|
بلد الحجاب!!
اكيد في منكم شاف حلقة البيت بيتك و الفقرة اللي قدمها خيري رمضان و كان مستضيف واحدة اسم على مسمى فعلا .. فاطمة الزهراء .. و دكتورة في الازهر
اللي اسمها فاطمة الزهراء دي عاملة فيلم اسمه "بلد الحجاب" بتعترض فيه على الحجاب بشكل عام و على حجاب البنات الصغيرة بشكل خاص دخلت معهد تابع للازهر و سجلت مع اطفال و مع عميدة المعهد .و الاطفال بيجاوبو عليها ليه هم متحجبين و بيجاوبوا اجابات من الدين و منطقية 100%ّ و عميدة المعهد عمالة تحاول تقول الاية بتاعت الحجاب و مش عارفة .. ازاي دي بقت عميدة معهد ديني و في البرنامج تقولك البنات حافظين مش فاهمين او حد محفظهم الكلام ده .. طب بتسجلي معاهم ليه.. ولا انتي عرفتي منين انهم مش فاهمين.. لو الطلبة في السن ده مش بيفهموا يبقى بلاش نعلمهم احسن الموضوع استفزني اوي.هي مش محجبة و جاية تعمل فيلم عن الحجاب هتقول فيه ايه غير انها تهاجم الحجاب و تقولك الدين معاملة مش حجاب...طب و فيها ايه لما يكون معاملة و شكل محترم و خصوصا انه مش اختراع ده موجود في القرآن. و تقولك في بنات محجبة كتير و تصرفاتهم مش كويسة .. طيب يعني اللي مش محجبات هم اللي كلهم ورع و تقوى اشمعنى جيتي على المحجبات .. مش معقول يعني تكوني خايفة احسن يسيؤا لباقي المحجبات المحترمات! و هل انتي سميتي الفيلم كده عشان مش عاجبك ان مصر تكون بلد الحجاب .. ده الحمد لله ان مصر بتتوصف كده هي حاجة وحشة؟ و المذيع واقف معاها و متبني رأيها عن اقتناع .. افتكرت حتة من فيلم بوحة لما الجارسون قاله "اجيبلك خمرة قال لا يا عم خمرة ايه انت شيطان ولا ايه"ّ و الدكتورة اللي قاعدة قالت ان سن الحجاب اللي هو سن البلوغ .. طيب انتي يا صاحبة الفيلم اهو بالغة و مش محجبة يعني جاية تحاسب اللي بيعملوا الفريضة قبل ما تفرض عليهم و انتي الفريضة واجبة عليكي و تركتيها انتي ليكي عين تتكلمي! و بعدين اللي بيعمل حاجة و هو صغير فده عشان يتعود ,فيها ايه .. طيب الولاد الصغيرين اللي بيروحوا الجوامع ما تروحي تهاجميهم اناخايف تروحي فصل صبيان و تطلعيهم مربيين دقونهم يعني واحد عاصي و كمان بيحاول يخلي الباقي زيه .. هيشيل ذنبهم كلهم و على فكرة انا واحد للأسف مش متدين اوي ولا حافظ القرآن كله ..عشان محدش يقول مهو المتشدد لازم يعترض. حسبي الله و نعم الوكيل جتكوا القرف مليتوا البلد |
يعني شوفوا الجهل وصل بيها لحد فين
واحدة جاهلة وبتعاند مع ان الاية صريحة جداااااااا عن موضوع الحجاب يعني هي مسلمة إزااي إذا كانت اصلاً مش بتطبق القرآن ومش مؤمنة بيه ولا هي من ينطبق عليها قول الرحمن بتؤمن ببعض الكتاب وتكفر ببعضه وبعدين مش إحنا بنادي بالحرية ولا الحرية تجي عند الحجاب وتقف سبحان الله اموووت واعرف قطعة القماش التي توضع فوق الرأس ليها مفعول سحري ولا ايه انها بتغيظ الي زيها زي الي بيربوا الدقون سبحان الله تلاقي مثلاً قسيس مربي دقنه يشاوروا عليه ويقولوا متدين لكن لما يبقى مسلم مربي دقنه يشاوروا عليه ويقولوا متعصب وإرهابي هي فين الحرية دي حسبي الله ونعم الوكيل اللهم انصر الاسلام واعز المسلمين |
شكرا لمروركم..
