييييييييييييييييييييييييييييرة جدا ومنها مثلا أولا : الدراسة في كلية الحاسبات والمعلومات غير هندسة قسم حاسبات وعلوم قسم حاسبات لأن في الهندسة الدراسة معتمدة على تصنيع الهارد ويرhard ware وملهاش فرص شغل خالص غير في بعض الشركات العالمية بره مصر فمتزعلش على الهندسة ودلوقتي بقى لليهمك وهو الحاسبات ودي الدراسةفيهامعظمها عملي وكلها برمجة وشبكات وأنا أسف بقولك متسمعش كلام أي واحد جاهل يقولك إن أي حد ياخد دورات من غير دخول الكلية لأن جميع مواد الدراسة في الكلية هي نفسه في الجامعات العالمية ومصدرها جامعة كولومبيا بأمريكا في cis يعني computer information science يعني منهج عالمي وهو نفس إلي الطلبة في جميع أنحاء العالم بيدرسوه والدراسة وهي معظمها مواد برمجة كلها باللغة النجليزية مش زي العلوم وعمرك متلاقي الكورسات ديه بره الكلية وده رابط للمواد إلي بتدرسها في الكلية http://www.thanwya.com/vb/showthread.php?t=66621 أما العلوم بقى ياسيدي كلها دراسة نظرية وبتخرج منها زي مدرسين الكمبيوتر وإلي بتدرسوا في الكلية غير المطلوب في مجالات الشغل لما بتتخرج لأنه قسم قديم في الكلية ثانيا : بعد التخرج من كلية الحاسبات والمعلومات إسمك مهندس برمجيات software engineer مش خريج علوم ثالثا : وظيفة مهندس البرمجيات من أرقى الوظائف في العالم والأكثرطلبا بل وهي الأولى على جميع الوظائف في أمريكا وده مش كلامي ده كلام الحكومة الأمريكية ذات نفسها وده الرابط http://www.np.edu.sg/ict/news/Pages/20070123_324.aspx رابعا : غير إن المجال ده مطلوب جدا في مصر فهو أكثر طلبا في دبي والإمارات كلها وأمريكا ومعظم دول أوروبا خامسا : جميع الطلاب من سنة ثانية الشركات العالمية في مصر بتديهم تدريبات صيفية وأول عشرة أوائل على الكلية بياخدوا منحة من ميكروسوفت للدراسة في أمريكا سادسا : شوف دفعة الحاسبات كام واحد العلوم كام وااااااااااااااااااااااااااااااااااااااااااااااااا ااااااااااحد وإخل على جوجل وشوف كمية الوظائف أد إيه سابعا: ده مقال على موقع جامعة buffalo الأمريكية فيه برضه مقارنة هتفيدكhttp://www.eng.buffalo.edu/compscie_vs_compeng.php وأخيرا بقول لزيزوا ربنا يوفقك في علوم بس متتكلمش عن حاجة متفهمش فيها ويبقى الإختيار لك يعبد الرحمن |
اقتباس:
وعارف ان مجالات علوم افضل واكتر بكتير جدا مع حاسبات واحنا مش بنتكلم ع بكالوريوس علوم قسم حاسب احنا بنتكلم كليه علوم اللي ليها فرص شغل اكتر ولا حاسبات وانهى الافضل في الدراسه ولما هتتخرج هتعرف اللي بقوله |
انا افضل حاسبات طبعا مفيش مقارنة
|
مممممممممممم
كلامكوا كله زي الفل علوم رياضة بتطلعك عالم رياضة زي الفل لو ربنا كرمك وبقيت معيد هتبقى دكتور رياضة تطبيقية زي الفل وتيجي تشتغل طلبة هندسة وتطلع عليهم اللي بيطلعوه علينا دلوقتي ... زي دكتور عادل نسيم ما شاء الله عليه معلوماته في الرياضة زي معلوماتي في الهندي بالظبط :d بالنسبة لو ربنا كرمك وسافرت تبقى ما شاء الله عليك عالم رياضة بحتة أد الدنيا وليك كتب بقه وتبقى مشهور :d بالنسبة لو دخلت تخصص حاسب ربنا هيكرمك برضه وتبقى مدرس كمبيوتر في أي مدرسة ابتدائي زي الفل وطبعًا ممكن تبقى مدرس رياضة في مدرسة ثانوي ببساطة وتدي دروس براحتك بقه يا عم .. شوف المستقبل مبهر إزاي :d بالنسبة لحاسبات ملهاش مستقبل أصلا .. إيه مهندس نظم ومبرمج والكلام الفاضي اللي مطلوب على طول وحتى لو اشتغلت حر هتعملك الفين ثلاثة في الشهر وانت لسه طالب .. كلام ملوش مستقبل خالص |
