|
الاقبال علي الكليات الخاصه
ليه كل الاقبال ده علي الكليات الخاصه؟
حاجه غريبه والله كل واحد مايجبش مجموع يروح داخل خاصه ايه ده هي البلد كلها هتبقي مهندسين ولا ايه انا رأيي ان في ناس تستحق تدخل خاصه لانهم كانوا بيذاكروا وكانوا قريبين جدا جدا من الهندسه الحكوميه لكن في ناس ما تستحقش تدخل تجاره مش هندسه وابسط مثال انا معايا اتنين صحابي متميزين جدا بس ربنا مش وفقهم وبجد يستحقوا هندسه حكوميه مش خاصه وفي نفس الوقت معايا صحابي جايبين النص في الفيزياء ورياضه 2 وداخلين هندسه خاصه طب ده يبقي مهندس ازاي مش عارف ازاي حد يثق فيه ويديلوه شغل حاجه غريبه!!!!!!!!!!!!!!!!!!!!!!!!! |
هو فعلا عدد المهندسين كتير اوي في مصر زي عدد المحامين كده
بس اللي معاه بيدفع حد يكره انه يدخل خاااص |
حراام فعلا المفروض مثلا طب من 98 واحد جاب 96 ماشى يمكن اظلم ماشى يدخل جامعة خاصة لكن مش واحد يكون جايب 70 ويدخل حرام المفروض تكون القبول الجامعة الخاصة فى حدود بسيطة جدا مش يفتوحها بحرى
|
هو فعلا الموضوع مفتوح علي البحري
بس يا جماعه ما دام الناس دي معاها فلوس و ربنا مديها ليه ما تتدخلش خاص و اما بنعمة ربك فحدث عادي يا جماعه ادعلهم ان ربنا يوفقهم |
انا انشاء الله هخص خاص انا جايب 83.6%علمى رياضه مش لاقى كليات كويسه ده حتا علوم مجموعى يجباها لو انا علمى علوم مع ان علمى رياضه اصعب من علوم دى حاجه تقرف هى دى بلد ليه موفروش كليات زياده ماعملين يسرقوا من كل حته مع ان انا كنت جايب فى تانيه 93% وحاسس انى اتظلمت فى تالته مش مشكله لينا رب كريم
|
اقتباس:
|
صدقوني ساعات بيبقى الجامعات الخاصة هى الحل يعني انا مثلا الهندسة فرقت معايا على 2% ...انا عارف انه الفرق
مش قليل اوي لكن انا مثلا رياضه 1 كنت مقفلها ومراجعها مع المدرس بتاعي مسئلة مسئلة ومع ذلك نقصت فيها 4 درجات!!! ونفس الحكايه الاقتصاد كنت مقفله وكنت بحفظه صم طول السنه ونقصت فيه درجتين!!! فانا عايز اقول ان ممكن حد يكون بجد تعب جدا لكن ربنا موفقهوش في المجموع ... فمش معقولة يروح تجاره ولا اداب بعد التعب في رياضة وفيزياء(مع احترامي لكل اللي دخلوا الكليات دي) وانا الحمد لله دخلت هندسة الشروق وبيقولوا ان محدش بينجح فيها الا اذا كان فعلا بيذاكر كويس يعني مش كوسة زى بعض الجامعات الخاصة التانية |
اقتباس:
انا في كلية العلوم جامعة الاسكندريه |
انا انشاء الله هخص خاص انا جايب 83.6%علمى رياضه مش لاقى كليات كويسه ده حتا علوم مجموعى يجباها لو انا علمى علوم مع ان علمى رياضه اصعب من علوم دى حاجه تقرف هى دى بلد ليه موفروش كليات زياده ماعملين يسرقوا من كل حته مع ان انا كنت جايب فى تانيه 93% وحاسس انى اتظلمت فى تالته مش مشكله لينا رب كريم
|
انا شايف اللي الكليه فارقه معاه علي 1% او2% ده من حقه يدخل كليه خاصه والمفروض الكليات دي معموله عشان الناس دي مش معقول واحد جايب 70% يبقي مهندس الناس دي المفروض تعرف ان ربنا خلق الناس درجات والكليه دي اعلي من قدراتك
|
بس برضه الموضوع بيبقى متقيد بمجموع معين يعني مثلا طب خاص بياخد من 90%
|
بس الطب من 98% يعني في فرق 32 درجه !!!!!!!!!!!!!!!!!!!!!!!!!!
