هل هناك فارق بين الكميائي والصيدلي
 

داخل مصنع الادويه






1 معمل الانتاج لا يجوز ان يعمل بها غير صيادلة وفنيين لان الصيدلى اقرب الى هذا العمل من الكميائى
2- معمل الكمياء يشترك فية الكميائى والصيدلى سواء عن تجربة
3- معمل الميكروبيولوجى لا يعمل بة الا بكالوريوس العلوم قسم ميكوبيولوجى
4- معمل الابحاث والتطوير دى لعبة الصيادلة


5-الاى بى سى ودى ممكن يشتغل فيها كميائيين او صيادلة


6-توكيد الجودة ممكن صيادلة وممكن كميائيين عادىبردة
7-ادارة التخطيط ينفع صيدلى او كميائى وهى موهبة اكتر ما تكون علم حد فاهم حاجة
8-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر-ومحدش يستهتر بيها بالمخازن دى والله فى قمة الاهمية ودورها جوكر
9- تخصص الفاليديشن validation جديد على مصر وبيندرس فقط برة مصر فى جامعات معينة وفى مصر كورساتة غالية واللى بيفهموا فية فى مصر يتعدوا على الاصابع حوالى 10 بالكتير و اغلبهم كميائيين ودة ممكن يعمل فيى صيدلى او كميائى ترجع للموهبة والقدرة على تنمية المهارات والاطلاع الدورى على كل جديد








خارج مصنع الادويه


1الكميائي يشتغل ميدكال ريب والصيدلي يشتغل ميدكال ريب


2-الكميائي يفتح معمل تحاليل والصيدلي يفتح صيدليه


الكميائي بقي ممكن يشتغل ككميائي في شركات البترول والمياه والاسمنت والاسمدة والاسفنج والصباغة والزجاج والقطن الطبي والمناديل والبلاستك والعصاير والاغذيه والاخشاب والدهانات والسكر والحديد والصلب والملح والصودا والمبيدات الخ

الكميائي ممكن يبقي اخصائي تحاليل او اخصائي اطفال انابيب او اخصائي مكافحة عدوى

فعلا اخى انا اؤيدك وده مش كلام وبس انا بحثت كتير فى النت وشوفت الكلام ده بنفسى وكمان كتير قالى كده
شكرا لموضوعك

العفوا لان لو طلاب الثانوي عرفوا يعنى ايه كميائي ويعنى ايه كليه علوم واللهى لكان كل طلاب الثانويه كتبوها رغبه اولي

اه فعلا معاك حق
كلية علوم ممكن يكون كتير مش عارف الاهمية بتاعتها او الفرص اللى فيها
بس يعنى هو المجتمع بتاعنا كدا كله عاوز طب وصيدلة
تسلم الايادى ع التوبيك

شكرا جزيلا علي موضوعك
بس انا اعرف ان الناس باحجم عن دخول علوم لأنها كلية صعبة و محتاجة مذاكرة كتييييييييييييير
بس انا كان عندي سؤال
كنت عايزة اسأل عن القسم الاكلينيكي في كلية صيدلة و مصاريفة و دراسته و مجالات عمله

طيب ممكن اعرف هل خريجي كمياء حيويه كليه الزراعة لهم نصيب في العمل مثل كيمائى علوم؟

ولكم جزيل الشكر

لاء طبعا لان لو حد اشتغل كميائي غير خريج كليه علوم بيتلاحق قضائيا طبقا لقانون مزاوله المهنه

بعد ما بتخلصي علوم بتروحى لبعض كليات الصيدله اللي فيها قسم اكلينكال وسامحيين بالموضوع دة
وبتدفعى في السنه حوالي 20 الف جنيه
واللي اعرفة انك بتبقي بتبقي معاكى بكالوريوس صيدله وشغلك بيبقي طبيب صيدلي يعنى الطبيب للي بيوصف الدواء وفي نفس الوقت معاكى بكالوريوس علوم

بس ليه ده كله هتدفعى فلوس ومجالات علوم في الشغل افضل بكتير من صيدله

شكرا علي المعلومه

علي فكرة انا كانت جاية لي كلية غير علوم بس انا بسبب الموضوع دة اقتنعت وهاكتب علوم علي العموم ربنا يكرمك

!!!!!!

أكيد طبعًا في فرق


الكيميائي كيميائي والصيدلي صيدلي

الكيميائي ميفهمش حاجة عن الأدوية .. كل اللي يعرفه تركيبها لو يعرفه

إنما بتشتغل إزاي وليه وعشان إيه والجسم بيرد إزاي وده بننتجه ليه أصلا ووصلنا ليه إزاي .. هوه ملوش دعوة بالكلام ده !!