و كنت عايز اعلق على كلامك يا محمد.كوم ان سبحان الله .. وصل الزمن بينا اننا نبقى في دولة اسلامية و بنقول حرية شخصية عشان نبرر الحجاب. كأن الحجاب حاجة مش كويسة و بنقول اللي عايز يعملها دي حرية شخصية. و انت جبت الاية صح .. هي فعلا كده بتؤمن ببعض الكتاب و تكفر ببعض .. و الله اعلم اذا كانت مؤمنة ببعض ولا لا .. الله اعلم بالنفوس. |
لا حول ولا قوة الا بالله
والله الواحد مبقاش عارف يقول ايه على حال البلد دى ربنا يلطف بينا يارب.... |
اصل دلوقتى اى حد عايز يبين نفسه يطلع يقول اى كلام و يهاجم الاساسيات فى الاسلام
اللى زى دول محدش يسمعلهم احسن و شكراً على طرح الموضوع |
جزاك الله خير على الموضوع انا شفت اخر جزء فى الحلقة وفوجئت باعجاب وفرحة المذيع بيهاانابس عايز اعرف ايه اللى تاعبهم فى الحجاب بقى هى دى الناس اللى تعب الرسول علشان يوصلهم رسالة الاسلام
|
الغالي محمد.فوكس
موضوع هام وجد يجب التركيز عليه حتى لو تكررت مواضيع مشابهة و دكتورة في الازهر عادي جدا ازاي دي بقت عميدة معهد ديني طب ماهي سعاد صالح كانت عميدة برضة و تقولك الدين معاملة مش حجاب الاعجب شعار الحجاب حجاب القلب و تقولك في بنات محجبة كتير و تصرفاتهم مش كويسة حجة خايبة مللنا سماعها اموت واعرف قطعة القماش التي توضع فوق الرأس ليها مفعول سحري ولا ايه انها بتغيظ الي زيها في ناس عندهم ارتكاريا من اي شئ اسلامي وبيهرشوا زي الجربانين وساعات لما مش بيقدروا يهرشوا بيقولوا كلام قبيح جدا واحدة منهم اسفاف الجعيدي مذيع بيسألها امتى ممكن تلبسي حجاب تقول يارب ماتحكم علي باليوم ده ابدا تتصور؟؟؟ وفوجئت باعجاب وفرحة المذيع بيها غالب الاعلاميين من النوعية اللي قلت لك عليها ولما بيجيبوا حد يتكلم في الدين بيختارو نوعية فاطمة دي والبنا او نوعية الدعاة بتوع اسلام كوول ولايت وكله حلال والدين يسر وبشر ولا تنفر وينسون ان الرحيم الغفور هو الذي أمر بقطع يد السارق والأن اختم لكم بكلمات ذهبيه ارجو ان نحفظها حميعا المسلم ان اتاه الحكم يسأل عن الدليل والعاصي يسأل عن التعليل العقل اداة فهم وليس اداة حكم |
انا مش عارف ازاي فرض صريح لحد دلوقتي لسه في ناس بتبرر إنه مش فرض !
ربنا يهدي الجميع |
اللهم أمين
والمشكلة انهم الان يتبجحون بذلك وفعلا جاتكوا القرف مليتوا البلد |
هنقول ايه بس ماهو مفيش كلام يتقال والتعليقات دى كفايه؟؟؟؟؟؟؟؟؟؟؟؟؟؟؟؟
ربنا يهدى وحسبنا الله ونعم الوكيل |
بلد المظاهر
|
انا فعلا سمعت الفيلم التسجيلي ع البيت بيتك
بس انا جالي اكتئاب وشلل من الكلام ورحت قالبه عشان الضغط مش يرتفع ع فكرة بجد انت قلت كل حاجة ممكن كنت اقولها شكرا ع الموضوع |
شكرا لمروركم .. و حسبنا الله و نعم الوكيل
|
إنا لله وإنا إليه راجعون في الناس دي وحال الامه وحسبنا الله ونعم الوكيل
صحيح امه في غرفه الانعاش بس يا اخوان والله تبشروا الناس دي بيهاجموا الحاجات الحلو ة ممكن عشان شهره طب لو هيه قالت الحجاب حلو هتظهر علي التلفزيون ماشيه بمبدا خالف تعرف |
الحقيقة انا مشفتش البرنامج بس كل اللى اقدر اقوله حسبى الله ونعم الوكيل ولا حول ولا قوة الا بالله انا مش عارفة الناس جرى فيها اية صعبانة عليها قوى تشوف ناس ملتزمة بتعاليم دينها مش كفاية البلاوى التانية اللى الواحد بيشوفها ربنا يهدى
|
ممكن لحظة من فضلكم؟؟؟
طريقة الكلام بتاعتكم دي هي اللي مخليا البنات واخدة فكرة غلط عن الحجاب؛لانهم شايفين ان المتدينين كلامهم ضلمة زي حياتهم.. عشان كده عايزين كبنات او شباب يكون مناقشتنا للموضوع منطقية بشكل هادي ومتزن......اتفقنا؟ نيجي بقى للمهم: مع احترامي للاخت اللي جت ف البرنامج...انا شايفة ان دي مجرد وجهة نظر شخصية ليها ..ليس الا...واحنا والله مش موافقين عليها.. لان الحجاب فرض زي ما الاية بتقول:(قل للمؤمنات يغضضن من أبصارهن ويحفظن فروجهن ولا يبدين زينتهن الا ما ظهر منه...) مع خلاف العلماء ع النقاب او الحجاب....مش مهم...المهم انه فرض دلوقتي. نيجي لنقطة الاطفال: والله طالما لسة البنت لم تبلغ فمن حقها الا تتحجب.....ولكن لو اتحجبت مش حرام ولا حاجة... المهم ان يا ريت نتكلم بالمنطق والامور هتتظبط بإذن الله. انا بقى يالا بينا |
والله انا مش عارف اقول ايه
كل شويه حد يتكلم في الموضوع ده مع ان موضوع الحجاب ده مفروغ منه ربنا يهدينا كلنا |
بجد ناس غريبة فعلا كأن الحجاب جايبلهم ارتكاريا ههههههههههههههههههه
وبجد ربنا يهديهم ويهدينا |
يا معلم يلا بينا انا قلت اني واحد مش متدين للدرجة يعني مثلا بصلي لكن لا سايب شوية الدقن ولا مبسمعش اغاني و دي حاجة مش بباهي بيها.اسأل الله ان يهديني و كل شباب المسلمين.
