مشكلة فى تنسيق مرحلة ثانية
 

الاخوة الاعزاء
اعتقد ان خطاءهناك فى تنسيق المرحلة الثانية حيث انه لا يظهر الحد الادنى لكلية الاداب جامعة الاسكندرية

http://www.tansik.egypt.gov.eg/appli...LimitA2009.htm

السؤال هنا
ان بعض الطالبات كتب الرغبة الاولى اداب اسكندرية

فقام مكتب التنسيق بالتحويل على الرغبة الثانية مباشرة

فنحن هنا لا نعرف ما هو الحد الادنى لكلية الاداب جامعة الاسكندرية
فهل امتلات ام لا؟
الطبيعى انها المفروض انها امتلات فما الحد الادنى فيها
مع العلم ان المشكلة الذى اتكلم عليها ان مجموعها 327.5 اى اول المرحلة الثانية فمن الطبيعى ان تلحق بها

فاذا كان هناك خطاء فما الحل

عند الاتصال بمكتب التنسيق الموظف المختص لا يعرف اى شىء عن الموضوع وقال لى تصدق كلامك صح دى مش موجودة فعلا
قلت له والحل قال مش عارف

طب مين عارف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ثم قال توجه لمكتب التنسيق ؟ فى الاسكندرية
قلت له فين؟
قال اسئل عليه انا معرفش مكانه


الحل ايه؟
انا سمعت ان بعض الكليات سقطت عن طريق الخطاء( تربية عين شمس - تربية القاهرة ) فى المرحلة الاولى
عاوز افهم كان الحل ايه

نرجوا الرد

نرجوا الرد

انا كمان كتبت اداب اسكندرية رغببة اولى وجاتلي حقوق رغبة 7وانا جايب309

معنى كده ان المشكلة عامة
فى خطاء فى البرنامج

msh 5ata2 wla 7aga wade7 en adab emtala2t mn el mar7ala el oola....wala eih...

اى الحل؟؟؟؟؟؟؟

بس علة فكرة انا ليا زمايلى كانون مرحلة اولى وكتبوا اداب اسكندرية وجاتلهم

بعد البحث تبين ان آداب اسكندرية قبلت 2071 طالب في المرحلة الأولى وآخر مجموع قبلته كان الحد الأدنى للمرحلة الأولى أدبي 328

وجاري البحث إذا ما كانت قبلت حد مرحلة ثانية ولا لأ !!

بعد البحث لقينا ان اداب فرع دمنهور فى اسكندريه خدت فى المرحله الاولى من 330.5 وراجعوها تانى برده هى مكتوبه وواضخه جدا اما اداب اسكندريه بس منزلتش الا مرحله تانيه وخدت305 واداب انتساب فرع دمنهور ايضا فى المرحله الاولى خدت من 308 اما اداب انتظام اسكندريه بس فعلا مش موجوده

الغريب ان اداب انتظام الاسكندرية موجودة مرحلةتالتة اليوم والنا بقدم لبعض الطلاب مرحلة 3 ادبى

طالما انها نزلت مرحلة تالتة يبقي ممكن لسة لم تكتمل بس ازاي وفي ناس كانت كتباها رغبة اولي ومجتش ؟غريبة!لكن انت في مصر

يبقى انت اكيد اكيد ف مصر

فعلا الاداب اسكندرية مرحلة اولى مفيش مشكلة
لكن المرحلة الثانية لم يظهر الحد الادنى لها

المشكلة فى المرحلة الاولى كانت تربية عين شمس و القاهرة

تمام كلام حضرتك
ولكن تبقى فيها اماكن
المطلوب معرفة الحد الادنى لها

حيث ان الطالبة التى اتكلم على مشكلتها مجموعها 327.5 اى او ل شريحة فى المرحلة الثانية
اى ان من الطبيعى ان تجد مكان فيها بالعقل

كلية الاداب جامعة الاسكندرية موجودة فى المرحلة الثالثة ادبى الى الان
اي يصبح بها اماكن خالية

مممممممم

طب تمام إذن هي لم تكتمل مرحلة ثانية و لسه مفتوحة !!

طب هوه آداب زي تجارة مرتبط بالتوزيع الإقليمي ولا لأ !!

