|
Mm news حلقة جديدة فى المشاركة رقم (73)
بسم الله الرحمن الرحيم السلام عليكم ورحمة الله وبركاته الالغاز والاسباب الاداريه والمشاكل مصطلحات ليست بغريبة عن المنتدى حيث تعتبر هذه الاشياء سمة من سمات المنتدى فى الماضى والحاضر منذ قص شريطه في عام 2006 وتوالت السنين وما زالت تللك المصطلحات تسيطر علي عقول الاعضاء وتستحوذ علي القسط الاكبر من تفكيرهم ظهرت العديد من النشرات والمجلات لتحاول حل الالغاز العديده وفك شفرة الاسباب الاداريه التي وقفت امامها جميع العقول والاذهان لتحاول فكها وحلها ولكنها وقفت عاجزه امام هذا السر الدفين لا تدري من اين جاء ولا تدري متي سيذهب كانت عيوب المجلات السابقه اكثر من مميزاتها كانوا يبحثون عن قشور المواضيع دون البحث عن لب القضية كما كانت تفتقر الي الدقه والاتقان كان هذا حال المنتدي و حال مجلاته في الاعوام السابقه ولكن في هذ العام الوضع اختلف تماما حيث اننا قد انشأنا قناة MM NEWSالاخباريه اول قناة اخبارية مستقلة فى منتدى الثانوية قناة تدع قشور المواضيع للمجلات الهزيله وتبحث هي عن لب القضايا وتخوض في اعماقها بل في تفاصيها .... في تفاصيلها .... في تفاصيلها لها اعين فى كافة الاقسام تذهب الى هناك والى هناك كى تبحث عن الحقائق محاولة اظهارها للناس ليكونو على دراية تامة بكل ما حدث وبكل ما سيحدث ليكونو معكم علي مدار الاربعه و العشرون ساعه محمود طه و محمد ناصر ونخبه من امهر المراسلين والصحفين للاستفسارات والطلبات يرجي مراسلتنا علي الايميل الخاص بالنشره الكائن في الملف الشخصي لعضوية mm news ثقة لاتنتهى تابعونا اقتباس:
|
بالتوفييييييييييييييييييييق
ايه يا عم شغل قناة الجزيرة ده......:p براحة علينا شوية.... بالتوفيق يا رب و تنافسوا سبيس تون و براعم.....:d باهزر بس.....;) بجد فكرة جامممممممدة و ربنا يوفقكم ...:friendsxs3: و متابع معاكم ان شاء الله.... :) |
ههههههههههههههههههههه
بجد انا مش قادره مش عارفه ليه موضوع الحوار يا عمونا بتاع الادمن والجو ده كان حظ مش عاملن مجله عشانه كان زى ملحق كده او محاوله عالم حقوده صحيح :p .. كملوا كملوا مهما عملتوا :p اقتباس:
ده ع اساس انه اعلان عن لبن رايب :P بس بجد مين اللى كاتب ده :d عشان اتريق شويه فى تفاصيلها فى تفاصيلها اقتباس:
اشك :P اقتباس:
االجزيره للاخبار :d يلا ع البركه .. ادينا اهو عايشين وبنتفرج .. بس زيعوا برامج كرتون ومطولوش فى الاعلانات |
استمروا استمروا ..
