|
هل تتزوج بفتاه تتكلم معك على الهاتف او خرجت معك
السلام عليكم ورحمة اللة وبركاتة هذا السؤال الذي طرح على مجموعه من الشباب العرب في مختلف الدول العربيه، وكان على كل منهم ان يجيب عليه بصراحه دون ذكر تفاصيل عن نفسه فكانت النتائج شبه متفق عليها، واليكم بعض هذه الاجابات .. 1 بصدق وعــن تجربه لا يستطيــع الرجل ان يــثق بفــتاة تحدثت مــعه مرات عبر الهاتف او خرجت معه بدون علم اهلها وبدون ارتباط رسمي ولا يستطيع ان يتزوج من فتاه منحته اي شيء ولو كان بسيطا طالما كان بدون حق ومهما وعدها واسمعها من معسول الكلام فلن يوفي بوعده واي فتاه ذكية يجب ان تكون منتبهة لذلك. 2- ان كل دعوى للحب لا تؤيد بالاقدام الجاد والسريع على الخطبة ثم الزواج هي دعوة كاذبة وان كل الشباب اذا فكروا في الزواج لا يختارون التي يغازلونها وتلين لهم وتضحك معهم وتكلمهم ابدا ابدا فالشباب هدفهم من تلك الفتاة التي يحادثونها في الهاتف عن الحب والاخلاص هو ابعد ما يكون عن الحب والاخلاص. 3- قالها احدهم لما عرضت عليه الجمع بينه وبين محبوبة الهاتف في الحلال قالها بالحرف الواحد وبهذا اللفظ: اعـوذ بالله والله لو تقولي ببلاش. واخر لما عرضت عليه الزواج اريدها عذراء العواطف وانت لست كذلك وكيف اثق بك وقد اخذت رقمك من الشارع. 4- يس عندي اي استعداد للزواج من فتاه كنت اعاكسها لانني على يقــين تام بانها كما استجابت لي فقد سبق ان استجابت لغيري وستستجيب لاخر فضلا عن اني احتقر كل فتاة تسمح لنفسها بالمعاكسه وانا اكلمها في الهاتف لاحقق غرضي ولكني في داخلي انظر لها بكل احتقار. هذا الموضوع لفت نظرى وحبيت انقله لانى فعلا حبيت اعرف اراء الشباب فى المنتدى هنا ومدى الوعى الى عندهم او الاخلاق واول حاجة انا بقول رأى انا بنت وبحكم انى انجرف بالعاطفة وقد تختلط علىبعض الامور بين الصدق والكذب لكنى لن ادع عاطفتى تتحكم بى الى درجة الغلط |
بصى كما تدين تدان والشخص اللى بيخدع بنت ويفهمها انه هايرتبط بيها لكن هو مش شايفها غير لعبة كام يوم وبعدها يرميها ويتسلى بغيرها هايرتبط بواحدة زيه بالظبط الطيبون للطيبات والخبيثون للخبيثات :) |
اقتباس:
عندك حق فى كل كلمه شكرا لمرورك ربنا يهدى الجميع يارب |
انا شايفه انها فعلا وجهة نظر شباب كتير
وبيتهيألى هو ده الصح وياريت تكون البنات عارفين كده او فاهمين كده وربنا يهدى |
وانا حقول نفس الكلام اللى اتقال في الاستفتاء ده
بغض النظر عن موضوع حتة إني بعاكس حد ده لحد يقولي انت كنت بتعاكس :lol: طبعاً اي واحد عايز يأسس بيت مش حيأسسه على حيطة مايلة منين ماحد يكلمها تكلمه بيقولك دايماُ ده سمعة بنت اخر جملة ليكي بتقول اقتباس:
متقفلي الباب من الاول احسن لأنه اللى بفتحه مش بيقدر يقفله والتجارب قدامنا كتييييييييييير |
بصراحة هي دي الحقيقة مفيش ولد عمره هيتجوز من بنت كان مصاحبها انا كنت بقدم في كليتي فكانت واحدة بتقولي ع واحد انه عرف نص بنات الكلية ومصاحب وبعدين قلت لي كلمة مهمة اوي **عارفة لما يجي يتجوز مش هيختار اي واحدة .. هيختارها بدون خبرات سابقة كفاية هو:d*** العيب ع الولد والبنت بس البنت في مجتمعنا هي اللي بتتحاسب وبصراحة انا شايفة كل بنت لازم تحافظ ع مشاعرها لزوج المستقبل هو اللي يستحق شكرا ع الموضوع الجميل |
والله انا عن نفسي اه اتجوزها .. امال انا كنت بحب فيها ليه ؟!!!!
