|
سؤال سهل يحتاج اجابة
بسم الله الرحمن الرحيم طبعاً كلنا عارفين ان عدد مستويات الطاقة 7 مستويات بس حلو وعارفين كمان ان الالكترون لما بيكتسب طاقة بينتقل الي مستوي اعلي طاقة من المستوي اللي كان فية وبذلك تصبح الذرة غير مستقرة (( مثارة )) اصلي ؟ في سؤال بقا في الحتة دي ممكن ؟ السؤال بيقول : لو احنا افترضنا ان المستوي الاول ( k ) طاقتوا ب ( 10 ) والمستوي الثاني (l ) طاقتوا ب (50 ) والالكترون موجود في المستوي الاول اللي طاقتوا ب (10 ) (((( واحنا عارفين ان كدة لو الالكترون اكتسب كم مقدارة ( 40 ) ينتقل من المستوي الاول الي الثاني ))) طب الالكترون اكتسب (10 ) كم بس , يبقي اية اللي هيحصل للالكترون ؟؟؟؟؟؟؟؟ ارجو الرد سريعاً |
اقتباس:
لو اكتسب الالكترون 10 او 20 او حتى 39 لا ينتقل من مكانه ( حسب الارقام التوضيحية المعطاة) لا يتحرك الالكترون من مستواه الاصلى الا اذا كانت طاقته مساوية لطاقة المستوى الاعلى( 50) وهنا لا يتحرك الا اذا اكتسب كم مساوى 40 لكى تصبح طاقته 50فينتقل الى المستوى الثانى الذى طاقته تساوى 50 بالتوفيق |
لا ينتقل لان لكي ينتقل الي مستوي اعلى لابد ان يكتسب كما من الطاقة مساويا لفرق الطاقة بين المستويين
|
اقتباس:
الف شكر لا جابة حضرتك كدة بدأنا نفهم انا بردوا لسة عايز اعرف ال ( 10 ) كم دول ممكن يعملوا اي حاجة في الالكترون ؟ ولا هما هيكونوا كانة ما اكتسبهمش اصلاً ؟ ولا في اي احتمال تاني ؟ |
هيزيد من سرعته فقط
|
اذا اكتسب الالكترون طاقه اقل من طاقة الكم المطلوب (اللى هو الفرق بين المستويات) لن نتقل الالكترون من مستواه الاصلى الى مستوى اعلى ولكنه يظل فى مداره
وتزييييييييييييييييييييييييد سرعته وطاااااااااااقته فى مستواه الاصلى بس زى ما المستر قال والماجيك كمان |
شكرا ليك جدا يا امل |
العفو ياباش مهندس
|
يا ريت لو اي حد عندو اي وجهه نظر تانية يقولها ولكم جزيل الشكر |
انا رايي ان الاللكترون هيوجد بين المستويين ومش هيوصل للمستوى المطلوب لان زى ما انت درست الالكترون بيتحرك فى سحابة الالكترونية يعنى مش معقول هياخد طاقة وهيفضل فى مكانة داه حسب ما انا فاكرة يعنى وربنا يوفقك
|
شكراً ليكي جداً يا هانا مونتانا وبما انك دكتورة وصيدلة يعني انتي كنتي توب في الكيمياء والاستاذ فيكتور بردوا توب في الكيمياء طب انا اصدق مين ؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
يا صيدلانية المستقبل ده انتى كده دمرتى علم الكيمياء -- بين المستويات توجد فراغات محرم تماما على الالكترون ان يتواجد فيها-- ولا ننسى المستويات الفرعية التى تتواجد داخل المستويات الرئيسية |
حضرتك اكيد عارف اكتر مننا يامستر
بس انا فعلا في حاجة مش فاهماها مش معادلة شرودنجر معناها ان مش في اي منطقة محرمة على الاكترون وده بينفي كلام العالم بور وفي نفس الوقت مش هينفع ينتقل لمستوى طاقة اعلى غير لما يكتسب الكم كامل لان الكم لايتجزا |
انا بقول طبعا انه لن ينتقل
بس الباشمهندس قال 10 كم والمفروض تقول كم مقداره10 لان الكم لايتضاعف ولا يتجزا |
اقتباس:
|
اقتباس:
ربنا يوفقك ابنتى وعلى فكرة فى الصيدلة ستدرسى عضوية وتحليلية بكمية هائلة |
وبما ان اختلاف الرأي لا يفسد للود قضية فاحنا مش عايزين خناقات ومعلش يا البنت المصراوية انا لسة داخل تانية ودا اول درس خدتوا فما تدققيش اوي عليا يعني وعايزين واحد جامد من الكيميائيين يكتبلي اجابة نموذجية تنفع تتكتب في اجابة السؤال ولكم جزيل الشكر |
