|
وداعا شهد الجنة
السلام عليكم يااعضاء المنتدى يارب تكونوا كويسين وبخير
انابكتب دلوقتى الموضوع وفى فى صندوق الوارد بتاعة24رسالة ثوانى25 جت اهى كمان الرسايل دى جاية عشان اغير رايى فى قرارى طبعا اللى اتقد كلم عرفتوة انى هسيب المنتدى بامر الله انا كنت مستنية بس تخريج اول دفعه من حملة انا ملتزمة وتم بحمدالله تخريج 36بنت تحمل الجزء الاول من سورة البقرة وبعض من الفقه والتفسير والاربعون النوويه كامله بفضل الله انا كنت مستنية بس ا العمل دة يكمل عشان اخلص ضميرى معلش هتكلم شوية كدة استحملونى بقى قبل ماامشى المنتدى مبقاش زى الاول يعنى تلاقى المواضيع الهادفة القيمة اللى بيردوا فيها5او6بالكتير تعالوا فى موضوع بقى تعارف او كدة او مسابقة او حاجة تلاقى الناس سبقت بعضها ويعنى ايه عضو يدخل يقول الموضوع ملوش علاقة بالاسم ازاى موضوع بيتكلم ومحتواه من اسمه اصلا او حديدخل يرخم او يرد رد معرفش ايه لزمته وتساله عملت كدة ليه يقولك رخامة او تعمل موضوع مثلا فى الركن العام فيه كاريكتير بسيط يتنقل الصور ومع ذلك فى نفس الوقت موضوع تنى برضه فى رسومات ومحطوط فى العام؟؟؟؟ والاهم من ده كله بقى ان الكل ابتدى يتفرق عن بعضه كل واحد هامه مصلحته وبس ملوش دعوة بالباقى الا من رحم ربه وفى النهاية انا احب اشكر كل واحدة او واحد فعلا عرفوا يقدروا شهد الجنة كويس وبجد انااسفة جدا لكل اللى بعتوا رسايل ع الخاص وانابقولهم انى شهد الجنة عمرها ماتنساكم لانكم بنات وجدعان جدا على العكس من ناس تانية مش عارفالهم اى وش لحد دلوقتى بارك الله فيكم وجزاكم عنى الف خير ويارب اكون سبت او تركت اثر ولو صغير اوى حتى فى المنتدى شكرا |
المواضيع اللي ردودها قليلة أغلبها بتكون قيمة يا شهد بس احنا اللي مش عارفين قيمتها :) جربي تاني يمكن المنتدى يتحسن الفترة اللي هي السنة الجاية كده عموماً لو أفضل إنك تمشي ده مستقبلك و افتكرينا و اوعي تنسينا و يا رب ترجعي تاني شكلك رايحة تصيفي زي الدعم الفني عقبالنا يا رب :bosyht9: |
شهد مش معنى ان المنتدى فيه بعض التقصير إننا نسيبه يا حبيبتى . لو إنتى مشيتي وأنا مشيت والكل مشى مين هيفضل ؟؟؟؟؟؟؟ وبعدين مين هيرخم عليا بقى ؟؟؟؟؟؟؟؟ اعقلي يا ماما ربنا يهديكي |
لامعلش العقل السليم فى خوخة
هههههههه معلش يابنات انابجد نفسيتى تعبت قوى الفترة دى واناهفضل ف****م والله |
المنتدى من يومه كدا على فكرة
مش حاجة جديدة بس حاولى انتى تغيرى شوفتى حاجة مش عجباكى قولى عليها واكيد لو كلامك صح هيتنفذ وعلى فكرة المنتدى فى الفترة دى كويس عن الفترة اللى فاتت عموما ربنا يوفقك سواء موجودة هنا او مش موجودة اتمنالك التوفيق دمتى فى رعاية الله |
هههههههههههههههه
يا جماعه انتم مش فاهمين الموضوع كل الحكايه ان شهد مش جايلها قلب تقعد فى المنتدى وانا مش موجوده فيه قالت يا نقعد سوا يا نمشى سوا المنتدى كله شكله كده هيريح ياللا مع السلامه يا شهد خدى الباب وراكى |
بسم الله الرحمن الرحيم
السلام عليكم و رحمة الله و بركاته يمكن حضرتك متعرفينيش اوي.. بس انا من خلال متابعتي للمواضيع و متابعتي لما بتقولي حاجة .. حسيت ان حضرتك انسانة محترمة و طيبة.. انا اتضايقت لما لقيت حضرتك ماشية و زي ما قالت الاستاذة خوخة ان مش معني ان في شوية تقصير يبقي تسيبينا... ارجوكي بلاش ... انا بزعل جدا من المواضيع اللي زي دي لأني بلاقي ان الناس اللي ابتديت احبهم و اكون عنهم حتي ولو معرفة بسيطة .. بيمشوا..!!!!! لكن في الاول و في الاخر القرار في ايدين حضرتك.. فكري !! و تقبلي احترامي :) و السلام مسك الختام و السلام عليكم و رحمة الله و بركاته |