انتوا دايما بتبصوا للشباب على انه بيغدر بالبنات .. وان دايما الشباب بيتسلي بالبنات وان دايما الشباب بيعش حياته معا دي شوية ودي شوية ودي شوية النظرية مش كدا خاااالص .. انا اه اعرف شباب بيتسلوا .. بس مش الاغلبية بيبقوا كدا انتي لو هاتسأليني السؤال دا : اقتباس:
|
تعرفوا يا جماعة مرة واحدة صحبتي قالتلي ان في ولد معانا في المدرسة انا عارفاه يعني قالها انا بحبك وبموت فيكي وعمري ما هبص لغيرك والكلام اللي انتوا عارفينه ده وللاسف هي صدقيته والصدمة بقي الكبيرة ان بعدها تقريبا بيومين او تلاتة واحدة صحبتي تانية قالتلي ان في ولد قالها بحبك وعايز امشي معاكي والكلام ده وعمري ماحبيت ولا هحب غيرك والولد ده كان هو الولد اللي قال لصحبتي الاولي بحبك يعني كل واحدة كانت فاكرة انه بيحبها هي وهو قايل لغيرها الله اعلم هو قايل لكام واحدة الكلام الكدب ده اظن فهمتو قصدي من الموضوع ده
|
يااه احنا لسه بنتكلم فى المواضيع دى مخلاص بئا عدا عليها زمن وحمضت واعتقد ان البنات الهبل انقرضوا الصراحه ميقتش احبذ النوع ده من المواضيه اللى بيتكلم عن فئه ساذجه معدتش موجوده اصلا وبعدين مكل واحد حسب تربيته وحسب تدينه وبعدين طنت العبيطه اللى بتخرج مع ولاد وبعدين بردو مش شرط موضوع الولد انه هيكبر من البنت اللى ماشي معاها هو عاده بيحصل كده بس بيختلف ممكن يوكن شخص مقتنع باللى بيعمله اقتباس:
والله الجمله دى بتضحكنى انا شخصيا بتعجبنى عذارء العواتف دى اللى هو ع اى اساس هى مطالبه بكده.. اعتقد ان معظم البنات عاتفيين اوى فنظريه انه عاوزها قطه مغمضه صعبه شويه فى الزمن ده .. وبحس ان فيها مبالغه غير مقبوله زى مبيقولوا .. ولو هى مطالبه بكده فلازم الاخ اللى هتتجوزه يكون كده وانا معتقدش ان فى كده وكمثال للتوضيح بس واحده مخطوبه خطيبها مات سافر حثله اى حاجه المهم ظروف والخطوبه اتفسخت وجه شخص تانى واتقدملها ووافقت هل هى كده مخلصه مع انها كانت بتحب الشخص الاول او مش مخلصه هل هى عذارء فى عواتفها طبعا لع المفروض او المهم فى البنت والولد مش التفتيش فى ماضي المهم المستقبل او اللحطه اللى هو عرفها فيها اه صحيح لو عاوزين البنت كده ياريت الاخ جوزها يكون كده وطبعا فى المشمش يعنى عامه الموضوع مش عارفه مكرر او ان فكرته بقت ممله حبتين .. ماعلينا:d |
هو الموضوع ده فيه ناس كتيرة كدا ليه :d هرد بكرا ان شاء الله :006et4: |
موضوع هادف جدا
انا من رأيي ان الحب موجود و محدش يقدر يمنعة اكيد بس طبعا مش زي المعظم فاكرين انها تكون علاقة مش صح بأي شكل مجرد الاحساس يكون موجود و الحب و كدة (ده لو كان الحب صادق) و يكون بعيد عن اي شبهه في حق البنت او الولد و طبعا ميكونش في السر و في خوف لان طول ما الحاجة الي بتتعمل بتخوف او في السر هتكون غلط (اقصد طبعا ان الاهل يكونوا عارفين) و تكون علاقة حب بس بريئة من اي شبهه او عيب في حق حد جزاكي الله خير |
اقتباس:
ومين قالك إنه مش ده اللى بيحصل ؟ وازاي خي رضيت على نفسها إنها تكلمك ؟ وايه اللى حيثبتلك إنها مش ممكن في يوم تكلم واحد تاني زي ما عملت قبل كده (عادي) مهو اللى بيعمل غلط حيتردد لو كان جديد لكن لو مش جديد حيقولك منا عملت كده قبل كده مجتش على مرة تانية في الحالة بتاعتك بتكون نادرة لو اتنين حصل معاهم كده هما بدأو غلط بس كملو صح ممكن ده تنتهي صح في الآخر لو الثقة متبادلة جدا بين الطرفين |
هو الموضوع كبير قوى
بس بيتهيألى ده بيتوقف على البنت طيب ما انا ممكن أكون بكلم بنت وبحبها وبخرج معاها وهى بتحبنى بجد وأنتم عارفين البنت لما بتحب بجد ازاى بقى مجوزهاش فى الحالة دى؟؟ وفى ممكن شاب تانى يخرج مع بنت مش كويسه وهما ال2 بيتسلوا والنوعية دى منتشرة جدا ومينفعش طبعا دول يتجوزوا ولا أصلا هيفكروا انهم يتجوزوا لإنهم بيعيشوا بس ولى بقية اذا كان فى العمر بقية |
ههههههههههههههه موضوع حلو ضحكني زي مابضحك ع النكت بالظبط:bosyht9: دلوقت انا هتكلم بالمنطق (معلش هستلفه شوية من واحده صاحبتنا :d) هما الناس اللي فوق دول عندهم حق اي نعم هما كمان غلطانين بس دي واحده معرفتش تحافظ ع مشاعرها هتحافظ ازاي ع بيت واسرة وعيال واحده عرفت تخبي ع اهلها انها بتكلم ولد ف التليفون هتعرف تخبي ع جوزها اي حاجة اقتباس:
