|
تنتقدنى ..........اذا تكرهنى
ازيكم ياشباب كيف الاحوال يارب يكون كل شئ تمام موضوعى النهارده عن وجهه نظر ناس كتير اوى تنتقدنى .........يبقى انت بتكرهنى كتير مننا اوى مابيتقبلش نقد الغير ليه وبيشوف ان الفعل دا يبقى ناتج عن كره ليه او حاجه مشابهه اكيد دا غلط اكيد اللى بينتقدنى دا مش بيكرهنى ولا حاجه بصراحه انا مش كل نقد هقبله من اى حد فى نقد بقبله بصدر رحب وعاادى جدا وبحاول كمان ان ابعد عن النقطه دى واشوف اللى ادامى بينتقدنى فى ايه واصلحه لكن فى نقد مااقبلوش لان بيبقى الغرض منه النقد لمجرد النقد زى ماتقولوا كده حد بيقلل من شأنك وبس بينقد نقد هدام مش موضوعى دا مش نقطتنا ولا دا اللى هنلتفتله انا كلامى عن النقد الايجابى الموضوعى ليه ناس كتير مننا مش بتتقبله ليه بنشوف ان اللى بينتقدها دا بيكرهنا ليه مابنقلش انه عايز مصلحتنا انا احيانا بستغرب ازاى ناس عاوزه مصلحتك وبتقولك على حاجه عملتها غلط وبتنتقد تصرف عملته وتقولهم انتو بتكرهونا والله النقد ممكن يكون سبب مشكله بين اتنين بصوا ياجماعه مش هطول عليكم هل بتتقبلوا النقد من الناس اللى حواليكم؟ هل اللى بينتقدك دا بيكرهك؟ امتى تتقبل النقد وامتى لا؟ كام مره حد انتقدك وقبلت نقده ليك وحاولت تصلح نفسك؟ معلش معرفتش انظم التوبيك كويس بس عامة اكيد الفكره وصلت عاوزه اشوف ردودكم ياشباب |
اقتباس:
وحاجه مهمه أوي لأن في ناس كثير بتزعل وممكن تشيل من اللي بينتقدها ولو عرف اللي يقصده اللي قدامه لزاد حبه ليه وبشكرك تاني على التوبيك الرائع |
الشفق الباكي
موضوع متميز واسلوبه راقي ذكرتني بالمثل الفرنسي نحن نلح على اصدقاءنا ان يخبرونا بعيوبنا 00ولكننا لا نغفر ابدا لذلك المجنون الذي يفعل ذلك وقول ينسب الى الامام على رضي الله عنه اذا رضيت الدنيا على انسان اعارته محاسن غيره واذا ولت عنه سلبته محاسنه النقد والنصيحة احجار ثقيلة ما أسهل ان نلقيها وما اصعب ان نتقبلها الا من رحم ربي |
لا بالعكس دا فى الغالب لما حد بينقد حد ده بيكون لمصلحته
دا حتى بيقولوا يابخت من بكانى وبكى عليا ولا ضحكنى وضحك الناس عليا وانا عن نفسى بحب اعرف اراء الناس فيا وايه الصفات الوحشه الى فيا علشان احاول مااعملهاش اما بالنسبه للناس الى بتشوف الى بينتقدها ده بيكرها ممكن يكون عندها حق فى بعض الاوقات لان ده ممكن يتوقف ع الشخص الى بينقد نفسه واسلوبه وع العموم شكرا ع الموضوع |
اقتباس:
والحمد لله انك فرحتى ان حد وجهلك انتقاد فى مصلحتك لان فى ناس كتير جدا بتكره حد ينتقدها مهما كان قريب منها اسعدنى مرورك وميرسى لرأيك |
اقتباس:
دى طبيعة البشر نورت التوبيك واسعدنى مرورك وردك |
اقتباس:
لكن مش كل الناس نقدر نتقبل منها النقد ومش باى طريقه ميرسى لردك نورتى ياقمر |
موضوع جميل جدا بجد