السلام عليكم
عالفكرة يا شهد ده مش مبرر انك تسيبي المنتدى طيب ما هو كتييير بيحصل معاه كدة يعني اى حد محدش يرد في مواضيع له يجي قايل انا هسيب المنتدى اعقلي يا بت والله هنخسر حد كويس كدة طيب فكري تاني بجد لاننا مش هنفدر نستغنى عنك ان شاء الله هتغيري رائيك |
لما تتخذو قرار ابعتولى :d
بس بجد يا ريت متمشيش |
ايه ده يا ساتر يارب شهد هتمشي على فكره مش هاقولك متمشيش رغم انك بجد هتوحشيني وهافتقدك وهتسيبي فراغ جامد اوي في المنتدى بس ده قرار سليم ميه في الميه بس ياريت لو ينفع تخديني معاكي يبقى كتر خيرك والله :(:(:(:(:(:(:(:( |
اقتباس:
بقولك إيه خدي كده الموضوعين دول شفتهم النهارده :bosyht9: http://www.thanwya.com/vb/showthread.php?t=16914 http://www.thanwya.com/vb/showthread.php?t=56434 المنتدى مليان خير من يومه :bosyht9: على فكرة مش هاقدر أقنعك تقعدي غصب عنك و انتِ عارفة السبب :bosyht9: هتوحشينا و ربنا يوفقك في أي مكان :) |
وعليكم السلام بجد المنتدى ها يخسر شهد بس على فكره انتى لو شوفتى مواضيعك هاتلاقى عليها مشاهدات كتير بس الردود بتبقى قليه بس كفايه ان الاعضاء بتدخل وبتقرى الموضوع وبتستفيد منه انتى مفيش موضوع نزلتيه ملوش لزمه كل مواضيعك هادفه إلا موضوع تخيل العالم بدون نساء ده يعتبر تسليه بس باقى المواضيع بجد مميزه ولو مشيتى بجد المنتدى هايخسرك أتمنى انك تبقى موجوده كفايه علشان الناس تشوف مواضيعك مش مهم الرد بتاعها كفايه انك توصلى المعلومه |
انتى نفسك يا شهد بتقولى انك كنت مستنية لماتخرجى اول دفعة من حملة انا ملتزمة وتم ذلك بحمد الله يعنى انتى عملتى حاجة اثرتى فيهم اهو طب لية تهدى كل اللى انت عملتى المفروض تكملى رسالتك وتفخرى انك عملتى حاجة مش تتخلى عننا وتمشى كل واحد ياشهد لة عيوبة ومميزاتة وعارفة انك مضايقة من ان المواضيع القيمة مابيرد فيها الا قليل بس الناس القليلة دول هم اللى نحترمهم ونقدرهم ومش نضايق من اللى مابيردوا كل واحد حر وكل واحد عنده صفة معينة بتميزة ومش معنى ان الحاجة وحشة ومش عجباكى انك تسيبهاوتمشى لا بالعكس انك تفضلى وتحاولى تغيرى اللى مش عاجبك وانتى عملتى كدة فعلاوغيرتى كتير ربنا يهديكى وترجعى لنا بالسلامة وفكرى فى الكلام اللى قلتة وحتى فى اصحابك فى الناس اللى انتى غيرتهم وغيرتى حياتهم للاحسن وفى مواضيعك الشيقة وذكرياتك مع المنتدى هتلاقى انك ................................ انتى عارفة الباقى والسلام عليك ورحمة الله وبركاته
|
[quote=مروه;1464853]هههههههههههههههه
يا جماعه انتم مش فاهمين الموضوع كل الحكايه ان شهد مش جايلها قلب تقعد فى المنتدى وانا مش موجوده فيه قالت يا نقعد سوا يا نمشى سوا المنتدى كله شكله كده هيريح ياللا مع السلامه يا شهد خدى الباب وراكى ماشى همشى يامروة اوعدك انى همشى |
اقتباس:
دنتى متابعة بقا عموما موضوعين كويسين ينفعو روشيتة لاى حد عايز يسيب المنتدى وخاصة الموضوع التانى ياريت تقرى التانى يا شهد هينفعك جامد ياللا ربنا يوفقكم ويوفقنا ويوفق الجميع دمتم فى رعاية الله |