لكن اللي عايز اقوله ان الكلام ده ميستفزش بس المتدين اوي. و واضح فعلا ان الناس دي رغم ان اسمهم مسلمين لكن عندهم المصطلح اللي الغرب استحدثه (اسلام فوبيا). و زي ما انتو قلتوا الحجاب حاجة مفروغ منها و كل الشويخ اجمعوا عليها مفيش كلام حتى لو شيخ من بتوع الحكومة بيحاول يزوغ من الكلام و يقولك لكن احنا عايزين نهتم بالاخلاق اكتر من الشكل لكنه معترف انه فرض. انا قريت مرة شوفو كده الرسول قال ايه. قال رسول الله صلى الله عليه واله (( كيف بكم إذا فسدت نسائكم وفسقت شبابكم ولم تأمروا بالمعروف وتنهوا عن النكر فقالوا اويكون ذلك يا رسول الله ؟ فقال كيف بكم إذا أمرتم بالمنكر ونهيتم عن المعروف فقالوا ويكون ذلك يا رسول الله ؟ نعم وكيف بكم إذا رأيتم المعروف منكرا والمنكر معروفا)). (و ده اللي بيحصل دلوقتي بينهوا عن الحجاب..لا و الاخيرة اللي هي رؤية المعروف منكر و المنكر معروف يعني الحجاب دلوقتي بيظهروه في الاعلام كأنه شبهه). بجد صدقت يا رسول الله. و شكرا لمروركم |
بجد احسن حاجة قولتها... جتكوا القرف مليتوا البلد:mad: والناس ديه فعلا كتروا اوي كل واحد او واحدة ملهمش لازمة يطلعوا يقاوحوا ويجادلوا في كلام ربنا..... ربنا يهدي الجميع... شكرا ليك على التوبيك....جزاك الله خيرا... |
ازاي دي بقت عميدة معهد ديني طب ماهي سعاد صالح كانت عميدة برضة معلش ممكن توضيح اكتر؟؟ الدكتورة سعاد صالح محجبة...ايه علاقتها بمعارضة الحجاب...:excl: |
السلام عليكم ورحمة الله وبركاته أولا التوبيك حلو أوي أنا صراحة بقرأه وببتسم إبتسامه سخيفه ليه؟؟؟؟؟؟ هاقولكم عشان الست المستضيفه وكلمتها الدين معامله مش حجاب ههههههههههههه بجد بضحك من قلبي عشان بردو مذيع علماني قالها قبل كده بس أظرف كمان الدين مش قالب بل قلب مش مهم الشكل والحجاب ده إقتراح لتعذيب المرأه ومنعها الحريه حبه حبه كده ونرد عليهم إذا كان هوا غلط وحاجه مش مهمه فبتناقشوه ليه إشغلوا نفسكم بالأهم بالبلد بالبطاله بالتسول والسرقه والجرايم لكن في الأصل الإعلام لا يتناقش إلا في القضايا الدينيه المقصود بيها التشكيك لاغير الناس الللي بتقول الحجاب مش فرض وربنا قاله أي نعم في القرآن بس ما قالش فرض فاقرأوا السوره من أولها في سورة النور (سورة أنزلناها وفرضناها) يعني كلللللللللللللللللللللللللللللللل كللللللللللللللللللللل كلللللللللللللللللل من غير مناقشه كل الأحكام اللي فيها فرض وبعدين ياجماعه رضينا بالإسلام ليه مانرضاش بكل مافيه هيا الدنيا دي إيه؟؟؟؟؟؟؟؟ وفيها إيه يستاهل نضيع ونحط نفسنا في موقف حيره والله بجد كلها كام يوم كام يوم بس وتخلص كام بالضبط؟؟؟ مش عارفين شهور سنين أيام دقايق ثواني الواحد مش عارف إيه رأيكوا ناخد الدين بالفروض بالواجبات جربوا كده لمدة شهر شوفوا هتحسوا بإيه؟؟ ماحدش هيعرف يوصف الإحساس لأنه سعاده خياليه عايزين نقرب من ربنا لأنه الملاذ الوحيد أنا متأسفه على الإطاله تقبلوا مروري وفائق إحترامي للجميع أختكم الزاهــــدة.. |
بجد والله مش عارفة اعمل ايه او اقول ايه بس ربنا يرفع عننا البلاء ويهدي العاصي بس على الرغم من الكلام اللي بيقولوه عدد البنات اللي بتلبس الحجاب بيكتر ويزيد بسم الله ماشاء الله وهم ربنا انشاء الله هاينزل غضبه عليهم ويريحنا منهم
|
اقتباس:
هههههههههههههههههههههه آمين يارب بس نقول يارب إهديهم وربما كانوا هما ذخرا للإسلام والمسلمين ولا أحد يعلم ربنا يكرمك |