جزاكي الله خير عندك حق في كل الكلام بس النقد الموجه بحب بيكون ظاهر طبعا و مبيكونش اسمه نقد ممكن نقول عليه توجيه تصحيح .... انا بحب جدا ان حد يقولي على غلطي و يقولي اغير حاجة غلط بس طبعا في نقد بيكون باين اوي ان دا ممكن تكون ( غيره _كره...) بتحصل كتير جدا و بكون باينه طبعا |
النقد مطلوب ولولاه ما اصبح سلوك الإنسان قويماً
فمن النقد ينصلح حال الانسان وياحبذا لو كان النقد من انسان يحبك ويخاف عليك ويريدك أن تكون أحسن الناس |
اقتباس:
وجزاكى الله خيرا |
اقتباس:
واكيد رأيك صح جزاكى الله خيرا |
السلام عليكم بجد موضوعك متميز يا دكتورة ودا مش جديد عليكى ربنا يكرمك يارب موضوعك دا بيفتح ملف تانى يا دكتورة اتا بعتبر النقد بصفة عامة = الصراحة ودا طبعا رأى الشخصى وكان عندنا مادة فرعية السنة دى علم نفس والدكتور قال كلمة علقة اوى فى دماغى الصراحة هى اقصر الطرق للوصول للهدف ومن الاخر لو بصينا لمفهوم الصراحة واهمية تطبيقها فى حياتنا هنلاقى انها اقرب الطرق لحل مشاكلنا واسهل الوسائل للوصول لقلوب الناس طبعا فية ناس بتقول اية يا عم الى بتقولة دة دا انت لو رحت قولت لواحد اى حاجة فية هيقولك انت بتكرهنى زى ما انتى بتقولى وفعلا كلامك صح طيب لية صح ولية الفكرة دى عند الناس ؟؟ فى الجزء دة لو بصينا للناس هنلاقيهم بيتقسمو لـ 3 انواع انا كنت شفت موضوع فى مكان تانى بيتكلم على حاجة زى كدة وكان فية الجزء دة وفعلا اقتنعت بية جدا المهم هقول الى انا اقتنعت بية لو بصينا للبشر هنلاقى البشر 3 انواع اول نوع صريح جدا والفئة دى صريحة تماما حتى لو كانت الصراحة هتسبب احراج البعض وكمان بيعتبرو ان المجاملة ولو بشكل طفيف هى نفاق !!!!!!!!!! تانى نوع صريح بس مجامل شوية ودول نظرتهم اننا لازم نعامل الناس زى ما احنا عاوزين انهم يعاملونا ( حب لاخيك ما تحبة لنفسك ) ورايهم ان الحياة متنفعش تستمر بدون شوية مجاملة لان الصداقة متستمرش لو مجاملتش صديقك رايهم ان مفيش مانع من المجاملة لو نتايجها هتكون مرضية !!!!!!!!!!!! تالت نوع مجامل جدا والنوع دة ميعرفش حاجة اسمها صراحة راية ان عشان تنجح فى الدنيا دى لازم تجامل كل الناس الى حواليك وبيشوف ان الصداقة دى حاجة وحشة وقلة ادب يعنى من الاخر طبعا كل الكلام دا الناس فاكرة انة خارج الموضوع لا والله هوة دة الموضوع كل شخص حسب الفئة الى هوة منها بيكون رد فعلة ناتج عنها طبعا التلات فئات الى فوق دول انا مش معاهم كلهم لان كلهم عيوبهم واضحة جدا الاول شايف انة لو جرح الناس اهون علية من انة يجاملة وشايف ان المجاملة نفاق التانى شايف ان المجاملة مفيش منها مانع لو هتجيب نتايج سعيدة وطبعا المجاملة تعتبر نفاق التالت دا النفاق ذات نفسة بمعنى ان انا لو صريح جدا ( النوع الاول ) الى هيجى يقولى عيوبى عمرى ما هزعل منة بالعكس هحبة اوى بس لو حد جية يشكرنى على حاجة هفتكرة منافق !! يعنى كل فئة رد فعها ناتج عن تفكيرها هيا الى بتستخدمة يارب يكون قصدى وصلك يا دكتورة بس بجد موضوع متميز والله شكرا على الموضوع يا دكتورة فى رعاية الله |
