|
" ملموم " شخصية بكار البديلة رمضان 2009
" ملموم " شخصية رمضان 2009 بدل " بكار " و دى الأغنية ملموم من صغر سنه عارف معنى أنه من يومه و هو كلب فى بلدنا و ابن كلب اتخرج خد شهادة و جيشه غصب عنه من يومه و هو كلب فى بلدنا و ابن كلب من يومه و هو كلب فى بلدنا و ابن كلب ---------------------- اصحابه كتير كتير و كتير عنده واسطة اتخرجوا لاقوا شغل لو حتى جوه بوسطة و اتجوزوا بدرى بدرى و هو جاتله جلطة ملموم لا عارف يسافر و لا جوه قادر يعافر ملموم لا عارف يسافر و لا جوه قادر يعافر -------------------- الشغل كتير كتير ده كلام البيه الوزير ملموم اهو ضاع و مل و اتمرمط جوع و ذل و لا نافعة ابنى بيتك و لا حتى آى سى دى إل ملموم ولع فى نفسه يمكن ده يفك حبسه ..... ملموم ملموم ولع فى نفسه يمكن ده يفك حبسه ..... ملموم -------------------- ملموم من صغر سنه عارف معنى أنه من يومه و هو كلب فى بلدنا و ابن كلب اتخرج خد شهادة و جيشه غصب عنه ملموم ولع فى نفسه يمكن ده يفك حبسه ملموم اهو ضاع و مل و اتمرمط جوع و ذل أتمنى ان الشخصية تكون عجبتكم و تكون أكثر واقعية من سى الأستاذ بكار أفندى |
ايه دا يابني
دانت بوظت الشخصية خالص وبعدين ايه الدافع ورا انك تكتب هذا الكلام لازم في سبب ؟؟؟ وبعدين لما حد يتدخل ويقرأ القصيدة ... ويلاقي الشتايم دي هيقول ايه ؟؟؟ ... خلاص مش عارف تلاقي شتيمه عسوله شوية عموما وبعيد عن الحوار اللي دخلت فيه لو شيلنا اسم ملموم .. وحطينا اسم الشخصية اللي انت تقصدها أعتقد هيكون أفضل ... بدل ما واحد زي يستغرب من اسم ملموم دا الا صحيح يعني ايه الاسم ؟؟؟ بس ف انهاية عندك حق ف كل كلمة قولتها لان دا بجد حال كل شاب بيفكر ... بيفكر بس انه يبقي حاجه ف الزمن دا تسلم الايد اللي اخرجت هذا الكلام وتسلم لينا كلنا |
بجد جامده اوى يا بندق
وعمل جديد لكنى مش مستغرباه خالص واسم ملموم اسم جامد والله ...بس ياترى دى جايه من(يلم نفسه) ولا حاجه تانيه دائما بتمتعنا بمواضيعك المميزه ويارب مش تتأخر علينا وتنزلنا موضوع تانى قريب |
قصيدة جميلة وفعلا عندك حق فى كل كلمة وواضح إنك مليان وشايل قوى بس ما كنش فيه داعى للشتايم دى :blush: أقولك المهم إنك قولت إلى جواك وأرحت مش مهم بقى وربنا يصبرنا على إلى بيحصل فى البلد دى طيب دلوقتى إحنا هنسمع على الفطار ملموم بدل بكار :d يبقى كدا مش هيبقى لينا نفس نفطر يلا كله يوفر بجد جميل الكلام ودائما فى إبداع :) ربنا يوفقك |
اقتباس:
لسه فيها اداريين بيحبوها و لسه فيه ناس بتفكر فيها و عايزاها احسن بلد انما احب ابشرك انهم خلصوا و البلد دى خلاص ما عادتش للى زيى عيش فيها و انا مش كاتب الكلام عشان حد يواسينى و لا يهون عليا عشان اللى هيهون عليه يبقى بيهون على الاقل على 20 مليون شاب حالهم من حالى و من حالنا كلنا و فى عز ده يطلعلك سى الاستاذ بكار فى البلد الوردى و المعزة اللى بتفهم و الأشرار و الكلام الفاضى ده و الله حاجة تنقط سيبك من ده كله بقى نورت الموضوع يا باشا |
اقتباس:
و الاسم ده كناية عن الشاب اللى من كتر اللى شافه اتدغدغ و بقى مية حتة و عشان لسه عايز يعيش لم اللى باقى من أحلامه و شخصيته و إرادته فبقى اسم ملموم |
اقتباس:
و معلش على جرعة النكد دى بس و الله حاجة تفقع اللى بيحصل و اللى بنشوفه فى بلدنا ده |
يالهوى يا بندق
دى الردود نكدت عليا اكثر من الموضوع نفسه مش انت اللى نكدت علينا اللى حاصل فعلا حاليا هو السبب للحاله اللى بقى فيها الجميع وبعدين 20 مليون شاب بس ده العدد اكبر من كده بكثيييييييير وبعدين الكل تعبان مش الشباب بس ربنا يعينا جميعا وربنا على الظالم |
