|
هو يبقى كدا رمضان !
السلام عليكم ورحمة الله وبركاته كل سنة وأنتوا طيبين أنا عارفة إن شهر رمضان شهر جميل وضيف خفيف وتقريبا هو الشهر الوحيد إلى بنرجع فيه لكل عاداتنا الجميلة والفرحة بتملى كل بيت مسلم لكن كمان فيه بعض السلبيات إلى إتعودنا عليها آه إحنا مش بنشوفها على إنها سلبيات بس بتغير من طعم الشهر شوية وبتخلينا نعمله حساب كبير وهو أصلا شهر ربنا أكرمنا بيه علشان نغتنمه مش ننشغل عنه أسيبكم دلوقتى مع القصيدة ويارب تعجبكم بسم الله الرحمن الرحيم هو كدا يبقى رمضان ! يلا قوام جبلنا فوانيس قبل ما يبدأ شهر الصوم علشان يفرح بيها أطفالنا ما هو جارنا جابها من كام يوم ماتنساش تروح للبقال وإدفع مقدم للجزار والفكهانى وبتاع الخضار وهات معاك ياميش رمضان وهات معاك ........... ولا أقولك كفاية كدا تمام فات من رمضان أيام والراجل جيوبه نضيفه من كتر الطلبات مش قادر ينام هو بكدا يبقى رمضان ؟ مش بذمتكم حرام ! وعلى المكتب فى الشغل ينام مش هشتغل أنا تعبان يا جماعة دا شهر صيام يرجع البيت مليان لحمة وحلويات وخضار أعملى كله على الفطار دا أنا صايم طول النهار والهانم فى المكتب مطبخ ومقضياها كلام عن برامج ومسلسلات والفوازير كانت زمان هو فيه أجمل من شريهان والبيه نايم باقى اليوم والهانم شغالة تليفون مش بتسلى صيامها الهانم هو بكدا يبقى رمضان ؟ مش بذمتتكم حرام ! وبقينا فى النص التانى من شهر الخير والقرآن عايزين نعمل كحك العيد وكمان نشترى لبس جديد بيقولوا فيه موديلات جنان ياترى هتكلفنا دى كام طول الشهر مصاريف عمال على بطال هو بكدا يبقى رمضان ؟ مش بذمتكم حرام ! |
بجد عندك حق فى كل كلمة بتقوليها
مسلسلات رمضان و ياميش رمضان و خيم رمضان و كورة رمضان ده فيه شيشة رمضانية و الله حاجة قلة أدب ربنا يهدى و كلامك تحفة كالعادة يا فنانة |
اقتباس:
بجد قصيدة جميلة جداً ربنا يزيدك إبداع يارب ويوفقك فى حياتك ويبلغنا جميعاً رمضان .. لا هو بكدا يبقى مش رمضان وفعلا بذمتنا حرام :d ياريت فعلا الناس يا >> بنت الريف >> .. تقّدر كويس الكلام دة لان فعلا دة اللى بيحصل المفروض يبقى شهر عبادة وقرآن وتقرب لربنا سبحانة وتعالى وبالنسبة (*) للهانم (*) :d فعلاً كتير جداً كدة يا >> بنت الريف >> .. ربنا يهدى جميع المسلمين .. شـكراً جداً على هذة القصيدة الجميلة ونتمنى أن نرى منك ِ الكثير والكثير تحايتى وتقديرى .. فى رعاية الله .. |
بجد موضوع كثير جميل ومميز
وبيكفى الردود اللى قابلى كثير ردود جميله ومميزه وياسبحان الله عاملين كمية مسلسلات رمضانيه ويقوللكو ترقبونا فى رمضان هو ده شغل الشوشو قبل مايتسلسل كانه عامل للناس جدول يمشو عليه فى فتره غيابه ربنا يسترها معانا جميعا ويهدينا ويرشدنا للطريق المستقيم ويارب اشوفلك مواضيع تانيه قريب وتكون جميله وهادفه زى الموضوع ده كده فى رعاية الله يا قمر:) |
