|
مش فالحين الا فى الكلام
السلام عليكم بقالى كتيير معملتش مواضيع فى القسم العام علشان الصراحة لما أجى فى القسم دة بلاقى المواضيع كلها شبة بعض يأما تلاقى واحد تانى بيحكيلك قصة حياتة :blush: المهم فية موضوع كدة جاى على بالى بقالة كتيير أوى أوى وقولت لازم أناقشة معاكم يمكن نوصل لحل المشكلة دى أو يمكن نكون أحنا المشكلة نفسها كل مأمشى فى حتة الاقى الى عمال يشتكى والى عمال يقول الأسعار بقت نار والى عمال يقول البلد دى مفهاش شغل والى عمال يقول مش عارف أجيب عيش بزمتكم أنتم حاسين بظلم فى البلد دى ؟؟ طب طالما حاسين بظلم لية متطلعوش وتعملوا مظاهرات أو حتة ثورة زى زمان ولا أنتم بتحبوا تشتكوا وخلاص عمال على بطال من كام يوم طلعلنا مشكلة وهيا تحديد النت وبتاع لقينا بسم الله ماشاء الله شباب مصر ظهرت وطلعت عملت أحتجاجات قدام شركات النت وبعديها بكام يوم القرار دة أتلغى شوفتوا بقى لما أتكلمتم وبقيتوا يد واحدة أزاى قدرتم توصلوا للى أنتم عايزينة ولا أنتم مش فالحين الا فى كدة وبس أهم حاجة عايزين النت علشان مش عايزين نتفرج على هيفاء وهيا بترقص :d من غير محد يقطع النت عننا لا أحنا عايزين نبقى Free يامان مننكرش أن القرار دة كان فية بعض الظلم علشان فية ناس عايزة النت علشان شغل وأنا واحد منهم مع أنة مكنش هيظلمنى بس كل الى كانوا بيعملوا أحتجاجات الى يقولك لا أزاى يحددوا النت أنا كدة مش هقدر أحمل أفلام جديدة والى يقولك مش هقدر أحمل أغانى والى يقولك علشان أعمل دونلود 24 ساعة براحتى يااااة للدرجة دى هو دة بس الى بتفكروا فية ياشبابنا والى زعلانين علية وبعد القرار على طول بقيتوا يد واحدة وعملتوا مظاهرات بس هسألكم سؤال وصلتوا للى أنتم عايزينوا ولا لا ؟؟؟ طبعآ وصلتوا للى أنتم عايزينوا طب لية منبقاش أيجابين شوية لية نقعد كل يوم نشتكى ونقول البلد بايظة البلد خربانة الحكومة ظالمة :o طب مهو أنتم لو حاسين بظلم لية متتكلموش زى متكلمتم على تحديد النت ؟؟؟ هقولكم كام حاجة كدة بس محدش يقولى أنت بتدافع عن البلد أو الحكومة أو واحد تانى يقولى أنت أتلاقيك تبع الحزب الوطنى لا أنا أنسان مواطن مصرى زيى زيكم نيجى للبطالة هو بجد فية بطالة ؟ ولا كلام وبس طب ياعم أنت يالى مش لاقى فلوس طب بدل متصرف فلوسك على الحشيش والبانجو والمخدرات أصرفها على حاجة تنفعك وبدل مأنت قاعد على القهاوى بتكركر معسل روح دور على شغل وهتلاقى بأذن الله والله فية شغل على قفا من يشيل وكمان تشتغل أى شغلانة المهم تكون حلال و واحدة واحدة ربنا هيكرمك وكمان هو أنت بتجيب الفلوس الى بتشترى بيها الزفت دة منين ؟؟ أنا أعرف ناس بتشتغل والله علشان يجيبوا بيها سجاير وتلاقى ياعينى أبنة فى المدرسة مش عارف يدفع مصاريف الكتب والأخر نقعد على المصاطب ونقعد نولول ونقول الكلام الى خلاص زهقنا منة بجد دة أيام عبد الناصر علشان رغيف العيش غلا نص فرنك قامت ثورة وأحنا عاملين نتكلم ونشتكى وبس حتة لما الأسعار نزلت برضوا بنشتكى اللحمة الى كانت بــ 50 جنية بقت بـ 25 جنية فرن العيش بقى فية دقيق وبقى فاضى عن الأول طبعآ كل مكان و بيختلف وكمان هتقعد تقول فين أيام زمان زمان يا والدى كنت بتاخد مرتب أكتر حاجة 5 جنية دلوقتى بقى مرتبك ميقلش عن 500 جنية زمان يا والدى كنا 25 مليون نسمة دلوقتى قربنا على 90 مليون نسمة وتقولى الحكومة ومش الحكومة هو مش أنت الى بتخلف 7 أو 8 وبعد كدة تشتكتى !! غير كدة مش من كام شهر حصلت حاجة اسمها أزمة أقتصادية ولا مسمعتش عنها ؟؟ شوفت الدول التانية حصلها أية ؟؟ ياترى بزمتك أنت حسيت أن الأزمة أثرت فى مصر ؟ دة بالعكس والمرتبات عليت كمان :) هتقعد تقول الرئيس دة وحش وهو الى عمل فينا كدة طب هو مش أنت الى بتنتخبة ؟؟ نقعد نقول رئيس ظالم وحكم ظالم ويوم الأنتخابات تلاقى الى يقولك أية دة الرئيس بيدى 50 جنية وكيلو لحمة للى هينتخبة تلاقى الشعب كلة نسى الى قالوا ويروح الأنتخابات ويقعد يقول فداك نفسى وروحى يا ريس :d بجد أحنا شعب نستاهل الى بيجرى وبيحصل فينا ولو أحنا حاسيين أن فية ظلم فى البلد كنا عملنا حاجة لا بنتكلم وبس يا ترى بعد الكلام دة كلة أنت (ى) معايا فى الكلام دة ولا ضدى ؟؟ ولية ؟؟؟؟ ومين المشكلة أحنا ولا الحكومة ؟؟ ولية الناس كلها نفسيتها بايظة ومحدش طايق نفسة ولا طايق غيرة ؟؟ عبر وقولك رأيك بكل صراحة ومن غير مجاملة وكل عام وأنتم بخير |
بس يا حبيبي بس
هما شوية برد ويروحوا بهزر طبعا بس انت شكلك مش عايش انا مش عارف اتكلم دلوقتي وعندي كلام كتير بس عايز اقولك شوف احصائيات البطالة في مصر وارجع ده بدون النظر لحجم المرتب لو اشتغلت لي عودة |
اقتباس:
متنساش أنى قولت طالما أحنا شايفين أن فية ظلم لية منعملش زى معملنا على موضوع النت ؟؟ ومتنساش برضوا أننا الى بنختار دة ومهما كان مرتب الشغل الى بتشتغلة هيبقى أفضل طبعآ من القعود على القهاوى منتظر عودتك |
بجد انا معااااااااااااااك فى معظم اللى قولته بجد المشكلة دلوقتى فى الشعب نفسه فعلا زى ماقولت اهم حاجة دلوقتى الشباب بيفكروا فيها هى حكاية النت والاغانى وبجد معظم الشباب اللى باشفهم مستهترين وتافهين
وحكاية البطالة يجى الشاب يقول انا هسافر انا والله ماانا قاعد فى البلد ده ولما يسافر بيشتغل ايه؟؟؟؟ بيشتغل عامل نظافة بيغسل صحون بيشتغل فى المطاعم بيبيع جرايد !!!!! ويكون ده اقصى طموحاته والمشكلة ان الشباب المصرى عاوز اول مايشتغل يقعد على مكتب وفى غرفة مكيفة وياخد مرتب كويس وكله يكون فى التمااااااااااام من غير مايتعب ولا للحظة واحدة وانا عندى معظم الشواهد اللى بتاكد كده طب ليه بدل مايسافر ويتطلع عينه يشتغل هنا فى بلده ويبداها بجد وحكاية الظلم هو فيه فعلا ظلم وظلم كبير كمان لان كل واحد مسئول فى البلد بيضحك على غيره انا بجد لما بشوف مثلا البرامج اللى بتجيب احوال المستشفيات والسكن والناس الغلابة اللى بيتعاملوا على انهم مش ادميين بجد بحزن جداا جدا على الحال اللى وصلناله والزيادة السكانية اللى بتتكلم عنها صحيح مش عارفة فيها ايه لو الواحد خلف طفلين او تلاتة بالكتير فى ناس هتقول الدين بيقول كذا وكذا بس برضه ماينفعش نتحجج بالدين لحد مانبقى فى مجاعة وكمان الرسول صلى الله عليه وسلم اكيد اكيد مش هيباهى بينا الامم يوم القيامة ومعظم الجيل حرامية ونصابين ومخريبين وتافهين معلش انا اسفة للاطالة وبجد اللى عاوز يغير بلده بفعله مش بكلامه لاننا عمرنا ماهنتغير بالطريقة الحالية بس بجد موضوعك رائع وانا معاااااااااااااااااااااااااك |
