|
أسرار.......البنات!!!؟؟!!
ــ (( السلام عليكم ورحمة الله وبركاته )) ــ أزيكم يا جماعة عاملين ايه؟ يارب تكونوا بخير وفى الجنة جميعا ان شاء الله مش عارف بقى ياجماعة أنا ليه الحق ان اكتب موضوع زى ده ولا لا, بس عامة انا مش بحب اسيب حاجة فى قلبى ومبقولهاش,ولو انا أخدت فرصه فى المنتدى حقيقى هكتب حاجات كتير قوى كتير ياجماعة أنا بفكر,بفكر فى البنات,بفكر ازاى عايشين؟ ازاى هما مستحملين الدنيا كده؟ ازاى العادات والتقاليد دمرتنا قوى كده؟؟ مش عارف لغاية دلوقتى انا ايه فى دماغى اكتبة بس انا عايز اقول ان البنات اتظلموا قوى فى مجتمعنا مش عارف بس ممكن يكون أنا متأثر بحاجات بتحصل للبنات فى المجتمع علشان كده انا بكتب الموضوع بيبقى فى ضغط وتوتر قوى على البنت من المجتمع نفسه فى بنات كتير قوى هتفهم الموضوع من أول سطرين أنا كتبتهم فوق بس أنا مش عايز أدخل فى تفاصيل علشان.... يا جماعة مجتمعنا وحش قوى يعنى ايه بنت تبقى ماشية فى الشارع وهى خايفة؟؟ يعنى ايه بنت تغطصب من عالم زبالة وهى ملهاش ذنب؟؟ يعنى ايه بنت لما تعدى 20 سنة ومتخطبتش تقوم القيامة عليها؟؟ يعنى ايه بنت تبقى حيتها كلها لغاية ما تجوز خوف وقلق وتوتر؟؟ يعنى ايه بنت لما تنجرح من حب مبتبقاش عايشة بعد كده؟؟ يعنى ايه بنت لازم تتجوز أى حد وخلاص علشان يتستر عرضها؟؟ أسئلة كتير قوى ياجماعة بتيجى فى دماغى أشد من دى بمراحل فى معناها أنا أصلا مش عارف أنا كتبتب الكلام ده ليه؟؟ بس هو ممكن يضايق ناس كتير ,بس ممكن يكون حبيت أعبر عن حاجات بتواجهة البنات ياريت حد يقولى أنا غلطت لما كتبت الموضوع ده؟؟؟ وبرضه حاسس ان الموضوع ده ممكن يتذف كعادة مواضيع 2025 والسلام عليكم ورحمة الله وبركاته |
the black rose, Прекрасный+, بنت دمنهور, JusT DreaM+ ههههههههه كل اللى دخل الموضوع ده بنات هبقى ارد بعدين :romarioxp6: |
اقتباس:
طيب افهم بس انا كتبت حاجة غلط والله أنا مش قصدى حاجة فى الموضوع بس أنا كتبت حاجات فى قلبى ومردتش أكتب أكتر أنا مش عارف فى ايه ياجماعة لو الموضوع مزعل حد خلاص الإداردة تحذفة |
عايزه اوضحلك بس ان البنات مش مظلومين اوى زى ما انت متخيل كده ماشي معاك اوقات او فى حالات معينه بيبان فيها اوى الظلم بس مش دايما....عندك حق ان الوضع الايام دى مش امان بس ده ميمنعش ان احنا برده عايشين وبنحاول نتأقلم مش هنقفل على نفسنا يعنى ما احنا بنمشي فى الشوارع وبنروح دروس واكيد ممكن نتعرض لحاجه رخمه بس بقينا بنحاول نفاديها وربنا اهو بيكون معانا......اما حكاية القيامه تقوم لو عدت ال 20 من غير جواز بيتهيألى كان زمان او فى الارياف لكن حاليا الموضوع قل والبنات عادى بتستنى لماتخلص ههههههههههههههههه....وحكاية لو اتجرحت من حب ماتبقاش عايشه بيتهيألى مش هعرف افهمهولك لأن اكيد ولد عمره ماهيفهم شعور بنت اتجرحت بس اكيد هو شعور صعب....ياريت اكون قدرت ارد عليك زى مانت عايز بس بيتهيألى موضوع صعب الكلام فيه
|
اولا انا بشكرك على صراحتك
الاهم بقى ان كلامك صح بس اسمحلى اقولك حاجه ان البنت هى المسئوله عن احترامها او عدم احترامها ( حتى ولو بنسبه بسيطه ) اما النسبه اللى بقيه فهى على الولد وده هى ملهاش دخل بيه |
اقتباس:
اتمنى يعجبك ردى |
انت مغلطش يا احمد
لما كتبت الموضوع ده ده موضوع جاااامد اوى بصراحة انت جيت على الجـــــــــــــرح وجيت جامد اوى كمان بس مش عارفة ليــــــــــــــــــــــــــــــــــــــــــه كل ده بيحصل فى مجتمعنا بالذات بس اهو عادادت تقاليد عرف اى حاجة وخلالالالالالاص |