حسبى الله ونعم الوكيل
امتى امثال دول يفوقوا بقى ربنا يهديهم طب وليه هم شاغلين نفسهم بالمحجبات المحجبات عاملين ايه يعنى ده اقل حاجة انه بدل ما يكون فى قسم واحد للملابس بقى فيه اتنين محجبات وغير محجبات المحجبات بيعملوا ايه بيأثروا على اقتصاد البلد ولا الثقافة والحضارة وان الحجاب عندهم تخلف بجد ربنا يهديهم وان شاء الله يرجعوا لدينهم ويكفروا عن ذنوبهم وربنا يثبت المحجبات على حجابهم يارب |
اقتباس:
شكرا لمرورك |
اقتباس:
بالنسبة لفرض الحجاب في القرآن اعتقد القرآن ماوردش فيه سنن و لما بيكون في حاجة مش فرض بيكون موجود وراها انها مش اجباري. حضرتك قولتي ناخد الاسلام بكل ما فيه..الناس دي بقى مبتاخدش من الاسلام غير انهم يستعدوا لرمضان بالمسلسلات. شكراعلى ردك اقتباس:
شكرا لردك اقتباس:
ربنا يهدي الجميع شكرا لردك سلام عليكم |
اقتباس:
|
أنا بقا هتجنن واسم الفليم ده
|
انا مختلفة معاكم كلكم واؤيد فاطمة الزهراء
هى مش قصدها تسئ للحجاب بس دلوقتى الحجاب بقى عادة اجتماعية وليس تدين يعنى البنت الغير محجبة المجتمع بينظر لها نظرة وحشة وكانها عارية يعنى المجتمع لازم ميدخلش فى موضوع الحجاب ده عشان دى حاجة بين العبد وربه وعموما دى حرية رأى ولازم نحترم حرية الرأى وبعدين معظم البنات المحجبات مش بيصلو ولبسين ضيق يبقى ايه الفايدة وانما بالنسبة للبنات المحجبات حجاب شرعى ولبسين لبس واسع ربنا يكرمهم ويثبتهم لكن انا مش عايزة الموضوع يتحول ويبقى الحجاب شرط فى المجتمع المصرى والبنت الغير محجبة دى بنت مش محترمة يعنى المجتمع المصرى سايب وجود الخمرة والديسكوهات و المخدارات وجاى يتكلم ويقول الحجاب عموما دى حاجة فى الدين مش هنقدر نفرضها على كل الناس هو يعنى الناس كلها بتصلى؟؟؟ومع ان الصلاة فرض ومش بنتكلم فى الموضوع ده بس فالحين نقول الحجاب فرض ونتكلم فيه اوى ياعم دى علاقة بين العبد وربه ياريت الناس والمجتمع ميدخلش فيها |
وكمان متظلموش البنت لانها اصلا بتتكلم على اجبار البنات للبس الحجاب ممكن يسبب مشاكل نفسية
انما البنت اللى اتحجبت من نفسها ربنا يباركلها وبعدين الدكتور سعاد صالح كانت مأيدها و عطت مثل ان فيه راجل عنده بنات اول ما بناته وصلو للبلوغ قعدهم من المدرسة و لبسهم الحجاب و جوزهم وهما لسة بنات صغيرين هو فيه حد يقبل كده على نفسه فهما بيتكلمو على البنات دى والمشاكل النفسية اللى بتحصلهم وفى ناس بيجبرو البنات انهم يتحجبو المفروض ان دى حاجة بين العبد وربه ولا اكراه فى الدين بصراحة الحلقة كانت جميلة وكان فيه دكتور نفسى موجود وبصراحة اللى كاتب الموضوع ده مصور لكم ان فاطمة الزهراء ضد الحجاب وده شئ غلط هى ضد البنات اللى بيتحجبو بالعافية مجرد انهم وصلو سن البلوغ يعنى مثلا نفرض ان باباك اجبرك على الصلاة وانت صغير اكيد هتصلى خوفا من ابوك وليس خوفا من ربنا الحجاب نفس الموضوع لازم القرار البنت هى اللى تاخده بنفسها |
اقتباس:
يعنى هى لاهى داعيه او شيخ ولا حتى محجبه فهى مش واحدة مسئواله عن كدة عشان انها تقول كدة حد فهم حاجة |
اقتباس:
