|
الجامعات الخــاصة ظلم أم عدل؟
ايه رأيك فى الجامعات الخاصة ؟
يا ريت كل واحد يكتب كليته. و بعدين يكتب رأيه فى الجامعات الخاصة. و لو كنت بتأيدها بتأيدها ليه و لو بتعارضها بتعارضها ليه؟ |
جامعات الضياع
نبدأ بوجهة نظرى:078111rg3:
أنا طالب إن شاء الله كلية طب و برفض الكليات و المعاهد و الجامعات الخاصة كل الرفض.:angry2: السبب: إنها بجد هتعمل كارثة فى المجتمع و الكارثة دى هتظهر قريب لإن كده الأغلبية هتدخل كليات القمة طب و صيدلة و اسنان و بيطرى و .............إلخ و برضه برفضها لإنها بتخلى اللى جايب 80 و لا حتى 90 يتساوى فى الآخر مع اللى جايب 99.5 زى حالاتى. يا جماعة انا متضايق جدا من الجامعات دى أنا و الله أعرف واحد من دفعة 2005 مش فاكر و لا 2006 جاب 80 و دخل صيدلة خاصة بالفلوس. يعنى ناس بشترى مستقبلها بالفلوس. و أعرف واحد جاب 95 و جاله طب بيطرى برضه دخل طب بشرى بالفلوس مش ده كده اسمه عدم رضا. كده أكيد هتحصل مشكلة لما كل اللى معاه فلوس يدخل ابنه خاص. أساسا بعض الطلاب اللى أعرفهم اللى دخلوا خاص و بالأخص اللى دخلو جامعة الضيااااااااااااااااااع 6 أكتوبر فشلوا و ضاعوا ضياع ما بعده ضياع. اللى معاه قرش محيره :redface: يدخل ابنه خاص ويضيعه |
أنا مش عندى مشكلة لو واحد جاب مجموع طب و دخل طب خاص
لكن لو واحد جاب مجموع تجارة انتساب بالعافية و يدخل طب و لا صيدلة يبقى لا و ألف لا |
اولا انا نسقت مرحله اولي وجالي معهد الطاقه اسوان
وطارة الهندسه علي درجه الحمد لله قاللولي في البيت ادخل خاص لكن انا مرضيتش يعني الواحد بعد ما ذاكر وكده يدخل خاص طيب ليه التعب والدروس و الحيره تاني حاجه لو في فرص عمل هيكون الاولويه للعام طبعا وكمان اغلب طلبة الخاص بيكون مستهترين انا بقول اغلبهم مش كلهم علشان محدش يقول انتا عممت وكمان نظرة المجتمع للخاص علي ان الطالب فاشل بينجح بفلوسه واخد الشهاده بفلوسه وكده ________________________ الكلام ده رأي شخصي وانا اسف لو كان حد زعل منه علي فكره المعهد اللي جالي ده مش خاص دا اسمه كده |
السلام عليكم ورحمه الله وبركاته
انا الحمد لله جالى هندسه بس انا شايفه ان الجامعات الخاصه مش وحشه هى بتحل ازمات كتير يعنى االمفروض اللى بيجيب 85 ده بيكون ممتاز على الراى الطبى والتعليمى طبعا اول حاجه لو حد كان نفسه فى هندسه مثلا وضاعت معاه على شويه ارقام من عشره يموت حلمه ويموت نفسه ولا يحاول يحقق مشتقبله بطريقه تانيه ةبعدين انا واحده من الناس جالى اللى كنت عايزاه بس انا بفضل الخاص عن الحكومى كفايه نظافه الكليه ومعامله الدكاتره للطلاب |
انا كليه صيدلة ان شاء الله القاهرة لكنى الجامعات الخاصةانا بصراحة بايدها وبرفضهابايدها لان بتكون فيه ناس بجد ممكت تتعب على الامتحانات جامد وبالتالى بتضيع فرصة كلياتن القمه لها فبالتالى حكاية الجامعة الخاصى افضل ليهالكن برفضها لان احيانا بيدخلها ناس مجموعها قليل كمان كانت مش بتذاكر وتتدخل كليات القمة لكن ربنا يوفق الكل ان شاء الله
|
مش ممكن يكون شايف نفسه في الكليه ديه ؟
حكايه الفشل ديه في اي جامعه خاص وغير الخاص وانا شايف انها مش وحشه علي الاقل التعليم بيكون واخد حقه يعني الدارس ملهوش حجه |
اقتباس:
|
الف مليوووووووووون مبرووووووووووووووووووووووووووووووووووكلكل واااااحد على كليتهمعلش جت متاخرة شووووووووووووووووووووووووووووووووووووووووية
|
بس انا عايزة الهدية بقى ومش هطمع شيكولاته جالاكسى
|
اقتباس:
اللي ضاعت منه الهندسه علي 2 من عشره زيي واللي جايب 71 |