الأمر زي عندنا في هندسة بترول
إيه الفرق بين مهندس البترول وبتاع الجيولوجيا .. التاني يعتبر عامل مكمل بينما الأساس مهندس البترول وكذا الكيميائي والصيدلي والدكتور والممرض !! ده طبعًا في معمل الأدوية

بالنسبة لكلامك عن إن الكيميائي يشتغل ميديكال رب .. فمش عارف شكلها وسعت شوية

هوه ممكن دلوقتي أصلا أي حد يعرف شوية انجليزي يشتغل مديكال رب

بس إش فهم بتاع الكيمياء في البيولوجيا وإزاي يفهم الدكتور أو يقنعه بدوا وهوه مش فاهم أصلا يعني إيه مسكن من مهديء !!!


الكيميائي بيفتح معمل تحاليل .. شكرًا على الإضافة .. السؤال الآن بيفتح معمل تحاليل إزاي :d ... دبلومة باثولوجي محترمة في حدود معلوماتي .. !!

وبعدين يفتح ليه أصلا .. إش فهمه هوه في الأمراض وازاي يقرأ التحليل وده يدل على إيه وإزاي يبلغ الدكتور

أعتقد لو كده يشتغل فني .. !!!


لسه السؤال قائم بالنسبة للكيميائي إيه دخله أصلا بالصيدلي ؟؟؟

[

الكيميائي كيميائي والصيدلي صيدلي
اينعم لكن الكميائي افضل من الصيدلي ومجالاته تفوق الصيدلي بكتير
.................................................. ..........................

الكيميائي ميفهمش حاجة عن الأدوية .. كل اللي يعرفه تركيبها لو يعرفه
طبعا غلط كل معظم دراسه الكميائي تعتمد علي الادويه والكيموثيربي والانتي بيوتكس والهيترو كومباوند والكروموتوجراف هههههههههههههههه
.................................................. ...



إنما بتشتغل إزاي وليه وعشان إيه والجسم بيرد إزاي وده بننتجه ليه أصلا ووصلنا ليه إزاي .. هوه ملوش دعوة بالكلام ده !!
انا مش فاهم انت قصدك ايه اصلا ههههههههههه
.................................................. .....


الأمر زي عندنا في هندسة بترول
إيه الفرق بين مهندس البترول وبتاع الجيولوجيا .. التاني يعتبر عامل مكمل بينما الأساس مهندس البترول وكذا الكيميائي والصيدلي والدكتور والممرض !! ده طبعًا في معمل الأدوية
مع احترامى مهندس الجيولوجى يطلق عليه مهندس جيولوجى او مهندس بترول وكل مهندسين البترول علوم مش هندسه بترول


وع الاقل مهندس بترول علوم بيشتغل اول ما بيتخرج انما مهندس البترول من هندسه بترول مش بيشتغل
دة ليه لان الكليه عندنا في علوم اسكندريه والقاهرة اللي فيها الاقسام بتاععة جيولوجيا البتروول متعاقدة مع شركات بترول
.................................................. ...........

بالنسبة لكلامك عن إن الكيميائي يشتغل ميديكال رب .. فمش عارف شكلها وسعت شوية

هوه ممكن دلوقتي أصلا أي حد يعرف شوية انجليزي يشتغل مديكال رب
لا طبعا لان طبقا لقانون العلميين من الحق الكميائي تسويق اي منتج كميائي بينما الصيدله لاتوجد كلمه تسويق دوائي فبالتالي لا يحق للصيدله ان يشتغلو ميدكال ريب اصلا
فمتهيالي وسعت اوى منك هههههههههههه القانون دلوقتى ان االكميائي يشتغل ميدكال ريب لكن الصيادله بيشتغلو كدة تزويغ لان قانونهم مفيهوش كدة
.................................................. .....................


بس إش فهم بتاع الكيمياء في البيولوجيا وإزاي يفهم الدكتور أو يقنعه بدوا وهوه مش فاهم أصلا يعني إيه مسكن من مهديء !!!
ههههههههه يبدو انت مش فاهم يعنى ايه كميائي لان هناك اقسام داخل كليه علوم زى كميا وميكروبيولوجى والكميا الحيوى والكميا زالكميا الحيوى والكميا بيواوجى عموما فهو كميائي ولكنه بيولوجى ويفهم اكتر من صيدله في البيولوجى
.................................................. ........................................
الكيميائي بيفتح معمل تحاليل .. شكرًا على الإضافة .. السؤال الآن بيفتح معمل تحاليل إزاي :d ... دبلومة باثولوجي محترمة في حدود معلوماتي .. !!
لا دبلومة كميا حيوى او ميكروبيوالوجى ودراسته كلها الكميائي البيولوجى متعلقة بالباثولوجى
انا بقي بسال مال الاطباء بالكميا الحيوى اصلا ؟
.....................................