اقتباس:
لا أطالة أية بس بالعكس دة كلامك غطى على كلامى بجد الحمد لله أنك فهمتى وجهة نظرى بس للأسف محدش بيسمع وزى مقولت أحنا مش فالحين الا فى الكلام وبس كلمة الظلم على بوقنا على طول دة حتى الموظفين الى بيشتغلوا فى مصالح حكومية يعنى أكتر ناس بتنهب الا ما رحم ربى بيقعدوا برضوا يشتكوا وبيتكلموا على البلد مهو البلد هيتصلح أزاى وأنتم خربتوها ؟؟ وأنا أهو بقولها ثالث مرة لما أحنا حاسيين بالظلم لية معملناش ثورة وأنقلبنا على الحكومة زى ما زمان يامة كانوا بيعملوا بس بجد أحنا شعب نستاهل الى بيتعمل فينا وللأسف أحنا الى بنخربها شكرآ بجد على مرورك الجميل وكلامك الأجمل وكل سنة وأنتى طيبة |
ايه يا معلم .. انت عايز تشيل المسئولية من الحكومة ولا ايه؟
المذيعين و الشخصيات العامة .. بيقولو البلد فيها شغل و فيها فلوس. مثلا الدكتور احمد زويل لما كان ف مكتبة اسكندرية قال "محدش يقولي ان مصر مفيهاش فلوس"...انا معاك مصر فيها فلوس كتير بدليل اننا عندنا رجال اعمال من اغنى الرجال في العالم. بس النقطة هنا .. الفلوس كتيرة بس موجودة مع مين بالضبط؟ و الشغل ..الشغل لا مفيش شغل .. يا اما تشتغل شغلانة متجيبش حتى الفلوس اللي اتصرفت عليك عشان تتعلم و تاخد شهادة من الجامعة. اما بقى بالنسبة للمظاهرات و كده .. عايز اقولك بس وطي صوتك احسن تلبس تهمة تحريض على الشغب. محدش طايق نفسه ولا غيره و الناس بقت اخلاقها زبالة .. عشان كل اللي انت قولته في الموضوع. مش عارف .. هل احنا لازم ندخل حرب عشان اخلاقنا تتحسن زي حرب 73 .. اللهم اصلح احوال بلادنا. كنت عايز اقول كمان .. ان الشباب مش كله تافه .. و الله في شباب كتير عندهم طموح و مش بيفكروا غير في التعليم و الشغل. و اللي بيفكر للسفر مش عشان الشغل بس .. اللي عايز يسافر عايز يروح حتة يقدر يحافظ فيها على كرامته و يقدر ياخد حقه و لو ان بالنسبة للمصريين الكرامة ضاعت جوه و بره..عندنا سفارات المفروض تتقلب افران بلدي. و بعدين اكيد في ناس حاولت تصلح في البلد .. يا دخلت السجن يا اتقتلت يا حصلها اي مصيبة .. الحل ان الشعب كله يتفق. واحد لوحده مش هينفع .. اعتقد ان الثورات اللي حصلت في مصر حصلت بسبب ظروف اقل من دي كتير. انا مش بحرض على ثورة .. مش عارف بصراحة ايه الحل. |
هى فعلا مشكلة كبيرة جدا
لان كل ماالواحد يروح فى حتة يتنكد مش عارفة ليه كدة هل احنا السبب ولا اللى حوالينا انا بحييك ع الموضوع الجميل وان شاء الله هحط شويه افكار كدة بس اجمعها الاول |
شكرآ على وجهات النظر واضح أن الناس هنا مش عايزة تدخل ترد علشان يأما 1- خايفين يتكلموا ( زى ميكون هيتقبض عليهم ) 2- يا أما مالهمش فى الكلام دة وليهم بس فى المواضيع التافهه الى نازلين بيعملوا فيها كل يوم ربنا يهدينا يارب ويهديهم يارب واضح أننا عمرنا مهنتغير وعقليتنا هتفضل زى ماهى كل سنة وأنتم طيبين ودمتم زى مأنتم |
هو معروف ان اي شعب لما بيفيض بيه بيبقى اخر حل هو الثورة و بتكون اخر حاجة لانها ممكن تعمل خساير كبيرة فبتبقى اخر حل زي الحرب كده.