|
هوه فعلا موضوع كويس ووحش فى نفس الوقت
انا بشجع الجامعات الخاصه بس للى بيستحقوها يعنى مثلا صحبتى فرقت معاها على 3 من عشره تحطم حلمها ولا ايه عشان اتظلمت فى النتيجه مع انها ممتازه ولا تتدخل حاجه كلن نفسيها فيها هوه فعلا موضوع وحش اوووووووووووى للمجموعهم قليل |
اقتباس:
علي العموم شكرا علي المشاركه |
صح نسيت اسأل هو كام عدد الكليات الخاصه؟
|
اقتباس:
انا اعرف ناس كتير فيها بيجيبوا امتياز وهم ولا بيذاكروا ولا حاجه وكمان في معيد فيها انا اعرفه يكفي ان اقولك اني اندهشت جدا لمل عرفت انه معيد لانه فاشل جدا ومش عايز اغلط فيه اكتر من كده |
اقتباس:
اخد راى حد فيها يقولي ممتازه وكل الدكاتره فيها من عين شمس وعلى فكره انا ابن عمي فيها ومطحون وبيقولي ان الدكاترة والمعيدين ملتزمين جدا وما بينجحوش حد الا اذا كان فعلا يستحق وانا لما رحت اقدم ورقي بصيت على نتيجة اعدادي السنة اللي فاتت ويارتني ما بصيت !!!! الكام قائمة اللي بصيت فيهم اللي جايبين جيد لا يتعدوا 5 او 6 اشخاص والباقي في الضيااااااااااااااع!!!! وافتكر ده دليل قوي جدا على انها جد جدا ومافيهاش تهريج و ان مش اى حد ينجح من غير ما يذاكر زي ما حضرتك بتقول..وعلى فكره ده مش رايي انا لوحدي ده راى ناس كتير جدا ان هندسة الشروق والعاشر احسن هندسة خاص ( باستثناء الجامعات الاجنبية امثال guc , bue ....)فانا بصراحة مش عارف انت جايب الكلام ده منين..وبعدين حتى لو يعني حكاية المعيد اللي بتقول عليه ده حقيقه فده اكيد حالة فردية واكيد اى مكان بيبقى فيه الكويس والوحش حتى لو كانت هندسة عين شمس...يعني اقصد اقول ان مافيش حاجة كاملة من كل حاجة اما بالنسبة لحكاية النجاح من غير مذاكره فدي ممكن تقولها على المودرن مثلا اما الشروق فمستحيل والا ماكنتش تبقى اعلى تنسيق في كليات الهندسة الخاصة على مدى كل السنين دى ( في 2007 كان مجموع الشروق 90.6%.. ) وده طبعا مجموع عالى جدا بالنسبة لانها خاص يعني ما بتاخدش اى حد ..وهو ده اللي مميزها عن باقى الخاص ومخلي ليها السمعة دي في سوق العمل اللي محدش يختلف عليها انها حلوه جدا....واسف للاطالة:078111rg3::078111rg3::078111rg3: |
اقتباس:
|
اقتباس:
|
اقتباس:
|
على فكرة البلد محتاجة مهندسين كتير بس مش للدرجة اللى بيتخرج منها خريجى كليات الهندسة كل سنة ده 20 الف وشوية وده طبعا عدد لا يستهان به .
والصراحة انا من نظرى احسن كلية هندسة فى مصر هندسة القاهرة دى جامدة اوى وكمان فيها قسم بترول |
20 الف من جامعات حكوميه فقط!!!!!!!!!!!!!!!!!!!!!!!!!!!!!!
|
انا شايف ان الجامعات الخاصه هدفها الاول والاخير هو الربح المادي مش افاده التعليم المصري
|
اقتباس:
انا اعرف واحد خريج الشروق بيشتغل في شركة بترول واتعرض عليه فرصه شغل في السعودية ورفضها لانه مرتبه فى مصر اعلى !!!! فتخيل انت ده بياخد كام ما شاء لله يعنى اكيد حاجه محترمه فحكاية ان في فرق بين الخاص والحكومة ده فعلا كان زمان ...انما دلوقتي ممكن تلاقى واحد خريج المودرن وعشان معاه واسطه شغال فى شركه محترمه وطبعا مرتب جامد جدا والله انا قريبى هندسه عين شمس وشغال فى شركة فى الشرقية ومطحون كل يوم من 8 الصبح ل 9 باليل في حين ان ممكن في نفس الوقت واحد نفس دفعته ومتخرج من هندسه خاص وعشان معاه واسطه شغال فى حته قريبه منه واخر دلع!!!!:blush::blush: |
اقتباس:
|
يا جميل الشغل ده ارزاق.......
|
اقتباس:
ولله انا ما قصدي ادافع عن الخاص وابينه انه احسن حاجة ...انا واحد من الناس كان نفسي ادخل حكومي بس ربنا موفقنيش فى ده....والكلام اللي انا قولتهولك قبل كده ده هو الواقع..صدقني!!!!! |
اقتباس:
|
انا من راى مفروض يخفضوا اعداد الهندسة زى الطب وبعدين احنا دلوقتى مهما اتكلمنا عمرنا مهنغير حاجة ده هوه اللى عايزة الحكومة التعليم اما بالمزاكرة وتخش الكليه بمجهودك يا اما اللى معاه فلوس هوه اللى يخش يعنى التاريخ بيعيد بعضه
|
انا حاسبات فرقت معايا على 00.7% وهندسة على 1.75 %
وكنت مش عاوز خااااااااااص ومحتقر الفكرة وكتبت تجارة اجليزي المنصورة وجات .... بس بعد عدد من الاقناعات من الناس اللي حواليا هخش هندسة اكاديمية السلاب ربنا يسهلي بقى |
انا مش معترض علي فكره الخاصه في حد ذاتها انا معترض علي مجاميع الكليات
فمش معقول واحد جايب 70% يبقي زي واحد جايب 95% |
الراجل ده بيقول كلام زى الفل وانا من موقعى برشحك وبأيد موقفك وبدعمه بكافة الوسائل المشروعة والغير مشروعة والسلام عليكم
|
اقتباس:
بتاخد هندسة وحاسبات من65% زى المودرن كده ..ده فعلا حاجة مش كويسة ولو ان برضو اللي جايب 70% مش هيمشى فى كليات القمة الا اذا كان فعلا اتظلم في التصحيح او ربنا موفقهوش في المجموع لاى سبب تاني وانه فعلا يستحق مجموع اكبر |
محتاج مساعدة ضرورى
أنا لسة مخلص ثانوية عامة و محتار بين ال BUE and GUC
فيا جماعة حد يقولى اية الجامعة الاحسن فيهم فى الهندسة فى كل حاجة ارجو الرد بسرعة شكرا |
| جميع الأوقات بتوقيت GMT +2. الساعة الآن 01:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.