|
.. من غير عنوان .. ده مجرد كلام ..
عارف لما تبقى شايف حد بصورة معينة الصورة دى مش صح .. الحد ده مش كدة بس انت شايفه كدة .. لانك ماتعاملتش معاه من قريب او اتعاملت معاه من قريب بس مش قادر تفهمه صح ف بالتالى بتنقل الصورة دى للى حواليك وممكن يصدقوك .. وبكدة الحد ده انت شوهت صورته ممكن يكون هو ساعدك ف كدة لانه مش ظاهر على طبيعته بس هنا مين الغلطان انا الغلطانة .. لانى اخدت بكلام ناس - وده غباء - وماحاولتش اعرف اللى قدامى دول عاملين ازاى والناس دى كانت فاهمة غلط بالتالى انا كمان فهمت غلط ولحد دلوقتى مش عارفة افهمهم ازاى اصلا .. ومش عايزة اعرف بس انا اسفة لاى حد انا فهمته غلط سواء كان عارف او لا لانى مش قد انى اتحمل ذنب ظلم حد يا رب سامحنى .. :( *** ماينفعش انك تصدق كلام حد عن الناس التانية مهما كان الحد ده قريب منك ماينفعش .. سواء كان كلام حلو او وحش ماينفعش .. احكم بنفسك وماتاخدش انطباعات من حد تانى عشان ماتظلمش حد ويا ريت تحتفظ بانطباعك لنفسك عشان لو كان غلط ماتديش الناس فكرة غلط عن حد وانطباعك ده عمره ما هايبقى صح لو اتكون من موقف او اتنين لان فيه حد ف موقف بيبقى انسان وف موقف تانى بيبقى انسان تانى وتالت ورابع وعاشر ف صعب انك تفهم الناس بسهولة *** فيه ناس بيحبوك .. وناس لا فيه ناس يستاهلوا يكونوا اصحابك .. وناس لا وفيه ناس ممكن يكونوا بيحبوك بس مايستاهلوش يكونوا اصحابك لانهم مش زيك .. او انت مش زيهم هما كدابين وانت لا .. او العكس بيعيشوا نفسهم ف اوهام وانت لا .. او العكس لما تفضل معاهم كتير .. هاتبقى زيهم هاتلاقى نفسك وهما زعلانين بتحاول تخفف عنهم بكلام ( غلط ) لمجرد انك بتحبهم وانت انسان عاطفى شوية ف ممكن تقول الكلام ده لانك بس .. عايزهم مايتضايقوش وده غلط يبقى من الاول ابعد عشان ماتوقعش نفسك ف غلط .. لان ماحدش يستاهل والله ما فيه حد يستاهل !! :) *** النت كدبة كبيرة او هو اكبر كدبة ف حالة انك تتعامل مع اشخاص كدابين بس تعرف منين هما كدابين او لا ..؟ صعب تعرف .. يبقى ماتحطش نفسك ف موقف انك تثق اوى ف حد احتمال يكون ( كداب ) *** النت دنيا تانية غير اللى عايشينها مع انه جزء منها بس ممكن يسحبك ويخليك تنسحب من دنيتك عشان تعيش ف دنيا النت قولى انت .. مين فيهم يستاهل تكمل فيه ..؟ *** المنتدى مجموعة اشخاص اتجمعوا .. ومفيش ناس ( عاقلة ) بتتجمع الا عشان تحقق هدف مشترك والحقيقة الهدف فعلا مشترك كل واحد عايز يثبت انه الافضل على حساب غيره حتى لو هو مبين عكس ده حتى لو هو بيقنع نفسه انه مش كدة مجرد دخوله ( منتدى ) .. يخليه عايز يثبت نفسه الافضل حتى لو قدام نفسه وبس .. *** الشات شوية ناس فاضيين اتجمعوا بس من غير هدف ممكن يكون المعظم ليه هدف .. واحد يتعرف على بنت بنت تتعرف على واحد يشتغلوا بعض شوية لحد ما حد فيهم يفوق قبل التانى ويفهم انه غلط ..!! وفيه شوية مالهمش هدف مجرد انهم قاعدين فاضيين طب ما ندخل الشات ده نشوف ايه اللى بيحصل لحد ما تبقى عادة ويبقى روتين رخم .. بتعمله كل يوم بس ف الاخر هاتبطله سواء طولت او لا .. هاتبطل ف الافضل انك ماتتطولش *** احيانا المنتدى برضو بيبقى شبه الشات شوية ناس فاضيين اتلموا على بعض بيعملوا ايه ..؟ بيتكلموا .. طب ايه الهدف ..؟ بيتكلموا .. وايه الفايدة ..؟ بيتكلموا .. ايه الغلط ..؟ ضيعوا وقت .. بقى روتين مالوش لازمة تانى .. وبرضو لازم هايبطلوا .. *** طب عارف لما تبقى عايز تكون ف جروب وتحس نفسك محبوب ف بتشوف اى جروب وتقعد معاه يقولوا كذا .. آه كذا .. آه من غير تفكير مانت شايفهم ناس لذيذة وروشة وبتقضى معاهم وقت مش يمكن لما تعارضهم يتضايقوا منك وماتبقاش حد مهم ف الجروب ده لالا يا عم .. انا معاهم بس انا بقى مش معاهم .. :) *** عارف لما يبقى قدامك اتنين بيردوا على بعض مش عارف مين فيهم الصح ومين الغلط ده يقول حاجة .. تحس انه صح وعنده حق ده يقول حاجة .. تحس انه هو ده الصح والتانى لا طب واخرتها ..؟ ايه لازمتك اصلا ف الموضوع وليه تفكر .. ما هما اللى عارضين كلامهم عليك مش مهم طلع نفسك منها عشان ماتبقاش غلطان *** طب لما حد يتقال عنه كلام واتظلم .. لانه مش كدة .. عايز يثبت انه مظلوم .. يجيب ادلة وبراهين يثبت بيها كلامه بس .. بس بيهين ناس تانية ممكن تكون خلاص نسيت الحاجات دى وعرفت انها غلط طب وايه لازمته ..؟ اصلا يهمك ف ايه كلام الناس ولا فكرتهم عنك ..؟ من ستر مسلما فى الدنيا ستره الله يوم القيامة .. :) خليك احسن منهم ( والكاظمين الغيظ ) .. انت مايهمكش غير ربنا يبقى ماتديش لحد اهتمام ممكن يقلل منك انت .. وعيش لربنا *** اسبوع قبل الامتحان والبنت قدام الكومبيوتر .. الام : بتعملى ايه يا حبيبتى ..؟ ابدا يا ماما باسأل على حاجة بس وقايمة طب يلا عشان تنامى او تكملى مذاكرة .. ودعوتين حلوين كدة من الست الوالدة البنت بقى .. فعلا كانت بتسأل على حاجة بس مش جايلها نوم ومش قادرة تذاكر طب اما افتح الماسنجر اشوف لو حد قاعد اتكلم شوية لحد ما يجيلى نوم واااو صاحبتى اهى .. وتجصل محادثة قصيرة ( او طويلة ) بعدها .. لما اروح عالمنتدى تانى كدة عشان فيه موضوع شد انتباهى تدخل .. ضيعت من الوقت قد ايه ..؟ والنتيجة ايه ..؟ كدبت على الام .. بس هى مش قاصدة تكدب .. بس كدبت .. ضيعت وقت .. بس ده وقت قصير .. بس لما يتجمع على بعض هايبقى كتير .. ويوم بعد يوم قصرت ف حق مذاكرتها .. ربنا هايحاسبها على كدبها وعلى وقتها اللى ضيعته ونتيجة التقصير لما يتكرر كام يوم ممكن تكون بشعة ف الاخر كان باقى اسبوع دلوقتى باقى ساعة .. وقبل اللجنة .. البنت بتعيط .. ليه ..؟! داخلة الامتحان من غير اجزاء من المنهج مين بقى اللى كان غلطان ..؟ :) *** ممكن تبقى ف مكان بتستفيد منه .. شوية .. بس مع الاستفادة .. فيه حاجة تانية ضرر اكبر تكمل ليه ..؟ خليك عاقل وفكر ف نفسك فكر ف مستقبلك فكر ف اهلك فكر ف ربك حاول تبقى انسان صح او بس تبقى انسان ..!! :( *** عارف لما بمنتهى البراءة تروح تتعرف على واحد زميلك عاجباك شخصيته ( اللى فهمتها غلط ) اتعرفت .. صاحبته .. وبقيتوا انتيم .. جرك وراه لحاجات غلط .. مين الغلطان ..؟ *** طب عارف كلام الناس .. اكيد عارفه .. واحتمال تكون مجربه :) .. لما حد يقولك .. لا ماتمشيش مع فلان .. ده وحش لا .. الناس هاتقول عليك زيه طب يعنى فلان ده يبقى شيطان ..؟ اى انسااااااان مهما كان هو وحش قد ايه جواه حاجة حلوة جايز مش باينة او الناس مش قادرة تشوفها بس انت ممكن تقدر تشوفها وتقدر تقويها وتخليه يبقى احسن .. بس ثانية كدة .. تضمن منين ..؟ تضمن منين انك تشده للصح قبل ما هو يشدك للغلط ..؟ ( المرء على دين خليله فلينظر احدكم من يخالل ) *** انت ما شاء الله عليك حد متدين وكويس ومحترم وملتزم او بتظهر لنا كدة .. الله اعلم لما تيجى تنصح حد النصيحة ماتبقاش باسلوب ( التوبيخ ) وانك عايز تحسسه انك احسن منه قول النصيحة ومالكش دعوة هو ينفذها ولا لا مش لازم تمسكله العصاية .. وتحرجه قدام الناس انت كدة بتكرهه فيك وف النصيحة *** لما تكون حد مقصر وشايف نفسك غلط ف كذا حاجة وتشوف حد ف نفس موقفك ماتستخسرش فيه النصيحة وتقول لا .. لما ابقى امشى بيها قولهاله وقولها لنفسك ف نفس الوقت حق على اصحاب الكئوس ان يتناصحوا وماتقولش انا باعمل قول المفروض نعمل وباسلوب كويس .. عشان تحببه فيك وف النصيحة لو هو فهمك غلط وفهم انك انسان مثالى ده مش ذنبك لانك ماقولتش كدة ولان مفيش حد مثالى .. :) *** عارف بقى .. لما تبقى قاعد وتلاقى نفسك بتفكر ف كذا حاجة .. كذا حاجة بمجرد انك تيجى تتكلم تلاقى حاجات تانية بتنط ف دماغك وتفضل تتكلم تتكلم وتحس انك لو كملت الكلام ده مش هايكون ليه نهاية ( بس كفاية لحد كدة .. على الاقل دلوقتى ) .. ده اللى حاساه دلوقتى وبجد صدعت من كتر الحاجات اللى ف دماغى دلوقتى والافكار دى كلها جاتلى لما حاولت افكر ف سبب يخلينى ابعد عن المنتدى لقيت اسباب كتير الحمد لله .. شوية منهم حصل معايا وشوية منهم اقصد بيهم مواقف معينة .. وناس معينة .. وشوية منهم ماحصلش معايا .. بس بيحصل مع غيرى وماحدش يفكر كتير ف النقطة دى لانها حاجات وبتحصل وخلاص :) ممكن رأيى ف حاجات منهم بكون صح .. واكيد رأيى ف حاجات غلط .. وده سبب انى حطيت الموضوع ف العام عشان اعرف رأيكم ف الحاجات دى عشان لو لسة فيه حاجات غلط ف دماغى اقدر اصلحها :) آسفة مرة تانية لاى حد .. اى حد اتضايق منى بقصد منى او من غير قصد وان شاء الله موجودة شوية لحد ما ربنا يأذن انى مابقاش موجودة فى رعاية الله |
بصراحه كلامك مفيد أوي
أنا مش فهمه غرضك منه ايه بس حسه انك بتفوقي الناس هنا وبتنبهيهم لمصلحتهم بجد مش عرفه اقولك ايه موضوع رائع جدا وان شاء الله الي فيه الخير يقدمه ربنا في رعايه الله |
اممممممممم مش عارفه يا منى بجد ارد اقول ايه بقالى فتره فاتحه الموضوع عشان ارد و مش لاقيه كلام اقوله بس اللى حقدر اقوله .. بعيدة شوية عن المنتدى .. لحد ماكون بعيدة خالص .. :) فى رعايه الله |
مش عارف حاسس ان الموضوع دة كان فضفضة فى ساعة ضيق
أو مواجهة مع النفس فى ساعة ترتيب أوراق !! الموضوع كبير وعام وبيتكلم عن حاجات كتير مش حاجة محددة حتى عنوانه : من غير عنوان " مجرد كلام " بس كلام مهم ويحمل عتاب للنفس ولوم جميل أكتر حاجة وصلتلى من الموضوع هو الوقت الكتير اللى بنقضيه عالنت سواء فى الشات أو المنتديات أو الجروبات لازم نقلل شوية من الوقت الكبير دة ومنخليش السكينة تسرقنا أهو رمضان عالأبواب وفرصة نصالح ربنا ونفسنا كمان كل سنة وانتى طيبة ... |
ياااااااااااااااه كل دوت يابنتى
فى قلبك وساكتة طب كويس انك كتبتى عشان تفضفضى شويه بصى بالنسبة للنت فدة عالم مجهول وبالنسبة للمنتدى فهو عالم مش مجهول بس فى طريقه للانجهال هههههه خلاص بقى اضحكى بجد كلامك حلو جدا وجزاكى الله خيرا |
وانابشوف الكلام في بدايته حسيت إنه بيتكلم عن احداث حصلت معاكي
وتاكدت من آخر الموضوع الواحد فعلاً لازم ميسمعش كلام حد ويثبته عن شخص معين لكن مينفعش متسمعش كلام حد برده فلو اخوك اتقرص من حد مينفعش تتقرص انت كمان لو هو قالك حتصدقو بنسبة 75% منهم 50% بين الشك واليقين وال25% الباقية هي 50% من النسبة الباقية وهي بين صدقك وكذبك لاخوك ده >>>ياعم خلصنا :d يبقى انت تسمع كلام الناس وتتأكد منه "وإذا أتاكم فاسق بنبأ فتبينوا" لو قالك وحش يبقى تتعامل معاه بحذر لو قالك كويس تحاول تقرب منه اكتر وتتأكد من نواياه فعلاً وتجربه في المواقف الصعبة أما عن الثقة انا بالنسبالي مفيش حد عطيته الثقة 100% حتى الآن سواء كان بره اوجوه وع النت تقريباً كل اللى اعرفهم صداقات عادية معظمهم بره مصر وكل واحد قعدت معاه فترة وخلاص لكن موضوع الشات ده ممل اصلاً ومش بيأدي غرض بل ممكن يجلب الضرر وموضوعك مفيد جداً وحبيت اعلق بس عالنقطتين دول |
