|
مش بحب مدينة الفئران..... قصدي المدينة الجامعية
بسم الله الرحمن الرحيم رمضان كريم وكل سنة وانتو طيبين *انا من المنصورة ومجموعي جاب حاسبات ومعلومات الزقازيق *معني كده ان انا لو مقبلتش ف التحويل هروح مدينة الفئران... قصدي المدينة الجامعية *لما سألت واحد زميلي اكبر مني من المنصورة في حاسبات الزقازيق عن المدينة الجامعية في الزقازيق.... وصفهالي وكأنه بيوصف بيت رعب او مدينة فئران *مفيش كهربا...:(...ممنوع آخد اللاب توب معايا إللا بإذن من 100 جهة مسئولة ف الجامعة ولازم واسطة مع إن اللاب هام جدا بالنسبة للكلية :(، اكل مش كويس:( الحجرة فيها 6 طلبة :(وغرف مش نضيفة :( ،سراير سجون :( مفيش رقابه :o، سرقة منتشرة ف الجامعة :(، يعني انام ف الشارع احسن ههههههههه:d:d:d *إيه رأيكو بفكر مدخلش الكليه لو محولتش المنصورة لا قددر الله *والناس بتوع التنسيق بيلعبو بأعصابنا:049gc0: وكل يوم يعطو معاد للنتيجة :angry2: *أفتووووني بليييييز |
متهيألى بيكون فيه بيوت طلبة غير المدينة الجامعية بس مش عارفة دى بتكون الاقامة فيها كويسة او لا بعدين ممكن لو تعرف اصحاب ليك برضو ف الزقازيق تأجروا شقة وتقيموا فيها وان شاء الله التحويل يتقبل .. ربنا يوفق حضرتك |
شكرااااااااا
بس بيت الطلبة معروف انه مش مضمون
|
لا انا كان لية قريب جاتلو هندسة المنيا مدخلش المدينة الجامعية وراح بيت طلبة لا احسن من المدينة الجامعية انت بتعد تدور هناك على مكان كويس بيبقى فيه اكتر من مكان واستحمل هي ان شاء الله سنة وبعد كدة تحول المنصورة وان شاء الله خير
|
اجر شقه انت و صوحابك
و ده افضل حل بس نقي صوحاب كويسين |
كنت لسا هقلك الأقتراح الى قلهولك محمد
اجر شقه انت و صوحابك و ده افضل حل بس نقي صوحاب كويسين |
على فكرة المدينة الجامعية فى الزقازيق مش بالصورة اللى وصفهالك صديقك
فيه اكثر من مدينة جامعية فى الزقازيق مدينة الاشارة ومدينة البطراوى فى شارع فاروق ومدينة العبور وكلها كويسة بس المهم انك تنقى زملاء كويسين وكمان فيه بيت الطلبة دا مكان كويس جدا .. والحل اللى قالوه زملائك وهو تأجير شقة حل ممتاز .. وبعدين المنصورة والزقازيق مش بعيد عن بعض يعنى ممكن تسافر يوميا ووسائل المواصلات متوفرة بجميع انواعها , أنا بسافر المنصورة يوميا فى الملاحظة والتصحيح للثانوية العامة ومفيش اى مشكلة .. على كل حال ربنا يوفقك ويقبل تحويلك .. وتقبل تحياتى |
يا خي لا قدر الله لو التحويل الالكتروني ماتقبلش اعمل ورقي ان شاء الله مضمون بنسبة 100/100 تكلفته رسوم تحويل 100 جنية و لما تيجي تدخل حاسبات المنصورة ممكن يطلبو تبرع في حدود 500-1000 جنيه و ان شاء الله التحويل يتقبل
|
انا نفس الكلام فى حاسبان الزقازيق وعاوز احول المنصورة بس انا سايبها على الله تيجى متجيش مش فارقة
|
بس انت قدمت مدينة جامعية؟