بصي انا دايما بتخيل المشاعر دي ف البنت بالذات برصيد ف بنك لو فضلت كل شوية تسحب منها وتوزعها ع ده وده هتخلص في كمان مواقف بتكسر المشاعر سواء خيانه تجاهل كل ده بيبوظ ف مشاعر البنت لعاية ماتتكسر او تخلص خالص ف الحب قبل الجواز ده اكبر غلط بس البنات هبلا نعمل ايه بقى :d |
البنت التمشى معاه اكيد مشيت مع غيره شكررررررررررررررررررررا ليكى لوووى على الموضوع الجامد
|
اقتباس:
مش انا حاطه مثال تحت مردتيش عليه ليه يا بت .. عارفه انا ان حد هيدخل يقول كده ماعلينا بس عجبانى تفرق عواتفها ولا مشاعرها دى وانها هتخلص دى عواطف مش قلقاس :d .. بس انا اعتقد ان فكرتى واضحه مش بتكلم ع انها تمشي تحب ع نفسها انا كان قصدى حاجه واضحه او حاجه طبيعيه خطيبها الاولانى طبيعى انها تكون بتكنله مشاعر طيبه -حلوه تكنله دى- اقتباس:
|
اقتباس:
بس انا مش معاكي في النقطة دي بالشكل ده الحب اوكي قبل الجواز بس بحدود جداااا و ميكونش اني بحب يبقى خلاص اتشالت الحرمات بيبني و بينه لا طبعا ده يكون مجرد احساس بريء بينهم و طبعا ميكونش سر على الاهل بالذات لانه لو كان سر و لو لفترة صغيرة يبقى في غلط في الموضوع |
بسم الله الرحمن الرحيم
السلام عليكم و رحمة الله و بركاته استاذة ميراج...الموضوع جميل جدا جدا....انا دخلت دلوقتي عشان ارد عليه مخصوص... و معلش بعتذر لحضراتكم لو كان كلامي كتير ... انا رأيي في الموضوع ده ..ان الغلط بيبقي من الاتنين الولد و البنت ليه بقي؟ عشان الولد اللي يسمح لنفسه انه يدخل قلب بنت و يقلب حياتها و يوهمها انه بيحبها ده انسان لا يستحق اللقب...ازاي تبقي مشاعر الانسان ارخص حاجة بنفكر فيها!!!!!!!! ليه؟؟؟؟؟ مش دي انسانة و بتحس ؟؟؟؟؟ طيب سيبها في حالها ؟؟؟ ليه تنتهك حرمتها و تهتك ستر قلبها اللي حفظته طول عمرها عشان زوجها؟؟؟؟ يمكن عجبني تعبير جميل ( عذراء العواطف) جدا.... ليه تنتهك حرمتها و ممكن تكون انت اول انسان حبته في حياتها و هي للأسف افتكرتك انسان صادق معاها ....ليه ممكن متقبلش علي نفسك ان الانسانة دي تكون زوجتك و تقبل علي واحد تاني؟؟؟؟؟؟؟؟ ليه تنتهك حرمة رجل تاني؟؟.... خاصة ان في بنات ممكن تكون سريعة التأثر و تكره كل الرجالة مثلا او تخاف تنضرب في قلبها تاني...يبقي ليه من الاول؟؟؟ ده غير ان اي بنت معتقدش انها توافق يكون زوجها انسان مش صادق و مش بيراعي مشاعر الناس ......ده بالنسبة للولد .. اما بالنسبة للبنت فدي غلطتها من البداية انها صدقت و ووثقت في انسان مكنش يستحق ثقتها ... و خدعها و ووهمها بحاجة مش حقيقية ... فما بالكم بقي لو كانت البنت دي ( عذراء العواطف) متعرفش اي حاجة في اي حاجة.. ده بيتهيألي التأثير حيبقي اقوي الف مرة عليها... و تبقي خدت اكبر قلم في حياتها !!!! و طعنت بخنجر تلم في قلبها.... بس السؤال ازاي مش بتاخد بالها ان الانسان ده مش صادق؟؟؟ هي الثقة للدرجة دي ممكن تعمي الانسان انه يشوف الحقيقة؟؟؟؟؟؟ علي فكرة ايوة ... الثقة ممكن تعمينا و تخلينا نشوف الحاجات مش في مكانها.....يبقي البنت من الاول كانت المفروض تقفل علي نفسها و متثقش في اي حد حتي لو كان مين!!!!! لان بجد لا يمكن الثقة في اي شاب .. لانه يقدر يسبك الدور عليها و يستغل سذاجتها و ثقتها فيه و حبها ليه و يخدعها ....و بصراحة ده لا راجل و لا حتي انسان.. حتي لو كان هو مخدوع في مشاعره تجاهها ... المفروض يعمل خطوة لما يكون متأكد ....مش يعشمها بحاجة مش موجودة ... بجد حسبي الله و نعم الوكيل في كل انسان يعمل كده بقصد ... و المثل بيقول ( كما تدين تدان) ....و ربنا يهدي و يسامح من لم يكن يقصد....... و المهم اننا ممكن نلاقي الانسان اللي يخدع بنت يقول : انا مرضهاش لأختي طبعا .. ازاي اقبل واحد يخدعها و يكذب عليها !!!!! ( لا تنه عن عيب و تأتي بمثله .. عار عليك ان فعلت عظيم) انا عن نفسي ثقتي معدومة في كل الشباب ... صورتهم عندي سيئة جدا .. الا من رحم ربي!!!! و رسالة لكل بنت : لو كان حصلك كده ... قولي ( اللهم حاسبه بنواياه .. الله وكيلي) و للولد : اتقي الله في بنات الناس ده الرسول صلي الله عليه و سلم بيقول ( رفقا بالقوارير) .. اللهم اني اسألك بأنك انت الله لا اله الا انت الواحد الاحد الفرد الصمد الذي لم يلد و لم يولد و لم يكن له كفوا احد ان تجازي كل بنواياه ..و ان تبعد عنا كل من لا يخافك فينا و لا يرحمنا...و ان تهدي شباب المسلمين .. و الفتيات المسلمات .. اللهم انت وكيلنا و كفي بك وكيل ... اللهم احيي قلوبنا بحبك و اخرج من قلوبنا حب من لا يحبك و لا يحبنا .. اللهم ارحمنا و اكفنا شر كل الناس .. و اكفنا شر انفسنا .. آمين يا رب العالمين في حاجة مهمة بعد اذن حضراتكم نسيت اقولها... ان كل الكلام اللي انا قلته عن الحب البرئ فقط.. لان مش معني ان في حب يبقي في خروج و تليفونات و حاجات زي كده ابداااااا.... و السلام عليكم و رحمة الله و بركاته |