موضوعك جميل جدا
وبجد حسه ان كنت مبخدش بالى من حاجات كتير فيه او بضيع وقنى بيها مرسى ليكى يا فمر |
http://www.samysoft.net/forumim/slam/13493179tm5.gif التوبك ده جميل جداً رغم أنى أختلف معاكى فى حجات و لعلمك مفيش حاجه الإنسان بيعملها ملهاش قيمه هو اللى بيقرر يدردش على التشات أو يستخدمه فى شئ مفيد |
اقتباس:
غرضى منه ان كان ممكن يحصلى حاجة لو ماقولتش الكلام ده ف الوقت ده ممكن عشان شوفت كام حاجة ورا بعض فكرونى بشوية مواقف مش عارفة .. :blush: بس كنت عايزة اتكلم ميرسى كتير يا بوسى انك استحملتى تقرى الرغى ده كله ومبسوطة بجد بمرورك |
انتِ عارفة يا منى ان موضوعك دا كذا موضوع فى بعض بس انا هتكلم فى النطقة دى لانها ممكن تكون اكتر حاجة بتحصل معانا اقتباس:
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) يعنى المفروض احنا مناخدش بكلام حد ونعتبر داالصح لاننا ممكن نشوه صورته وهو مش كده يبقى احنا ال غلطانين وهنتحاسب حساب عسير المفروض قبل ما ناخد براى حد الاول احنا نبص للحد دا ونتعامل معاه هل هو كده فعلا ولا لأ وبعدين نحكم على الشخص دا لان فعلا اصعب حاجة انك تلاقى صورتك مشوهه قدام الناس وانت مش كده بس الناس واخدين عنك فكرة تانية وربنا يهدينا للطريق الصح شكرا يا منى |
موضوع رائع وجميل يا ( مكعب سكر )
الموضوع بالرغم من انه متفرع ومتنوع بس بجد فيه حاجات رائعة وصحيحة مليون فى الميه .. كل سنه وانت طيبة بمناسبة قرب شهر رمضان , ولا تنسينا بالدعاء .. ربنا يوفقك يا منى وعايز اعرف انتى فعلا دخلتى فنون جميلة ولا ايه ؟ |
اقتباس:
انا اللى بجد مش عارفة ارد عليكى دلوقتى بس هاقولك ربنا يوفقنا للاحسن سواء كنا عالمنتدى او برا ويا ريت نكون برا :) |
مع انى حاسس ان الموضوع واضح فى ؟؟؟؟؟؟؟؟؟؟؟
ولاكن اشكرك على موضوعك الرائع تقبلى مرورى |
اقتباس:
يعنى .. هو تقريبا حاجة زى كدة وفعلا حضرتك عندك حق المفروض نقلل الوقت اللى بنقضيه ف حاجات بتضرنا اكتر ما بتنفعنا او نلغيه خالص طالما نقدر نعمل كدة وطالما هانكون افضل لو عملنا كدة وكل سنة وحضرتك طيب رمضان كريم :) |
اقتباس:
مانا ماكنتش باعيط :d ميرسى على مرورك يا شهد جزاكِ الله خيرا منه :) بالنسبة للتوقيع .. ربنا يكتبلك الخير ف اى مكان |
اقتباس:
ماشى .. :bosyht9: اقتباس:
مش عارف بس باحس ان الانطباع الاول بيكون ليه دور ف انك تشكل رأى عن الشخص ف لو اخدته من حد تانى ممكن مايبقاش صح وممكن تاخده بنفسك ومايبقاش صح برضو المهم يعنى بغض النظر عن الارقام الكتير اللى ف النص دى فهمت رأيك :d اقتباس:
ما هو ماينفعش تدى ثقة 100% لاى حد فعلا اقتباس:
شكرا على مرورك ورأيك .. |
اقتباس:
مرورك اجمل وكويس ان الموضوع عجبك :) |
السلام عليكم و رحمة الله اولا __ انا مشاركاتي قليلة جدا في هذا المنتدى مع انني استفدت منه كثيرا و قد يكون احد الاسباب الرئيسية لذلك اني مش بعرف اكتب على الكيبورد بالعربي ( بطئ جدا في الكتابة بالعربي يعني ) :d ... و للاسف انا بكتب فرانكو عربي بس طبعا دي حاجه تضايق الكل و اولهم انا ثانيا__ نخش بقى في الموضوع .... العضوة المبجلة souhaits انا فعلا احترم مواضيعيك و مشاركاتك و وجهات نظرك الى اقصى درجة و قد اعجبني ذلك الموضوع بشدة لانه يضم خواطر في غاية الاهمية , فاسمحي لي ان اخص فقط بالذكر نقطة اعتبرها ( جت عل جرح ) - ***الوقــــــت *** للاسف انا شايف ان