|
طلبة حاسبات ... يللا نلتقي هنا
سلام عليكم
بعد ما كل واحد جاب مجموع الحاسبات سواء مرحلة اولى او تانية و بعد ما اطمن على نتيجته نيجي هنا نعمل ملتقى مؤقت نتعرف على بعض و ده لطلبة كلية الحاسبات نشوف مين اللي جات له حاسبات بعيدة و مين اللي جات له قريبة و هل ناوي يكمل في الكلية و لا ناوي يحول خاص و اللي يعرف عنها اي حاجة يكتب اي حاجة بالنسبة للدراسة او للشغل --------- انا جات لي حاسبات حلوان بفضل الله سبحانه و تعالى و طبعاً انا من اسكندرية بس مايهمش لان الواحد عايز يغير حياته و انا كان نفسي اقعد في مصر كده كده طبعاً انا سألت على الكلية كله بيشكر فيها و بيقولوا انها كلية جميلة و دفعتها صغيرة زي الفنون الجميلة و بتاخد كل حاجة عن الكمبيوتر و بتلاقي شغل لان معاك مؤهل - كمبيوتر - انجليزي و دي شروط ان لم تكن كافية جداً بالنسبة لمجال التوظيف و العمل و تعتبر افضل من هندسة حاسبات لكن بيقولوا الاولوية لهندسة حاسبات الا انه الاتنين يعتبروا واحد حاسبات بتدي بكالوريوس الهندسة في البرمجيات و بكالوريوس الحاسبات و المعلومات علشان اللي خايف على لقبه مايقلقش انت مهندس كمبيوتر شركة مايكرو سوفت كل سنة بتعمل مسابقة لطلبة الحاسبات و المعلومات و اللي بيتفوق فيها بيشتغل في الشركة ( في فرعها ) في مصر و بياخد شهادات معتمدة منها الشركات الكبرى و الاستشمارية بتاخد الطلبة من السنة التالتة في الكلية تدربهم عندها و تؤهلهم للعمل لديها بمرتبات جيدة و انا سألت ناس في الكلية مستمتعين بدراستها جداً و يُذكر ان في طالب طلع الاول على الجمهورية شعبة رياضة و كانت تجيله هندسة بترول الا انه حول حاسبات و معلومات و لي واحد كان هندسة اسكندرية سقط فيها في سنة اعدادي علشان يحول حاسبات و معلومات و بعد ما حول حاسبات بقى ينجح فيها كل سنة بامتياز طبعاً بيشتغل حالياً و بيقبض مرتب جامد احنا بس عايزين ندوخ من دلوقتي ما نسيبش نفسينا بعد ما نتخرج لازم نتفوق و ندور على شغل هنا و هناك بدل ما نقعد في بيوتنا ماحدش يزعل لو جات له حاسبات و القصص اللي انا كاتبها دي حقيقية مش بخرف يعني اقنعوا اهاليكم انها تحقق لكم اللي انتو عايزينو و افرحوا اليومين دول ماحدش طايل يبقى مهندس كمبيوتر و كل دراسته كمبيوتر و انجليزي يعني حاجة اورينتال ان شاء الله ح احول من حلوان للقاهرة و من القاهرة لعين شمس بعد كده لانه للاسف مافيش في اسكندرية كلية حاسبات و معلومات و مش عارف ليه شهيصوا اليومين دول و كله يفكها و نحمد ربنا لان علمي رياضة مرحلة تانية ماكانش طايل حاجة الا حاسبات |
انا جاتلى حاسبات الاسماعلية الحمد لله و ان شاء اللة لمل يفتح التحويل هحول حلوان او القاهره او عين شمس بس اعتقد هاتجيلى حلوان او القاهرة علشان اقرب ليا ان شاء الله
و انا الاول كنت خايفة منها علشان مستقبلها و كدة بس الحمد لله بعد اللى سمعتة عنها انا راضيه جدااااااااااااااااااااااااااااااااا بيها و ربنا يوفقنا كلنا |
موفقة يا سارة ان شاء الله
و ان شاء الله مستقبل الكلية دي ح يبقى كويس جداً كمان لان معاك شرطين انجليزي و كمبيوتر و دول اساس اي شغلانة عدلة في البلد دي |
اه عندك حق بس انت مش هاتكمل ف حلوان ليه انا سمعت انها حلوه
|
اولاً حلوان بعيدة عن سكني في القاهرة