وبعدين يفتح ليه أصلا .. إش فهمه هوه في الأمراض وازاي يقرأ التحليل وده يدل على إيه وإزاي يبلغ الدكتور


أعتقد لو كده يشتغل فني .. !!!
هههههههههههههه انا ليا واحداعرفة علوم الدكتور فلان
والطبيب اللي اللي جنبه ما يقدرش يكتب لانه ماخدش الدكتوراه هههههههههه
لان اصلا كلمه دكتور لا تطلق الا من معاه دكتوراه ياريت تبقي دقيق شويه
.....................................


quote=xx_youri_xx;1458919]!!!!!!
لسه السؤال قائم بالنسبة للكيميائي إيه دخله أصلا بالصيدلي ؟؟؟[/quote]
أكيد طبعًا في فرق
لا مفيش فرق طبعا في اي حاجة
الكميائي افضل بكتير ومجالاته افضل واكتر من الصيدلي

يا أخ / زيزو أراك متحمساً لكلية العلوم بدرجة زائدة عن الحد :)
في النهاية المهم أن يكون الكيميائي أو الصيدلي ناجح في مجاله
و كلاهما مكمل للآخر
وشكراً لك على طرح هذا الموضوع

واللهى هو دة الواقع شركات الادويه بقيت مش بتاخد صيادله وبتاخد كميائيين
ودة ادى ان الصيادله يعملو حمله ضدنا علي الفيس بوك
وفيه صيادله في الجروب اقترحت انها تحرق الادويه اللي منتجة من شركات الكميائئيين بيشتغلوا فيها اكتر من الصيادله
وبردو ادى انهم حمله ضد الكميائيين عشان الميدكال ريب
مع ان قانون الكميائيين فيه تسويق اي منتج كميائي
وقانون الصيادله مفيهوش الكلمه ددى

فعلا لان علوم هى التوب
عايزك تدخلي ع مواقع كليه صيدله وتشوفي الحقد ع كليه علوم عامل ازاى
لما الشركات طردتهم وبقيت بتاخد كميائيين

انا شايف ان الكلام عن كليه العلوم كله صح
وياريت مننساش انها كليه العباقره احمد زويل وغيرهم كتير

دة غير من تلات ايام فاتت الدكتور مصطفي السيد اعلن عن ان الفريق بتاعة في المركز القومى للبحوث توصل لانتاج الدواء اللي معالج للسرطان اللي كان قال عليه السنه اللي فاتت

الفريق بقي اللي معاه هم مجموع من شباب كليه علوم قسم كميا حيوى وقسم فزيا حيوى وانا اعرف ناس بيشتغلوا معاهم في المركز القومى للبحوث

بداية انا لا صديلى و لا كلية علوم انا طب اسنان و كلها سنتين و اتخرج ان شاء الله
بصراحة اللى بيحصل فى مصر ده لا مثيل له ع الاطلاق فى اى مكان فى العالم
اغلب المصريين عندهم قناعات حمقاء بان هناك كليات افضل من الاخرى و ان هناك اعمال افضل من اخرى و هذا لن تجده الا فى منطقتنا العربية و فقط
فى الخارج اذا ذهب احدنا بهذه العقلية المريضة و تعامل مع الناس هكذا لكان الناس هناك ضحكوا منه و سخروا منه
كلية العلوم تعتبر اساس الدراسة العلمية التجريبية و هى الاساس الاكاديمى لاى شىء و لكل شىء فى العالم و تقابلها كلية الاداب كاساس الدراسات الانسانية و تعتبر الكليتان اساس اى جامعة
كلية العلوم لا تخرج اطباء و لا صيادلة و اطباء تحاليل و كل ده معلش كلام فارغ من الاساس لان المسمى الوظيفى مفيهوش حتة طبيب تحاليل او صيدلى و لا يعترف به هكذا ابدا
شركات الادوية الان يعمل بها خريجو العلوم و الصيدلة و البيطرى و البشرى و الاسنان و احيانا الزراعة
لا يوجد عندنا اى فصل بين التخصصات و كله عايز يتطفل و خلاص و يبقى اسمه دكتور و كأن الكلمة دى شرف كبير و كأن اللى مش بيتقال له دكتور يبقى ملهوش لازمة و تلاقى الناس ببتعلق اوى بلفظ يبذلوا من اجله كل انواع التحايل سواء ع القانون او ع غيره
اشهر مثال انا شخصيا اعرفه معرفة اليقين هو خريج كمياء علوم و يسمى نفسه طبيب تحاليل
مع ان هناك قسم خاص فى كليات الطب اسمه الكلينكال باثولوجى يعتبر الخريج منه طبيب تحاليل و يكون درس كافة ما يتعلق بتشريح الجسم و غيره من علوم الجسم الرئيسية ثم يمضى 3 اعوام ماجستير ليحصل اخيرا بعد 10 سنوات دراسة على مسمى طبيب تحاليل بعد ان يكون عينه طلعت من دراسة كل ما يتعلق بخصاءص الجسم البشرى
ويجى بعد كده خريج علوم 4 سنين و دبولمة سنة و نص و معلومات محدودة عن الجسم البشرى و تقريبا اشياء بسيطة للغاية عن التشريح و العلوم الرئيسية للجسم البشرى ثم يسمى نفسه هكذا بقدرة قادر طبيب
و يبقى انت اكيد فى مصر حيث كل شىء مستباح
انا لا اقلل من خريج العلوم ابدا لكن لا يجب ابدا ان يتخطى مجاله تحت اى مسمى كان و نفس الامر ينطبق على الطبيب و على كل الناس
ولا حول و لا قوة الا بالله