|
ان شاء الله التحويلات تتقبل ونخلص كلنا من حكاية المدينة الجامعية دي
|
رد
اقتباس:
لا لسه ما قدمتش بس مستني النتيجة اللي مش باينلها ظهوور بس اصحابي بينصحوووني احجز فيها قبل التحويل بس انا مكسسسل :):):):):) |
المشكلة ان انا معرفش مين كويس ومين مش كويس عشان اقعد معاه في بيت الطلبة عشان انا الوحيد من صحابي في الزقازيق بس ربنا يسهل واقبل المنصورة عشان الفرق في المجموع نصف درجة بس
يعني الاولويه ليا ان شاء الله وربنا يسهل |
اقتباس:
|
رد
اكيد الحل دا هو الباقي وهعمل بيه ان شاء الله:friendsxs3:
|
اية يا عم الكلام دة هو انت داخل بيت رعب ولا اية وبعدين ازاى مفيش كهرباء لو كدة مش هتلاقى حد قاعد فيها اصلا وبعدين انا قبلت فى هندسة المنيا وانا من اقاهرة وقدمت فى المدينة الجامعية وبعدين عادى لو معجبتنيش همشى واروح اى حتة اقعد فيها
|
اقصد مفيش فيشة كهربا عشان اشغل اجهزة كهربيه عشان كدة زمايلنا هناك بيتعرضو للخطر عشان يشغلو الأجهزه بطريقة غير مشرووعة
|
بص انا دخت عقبال مستقر على راى انت قدامك 3 حلول
1.تدخل بيت طلبة وهو غالى وغالبا بعيد عن الكلية وتجيب اكلك بنفسك وياريتة نظيف داه معفن اكتر من المدينة 2. تقعد فى شقة وساعتها هتفلس بباك وهيقعد يذلك بفلوس الشقة لو مجبتش تقدير وكمان سهل اوى ان حد يسرقك يعنى مفيش امان 3.المدينة الجامعية زباله و 6 فى اوضة وسراير سجون بس ونس ومش قذرة اوى زى ما انتا متخيل طبعا انت هتاخد البطنية الى بيدوهالك تعملها سجادة والاكل تاكلة للفران الى هيبقو اصحابك الانتيم من كترهم بس هتحس انك قاعد فى مكان ونس وفية ناس ومش شرط تذاكر فى الاوضة ممكن تذاكر فى الكافتريا او اى حتة ولو انت فعلا عايز تذاكر هتذاكر على فكرة انا لفيت على كل دول واستقريت على المدينة الجامعية جرب وانت ونصيبك وكل واحد غير التانى وانا اعرف ناس دخلو المدينة واتعينو معيدين فى الجامعة وربنا يوفقك |
لووووووووووووووووووول
الحمد لله :av4056bb7jp3:
الحمد لله :av4056bb7jp3: الحمد لله :av4056bb7jp3: الحمد لله :av4056bb7jp3: الحمد لله :av4056bb7jp3: الحمد لله :av4056bb7jp3: الحمد لله :av4056bb7jp3: الحمد لله :av4056bb7jp3: انا قبلت في حاسبات المنصووووورة و وداعا يا مدينة الفئران:p:d |
طب الحمد لله
ربنا بيحبك عقبال التخرج بئة |
انا لسه داخل المدينة ادعيلى انها تكون حلوة
|
ان شاء الله
|
انا لسه داخل
انا لسه داخل المدينة ادعولى انها تكون حلوة
|
اقتباس:
|
طب ممكن ايميل الولد اللى كان فى الزقازيق؟
|
اقتباس:
ان شاء الله يكون كلامي كله غلط يا احمد باشا وكان نفسي نكون اصحاب ف الزقازيق بس دا نصيب وقدر الله وما شاء فعل و باذن الله نكون علي تواصل دايما |
| جميع الأوقات بتوقيت GMT +2. الساعة الآن 12:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.