الاداب ليست توزيع اقليمى

المشكلة يا جماعة بعد البحث اتضح انا نظام البرمجة فى المرحلة التانية مكنش يحتوى على اداب الاسكندرية عشان كدة كل اللى قدموا مرحلة تانية مجتلهومش اداب الاسكندرية لكن اداب الاسكندرية كانت مرحلة اولى وتالتة بس لكن فى التحويل بين الكليات ممكن التحويل لاداب الاسكندرية

كنت كتابها فى الرغبات الرغبة الاولى

يمكن قصدك برنامج التوزيع لديهم فى مكتب التنسيق فيه خطاء عدم وجود اداب

المشكلة فى الاتصال التليفونى بهم عارفين ان فيه مشكلة لكن محدش عارف ايه الحل من اللى بيردوا على التليفونات

افتكرت حكمة شعبية

قولت حاضر بتريح

ده المبداء فى الرد على التليفون عارف فيه مشكلة ولكن مش عارف الحل و الرد بمنتهى الذوق و الادب
لكن حل مفيش
مش عارف فايدة الرقم بتاع المكتب بتاع التنسيق ايه

صحيح من ضمن الرد متنفعش تحول اداب اسكندرية لانها دخلت كلية من الفئة أ حسب التوزيع الجغرافى
فهى دخلت اداب كفر الشيخ من الفئة أ
ولكن لها ان تحول انتساب اداب اسكندرية
هل الكلام ده صح

ممكن تكتبلى رقم جلوسك وانا سوف اوضحلك الموقف كامل

يا خبر مشكلة غريبة

للاسف انا خارج البيت دلوقتى و رقم الجلوس مش معيا ام اروح باذن الله

المشكلة تتلخص
كتبت الرغبة الاولى اداب اسكندرية
الثانية اداب طنطا
الثالثة اداب كفر الشيخ
وكل دول من الفئة أ للتوزيع الجغرافى
المرحلة الثانية نزلت فيها اداب اسكندرية فى كتابة الرغبات ولكن عند ظهور النتيجة لم يظهر لها الحد الادنى
مما معناه انها لم تمتلىء
وفعلا ظهرت لطلاب المرحلة الثالثة فى الرغبات..................... طبعا ده مش منطقى لانها المفروض ان تكون امتلأت لسبب بسيط ان اداب اسكندرية انتساب امتلأت
وطبعا مش معقولة الانتساب تمتلىء قبل الانتظام
الطالبة صاحبة الحالة مجموعها 327.5

ده ملخص الحالة

اسمع توجة الى مكتب التنسيق فى سموحة ومعك بطاقة الترشيح والرغبات وصورة من بيان النجاح وهم يساعدوك او استخدم التحويل بين الكليات

ازاى يا جدعان
 

ما احنا مصريين

انا جبت 86 وجاتلي اداب انتساب

يعنى من الاخر مصر ام الدنيا يعنى ناس كاباه رغبه اولى ومرحله تانيه مش تجلهم وتيجى للمرحله التالته

سبحان الله

يا رتنى كنت مرحله تالته

يبقا انت اكيد اكيييييد فى مصر
اهم حاجه تحمد ربنا على اى حاجه با باشا وان شاء الله موفق

يبقى انت اكيد اكيد فى مصر

مين قال انها نزلت مرحله تالته

ممكن تكون نزلت ف جامعه وجامعه لا
عادى

لا يا عم مش هتلاقيها نزلت مرلة تالتة خالص ازاى يعنى

يا جدعن كلامى من مصادر يعنى انا مش بالف من دماغى وكمان من الرغبات المتاحه للمرحله التالته