باذن الله هتلاقوا اقبال رهيب .. اقتباس:
|
حلوة بتاع سندع القشور وحناكل اللب ده
قصدي حندع القشور ونتكلم عاللب ربنا يستر في افتكاساتكو العجيبة ده |
هههههههههههه شغل التقليد بقى وعاملين عضوية جديده وام ام وبتاع:p ماشي جيبو اخركو :d ظهرلنا منافس جديد ياياسو اي نعم دي مجلة ودي قناه اخبار ينافسو بعض ازاي مش عارفة بس اهو منافسين :d اقتباس:
هههههههههههههه ايون زي ملحق احنا الحصريات بتجيلنا لغاية عندنا مش بندور ع تفاصيلها ع تفاصيلها ع تفاصيلها :d ويتنج اما نشوف اول حلقه:049gc0: |
بصراحة فكرة حلوة علشان فعلا المشاكل كترت
بس على فكرة الصورة الانتم عاملنها فوق دى حلوة اوى بصراحة عجبتنى اكتر من الكلام نفسة يالا بالتوفيق بعد اذنك يا محمود دمتم فى رعاية الله |
لما نشوف :bosyht9: |
اقتباس:
لما نشوف فكرة لذيذة مستنيين :) |
كويس والله
لو الوضع كده ها نفكر نعمل موضوع باسم القنوات والمجلات الاخبارية :p |
ربنا يستر بس تتعمل اساساً ومتحصلش سابقاتها من الاختراعات اللى مش بتتنفذ
اصحاب الشأن لسه مردوش على الموضوع لحد دلوقتي :d |
متابعه ان شاء الله
منتظرين التنفيذ ربنا يوفقكم في رعاية الله |
شكرا لكل اللى ردو يا جماعة
وان شاء الله اول حلقة اخبارية هتنزل قريب فقط تابعونا :d دمتم فى رعاية الله |
على بركة الله
احاول اتابع ان شاء الله على قد وقتى في رعاية الله |
ان شاء الله نتابع معاكم
منتظرين اول حلقة اخبارية |
اقتباس:
اول حلقه قريب ان شاء الله ام ام نيوز ... رمضان يجمعنا :d |
m&m بحب الشيكولاتة دي أوي :d أدينا مستنيين النشرة الخطيرة دي يا رب بس ما تكون زي الـ .... :d و تعملو حلقة واحدة و توقفوها على كده :bosyht9: |
ربنا يوفقكم :) |
Mm news حلقة جديدة فى المشاركة رقم 19
سلام الله عليكم ورحمته وبركاته اسعد الله اوقاتكم بكل خير والى حضراتكم اولى نشرات MM NEWS اعدها لكم محمد ناصر & محمود طه والى حضراتك عناوين الاخبار 1 رفع المجاهد من الادارة هل هو عزل ام استقالة 2 سلى صيامك وطريقة جديدة مع جرس الفسحة 3 هبوط لقاءات وحوارات واهدائات الى ركن درجة تانية 4 صوت الاعضاء بين الترغيب والترهيب 5 اجازات بدون مرتب هل هى ظاهرة ام انها فقط زوبعة داخل فنجان 6 حملة جديدة بعنوان القطنة مبتكدبش والى حضراتكم تفاصيل الاخبار :::::::::::::::: اقتباس:
فى ظروف غامضة تم رفع المجاهد فى سبيل الله من ادارة المنتدى ولكن حدثت بعض التساؤلات حول هذا القرار هل هو قرار عزل ام ان هذا قد تم بناءا على طلب المجاهد فقد قالت الادارة بان هذا القرار قد تم بناءا على تقديم استقالة بطريقة غير مباشرة حيث ان المجاهد امتنع عن العمل داخل الادارة وقد قال هذا على مرئى ومسمع من الجميع وقد تم ارسال رسالة من جانب نائب الادارة اليه ولكنها لم تجنى ثمارها بعد ولم تجد اى رد عليها فقام مجلس الادارة بالتشاور فى امره واجمع الجميع على رفعه من الادارة وفى هذا الوقت تم عمل موضوع داخل حجرة الاداريين يتضمن رسالة شكر الى المجاهد فى سبيل الله على ماقدمه من انجازات داخل الركن الدينى وغيره من اقسام المنتدى متمنيين من الله توفيق دائم للمجاهد وان يجازيه الخير عما قدمه لصالح المنتدى :::::::::::::::::::::::::::::::::::::::::: اقتباس:
فو وقت عصيب وفى ظروف مريرة يمر بها منتدى الثانوية العامة جاءت احدى القرارات الادارية بعودة قسم جرس الفسحة الى متناول الاعضاء ليقومو بالمشاركة به كما كان فى السابق ولكن فى الوقت الحاسم كان شهر رمضان وحده هو السبيل للخلاص من هذا القسم حيث تم تأجيل ظهور القسم الى بعد رمضان وفى هذا الوقت اعلن جمهور من الاعضاء استيائهم جراء ما حدث حيث قام بعض الاعضاء بوضع لافتة فى توقيعه تضمن الاتى http://www10.0zz0.com/2009/08/12/19/884632457.jpg ونحن معه قلبا وقالبا لان ظهور قسم مثل هذا فى هذا الوقت قد يؤدى الى ضياع الوقت هباءا منثورا ولكنها هى ارادة الله فقد جعل شهر رمضان عائقا حصينا وسدا منيعا امام هذا القسم الذى تم اخفاءه من قبل بناءا على طلب الاعضاء ::::::::::::::::::::::: اقتباس:
بعد جدال طويل حول قسمى لقاءات وحوارات واهدائات ومناسبات تم اتخاذ قرار بهبوطه من الدورى الممتاز الى دورى الدرجة الثانية قد جاء هذا القرار بناءا على طلب الاعضاء حيث قامت احدى العضوات بعمل موضوع داخل قسم صوت الاعضاء يتضمن طلبا ملحا بهبوط هذا القسم الى دورى الدرجة الثانية وما زال هذين القسمين يمثلان شعلة من النشاط حيث ان معظم نشاط الاعضاء متوجه الى هذين القسمين مما يدل على انهم عالم فاضية :d :::::::::::::::::::::::::::: اقتباس:
فى زى جديد جاء قسم اقتراحات وحلول حيث تم تغيير مسماه من اقتراحات وحلول الى صوت الاعضاء فهل تم تغيير مسماه فقط ام انه قد تم تغييره بالكامل حيث ان الاعضاء يرونه اصبح اكثر اثارة فقد قال احدهم ان هذا القسم اصبح بيتهم الاول ومحط راحتهم فهم يجدون بداخله كل ما يتمنوه كما انهم الان عند عرض مشاكلهم واستفساراتهم يجدون الجواب السديد والنشاط الاكيد من القائمين على هذا القسم وهذا هو ظن الجميع متمنيين من الله عز وجل ان يصبح هذا القسم هكذا حتى النهاية والا يوجد بيه اهمال او تنفيض او تطنيش كما كان فى السابق مهو محدش عارف حاجة:d ::::::::::::::::::: اقتباس:
فى الوقت الذى هو من اكثر الاوقات احتياجا للمشرفين جاءت ظاهرة جديدة من نوعها الا وهى ظاهرة اجازة بدون مرتب ( ال يعنى احنا بنقبض حاجة :d ) حيث تقدم اكثر من مشرف سوبر واكثر من مشرف عادى بتقديم طلبات اجازة بدون مرتب قائلين مقولتهم الشهيرة ( عندنا ظروف ) ولكن ادارة المنتدى قابلت هذه الطلبات بالرحمة والشفقة والشعور بالاخرين :d حيث انهم اعطوهم اجازة طويلة الامد حتى تنتهى تلك الظروف وطبعا اللى بيشيل الليلة فى الاخر هما الاداريين :d :::::::::::::::::::::::::::::: اقتباس:
فى ظروف طارئة جاءت احدى الحملات الجديدة من نوعها تحمل عنوان تعالو ننضف المنتدى حيث اطلقت احدى العضوات موضوعا يتضمن هذا داخل قسم صوت الاعضاء بيتهم الاول وقد تم الاتفقاء مع بعض الاعضاء ليقودو هذه الحملة من هنا جاء دور الادارة حيث قامت بالتعاقد مع شركة اريال لتمدهم بكميات كافية من الصلاحيات المليئة بالاكسجين لتقوم بدورها بتتنظيف الاقسام وجعلها براقة عملا بالمثل القائل القطنة مبتكدبش ولكن جاءت بعض الاقاويل متضمنة كثر من الاحباط ومضمونها ابقو قابلونى لو نضف ونحن مع هذه الجملة ايضا:d """""""""""""""" الى هنا تنتهى نشرة الاخبار ايها السيدات والسادة والى ان نلقاكم فى حلقة اخبارية جديدة دمتم فى رعاية الله |
اقتباس:
ونعم النشرات والله فعلا مصر في تقدم والحمد لله منتظرين الحلقة الجاية واوعى تكون زى دى عاوزين اخبار ال :abdoog8: في رعاية الله يا جميل |