أولا أنا مليش علاقة بكلية صيدلة إطلاقا
أنا هندسة بترول ...
عشان بس نصفى المجاري من أولها

ثانيًا مش عارف ليه انت محسسني إنك بتكلم صبي قهوجي :D

كلام جميل ورائع .. آجي أقولك وزعلي الكيميائي بيشتغل إيه .. ألاقيك رصيتلي ثلاثة أربع مصانع كيمياء كل واحدة عايزة خبرة عشرة خمستاشر سنة يعني يساوي في النهاية صفر

اسئل نفسك مين من علوم تعرفه اتخرج واشتغل .. يا راجل ده بيدوخوا على ما يتوافق على تدريب ليهم .. وفي الآخر كلهم بيبقوا مدرسين علوم في مدرسة إعدادي أو رابعة ابتدائي كمان

إلا طبعًا اللي ربنا يكرمه بواسطة أو بهجرة
ده أكثر مقطع حسسني إني مبيض محارة

يا راجل .. الكيميائي بيدرس الكيمو ثيرابي :D

كيمو ثيرابي يعني العلاج الكيماوي .. وهوه ماله بيه أصلا :D
ومفيش أساسا دراسة اسمها كيمو ثيرابي .. ده الدوا اللي بتوصفه

يعني كأنك بالظبط بتقولي الكيميائي بيدرس إعطاء الدواء الكيميائي ... أفهمها بإيه أنا دي .. أكيد مش بدماغي B-)

لأ استنى كمان .. دراسة بتاع العلوم طبية وبيفهم في الأدوية عشان بيدرس الأنتي بيوتكس .. :p
عشان ربنا كرمه في سنة رابعة ولا ثالثة ودرس حاجة اسمها بيو كيسمتري وسمع فيها كلمة أنتي بيوتك يبقى عرف إيه هوه ايه الأنتي بيوتك

أتحدى بعمري كله لو واحد في علوم كيمياء يعرف يفرق ما بين البكتريا والفطر والفيروس وإيه الفرق بين الأنتي بيوتك والأنتي فايرال .. !!


عايز طالب علوم بعد ما يتخرج يقولي إزاي آي دوا بيشتغل على الجسم .. أتحدى بعمري لو يعرف .. هوه مدرسش الدوا ده بيدخل الجسم ليه أصلا اشمعنى هوه دونًا عن غيره !!


احم

هنا بقه حسيت إني صبي ميكانيكي .. لأ كتيرة برضه .. بص حسيت إني مهندس بترول علوم :D

إيه التخصص الجامد ده

مهندس وبترول وعلوم .. ثلاثة في واحد

أتحداك بقه المرة دي انك تطلع لي التخصص ده من أي حتة

قال مهندس من علوم قال


صحيح .. بصفتى في هندسة بترول ومتدرب في شركات بترول عايز أسئلك .. هوه انا ليه مبشوفش حد من علوم بيدرب .. آخرهم بتوع جيولوجيا شغالين وبيبقوا استكشافيين وبيبقوا أكيد في مرتبة مساعد مش أكثر

سؤال آخير في النقطة دي .. مين ضحك عليك وقالك إن في كلية حكومة متفقة مع أي شركة بعد التخرج :D ???


آه طبعًا لما يبقى المنتج ده بويه.. كلور .. كلام من ده

إنما دواء وتروح تكلم دكتور عنه وتبقى آخرك تعرف ان البنزين فيه ستة كربونات ... طب تيجي إزاي !!

أساسا الدواء بتحكمه قوانين مختلفة تماما عن أي مادة كيميائية

والصيادلة هما رقم واحد في الحق في تسويق المنتج .. لأنه بيبقى شايل الدوا وبيكلم الدكتور عن فوايده

مش شايل المسحوق وبيقنع الحاجة إزاي بيزيل البقع لأنه فيه جزء هيتروفيل وهيتروفوب والغالي تمنه فيه
وحد كلامك واعرف انك بتتكلم عن قسم كيمياء ..