الكمبيوتر ده جهاز لقتل الوقت و الجسم و الاعصاب و جعل الانسان انطوائيا و منعزل عتن العالم الخارجي و حجزه في عالم الوهم و الشات .. و الله انا اكتر ناس صعبانين عليا المشرفين بتوع المنتدى لانه يتحتم عليهم ان يكونوا متواجدين معظم الوقت :d .... هو وسيلة للحوار و لكنه للاسف ليس حوارا حتى لو كان بالصوت و الصورة ليس كما ان امامك اشخاص تحاورينهم فعليا و تنمي مهاراتك في التعبير عن نفسك ... , و لكن على صعيد اخر هناك ايجابيات مثل انه يمكنك عرض مشاكلك و استماع اراء اناس محترمون - خصوصا في هذا المنتدى - و في النهاية ارجو الا تتركي المنتدى مهما كانت الاسباب .. و لكن رشدي الاستهلاك :d تقبلي مروري ... و السلام ختام |
اقتباس:
انا معاك ان كل حاجة بيكون ليها استخدام كويس واستخدام سئ بس الحاجات اللى اتكلمت عليها المساوئ بتاعتها اكتر من المميزات يعنى استخدام الشات ف الدردشة والكلام اللى مالوش لازمة اكتر من استخدامه ف حاجة مفيدة بس خلينى اعرف ايه الحاجات اللى مختلف فيها معايا ..؟ |
فعلا كلامك جميل جدا
وكله فعلا مظبوط وبالنسبة للناس فانا رأيي ان احنا كتير بنفهم الناس غلط ممكن شخص كويس ناخد عنه فكرة ان مش كويس أو العكس وعلي فكرة بتحصل كتير قوي بس عارفة بتبقي صعبة قوي قوي في الحالتين لو هو ناس كويسين وفهمتيهم غلط بتحسي بذنب فظيع تجاههم وممكن تسببلك حزن كبير اما لو كانوا ناس مش كويسين وانخدعتي فيهم بتحصلك حالة فعلا صعب قوي الاحساس بتاعها يتوصف أما بالنسبة لموضوع النت والمنتديات والوقت وكده ففيه حاجات اكتر من كده بضيع الوقت وللاسف معظمنا مش عارف أهمية الوقت بس برده كل واحد بيحدد الحاجة دي بيعملها ليه علشان يستفيد ولا يقضي وقت وخلاص وسعات بتكون الاثنين بس سعات بتتحول عند ناس لمجرد حاجة اتعودوا عليها وميقدروش يستغنوا عنها انا فعلا بشكرك جدا علي موضوعك وياريت الناس تبدأ تراجع نفسها تاني |
اقتباس:
الصداقه مش تشابه الصداقه لازم يبقى فيها تميز و إختلاف يعنى أنا ليا أتنين من أعز أصدقائى واحد مغرم بالرياصيات وواحد مغرم بالفيزياء و أنا مغرم الطب النفسى و المشكلات النفسيه وواحد أيضا رابع ملهوش فى أى حاجه من دول و رغم كل الإختلاف ده أجمل يوم اليوم اللى بنقضيه مع بعض أجمل صداقه لما يكون الأصدقاء مختلفين بحس أننا مع بعض بنكمل بعض و عمرنا مرفضا بعض لما تفضل معاهم كتير .. هاتبقى زيهم لالالا أنا و هما محدش عايز يكون زى حد بس فى عيب فى الشخصيه لازم نتركها يعنى فى شخص كويس جداً بس بيحب الكذب ده لازم يتغير فى قصور لازم نكملها لمجرد انك بتحبهم وانت انسان عاطفى شوية ف ممكن تقول الكلام ده لانك بس .. عايزهم مايتضايقوش الكذب هو الغلط لكن المجامله مطلوبه يبقى من الاول ابعد عشان ماتوقعش نفسك ف غلط .. لان ماحدش يستاهل والله ما فيه حد يستاهل !! النصيحه دى تودى فى داهيه أنا ديماً بسأل اللى بيقلها سؤال لو أنا شايفِك ماشيه فى طريق الضياع أسيبك و لا أساعدك؟؟؟؟؟؟يريت تجاوبينى؟؟؟ بس تعرف منين هما كدابين او لا ..؟ مش مشكلهت اللى عايز يكذب يكذب هو أولاً و أخيراً بيكذب على نفسه مش علىا يبقى ماتحطش نفسك ف موقف انك تثق اوى ف حد احتمال يكون ( كداب ) فى ده عندك حق بس ممكن يسحبك ويخليك تنسحب من دنيتك عشان تعيش ف دنيا النت قولى انت .. مين فيهم يستاهل تكمل فيه ..؟ ديماً متنسيش أن اٌنسان هو اللى بينسحب من دنيته مش الدنيا هى اللى بتسيبه برده هو اللى قرر ينسحب مش الدنيا أنا أتعرض عليا سجاير كتير و كنت برفض و غيرى ممكن يجرب الفرق بينى و بينه أنى أنا قررت الرفض و هو قرر القبول كل واحد عايز يثبت انه الافضل على حساب غيره أنا لا أنكر أنى عايز أكون الأفضل بس بأنى أساعد غيرى هى الرغبه الأولى و هدفى الأول التشات أنا شخصياً لما أبتديت أدخل أتعلمت حجات كتير و أيضاً علمت حجات كتير حتى التعارف ليه فوائد احيانا المنتدى برضو بيبقى شبه الشات شوية ناس فاضيين اتلموا على بعض فى ده عندك حق يقولوا كذا .. آه كذا .. آه أنا بعمل كده مش يمكن لما تعارضهم يتضايقوا منك ممكن بس يظل إحتمال و يمكن تقدرى تقنعى زميلتك بشئ تأخدى ثواب عليه يستمر بعد متموتى أنتى و ناس كتير ديماً بيبصوا على الجانب السئ لاء فى أمل و الناس بتتغير و أجمل إحساس بشعر بيه فى حياتى إنى أغير إنسان للأفضل و ده حصل بالفعل معايا و مع ناس كثير مش عارف مين فيهم الصح ومين الغلط كون أنك منعرفيش مين الصح و مين الخطأ فده مشكلتك أنتى أسمعى للأكتر من رأى و فكرى فيهم هتعرفى الصح فين اسبوع قبل الامتحان والبنت قدام الكومبيوتر .. السرقه هههه لاء بس أنا و أكيد فى غير كثير مبكذبش صحيح ممكن أضيع وقت بس بكون واضح بمناسبه الإمتحانات و لا بلاش أحسن ممكن تبقى ف مكان بتستفيد منه .. شوية .. بس مع الاستفادة .. فيه حاجة تانية ضرر اكبر بصى يا .... معلش أسمك مش واضح أو أنا مبعرفش أقرأ فقد قال الرسول (ص) لإن يهدى الله بك رجلاً خير من الدنيا و ما فيها شوفى التفضيل كان ازاى كتير من شباب اليومين دول عنده أهداف بس ميعرفوش أن فى أهداف عظيمه جداً أنا بقعد فى المنتدى علشانك و غيرك بعرض اللى شايفه صح و ده هدف عظيم و غيرى بيقول و أنا مالى جرك وراه لحاجات غلط .. مين الغلطان ..؟ مفيش حد بيجر حد أنا ليا أصحاب كتير مدخنين و رغم عن ذلك محدش قدر يأثر علىا و فى غيرى كتير مثلى أنا اللى بختار مش غيرى لما حد يقولك .. لا ماتمشيش مع فلان .. ده وحش عمرى مقبل كلمه زى دى همشى معاه و أحاول أغيره للأفضل و لو مقدرتش اسيبه بس مبسبش حد علشان رأى حد تانى تضمن منين انك تشده للصح قبل ما هو يشدك للغلط ..؟ أنا مش عارف أقول أيه بس أعتقد أن الإنسان الكويس بيبقى عنده أساس قوى و لو ضعف يبقى هو أصلاً ضعيف النصيحة ماتبقاش باسلوب ( التوبيخ ) هى ده المشكله أننا منعرفش ننصح غيرنا بس خدى بالك النصيح ملهاش لازمه لو متعملش بيها علشان كده لازم تجتهدى و متيأسيش ماتستخسرش فيه النصيحة وتقول لا .. لما ابقى امشى بيها أنا بعمل الحكايه دى كتير و سبحان الله الشئ اللى بنصح غيرى بيه ببطل أعمله موضوع جميل بجد و طبعاً أى حاجه غير دول أنا متفق معاكى تماماً و شكرا على الموضوع و جزاكى الله خيراً |
اقتباس:
آمين ياا رب العفو يا حنان شكرا ليكى على المرور الجميل ده :) |
اقتباس:
مرور حضرتك حاجة تشرفنى يا مستر محمد وبجد باكون مبسوطة لما اشوف رد لحضرتك ف موضوع ليا ومبسوطة اكتر ان الموضوع عجب حضرتك كل سنة وحضرتك بخير :) وفعلا انا دخلت فنون جميلة الحمد لله :) |
موضوع رائع جدا اختى
وفية كلام كتير وزكلام كبير لازم منقشتة ليا عودة ان شاء الله جزاكى الله خيرا |
اقتباس:
انا مش فاهمة الجملة اللى فوق خالص دى .. بس شكرا على مرور حضرتك بالموضوع |
والله كلام جميل جدا ومنطقى خالص
يارب نستفيد منه جميعا وجزاك الله كل خير |
اقتباس:
وعليكم السلام ورحمة الله وبركاته .. مفيش مشاكل المهم تكون بتستفيد من وجودك عالمنتدى وبرضو ممكن تشارك وتكتب فرانكو عادى يعنى :d اقتباس:
يافندم دى حاجة تشرفنى بجد اقتباس:
اكيد حضرتك معاك حق ومش كل الناس بتعرف تستفيد بالايجابيات وتتجنب السلبيات وبالنسبة لترك المنتدى .. انا حاسة انى من ساعة ما قولت الكلمة دى بقيت ادخل اكتر من الاول حاضر .. هارشد الاستهلاك كدة كدة هايكون فيه ترشيد سواء بارادتى او غصب عنى :d سعيدة جدا بمرور حضرتك .. |
جمعتى بين مواضيع كتيرة أوى فى كلام بسيط و مُعبر جداً يمكن فى ناس كتير إتكلموا على كذا نقطة من موضوعك و كتبوا صفحات بس انتى قدرتى تلخصيهم كويس أوى هعلق على جزئية بسيطة اقتباس:
يوم ما قلت إنى مابقتش بثق فى حد خصوصاً على المنتدى ناس كتير عارضونى و ناس أكتر سألوا عن السبب بس الحمد لله إن كل فترة بسمع من حد إن فلان اللى كان بيثق فيه طلع وحش أو فلانة اللى كانت بتحكلها أسرارها طلعت مش عارفة إيه يعنى حبة بحبة كل واحد بيبان على حقيقته بالرغم إن ممكن يكون الناس اللى خانت الثقة دى كويسين بس مش بيتعاملوا إنهم أصدقاء لكن بياخدوا العلاقات اللى بينهم على أساس التسلية و دى مشكلة كبيرة لإننا بنعتقد إن النت زيه زى الواقع ممكن نصاحب و نكون صدقات و ده مش معترضة عليه لكن يا ترى الصدقات دى هتكون حقيقية أو على الأقل هتستمر بشكل كويس؟؟ عن نفسى و من تجربتى بقول لأ .. غالباً بتكتشف فى الأخر إنها مجرد علاقات مسلية مع بعض الأشخاص و بتبقى فى الآخر مجرد معرفة بفلان أو فلانة مش أكتر يا ريت فعلاً نحط حد بينا و بين بعضينا سواء شباب مع بعض أو بنات مع بعض أو شباب و بنات و خصوصاً بنات مع بعض دى لإنى صدقت فعلاً إن معظم أهل النار هيكونوا نساء فعلاً بسبب لسانهم اللى عايز قطعه :d كفاية رغى شوية يمكن أرجع تانى و أتكلم على كذا نقطة تسلم إيدك على الموضوع يا حاج مُن مُن :078111rg3: |
اقتباس:
معاكى حق .. كل حد هو اللى بيحدد ميرسى جداا ياسمين على مرورك نورتى :) |
اقتباس:
اللى اقصده الصفات مش الاهتمامات يعنى مثلا واحد اجتماعى وواحد انطوائى صعب جدا يكونوا اصحاب دى حاجة .. حاجة تانية بقى .. مثلا فيه مجموعة اصحاب دخلوا كليات مختلفة قليل جداا لما تلاقيهم لسة اصحاب زى الاول او حتى لسة بيسألوا على بعض اقتباس:
ماحدش عايز يكون زى حد .. ده طبيعى بس الطبيعى برضو ان كل ما تقضى وقت اكبر مع حد هاتلاقى نفسك بقيت زيه ف صفاته ف كلامه .. ف اسلوبه عموما ده اللى اقصده بتبقى حاجة لا ارادية اعتقد اقتباس:
وهى المجاملة ايه غير كدب ..؟! اقتباس:
اكيد تساعد بس بانك توجهنى للصح وتواجهنى بغلطى لو باسلوب تانى فيه مجاملة ونفاق لا .. اقتباس:
ازاى بيكدب على نفسه مش عليك اذا كان هو بيخدعك اصلا مش فاهمة دى .. اقتباس:
انت قولت بنفسك مسألة نسبية .. فيه حد بيعرف يقدر الوضع صح وحد تانى لا اقتباس:
ودى اكيد حاجة كويسة .. اقتباس:
جايز يكون ليه فوايد والاكيد ان ليه اضرار اكبر .. اقتباس:
تمام .. فهمت قصدك اقتباس:
مش لازم حاجة مش تخصنى يبقى ماتدخلش هارتاح لو كبرت دماغى وماهتميتش الحاجة الوحيدة اللى اقدر اساعد بيها انى اقدم نصيحة من بعيد يتعمل بيها او لا .. دى مش مشكلتى انا كدة عملت اللى عليا وخلاص بقى .. :) اقتباس:
برضو هاقولك نفس الكلمة .. مش كل الناس واحد بمناسبة الامتحانات .. ليه بلاش ..؟! اقتباس:
الايجابية حاجة كويسة بس لو لقيت انك بتضر نفسك بوجودك عالمنتدى اكيد مش هاتكمل .. اقتباس:
تمام واحد ماشى مع صاحبه اللى بيدخن بيديله سيجارة .. خدها منه من غير تفكير لو هو مكانش مع الشخص ده عمره ما كان هايدخن السيجارة دى فهمتنى ..؟ اقتباس:
اكيد مش باقول تسيب حد تانى عشان رأى حد والا هاكون باناقض نفسى لان ف اول الموضوع خالص قولت ماتاخدش بكلام حد عن حد تانى بس انت عارف انه حد مش كويس ووجودك معاه ممكن يأذيك .. يبقى ليه بقى ..؟ اقتباس:
طب اقولك ايه .. :d اقتباس:
اكيد بس مش لازم اخد اللى بانصحه من ايده واقوله اعمل كدة عشان تبقى حد كويس انا قولت النصيحة وعملت اللى عليا لو ماقتنعش باحاول اقنعه مرة واتنين وعشرين اكتر من كدة مش ف ايدى اعمل حاجة ( انك لا تهدى من احببت ) اقتباس:
جزاك الله خيراً منه شكرا على تعليقك وآسفة على تأخيرى ف الردود بس عايزة اوضح حاجة ف الاخر اى حاجة من الحاجات اللى اتكلمت عنها ف التوبيك مش ثابتة نسبية وبتتغير من كل حد للتانى ف لما باتكلم باحاول ابين الجزء الوحش او النص الفاضى فيها عشان لو حد بيعمل السلبيات دى يقدر يتجنبها لو حد مش بيعملها خلاص هو عارف نفسه ويشكر ربنا .. لكن لما اتكلم عن الايجابيات او الجزء الكويس .. اللى هو قليل جدا جدا هاتلاقى كل حد بيعمل حاجة غلط بيقول اهو .. ليها فايدة ماقدرش اقول مثلا ان اى حد بيصاحب حد مش كويس بيكون زيه بس الاغلبية اه لو اتكلمت بقى من جزئية انه مش هايكون زيه وهايساعده ويشده للصح اى حد ليه صاحب مش كويس هايقول انا هاحاول اشده للصح حتى لو هو بيتشد معاه للغلط يا رب يكون قصدى واضح :) |
اقتباس:
وجزاك الله خيراً منه شكرا على رأى حضرتك وف انتظار عودتك ان شاء الله |
اقتباس:
وجزاكِ الله خيرا منه يا شمس شكرا على رأيك ومرورك بالموضوع .. |
اقتباس:
|
اقتباس:
بصى يا منص لازم تفكرى كويس و تعرفى فين الصح و الغلط المنتدى ده هيسببلك ايه و تشوفى هتقدرى تاخدى منه الحلو و تسيبى الوحش ولا مش هتقدرى لازم نبقى زى الازاز ندخل الضوء لكن التراب ميدخلش حلو الموضوع جزاكى الله كل خير |
)
- ***الوقــــــت *** للاسف انا شايف ان الكمبيوتر ده جهاز لقتل الوقت و الجسم و الاعصاب و جعل الانسان انطوائيا و منعزل عتن العالم الخارجي و حجزه في عالم الوهم و الشات .. [/quote] سورى بس انا مش متفقة معاك فى رأيك خالص انا رايى ان الكمبيوتر هو اللى بيخلى الانسان ينفتح على العالم الخارجى انا بحب الكمبيوتر جداااااااااااااااااااااااااااااااااااااااااااااااا ااااااااااااا لدرجة مستحيل حد يتخيلها وناوية ان شاء الله اخد فرصات كمبيوتر علشان شغلى كله يبقى ع الكمبيوتر الكمبيوتر مفيد جداااا والنت كمان بس للى عايز يستفيد منه مش للى اعد علشان يضيع وقت وعلشان الكميوتر بقى لغة العصر دلوقت ولانه شايف ان كتير من الناس على طول ادام الكمبيوتر فبيعمل زيهم وخلاص وبالنسبة لتضيع الوقت مش بس النت والشات هما اللى بيضيعوا الوقت اللى عايز يضيع وقته مش هيغلب ده بالنسبة لردى على كلام حضرتك او بالذات موضوع الوقت اللى بيضيعه الكمبيوتر ده بالنسبة للموضوع الاصلى فهو عاجبنى جداااااااااااااااا وانا عايشة فى حياتى دى بمبدا الشك وعمرى ما بثق فى حد ممكن يكون ده وحش وممكن يكون حلو بس هو ده اللى ينفع اليومين دول طولت عليكم معلش الموضوع جميل |
والله موضوعك شدني واثر فيا كمان
بس كنت عايزة اقول حاجة الانسان العاقل كل حاجة تبقي عنده بحساب الخلاصة ان النت عالم مجهول وانا بعتبره خيالي و وعالم كداب وخداع فعشان كده محدش يخليه محور رئيسي في حياته لانه مش من ضروريات الحياة اصلا وبالنسبة لوضوع الكلام الي بيتقال عن الناس وراي والراي الاخر فاظنك تقصدي الغيبة خلاصة الكلام ومن غير زعل سواء بقيتي او لم تبقي في المنتدي فده مش حياثر في حياتك او في مستقبلك فالقرار لكي وتقبلي مروري |
| جميع الأوقات بتوقيت GMT +2. الساعة الآن 05:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.