ههههههههههههه
عاجبنى الاسلوب مش عارفه بيفكرنى بسيد ابو حفيظه ليه بس بغض النظر ليا تعليق صغنن اقتباس:
اقتباس:
اقتباس:
اقتباس:
ربنا يوفقه كان شخصيه كويسه ع حد علمى.. بس شايف الفرق يا حاج محمود الراجل مشي فى صمت .. مش تلت مواضيع بيقول انا عاوزه امشي ..متمسكوا فيا الله (فاهمنى :D ) يلا كويس شغال بس مش احسن من المكله بردو :P .. كمل يا محمد انت والحاج التانى ده بالشكل ده واضمنلكم انكم هتتخطفوا من القائمين ع سبيس تون او موجه :P |
الاسلوب جميل وجديد
ومستنين باقي الحلقات ان شاء الله ربنا يوفقكم يارب |
اقتباس:
اقتباس:
:d الحمد لله انها عجبت حد علشان شكلها معجبتش حد اصلا وان شاء الله اللى جاى هيكون احلى دى مجرد بداية بس :d شكرا على المتابعة يا حج احمد دمت فى رعاية الله |
اقتباس:
:d ابو حفيظة مين يابنتى دى حاجة فانتاستيك خالص ومش بنهزر فيها الا فى بعض الافتكاسات فقط علشان جو الملل بس اقتباس:
نعم يختى مبنعملش ايه ؟!!!!!!!!! دحنا طالع عنينا يابنتى دا جرس الفسحة مبهدلنا خالص :d ملكيش دعوة بزينب دى مسئوليتى انا الرئيس بتاعها :d اقتباس:
ههههه طبعا فاهم بس دا ميمنعش انك عايزة تاخدى على دماغك بشومة قطر واحد ونصف بوصة مستوردة من اسيوط :d ربنا يصلح حاله اقتباس:
مكلة ايه بس فين العدد التانى يابنتى واللا العدد فى الليمون عايزين نشوف العدد الجديد علشان نعملكو اعلان هنا فى النشرة ونتو تعملولنا فقرة بردو بالمانشيت العريض فى صفحة المجلة الاولى بعنوان حمادة ومحمود يتصدران القمة :d اقتباس:
مابلاش انا معايا خاصية وقف يا بنتى :d شكرا على المداخلة الرخمة دى :d فوتتك بعافية |
اقتباس:
اقتباس:
ربنا يكرمك عارف والله اننا اتأخرنا على مانزلناها بس الواد محمد دا عطلة :d ان شاء الله اللى جاى هيكون احلى شكرا على المرور دمتم فى رعاية الله |
ههههههه لا جميلة اقتباس:
لو رجع هتبقى مصيبة متقولوش هنعرف نحكمه مش هينفع بتاتاً :d حلوة النشرة جميلة أوي ممتعة كفاية كده أحسن كده ببالغ :d مستنيين القادم :) |
طب والله عجبتني .. مش ممله زي نشرة الاخبار .. :bosyht9: عاوزه اعلق على كل خبر بس الظروف لا تسمح .. ( وقتي خلص ):( بس بالنسبه للمجاهد .. فالموضوع مش زي ما انتو بتقولوا .. كل الحكايه انه بعد ما طلع عيني في المجهول ما جبرش .. دي لعنتي اكيد ..:p :d و بالنسبه لحمله القطنه مبتكذبش دي .. فأنا نازله بحمله جديده بعنوان (العنايه بالبشره) :d نضافه بنضافه بقى !! :p هــــــــــــــــــا.. مين معايا ؟؟ استمروا انتو في النشره وملكوش دعوه بحملتي .. :slap1qk6: متابع انا :) |
ههههههههه
الله عليكم يا رجالتنا والله بجد فعلآ ظريفة قوى الحلقة دى وبتعرض المشاكل باسلوب جميييييل وبسييييييط خالص بالتوفيق كملوا متابعين معاكم |
تمام بس سؤال يطرح نفسه .. على حد كلامكم جرس الفسحة هايرجع بعد رمضان لييه بقى ..؟! :bosyht9: ايه الحاجة المهمة الرهيبة الفظيعة اللى مش هاتتعمل الا بوجود جرس الفسحة ولا عشان يلم المواضيع اللى مالهاش مكان ومالهاش لازمة ف قسم واحد :romarioxp6: |
اقتباس:
الحمد لله انها نالت اعجابكم اللى جاى انيل على فكرة :d انا عن نفسى مش هقدر احكمه دا عايز ازالة شكرا على المجاملة الركيكة دى :d نردهالك فى الافراح ان شاء الله دمتم فى رعاية الله |