اقتباس:
بس نجيب منين اللى يفهم ان النقد مش كره بالعكس دا نابع من اهتمام اللى ادامى بيا دا طبعا بعيدا عن النقد اللى الغرض منه الحقد او غيره منور التوبيك مستر هانى وثانكس لرأيك |
اقتباس:
ميرسى لرد حضرتك جزاك الله كل خير بس احب اضيف جزئيه ان كل ماكان نقدنا باسلوب كويس او اسلوب قريب من اللى هننتقده دا هيخليه نوعا ما يقبل النقد دا او على الاقل مش هيشوفه هجوم |
الموضوع حلو
لكن احلى منه اننا نعتبر ان النقد بيلفت نظرنا لنقط ضعف معينة عندنا ولو كان غير مفيد ف رأينا مفيش مانع نحسن الظن بالناقد ربما اناه بيحبنا لدرجة انه مش عايز اي غلط عندنا دي وجهة نظري |
بارك الله فيك
موضوع جميل اشكرك عليه تقبل مرورى |
موضوع جميل جداً يا دكتورة فى مبدأ كدة حلو انا بحب اتعامل بية إية هوا ؟ انا اقبل الناقد والحاقد فالناقد يهدى الى عيوبى والحاقد يزيد من إصرارى .. وقال أمير المؤمنين عمرو بن الخطاب رضى الله عنة || رحم الله إمرئ أهدانى الى عيوبى || والنقد فعلا زى ما قلتى حضرتك لازم يكون موضوعى وبناء لان غير كدة بيبقى مش نقد لا بيقى نوع من التوبيخ فى رعاية الله .. |
النقد وسيلة بناءة وايضا وسيلة هدامة زى ماحضرتك اتفضلتى ووضحتى يادكتورة
وشئ جميل فعلا ان الانسان يلاقى حد ينتقده ويوجهه للافضل لان فى الحالة دى هيكون متاكد ان هو محبوب وفيه ناس خايفة عليه وعاوزة مصلحته اما بالنسبة للناس اللى متتقبلش النقد فهما بيكون عندهم جمود فكرى وتطرف فكرى بمعنى ان هو مش بيتقبل اى نقد وان رايه هو اللى صح وان هو مبيعملش حاجة غلط بالرغم من ان الانسان اللى بينتقده ممكن يكون عنده ادلة وبراهين على صحة نقده واى انسان عادى عنده مرونة فكرية هيتقبل النقد اما بالنسبة لاسئلتك هل بتتقبلوا النقد من الناس اللى حواليكم؟ نعم اتقبل النقد من كل انسان فى حالة اذا كان بينتقد لشئ يستحق وليس نقد لمجرد النقد هل اللى بينتقدك دا بيكرهك؟ بالعكس اكيد اللى بينتقدنى عاوز مصلحتى والا مكنش انتقدنى ووجهنى للصح اما على الجانب الاخر النقد لمجرد النقد فده بيكون اثباط للعزم امتى تتقبل النقد وامتى لا؟ النقد البناء ....... النقد الهدام كام مره حد انتقدك وقبلت نقده ليك وحاولت تصلح نفسك انا تم انتقادى اكثر من مرة ولكن ليس بالكثير وكان رايهم صح |
موضوعك جميل أوى أوى
أنا أعرف ناس بتتضايق أوى لما حد بينتقدها بس مش عارفه ليه هوا طبعا فى نقد مش ممكن نتقبله...امتى؟ لما يكون فى حاجة مش فينا أو فى سلوك مش بنعمله مشكوووووووووووووورة جدا على موضوعك |
اقتباس:
وفعلا النقد كتير بيلفت نظرنا لنقط ضعف موجوده فينا او غلط احنا عملناه علشان كده لازم ناخد بالنا منه كويس ونفكر فيع |
اقتباس:
وميرسى لرد حضرتك نورت التوبيك |
اقتباس:
وفعلا مبدأ جميل ان النقد من اللى بيحبونى بيعرفنى ايه الغلط فيا ومن اللى بيحقد عليا بيخلينى اقول انا هبقى الاحسن حتى لو نقده دا مجرد كلام وحقد وبس نورت التوبيك كتير وميرسى لرأيك |
اقتباس:
اسمع الناس هى اللى شايفاك ماهو انت ازاى تحكم على نفسك يعنى هتعمل غلط وانت عارف انه غلط وبجد احييك على وجهه نظرك نورت التوبيك وميرسى للرد |
اقتباس:
وميرسى لردك ياجميل |
بصى انا حصلتلى مشاكل كتيره بسبب الموضوع ده
تلاقى واحد عارض تصميم ليه مثلا فى اى موقع من المواقع و من البديهى ان الأنسان يعرض تصميمه علشان الناس تقول النقد بتاعها و توضح عيوبه علشان يتقى العيوب دى و تصميماته الجديده تبقى احسن ده المفروض انما اخينا ده يحطه علشان الناس تفضل تشكر له فيه و لما حد يقوله على نقد تلاقيه اتعصب و على استعداد انه يفجرك انت و الرد بتاعك المهم اسف على الأطاله وشكرا على التوبيك فى رعاية الله |
هل بتتقبلوا النقد من الناس اللى حواليكم؟
ايوه طبعا اقبل النقد لما اكون شايفه الحاجه ديه فيا فعلا مش لمجرد انى مختلفه عناللى بينقدنى فبينقدنى هل اللى بينتقدك دا بيكرهك؟ اكيد لا امتى تتقبل النقد وامتى لا؟ هقبل النقد البناء اللى هيخلينى احسن وهرفضوا لما يكون نقد للنقد ذاته مش للتغير لاحسن وغالبا اصحاب النقد ده بيعتبروا اى اختلاف عنهم حتى فى الراى عيب وبينقدوكى فيه كام مره حد انتقدك وقبلت نقده ليك وحاولت تصلح نفسك كل مره كان كلام اللى بينتقدنى صح قبلته وصلحت من نفسى |
اقتباس:
بجد انا دى اكتر حاجه بتستفزنى ان حد يقول للناس اتفضلوا قولوا رأيكم وبمجرد ماحد ينتقده او يقوله فى حاجه مش عجبانى يثور ويعملها مشكله وكأن الشخص التانى ادا لنفسه حقه مش من حقوقه بالرغم انه هو اللى قايل للناس اتفضلوا قولوا رأيكم ميرسى لمشاركتك ورأيك نورت التوبيك |
اقتباس:
ميرسى ريهام لمشاركتك وردك اللى نورنى واعتقد اى نقد بناء مش يزعلنا بالعكس المفروض نفرح لما نحس انى فى حد بيتمنى ان احنا نكون على طول الافضل |
سلام عليكم
النقد فى حد زاته حاجة مش كويسة عند بعض الاشخاص انما النقدية مصطلح بيحبه كل الناس :d ====== المشكلة نفسها بتكون فى الشخص المتبنى فكرة النقد هل بينقد بأدب واللا بينقد بكل وقاحة كالمعتاد يعنى اى انسان فى الدنيا بيقبل النقد بس بطريقة ميحسش بيها انه نكرة فى زمن المعرفة عن نفسى بقبل النقد جدا لما بيكون بطريقة كويسة وليس على غرار سمك لبن تمر حنة اما لو كان بطريقة مش كويسة فمش بتقبل اللى ادامى لانى بنتقده بسبب نقده لانه متكلمش بطريقة منمقة ومزركشة من الاول بس فى كتير اوى من الناس مبيحبوش النقد او بمعنى اصح ماشيين بمبدأ " انت مين علشان تنتقدنى "! انا بصراحة مكنتش داخل علشان ارد على الموضوع :d انما كنت داخل علشان اقولك حمد لله على السلامة ونورتى المنتدى من تانى :d دمتم فى رعاية الله |
| جميع الأوقات بتوقيت GMT +2. الساعة الآن 07:07 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.