هههههههههههه كميل الموضوع ده شفت حوالى 21312 موضوع شبهه و كلهم بيتكلموا فى اطار واحد اللى بيعمل حاجه عايز مراته خضرا الشريفه على اساس انها لابسه نضاره شمس سوده و هى بتختاره يعنى اما بقى لو كانت عبيطه بما يكفى انها توافق على واحد مع كل طوبه شويه فصراحه هى عقاب كويس عليه :d .. .. .. نتكلم بقى على منطق اقتباس:
اممممممممم مع احترامى لوجه نظر حضرتك بس هو انتوا كنتوا بتتكلموا فى ايه فى التلفون بتتناقشوا القضيه الخوارزميه و لا سينيه البحترى الحب بالمفهوم ده هو الغلط ان الانسان يقضيها كلام فى كلام و لوك لوك لوك كل ده بدون اى رابط رسمى هو ده الغلط :) ... ... ... اقتباس:
انا مش معاكى يا سو المصطلح ده صح و من حق اى حد انه يطالب بيه مراته مادام مش فى حاله خطوبه يلا خير خير كفايه كته رغى مش عارفه بيقولوا رغايه على ايه :d فى رعايه الله |
الاجابة باختصار
لو أنا واثق فى هذه الفتاة يبقى أتزوجها ومفيش أى مشكلة |
انا اتجوز البنت اللى بحبها بشرط واحد بس الاخلاص ليا و الحب دلوقتى و هعوضها و اخليها اسعد انسانة فى الدنيا بالحب و الكمياء دى افظع حاجة فى الحياة اللى جرب يعرف كلامى لو بيحب فعلا و حطوا تحت كلمة فعلا دى مليون و ميت الف خط علشان فى ناس تقولك انا بحب بس غلط معاها ف مش هجوزها يبقى دة ميعرفش معنى الحب و الاحساس اللى كان عندة مكنش حب اصلا لانة لو حب فعلا و هو الان يحبها و هيا مخلصة لة هو الان فذلك هو الحب لكن اللى مجربش الحب فعلا مش هايعرف معنى كلامى و كمان ملهوش الحق انة يقول انة كان بيحب البنت دية اصلا لان الاحساس اللى هو فاكر انة كان عندة دة قبل ما يعمل معاها كدة و يرفض الجواز منها مكنش حب اصلا
دة الملخص بكل بساطة و سهولة و الناس تختلف و ممكن واحد يعمل فيها صعيدى و يقولك لا و فية ناس فى بلدنا دية بالهبل اقفال طيب يبقى لية بقى تعمل كدة من الاول دة حتى ربنا يحاسبك يا اخى لو متجوزتهاش بعدها ولا يعنى هينقص شوية حب تفكير متخلف و راجعى يعنى و محدش يتريقق و يرجع يقول متفتح وانتا باين عليك فرى ولا تربية اجنبى لان اللى بكلم فية دة ابسط معنى للبنى ادمين و يبين فعلا ان كان بيحبها ولا لا ولو عايز تخلع اخلع بنضافة لانة لو مجوزهاش يبقى دمرها و هيتحاسب جامد و مراتة اللى هيتجوزها هيكون عملت حاجة مع واحد قبلية و ممكن متقولوش و ساعتها ربنا يبقى بيعاقبة بكدة ميتهيليش ان فى حد معترض على كلامى ؟؟؟؟؟؟؟ |
السلام عليكم و رحمة الله و بركاته
انا نسيت اقول كمان ان الانسان ساعات بيختار الرحيل لانه بيكتشف ان الطرف الآخر خدعه بقصد او من غير ... و بيقول اللهم خذه بنواياه... لو قصد يبقي منه لله.. و لو لأ يبقي نتألم و نتعذب في صمت و نقول جوانا الله يسامحك..... اصلا الحب في حياة الرجل صفحة في كتاب ,, اما للبنت تاريخ كامل ... فالرجل بيقدر يدور علي صفحة تانية لكن البنت بتفضل متأثره بتاريخها... ده ممكن حتي تقرر انها عمرها ما تتجوز لو انسان وهمها بالحب و اتخدعت فيه ...و مهما كانت بتحبه و مسامحاه بردو يبقي جواها كسر رهيب جدا.... و السلام عليكم و رحمة الله و بركاته |
الحكاية دى تتوقف على نية كل واحد
بمعنى ان فى واحد بيكلم بنت عشان يتسلى وكده واكيد طالما بيتسلى يبقى هى كمان بتتسلى معاه او انه بيضحك عليها عشان تعمله مصحلة او خدمة او ورق وما يشابه ذلك وقشطه يا مان وكده والشاب فى الحالة فى دى عمره ما يفكر انه يتجوزها اصلا والحالة دى بيحصل فيها كدب وخداع وصدمات وكده ودى النهاية الطبيعية للنوع ده وانتوا عارفين حاجات كتير عنه وفى حالة تانيه انه شاب بيكلم بنت عشان بيحبها وعايز يرتبط بيها رسمى ويتجوزها بس ظروفه ما تسمحش بكده فى الوقت الحاضر ويكون معرفها كده مش بيضحك عليها ويكون فى احترام متبادل بين الطرفين وثقة وممكن يخروجوا مع بعض كل ده فى اطار الاحترام وانا ممكن اتجوز من النوع ده وفى حالة صداقة مثلا فترة الدراسة واحد بيكلم واحدة وبيخرجوا مع بعض وفسح وكلام ده ولازم يكون فى احترام ووعى ما بين الاتنين ولو حبوا بعض ممكن يتجوزا لو واحد حد التانى وراح اعترف له بحبه ممكن التانى يعمل له صدمة كبيره للاولانى الموضوع جميل ويستاهل المناقشة بس زى ما فى صبيان بتضحك على بنات ونظام تسلية وبس فى برضه صبيان محترمة جدا ومش بتاع تسليه للاسف صبيان الحالة الاولى ممكن يكونوا كتير وده اللى خلاكووا كلكم (البنات) تفكروا ان كل الصبيان كده الدنيا لسه فيها خير بس انتوا شوفوا الطيبين المحترمين وشكرا |