انا فاهمة لكنها عملت فيلم وثائقى قصير عن الحجاب فى مصر و ناقشت فى الفيلم موضوع البنات اللى بتتحجب بالعافية وتأثير ده على نفسيتهم وتأثيره على اخلاقهم بعد ميكبرو والمشاكل اللى بتحصل لما البنت تتعرض للحجاب بأمر من الاهل عن غير رضى وكانت الحلقة فيها الدكتورة سعاد صالح دكتورة فى الازهر و دكتور نفسى وناقشه الموضوع بموضوعية وقالو فعلا لازم البنت هى اللى تختار الحجاب بنفسها وميكونش غصب عنها وبس ده اللى حصل كانت حلقة جميلة ومفيدة ومحدش هجمها هى مش بتتكلم عن الحجاب هى بتتكلم عن المشاكل النفسية اللى بتحصل اذا البنت لبست الحجاب بالغصب وخصوصا وهى صغيرة وادينا بنشوف قدام عنينا بعض البنات منقبات بالأكراه و بيعملو ايه برا بيتهم احنا مش عايزين كده احنا عايزين كل حاجة تكون بالرضى لان اذا كانت المحجبة او المنقبة بنت اخلاقها غير سليمة فهى هتشوه صورة الاسلام فيجب ان يكون الحجاب بالرضى وده كان موضوع الحلقة هى ولا بتضهد الحجاب ولا حاجة الله يكرم كل بنت محجبة |
اقتباس:
قاصدك بس هى مش محجبه عشان كدة المفروض ماتتكلمش لان كلامها هيتاخد بحساسيه زى بالظبط لو واحد اتخانق مع واحد مينفعش حد من اقرايب الاتنين يحكم مابينهم هى بردو مش محجبه عشان كدة ماينفعش تتكلم عن الحجاب ولاهى داعيه ........... المفروض للي تتكلم في الموضوع دة حد محجب مش زيها او داعيه اسلاميه محبوبه زى د ملك وليست د سعاد لان دول للي حد هيسمعلهم انما زى للي اتكلمت دى الغرب هيبصلها لانها مش محجبه وهينبسط بيها وصوتها هيبقي مسموع برة اكتر وهيقولك شفت بقي الحجاب عاملهم مشاكل ازاى والبنات بتلبسه غصب عنها وتثبت الفكرة للي هما معتقدنها ان البنات بتلبسه بالغصب ويجى الكلام دة يوصل للعالم الغربي يبقي منلومش ساركوزى رئيس وزراء فرنسا لما صرح من شهر ونص كدة وقال ان الحجاب هو رجعيه وتخلف ورمز للتتخلف ويبقي مانلمهومش ازاى لغوا الحجاب ولا النقاب في اوربا ................. شان كدة المفروض للي يناقش دة حد من الازهر او داعيه اسلامى ولكدة بقول مش دى هى للي تبقي حد عشان تقول كدة |
اقتباس:
ايه يا مصريين هى كل حاجة الغرب الغرب احنا مالنا بالغرب هما الغرب هينفعونا لما بلدنا تبوظ احنا بنصلح حاجات موجودة فى مجتمعنا احنا عايزين بلدنا تبقى احسن وبنات مصر يبقو احسن ولا عندهم مشاكل نفسية ولا بتاع ويحبو الحجاب من نفسهم ويلبسو برضاهم عشان يبقو شخصيات سوية ولكن لما نقول الغرب الغرب خلاص خليكم عاملين حساب للغرب وسيبو شبابنا يبوظ وبناتنا تبوظ و الدين نخاف منه واحنا فهمين فى مصر الدين غلط دلوقتى لما البنت لازم لما تبلغ لازم تلبس الحجاب نفسيتها هتكون ازاى هتخاف وهتحس ان الدين اجبار وعسر لكن كل حاجة بالرضى والحب لكن لما الحجاب يبقى غصب هيعكس على شخصيتها التمرد وساعتها ممكن تعمل حاجات تشوه الاسلام والغرب يقولو شوفو البنت المحجبة دى بتعمل ايه البنت المحجبة فى الديسكو امال بيقولو ليه الاسلام محرم الديسكوهات والحاجات دى مهما زينا اهو على فكرة بجد الديسكوهات فيها بنات محجبات ولابسين اسدال كمان وبيرقصو والكافيهات عليها محجبات مسكين الشيشة وشفت ده بعينى خلاص يا سيدى احنا غلطنين اننا بنحل مشاكل بلدنا عشان خاطر عيون الغرب يااااه ده احنا بلدنا جميلة و مبسوطين اوى و معندناش مشاكل خالص بلدنا نظيفة وشبابنا ماشى مظبوط ولا بيعاكس لا بيتحرش والبنات مبسوطة ومرتاحة ما احنا بنحب المنظرة اللى على الفاضى دى خلى الغرب يفرحو بقى وكل حاجة بتيجى على دماغنا فى الاخر وموضوع انها محجبة او لا هى بتناقش مشكلة اجتماعية مش دينية وبعدين ليه الازدراء ده لغير المحجبات انا مش محجبة يعنى معنى ذلك انى مدخلش فى مشاكل بلدى ومعنى ذلك انى متكلمش عن دينى ومعنى ذلك انى مكنش مسلمة خلاص بقى مدام مش محجبة بتتكلم على الدين ليه ؟؟ والله امركم عجيب |