انا كنت طالب مرحلة اولى تنسيق كنت جايب 404.5 وجاتلي هندسة طنطا والحمد لله
بالنسبة الكليات الخاصة انا شايف انها على سبيل المثال ساوت ولحد جايب 95.5% ودخل هندسة بواحد جايب 70% وده حرااااااااااااااام وكله بالفلوس وخلاص وحسبي الله ونعم الوكيل |
اقتباس:
Mabrook .3ala fekra ana fe saydalah el qah3ira as you |
اقتباس:
دول بيشتروا العلم بالفلوس |
يا جماااعة والله فى الاول والاخر ده نصيييييييييييييييييييبوكل واحدة يحاول يرضى بكليته حتى لو كانت دى اللى مش عايزهااالان اكيد ده الخير اوووووووكى
|
اقتباس:
|
اقتباس:
هى واخده من 87.5 يعنى مجموع معقول مش قليل لوى يعنى |
يا جماعة ربنا خلقنا و كل واحد مقدر له الكلية اللى هو هيدخلها فمن المفروض ان كل واحد يرضى بما كتبه الله له
|
على فكرة أنا والدى قاللى قبل كده قبل الثانوية قاللى لو جبت 50 % انسى انى هدخلك حتى و لو معهد خاص
و لو فرقت معاك حتى على 2 من عشرة برضه انسى مش حكاية فلوس لا الحمد لله مبسوطين بس علشان ده مبدأ عند والدى |
ايه يا جمااااااااااااااااااااااعة انتم طنشتوووونى ليهفين الجالاكسى بقى ؟؟؟؟؟
|
اقتباس:
مش معني كده ان اللي جاله كلية هو مش راضي بيها ان ميدوش علي الافضل وكل الكلام اللي اتقال ده مجرد اراء وفي الاخر الراي للي عنده مشكله في تنسيق وعايز يغيره يشوف الافضل بالنسبه له ايه |
اقتباس:
و انا موافقك الرأى |
شعور جمييييييييييييل اوووووووووووووووووووووى انك تحس انك بتكلم نفسكشكرا يا دكترة ويا مهندسين
|
اقتباس:
اكيد الجالكسي ساح دلوقتي استني لما يسقع شويه |
ماااااااشى شكرا جدااااااااااااااااااااااااااااااااااااااااااااامست نيه لما تسقع لما اشووووووووووووووووووووووووووووف
|
اقتباس:
و لا يهمك |
شكرااااااااااا جداااااااااااااااااااااايارب يكرمك ان ششاء اللهبس هى ساحت بجد يعنى استنى شوية عليهاااااااااااااااااااااا؟؟؟؟؟
|
يا جماعه عايزين نشوف اراء النااااااااااااااااااااس
|
بس خلا ص نكمل بقى الموضوع و الآرااااااااااااااااااااء
|
يا جماعة والله بجد الكليات الخاصة فى ناس شايفاها انها حلوة وناش شايفى انها وحشة ودى العادى بس فى الاول والاخر اى حاجه لها عيوب ومميزات يعنى كل واحد فينا ياريت يبص لها من جميع النواحى لانك بتبصو بس من خلال ان واحد ممكن يكون جايب مجموع قليل ويدخل كلية قمه يالفلوسلكن حد فيكم يعلم ظروف الناس ولازم برده تعرفو ان الله لا يضيع اجر من احسن عملا يعنى لو حد فرضا جايب مجموع قليل ودخل كليه قمة خاصة انت تضمن هل هينفع فيها ولا ؟؟؟؟؟كل حاجة محسوبة المهم ان كل واحد يرضى بكليته اووووووووووووووووووووووووكى
|
ايوة المهم كل واحد يرضى بكليته
|
شكرا على الآراء و اتمنى اشوف اكتر
|
انا اقولك على الخلاصة
بالنسبة لهندسة خاص و الباقي معرفش سوق العمل بيعترف "ببعض" الجامعات الخاصة في الهندسة زي العاشر و الشروق و طيران امبابه ( هي حكومة بس بـ10000 ) و الامريكية و كام واحدة كده و دول كلهم هتلاقيهم بياخدوا في حدود 85 و في 2007 الشروق اخدت من 90.6 دول بيطلعوا مهندسين بجد و لازم تذاكر علشان تنجح مش سلطة كده و كله ينجح في حاجات بقى ملهاش لازمة زي طيبة و العبور دول محدش بيبصلهم خالص ولا كأنك كنت في كلية ( طبعاً لو معاك واسطة تشتغل بيهم عادي ) دول بقى من 70% تخشهم |
بصراحة بقى الجامعات دى ساوت اللى جايب 60 باللى جايب 90 او اعلى كمان
انا بقول كده على الرغم ان اخويا طالب فى كلية خاصة بس انا مش بعترف بيها |
الجامعات الخاصه للأسف انا بعارضها ..