انا عن نفسى لو بكلم واحده فى التليفون وانا بحبها ومتاكد انها بتحبنى اكيد هتجوزها حتى واكيد مش هغدر بيها انتم ليه شايفين ان الولد لا يغدر والله طلام ما بحبها هجوزها امال انا هكلمها وايع وقتى ورصيدى حتى لية اضيعة على الفاضى طبعا ده ما يمحيش ان فى صبيان بتتسلى والله بس الى بيسلوا دول مش بيسلوا باى بنات بتكون بنات تقريبا مش محترمة لكن البنات المحترمة والله ااى حد بيكلمهم بيكون بيحبهم حتى لو كان م ضمن الشباب الى بيسلم لان عندنا البنات منقسمة الى قسمين :بنات للتسلية (غير محترمة ) / وبنات للجواز والحب(محترمه) كلمتهم فى التليفون ماكلمتهمش مش بتفرق فى سمعتهم والله كده عند الصبيان فى بنات كتير بتكلم صبيان واحنا عارفين انها بتكلمهم بس لما حد يجى يكلم عليهم بنقولة انها محترمة يعنى مش بتفرق فى سمعتها فهتم بقى عشان ما تظلموش الصبيان
|
انتوا عارفين يا جماعة أنا رأيي إن الولد لو بيحترم البنت فعلا وبيحبها عمره ما حيقكر يمشي معاها قدام الناس علشان سمعتها أما حكاية الكلام في التليفون ديه فمعرفش بتختلف من شخص للتاني وبتختلف على حسب نوع الولد يعني مثلا لو الولد يقدر يكتم مشاعره شوية ممكن يتغاضى عن حكاية الكلام في التليفون ديه وما يتكلمش اصلا علشان ما يسببش للي بيحبها اي مشاكل اما بقى لو الولد خلاص مش قادر يكتم في قلبه فبيتكلم في التليفون كبديل عن اللقاءات وساعتها لو غدر بالبنت وباعها يبقى طبعا ندل لأنه علقها بيه .... وأنا أصلا مش معترفة أساسا بحكاية التليفونات .... ولو الولد بيحب البنت بجد يدخل البيت من بابه ويخطبها أو على الأقل يقرأ فاتحة حتى علشان لما الناس تشوفهم مع بعض او يتكلموا في التليفون ماحدش يقدر يقول عليه ولا عليها نص كلمة..... بس بجد تعرفوا الموضوع ده محير جدا يعني أنا حاطة نفسي مكان الولد(المحترم طبعا) لو راح كلم البنت حتقول ده مش خايف عليا ولا على سمعتي وبيخاف لو مكلمهاش ماتحسش بيه وممكن تكون لغيره بجد حاجة تتعب بس زي ماقلت اسلم طلايق هو انك تدخل البيت من بابه ... اما بقى موضوع الشباب النذل فدول معروفين و بيبانوا حتى من طريقة كلامهم وشكلهم وأي بنت أكيد هتعرفهم وحتبعد اللا اذا كانت غير محترمة فممكن تتسلى بيهم كمان وعلى رأيك يا سو البنات الهبل انقرضوا من زمان ومعلش طولت عليكم
|
اقتباس:
بس للأسف لسه فى بنات مش حاسه باللى بتعمله ومفكره انها حاجه عقابها سهل ربنا يهدى الجميع يارب شكرا لمرورك |
اقتباس:
بس للأسف لسه فى بنات مش حاسه باللى بتعمله ومفكره انها حاجه عقابها سهل ربنا يهدى الجميع يارب شكرا لمرورك |
اقتباس:
بس تفتكرى كلهم كده لو قريتى الردود يا قمر هتلاقى ان فى شباب موافقه مدام بيحبوا بجد بس زى ما قولتى البنت هيه اللى بتتحاسب فى الدنيا وكمان فى الاخره والولد كمان بس البنت عقابها بيبقا من كل ناحيه والله ربنا يهدينا كلنا يارب ويحفظنا نورتى يا سكر |
اقتباس:
شكرا لحضرتك على الرد الجميل ده بس فى بنات بتبقا طيبه اوى وبتصدق كل حاجه واى انسان اكيد بينجرف للعاطفه بس فى فرق بين انجراف وانجراف واللى يقفل عليه الباب زى ما بتقول هيرتاح كتير شكرا لمرورك |
انا من وجهة نظري ان انا لو بحبها بجد طبعا اتجوزها بس طبعا البنت
لازم تفرق بين اللي بيضحك عليها واللي بيتكلم جد وتعرف انه انسان محترم وفعلا هينفذ كلمته معاها انا الحمد لله لحد دلوقتي ما ليش علاقات حب وكدا اخوية بس لكن البنت اللي ناوي احبها بجد هي البنت اللي هتجوزها خرجت معايا بقي ما خرجتش موش هتفرق وتعرفوا انا سمعت في برنامج ان البنت يجوز تخبي على خطيبها انها كانت تعرف حد قبله او كانت بتحب حد قبله وفي الاخر هي وجهات نظر |
اقتباس:
صح هيه وجهات نظر وبجد فعلا فى ناس كويسه والبنت لازم تفرق زى ما بتقول بين اللى بيضحك عليها واللى بيحبها بجد بس صدقنى مينفعش ان البنت تتكلم مع حد مش حلالها فى التليفون ولا حتى تخرج معاه ولا ايه الاسلام مقلش ان الحب حرام بس الحب الحلال مش اللى فى الحرام يعنى اللى بيحب حد لازم يسيبوه ده اذا كان بيحبه بجد شكرا لمرورك |
اقتباس:
فى ناس وناس وبعدين كلهم بيقولوا كده فى الاول والكلام الحلو بيتحول على راى عمرو دياب شكرا لمرورك |
اقتباس:
انت بتتكلم عن نفسك بس مش كل الناس حلوين والبنات مش بتبص للشباب بالنظريه ديه بس ده اللى فى الغالب بيحصل ان الولد هوه اللى بيخدع البنت عشان كده تلاقى الهجوم على الشباب شكرا لمرورك |
اقتباس:
هوه ده اللى انا عايزه اقوله تسلمى على ردك ده بجد شكرا لمرورك نورتى الموضوع |
اقتباس:
انا معاكى ان الموضوع ده عامل زى الطبيخ الحمضان بس لازم نقوله ونكرره ان شاء الله بكره هرد عليكى عشان مش قادره ناو |
اقتباس:
هيه ممكن تكون حاله نادره ان اتنين يحبوا بعض ويتجوزوا ولازم طبعا يكون فى ثقه بينهم بس انا مش معاك ان اللى بيعمل غلط مره بيكرروه اينعم فى ناس بتتكرر الغلط لكن فى ناس بتغلط مره وتتعلم من غلطها والا ربنا مكنش غفر لحد فينا ولا قبل توبتنا |
اقتباس:
انا شايفه انك حملت كل حاجه على البنت طب ما ممكن يتوقف على الولد سوء كان كويس او لأ ويا سيدى ربنا يديك الصحه وتيجى ترد تانى شكرا لمرورك |
دقة بدقة وان .........................زدت لزاد السقا
|
اقتباس:
بس تفتكرى يا ايمى مش هتقدر تحافظ على بيتها وجوزها بصراحه مش عارفه انتى رايك يعنى اللى بيعمل غلط عمره ما بيتغير ولا بيتغير يعنى مثلا لو اى حد خبا على اهله اى حاجه يبقا كده خلاص بقا مسجل خطر يعنى هيفضل كده طول عمره ولا ايه نورتى التوبيك يا قمر بجد ردك عجبنى جدا |
رد على الموضوع
السلام عليكم ورحمه الله وبركاته
من أصعب الفتن التى تعصف بالشباب هى فتنة الحب حيث تجد الشاب يتعلق قلبه بفتاة ويحبها بشدة ، ونراها تبادله نفس الحب ، ونجده يجلس معها يتبادلان الحديث حول الحب ، ويؤذن الامام للصلاة ، ولكن لا يلتفت الشاب له فهى أصبحت عنده أهم من الصلاة. فالمسأله مهمة جدا ، فا حذروا ان يمر الوقت منكم هدر ، فمن يقول :اننى أحاول التمتع لأننى لن أعيش الا مرة واحدة ،نعم ولكن لومت على المعصية ماذا ستكون آخرتك ؟ فمن مات على شىء بعث عليه، فقد روى عن رسول الله "صلى الله عليه وسلم " أنه قال "أغتنم خمسا قبل خمس حياتك قبل موتك وصحتك قبل سقمك، وفراغك قبل شغلك، وشبابك قبل هرمك ، وغناك قبل فقرك".فأيها الشاب لاتجعل حياتك حقل تجارب ، بأن تصاحب الفتاة سنتين أوأكثر وترى طباعها وتقول أن وجودك بالجامعة فرصة فالبنات من حولى كثيرات اما لو تخرجت فلن أقابل الا القليل من زميلاتى فى العمل وهنا يجب ان أجرب اى الفتيات أفضل ، ولكن المثل يقول : "الذى بيته من الزجاج لا يقذف الناس بالحجارة " فلا تأخد بنات الناس على سبيل التجارب لانه عندما تنجب البنات سوف يكونن تجارب للأخرين شئت هذا م أبيت ، بعلمك أو بغير علمك لانه "كما تدين تدان " أقول لك ثلاثة أشياء 1_ حديث صحيح رواه أحمد أن شابا ذهب الى النبى وقال :- يا رسول الله اذن لى فى الزنا فهم به بعض الصحابة ، فقال لهم الرسول :دعوة :- ثم قال للشاب :ادنو منى : فأقترب منه فسأله الرسول : أترضاه لأمك قال :لا قال أترضاه لأختك ؟ قال:لا قال :أترضاه لعمتك أو لخالتك او لابنتك ؟ قال :لا يارسول الله فقال له كذلك الناس لا يرضونه لأمهاتهم ولا لبناتهم ولا لعماتهم ولا لخالتهم ولا لأخواتهم ثم أقترب منه الرسول "صلى الله عليه وسلم " ومسح على صدره وقال "اللهم اغفر ذنبه ، وطهر قلبه ، وحصن فرجة ". وما أجمل هذا الدعاء ، فيقول الشاب وما كنت التفت الى شىء بعد ذلك بعد دعاء النبى "صلى الله عليه وسلم" 2_ كما تدين تدان ،فهناك قصة جميله فى بنى اسرائيل "أن رجلا صالحا كان تاجرا عندة محل ، ويسكن فى بيت من دورين ويأتى له رجل ساقيا ليسقى الماء كل يوم فتنزل زوجته من الدور الثانى تفتح الباب وتصعد مرة أخرى وبعدها يفتح السقا الباب ، ويدخل ليضع الماء فى الحوض المخصص ثم يقفل الباب ويمشى دون ان يشاهد هذة المرأة ، وظل على هذا الحال لمدة عشرين عاما وذات يوم ذهب الزوج الى المحل وجاءت له امرأة جميله ،ففتن بها ، ومسك يدها ، وهى تحاسبه وهنا تذكر ان الله مطلع عليهم فتركها ،واستغفر الله وهو يبكى واغلق المحل وعاد لزوجته وقال حدث لى امراغريب