كلامك مش غلط ولا حاجة هي فعلا معظمها واقعي جدا
بس في اماكن محددة يعني مثلا الي بتعدي العشرين و اتجوزتش تبقى كارثه دي بقت عادي بالعكس البنات دلوقتي اصلا بتتجوز بعد 26 بعد ما تخلص دراستها و كده (الا بقى في الارياف و الكلام دا و بردو بقى قليل) انا شايفة ان البنت مظلومة في انها بتمشي في الشارع بخوف شديد فعلا (حتى لو كانت محترمة و الله ) لان اولاد الحرام كتروا بشكل فوق الوصف و مبقاش فيه امان لاي حد ..دي انا معاك فيها جدا جزاك الله خير |
اقتباس:
أممممممممممممم حضرتك أنا مقولتش ان البنات مظلومين أوى أنا قولت اتظلموا فى مجتمعنا والمجتمع السبب ومش عارف بقى بالنسبة لموضوع الجواز وكده أنا كتير قوى لما بشوف بنت صحبتها بتتخطب وهى فى الدراسة البنت بتحس بنعوستها مع انها لسه صغيرة واللى فرض كده المجتمع نفسة وعادته وتقاليدة الغبية وده موضوع موجود فى المدن بس بنسبة كيرة جدا فى القرى والقرى فى مصر فيها سكان كتير قوى برضه,وكلمة ريف كمعنى اتغيرت كتير عن زمان, دى كانت وجهة نظرى فى موضوع الجواز وكده فى اللى بيحصل حاليا فى مجتمعنا ,مع العلم انى أصلا مش موافق على كده,وبحب البنت تخلص الأول وبعدين تفكر فى الجواز ,ده طبعا غير لوا أنا بحب وبشتغل هروح اتقدم على طول مش هستنى بس الجواز بعد ما تخلص وحضرتك أنا قولت فى الموضوع تتخطب مش تتجوز زى ما حضرتك قولتى وبالنسبة لموضوع الحب الحمدلله طول ما الإنسان بيحب وبيحس يبقى أكيد هيعرف يفهم اى حاجة ده لو اللى هيتكلم معاه بيفم كويس وشكرا على مرورك اقتباس:
أنا والله معاكى وأنا اتكلمت فى موضوع الولد ده فى الموضوع ده التحرش ظاهرة طبيعية أم كارثة حقيقية؟!!! ممكن حضرتك تشوفيه هو وردوده وشكرا جزيلا على مرورك |
اقتباس:
أنا مقولتش البنت مدمرة أنا قولت البنت مظلومة فى مجتمعنا لحد ما وبرضه بالنسبة لردود حضرتك أنا بقولك شوفى الموضوع ده وردوده التحرش...........؟!!! ياجماعة أنا عايزكم تفهموا حاجة أنا مش كاتب الموضوع ده شماته لقدر الله فى البنت ياجماعة انا كاتب بعبر عن اللى بيحصل واللى أنا مريت بيه بتجارب شخصية ياجماعة أنا مش بألف أنا مش عايز حد يردلى وهو قرفان الموضوع لو مضايق حد نحذفة مش حكاية يعنى |
اقتباس:
بصى حضرتك دى ظروف فرضنا علينا المجتمع بس لازم نوجهها والمشكلة فى الشباب بجد معظمة قمة فى الوقاحة مع ان أنا اهو شاب بس طبعا حال الشباب ميصرش عدو ولا حبيب يلا الحمدلله ربنا يكرم شكرا جزيلا على تفاعلك مع الموضوع اقتباس:
والله زيى ما أنا بقول اهو وده اللى أنا قصده وقولت على موضوع الأولاد ده قبل كده كتير قوى وشوفى حضرتك الموضوع ده التحرش ظاهرة طبيعية أم كارثة حقيقية؟!! والردود بتعته ووجهات النظر واللى أنا كتبته هيثبت ليكم حاجات كتير متعلقة بالموضوع ده |
بالعكس الصراحه مش بتضايق حد وعلى فكره دى قضيه كبيره لازم كلنا نناقشها مش انت بس
انا لسه حالا مشتركه فى الموقع ده وموضوعك اول موضوع اقراه وعجبنى جدا جدا وشكرا |
اقتباس:
الحمدلله ان أنا لقيت حد بيشجع على التوبيك شكرا جزيلا ياعبير والحمدلله ان انا نولت شرف ان أكون أول عضو ياخد أول رد ف المنتدى من حضرتك وأنتظر مشاركاتك وردودك فى الموضوع مرة أخرى |
اقتباس:
.وشكرا تانى على موضوعك |