بتبقى حاجه جميله قووي ..لما واحد يدخل كليه حاببها بتعبو وبجهدو ..وبمجموعه الجميل ..ومش خاصه طبعا .. احسن بكتير لما حد يبقى جايب مجموع مش قد كده ويدخل خاص!!! اظن نظره المجتمع ليه هتبقى مختلفه شويه .. لو استمر الحال على كده وخصوصا بعد الجامعه المفتوحه.. ممكن نبص نلاقي واحد ادبي بجموع 90% وداخل طب ..بردو بالفلوس .. عارفه انها واسعه .شويتين ..بس كل ما تتخيله ولا تتخيله هتلاقيه في أم الدنيا مصر .. دي وجهه نظري اتمنى تتقبلوها .. وبالتوفيق للجميع .. وميرسي عل التوبيك .. |
لما تلاقى واحد جايب 50% و داخل طب.............. يبقى انت أكيد أكيد فى مصر
|
يا ريت كله يشارك فى الاستطلاع
|
بصو انا راااااااااااااااااااااااااااااافضة تماما موضوع الجامعة الخاصة مش لانها بتساوى الروس بس ولكن عشان هيا بتقدم مستوى تعليمى افضل من الحكومى مش تعليمى بس ده كمان معامله افضل من الدكاتره على الرغم دول عمرهم ماذاكرو انا اعرف زمايل ليا دخلوا صيدلة 6اكتوبر ومجموعهم لايزيد عن91 % انا بجد زعلانه على كل جابو زيهم وممعهمش فلوس يدخلو زيهم وشوف من ده كتييييييييييييير
|
رأيك صحيح و ده برضه سبب وجيه لرفض الجامعات الخاصة
|
و على العموم
مش مهم احنا نعترف بيها او لأ المهم سوق العمل بيعترف بأيه |
لا المهم انت داخلها بإيه بفلوسك و لا بمجهودك بعرقك و لا بلعبك
احنا ياما ذاكرنا و تعبنا و بكينا و اجتهدنا علشان ندخل الكلية اللى عايزينها و بعد ما نجحنا لاقينا للأسف ناس غيرنا لعبوا و ضحكوا و سهروا و خرجوا و ناموا دخلوا بفلوسهم الكلية اللى تخطر على بالهم. بس مهما كان مفيش فرحة تضاهى فرحة التعبان اللى اجتهد علشان يدخل الكلية بعرقه و مجهوده مش بفلوسه. و مفيش حد يزعل من كلامى. |
طيب اللى ذااااكر علشاااااااااااااااااااان كلية معينة وفى الاخر فرقت معاة على جزء من عشرة يعمل اية !!!!!!!!!!!!!!!
انا شايف انها تمام وفى السليم هى والجامعة المفتوحة بس انا بعارض فى الجامعة الخاصة ابو 70% اللى بيدخل طب وهندسة .. وجهة نظر بـــــــــــــــــــــــــس!!!!!!!!!!!!!!!!!!! |
اقتباس:
|
انا لعبـت وخـرجت ونمـت وعملت كل اللي في نفسـي وذاكرت .. اكتشـفت ان اللي بـ يعقدها بـ تتعقد معاه .. اللي بـ يقولك انا بـ اتقطع وبـ اعيط وبـ اموت فـعلا بـ يخربها علي نفسـه .. أنـا لعبت وعملت كل الحاجات ديه ودخلت برده الكلـية اللي انا عايزها اللي هي هندسة القاهرة وبـ مجموع مرتاح وده طبعـا بـ فضل ربنا .. أهـم حاجة انك متخنقـش نفسك لـ إنك لو خنـقت نفسك مش هـ تعرف تعمل أي حـاجة .