ولذلك رجعت مبكرا فردت بأنها أيضا قد تعرضت لموقف غريب ، تخيل ان السقا الذى يأتى لنا منذ عشرين عاما ، والذى لم ينظر لى ولا نظرة واحدة ،صعد اليوم ورائى للدور الثانى ، ومسك يدى ونظر لى . وبعدها تذكر الله فاستغفره ونزل فتبسم الرجل وقال : دقة بدقة ولو زادت لزاد السقا هذة هى المسأله فكما تفعل مع بنات الناس سيفعل فى بناتك . وهنا نقول لايحيق المكر السىء الا بأهله ، فيجب ايها الشاب ان تسلك المسلك الحلال وهو الزواج ، وتعف نفسك ، وترغب فى انشاء بيت مسلم وتعف أختا مسلمة وتكون عندك ذرية صالحة ، تعرف الله وتعبده وتتبع الدين الاسلامى كدة يعنى فهمتوا ردى ايه |
اقتباس:
اصل فعلا .. انا لو واحد بيتسلي .. طب وانا هاصرف ليه فلوس على خروجات وتضييع رصيد وانا كدا كدا خسران .. انا اللي اعرفه انا واحد بحب واحده يبقي خلاص .. انا ملتزم اني افضل معاها لإني حاطط هدف قدامي .. الا وهو الزواج .. او على الاقل .. ارتباط رسمي اهو على الاقل انا احسن من غيري .. فيه ناس بتتسلي وهدفها تضييع وقتها وخلاص ودا بيبقي من الطرفين .. الولد والبنت .. عشان مش الولد بس هوا اللي بيتسلي انا اعرف واحده زميليتي في الجامعة معايا وفي (تجارة القاهرة) وتحديدا في الفرقة التالته انتظام كمان وعايشة حياتها بالطول والعرض .. في سنة اولي كانت مع واحد صاحبي .. وفي سنة تانية كانت مع واحد صاحبي غير الاولاني .. طبعا دا غير انها عارفه طوب الارض !! من الاخر .. فيه مقولة مشهورة اوي بتقول ايه ؟؟ الطيور على اشكالها تقع .. وربنا قال ايه ؟؟ .. الطيبون للطيبات .. والخبيثون للخبيثات |
اولا شكرا على الموضوع الجميل ثانيا الحب لازم يكون قبله اعجاب ولو قدرت البنت تتحكم فى انجذابها او اعجبها للشاب (متوصلش نفسها لحد عمى الحب )بإنها تشوف عيوب اللى قدمها لان الكمال لله وحده يعنى لازم الشاب اللى هى معجبه بيه فيه عيوب ولازم تشوفها وتكتشفها ثالثا لو وقعت الفأس فى الرأس والبنت حبت ممكن تختبر حبه هو ليها لو كان صادق المفروض يتقدملها وطبعا اهلها على علم بالموضوع من الاول . هيساعدوه ويصبروا عليه لان دىراحة بنتهم اما لو كان بيلعب بمشاعرها يبقى تتقى ربنا فى نفسهاوفىاهلها وطبعا ده فى بداية الحب مش تقعد شهور وسنين وبعد كده تختبرحبه لا دى كده تبقى بتثبت انها هبله بالثلث اما بالنسبه للتليفون والخرجات فهي ازاي تسمح لواحد غريب بكل ده وهو بكده يبقى اثبت لها انه بيلعب لانه لو بيحبها بجد هيصونها مش هيسوء سمعتها وبعدين البنت اللى تحب لو ماجوزتش اللى بحبه لاى سبب من الاسباب واتجوزت واحد غيره اعتقد ان تفكيرها فى حببها الاول خيانه لزوجها بعيدا عن مثال موت خطيبها وشكرا ع الموضوع واعتذر على اخطاء ردى
|
انتى عارفة انى داخلة مخصوص علشان موضوعك فضلت اقول ارد .. مردش , ارد .. مردش وف الاخر رسى ع انى مردش :d بصى الموضوع متشعب لكتير احنا لو اتكلمنا ع الغدر والتسلية ف زى مافى شباب هوايتهم اللعب بالبنات وتقضية وقت والسلام ف بنات كده برضوا بس بتكون حالات شاذة لان معروف عن الشباب اكتر او الرجل عامة بالغدر والخيانة المراة وفية وحونينة (علشان انا انثى بس ف بمدحها) :d المهم الشيطان بيكون مهيأ للاتنين حالة غريبة بيفكروا ف الوقت بس واللى بيعيّشوا الفريسة اللى قدامهم فيه ميفكروش ف اى حاجة غير المتعة وتقضية الوقت وخلاص وساعات بيكون مرض نفسى ان مثلا بنت ضحكت ع ولد ف حب الولد بقى ينتقم من جنس البنى بنات والعكس كون ان البنت او الولد بقى يقولوا بحبك بحبك بحبك (حبهم برص) والليل من دونك نهار والقمر منك يغار وقيس لو عرفك كان ضرب ليلى بالنار :d وشغل الزن ده بيكون معروف اوى ومتلاحظ انا مع فامبير ف رايه مشكلة الشباب والبنات اللى بيحبوا مش بيرضوا يصارحوا اهلهم لان المجتمع بتاعنا هو اللى فارض كده لان اذا عرف الاهل هيقولوا ايه واخدة واحد لسه طالب مبيشتغلش بيصرف اهله عليه معندوش معندوش والاسطوانة المشروخة تشتغل ف بالتالى الاغلبية ان مكنش الجميع بيعمل كده بيلجئوا انهم خلاص يبقوا مع بعض وخلاص مش مهم اى حاجة تانية وبيعاهدوا نفسهم انهم يبقوا مع بعض وطالما رضيوا بكده يبقى لازم يكملوا مشوار هما بداوه مشكلة اغلب اللى ردوا بيقولوا دى ان البنت ساذجة وهبلة وبتنجرف ورا عاطفتها وان الشباب شياطين وبيتسلوا وبيلعبوا اوك بس صوابعنا مش زى بعضها بصراحة انا بكره الشباب بسبب