اقتباس:
إلا صحيح بمناسبة إني متابعة شفت رد جااامد :d بس بلاش نقوله بقى حرام بردو الظلمة ستر و غطاء :d ها يا شهد غيرتي رأيك و لا لسة :slap1qk6: |
جزاكم الله خيرا وياريت تفتكرونى دايما بالخير
شه____________________________د |
[quote=ريناد2025;1464886]انتى نفسك يا شهد بتقولى انك كنت مستنية لماتخرجى اول دفعة من حملة انا ملتزمة وتم ذلك بحمد الله يعنى انتى عملتى حاجة اثرتى فيهم اهو طب لية تهدى كل اللى انت عملتى المفروض تكملى رسالتك وتفخرى انك عملتى حاجة مش تتخلى عننا وتمشى كل واحد ياشهد لة عيوبة ومميزاتة وعارفة انك مضايقة من ان المواضيع القيمة مابيرد فيها الا قليل بس الناس القليلة دول هم اللى نحترمهم ونقدرهم ومش نضايق من اللى مابيردوا كل واحد حر وكل واحد عنده صفة معينة بتميزة ومش معنى ان الحاجة وحشة ومش عجباكى انك تسيبهاوتمشى لا بالعكس انك تفضلى وتحاولى تغيرى اللى مش عاجبك وانتى عملتى كدة فعلاوغيرتى كتير ربنا يهديكى وترجعى لنا بالسلامة وفكرى فى الكلام اللى قلتة وحتى فى اصحابك فى الناس اللى انتى غيرتهم وغيرتى حياتهم للاحسن وفى مواضيعك الشيقة وذكرياتك مع المنتدى هتلاقى انك ................................ انتى عارفة الباقى والسلام عليك ورحمة الله وبركاته
ليه بس كدة ياريناد والله بجد ردك دوت خلانى ابكى بجد بارك الله فيكى ياريناد |
طب انا مش هاقولك ما تمشيش
لان اكيد انتي ادرى بمصلحتك وادى بنفسك عن اي حد وعمل الخير مش بس ف المنتدى انتي فيكي خير كتي والمسلم كالنحلة اينما وقع ينفع بنا يوفقك يا حبيبتي بس بجد ماكنتش اتمنى انك تمشي ابدا لانك فعلا من الناس اللي انا شايفة انهم مؤثرين جدا ف المنتدى |
[quote=you_my_lovely;1464879]
وعليكم السلام بجد المنتدى ها يخسر شهد لالالالا بيتهىء لحضرتك بس على فكره انتى لو شوفتى مواضيعك هاتلاقى عليها مشاهدات كتير بس الردود بتبقى قليه بس كفايه ان الاعضاء بتدخل وبتقرى الموضوع وبتستفيد منه انتى مفيش موضوع نزلتيه ملوش لزمه كل مواضيعك هادفه بارك الله فيك للتقيمى وجزاك الله خيرا إلا موضوع تخيل العالم بدون نساء ده يعتبر تسليه بس باقى المواضيع بجد مميزه ولو مشيتى بجد المنتدى هايخسرك أتمنى انك تبقى موجوده كفايه علشان الناس تشوف مواضيعك مش مهم الرد بتاعها كفايه انك توصلى المعلومه بارك الله فيك ومع لاسف مفيش حدبيقدر |
[quote=هنا الفقي;1464955]طب انا مش هاقولك ما تمشيش
لان اكيد انتي ادرى بمصلحتك وادى بنفسك عن اي حد وعمل الخير مش بس ف المنتدى انتي فيكي خير كتي والمسلم كالنحلة اينما وقع ينفع بنا يوفقك يا حبيبتي بس بجد ماكنتش اتمنى انك تمشي ابدا لانك فعلا من الناس اللي انا شايفة انهم مؤثرين جدا ف المنتدى شكرا ليكى ياهنا مع انى علاقتى بيكى فى المنتدى فقط بس بجد سيبتى فى نفسيتى اثر كبير جدا اناكمان وحبيتك بجد ربنا يكرمك ويوفقك انتى كمان |
لا ياشهد مش انت اللى يقول كدة
انت اعقل من كدة وبعدين اللى يلاقى حاجة غلط يصلحها مش يسيبها بايظة كدة انا مش معاكى ف قرارك ده بس لو فعلا هانهون عليكى تسبينا فبجد مش هاعترض طريقك وربنا يوفقك |
[quote=شهدالجنة;1464937]
اقتباس:
|
........................................