اقتباس:
ويشتغل في افضل شركات البترول العالميه اللي بتوع هندسه هيعيطوا ويدخلو هندسه بترول:d |
حرام عليكوا وتورتونا :bosyht9: انا هتجوز و اقعد فى البيت احسن :d |
انا رأى ان المقارنة حتبقى وجهات نظر انا شايف من وجهة نظرى
كلية الحاسبات افضل واحد تانى شايف كلية العلوم افضل هى وجهات نظر ونصحتى لعبد الرحمن ان يفكر كويس اوى قبل ما يقرر ولازم يأخذ القرار السليم وا يستخر الله وان شاء الله حيختار الافضل ليه ولمستقبله |
هههههههههههه
بتوع علوم بيطلعوا مهندسين بترول :d ما شاء الله وبالنسبة لتجارة بتجيب دكاترة ولا لسه زي ما هي محاسبين بس :d |
اقتباس:
بتوع تجارة بيطلعوا ................. ههههههههههه بجد انت ماتعرفش كليه علوم قسم جيولوجيا بترول بيطلع ايه دة انت مشكله هههههههههه |
Good thinking zizo
my friend is going to join the faculty of science because there are few students to join the other faculty about 550 student so , thank you my friends for your help complete your duty zizo for the other members with best wishes and thank you for every thing thanwyas' members |
يا جماعه لو سمحتم اللي بيدخل حاسبات ومعلومات بيبقي تبع نقابه المهندسين ولا التجارين وكمان عوزه اخد رايكم في حاجه انا جيبه 82% الشروق تقبلي ولو لاء يبقي ايه افضل؟؟؟؟ بليز حد يرد................
|
اقتباس:
بالنسبة اقتباس:
لو حضرتك فى كلية علوم هتبقى عارف ده لكن طالما مش فيها ومش عارف ياريت مش تتكلم وتتريق وخلاص وياجماعة علمى رياضة مش بيدخل علوم قسم رياضة بيبقى قدامه مجموعة الجيولوجيا ومجموعة علوم طبيعية وكل منهم ليها تفرعات تانية محدش يفتكر ان علمى رياضة بيدخل علوم قسم رياضة او حاسب الى ده رياضة وحاسب الى فرعين جوه مجموعة العلوم الطبيعية اللى فيها برضه الكيمياء واللى منها تبقى كيميائى ودى وظايفها مش محتاجة كلام .... بس عموما فى الاول وفى الاخر دى ميول مش كل واحد دخل كلية يغلط فى التانية هو ده نظام المصريين لانهم مش فاهميين ان كل الكليات متعادلة فى الاهمية ... وكلية العلوم من اقوى الكليات العلمية على مستوى العالم واصعبها ودى حاجة معروفة بس اكيد طالب علوم لو كانت جاتله طب بشرى او صيدله مكنش مش هيدخلها برضه لان نظام التعليم فى مصر كله فاشل ومعتمد على مقاييس فى المجتمع مقسمة الكليات قمة وقاع بدون وعى حتى لاهمية الكليات ...... استخيروا ربنا وحددوا قدراتكم واهتمامتكم وشوفوا الكلية اللى هتقدروا تعملوا فيها حاجة وربنا معاكم |
علفكره بقى يشيماء محدش بيقلل خالص من قيمة كلية العلوم وهي كلية ممتازة وصعبة جدا وفرصها حلوة برضه
بس علشان تبقى عارفة بس ومتكلميش في الفاضي *************كلية الحاسبات والمعلومات cis ملهاش نقابة خالص لأنها لسة كلية جديدة وخريجين الكلية تبع الجمعية المصرية لمهندسي البرمجيات esea وده الرابط بتاعها www.esea-online.org *************** تبع نقابة التجاريين أههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه دا إنتي والله نكتة ده محاسب وده مهندس مع إحترامي لجميع المحاسبين وعلفكره أنا عمي عضو في مجلس النقابة يعني يريت يكلم بس إلي يكون فاهم |
اقتباس:
|
| جميع الأوقات بتوقيت GMT +2. الساعة الآن 06:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.