والى مش عاوز يصدق ميصدقش برحته





إعلان الأماكن الخالية بالجامعات للمرحلة الثالثة من التنسيق


القاهرة - أعلن مكتب تنسيق القبول بالجامعات والمعاهد العليا الثلاثاء الأماكن الخالية المتبقية من المرحلتين (الأولى والثانية) بالجامعات لطلاب المرحلة الثالثة من التنسيق للشعبتين (أدبى وعلمى).
وقال عبدالحميد سلامة وكيل وزارة التعليم العالى المشرف على مكتب التنسيق "إن الأماكن الخالية بالنسبة لطلاب الشعب العلمية بجامعة القاهرة تشمل (زراعة - كلية تمريض طالبات - كلية تمريض بنين - آداب انتساب موجه - حقوق انتساب موجه - دار علوم انتساب - نوعية فنية الدقي - نوعية موسيقية الدقى).
والأماكن المتبقية بجامعة الأسكندرية فى (كلية تمريض طالبات - زراعة - زراعة سابا باشا -آداب انتساب موجه - حقوق انتساب موجه - رياضية بنين - رياضية بنات - نوعية فنية - نوعية موسيقية - تربية طفولة.
أما عن فرع الجامعة بدمنهور فتبقى (آداب انتساب موجه فقط) وبمرسى مطروح تبقى (تربية أساسي - زراعة بفوكه - إدارة فندقية - تمريض طلبة - تمريض طالبات - طب بيطري ).
وفى جامعة عين شمس فتبقى كليات ( زراعة - كلية تمريض طلبة وطالبات - آداب إنتساب موجه - حقوق إنتساب موجه - نوعية فنية العباسية - نوعية موسيقية العباسية).
أما الأماكن الخالية فى جامعة أسيوط ، فتبقى في كليات (زراعة - آداب انتساب موجه - تجارة انتساب موجه - حقوق انتساب موجه - رياضية بنين - رياضية بنات - خدمة اجتماعية - خدمة اجتماعية انتساب موجه - نوعية موسيقية - نوعية ).
وأضاف عبد الحميد سلامة وكيل وزارة التعليم العالى المشرف على مكتب التنسيق أنه بالنسبة للأماكن الخالية لطلاب الشعب العلمية للمرحلة الثالثة بجامعة جنوب الوادى تشمل (خدمة اجتماعية - خدمة اجتماعية انتساب موجه) بأسوان و(آداب انتساب - زراعة - نوعية فنية - حقوق انتساب موجه - تربية رياضية بنين - تربية رياضية بنات) بقنا ، و(تربية طفولة الغردقة ) بالبحر الأحمر.
أما فى جامعة طنطا فتشمل (زراعة - آداب انتساب موجه - حقوق انتساب موجه - رياضية بنين - رياضية بنات - نوعية فنية ).
وفى جامعة المنصورة ، توجد أماكن خالية بكليات (زراعة - رياضية بنين - رياضية بنات - آداب انتساب موجه - حقوق انتساب موجه - نوعية فنية المنصورة - نوعية موسيقية المنصورة - نوعية فنية ميت غمر - نوعية فنية منية النصر) بالمنصورة .