لما دخلت ولاقيتلك موضوع قلت حلو هطمن عليك
انا بقى اتخضيت عليك فوق ما تتصور كلامك صعب اوووووووى وكله تشاؤم بجد مش عارفة اقولك ايه انا مش فى ايديا حاجة اعملها غير انى ادعيلك ان ربنا يوفقك ويسعدك ويديك كل اللى تتمناه عشان حضرتك بجد تستاهل كل خير ورمضان كريم وكل سنة وانت طيب |
معلش يا بيبو انتى و هدير
هى مصر بقت كدة بقت كلها ملموم خلاص بجد الشباب تعب و انا واحد من الناس اللى تعبت من الظلم و القهر اللى شوفته فى البلد دى بس نرجع و نقول بلدنا و بنحبها حتى لو كانت ايه مصر امنا و صعب حد يكره امه |
ربنا يوفقك عشان حضرتك تستاهل كل خير |
مهمــوم من صغر سنه عارف ايه معــــــني إنه من وكسة حظه مصري والنحس جواه بيـــسري :d مهموم رااااااراااااااا رااااااا مهموم راااااارااااارااااا تين تين تين تين دي مش تبع الموسيقي علي فكرة دي علي سبيل كده :redface: قلبت علينا المواجع قلب ياعم قلب هيا جت عليك :d تسلم ايدك يابندق والله مبدع دايما وأبداً تقبل مروري يافنان :) |
جميييييييييييييييل
|
اقتباس:
ربنا يخليكى و ميرسى جدا على المرور العطر |
اقتباس:
مرورك على الراس يا أغلى صاحب و أحلى أخ و المواجع مش عايزة حد يقلبها يا احمد عشان تدوب فينا لو حد دايب فى التانى يبقى احنا اللى دايبين فى المواجع و معجونين مواجع اللهم أهلك الظالمين بالظالمين و أخرجنا منهم سالمين |
اقتباس:
شكرا لمرورك نورتنى |
بجد كل مواضيعك مميزة
وبتعبر عن واقع عايشينه للاسف ربنا يصبرنا ننتظر جديدك والــــــــــــــى الامــــــــــــــــام دائمـــــــــــــا |
ميرسى يا فرى أنجل على التعقيب الجميل
و الشهادة دى شهادة اعتز بيها منك و كون انى بعبر عن واقع الكل عايشه دى موهبة من ربنا أتمنى انه يديمها نعمة عليا ميرسى لمرورك |
أولا :: أنا مش موافقك ع المعني ...والغرض هو الحال مدهور في البلد لكن باليأس دا بجد مش هنقدر نعمل حاجة انت ممكن يكون معاك سلاح وتقدر تطور البلد بعقلك ممكن ف يوم يبقي بشعرك بس ازاي لازم نحاول ونحاول ونجتهد ف دراستنا عشان نقدر نعيش ونعمل حاجات للمجتمع ثانيا:: عجباني الابيات لكن التشائم بجد مش عجباني خالص ربنا يوفقنا ونقدر نعمل حاجة للمجتمع بس بتفاؤل |
اقتباس:
ميرسى يا تسابيح على التشريف بالمرور بس تعرفى انى كنت من رواد النظرية دى و اللى بتقول اننا لازم نتفاءل و نبص على نص الكوباية المليان بس صدقينى مش نافعة انا عملت كدة و قولت هبدء بنفسى و بدماغى بس الواقع بيصدمك بكمية مطبات و فى الاخر مش بس ما بتنجحش دا انت كمان ممكن تخسر و تخسر كتير يلا هى وجهات نظر و الأهم انك شرفتينى بكلامك و اهتمامك |
انت عارف يا أحمد
انى بحبك أوى وفكرك الراقى بيعجبنى وأشعارك جميلة معرفش ليه أول حد بدور على مواضيعه اول ما ادخل المنتدى هو انت يمكن لأن جواك تونز حزينة شوية وبتفكرنى بحاجات أنا عايز انساها وببقى متخيل انى نسيتها فعلا بس أول ما بشوفلك حاجة بتتقلب الدنيا من تانى عليا بعيدا عن كل الكلام دوت انت موضوعك رائع كالعادة تسلم |
يا أخى دايما بترد فى مواضيعى رد أجمل من الموضوع
و دايما كلامك بقف قدامه عاجز عن الرد بجد يا صاحبى انت من الناس اللى بستنى ردها و تعليقها بجد و شرف ليا انى اكون من الناس اللى انت بتدور على مواضيعها ميرسى كتير ليك يا عندليب و يارب تفضل مواضيعى عاجباك |
| جميع الأوقات بتوقيت GMT +2. الساعة الآن 01:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.