انا بتكلم في العام على اي شعب .. معرفش احنا فاض بينا ولا لسه. بس اعتقد ان الاضرابات و الاعتصامات اللي بتحصل بقالها كام سنة دلوقتي بقت نموذج مصغر لثورة. |
واللة انا معاك فى كل اللى انت قولتة
واللة انا لما بشوف الشباب فى الشارع اليومين دول بحزن على حالنا اوى وبقول هو اية اللى جرالنا وبعدين بلدنا فىها خير كتير اوى بس نعرف ازاى نستغلة وبعدين لية منشتغلش فى بلدنا ونتمرمط فيها احسن مانتبهدل برة لية بنرضى بالذل برة بلدنا وبنيجى فيها وبنتشرط وبعدين اصلا احنا لو عايزين نغير بلدنا للاحسن هنغيرها بس كل دة مش هيحصل الا لما نتجمع كلنا ونبقى ايد واحدة وكمان احنا لو فعلا بنعترض على كل ظلم بيحصل وكل غلط بيحصل قدامنا مكانش هيبقى فى فوضى كدة وبعدين منعلقش اخطائنا على شماعة الغير وكل واحد يمشى على قدة ومش نخلف كتير ونقول كل طفل بيجى برزقة .............................ومعلش انى طولت بس واللة فى كلام كتير الواحد عاوز يقولة وساكت......................... |
أحمد باشا أزيك أية أخبارك ؟؟ يارب تكون بخير دايمآ فعلآ لية منعملش ثورات ؟؟ طالما أحنا شايفين فية ظلم فى البلد وعاملين نتكلم ولية بنعمل أحتجاجات على حاجة تافهه وبس ؟؟؟؟؟ لية منبقاش أيجابين مش سلبين ؟ _______________________________ بالنسبة لماتش الأهلى الى متذاعش بجد عندك حق الواحد أتحرق دمة مش علشان مشوفناش الماتش لا علشان الطريقة الى بيعملونا بيها والله أحنا بجد شعب يستاهل الى بيحصل فية _____________________ المواضيع الى فى العام دى دلوقتى كلها مواضيع تافهه الا ما رحم ربى طبعآ يعنى بنسبة 90% وفية ناس تستحق أنك ترد عليها بس بجد مواضيع تافهه وكلها شبة بعض ومش بتتكلم على مواضيع هادفة وكلها مواضيع عن البنات والمعاكسات والشباب والمواصلات :romarioxp6: عمومآ خلينا فى الموضوع أفضل يلا ربنا يهديهم ويهدينا جميعآ شكرآ على مرورك الجميل وكل سنة وأنت طيب |
اقتباس:
|
اقتباس:
لا أتكلم زى ماحضرتك عايز هو أحنا حيلتنا أية غير الكلام وسط الى بيحصل دة بس أهم شىء كلامنا يبقى أيجابى زى رد حضرتك كدة وفعلآ الشباب بيطلعوا برة مصر بيمسحوا الجزم ولو هيشتغلوا هنا هيبقوا عايزين مكتب وتكيف ويقعد حاطط رجل على رجل وياخد مرتب ومازلت وبقول أنا مش بدافع عن الحكومة ولا عن البلد بس خير بلدنا فى أيدينا أحنا والساكت عن الحق شيطانآ أخرس وأحنا كدة أتساوينا بالشياطين وبس شكرآ لمرورك الى أسعدنى بجد وكل سنة وأنت طيب |
اقتباس:
لا مش بتتقال كدة أسمها الناس ملهاش حيل غير للكلام نورت :d |
اقتباس:
|
اقتباس:
أية ؟؟ مين دة الى يحذف الموضوع ؟؟ محدش هيقدر يحذف الموضوع طالما الكلام كلة وجهات نظر وبكل أحترام كل واحد يدخل يتكلم زى ماهو عاوز وبكل حرية وبكل أحترام وأدب علشان دة موضوع جد مش هزار وزى مقولت أنا مش مسئول عن أى عضو يدخل يرد وأى رد يكون خارج عن الموضوع الأشراف من حقة أنة يحذف الرد دة والسلام عليكم |
السلام عليكم أتمنى أنك تكون بخير يا محمد .. ندخل فى الموضوع بسم الله الرحمن الرحيم حضرتك بتقول إن الناس عملت مظاهرة عشان سياسة الاستخدام العادل - تحديد السرعة - طيب حضرتك دة إعتراض على نظام شركة اما كلام حضرتك يبقى إعتراض على نظام حكومة ! فا ماتجبش دى لدى .. حضرتك مش متخيل يعنى إية نعمل مظاهرة يعنى إحنا كدة بنعترض على نظام سياسة دولة ومفيش اصلا ديمقراطية ! وإحنا أصلا شعب جبان كل اللى فعلاً فالحين فية الكلام واللى يتكلم ويعارض بيروح ورا الشمس ! طيب لما الشعب يروح كلة ورا الشمس يبقى تحيا مصر ! وبعدين حضرتك بتكلم مين بتكلم شعب مصر عشان يعترض ويقول لا