وبفرع الجامعة بدمياط فتبقى (زراعة - آداب انتساب موجه - تربية - تربية أساسي - نوعية دمياط - نوعية فنية دمياط - نوعية موسيقية دمياط - تربية رياضية بنين ).
وأشار سلامة إلى أن الأماكن الخالية بجامعة الزقازيق لطلاب المرحلة الثالثة فى (زراعة -آداب إنتساب موجه - حقوق انتساب موجه - رياضية بنين - رياضية بنات - نوعية فنية - - عالى إنتاجية تجارى - عالى انتاجية زراعى).
أما الأماكن الخالية بجامعة حلوان ، ففى (اقتصاد منزلى - حقوق انتساب موجه - تربية موسيقية - خدمة اجتماعية - خدمة اجتماعية انتساب موجه - آداب انتساب موجه - رياضية بنين - رياضية بنات - تمريض بنين - تمريض بنات ).
وفى جامعة المنيا ، فتبقى أماكن بكليات (زراعة -آداب انتساب موجه - تربية فنية - رياضية بنين - رياضية بنات - دارعلوم انتساب موجه).
أما فى جامعة المنوفية ، فتبقى بها أماكن بكليات (اقتصاد منزلي - تجارة انتساب موجه آداب انتساب موجه - حقوق انتساب موجه ) بشبين الكوم ، وبالسادات ( تجارة انتساب موجه - رياضية بنين - رياضية بنات - حقوق انتساب موجه ) ، وبأشمون (نوعية موسيقية فقط ).
وقال وكيل وزارة التعليم العالى المشرف على مكتب التنسيق "إنه توجد - أيضا - أماكن متبقية لطلاب المرحلة الثالثة من تنسيق الجامعات والمعاهد بجامعة قناة السويس ، فرع الإسماعيلية بكليات (زراعة - تربية إقتصاد منزلي - تجارة انتساب موجه - آداب وعلوم انسانية انتساب موجه - تربية شعبة تربية خاصة - تربية شعبة تربية فنية - تربية شعبة تربية موسيقية - تربية شعبة تكنولوجيا تعليم "رياضة").
وفي السويس ، فتبقى أماكن بكليات (تجارة انتساب موجه - تربية طفولة طالبات فقط - تعليم صناعي - تربية شعبة تربية فنية "رياضة" - تربية شعبة تكنولوجيا تعليم "رياضة") ، وفى فرع بورسعيد (كلية تمريض طالبات - تجارة انتساب موجه - رياضية بنين - رياضية بنات - نوعية فنية - نوعية موسيقية - العالى للأدارة والحاسب الآلى ) ، وفرع العريش بكلية (تربية شعبة اقتصاد منزلي طالبات).
أما فى جامعة بنها ، فتوجد أماكن خالية بكليات (تمريض طالبات - آداب انتساب موجه - حقوق انتساب موجه - زراعة مشتهر شعبة تربية - نوعية فنية - نوعية موسيقية - تربية رياضية بنين).
وفى جامعة الفيوم (الزراعة - دار العلوم انتساب موجه - خدمة اجتماعية - خدمة اجتماعية انتساب - نوعية فنية ) ، أما فى جامعة بنى سويف توجد أماكن متبقية بكليات (آداب انتساب موجه - حقوق انتساب موجه - تربية رياضية بنين وبنات - تعليم صناعي).
وأشار سلامة إلى أنه توجد - كذلك - أماكن خالية لطلاب المرحلة الثالثة فى جامعة كفر الشيخ بكليات (زراعة - تجارة انتساب موجه - آداب انتساب موجه - نوعية فنية - تربية رياضية بنين وبنات) ، وفى جامعة سوهاج بكليات (زراعة - تجارة انتساب موجه - آداب انتساب موجه - تعليم صناعي).
وبالنسبة للمعاهد الفنية التابعة للكليات التكنولوجية ، توجد بها أماكن خالية لطلاب المرحلة الثالثة من تنسيق الجامعات ، ففي فنية صناعية جميعها بها أماكن خالية وتقبل من المجموعتين العلمية والهندسية ما عدا (قويسنا - بصريات المطرية - صناعي نجع
حمادي - منشآت بحرية بورسعيد - ري وصرف الجيزة - ري وصرف أسيوط )، أما بالنسبة للمعاهد الفنية التجارية فجميعها بها أماكن خالية ، وبمعهد متوسط خدمة فتبقى متوسط خدمة اجتماعية قنا فقط ، وبالنسبة للمعاهد الفنية الفندقية بتقى بها أماكن (فني فنادق المطرية القاهرة وفني فنادق الأسكندرية - فني فنادق قنا - فني فنادق بورسعيد - شعبة مطاعم بالمطرية - شعبة مطاعم بالأسكندرية ).
أما عن المعاهد الفنية آثار فبتقى (فني ترميم آثار الأقصر فقط).
وبالنسبة للجامعة العمالية شعبة تكنولوجيا ، فجميعها بها أماكن خالية وتقبل المجموعتين العلمية والهندسية ، أما عن الجماعة العمالية شعبة علاقات صناعية فجميعها بها أماكن خالية - أيضا - ، ولكن تقبل من جميع الشعب العلمية فقط .
وبالنسبة للمعاهد الفنية الصحية فشغلت أماكنها بالكامل ما عدا الإسماعيلية علوم ورياضة - سوهاج علوم - إمبابة علوم - رياضة - أسوان علوم - بورسعيد علوم - رياضة - أسيوط علوم.
وبالنسبة للمعاهد العالية الخاصة والمتوسطة الخاصة جميعها بها أماكن خالية ما عدا أكاديمية أخبار اليوم هندسة - عالي هندسة وتكنولوجيا طيران بإمبابة - عالي هندسة كفر الشيخ - عالي هندسة السادس من أكتوبر - عالي هندسة الشروق - التكنولوجي
العالي العاشر من رمضان هندسة - عالي هندسة وتكنولوجيا المنصورة - الدليا العالي للهندسة بالمنصورة - فرع العاشر بالسادس من أكتوبر هندسة .
ونوه سلامة بأن الطلاب الذين درسوا مادة الجيولوجيا والعلوم البيئية ، بالإضافة إلى مادتين علميتين (كيمياء أو فيزياء أو أحياء أو رياضة 2) ، بالإضافة إلى مادة أدبية ، قبولهم يقتصر على الكليات النظرية، وأما الطلاب الذين درسوا مادة الجيولوجيا والعلوم البيئية ، بالإضافة إلى الكيمياء والأحياء ، فيمكنهم التقدم للكليات والمعاهد الزراعية بالإضافة للكليات النظرية .