غدرهم مبحسهمش كويسين ف تعاملهم مع البنات غداارين وممثلين لكن مع ذلك بختلف هنا مع اللى قالوا كده احنا صوابعنا مش زى بعضها بالتالى مش علشان انا وحشة او حلوة هبقى قدوة كل البنات بقى وكلهم هيكونوا كده وكذلك الشباب برضوا يعنى الاستفتاء ده اتعمل ع جروب معين مش كل بقى الناس زى الجروب ده هيكون رايهم مصدق لكل واحد راي مختلف حتى وان كان ده راى اغلب الشباب برضوا وانا مع بنزير تقدرى ترتاحى مع الموال ده كلوا انك تقفلى الباب من اوله ومتحاوليش تفتحيه لانك لو فتحتيه مش هتعرفى تقفليه لان المراة عاطفية ولو خلت عاطفتها تظهر مش هتعرف تخبيها تانى بس هى وارادتها بقى :) شكرا ع الموضوع ميرو |
طيب يا شباب لو سمحتوا ردوا لو بنت بتحب ولد بجد وبكلمة بعلم ماما وولاد عمى ومعظم قرايبى بس ولا بخرج معاة ولا موبيلات هوة قريب جرانا وبيجى بنكلم بعض من البلكونة انا عارفة انة بيحبنى مش بيتسلى بس ماما قالتلى اتاكدى اكتر من حبة واديلة رقمك ازاى اتاكد مع العلم ماما وقرايبى بيخلونى اكلمة عادى عشان عمرى ما اعمل حاجة من وراهم وكدة وهو عارف انهم عارفين
|
بصراحة الموضوع ده كبير اوى
وانا عن نفسى كنت بفكر فى الموضوع ده كتير بس وصلت لوجهة نظر اقتنعت بيها انا عاوز اسال سؤال لكل الشباب ياترى اى حد بيفكر فى خطوبة او جواز وبيقول مش هتجوز واحدة كنت بكلمها ياترى تضمن منين ان البنت اللى هتجوزها ومش كلمتها مش تكون كلمت شباب قبلك كتير ولا هيكون عادى انها تكلم شباب وانتا مش عارف وتتجوزها ومقتنع انها احسن بنت فى مصر كلها ولا تتجوز واحدة كنت بتكلمها بس بتحبها وكانت علاقتكم قدام الناس ومش دخلها اى حاجة وحشة ممكن تسئ ليكم والدافع فى العلاقة هو الحب والبنت كلمتك ووافقت تكلمك عشان بتحبك ياترى ده يكون ذنبها يا جماعة فين البنت اللى مش كلمت حد قبل كده حتقوليلى موجود حقولكم ماشى موجود بس كام بنت مليون بنت من ضمن 40 مليون انا قصدى ان الظلم وحش مش عشان خاطر واحدة امنتك على نفسها ووثقت فيه ورضيت تكلمك يبقى يكون جزائها انك مش ترتبط بيها وتقول دى مش محترمة لان انتا عندك اخوات او ام او قرايب بنات يعنى افعل ماشئت كما تدين تدان فالديان لايموت وكل واحد بيعمل اللى فى ضميره بس مش معنى كده ان لو واحد قال لبنت انا بحبك وكده خلاص تصدقه فيه شباب كالذئاب تلتهم الفرائس بلا رحمة بس انا عن نفسى لو بكلم واحدة ووافقت تكلمنى عشان بتحبنى وانا بحبها بس انا متاكد منها وهى متاكدة منى يبقى خلاص دى حتكون من نصيبى وطبعا اكيد فى مواقف تقدر تبين لكل واحد صفات التانى ومن خلالها الواحد يحكم على اخلاق التانى وكما قال الله عز وجل الطيبون للطيبات والخبيثون للخبيثات يعنى كل واحد وواحدة حتتزوج من يماثلها فى الاخلاق والصفات وده كلام المولى عز وجل |
انا واحدة صحبتي بتقولي اخويا بيحي واحدها بس مش هيتجوزها بقولها ليه بتقولي علشان وفقت تمشي معاه
|
اقتباس:
على فكرة أنا متعاطف جدا مع البنت ياجماعة زى ما فى بنات كويسة فى بنات وحشة وأنا قولت والله ممكن يكنوا بيتسلوا بصوا ياجماعة نصيحة يعنى الشباب بقى وحش قوى البنت تريح نفسها ومتديش حد قلبها |
فى حاجه دايما الولاد بيقولوها و بجد بتعصبنى اوى
يعنى ايه الولد يقول وانا ليه ارضى اتجوز واحده عرفت غيرى و حيطه مايله وايه ده !!!!! طب ما برضه انا كابنت هقول انا ليه اكلم واحد يعرف مليون بنت غيرى وانا كده هضمن منين انوا مش هيخونى بعد الجواز ؟؟؟؟؟ سواء للولد او البنت فأصلا ان ولد يصاحب بنات او العكس حاجه ملهاش اى لزمه خاااااااااااااالص مش من قله الولاد الولد هيكلم بنات و لا من قله البنات البنت هتكلم ولاد |
اقتباس:
ههههههههههههههه عجبني الرد ده اوي يا سلام لو كل الناس كده بالنسبه لتعليقي على الموضوع بأه مستحيل واحد يرتبط بوحده مشي معاها قبل كده او كلمها في النليفون واصلا اكبر غلط ان واحده تثق في شاب وفي الاخر البنت هي الضحيه وحسبي الله ونعم الوكيل في اي شاب يضحك على وحده ولو حتى بكلمه |
ملهاش علاقة صراحة بالموضوع
فيه جوانب تانية تحكم عليها بس صراحة العيب على الاتنين الولد و البنت لو هتحكموا بالعدل و يمكن الولد غلطان أزيد سنّة المفروض يوقف أى حاجة من النوع ده و هى فى الأول عمومًا كل شىء نصيب |
| جميع الأوقات بتوقيت GMT +2. الساعة الآن 05:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.