والله انا شايفه ان العادات والقاليد دى مش قران يعنى مش لازم تتطبق واظن ان لو فيه ناس كتيير زيك وعددكوا كتر ممكن العادات والتقاليد دى تتغير بس السؤال بيطرح نفسه انت بعد مدة غير معروفة حتبقى اب وحيبقى عندك بنات ده كله باذن الله طبعا بس يا ترى حتعاملهم ازاى هل حتتبع العادات والتقاليد و تعمل زى ما كان بعمل الجيل اللى فات وتمشى جمب الحيط ولا حتغامر وتحاول تربيهم تربية مختلفة اصل يا جماعة التغيير بيخوف الواحد خصوصا لو فى حاجة بايخة زى العادات والتقاليد لكن مش حنفضل نتكلم نظرى لازم نبقى عمليين شويا
|
صراحة موضوع يشد يا ميدو وبجد انت راجل صريح واحترم جرأتك أولا تقبل اطرائي ثانيا حبيت اقولك ان الدنيا ديه بقت حاجة غريبة أوي على رأي هاني سلامة ابن الناس ال.....طيبين ( اشمعنا الراجل لما يغلط عادي ولا حاجة ولما الست تغلط تقى هي كل حاجة ) فعلا الموضوع ده بيشد الواحد اوي والحق يتقال عمرنا ما هنقدر نغير حاجة سادت المجتمع العربي وهي ان البنت صعب انها تتأقلم على الحياة الطبيعية اللي في النازل زي الشباب ومش قصدي النازل يعني النازل لا يعني البسيطة اللي بيعيشها الشبابا لأن يا سيداتي بقت حاجة مسلم بيها ان البنت الل بتتأخر عن 12 او 1 ده (no comment ) فبصراحه مش عارف اقول ايه في كلامي وبعدين خايف اني اغوص اكتر ياع ميدوو وحواء تزعل مني في كلامي فهقول كلمه واحده ( المجتمع لما يتغير فكره اكيد هتتغير النظرة لحواء ب180 درجة اكيد )
"؟ تسلم يا ميدو على التوبيك |
اقتباس:
وعليكم السلام ورحمة الله وبركاته...:av4056bb7jp3: اقتباس:
طبعا من حقك جدااا بس حكم القوي بقى....;) اقتباس:
عندك حق في معظم اللي بتقوله بجد...والمجتمع برغم تفوق البنت وانها خدت مناصب ووظائف عالية بس للاسف برده المجتمع ظالمها....ده رايي.. اقتباس:
ده الموضوع ده بالذات مش عايز رد كده وخلاص ومش هيكفي...ودلوقتي بجد يا جماعة ملوش علاقة بالاحترام خاااااااالص ده فيه اطفال بتغتصب ...ومع احترامي لكل البنات اللي قالوا ني لو ماشية محترمة محدش هيكلمني....لا دلوقتي مفيش فرق محترمة او لا...محجبة او مش محجبة ده حتى المنتقبات:excl:...ده بقى مرض في المجتمع بجد....:angry2: اقتباس:
اقتباس:
زي ما قلتلك عدم ايمان و وعي....وممكن تتجوز وخلاص وتعيش حياتها في نكد....كل ده عشان تتجوز ومتعنسش... اقتباس:
اولا: بجد بحييك على جراتك وصراحتك....:) وفعلا موضوع هايل ده اكتر من موضوع كمان كل مشكلة عايزة كلام كتيييييييير....:slap1qk6: ثانيا: انت مغلطتش ولا حاجة لما كتيت الموضوع بالعكس ده اكبر صح وحقك.... جزاك الله خيرا...... في رعاية الله..... |
اقتباس:
اعصابك .. :d !! هو غالبا انت باصص للموضوع من ناحية واحدة اللى هو المشاكل اللى ممكن تتعرض لها بنت وكدة بس المشاكل دى مش حاجة مقتصرة على البنت بس يعنى خلينا نشوف النقط اللى انت حطيتها .. اقتباس:
لان مفيش حاجة بتحصل الا وبتكون قدر لو حد عنده ايمان بكدة يبقى مش هايخاف من حاجة اللى ربنا عايزه يحصل بيحصل سواء كنت ف الشارع ولا ف البيت وربنا ليه حكمة ف كدة .. اقتباس:
ولو بصيتلها من ناحية تانية مثلا شاب يبقى ماشى ويطلع ليه حرامية وممكن يعملوا فيه حاجة طفل يتخطف من اهله ويتكتب عليه طول عمره انه يعيش من غير اهل واهله عايشين ويتكتب عليه يتحرموا من طفلهم او مش هايعيش اصلا ويتحول لشوية اعضاء بيتعمل بيهم تجارة .. اقتباس:
بس يعنى ايه شاب متخرج ومش لاقى شغل وبيشتغل ف حاجة مالهاش علاقة بدراسته ..؟ اقتباس:
اقتباس:
اقتباس:
.. .. .. .. .. .. المهم يعنى واللى عايزة اوصله من الرغى ده اى حد ف الدنيا ممكن يتعرض لمشاكل مش بس البنات ولو ركزت ف كمية الحاجات اللى ممكن تحصل لاى حد هاتحسه مظلوم لكن ف الاول والاخر اى حاجة بتحصل بتكون قدر ربنا ومافيهاش اى ظلم |
اقتباس:
أنا مخدتش الأمور على أعصابى ولا حاجة أنا زى العسل أهو واختلاف الرأى لا يفسد للود قضية بس عادى ممكن يكون فهمت غلط حاجات معينة نورتى التوبك اقتباس:
بالنسبة ليه أنا هغامر طبعا مع الحرص الشديد شكرا على مرورك |
اقتباس:
بص أنت قولت جملة جامدة جدا [quote=JASSY;1487849]المجتكع لما يتغير فكرة أكيد هتتغير النظرة لحواء نورت يا جامد اقتباس:
رد موضوعى جدا وخاصة فى السؤال بتاع البنت اللى بتخاف وهى ماشية فى الشارع ورد أكثر عقلانية شكرا جزيلا على وجه نظرك المحترمة |
اقتباس:
الرد على الأسئلة بيتهيألى ملوش علاقة بالموضوع نفسة انا بسألى فى حاجة وحضرتك بتردى عليه بأسئلة فى حاجة تانية |
اقتباس:
اممم الخوف ده بقى شعور طبيعى دلوقتى عند اى حد مش البنت بس الخوف لانعدام الامان المتولد عنه كافه انواع السرقه و النصب و الحتيال و الخطف و هلم جرا بقى فى الحاجات اللى حضرتك تقصدها يمكن نقول ان خوف البنت اكتر عشان هى بتتعرض لنفس مخاطر الولد و اكتر بس ده بيخلينا نحافظ على نفسنا اكتر مش نخاف و بس الخوف فى حد ذاته لو كان مجرد و دافع لاتقاء المخاطر هو خوف ايجابى و مفيد و محتاجينه :romarioxp6: اقتباس:
اممممم و ايه ذنب اللى بيتقتل و يدبح و يترمى و يداس على الاسفلت مجرد موجود فى المكان الغلط فى الوقت الغلط و مهئ انه يحصل عليه جريمه هو دى ذنبها و ذنب اى ضحيه ال****** زيه زى اى جريمه تانيه موجود لانعدام الامان :) اقتباس:
لاء مش 20 خالص دلوقتى معدل سن الجواز فى القاهره للبنت 35 و الراجل بقى مفتوح يعنى حته 20 ده ضرب من الخزعبلات :d صحيح كل ما تنزل تحت حتلاقيها بتقل بس باى حال مش بتقل عن 25 معدل الجواز يلا خير خير انا عن نفسى مش قبل ما اكون نفسانيتى 10 - 15 سنه كته :d اقتباس:
ههههههههههه بطلوها بجد انا عارفه انك بتتكلم على واقع بس دلوقتى بطلوها فعلا عشان الكل شايف و اللى حابب يعيش نفسه فى الوهم بيعيش و دى مش حااله عامه هو احنا مش بنات و لا ايه :d اقتباس:
هههههههه لاء فى دى ممكن اقولك عندك حق تغير مفهوم الحب بالنسبه للولد و البنت عند الاهل ده شئ معروف و بقى وضع من المسلمات مع ان اصلا اصلا المفروض فى الحالتين غلط ربنا يهدى :d اقتباس:
هههههههههه مفهوم السؤال بيقول انها اللى غلطت من االاول يبقى خلاص تستحمل :d .. .. .. و الله الكل فى البلد دى مظلوم و خايف و تعبان مش البنات بس بس زى ما قولت ده لا يمنع من حقيقه انهم بيتعرضوا لقسوه المجتمع اكتر فى رعايه الله |
بصراحه انا اتبسطت اوى لما قريت الى انت كتبته يعنى ولد وحاسس بينا
ثانيا انت فعلا قولت حاجات مهمه ان كل بنت دلوقتى بتمشى فى الشارع وهى قلقانه\ وبجد انت مش غلطا وانا بحيييك اوى منى |
اقتباس:
انا وضحت ده ف الاخر انه مش بس البنات اللى بيتعرضوا لمشاكل وماينفعش نبص للبنات على انهم يا حرام الكائنات المظلومة اللى ربنا خلقها عشان تتبهدل وعادى جدا دى مجرد وجهة ممكن اى حد يوافق عليها او يرفضها .. :) |
اقتباس:
هما ممكن يكونو اتظلمو تفكيرياً بس انا شايف إنه ده في مصلحتهم من ناحية تانية اقتباس:
لا ابداً مجتمعنا مش وحش اوي ولا حاجة يمكن عنده بعض المفاهيم الخاطئة اللى لسه منتشرة في القرى لكن معظمها راح اسئلتك ده شايف إنه هي ده الحاجات اللى البنت بتتظلم فيها ؟؟؟ يعني بره البنات مبتخفش ؟ مبتغتصبش؟ مبيجوزوش اطفال عمرهم لم يتعدى 7 سنوات ؟!!! هما محتاجين جواز ليه اصلاً ما كل واد في ايده بت وعايشين حياتهم عادي عايز ده يحصل عندنا عشان نبقى متحضرين مثلاً الموضوع البنت تنجرح ترجع ولا مترجعش ده شغلها هيا اي دخل المجتمع بيها ؟؟؟ الاسباب ده كلها بعيدة كل البعد عن دور المجتمع في التاثير عليها ممكن تقول موضوع تتستر ده على 26 ، 28 ، 30 سنة لكن قليل موضوع استر بنتي على 20 سنة ده ليه الواحد ميتمتعش بشبابه شوية ويدخل في المسؤولية على طول اقتباس:
انت مغلطتش في كتابة الموضوع بس غلطت في التوفيق بين هدف الموضوع ومضمون الموضوع حيث إنك اتكلمت على مشاكل غير المشاكل وكمان موفقتش بين العنوان والمضمون انا كنت كل ما اشوف الموضوع افتكره خاص بالبنات لحد ما خدت بالي إنه في العام قلت لأ لازم اتفحصه :d انا اول مرة مقراش الردود كلها فممكن تلاقي بعض كلام متعاد بس ده كان تعليقي |
لغاية دلوقتى معظم الناس برضه مش فاهمين أنا بتكلم فى ايه اقتباس:
شكرا على المناقشة الهامة جدا اقتباس:
مشكور على تفاعلك الهام للموضوع ويارب الموضوع يكون عجبك |
فعلا الموضوع جميل جدا
وانا كبنت مستشعرة الخوف والقلق وانا ماشية فى الشارع وعلى الرغم من انى والحمد لله ارتدى الحجاب الشرعى والخمار فالمضيقة مش مع البنت اللى مش محترمة بس |
للأسف برضه فى ناس مش فاهمة أنا بتكلم عن ايه أصلا اقتباس:
واختلاف الرأى لا يفسد للود قضية اقتباس:
مشكور ع المرور |
انت مش غلطت يا احمد انت مثال للشاب الاصيل بجد انا فخورة بيك ونفسى باقى الشباب يكونوا زيك
|
اولا الموضوع جميل جدا
ثانيا انت مغلطش فى اى حاجة قولتها بالعكس البنت مظلومة جدا فى المجتمع مش بس فى المجتمع المصرى بل فى اكتر المجتمعات العربية و الاروبية انا عن نفسى ساعات لما ببقى ماشية فى الشارع و اشوف شلة شباب مش كويسين و مش مرتاحلهم بحس بخوف رهيب منهم بس بطمن نفسى بقول اكيد ربنا معايا و هو احسن من اى حد و ساعات برضة بقول ابقى خلى حد كدة يقرب منى و انا اورية كدة و بعمل فيها متين راجل فى بعض ههههههههههه شكرا على الموضوع يا احمد بالتوفيق فى رعاية الله |
اقتباس:
فعلا المضيقة مش مع النت اللى مش محترمه بس ورنا يثتك على إيمانك يارب |
اقتباس:
الرد ده وسام على صدرى شكرا جزيلا |
اقتباس:
كان نفسى تحكى شوية ازاى النت مظلومة فى المجتمعات الأوربية ومشكلة مجتمعنا الشاب بقى وحش قوى ربنا يكرم مشكور على المرور الرائع |
يا ميدوووووووو يا ميدووووووووووووو،،، صراحة اشكرك على جراءتك وطرحك للموضوع اللي ممكن نكون شفننبذة صغيرة عنه في فيلم له نفس العنوان بتاع موضوعك اللي في محله،،،
فعلا هناك اضطهاد للبنت في العالم العربيهي الكلمة كبيرة شويتين بس والله تقدر تصدقني لو دخلت يوتيوب هتلاقي اي حاجة عن بنات مصر والخليج بعنوان فضيحة بنت ...... وجنسيتها معاها ،،، وممكن تلاقيها في الاخر ماشة في لشارع بس هما حبوا يخلوها فضيحة على العلني ،، اكدب عليك لو قلتلك ان اكتر بنات بقوا في المصايف لمابيلاقوني بتصور مع عيلتي بيخافوا يطلعوا فيالصورة لحسن يروحوا على النت او اي حاجة،،، مش هتسمخر عليهم لان حقهم صراحة الكمبيوتر والفوتوشوب بقى بيقلب الصورة 190درجة ...... فعلا البنات حاليا حالهم ممكن يكون احسن شوية من زمان على انهم من النحاة العلمية والاجتماعية في حالة ثبات واستقرار كبير الى حد ما لكن مش هكدب عليك ابا اذا قلتلك ان ومتزعلش مني البنات في الكلمة اللي جية ديه ،،، في بنات بيخرجوا الشارع مخصوص عشان تحس انها بنت تتعاكس والولاد يقعدوا يجروا وراها عشان يكلموها وده بسبب عدم احساسها بالحنان الذي لا يتولد الا داخل نطاق الاسرة .. وللحديث بقية يا ميدوووووووووووووووووووو تحياتي |