أولاً أنا مش شايف إنه كلامك صح 100% بالعكس أنا شايف إنه مفيش صراعات كتير غير من الاعضاء الجدد اللى ميعرفوش حد ومش بيقدرو تعب حد ليه كتير هنا ثانياً أنا شايف مستوى النقاش كويس بين الاعضاء ثالثاً معظم الناس طالعة من ثانوية عامة وعايزة تفرفش شوية ومفيش مانع من مواضيع الفرفشة مادامت مش غلط وبعدين لو عددنا 300 الف واحد مينفعش تجيبي الف واحد داخلين للتعارف وكده بال299 الف التانيين الكويسين مهو العدد كبير برده ثم إنتي مواضيعك كل الناس بتشهد بيها ولو مشيتي مش حنلقى مواضيع تاني هادفة وكويسة وانت كده بتدمري احد اركان المنتدى ولو مشيتي عشان الاسباب ده معلش اسمحيلي انا كده زعلان منك وبرده ليكي حرية الاختيار وربنا يوفقك للى عايزاه |
والله واناكمان ياريناد الله يباركلك
وانامقدرش طبعا ازعل حد منى ولابنزار جزاك الله خيرا |
[quote=ريناد2025;1465106][quote=شهدالجنة;1464937]
حاولى ياشهد كمان مرة انا مابقوليكيش كدة الا عشان بحبك ومتمسكة بيكى اوى عشان انتى شخصية محترمة وبجد انا استمتعت بمواضيعك جدا بس انتى ممكن متلاحظيش انى كنت متواجدة معاكى لانى كان لية عضوية باسم تانى وربنا يهديكى يارب وتسمعى كلامنا بقى يا شهد خلاص هاعيط لالالالا الا دموعك ياريناد بس بجد لازم كلنا نفوق بجد ربنا يباركلك وانتى بجد دموعك غالية فوق ماتتصورى الله يباركلك |
[quote=banzer;1465188]........................................
أولاً أنا مش شايف إنه كلامك صح 100% بالعكس أنا شايف إنه مفيش صراعات كتير غير من الاعضاء الجدد اللى ميعرفوش حد ومش بيقدرو تعب حد ليه كتير هنا ثانياً أنا شايف مستوى النقاش كويس بين الاعضاء ثالثاً معظم الناس طالعة من ثانوية عامة وعايزة تفرفش شوية ومفيش مانع من مواضيع الفرفشة مادامت مش غلط وبعدين لو عددنا 300 الف واحد مينفعش تجيبي الف واحد داخلين للتعارف وكده بال299 الف التانيين الكويسين مهو العدد كبير برده ثم إنتي مواضيعك كل الناس بتشهد بيها ولو مشيتي مش حنلقى مواضيع تاني هادفة وكويسة وانت كده بتدمري احد اركان المنتدى ولو مشيتي عشان الاسباب ده معلش اسمحيلي انا كده زعلان منك وبرده ليكي حرية الاختيار وربنا يوفقك للى عايزاه والله يابناز اختلاف الراى لايفسد للود قضية واناشايفه انه تعليمى اكتر من ترفيهى بارك الله فيك يابازار وانامقدرش ازعل حدمنى |
الإبنه الفاضلة شهد الجنه
السلام عليكم ورحمة الله وبركاته تقولين أنكي كنتي في إنتظار تخريج أول دفعة من أنا ملتزمه بارك الله فيكم جميعاً علي هذا المجهود الرائع والأن تتركين المنتدي أين الإلتزام ؟؟؟؟ يجب أن نلزم أنفسنا بعدم الرد في المواضيع التي لا تحمل قيمة وقد وقفت هذه الوقفه أمام نفسي ذات يوم وعقدت العزم علي الرحيل بسبب ما نجده من إنحدار في الزوق العام وحرب علي كل موضوع قيم يحمل قيمة ومعني بل وأقول محاربة أشخاص بعينهم بحذف مواضيعهم دون أسباب أو علي أقل تقدير نقل مواضيعهم إلي مكان لا يجب أن يطلق عليه سوي المنفي وتقف إدارة المنتدي أمام تسائلات أصحاب المواضيع مكتوفة الأيدي لا نجد منهم رد وإن أجاب أحد قال سيدخل المشرف الذي قام بالحذف ويرد عليك ثم تبدأ مرحلة الإستهزاء كما حدث مع كثير من الزملاء أصحاب الرأي وأخرهم الأخت عاشقة الموج ولكني راجعت نفسي ماذا لو غادرنا جميعاً ؟؟؟؟؟؟؟؟؟؟؟؟؟؟؟؟؟ ...................... إجعليها حربك الخاصة إجعلي من حملة أنا ملتزمه دعوة بالإلتزام بعدم الرد إلا في المواضيع القيمه قفي في وجه العاصفة وأنحني معها ولا تنكسري فلن تدوم تلك العصفه ستمر كما مر غيرها لا تزيدنا إلا قوة إنها سنة الحياة |