لاني حالياً اقيم عند خالي في القاهرة عند نهاية شارع صلاح سالم - سوق القنال الدولي فبالنسبة لي بعيدة لكن جامعة عين شمس ح تبقى قريبة نسبياً لانها في العباسية على ما اعتقد يعني يادوبك شارع جسر السويس لوحده و بس و مش ح ياخد اكتر من تلت ساعة لكن بالنسبة تدريجياً لازم احول جامعة القاهرة الاول و بعدين عين شمس لانه من الابعد للآقرب |
يللا مين تاني دخل حاسبات ؟
|
اه صح عندك حق هى اقرب ليك..و اة عين شمس ف العباسية
ربنا معاااااااااااااك موفق ان شاء الله |
انا دخلت حاسبات عين شمس
|
حاسبات المنوفية
|
مبروك يا رجاله
الف مبرووك |
انا دخلت حاسبات الزقازيق وان شاء الله هحول المنصورة وانا فرحان اوى الحمد لله وبشكر امى اللى تعبت معايا
|
مبروك يا احمد
و انا برضه باشكر امي و ابويا بعد شكر الله سبحانه و تعالى |
وأنا جتلى الحمدلله حاسبات بنها
|
انا بقي تانية حاسبات القاهرة و بقولكم الكليةجميلة جدا جدا و علي فكرة ان من اسكندرية و مردتش بعلوم اسكندرية عشان حاسبات و ربنا يوفقكم جميعا
|
انا تانية حاسبات القاهرة و ان شاء الله الكلية تعجبكم و الكلية جميلة جدا جدا و علي فكرة انا من اسكندرية و مردش بعلوم اسكندرية عشان حاسبات
|
حاسبات ايه انا مجموعى يجيبها فى الزقازيق لكنى فضلت هندسة بنها (المعهد العالى) لانها بتدى بكالريوس هندسة فى (كهرباء/مدنى/ميكانيكا)بسالحاسبات اولا ما بتديش بكالريوس هندسه ولا حجة لانها مش5 سنين وبعدين الواحد بيشتغل زى المحاسب والى مش مصدق يدخل موقع نقابة المهندسين وطبعا هى مش مقيده فيه...........................
|
اقتباس:
و مين قال انها بتدي بكالريوس هندسة و بعدين هو الدراسة 4 سنين عيب و لا حرام و بعد\ين بلاش تتكلم من غير وعي ايه الي بيشتغل زي بتوع التجارة امال مجال ال IT الي فكل الشركات دة ايه ولا البرمجة احنا في حاسبات بندرس اكتر في مجال السوفتوير اما الي انت بتتكلم علية الي بيبقي زي التجارة دة النظم و المعلومات غير قسم computer science .cs دة بيتعامل مع قواعد البيانات زي التجارة احنا بندرس هندسة البرمجة و في ناس بتشتغل في شركات محترمة جدااا زي ميكروسوفت |
2 صحباتى جاتلهم الاسماعيليه
ربنا يوفقهم يارب ويوفقنا جميعا |
وانا حاسبات حلوان .. بس انا من كفرالشيخ وهضطر ااجر شقة ف حلوان ... وياريت اعرف حد معايا ف الجامعة لاني معرفش اي حد هناك لسه ....
|
و أنا حاسبات المنصورة
|
بس المنصورة اللى أحسن و لا القاهرة !!!!!!!!!!
|
بالمناسبة يا جماعة ده القسم الهندسي لكليات الهندسة وفي قسم تاني لكلية حاسبات هناك حتقدرو تتجمعوا اكتر وتفيدو بعض احسن |
السلام عليكم مبروووووووووووك طبعا لكل اللى دخلوا حاسبات :022yb4::022yb4::022yb4::022yb4::022yb4: وأنا عارف ان ممكن يكون حد فيكوا كان نفسه يدخل هندسة بس ان شاء الله لما هتشوفوا حاسبات ودراستها ومستقبلها هاتحمدوا ربنا ان نصيبكوا دخلكوا حاسبات وبعدين انتوا كلكوا كارهين المنصورة بقى ولا ايه؟؟؟؟ محدش فيكوا المنصورة خالص؟؟؟؟؟؟؟؟ ينفع كدة ههههه لا بجد حاسبات معروفة ف اى حتة وعلفكرة انا ف حاسبات المنصورة ولو حد محتاج اى حاجة يطلب وانا موجود ان شاء الله ربنا معاكووووا |
| جميع الأوقات بتوقيت GMT +2. الساعة الآن 12:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.