ذا اكتسب الالكترون طاقه اقل من طاقة الكم المطلوب (اللى هو الفرق بين المستويات) لن نتقل الالكترون من مستواه الاصلى الى مستوى اعلى ولكنه يظل فى مداره
وتزييييييييييييييييييييييييد سرعته وطاااااااااااقته فى مستواه الاصلى بس زى ما المستر قال والماجيك كمان والله يا باش مهندس انا سالت المستر بتاعى ومستر عبد الوهاب وقالولى الاجابه دى صدقنى |
لا ينتقل و اكن يزيد فقط من سرعتة لان الكم لا يمكن مضاعفتة او تجزءتة
اى لا يوجد 2 كم او 3 كم و مشكور على السؤال :p |
خلاص انا هاخد اجابتك يا امل وماشي يا عمر عادي طلعلي لسانك طلع |
مش عارف ليه حاسك متضايق انى الالكترون مش هينتقل
هتفرق ايه معاك يعنى وبعدين السؤال دا مش سؤال ثانوية عامة عموما لو جالك فى الامتحان اكتب بالنص اللى مكتوب فى الكتاب وهو لاينتقل الكترون من مستوى طاقته الأصلى الى مستوى اعلى إلا اذا اكتسب كما من الطاقة يساوى الفرق بين المستويين فى الطاقة وسلام عليكم |
هذه قاعده
اذا اكتسب الالكترون كم من الطاقه تمكنه من الانتقال الى مستوى اعلى فى الطاقه فينتقل اذا اكتسب كم قليل لا يمكنه من الانتقال يظل مكانه اذا اكتسب كم كبير جدا جدا من الطاقه فيخرج الالكترون خارج الذره و تتأين الذره |
جامدة اجابتك الاخيرة اوي يا ماجيك وكمان القاعدة اللي انتا ذكرتها حلوة جداً بردوا يا ميمو |
شكرا ليك جدا يا باشمهندس علي عرضك للموضوع
وطبعا غجابة استاذنا العزيز الاستاذ فيكتور صح طبعا وعلشان تفهم ان مفهوم السحابة الالكترونية لم يلغي ابدا مفهوم تحريم غنتقال الالكترون بين المستويات الرئيسية ولكنه ينص علي احتمال وجود الالكترون في اي مكان تابع لنفس المستوي الرئيسي |
شكراً لمرورك جداً يا استاذ محمود عبد القادر |
من الممكن أن ينتقل إلى مستوى فرعى مناسب فى الطاقة فى المستوى الرئيسى الثانى وليس علينا هذا السؤال
أما إذا زادت سرعة الإلكترون كما قلتم ستزداد القوة الطاردة المركزية ويبتعد عن النواة حتى تتساوى القوة الطاردة مع القوة الجاذبة |
اية يا جدعان هوا السؤال صعب اوي كدة ؟ 100 اجابة وانا والله فعلاً محتار بجد |
لا ينتقل الالكترون الي مستوي الطاقة ولكن تزيد سرعة الالكترون |
السؤال ساهل والاجابة وصلتك وواضحة كمان ف نص الكتاب
بيقولك ان الاكترون عشان ينتقل لازم يكتسب طاقة = الفرق ف الطاقة بين المستوين اللى هيتنقل بينهم يعنى على الارقان اللى انت كاتبها يبقى الكم اللازم عشان ينتقل = 40 ولو اكتسب اقل من ال 40 دول هتزداد سرعته واما حكاية السحابة الاكترونية بتاعت شردودنجر دى معناها ان الاكترون اثناء دورانه حول النواة بيدور بشكل بيعمل حاجة زى سحابة يعنى مثلا لو تخيلنا ان المستوى اللى بيدور فيه دائرة هيبقى غلط لازم تتخيله شكل كروى يعنى كان المستوى عبارة عن كرة ومركزها النواة وهو بيدور على احته على سطح الكرة دى يا رب تكون فهمتنى |
اذا أكتسب الالكترون طاقة أكبر من الكوانتم فانه يترك الذرة أى تتحول الذرة الى ايون موجب وتسمى الطاقة التى اكتسبها الالكترون بجهد التأين
أذن ايهما أكبر الكوانتم أم جهد التأين وكذلك ما الفرق بين الذرة المثارة والايون الموجب |
لا يتحرك الالكترون من مكانه لانه يلزم لانتقاله اكتساب كم من الطاقة يساوى طاقة المستوى الذى سينتقل اليه
اى لن يتحرك اذا اكتسب كم من الطاقة اقل من 50 |
متهيألى ان سرعة الالكترون هتزيد وهو فى نفس المستوى بتاعه
|
| جميع الأوقات بتوقيت GMT +2. الساعة الآن 01:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.