انا كنت كتبت الرد ده لحضرتك في الصفحة اللي فاتت
بسم الله الرحمن الرحيم السلام عليكم و رحمة الله و بركاته يمكن حضرتك متعرفينيش اوي.. بس انا من خلال متابعتي للمواضيع و متابعتي لما بتقولي حاجة .. حسيت ان حضرتك انسانة محترمة و طيبة.. انا اتضايقت لما لقيت حضرتك ماشية و زي ما قالت الاستاذة خوخة ان مش معني ان في شوية تقصير يبقي تسيبينا... ارجوكي بلاش ... انا بزعل جدا من المواضيع اللي زي دي لأني بلاقي ان الناس اللي ابتديت احبهم و اكون عنهم حتي ولو معرفة بسيطة .. بيمشوا..!!!!! لكن في الاول و في الاخر القرار في ايدين حضرتك.. فكري !! و تقبلي احترامي :) و السلام مسك الختام و السلام عليكم و رحمة الله و بركاته |
ليه كده يا شهد؟؟؟؟
ده انا اول حد اتعرفت عليه من المنتدى واتكلمت معاه ..كان انت... صحيح انا متكلمتش معاكي كتير بس من الحبة الصغيرين اللي قعتهم في المنتدى واتكلمت معاكي.. حسيت انك بجد انسانة محترمة وجميلة في روحك واخلاقك....بتحبي تساعدي اللي حواليكي على قد ما تقدري وياريت نبقى زيك..... انا عارفة انك ممكن متتاثريش بكلامي او ميرجعكيش عن رايك... بس هاقولك حاجة بجد اوعي تنسيها... اوعي تسيبنا يا شهد.... مش عشان فيه عيب او غلط في المنتدى او عدم اهتمام بمواضيع مهمة ان احنا نسيبه ...ولما الناس الكويسة تمشي وتسيبه تفتكري كده هيتصلح يا شهد؟؟ ما ا عتقدتش... هو رايك في الاخر ومش هاضغط عليكي بس هاقولهالك تاني وتالت وعاشر...اوعي تسيبينا يا شهد.. في رعاية الله... |
هوه انا ماغيبش يومين و اجى الاقى المنتدى زى ماهوه
و ياريته بيتغير للاحسن لا للاوحش ايوه للاوحش مافيش غير كام موضوع كويسين و الباقى اى كلام والوحش من كتره غطى على الحلو بصى يا شهد لو مشيتى تبقى بتشجعينى انى امشى صدقينى مش بهزر مش سبب مقنع انك تسيبى المنتدى عشان الصراعات بين الاعضاء وان مفيش موضوع قيم بيتقدر هيه اصلا طول عمرها موجودة اقسم بالله انى جت عليا فترةمن كتر ماناعارفة ان موضوعى مش حيلاقى اقبال والله ما كنت بكتب وكان عندى ساعتها عندى كم افكار يلا كل شئ نصيب من الاخر يا شهد مش عايزاكى تمشى بجد خليكى شوية يمكن نعرف نصلح على قد ما نعرف خلينا نكتب تانى يمكن ناثر فى واحد ولا تنين انا عارفة الوحش كتير بس خلينا نعمل بؤرة اصلاح وان شاء الله تكبر ياريت تستجيبى لدعوتى اختك ايرث |
والله بجد بجد انا مش عارفة ااقول لكم ايه والله
ربنا يبارك فيكم يارب وانا بامر الله هستنى بس هستنى عشان خاطر الناس اللى تستحق فعلا الالتزام وان الواحد يستفيد ويفيدها وجيسى حبيبت قلبى طبعا غالية عندى والقمر الجميل ايرث واستاز فريد والاب الروحى لدى استاز خالد وناس كتير تستحق الخير جزاك الله خيرا |
welcome back شهد