بالنسبة لخريج ميكرو بيولوجي اللي بتتكلم عليه
آخر معلوماته إن البكتريا فيها منها موجبة وسالبة الجرام
تركيب مش أكثر
لا ليه دعوة لا بتعمل إيه ولا إزاي ولا ليه .. !!

بتاع بيولوجي .. بيعرف يشرح الفار وتركيب الجهاز التنفسي والدوري لكن ملوش دعوة بالمرض وإزاي بيحصل

عمومًا انت أدرى مني بنقطة مطلوب منهم إيه ..

لكن الدكتور ماله بالكيمياء الحيوي .. ده سؤال يدل انك مدرستش كيمياء حيوي :D
الكيمياء الحيوي لما ربنا يكرمك وتدرسها هتعرف انك بتشوف فيها سلوك المادة من أول ما تدخل الجسم لحد ما تخرجه منه وده ميهمش بتاع علوم
ماله هوه بتحلل الجلوكوز وازاي الجسم يكونه !!
ده مجرد كماليات لطالب كيمياء عشان يبقى اسمه درس كل حاجة ..
زي المليون نوع كيمياء اللي بيقولوا عليهم

جرب تسأل أي طالب علوم في ثالثة أو رابعة عن المواد اللي بياخدها هتلاقيه مبيقولكش غير كيمياء

مجاوبتش على سؤالي
بس اللي اعرفه انك بعد التحليل بتكتب التقرير وده يتطلب أي خلفية طبية .. وده طبعًا غير موجود عند بتاع علوم

أيوه طبعًا أكيد .. الكيميائين هم سادة العالم


في النهاية بس أنا عايز أقول أنا مش ضد كلية علوم ..
بس انا ضد التعصب الأعمي
أنا لو كلمتني عن هندسة البترول عمري ما هاقف في صفها لمجرد ان انا فيها
هاقولك كيت وكيت وكيت عليها
لكن أكيد علوم مش أحسن منها

كلام جميل ورائع .. آجي أقولك وزعلي الكيميائي بيشتغل إيه .. ألاقيك رصيتلي ثلاثة أربع مصانع كيمياء كل واحدة عايزة خبرة عشرة خمستاشر سنة يعني يساوي في النهاية صفر

اسئل نفسك مين من علوم تعرفه اتخرج واشتغل .. يا راجل ده بيدوخوا على ما يتوافق على تدريب ليهم .. وفي الآخر كلهم بيبقوا مدرسين علوم في مدرسة إعدادي أو رابعة ابتدائي كمان

إلا طبعًا اللي ربنا يكرمه بواسطة أو بهجرة


اقسم بالله كل اصحابي بيشتغلوا في الشركات ياما العاشر من رمضان يا ما سته اكتوبر ياما المحله ياما برج العرب ياما القاهرة يا ما اسكندريه
والفاشل فينا بيشتغل ميدكل ريب وبيقبض 1800 جنيه وهياخد عربيه كمان شهر

.................................................. ..............................

أكثر مقطع حسسني إني مبيض محارة

يا راجل .. الكيميائي بيدرس الكيمو ثيرابي :D

كيمو ثيرابي يعني العلاج الكيماوي .. وهوه ماله بيه أصلا :D
ومفيش أساسا دراسة اسمها كيمو ثيرابي .. ده الدوا اللي بتوصفه

يعني كأنك بالظبط بتقولي الكيميائي بيدرس إعطاء الدواء الكيميائي ... أفهمها بإيه أنا دي .. أكيد مش بدماغي B-)

لأ استنى كمان .. دراسة بتاع العلوم طبية وبيفهم في الأدوية عشان بيدرس الأنتي بيوتكس .. :p
عشان ربنا كرمه في سنة رابعة ولا ثالثة ودرس حاجة اسمها بيو كيسمتري وسمع فيها كلمة أنتي بيوتك يبقى عرف إيه هوه ايه الأنتي بيوتك

أتحدى بعمري كله لو واحد في علوم كيمياء يعرف يفرق ما بين البكتريا والفطر والفيروس وإيه الفرق بين الأنتي بيوتك والأنتي فايرال .. !!


اقسم بالله انا دارس كميا ثيربي اكتر من مرة مع انى مش كميائي بيور
والكميائي يفهم اكتر من الصيدلي في البكتريا والفطريات
زى الكميائي قسم كميا وميكروبيولوجى بينما صيدله لاتدرس الميكروبيولوجى الافي مادتين فقط او تلاته
ههههههههه
.................................