ممكن اقولك يا لا يوجد اسم انتى لا تفقهى اى شئ فى الدين و سطحيه جدا و محتاجه تقعدى مع واحد شيخ ضرورى جدا
بتقولى الحجاب حاجه بين العبد ربه و المفروض الناس مش تدخل بس ربنا بيقول بسم الله و لولا دفع الله الناس بعضهم ببعض لهدمت صوامع و بيع و مساجد يذكر فيها اسم الله .الناس بتدعوا للخير و ليس للفجور فما هو العيب بعدين ما هو الاجبار فى ارتداء الحجاب انتى بتلبسى الحجاب طاعة لله و محبه لله و رسوله غير انه فرض عليكى كمسلمه هاتى شرايط و كتب و حاولى تفهمى الدين صح .من يتحذ الدين حسب هواه يعنى على كفيه فهو ليس على دين انما مع نفسه و حسابه على الله .لازم تحبى ربنا و تدعيه اللهم اقسم لنا من خشيتك ما يحول بيننا وبين معصيتك و من طاعتك ما يبلغنا جنتك.اجعلى من عائشة رضى الله عنها زوجة النبى صلى الله عليه و سلم قدوة لكى و لا تجعلى الممثلات قدوة سيئه لكى |
اقتباس:
فاللي بتتكلم دى مش اهل لكدة اصلا انما تتكلم واحدة مش محجبه وفي حاجة مش بتاعتها دى غلط وخصوصا ان ممكن دى صوتها يوصل زى ماقلت برة لانها شكلهم مش محجبه فصوتها مممكن يسمع برة اكتر ................... وبالنسبه انها بتناقش مشكله اجتماعيه مش دينيه فصل الدين عن كافه امور الحياه هو للي مودينا في داهيه يعنى لو بنطبق كل امور الدين في كافة الامور في حياتنا كان انصلح حالنا لكن احنا بناخد حجات من برة مش بتاعتنا وبالتالي دة للي بسبب المشاكل زى لبس البنات فبعض البنات بتلبس زى للي برة وطبعا دة مش مناسب لينا هنا في مصر فيطلعوا البنات دى في الشارع فبالتالي مزيد من المشاكل ومزيد من عدم الانضبط لاننا اخدنا حاجة مش بتاعتنا وعايزيين نمشيها عندنا انما لو مشينا ع دينا وعادتنا وتقالدنا هنتقدم زى بالظبط واحد عنده ازازة وليها غطاها وبيغطيها تمام بس لقي غطى هو شايفة شيك جدا جدا جدا بس مش غطاها و رمى الغطى القديم واستخدم الشيك لكن للاسف الغطى الجديد دة مش بيدخل في الازازة او مش بيغطيها لانه مش بتاعتها .............. مفيش حاجة اسمها اذدراء مصر بلد اسلامى ودستورها اسلامى والحجاب هو لبس المراءة في الاسلام فبالتالي اي واحدة مسلمه مش محجبه فبيتم بعدها عن الصورة من قبل المجتمع لانها مش بتحترم تقاليد الدين الاسلامى ودة طبيعى جدا ولو المجتمع معملش كدة يبقي فيه خلل وامراض نفسيه زى مثلا تركيا للي ماشيه بعكس الصورة دى بسبب انها انفتحت علي الغرب وتقاليدها بقيت كلها غربيه لدرجة انهم بيتذللو عشان ينضمو للاتحاد الاوربي فدوله زى تركيا فيها اختلالات كتير لدرجة ان بوش سنه 2007 قالها بالحرف الواحد ليه ما يبقاش العالم الاسلامى زى تركيا |
الاختلال الحقيقى هو اللى فى مجتمعنا احنا
بس مش هقول حاجة غير الى متى ؟؟؟ الى متى هيفضل مجتمعنا بالعقلية دى مكنش ده مجتمعنا ولا كانت دى بلدنا واذا بتقول ان المجتمع البنت لازم تلبس فيه الحجاب عشان شكل المجتمع يبقو اطردو بقى المسيحين من بلدنا انا حاسة انى بستمع لجماعة الأخوان المسلمين عموما مجتمعنا المفروض انه ديمقراطي و لما تغصبه حد على اى حاجة هينعكس بالسلب وعموما تركيا بلد متقدمة اكتر مننا بكثير بس هرجع تانى اقول ان البنت فاطمة الزهراء دى محترمة ومكنش قصدها الاساءة بأى شكل واهل العلم كان معاها ومأيدنها واهل الدين كانو معاها ومأيدنها واتقو الله فى البنت وبلاش الهجوم ده عليها وياريت تتفرجو على الحلقة قبل ما تتكلمو وياريت محدش يقتبس تانى ردى ويرد عليه لانى ابتديت اتعقد بجد |