اسعدتينى و افرحتينى ربنا يكرمك |
الله يكرمك يارب
|
بجد يا شهد انتى خسارة للمنتدى كله
بجد مش عارف اقولك ايه المنتدى بيخسر واحدة زيك من انشط العضوات واحسنهم ده مش مجاملة دى حقيقة |
السلام عليكم
بجد يا شهد انا هضايق جدا جدا لو مشيتي لانها فعلا حاجة تضايق لان المنتدى حلو او وحش بأعضاءه و لما كل يوم حد محترم و ملتزم و ليه نشاط دعوي زيك يمشي وقتها بس المنتدى هيبقى وحش يا شهد انت لو مشيتي هتسيبي فراغ كبير معتقدش ان في اي عضو حاليا يقدر يملاه و في الاول و في الاخر هوة اختيارك انت لوحدك يس اتمنى انك لو مشيتي ميبقاش السبب كثرة الاعضاء السيئين عن الاعضاء الكويسيين أحبك في الله :) |
اقتباس:
هووووففف مقلب يعني :slap1qk6: عايزة الحق كنتي تستني شوية ع التوبيك ده :romarioxp6: |
بارك الله فيكى يانانو وجزاكى عنى خيرا
لادة مش مقلب وانامبهزرش يااستاز مش عارفة بصراحة الاسم مش واضح انا هستنى عشان الناس اللى تستحق بس |
بجد وجودك هيغير حاجات كتيره
والحمد لله انك قررتي كده كنت خايفه بعد كله ده تمشي بجد كنا هنفتقدك |
أخيرا عقلتى
قال تسيب المنتدى قال ويلكوم باك شهودتى |
الحمد لله ان ربنا هداكى واقتنعتى بكلامنا وانا سعيدة جدا بالقرار دة وحاولى اكتر واكتر وان شاء الله ربنا هيوفقك
|
سلام عليكم
بقالى زمان والله طبعا ولا حد يفتكرنى المهم بصى يا شهد الجنة انا تقريبا بقالى سنة مدخلتش المنتدى اوا ماشركتش فيه بس بجد اللى عمل كده الإدارة ف أصلا أعضاء هنا مالهاش لزمة مع الإحترام للجميع طبعا انا اتحذف ليه مواضيع بجد كانت هادفة جد وده من وجهة نظرى المتواضعة للغاية وبرضه الإدراة محلك سر مفيش غير حاجة واحد اقولها لا تعليق |
ربنا يخليكى لينا يا شهد وتعقلى كده ومتمشيش
احنا مالنا بالاعضاء التافهين المهم ان احنا بندافع عن الحق دايما وانتى بتعملى دايما مواضيع هادفة وليكى رسالة يا ريت متمشيش يا شهد ولا يمكن ده يكون الحل |
بصي يا شهد ..
أولا .. مبحبش كلمة وداعا دي ثانيا .. انتي لو مشيتي علشان السبب اللي بتقولي عليه ده يبقى كله هيمشي قوليلي بس لو حد مزعلك ..شوفي هعملك فيه ايه ههههههههههه عارففة لو مشيتي ... والله هزعل جدا .. اوعي تمشي .. ماشي ؟؟ وبعدين انتي مش شايفة كام رد جالك ... وكام رساله خاصه كلهم مش هيقدروا يسيبوكي .. عشان خاطري اعدي ... |
يا حلوين
عندي ليكوا خبر ب10000000000000000000000000 جنيه شهد مش هتمشي ... اقنعتها انها تعد ... انا اساسا كنت عارفة انها مش هتقدر انها تسيبنا يلا بقا ... هاتوا الحلاوة |
هههههههههههههههههههههههههههه
يابنتى لحقتى انتتى لسة قافلة معايا الموبايل بجد ياجماعة ربنا يباركلى فيكم وكلكم بجد اكتر من اخواتى والله |
مبروووووووووووك يا شوشو.......
ايوه كده.......الحمد الله اقتنعتي.......وربنا معانا ومعاكي اننا نخلي المنتدى احسن واحسن.... مبروك يا جميلة..... في رعاية الله.... |
طبعا انا مقدرش اسيب صحاب عمرى
ولو حتى دة هيتعبنى بحبكم بجدددددددددد |
كل يوم تعملو فينا مقلب كدا :d !!
|
خليك فى حالك
|
| جميع الأوقات بتوقيت GMT +2. الساعة الآن 10:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.