انا مش فاهم انت قصدك ايه اصلا ههههههههههه
عايز طالب علوم بعد ما يتخرج يقولي إزاي آي دوا بيشتغل على الجسم .. أتحدى بعمري لو يعرف .. هوه مدرسش الدوا ده بيدخل الجسم ليه أصلا اشمعنى هوه دونًا عن غيره !!

اقسم بالله فيه خريجين اقسام علوم من اقسام الكميا المختلفة بيفهم اكتر من صيدله نفسها
.................................................. ..................


اقتباس:
لا دبلومة كميا حيوى او ميكروبيوالوجى ودراسته كلها الكميائي البيولوجى متعلقة بالباثولوجى
انا بقي بسال مال الاطباء بالكميا الحيوى اصلا ؟
عمومًا انت أدرى مني بنقطة مطلوب منهم إيه ..

لكن الدكتور ماله بالكيمياء الحيوي .. ده سؤال يدل انك مدرستش كيمياء حيوي :D
الكيمياء الحيوي لما ربنا يكرمك وتدرسها هتعرف انك بتشوف فيها سلوك المادة من أول ما تدخل الجسم لحد ما تخرجه منه وده ميهمش بتاع علوم
ماله هوه بتحلل الجلوكوز وازاي الجسم يكونه !!
ده مجرد كماليات لطالب كيمياء عشان يبقى اسمه درس كل حاجة ..
زي المليون نوع كيمياء اللي بيقولوا عليهم

جرب تسأل أي طالب علوم في ثالثة أو رابعة عن المواد اللي بياخدها هتلاقيه مبيقولكش غير كيمياء


ااولا كلامك غلط لان اصلا بحضر دراسات عليا في الكميا الحيوى
وهناك قسم باكمله اسمه كمياحيوى في علوم لان علوم هى اصلها الكميا مال بقي طب الكميا الحيوى فهناك بكالوريوس علوم كميا حيوى بيدرس اربع سنين كميا حيوى ويبدو انك مش فاهم حاجة خالص
.................................................. .........


.............................................وحد كلامك واعرف انك بتتكلم عن قسم كيمياء ..

بالنسبة لخريج ميكرو بيولوجي اللي بتتكلم عليه
آخر معلوماته إن البكتريا فيها منها موجبة وسالبة الجرام
تركيب مش أكثر
لا ليه دعوة لا بتعمل إيه ولا إزاي ولا ليه .. !!

بتاع بيولوجي .. بيعرف يشرح الفار وتركيب الجهاز التنفسي والدوري لكن ملوش دعوة بالمرض وإزاي بيحصل


لا طبعا كلام غلط هناك اقسام كميا مشتركه زى
قسم كميا وميكروبيولوجى و قسم كمياحيوى و قسم كميا وكمياحيوى وقسم كمياحيوى وميكروبيولوجى وقسم كميا وحيوان وقسم كميا ونبات وكميا اسبيشيل عشان كدة بقولك انت مش فاهم حاجة
قسم ميكروبيولوجى بيقعد 4 سنين بيدرس ميكرو بس لكن كليه طب بتدرسها كمواد في سنه تالته فقط راجع معلوماتك وشوف الفرق
......................................


والطبيب اللي اللي جنبه ما يقدرش يكتب لانه ماخدش الدكتوراه هههههههههه
لان اصلا كلمه دكتور لا تطلق الا من معاه دكتوراه ياريت تبقي دقيق شويه مجاوبتش على سؤالي
بس اللي اعرفه انك بعد التحليل بتكتب التقرير وده يتطلب أي خلفية طبية .. وده طبعًا غير موجود عند بتاع علوم

يانهار اسوح هههههههههه خلفيه طبيه لعلوم اومال الباثولوجى ميكروبيولوجى وميدكال ميكروبيولوجى وميدكال بيوكمستري وكلينكال بيوكمستري اللي كنا بندرسها دى كانت بتعمل ايه
................................................
اقتباس:

أيوه طبعًا أكيد .. الكيميائين هم سادة العالم

اكيد طبعا يكفي ان رئيس رابطة اتحاد التحاليل العالميه هو كميائيييييييييييييي
وبردو علوم هى الافضل بكل النواحى