اقتباس:
ليه بتمشى خايفه فى الشارع و غيرها بتمشى سعيده و مطمئنه ؟؟؟؟ __________________________________________________ _________________________________ شكراً لموضوعك |
اقتباس:
قولهم ياعم أصل فى ناس عقلها صغير فكرين انا جاى اشمت فيهم بيس يا مان منور |
أولاً أنا ليا رأى لو تقبله و تقبل مرورى طبعا أكيد يعنى ايه بنت تبقى ماشية فى الشارع وهى خايفة؟؟ دى معتقدش فيها أوى البنت اللى مبتتأخرش متخفش لا طبعا مش موافقك فى كده اسأل أى بنت وهى تقولك يعنى ايه بنت تغطصب من عالم زبالة وهى ملهاش ذنب؟؟ أولا ً البنت المحجبه بحجاب الإسلام و الله الشاب بيتكسف يبصلها لكن بنت لابسه طرحه مش عارف أيه و بعد كده بنطلونات بصبونه تستحق اللى يجرالها ليه المنقبات بتحرشوا بيهم؟ يعنى ايه بنت لما تعدى 20 سنة ومتخطبتش تقوم القيامة عليها؟؟ دلوقتى معتقدش معاك طبعا علشان الموضوع ده موجود فى الأرياف يعنى ايه بنت تبقى حيتها كلها لغاية ما تجوز خوف وقلق وتوتر؟؟ من أيه ؟؟؟ من اللى بيحصلها يعنى ايه بنت لما تنجرح من حب مبتبقاش عايشة بعد كده؟؟ تنجرح من حب مفى ناس كتير حذرتها لكن هى أنساقت و بعدين فى حب يبدأ بالزواج لكن حب اليومين دول زواج يومين و بعد كده طلاق علشان بدأ خطأ لا يبقى أنت متعرفش فى الحب وأنا مجبتش سيرة جواز واسأل اى بنت كااااااااااانت بتحب بجد يعنى ايه بنت لازم تتجوز أى حد وخلاص علشان يتستر عرضها؟؟ طالما إنسان متدين مفيش مشكله و لا لازم تحبه ؟؟ ممكن برضه أسئلة كتير قوى ياجماعة بتيجى فى دماغى أشد من دى بمراحل فى معناها ياريت حد يقولى أنا غلطت لما كتبت الموضوع ده؟؟؟ وبرضه حاسس ان الموضوع ده ممكن يتحذف كعادة مواضيع 2025 والسلام عليكم ورحمة الله وبركاته موضوع حلو بس أعتقد إن البنات هتكون أصدق فى التعبير عن مشاكلها و مش قصدى شئ بس برده البنت لازم تسأل نفسها ده بيحصل ليه ؟؟ ليه بتمشى خايفه فى الشارع و غيرها بتمشى سعيده و مطمئنه ؟؟؟؟ |
مش متفقة معاك
يعنى مثلاً انا لما بمشى فى الشارع ما بحسش ان انا خايفة الا نادر و كمان موضوع ال****** اعتقد ان البنت لو باينة انها خاية فدة بيشجع الكلاب عليها انما لو ماشية و هى واثقة من نفسها محدش حيقربلها و اتمنى تكون فاهم قصدى :) و موضوع الجواز بيختلف ياختلاف المكان و التفكير بتاع الاهل و معتقدش ان الموضوع بيوصل لدرجة القلق و الخوف :o مش فاهمة قصدك فى ان البنت لما تنجرح من حب متبقاش عايشة يعنى ازاى ومعلش بردة مش فاهمه قصدك فى ان البنت لازم تتجوز عشان تتستر على عرضها |
اقتباس:
احم انا اللى مش فاهمه :d والثقه دى هتجيبها منين وبعدين انتى بتبقى ماشيه فى الشارع مش خايفه زى مانتى بتقولى ده شىء مش طبيعى ع فكره يأما انتى بتلعبى تايكوندو :d يأما فى حاجه غلط العمليه مش عمليه كلاب وقطط ومش ثقه او خوف انتى ردك نفسه فى الجزئيه دى بيفكرنى بسؤال مين اللى جه الاول البيضه ولا الفرخه ؟؟ والمشكله ان سؤال ملوش جواب لانها حلقه مفرغه لا البيضه اللى جت الاول ولا الفرخه هى اللى جت الاول نفس الحوار هنا لا الكلب بياكل القطه ولا القطه هى اللى خلت الكلب ياكلها عشان هى خايفه هو شعور طبيعى بالافتقار للامن نتيجه لوضع طبيعى بردو وهو ان فعلا مفيش امن !! وابسط مثال يثبت خطأ وجه نظرك كان فى مجموعه من رواد الفضاء الروس ومعاهم واحده من دوله تانيه المهم طبعا معرفوش يتحكموا فى نفسهم وانتهكوا عرض الرائده دى هل دول ناقصهم علم ؟ لا طبعا بس اللى ناقصهم دين احنا كذلك ناقصنا الدين *** يعنى العمليه مش عمليه واحده واثقه او مش واثقه اصل هتثق فى ايه واحد شارب مخدرات ومشي بالصدفه فى نفس الشارع اللى هيا مروحه منه *** الراجل مش بيبص للست ع انها عقل بيفكر وانسان بيحس بينظرها بمنظور تانى اقتباس:
لا بتوصل ولاكتر من كده كمان :d وبتكلم ع البلد دى بتوصل انهم هيوافقوا ع اى عريس المهم يشيل ع رأى أنون فى صاحب صاحبه ولا كان اشرف عبد الباقى :d بتوصل ان بيتبص للاخت ع انها معيوبه ع اساس انها زى السلع كده بالظبط بدام فضلت للاخر يبقى السلعه دى فها حاجه غلط وفى الارياف الكل بيعتقد انها معملها عمل لاخر كل ده من الهبل :d يلا ماعلينا شكرا ع الموضوع يا حاج احمد :d |
شكرا ليك للموضوع ولصراحتك كمان
عندك حق فى كل اللى حضرتك قولته بس مين يفهم ويقدر بقى |
أنا قريت أول مشاركة فى الموضوع ولسه مش قريت باقى المشاركات
بسجل متابعتى للموضوع وان شاء الله أرد لما أقرأ كل المشاركات بس مش دلوقتى بعدين ان شاء الله فى رعاية الله |
بيس يا ميدو ،،،،،،،،،،،،،
ولكل الردود التي تلت ردي ورد احمد طبعا ياpureheart بشكرك على المداخلة وفعلا كلامك في محله بس حسيت انك بتبصي للموضوع من برج عالي شوية ولقيتك في حالة دفاع كامل عن اللي بيحصل وبلهجة اقرب واسمحيلي حسيت انك مش معترفه بالفرق الموجود بين الشباب من كلا الجنسين وان البنات بقوا ممكن يشدوا الرجالة وراهم مش الرجاله هما اللي يتشدوا ليهم وبمعنى اصح انتي انكرتي وجود ال****** ويا ليت انكارك موجود بس الحقيقة كلامك سليم وبشكرك على جراءتك في الرد اما بالنسبة لبنوته اهلاوية ( مع اني زملكاوي صميم وبفتخر يا جماعه) كان ردك سليم وكنتي بتتكلمي بطريقة حقانية شوية وياريت يا pureheart متفهمنيش غلط لاني بجد محتاج افهم وجهة نظرك اكتر مرسي جدا يا ميدوووووووووو |
بسم الله الرحمن الرحيم
ان شاء الله أبدأ أرد من المشاركة الأولى دى وبعدين أشوف بقية المشاركات اقتباس:
دا أنا حتى غيرت اللون اللى بكتب بيه عشان يكون ردى واضح فى رعاية الله وعليكم السلام ورحمة الله وبركاته |
[quote=بنوته اهلاويه;1524726]
اقتباس:
لا انا و لا بلعب تايكوندو و لا حاجة :blush: بس انا لما قولت يبقى عندها ثقة كنت اقصد انها متبقاش مبينة انها خايفة و اى حد يبصلها يبان على و شها الخوف و الرعب مهو ده اللى بيطمع الكلاب فى البنات انهم عارفين ان البنت من دول بتتكسف و بتخاف و ملهاش وسيلة عشان تحمى نفسها بيها يعنى انا مثلاً كنت لما بنزل اروح الدروس و روح بليل كنت بعمل حاجة عشان مبقاش ماشية خايفة كنت باخد معايا برفان صغير ( طبعاً مش عشان احطة ) عشان لو اى حد حسيت انه فيه حاجة ارشه فى وشه و اجرى و الحمد لله مستخدمتوهوش :) و الحقيقة انا مش بتكلم على اللى شارب مخدرات انا بتكلم على الشباب العادى اما موضوع رواد الفضاء فدول ناس فى مكان مغلق و معاهم واحدة بطولها و مش ديه الحالة اللى انا اقصدها انا اقصد البنات اللى ماشية فى الشارع او اللى فى الجامعة اقتباس:
انا قولت ان الموضوع بيختلف باختلاف الثقافة و الحقيقة انا معرفش اللى بيحصل فى الريف كويس فمقدرش احكم عليهم انما اعتقد ان الكلام بيختلف فى المدن و انا شايفة ان اللى يبص للبنت على انها سلعة و بتتعرض عشان تلاقى عريس يبقى لسه عايش فى العصر الحجرى و يبقى رايه ميتخدش عليه و لازم البنت تبقى عارفة انها مش سلعة و لا انها هم و لازم يتخلص منه و يبقى ليها رايها فى موضوع جوازها |
اقتباس:
انا ملغتش موضوع ال****** و انا كلامى على ان (البنت فى الشارع مش بتبقى حاسة بالامن ) و انا شايفة ان الموضوع مش للدرجاتى و لو قلنا ان فى كل وقت البنت بتبقى خايفة يبقى معنى ده ان الولاد كلهم فاسدين و ده كلام مش صح و فى حاجة مهمة ان الولد فى اى مكان لو حس ان البنت خايفة يبقى ممكن يئذيها و الحقيقة ده مش كلامى انا سمعت مرة دكتور نفسية بيتكلم على موضوع ال****** و بيقول ان المغتصب لما يحس ان الفريسة خايفة ده بيشجعه و لو حاس انها قوية و و مش خايفة بيبعد عنها اتمنى اكون قدرت اوضح وجهة نظرى |
والله حضرتك صريح واحنا فعلا لازم نناقش القضيه دى فعلا ليه البنت تمشى فى الشارع وهى خايفه عشان مافيش امان طيب ليه ما يبقاش مافيش امان انا بجد سعيده انا ولد هو اللى بيتكلم فى الموضوع داه احنا لازم نحس بمشاكل بعض لك اجمل تحياااااااااااااااتى |
صراحة بشكرك يا pureheart على قلبك الصافي ده وكلامك اللي في مكانه وكده صراحة وجهة نظرك بانت خلاص وفعلا مش كل الولاد وحشين بس في ولاد بيستنوا نظرة الخوف في البنت وده بيعود لاجة فيهم بتقول وهقولها صراحة وبلا خجل البنت البنت اللي تبقى خايفة من حاجة بتتطلعلها يعني اللي بتخاف ان واد يعاكسها يبقى هيحصل واللي بتخاف ان واحد يمسك ايدها وباين عليها هيحصل ووجهة نظرك بانت مساؤك سكر زيــــادة.........
|
شكرا جدا علي الموضوع علي فكرة الموضوع
حلو اوى بس البنات مش مظلومين في كل الاماكن لاننا في المدن عايشين حياتنا الحمد لله طبيعي الاختلاف في الخروج يعني مش زى الشباب عندهم لكن الاصعب انه في بنات في مناطق معينة مش بيخروجوا بعد ال6 سنين تصوروا:angry2: البنت مش بتتعلم لكن لو عايزة تتعلم بيجيبولها مدرسين في البيت حاجة تخنق صح:blush: بس بجد الموضوع حلو |
غلطت ازاي بس لما عملت الموضوع ده
بالعكس دي حاجه كويسه جدا ان ولد يكتب الكلام ده ويبقى فعلا حاسس بالظلم اللي واقع عالبنات لان الغالبيه بيلقوا اللوم عليها في كل حاجه وبيطلعوها غلطانه ممكن البنت تبقى ماشيه في حالها وباحترامها وبرده تتعاكس طب ايه ذنبها في كده انا بشكرك عالتوبيك الجميل ده |
اقتباس:
اولا انا ولد و لكن نفس الكلام اللى انت بتقوله ده بيجى فى دماغى خلينا نعترف ان احنا فى بلادنا بنحكم بمعايير شرقية بالية غاية فى العبثية و لا علاقة لها بالدين و انما هى تنبع من موروثات شعبية لا يقبلها الدين خد عندك موضوع ال****** و خيبة المجتمع اللى بيبص له بصورة مضحكة جدا و يحول الضحية الى مذنبة و الى مسئولة عن الذى حدث و يختلق اعذارا وهمية للقيام بهذه الفعلة الشنعاء و يقولك اللبس كان مفتوح و مع التاكيد على رفض الملابس المثيرة الا ان هذا فى النهاية ليس دافعا لهذه البشاعة باى صورة من الصور خذ مثلا اخر مثل قضية تاخر الزواج و العبثية فى نظرة المجتمع لهذه القضية و تحديد سن الزواج بانه لا يزيد عن 25 سنة و ان من تجاوزته هى سيدة بائسة و لو كانت ناجحة فى كل شىء و فى عملها غير ان هذا يدفع بالمجتمع الى تجاهل كل شىء و النظر اليها على انها زى البيت الوقف و الكلام الفارغ ده |
| جميع الأوقات بتوقيت GMT +2. الساعة الآن 08:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.