وقال إنه بالنسبة للأماكن الخالية لطلاب الشعبة الأدبية فى المرحلة الثالثة ، بجامعة القاهرة فى كليات (حقوق انتساب موجه - نوعية موسيقية الدقى).
وأضاف سلامة أن الأماكن المتبقية بجامعة الأسكندرية بكليتى (حقوق انتساب موجه - رياضية بنين) ، وبمرسى مطروح (إدارة فندقية فقط) ، وفى جامعة عين شمس (حقوق انتساب موجه - نوعية موسيقية عباسية).
أما جامعة أسيوط بها أماكن خالية بكليات (حقوق انتساب موجه - رياضية بنين - خدمة إجتماعية انتساب موجه - نوعية موسيقية ).
أما الأماكن الخالية بجامعة جنوب الوادى فرع أسوان ، فتوجد أماكن فى (خدمة اجتماعية - خدمة اجتماعية انتساب) ، أما فى جامعة طنطا فتوجد أماكن خالية بكلية الحقوق انتساب موجه ، وفى جامعة المنصورة فرع المنصورة توجد أماكن بكلية ( الحقوق
انتساب ) ، و(نوعية فنية - نوعية موسيقية) بفرع دمياط .
وأشار سلامة إلى أنه توجد أماكن خالية بجامعة الزقازيق فى (حقوق انتساب موجه - رياضية بنين - عالى كفاية انتاجية تجارى)، أما فى جامعة حلوان فتوجد أماكن بكليات (حقوق انتساب موجه - خدمة اجتماعية - خدمة اجتماعية انتساب موجه - رياضية بنين - تربية موسيقية).
وبالنسبة لجامعة المنيا ، فتوجد أماكن فى (دار العلوم - دار العلوم انتساب - تربية فنية )، وفى جامعة المنوفية شبين الكوم (حقوق انتساب موجه)، وفرع السادات (حقوق انتساب موجه) .وفي جامعة قناة السويس فتوجد أماكن بكلية ( تربية شعبة تربية موسيقية ) فرع الإسماعيلية .
كما توجد أماكن خالية لطلاب المرحلة الثالثة بجامعة بنها فى (حقوق انتساب موجه - نوعية فنية - نوعية موسيقية). أما فى جامعة الفيوم فتوجد أماكن بكليات (دار العلوم انتساب موجه - خدمة إجتماعية - خدمة اجتماعية انتساب موجه - نوعية فنية).
وفى جامعة بنى سويف بكلية ( حقوق انتساب موجه ).
وبالنسبة للمعاهد الخاصة العالية والمتوسطة ، فجميعها بها أماكن خالية ، والمعاهد الفنية التابعة للكليات التكنولوجية فبالمعاهد الفنية للآثار بها أماكن خالية بفنى ترميم آثار الأقصر، كما أن المعاهد الفنية التجارية جميعها بها أماكن خالية ومعاهد خدمة إجتماعية حكومية فبها أماكن خالية بمعهد متوسط خدمة إجتماعية قنا والمعاهد الفنية الفندقية جميعها بها أماكن خالية.
وتوجد بالجامعة العمالية وفروعها (شعبة علاقات صناعية) أماكن خالية لطلاب المرحلة الثالثة .
المصدر: وكالة انباء الشرق الاوسط.

ممكن تكون اداب اقليمي !!!!!!!!!!!

يعنى ايه اقليمى

يعني لابناء الاقليم فقط

انا من العاشر من رمضان وفى فى جامعه الزقازيق يعنى انا اعتبر من ابناء الاقليم

على حسب فهمى

و الله التوزيع الاقليمي

بيكون علي بوابة الحكومه


انا من رايي تتصل بالرقم اللي هما حطينه و هما هيفدوك اكتر !!!!!


بالتوفيق

التوزيع الاقليمى للعاشر الزقازيق وعين شمس

وانا فعلا ان شاء الله هتصل بيهم

اه اتصل بيهم و ربنا يوفقك باذن الله

http://www.tansik.egypt.gov.eg/application/

هههههههه انا مرحلة تالتة ومش هاخشها

دة للعلمي بس ممكن تكون انت ادبي

مجرد راي ...... !!!!!!!!!
 

هو فيه مكتب تنسيق فى سموحه
مكانه فين ؟
هلل فى المدينة الجامعية ولا ايه

انا علمىىىىىىىىىىىىىىىىىىىىىىىىىىىىىىىىىىىىىىىى

المكان سموحة الى جانب مديرية الامن ويمكن الاتصال ب19468 أو الافضل لو كان مجموعك اكبر من الحد الادنى استخدم التحويل الى الاسكندرية حتى لو انتساب

اولا حضرتك علمى ولا ادبى؟ لان اداب انتساب نزلة مرحلة ثالثة لبتوع العلمى فقظ لكان بتوع الادبى مش نازل لهم اداب انتساب ومعظهم الىنازل نرحلة ثالثة ادبى حقوق انتساب والمعاهد

نازلة اداب اسكندرية يا جماعة