اقتباس:
حلوة حملة العناية بالبشرة دى ياللا خللى الخيار ياخد ضجة وهنعمله فقرة بردو :d حاضر هنستمر وملناش دعوة بحملتك شكلها بناتى اصلا :d شكرا على المرور دمتم فى رعاية الله |
اقتباس:
ياريت تجاوبو ع اسئلة الحاجة لان بالرغم من لطافة الاسلوب وشياكته وظرافته حاسة انكو مجبتوش جديد:bosyht9: ف انتظار الحلقة الجاية |
اقتباس:
ههههه منور يا حج محمود ربنا يجبر بخاطرك يا بنى:d ربنا يكرمك ياريس شكرا على مرورك يا حج محمود اقتباس:
ان شاء الله مش هيرجع دا مجرد تمويه مش اكتر دا كان مجرد اقتراح عار وراح لحاله شوكرن على المتابعة دمتم فى رعاية الله |
اقتباس:
:d وادينى رديت عليها من قبل ما اشوف ردك دمتى فى رعاية الله وان شاء الله النشرة اللى جاية هتكون شكل دى كدا:d |
اقتباس:
ع فوكرة ده مجرد لفت نظر نقد بناء يعني :d ههههههههههه ماشي ربنا يطمنك بردو مستنين النشرة الجاية يمكن كلمه تفلت مش نكون عارفينها ولا حاجة :p بردو دايما سعد زغلول عنده حق الراجل مفيش فايده :d |
لا بجد حلوة انا شايف ان الادارة فى تحسن اهوة يا جماعة ولا اية رايكم :d بالنسبة لجرس الفسحة رأى هوة الحاسم اتنين رافضين واتنين موافقين انا بقى هفصل وهكون مع الى هيدفع :d لا بجد حلوة يا رجالة سيرو على بركة الله :d اقعدو بالعافية |
جميلة النشرة استمروا اقتباس:
وافق خلى الخناقات تشتغل بقالها فترة عاملة بيات شتوى بعيد عنكوا :d |
بداية موفقة بإذن الله :) النشرة رائعة و في إطار كوميدي بعض الشئ جزيتما خيراً " محمود طه & محمد ناصر " بانتظار النشرة القادمة ... |
اقتباس:
هو انت تقدر تقول حاجة غير كدا :d وبالنسبة لجرس الفسحة هيرجع على جثتى ان شاء الله :d نورة النشرة يا محمد نردهالك فى فرحك ان شاء الله اقتباس:
:d اقتباس:
بجد شرفتنا ان شاء الله اللى جاى هيكون احلى دمتم فى رعاية الله |
هههههههههههههه لا بجد جميلة ماشاء الله واسلوب كتابتها جميل عجبنى الجزء بتاع هبوط حوارات ولقاءات الى ركن درجة تانية :d عقبال الاحتراف فى انجلترا :romarioxp6: ربنا يوفقكم وفى انتظار الجديد |
اقتباس:
ربنا يجبر بخاطرك :d ان شاء الله فى برشلونة علطول ال انجلترا ال :d ربنا يكرمك وان شاء الله الحلقة الجديدة قريبا دمتم فى رعاية الله |
اقتباس:
امتى ؟؟؟؟؟؟ |
النهاردة .. بالليل .. ان .. شاء .. الله
|
اقتباس:
متأخروهاش بقى كفايه التأخير ده كله :slap1qk6: ان شاء الله تكون مميزه زي الحلقه ال فاتت في رعاية الله |
احنا مستنين :bosyht9: لما نشوف هتبقى حلوة زي اللي فاتت ولا :d |
شكرا على المرور يا جماعة
وهتنزل بعد دقايق ان شاء الله يارب تعجبكو دمتم فى رعاية الله |
http://up.arab-x.com/Aug09/zSb35769.jpg سلام الله عليكم ورحمته وبركاته اهلا بحضراتكم وثانى حلقات MM NEWS اعدها لكم محمود طه والزميل محمد ناصر والى حضراتكم عناوين الاخبار 1- اضراب جديد من نوعه داخل الركن الدينى 2- خير وسيلة للدفاع هى الهجوم بقينا خمسة علشان الحسد 3-الادارة بين الدكتاتورية والغير قيادية 4- الخيمة الرمضانية ومائدة الموضوعات 5- خبر ترفيهى بعنوان الى من يهمه الامر معنديش ولى أمر 6- نصوم نصوم ونفطر على تصميم والى حضراتكم تفاصيل الأنباء ظاهرة جديدة من نوعها ولاول مرة فى تاريخ المنتديات قامت مشرفات الركن الدينى بشن حملة اضرابية معبرين عن استيائهم لما حدث جراء رفع الجاهد فى سبيل الله من ادارة المنتدى هذا وقد قالو على لافتات قد حملوها اثناء الاضراب يا يرجع للادارة يا تقبلو الاستقالة وبعد محاورات ومناورات وردود من هنا وهناك وبعد جدال دام لايام كل واحد عرف اللى ليه واللى عليه وكما يقولون عادت المياه الى مجاريها وانتهى الاضراب وقام كل مشرف منهم بعمل اللازم تجاه قسمه ........"""""