إحنا رافضين ولازم نعمل ثورة بص أحمد مطر بيقول إية || نموت لكى يحيا الوطن كيف يموت ميت وكيف يحيا من إندفن || .. !! بالنسبة للبطالة بص يا محمد مش معنى بطالة إن الواحد مش لاقى شغل بس لا .. ! البطالة ليها معانى كتيرة منها مثلا وجود عمال كتير فى شركة ما او قطاع ما والناتج الحدى للفرد ((يعنى إنتاج الفرد الواحد )) مش بيكون موجب يعنى كدة فى مرتبات بتتدفع لعمال مش بيشتغلوا !! طيب مين السبب فى كدة طب لو فى مشاريع وشركات تحتاج عمال فى مصر كان الحال هايبقى إزاى .. مش بنلوم الحكومة بس لا والشباب كمان واحد يقولك عاوز اشتغل مثلا كذا وتلاقية مش عارف ادنى فكرة عن الشغل -مشكلتة- أو غير مؤهل ودة يرجع بردو لأية لنظام تعليم فاشل وتعليم جامعى أفشل وهانقعد نتسلسل كدة ومش هانخلص ! بص يا محمد البلد من أولها لاخرها بايظة من ساسها لراسها دى الحقيقة .. احنا عايشين ومش مدركين اللى احنا فية بص سواء حكومة أو شعب غلطانين هاتقولى الحكومة ماشى والشعب ماله .. آه أقولك الشعب ماله .. الشعب عايش ومش عارف يستخدم حقة لانة مش عارف حقة اصلا ً ! أقسم بالله الواحد زهق لما فاض بية سواء من شعب أو من حكومة .. حضرتك بتقول لو حسين إن فى ظلم فى البلد كنا عملنا حاجة اممم .. طيب نقول الف واحد معارضين الفين تلاتة اربعة مليون والباقى فين !!؟ حضرتك فاكر إن الشعب لة الجرأة إنة يعمل كدة ما أعتقدش .. سمعت الحديث بتاع الرئيس محمد حسنى مبارك أبشروا يا جماعة !! شارلى روز المذيع بيقولة || هل جمال مبارك جاهز ليكون رئيساً للبلاد || رد سيادتة المبجل قال إية || أسألة هو ولا تسالنى أنا || ..!! ولا حول ولا قوة الا بالله وربنا يسترها على مصر بجد ربنا يسترها وبيقول لازم يكون فى حل للمشكلة الفلسطينية ... اممممم ربنا يخليك لينا ياريس وتحرر فلسطين حضرتك والعرب المحترمين ! وإن شاء الله تعمل تطورات فى البلد عشان تبقى كلمت من التطور ! أنت عايش فين يا محمد البلد كل يوم حالها بيدهور ومحدش حاسس دة احنا هانشوف كتير لسة !! تقبل وجهة نظرى ومرورى فى رعاية الله .. |
معلش يا أبو حميد نتيط ليك تانى
هكلمك برضه تانى فى حوار الكوره بعد ماتش الزمالك وبتروجيت اللاعب اللى دخل الجول الأول كان مروح مشى علشان الأستاد جنب البيت بالذمة الجمهور يجرى وراه والواد يستخبى فى عمارة والجمهور يخبط العمارة بالطوب بالذمه احنا مش شعب عيل بعد احد ماتشات الأهلى والزمالك جمهور الأهلى يطلع على بيت مرتضى ويطلع عينه مش بكلم فى موضوع جماهير أهلى و زمالك علشان محدش يفهم غلط أنا بتكلم فى أخلاق شعب مش فالحين غير فى الكورة تقدروا تعملوا فى وزير كده ناهب شعب احنا أصلا شعب هايف احنا شعب يستاهل اللى بيجرالوه يا شعب الكورة رايحين نضرب الواد اللى جاب جول فى زمالك |
معظم كلام i promise u صح
على فكرة الواحد مينفعش يعمل مظاهرات فى البلد دى ويقول رأيه بصراحة لأنك هتلاقى خمسيت ستين عربية أمن جايين وينفضوا اللى فى المظاهرة انتا ما قراتش أو سمعت عن اللى بيحصل واالى حصل زمان فى المظاهرات أو خلينا نقول احتجاجات من اول مكان الرئيس مرشح نفسة لفترة تانية وحكاية الاستفتاء مسمعتش عن اللى حصل فيه ولا ايه خلينا يا عم نروح لحكاية القضاة ايام ما عملوا احتجاجات وبتاع فى منهم اتضرب واتهان وبص هما قضاه يعنى ليهم مركز برضه وحكايه الاخوان وايام المحاكمات العسكريه اللى هيا كانت باطله اساسا حصل حاجات يعنى ممكن تقول منها ان احنا تحت حكومة مش بتستعمل غير لغة العنف قدام اللى يعارضها او يحتج على قرارتها من كام يوم كان فيه حوار للرئيس مع قناة بتهيألى البى بى سى العربية المهم كان