اقتباس:
شكرا جداااااااااااااا للزيارة الجميلة دى أنا أول مرة أعرف موضوع الشيشة الرمضانية دى ودى بتبقى مافيهاش دخان يعنى ولا إيه إحتراما لرمضان يعنى :d و كلامك تحفة كالعادة يا فنانة مرسييييييييي جدا على المجاملة الرقيقة دى :) وبتمنى متابعة مستمرة لموضوعاتى ربنا يوفقك |
اقتباس:
لأ بلاش مبالغة إبداع إيه دى مجرد شخبطة هى القصيدة دى تيجى إيه قدام قصايد حضرتك شكرا على الزيارة وعلى الجاملة ربنا يهدينا جميعا ربنا يوفقك |
اقتباس:
آه طبعا هو شوشو يهون عليه يسبنا كدا مش لأزم يسيب نائب عنه مرسيييييييييييي ياقمر نورتى القصيدة كل سنة وأنتى طيبة ربنا يوفقك |
اللهم سلمنا رمضن وتسلمه منا متقبلا
شكرا ع الموضوع وان شاء الله كل واحد يستفيد م رمضان اكبر استفاده ممكنه |
اقتباس:
آمين يارب كل سنة وأنتى طيبة نورتى الموضوع يا قمر :) ربنا يوفقك |
الله الله الله الله
رااااااائع والله بجد قصيدة روعة يسلم الايادى حاجة مش جديدة عليكى احنا اخدنا على كدا خلاص بس والله الله ينور عليكى فى كل كلمة قولتيها قصيدة جميلة اوى الله ينور |
اقتباس:
حمد الله على السلامة أخير أفكرتنا كل سنة وأنت طيب مرسى على الزيارة ومرسى كمان على المجاملة الرقيقة دى ربنا يوفقك |
تحيه مع باقة ورد لحضرتك
تسلم يداك ديما مبدعه وفنانه
جزاك الله كل خير وسدد خطاك كل رمضان وانت بخير تحياتي |
بجد أكثر من رائعه مفيش كلام تانى يتقال بعد إللى اتقال ;) وربنا يومقك يارب وكل سنه وانتى طيبه |
اقتباس:
كل سنة وأنتى طيبة نغم آآآآآآآآآآآآآآآآآمين يارب مرسى نغم نورتى القصيدة اللهم إهدنا لما تحبه وترضاه |
اقتباس:
كل سنة وأنت طيب سمسم بعدين لسه بدرى كنت رد لما رمضان يخلص :049gc0: يلا رمضان كريم مرسى على المجاملة الرقيقة دى :) اللهم إهدنا لما تحبه وترضاه |
|
|
اقتباس:
بارك الله فيكم كل عام وانتم بخير وآسف بسبب تأخرى فى الرد |
بس الله ما شاء الله كلماتك جميلة جدا تسلمى أستمرى يا مبدعه تقبلى مرورى |
رائع بجد رائع
جزاك الله خيرا |
جزاكى الله خيرا
|
كل سنة وحضرتك طيب أستاذ ياسر نورت بمرورك ربنا يوفقك :) |
الأجمل هو مرورك أخى " الراجعون إلى الله " كل سنة وأنت طيب ربنا يوفقك |
اقتباس:
الأروع مرورك يا قمر كل سنة وأنتى طيبة رمضان كريم |
اقتباس:
جزانا وإياك خير الجزاء نورت بمرورك ربنا يوفقك |
كل عام وأنتم بألف خير:) |
معاكي حق في الي قولتيه في القصيدة
|
احساس رائع برمضان
قصيدة جميلة وممتعه دام ابداعك |
اقتباس:
شكرا علي مرورك:) والله هو دا الي بيضيع قيمة الشهر الكريم |
اقتباس:
مرورك هو الأروع شكرا لحضرتك |
| جميع الأوقات بتوقيت GMT +2. الساعة الآن 07:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.