..... نظرا للظروف العصيبة التى يمر بها المنتدى والمخالفات الكثيرة التى توجد داخل الاقسام نتيجة للتكدس الاعضائى داخل القسم العام او ركن الاقسام الجديدة والمميزة قررت القوات الادارية بناء جيش اشرافى تم تدريبه على اعلى مستوى عدد هذا الجيش الاشرافى اربعة مشرفات بالاضافة الى القائد بتاعهم اللى هو انا يعنى عملا بالمثل القائل خير وسيلة للدفاع هى الهجوم حيث وضعت الادارة خطة محكمة ومتخرش المية هذه الخطة ممثلة فى هجوم شرس لا يرحم ولا يترك اخضرا ولا يابسا يتعامل مع المخالفات بكل براعة وبسالة وبما اننا قد اشدنا سابقا عن حملة القطنة مبتكدبش التى تقودها احدى العضوات فقد جاءت اخبار سرية تم تسريبها من جيش الاحتلال عن طريق المخابرات الادارية هذه الاخبار تضمن تمركز حملة القطنة مبتكدبش داخل القسم العام فقامت القوات الادارية بوضع سرايا الجيش كل فى مكانه الصحيح استعدادا لأى هجوم على البيت العام الثانوى عملا بالمثل القائل خللوناخمسة علشان الحسد """""""""""""""""" موضوعين شائكين داخل صوت الاعضاء الاول يتهم الادارة بالدكتاتورية والثانى يتهمها بانها ادارة غير قيادية اما موضوع الدكتاتورية فبعد محاورات ومناورات تبين العكس وان الادارة غير دكتاتورية بالمرة اما موضوع القيادية فكان كالعقبة امام الجميع ولم يستطع احد انهائه سوى بكلمة كلوزد نظرا لانتهاك شرعية لغة الحوار حيث قام كاتب الموضوع بالرد بردود شبه خارجة وعلى نفس النمط قام احد الاداريين بالرد عليه بنفس الاسلوب الساخر كما قال فى احد ردوده وقد قام فى البداية احد الاداريين بالرد على الموضوع بطريقة شرعية لان الادارى عامل نفسه فى حقوق وهو اخره هيبيع معايا ترمس على الكورنيش والى الان لم يتضح الامر وما زال السؤال يبحث عن جواب هل الادارة دكتاتورية؟ّ! ام انها غير قيادية؟! واللا محدش عارف حاجة اصلا؟! """""""""""""""""" حاللو يا حاللو ووحوى يا وحوى شعارنا فى هذا الشهر نظرا لقدوم شهر رمضان حاملا معه احد الخيم الرمضانية المليئة بالموائد ولكن المائدة هنا تختلف عن غيرها من الموائد حيث ان الموائد بالخارج يوجد بها لحوم وفراخ بنيه وسمك مشوى وفى الاحياء الشعبية فول بالزبدة وهوت ميكس اما هنا فالمائدة محملة بكم هائل من الموضوعات الرمضانية هذا الكم الهائل من الموضوعات دفع احد المتضررين بعمل موضوع داخل صوت الاعضاء متضمنا شكوى حرجة كما ناشد اعضاء المنتدى قائلا ( ياريت تخفو رجليكو من القسم شوية ) والذى تم استنباطه من هذا الموضوع ان كثرة المواضيع لا تجنى ثمارها من الفائدة ولكنها تجنى ثمارها بالركن فى الصفحات الثانية او الثالثة او ربما الرابعة ومن قناة MM NEWS نناشد الاخوة الاعضاء بالتمهل فى وضع المواضيع داخل هذا القسم حتى تتم الاستفادة ونتمنى لكم صوما مقبولا وافطارا بالهنا والشفا """""""""""""""""" نبدأ تفاصيل الخبر بابتسامة رقيقة:d اما عن الخبر