بـ النسبـة لـ موضوع الجـامعات الخـاصة .. أنا أرفضـها من جهة إن الواحد يكون تعـب وبـهدل نفسه وفي الاخر يدخـل جامعة خاصة بـ فلوس .. ولكن موافق عليـها جدا إن واحد يدخلها بدل ما يـدخل مجال هو كارهه عشـان بس مجموعـه مجبهـاش .. انت هـنا حكاية الرضـا ملهاش دعوة .. لو هـ تجبيها من ناحية الدين وده طبعا انا موافق عليه ومؤيده جدا .. يبقـي الشخص يدور علي اللي هـ ينفع بيه دينه ومجمتعه أفضـل من إنه يدخل مجـال هو مش حابه ومش هـ يعمل فيه حاجة وهـ تبقي حياته روتينية معتادة مفيهاش اي جديد .. أما عن اللي جايبين 70 ويدخلوا هـندسة .. صـراحة في ناس اعرفهم جايبين المجاميع ديه في أدبـي ومظلومين جدا جدا في كل المـواد .. أما إن واحد يـجبيها في علمي فـ اعتقد انه مش هـ ينفع أي حـد لما يدخل هندسة بـ المجموع ده بس هـ يبقي اسمه " مهندس " . أنـا مع الجامعـات الخاصة لو داخلـها وعندك هدف إنك حـابب المجال بـتاعها وحاسس ان الحـاجة اللي استرقت منك في الثـانوية بـ المجموع تقـدر تدخلها بـ فلوس وتنجح فيهـا .. أما اللي داخلين عشان أسـم " مهندس " أو " دكتـور " فـ دول ميستحقوش اساسا يدخلوا ثانوية عـامة . |
هى الصراحة حلوة فى حاجات ووحشه فى حاجات
يعنى اللى جايبين 75 وبيخشوا طب دول انا مش معترفه بيهم ولو اعرف مش هروح تعالج عندهم كمان هههههههههههههه لكن برضوا اللى جايبين درجات قليله مش هيروحوا ينتحروا وكلوا وضميرواااااااا |
أنا ضد الجامعات دى
لاااااااااااااااااااااااااااااااااا للجامعات الخاصة اللى بتساوينا بأصحاب السبعينات |
أنا ضد الجامعات الخاصة كفاية البوظان اللى فيها و الفشلة
أنا أعرف حكايات غريبة عن الصياعة اللى فى جامعة 6 أكتوبر و دى حاجة أكيده لإن معظم اللى داخلينها مالهمش حق فيها |
اقتباس:
يمكن ده لظروف او علشان قدرتهم أنا بس ضد فكرة انهم يبقوا مهندسين بعد كده |
اقتباس:
انا قريت كل المشاركات المكتوبه بس للأسف فى مشاركات كتير معجبتنيش فى الهجوم ع الكليات الخاصه. الاانتى يا دكتوره عجبنى اوى رأيك وهو بالضبط الكلام اللى كنت عايزة اقوله بهنيك على سلامة عقلك وعلى اسلوبك. انا عن تجربه اعرف ناس كتير تعبت فى الثانويه العامه وفى الاخر حظهم مع التنسيق كان وحش ومؤيده تماما لدخولهم الكليات الخاصه لويقدرو ولو مجتش الفرصه يبقى برده خير لان فى الحالتين لازم نرضى باللى ربنا قسمه وبأن الله بيحطنا فى المكان الافضل وبعدين عمر مكان الرضا بالقدر وحده مهم لكن لازم الاخذ بالاسباب ده اللى ديننا قال عليه. وبعدين _ان الله يحب ان يرى نعمته على عبده_ المشكله فعلا فى الموضوع ده ان فى ناس بتتعب نفس التعب ومبتلاقيش للأسف فرصه انها تدخل الكليه اللى بتحلم بيها ودى مشكلة الدوله .......... التصرف اللى ممكن نعمله اننا نساعد الناس دول وعلى فكره انا زميلتك برده فى كلية صيدله بس اسماعيليه وتقبلى منى الهديه دى بدل الجلاكسى وهو الشعار اللى بيربطنا ببعض http://tbn2.google.com/images?q=tbn:.../images/ph.jpg |
انا فى صيدلة القاهرة لو حد معايا يرد عليا ويقولى
|
| جميع الأوقات بتوقيت GMT +2. الساعة الآن 12:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.