اول ما اتسأل عن قانون الطوارئ وهل مصر لسه محتاجة ولا لأ رد بأن القانون دا مش بيستعمل غير فى حالة الارهاب بس أنا مش عارف بصراحة هوا بيضحك على الشعب ولا على نفسه وعن حكايه مين اللى عليه الحق هوا جزء على الحكومة وجزء على الشعب بس برضه مش الشعب كله لأن فى ناس فى حالها لا تعرف تتكلم فى سياسة ولا ليها فى حاجة ناس عايشة وخلاص يعنى بس برضو مظلومين شوية لكن جزء تانى من الشعب سواء اللى فى مستشفيات او رجال أعمال أو مراكز مهمة أو تجار أو كل دا كل دول فيهم الفاسدين واللى وراهم ناس من الحكومة وفيهم طبعا اللى شرفاء واللى تهمهم مصلحة البلد وهوا من الاخر لو كل واحد صلح نفسه فى البلد دى البلد هتنصلهح من اكبر واحد لأصغر واحد اما بالنسبة للبطالة فيه طبعا نسبه بطالة كبيرة وبعدين انت بتقول مش كل واحد يخلفلى ستة وبعدين مش عارف ايه>>>> دا مش منطق انت عايز يبقى فيه تحديد نسل ولا ايه تقدر تقولى ايه اللى فى البلد حلو دلوقتى كل حاجة بقت زبالة من الميه للأكل للتعليم لكل حاجه وبعين انت فاكر يوم ما الناس فكرت تعمل اضراب يوم ستة ابريل نزلوا قرارات فى بعض الوظائف ان اللى مش هيروح هياخد جزا والشوارع كان فيها امن وجاجات كتيير كل دا وحاجات تانية كتيير من الاخر اللى مش بيبقالوا حد فى البلد دى يتسند عليه مبيعرفش ياخد حقه وكفاية كده وانا ممكن اعلق على حاجات تانية كتيير بس يلا مش مهم هعشان مطولش وشكرا على الموضوه الجميل دا |
اقتباس:
ثااااااااااااانكس اوي على الموضوع دة ويارب كلامي يكون مفهوم . كل سنة وانتو طيبين |
اقتباس:
والقرار ده كان مأثر على كل فرد بشكل مباشر في حين القرارات التانية بتبقى مش مباشرة اوي ومش على كل الناس فتكوين المظاهرات بيبقى صعب ثم إنه الحكاية اكبر من اللى احنا شايفينه دلوقتي في ضغط على الشركة زي ما يكون معاك ماسورة مية كبيرة ده النت وتفرع منه انابيب صغيرة للبيوت ييجي صاحب البيت يفرع من الانبوبة الصغيرة ده انابيب تاني واحد يخرم الانابيب ده عشان يوزع المية على الافراد اللى معاه كل ده بيعمل ضغط وبيأثر على منسوب المية الاصلي ونظراً لأنه المخارج الخاصة بالنت في السنترال الاصلية قد امتلات فالشركة مش عارفة تعمل زي خوادم جديدة وبالتالي تروح تضغط على الشعب عشان يقللوا الضغط ده شوية لكن الحقيقة والعادل إنهم يضغطوا عالسنترال هو اللى يوفرلهم مخارج جديدة يحملوا عليها خطوط جديدة وده اللى المفروض يحصل دلوقتي وزي ما وضح احد الاعضاء احنا هنا تظاهرنا امام شركة مش امام حكومة وعلى الرغم من ذلك جات الشرطة وفضت المظاهرة فما بالك لما ييجي الامن في مظاهرة حكومية ... اقتباس:
لو قلتلك اشتغل بمرتب 50 واشتغل بمرتب 100 جنيه في فرق بين الشغلين (غير كيلو لحمة :d) الاتنين سواء يبقى ايه لازمة إني اشتغل واتعب عشان عشان 100 ولا 200 جنيه في الشهر هو انا يبقى اسمي بشتغل ومش بقبض حاجة ؟ مهي ده بطالة برده بس غير ظاهرة لما واحد يكون كفؤ لوظيفة ويترفض عشان يحل محله واحد بواسطة مبيفهمش في حاجة مش ده سبب في البطالة البطالة من تاني او تالت المشاكل اللى بتواجه مصر اقتصادياً اصلا يبقى في بطالة ؟ وعلى فكرة مش كل الناس بتحشش وبتجيب بانجو وكده ممكن آخرهم سجاير كيلوباترا عشان الهم اللى هما فيه بس (مقلتش إنه صح) اقتباس:
وتشتري شقة صغيرة بال5 جنيه ده ومرتب ايه دلوقتي اللى 500 جنيه وفي ناس معدتش ال250 لحد دلوقتي احنا اكتر من تلت الشعب تحت خط الفقر والتلت التاني عند خط الفقر بل اكتر من كده ولو قلنا 500 جنيه تعمل بيها ايه ده في الزمن ده حتجيبلك 10 كيلو لحمة :) ودخلت ليه في موضوع بتخلف كام على فكرة بطلت غير حكاية ال7 و 8 عيال دول دلوقتي المتوسط 3 او 4 بالكتير اكتر عدد شفته هو 5 اللى بيزيد عن كده ممكن اللى في القرى او الناس القديمة وكده لكن مش بتوصل لـ8 يعني ومش ححنخوض في حكاية تحديد النسل اقتباس:
بس ده ايه علاقتها في الموضوع هو عملنا ثورة ساعتها فعزلونا عن الازمة مثلاً ولا بتبين إنه البلد مفهاش فساد مطلقاً ************************************************** ******************** اقتباس:
لو حشتغل ب100 ولا 200 جنيه يبقى اقعد عالقهوة اسهل :d اديني رجعت ورديت على الموضوع |
السلام عليكم ورحمة الله وبركاته
؟ اولا احييك على موضوعك اللى اكثر من راااااااااااااااااائع وبكل امانه انا معاك فى كل اللى قلته انتا قلت الحقيقه اشكرك وتقبل مرورى |
ياعم انا مش معاك في معظم الكلام اللي قولته انت بتقول الناس بتتكلم وخلاص والناس اذا مكنتش عارفه تغير كمان هنحرمها من الكلام وسيب كل واحد يعبر عن اللي جواه مش ده حريه تعبير ولا ايه وكمان اي مضظاهره او اي ثوره عايزه قائد يتحمل المسئوليه ثانيا تاثير الازمه الاقتصاديه اللي حسوا بيه هما بتوع القطاع الخاص وبعض المصالح الحكوميه زي مصانع الغزل والكتان اما قطاع الخدمات زي المستشفيات او التعليم فدول مرتباتهم من الدوله ثالثا ياعزيزي كيلو اللحمه مش ب25 جنيه الكلام ده كان من حوالي 6 سنين دلوقتي الكيلو 35 جنيه رابعا بالنسبه للزياده السكانيه دي نعمه جميله جدا ربنا انعمها علينا لو وظفناها صح
تعال نشوف وظائف الزياده السكانيه اولا العماله تكون رخيصه ثانيا هجره البشر للخارج وتحويلاتهم البنكيه تساهم في دخل الدوله مصر ياعزيزي بتكسب حوالي 9 مليار دولار من تحويلات المهاجرين في دول الخليج واروبا ثالثا لو خطط الحكومه الفاشله في مشاريع الاسكان واستصلاح الارض كانت نجحت كانت مصر بقت جنه في المنطقه خامسا جرب تمشي في اي مظاهره ولو اسمك اتعرف اولا اقاربك لن يعملوا في اي وظيفه حكوميه ولا حتي انت و عند السفر ياخروك عن طائرتك ويفتشوك بطريقه مهينه ارجو انك تكون غيرت رايك بعد الكلام ده |
بصوا بقى يا جماعة اغلب كلامكم بينطق سلبية فعلا يعنى
مثلا ليه مانروحش للوظايف العبيطة ديه ام 100-400 جنيه ويبقى بكده عندنا الخبرة والكفاءة(المواصفات بمعنى اصح)اللى الوظايف ام الارقام الكبيرة(المحترمة اللى ترضى طموحنا واحتياجاتنا) ومثلا حد فينا فعلا راح ولقى انا الوظيفة راحت منه بسبب الواسطة (مش مش بيحصل كده) بس ده احنا حتى ماجربناش اصلا(سلبية سلبية سلبية) يعنى نروح ويوم مايحصل معانا كده لو احنا ناس طموحة هنشوف غيرها ولا حتى نحاول نسافر اما لو احنا مش كده هنسب البطالة واللى كان السبب فيها وتلاقينا بنقول يا عم مالقهوة اسهل هو حد عارف ياخد حاجة فى البلد ديه..........بلا بلا بلابلا طيب هقولكم احنا عندنا فى مركزنا مجموعة شباب(اى نعم هما ميسرين)بس لقيوا ان التنمية البشرية هى الحل مع مجتمع زى مجتمعنا وطبعا ما ضيعوش وقت فالكلام لا حولوه لفعل بمعنى انهم وفروا المكان وحددوا الهدف والشريحة اللى هيشتغلوا عليها0اللى هى كانت الطلبة وطبعا حددوا القيمة المادية المطلوبة عشان جودة شغلهم تبقى كبيرة ويوفروا كل الازم لورش والعمل والحاجات ديه وبداوا تخطيط وتظبيط من 2007 وبداوا فى 2008 باول كورساتهم(بداية حياتنا)حياتنا اللى هيا حياتنا وحياتنا برضه اسم الفريق وبقوا كل صيف بيبقى عندهم برنامج الى جانب كل رمضان فيه برنامج اسمه حياتنا فى رمضان واثناء الدراسة (مهارات الدراسة) ولسة حياتنا والعمل التطوعى ومش قادرة اوصفلكم كم التطوير والابتكار فى محاضراتهم وطبعا تاثيرها فى اللى بياخدوها