وانا عن نفسي بفتخر انى خريج هذه الكليه العظيمه لانها رقم واحد في الكليات العلميه


.................................................. .......
دايما دكاترتنا يقولونا كليه علوم تنيقها يعلي فاعرف ان مصر بتعلى معاها والبحث العلمى في مصر يعلي

again

بداية انا لا صديلى و لا كلية علوم انا طب اسنان و كلها سنتين و اتخرج ان شاء الله
بصراحة اللى بيحصل فى مصر ده لا مثيل له ع الاطلاق فى اى مكان فى العالم
اغلب المصريين عندهم قناعات حمقاء بان هناك كليات افضل من الاخرى و ان هناك اعمال افضل من اخرى و هذا لن تجده الا فى منطقتنا العربية و فقط
فى الخارج اذا ذهب احدنا بهذه العقلية المريضة و تعامل مع الناس هكذا لكان الناس هناك ضحكوا منه و سخروا منه
كلية العلوم تعتبر اساس الدراسة العلمية التجريبية و هى الاساس الاكاديمى لاى شىء و لكل شىء فى العالم و تقابلها كلية الاداب كاساس الدراسات الانسانية و تعتبر الكليتان اساس اى جامعة
كلية العلوم لا تخرج اطباء و لا صيادلة و اطباء تحاليل و كل ده معلش كلام فارغ من الاساس لان المسمى الوظيفى مفيهوش حتة طبيب تحاليل او صيدلى و لا يعترف به هكذا ابدا
شركات الادوية الان يعمل بها خريجو العلوم و الصيدلة و البيطرى و البشرى و الاسنان و احيانا الزراعة
لا يوجد عندنا اى فصل بين التخصصات و كله عايز يتطفل و خلاص و يبقى اسمه دكتور و كأن الكلمة دى شرف كبير و كأن اللى مش بيتقال له دكتور يبقى ملهوش لازمة و تلاقى الناس ببتعلق اوى بلفظ يبذلوا من اجله كل انواع التحايل سواء ع القانون او ع غيره
اشهر مثال انا شخصيا اعرفه معرفة اليقين هو خريج كمياء علوم و يسمى نفسه طبيب تحاليل
مع ان هناك قسم خاص فى كليات الطب اسمه الكلينكال باثولوجى يعتبر الخريج منه طبيب تحاليل و يكون درس كافة ما يتعلق بتشريح الجسم و غيره من علوم الجسم الرئيسية ثم يمضى 3 اعوام ماجستير ليحصل اخيرا بعد 10 سنوات دراسة على مسمى طبيب تحاليل بعد ان يكون عينه طلعت من دراسة كل ما يتعلق بخصاءص الجسم البشرى
ويجى بعد كده خريج علوم 4 سنين و دبولمة سنة و نص و معلومات محدودة عن الجسم البشرى و تقريبا اشياء بسيطة للغاية عن التشريح و العلوم الرئيسية للجسم البشرى ثم يسمى نفسه هكذا بقدرة قادر طبيب
و يبقى انت اكيد فى مصر حيث كل شىء مستباح
انا لا اقلل من خريج العلوم ابدا لكن لا يجب ابدا ان يتخطى مجاله تحت اى مسمى كان و نفس الامر ينطبق على الطبيب و على كل الناس
ولا حول و لا قوة الا بالله

اولا كلمه دكتور لاتطلق نهائيا الا اللي حامل الدكتوراه فقط
فلا يصح ان اي طبيب يطلق ع نفسه دكتور
........................
وبالنسبه لموضوع التحاليل بيعتمد ع تلات حجات كميا حيوى والميكروبيولوجى والباثولوجى
الكميا حيوى هو قسم كامل منفصل في كليات العلوم بيقعد اربع سنين يدرس كمياحيوى بس
الميكروبيولوجى قسم امل منفصل في كليات العلوم بيقعد اربع سنين يدرس ميكروبيولوجى
الباثولوجى هو علم الامراض هى مواد تدرس بالكامل لعلوم بيولوجى عموما
..............................
دى نقطة
هناك اقسام مزدوجه يعنى قسم كمياحيووى وميكروبيولوجى بيدرس في الاربع سنين كمياحيوى وميكروبيولوجى وباثولوجى
وزى الكميا والميكروبيولوجى الخ
.......................
مهنه التحاليل الطبيه مهنه منفصله نهائي عن طب ومعمول بها في كل انحاء العللم
بدليل ان رئيس رابطة التحاليل العالميه هو كميائي وليس طبيب
سبحان الله ع الحقد

دة يا جماعة قناه العلميين المتحديين وهى قناه لسه معموله جديدة تبث علي الانترنت مؤتمرات واجتماعات العلمييين بالنقابه بشؤن الحقد عليهم من باقي المهن والحقد علي كليه علوم بصفه خاصةhttp://www.justin.tv/awageeh770

اللينك دة بقي لمحاضرة العالم الكبير احمد زويل امبارح في جامعة اسكندريه وحضرها الكثير من خريجى كليات العلوم وصوروهالنا وجابوها وانا قلت احطها لكم عايزين بس تدعو للي جايب الفيدو دة وادعولي انا كمانhttp://webcast.bibalex.org/Cast/Vide...F3qFua6PZljcvA

بص يا زيزو

أنا مبحبش الجدال لمجرد الجدال

لكن عمومًا عشان هننهي الموضوع


أي حد منصف هيلاقي ردك كله حلفانات مش أكثر ..