نفسه فقد قام احد المشرفين بعمل موضوع داخل حجرة المشرفين حاملا معه مايكروفون واخذ ينادى بصوته العالى بل والمزعجج فى نفس الوقت وبدأ موضوعه بجملة تحمل المزيد من البراءة حيث قال مفتتحا موضوعه "هو مين المسئول عنى" وتم ترجمتها من قبل احد الاداريين الجامدين اوى انه مش عارف مين ولى امره واخذ يبحث له عن ولى امر وبعد البحث والتحرى داخل السجل المدنى وبمساعدة نائب الادارة الشهير تم العثور على ولى أمره حيث كان ولى الامر هذا بمثابة مفاجأة للجميع كما اتضح ان ولى الامر هذا بمثابة اخ لى وان انا الاونكل بتاع المشرف دا حيث كان ولى الامر هو محمد ناصر مزيع درجة تانية فى ازاعة MM NEWS ولكن تبين الغرض من الموضوع فى النهاية حيث اراد هذا المشرف ان يحصل على مصروفه من ولى امره لكى يقوم بتخزينه وجمعه ليشترى به طقم جديد للقسم وفى هذا الوقت تدخل ولى امره وضمه الى صدره لكى يشعره بالدفىء وحنان الابوة الذى حرم منه ولكن حدث مالم يكن فى الحسبان حيث علا صوت هذا المشرف على عمه محمود طهمزيع بردو فقمت بدورى بشكوته الى ولى امره وقولتله بنفس النص ( دى اخرة التسيب فى تربية الاولاد ) ولكن الموضوع انتهى بصورة درامية حيث احتضن هذا المشرف ولى امره وبدأت الموسيقى التصويرية وطبعا انا وباقى الاداريين اتشحتفنا عليهم من العياط وزى ما بيقولو عمر الدم ما يبقا مية """"""""""""""" بعد اتمام احدى المسابقات التى تسمى بمسابقة الالقاب حيث دام التصويت داخل المسابقة الى ايام وبعد طول انتظار قام كاتب الموضوع بفرز الاصوات واعلان نتيجة الانتخابات الثانوية التى اتهمها البعضبالكوسة والمحسوبية والبعض الاخر والاكثر جمهورا قال بأنها مسابقة عادلة وفى النهاية تم الرضا بنتيجة الانتخابات وظل الفائزون فى انتظار الجائزة الكبرى فكان امل كل متسابق فى كارت شحن ولو بخمسة جنيه او وسام يضعه على صدره ليتباهى به امام الجميع ولكن كانت الطامة الكبرى حيث ان " نئبهم طلع على شونة" وكانت الجائزة تصميم من انتاج احد الاعضاء او الاداريين على سبيل الدقة وقام احدهم بارسال كل تصميم الى صاحبه فى رسالة خاصة تحمل فى طياتها المزيد من الاسى والحزن على كل فائز وكما يقول المثل نصوم نصوم ونفطر على تصميم :::::::::: الى هنا ايها السيدات والسادة تنتهى نشرة الاخبار والى ان نلقاكم فى حلقة اخبارية جديدة دمتم فى رعاية الله |
اقتباس:
هههههههههههه لا مهلبيه ايه يا ابنى اللى انت عامله ده ابو حفيظه فى عز شبابه يا ولاد بس انا بقول الاجابه التانيه الا صحيح يا ام ام انت تبقى تعملوا سؤال للحلقه بالمره عشان تكمل اقتباس:
هههههههههههههه بجد موضوع الشاتينج اللى كان موجود كان رائع :d ياريت تكتروا منه و توقفوا حد ع باب القسم بعلب كلينكس عشان كلنا مكناش قادرين نمسك الغدد الدمعيه بعد الموضوع ده اقتباس:
هههههههههه ولا حتى جه احمد ربنا ان وصلك حاجه :d بجد بجد الواحد مش عارف مبطل ضحك ع فكره التهييس بتاع رمضان ده خطر اوى **** بس جميله المره دى اوى بجد كفايه انك ضحكتنا شوكرا يا عم الحاج |
انتوا مش فالحين غير في كده
|
بجد كلامكم تحفة
ربنا يخليلكو المجلة اول حاجة تنزل منها الحلقة التانية :d ربنا يسهل وتكمل لحد تلاتة يبقى انجاز :d |
| جميع الأوقات بتوقيت GMT +2. الساعة الآن 02:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.