اللى هما احنا وطبعا كل اللى بيعملوه بيوثقوه بمعنى بيبقى فيه تصوير لاغلب شغلهم عشان بعد كده لما يطلبوا من اى شركة كبيرة تمولهم الشركة تكون هتموت عليهم لان معاهم الادلة والوثائق على شغلهم الاكثر من رائع وناجح ومع الوقت بيتطوروا وبيكبر هدفهم ومعاه تفكيرهم وبيكبروا عددا يعنى حاليا فيه جداد بيحاولو ينضمولهم بس طبعا لازم ينجحوا فى اختبارات الدخول بتاعتهم............. وعلى الرغم من انهم ميسرين الا انهم بيشتغلوا عشان مستقبلهم وبيساعدوا غيرهم على انهم يحددوا مستقبلهم والدليل على كلامى هو الC.V.s بتاعة كل واحد فيهم يعنى مثلا اتنين منهم خريجين صيدلة واحد فيهم قدر اثناء امتحانات العملى بتاعته انه يبقى من فريق مذيعى راديو صوتكم عالانترنت والتانى رجع عشان يدى حياتنا فى رمضان ام هند هو كان راجع من اندونيسيا بعد امريكا(no comment) انا مش هتكلم عنهم اكتر بس كل اللى عايزة اقوله واناشد بيه اننا الشباب كتيييييييييييييييييييييييييييييييييير قوى يعنى لو كل واحد ابتدى بنفسه بس اكيك اكيد فى يوم من الايام مجتمعنا التعبان ده لا و كمان امتنا هتتغير وللاحسن ان شاء الله ((((((((((((ولو حتى مش لاقى وظايف مؤقتا ماتضيعش وقتك فى حاجات فاضية لو نلاحظ المؤسسات الخيرية بقت كتيرة قوى قوى ناقصها بس متطوعين واهى حاجة بتشغل الوقت وبتربى فينا حاجات كتير))))))))))))) وممكن بقى يوم ما ده يحصل(التغير يعنى) يبقى فاضل الكبار والمسئولين يتغيروا وفى الحالة ديه بس ممكن مظاهراتنا تجيب فايدة وعلى فكرة هو فعلا الناس بطلت حكاية السبع وال8 عيال ديه بس احنا اهه 7 بنات عشان بابا وماما يدخلوا بينا الجنة ديه حاجة صغيرة بس وان شاء الله ليا عودة اكمل بيها الرد على باقى الموضوع وجزاك الله خيرا على طرح موضوع نقاشى هادف زى ده وللحديث بقية لان الواحد فعلا مش ضامن النت المقرف ده لانى لتانى مرة اكتب الرد ده والله المستعان |
اى انسان هو اللى يقدر يحدد اللى هوه عاوزه و لو كان عاوز ينفذه فعلا هينفذه
يعنى اللى عاوز يشتغل هيلاقى شغل اما لو كان عاوز يقضيها طول النهار نوم و طول الليل لوكلك فى اى حاجه تافهه فهتلاقيه يقولك مش لاقى شغل و مش عارف ايه مصر فيها شغل و شغل كتير كمان المهم تلاقى حد عاوز يشتغل انا هتكلم عن نفسى انا 16 سنه و من سنتين تقريبا و طلعت فى دماغى انى لازم اشتغل مش علشان محتاج فلوس بس علشان ابقى فخور بنفسى و احس انى بجيب الحاجه اللى عاوزها من فلوسى فى البداية اشتغلت من على النت فى مجال التصميم كنت بكسب قليل جدا بس قولت مش مشكله طورت نفسى و اتعلمت جديد دخلت فى سوق عمل احسن و اشتغلت فى شركة برده المرتب مكنش قد كده بس كان عندى اصرار انى اكمل اتعلمت اكتر و اكتر و اتنقلت من شغله لشغله لحد ما بقيت الان شغال محاضر فى اكاديمية من اكبر الاكاديميات فى مجال الجرافيكس ده غير شغلى فى المجال الاليكترونى و غير شغلى الخاص بيا و غير شغلى من على النت ( مش عاوزين قر و النبى ) و مع كل ده منظم وقتى و مستمتع بهواياتى و بعمل كل حاجه انا عاوزها و بـ 16 سنه ده غير ان فى وظائف تانيه قدامى بس للأسف مقدرش ادخلها علشان سنى و لانى مش متخرج لسه من هندسه بس هييجى يوم و اشتغل فى مكان احسن فمنين ييجى واحد ويقولى مفيش شغل طور نفسك و اتعلم جديد و هتلاقى احلى شغل و احلى عيشه معلش انى اتكلمت فى النقطة دى بس و سيبت الباقى لانى اتخنقت من الناس اللى بيفضلوا يكرروها وهم مش عاوزين يعملوا اى حاجه ثانكس على التوبيك فى رعاية الله |
| جميع الأوقات بتوقيت GMT +2. الساعة الآن 02:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.