حد قال المسيحية تلبس حجاب بنتكلم عن المسلمه و بعدين ايه اللى دخل تركيبة المجتمع
هو لازم المسلمه نخلع الحجاب عشان تركيبة المجتمع تبقى واحده او تلبس المسيحيه الحجاب كل واحد ليه دين بيفرض عليه حاجات لازم يعملها عشان يدخل الجنه و ربنا يرضه عنه تفكيرك غريب جدا البلد المتقدمه فى عقلك هى بلد من غير حجاب هو بيبقى عجبك منظر الفتاة من غير حجاب بالعكس الحجاب بيديها احترام و وقار و حكاية الاخوان المسلمين انا ضدهم مش معاهم بس خلط الدين بالسياسه و قضياتنا اجتماعيه انا و غيرى نحب نشوف اختنا محترمه محدش بيعكسها و لا يقول عليها نص كلمه |
اقتباس:
كمان خلتونى ضد الحجاب انا قولت كل محجبة بارك الله فيها انا ببقى مبسوطة لما اشوف بنت محجبة بس انا ضد الاهل اللى بيجبرو بناتهم على الحجاب يعنى انت مثلا بنتك هتقولها البسى الحجاب هتقولك لا يابابا انا مش مؤهلة انى البسه دلوقتى هتقولها ده فرض ولازم تلبسى هتقولك استنى عليا شوية لما اكون مؤهلة نفسينا و البسه عن رضى هتعمل ايه ساعتها هتضربها وتلبسهولها بالعافية ولا هتستنى عليها ؟؟؟؟ |
اقتباس:
ولازم تصلي هتقوليلي نفس الكلام اصل مش مؤهله الحجاب بالظبط كدة زى الصلاة فرررررررررررض |
اقتباس:
بس استنتج من كلامك انك هتلبسهولها غصب انا فهمت دلوقتى انت معترض ليه على الموضوع عموما ربنا قال لا اكراه فى الدين وان الدين يسر يعنى فى اولويات لازم اعملها هى العربية بيصنعوها ازاى بيصنعو الغطاء الاول وبعدين الاساس ولا الاساس اولا ربنا مع بناتك |
اقتباس:
وفي نفس الوقت الرسول قال اضروهم من سبع وقال ان الاب والام مسئولين عن الطفل وقال ان الحجاب فريضه ربنا فعلا يكون معاكى |
اقتباس:
هو حضرتك محجبة؟ لو فيه بنتين ماشين قصادك واحدة مش لابسة حجاب والتانية لابسة حجاب سيبك من الي لابسة حجاب ومحذق انا بتكلم ع الجانب الكويس يا ترى انهي واحة فيهم انتي بتتمني تبقي زيها؟ وبعدين حضرتك بتقولي المفروض نصبر ع البنت لحد ما تبقى مهيأة نفسيا مش فاهم ازاي يعني طيب نفرض مثلا انها مبقتيش مهيأة نفسيا خالص حتى بعد ما عدت العشرين سنة؟ يا ريت حضرتك تراجعي نفسك وتقري القرآن كويس وهتلاقي ان الحجاب فرض صريح جدااااااااا وربنا يهدينا ويهدي جميع المسلمين |
انا شفت البرنامج ومقدرتش اكمل عشان كلامهم مستفز ليا ولو كانوا فاتحين الاتصالات لكنت كلمتهم
بس للاسف الشديد مش متاح تانى حاجة انا فى جامعة وبالاخحص كلية اداب جامعة المنصورة والمعظم يعرف ان كلية اداب فيها مالذ وطاب (مسخرة _قلة ادب_انعدام تربية_اسفاف_انحطاط) ولو عايزين تزودوا زودوا وانا بعترف ان معظم الكلية كده بس فيها ربع كويس ربع محترم ومحترم بجد متحولوش تقولوا اصل البنت المحجبة مش بتعمل بيه والكلام المفرقع الكبير ده امال اللى مش محجبة بتعمل به؟ اللى تلبس اسفة فى اللفظ محذق وملزق وجمسها باين وكاشفة شعرها وماشية كانها عندها فقرة وراحة تاديها دية محترمة اصل الحجاب حجاب القلب وتلاقيها تكلم ده وتسلم على ده عاااااااااااااااااادى متبقاش رجعى ومتخلف ياجاهللى انت من العصر الحجرى وفيها ايه لما تسلم على صاحبها نفسى افهم برضه هو صاحبها ده مش محلل للجواز ليها ولا ايه؟؟؟؟؟؟؟ بصراحة الاهالى عاوزين تربية من جديد وكله كوم والمسلسلات بصراحة والله العظيم انا لو بنتى قاعدة هقولها قومى متتفرجيشى لانها هتكتسب سلوكيات زفت وهتسمع كلام ازفت ومناظر زبالة مش عارفة ايه اللى جرى لنا للدرجة دى بقا سهل اوى نبيع قيمنا وتعاليم ديننا اللى هو اطهر دين على وجه الارض اللى كرم المراه وادى لها كل حقوقها اللى كرم المراه واعطى لها اطول سورة فى القران وهى سورة النساء الناس بتنخر عن هدم عفاف المراه ليه عشان هى البذرة بتاعة الاسرة ولو البذرة صالحة هتطلع جيل ونشا صالح البذرة مش تمام هتطلع رقاصات ورقاصين والبقية تاتى للاسف الغرب عرف ازاى يخترق الاسلام من خلالنا احنا كل حاجة بنطلع لها مبرر ونفسر الايات على مزاجنا واللى يناسب هوايا ونفسى وشوفوا الطريق ده كله فى طريق تانى فى قنوات الاسلامية جميلة اوى اوى وعلماء ربانين فعلا لا عاوزين شهرة ولا فرقعة عاوزين وجه ربنا الكريم ورضاه عليهم وبلاش ذكر اسماء عشان منساش حد لانى بحترمهم وومقدرش انسى واحد فيهم |
بارك الله فيكى بس غالبا ً الأم هى المحرض الاساسى على تسيب و انحلال بنتها بتسمح لها بالخروج من البيت بملابس اقل ما يقال عنها انها لا تستر شئ يمكن فاكره ان بكده بنتها ح تغرى الولاد ويروحوا يخطبوها على طول
|
اقتباس:
فلا تتعجب يا أخي أن يبقى في زمن لا نبوة فيه ولا معجزات ولا آيات بينات لا تتعجب أن يوجد من ينكر الحجاب تارة ومن ينكر السنة تارة ومن يتشيع تارة ومن يلحد تارة .. لا تتعجب يا أخي ولكن أبشر فقد قال الصادق المصدوق .. الخير في وفي أمتي إلى يوم القيامة .. صدق رسول الله صلى الله عليه وسلم اقتباس:
أختي الكريمة (لايوجد اسم) انتِ لستِ ضد الحجاب أنتِ ضد فرض الحجاب والإجبار عليه.. وأنا معكِ إن كان الفارض هو أباكِ أو أخاكِ أو أمكِ وإن كان الفرض هذا مخالفاً لله عز وجل فلا طاعة لمخلوق في معصية الخالق ولكن أختاه // ما بالكِ لو كان الفارض للحجاب هو الله.. أعطاكِ الله حرية اختيار الدين قال تعالى "لا إكراه في الدين قد تبين الرشد من الغي" ولكننا عندما نرضى بدين ما يجب أن نتبعه وتعاليمه ونتقيد بأوامره ونواهيه يقول الله عز وجل : "يَاأَيُّهَا النَّبِيُّقُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن ... " إلى آخر الآية التي فيها أمر صريح بالحجاب وصفة لملبس المرأة في الإسلام ولذلك أصبح الأمر إلهي وماكان لنا أن نختار في أمر الله عز وجل .. ولكن الحق الوحيد الذي لنا في أوامر الله أن نسأل : لماذا؟ وليس هذا هو مقامنا .. أعلم أنك لست ضد الحجاب ولكنك ضد الفرضية والإجبار من الأهل والكبار اهدأي إذاً بالاً فالفارض هو حبيبنا إلهنا الله عز وجل ولكِ أن تسألي لماذا أصلي؟ لماذا أرتدي الحجاب؟ لماذا أصوم ؟ لماذا .. ألف مليون لماذا؟ حتى تقر عينك .. أختي الكريمة |
:)
اقتباس:
واسأل الله ان يهدي بنات المسلمين |
انا شوفت الحلقه دى والله موضوع يكسف بيهاجموا كتير المحجبين مع انه فى القران الحجاب فريضه بيدوشوا دماغهم كتير بكلام فاضى وحريه المراه ويخدوا الهبل والعبط من الغرب ويحاولوا يمشوا عليه وانت عندك حق فى كل الى انت قلته عليها علميا الاطفال نسبه ذكائهم عاليه جدااا
|
بلد الحجاب و العفه و الناس الطهره لو اللى ملهاش اسم مش عجبها البلد تروح تقعد فى تركيا معندهمش اى قيود على البنت
|
| جميع الأوقات بتوقيت GMT +2. الساعة الآن 12:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.