أقولك بتاع الميكرو بيولجي ولا بيفهم حاجة غير التركيب .. تقولي بيدرسها أربع سنين !!
اربع سنين منين .. انت معملتلهمش زيارة قبل كده
وغير كده كل دراستهم تركيب أو وظيفة .. ملهمش علاقة إطلاقًا بأي معرفة طبية

بتاع كيمياء مبيفهمش غير في الكيمياء ولا يعرف أي حاجة عن الدوا .. تقولي أقسام مشتركة حيوان ونبات والكلام ده


اسئل أي واحد بتاع حيوان بتاخدوا إيه
هيقولك تركيب وظيفة تسمية .. مش أكثر .. ماله هوه بالمرض وإزاي نشأ وليه



الأكثر مداعاة للضحك بجد اني خالص آمنت إني صبي حانوتي
الباشا بيقول إنه معاه دبلومة كيميا حيوي وجاي يقول مال الطب وما الكيميا الحيوي

دلوقتي معلش شغل مخك ثانية واحدة
انت واحد بتاع كيميا درست بيو في سنة رابعة ولا ثالثة .. درستها ليه ؟؟
عشان انت بتدرس كيميا الميه وكيميا الإسمنت إلخ إلخ إلخ .. !!
فكمالة أنواع الكميا البيو

إنما متطلعش بيهم السما وتقولي بقيت دكاترة

تشتغل انت دكتور إزاي وانت كل معلوماتك ان الجلوكوز بيتحرق بالكربس سيكل
تشتغل إنت في معمل إزاي وانت كل مجهودك في الدنيا إن الدهون بتتحول لتراي جلسريد !!!


خلاصة الكلام عشان ننهي .. أنا معرفش واحد في علوم وفرحان بكليته وخصوصًا قسم كيمياء ..

خلي بالك إني هندسة بترول وأغلب الدكاترة عندنا من علوم من ومن تربية

يعني دكتور رياضة فاضي .. بيجوا شغلوه عندنا عشان يحلل فلوسه
دكتور كيميا فاضي ييجي يخنقنا بشوية كيميا عضوية وهكذا !!

.. أنا مش ضد الكلية .. لكن ضد الحماس بتاعك ليها ..

طبعا حضرتك قد تكون عضو من المهن الاخري عشان تثبت انك صح زى الاعضاء السابقين يعنى ممكن تكون صيدلي عشان تثبت انك صح فتقوم عامل كدةماعلينالو انت علوم بجد ابعتلي رساله خاصة وان شاء الله هتشتغل

علي عينا وراسنا بس علوم بردو مجالاتها اوسع

للاسف معظم الصيادله دلوقتى بقوا مندوبين مبيعات

كليه العلوم دى كليه العظماء اللي متخرج منها زويل ومصطفي السيد وشباب وخريجى علوم كلهم بيشتغلوا في مراكز الابحاث ونادرا ما بيطلب صيدلي

انا عن نفسي دخلتها واتخرجت منها وجبت جيدجداوبالنسبه للاقسام حاليا افتتحوا اقسام جديدة ومميزة غير الاقسام الرئيسيه زى جيولوجيا بترول وزى البيوتوكنولوجى

صدقنى لما هتتخرج هتصطدم بالواقع و ممكن تلاقي واحد ادك علوم واشتغل في شركات ادويه وانت لسه مش لاقي شغل

فى اى مهنة تتعلق بالدواء سواء كانت مندوب مبيعات او غيره فهى للصيدلى اما المهنة المتعلقة بباقى الكيمياء فدى للكيميائى

اما اذا كان شركات الادوية تسيب الصيدلى اللى قاعد خمس سنين شغال يدرس فى كل حاجة متعلقة بالادوية و ياخدوا كيميائيين يبقى دول عندهم حاجة فى دماغتهم او معندهمش دماغ اساسا

لقب دكتور يطلق على الطبيب و كمان الصيدلى لان كلية الصيدلة كانت تبع كلية طب وبعدين بقيت كلية مستقلة

بالنسبه لشركات الادويه دة مش كلامى دة كلام الصيادله نفسهم وعشان كدة عامليين حمله ضد الكميائيين عشان دلوقتى معظم الشركات بقيت بتاخد كميائيين.....................................لقب دكتور لا يطلق الا لللي معاه دكتوراه والطبيب في الاصل اسمه فيزيشنولكن مجازا تشتخدم كلمه دكتور لكل من يشتغل في المجال الطبي ومعاه درجة البكالوريوس

]دة مش كلامى دة كلام الصيادله نفسهم

هو دة الكلام الصح

كل واحد بيحول يثبت ان هو الاحسن و ان كليته هى الاهم و اعتقد ان اللى عايز يفيد بلده يعمل حاجة كويسة